17 ونص!

Quote: الاخ محمد صديق سلامات وعوافي في البداية انا اعتبرك واحد من الزملاء المفيدين جداً في هذا المنبر ودا رأي شخصي اتكون من خلال بوستاتك الجديرة بالاهتمام ما اظن يا محمد صديق في زول عاقل يكون ضد اخذ الحقوق بالقانون .. يعني دا شيء متفق عليهو بين كل الناس على ما اظن انا لست ضد المحكمة ولكن انا ضد التباكي في البوستات والتهديد بالمحكمة والقانون .. بصراحة دا شيء مضحك في تقديري الشخصي ما اظن الشكوى وايراد لستات الشتائم كلما سنحت الفرصة حا يردلك حق ، ممكن يتعاطف معاك بعض الاعضاء ولكن ما الفائدة من التعاطف هنا؟؟ النقاش في البورد دا نادراً ما يخلو من الاستفزاز ومن الشتيمة وكلنا يعلم ان معظمنا يضيق زرعاً بالاختلاف الا القليل منا لذلك تبادل الشتائم اصبح واقع لا نستطيع انكاره في هذا المنبر وهو بالتأكيد شيء غير محمود .. لكن يحدث انا شخصياً لو تعرضت لشتيمة او استفزاز عندي تصرفين في حالة الشتائم العادية اما رديتها او انصرفت عنها وانا دائماً افضل الاخيرة اما اذا كانت الشتيمة لا استطيع تخطيها فلن اكلف نفسي عناء الردود او النقاشات او الشكوى داخل المنبر على طول بمشي المحكمة وارفع دعوى ضد من شتمي ولا من شاف ولا من دري الى ان يقضي القاضي ويبت فيها وبعد ما اخد حقي بجي افتح البوست هنا واملك الزملاء كل الحاصل دا رايي وتصرفي الشخصي يا محمد صديق واكيد لا يلزم به احد ولكل منا زاوية شوفو. عشان كدا سؤالك عن اللستة وهل هي سبب كافي دا يرجع لتقديرك الشخصي وليس لتقدير الاعضاء او اي زول تاني ما قدرت تتخطى الشتائم دي يا تردها يا تقاضي الشخص النعتك بها او تتجاوزها ولك مطلق الحرية بالتأكيد تحياتي واحتراماتي