17 ونص!

Quote: القصه كلها قلنا (انسب ) و (ذات جدوى انتاجيه) يعنى يعنى افضل منطقه للحصول على طاقه شمسيه بواسطه المزارع الشمسيه لاستخدامها فى مشاريع كبرى *حاتم بيحاول يوحى للناس انى قلت ماممكن تكون فى استخدامات للطاقه الشمسيه فى باقى السودان.

فالدولة ممثلة في وزارة المالية ما حتمول مشروع غير ذي جدوى أصلاً مش كدة!
دلوقتي أنت بكل جهوية، هو أنت منو ذاتك بالمناسبة البتحدد (الجدوى) و(النسبية) من عدمها في جمهورية السودان؟

أنت بكل جهوية الحصل أنك وضعت سن (قلمك) في عطبرة وعملت خط بعرض حدود السودان، وكتبت أنو المناطق
شمال الخط بتاعك دا المشاريع (الكبرى) بتكون (ذات جدوى انتاجية).

- (أنسب) دي ما وريتنا أنسب ليه
- و(ذات جدوى انتاجية) دي غلبك تثبتها دت

لما تتكلم عن (جدوى) يبقى عليك تثبت ذلك بواحدة من ثلاث طرق:

- إما حسابات عملتها بصورة شخصية، دي أنت ما بتعرف ليها ولا من اختصاصك ولا أديتنا حتى اسم معادلاتك الفنية نمشي نتحقق برانا.
- أو دراسة جدوى حقيقة تمت بالفعل، دي أنت ما عندك بل عامل تهريج عن (دراسات) وهمية غالباً أنت لروحك ما تفهمها.
- موديل أو مشروع مقارن تم في ظروف مشابهة جغرافياً وبيئياً وبنفس المعطيات وكان (ذا جدوى انتاجية).


دا كلو ما حصل، بس جك جرك أعملوها هنا شمال الخط بتاعي دا لأني زول بتاع صاينص وفاكتس وما بشتغل بالإيموشن
فكونك تخش وتمرق من الموية للأحواض وتقعد الإزبوع كلو مادي بوزك وتبردب وتدق في كرعينك
وفي النهاية تقول اخبطوا راسكم في الكيبورد، دي تبقى زندية ساكت وجهوية فاضحة ووقحة وما مقبولة كلو كلو.


وتظل مشكلتك في النهاية حصرك لإنشاء المشاريع بعمل خط مريب جداً بطريقة عشوائية
نحنا كمواطنين من حقنا نعرف كيف بيتم (تخطيط) المشاريع الكبرى في البلد، فلو (شخبط لخبط) ورينا
ولو حساب ولد بالدغري ياهونا قاعدين لجنس دا.

___
وأنا أخشى أن يكون الخط حقيقة واقعة بالفعل.



==========

مافي ولاية في كل السودان اشترطت عمل فحص طبي للدخول والعمل في (أراضيها).
ولا حتى أيام التركية السابقة.