رسالة إلى الملاحدة والمرتدين من ذراري المسلمين عرباً وعجماً وهجين

Quote: كيفن ما عيان؟ عيونو؟ آآآآي دعكوهن ليهو بالفوتوشوب! لمن الفي اليمين دي بقت أبيض من ضميري! عشان يبقن بيض وكبار زي الجنا جداد، أو بالأحرى (سمحات) زي حقات أولاد العرب، ماهي عقدة وبلوة بعد داك الفني مسك الجفون الفوق وجراهن باللون (الأبيض) آآي لاينر ومن ثم مسكن عين عين وكبرهن وجبدهن شمال يمين الحواجب أخدن مشى عليهن بالماوس براااااحة ساواهن من الشعيرات الطايرات بفوق وقال كدي قبل على الجبهة فقامو جلخوها بلون من تون واحد ديك ياها تراري زي رملة أم روابة، في أفريغي جبهتو ماخدة مسطرينة قدر دا؟ باقي اللون بتاع الجبهة جا نازل بيهو مزلقان شوووووو على النخرات فقامت شنو (إبْيَضَّت) زي ما بيقولوا نيس اللغة آآآي لأنو لو لاحظتي لجحار (عيونو) حتشوفي لون الأفارغة الطبيعي السمح داك بالذات الجحر حق العين اليمين لسة مع الاستعجال خلى بواقي أدلة تدل على الأصل، أصل الأشياء. بعد داك فجغن (أي النخرات) من بيجاي وبيجاي عشان يسوي ليها عمود زي بتاع تجهيز العرايس داك آآآآي لأنو النخرات ديل ما حقات الشلاليف التحت منهن أي شيء في الدونيا دي نسبة وتناسب، حتى في الفوتوشوب. أهاااااا باقي رملة أم روابة قام كشحا في الكضم اليمين فبقى مارق لبرة زي المادغ ليهو قات قومي يا الأضان فندري لبرة و(إبْيَضِّي) برضك، أسوة! وزولكم يعااااااين مبسووووط، أنتهينا؟ لسع! قووووووم يا الفني ألقط ليك صورة من الانترنت لخواجة ببدلة وشيل الجمجمة المرقت من العمرة المكلفتة دي وركبها فوق الكتافين الما بشبهنها عشان كدة تلاقي (الأضان) الشمال سوداء والرقابة حمراء زي رملة أم روابة برضو فالكتافين ديل ما حقات الراص دا كلو كلو اليجي يغالت لو بيقدر، الما عاجباهو خلقت ربه بيقوم يزبطها ويجي يحاضر النيس عن الحب والبغض دا لو لقيت ليهو فرقة زمن بجي أتموا ليكم، الانسان العجيب دا ثم كوع بنانا فأنشد غائلا: ما بين سيف الذراري وتوفيق الضهاري ضاع أملنا كتييير وما بنقدر نضاري كلامنا برررررررة وحامض زي السم الهاري ____ بنانا العجمي. ==============