رحلتي مع مرض السرطان تفاؤل وحب وسخريه

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-11-2018, 08:16 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-09-2018, 12:34 PM

tabaldy

تاريخ التسجيل: 27-04-2003
مجموع المشاركات: 1228

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: حمد عبد الغفار عمر)

    ألف حمد لله علي السلامة
    التمس العذر منك

    قصتك تستحق الوقوف عندها
    مشكور على مشارتكها في المنبر
    صحة وعافية
                   |Articles |News |مقالات |بيانات

05-09-2018, 05:23 PM

ahmedona
<aahmedona
تاريخ التسجيل: 08-01-2013
مجموع المشاركات: 6237

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: tabaldy)

    حمد لله على السلامة هجو ....

    ما تشوف شر إن شاء الله...

    أجر ومغفرة ......

    دربك أخضر إنشاء الله...
                   |Articles |News |مقالات |بيانات

06-09-2018, 06:20 AM

بشير دفع الله
<aبشير دفع الله
تاريخ التسجيل: 04-04-2007
مجموع المشاركات: 204

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: tabaldy)

    الف الف حمدا لله على سلامتك أخونا هجو
                   |Articles |News |مقالات |بيانات

09-09-2018, 02:29 AM

Gamal Abayazid
<aGamal Abayazid
تاريخ التسجيل: 15-02-2006
مجموع المشاركات: 264

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: حمد عبد الغفار عمر)

    الف سلامة يا هجو وان شاءالله ما تشوف شر، وان شاءالله اجر وعافية
                   |Articles |News |مقالات |بيانات

15-09-2018, 08:51 PM

muntasir

تاريخ التسجيل: 07-11-2003
مجموع المشاركات: 3621

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: حمد عبد الغفار عمر)

    حمدلله على السلامة مختار وربنا يجعل هذه الرحلة كفارة لك وقلوبنا معك ومع عائلتك التي عانت معك في هذه المِحنة وشكراً لك لإشراكنا في تجربتك لقهر هذا المرض
                   |Articles |News |مقالات |بيانات

05-09-2018, 12:30 PM

محمد حمزة الحسين

تاريخ التسجيل: 22-04-2013
مجموع المشاركات: 2193

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    الف سلامة ليك يا هجو ...
    قدر ولطف من الله ...
    متابعين ...
    :
    :
    :
    :
    :
    مع التحيات لله الزاكيات
                   |Articles |News |مقالات |بيانات

05-09-2018, 12:36 PM

اسامه العريفي
<aاسامه العريفي
تاريخ التسجيل: 28-02-2014
مجموع المشاركات: 689

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: محمد حمزة الحسين)

    متعك الله بنعمة الصحة والعافيه
    اخوي هجو
                   |Articles |News |مقالات |بيانات

05-09-2018, 12:49 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: اسامه العريفي)

    نواصل
    وصلت كمبالا في المساء وتوجهت صباح اليوم التالي الي مستشفي نكسيروا من أكبر المستشفيات في يوغندا وقابلت الطبيب وشرحت ليهو الحاصل وطلب مني بعض الفحوصات وصوره اشعه وموجات صوتيه .. في البدايه مشيت لفحص الدم فقد كان مجموعه من الفحوصات من ضمنها الايدز....وبعداك مشيت لي صوره الاشعه للصدر والموجات الصوتيه فقد كانت نتيجه الاشعه والموجات الصوتيه في أقل من ربع ساعه جاهزه ..تاخرت نتيجه فحص الدم فكان مفترض تطلع في عشرين او نصف ساعه بالكتير ولكن مرت قرابه الساعه والنتيجه ما طلعت وبدأ القلق والتوتر ينتابني ومرافقتي زوجتي فذهبت الي المعمل اسال قال لي الطبيب لسع تعال بعد عشره دقايق...ورجعت بعد عشره دقايق بالظبط قال لي تاني تعال بعد نصف ساعه...هنا انتابني القلق والهواجس وقلت له ليه بعد نص ساعه ..اسمع لمن النتيجه تجهز ح نوديها للدكتور بحزم...رجعت لزوجتي فقد كانت أكثر توترا مني قلت ليها قالوا ح يودو النتيجه لمن تطلع للدكتور .والدكتور هو ح ينادينا. بما انها اتأخرت احتمال يكون فيها سرطان ولا ايدز..انت شايفه شنو ؟ وضحكت قالت هاي المواضيع دي ما فيها هظار...قلت ليها طبعا الايدز افضل علي الاقل بتاخد علاجات قد تعيش خمسه وعشرين سنه مثلا ...لكن السرطان لو ما يتعالج بالكتير سنتين ...واخدنا نتجادل جدل المتوترين في انتظار النيجه
                   |Articles |News |مقالات |بيانات

05-09-2018, 01:13 PM

محمد عبد الله الامين
<aمحمد عبد الله الامين
تاريخ التسجيل: 14-01-2013
مجموع المشاركات: 1732

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    الف حمدا لله بالسلامه اخ هجو ..
    ماتشوف شر ان شاء الله
    اجر وعافية ...
                   |Articles |News |مقالات |بيانات

05-09-2018, 01:50 PM

Arif Nashed
<aArif Nashed
تاريخ التسجيل: 12-05-2014
مجموع المشاركات: 4308

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: محمد عبد الله الامين)

    الحمد لله الذي عافاك وشفاك
    أمنياتنا لك بدوام الصحة والعافية

    (عدل بواسطة Arif Nashed on 05-09-2018, 02:15 PM)

                   |Articles |News |مقالات |بيانات

05-09-2018, 01:58 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Arif Nashed)

    نواصل رجعت المعمل تاني اسال في قلق المره دي استعنت بي ممرضه كانت سجلت الوزن وقاست لي الضغط وبي لطف قالت لي دقيقه اشوف ليك النتيجه وبعد عشره دقايق جات قالت لي بس اديني خمسه دقايق النتيجه جاهزه بس الكمبيوتر علق...حظي أنا المهبب الكمبيوتر ما يعلق إلا في نتيجتي...قلت سمح نصبر. فعلا بعد خمسه دقايق جات شايله الورق وقالت لي دي النتيجه قلت ليها اديني ليها اقراها او الحاصل شنو فيها رفضت وبحزم قالت لي لا إلا الدكتور هو يكلمك...الهواجس جات في رأسي تاني ...ياربي يكون فيها شنو إلا الدكتور وطيب أنا اتعامل مع النتيجه دي كيف قلت ي ود ي هجو خليك بارد ما اصلو موت موت حياه حياه لكن ما الخوف من السرطان ولا الايدز...طيب ما هي كلها أمراض لكن مدي تقبله يكون كيف عندي وعند المجتمع ...ياخي كل الطرق تؤدي الي روما او ود الأحد...تشجع وما تنسي زي ما الموت بجي في جزء من الثانيه برضو خبر انك ما مريض بكون في جزء من الثانيه ولا اقول ليك اخطف الورق من الممرضه واقراهو...في اللحظه دي الممرضه تلفونه ضرب واخذت تتكلم بي غنج وضحك ويبدو أنه شخص عزيز عليها.......وانا متوتر وهي تتكلم بي التلفون بالقرب من غرفة الطبيب وانا بحاول اقرا الورق في يدها فكانت اخر الورقه واضح وقدرت أقرأ نتيجه الايدز
    نواصل

    (عدل بواسطة Haju Muktar on 05-09-2018, 02:02 PM)
    (عدل بواسطة Haju Muktar on 05-09-2018, 02:55 PM)

                   |Articles |News |مقالات |بيانات

05-09-2018, 02:18 PM

Fadl Karrar
<aFadl Karrar
تاريخ التسجيل: 04-12-2004
مجموع المشاركات: 1899

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    حمدا لله علي السلامة ،،، أجر وعافية إن شاء الله
    والتمنيات بعاجل الشفاء لكل مرضانا ومرضي المسلمين إن شاء الله
                   |Articles |News |مقالات |بيانات

05-09-2018, 05:07 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Fadl Karrar)

    نواصل
    الايدز نضيف فضل قصه السرطان وباقي الأمراض ما مشكله بقيت أحدث نفسي في توتر والممرضه تضحك في التلفون في غنج يبدو أن المحادثه حميمه فاخذت تمشي علي مهل في ردهات المستشفي وانا شايف الساعه تمشي ببطء والدم أخذ يصعد الي راسي وهي تضحك وتتكي علي الحيطه وتتلاعب بالاوراق الي ان وصلت غرفه فاضيه ودخلت فيها وهي تتكلم بالتلفون وانا وراها زي الشافع القلعوا منو لعبه وهو بيتعابط الا يدوها ليهو وجلست في كرسي ولسع تتونس بالتلفون في اللحظه ديك انا سبيت لي التلفون ولي جرهام بيل وسوداتل...ياربي سوداتل وجرهام بيل ذنبهم شنو...المهم بعاين للممرضه وراسي يغلي وهي تضحك وانا اسب والعن في سري وهي تضحك...تمنيت البطاريه بتاعت التلفون تخلص ولا الشبكه تقطع ولا الحبيب الضارب رصيدو يخلص وفجاءاتزكرت ام تي ان عندها خدمه تتكلم كم ساعه مجاني..وده كلو ما يحصل الا في نتيجتي دي...فجاءه انفعلت الممرضه في التلفون ووشها اتغير قلت بس خلاص ده الحل صاحبنا زعلها وهي ح تقفل الخط ايوا قد تكون حمقي او ذات حمشه ح تقفل فيهو الخط ونخلص...فجاءه قعدت تضحك بي هيستريا كانما شيئا لم يكن وانا أعصابي تلجت ولا بقت فريزر عديل
    ..فجاءه قامت من محلها وبقت تفتش في الأدراج عن شي ما فكان الشاحن لانو التلفون عايز يفصل كهربا شالت الشاحن ووصلتو وخلفت رجل في رجل وبدأت تتغنج وانا اتململ فجاءه التلفون قطع حمدت الله قالت لي اه انت صاحب النتيجه يلا نمشي للدكتور في برود كان شيئا لم يكن
    نواصل
                   |Articles |News |مقالات |بيانات

05-09-2018, 06:30 PM

عزالدين عباس الفحل
<aعزالدين عباس الفحل
تاريخ التسجيل: 26-09-2009
مجموع المشاركات: 12632

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)





    Haju Muktar 







    الاخ الفاضل هجو .
    الف حمد الله علي السلامة.
    و ان شاء الله اجر و عافية.
    و كفارة للذنوب .
    متعك الله بحسن الصحة .
    و حفظك لاهلك و عشيرتك.
    تحياتي.
    ،،،،










    عزالدين عباس الفحل
    ابوظبي


                   |Articles |News |مقالات |بيانات

05-09-2018, 07:24 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عزالدين عباس الفحل)

    جيت تاني يوم صايم وعملت السيتي اسكان والنتيجه قالوا بعد اربعه وعشرين ساعه والطبيب سافر نيروبي بجي بعد بكره ...وفعلا جيت في اليوم التالت لقيت الطبيب ومعاهو نتيجه السيتي اسكان وقال لي طبعا في ورم وحجمه تمنتاشر وتسعه من عشره سنتمتر وده ورم ضخم وهو ورم خبيث ومحتاجين نشيل عينه نرسله بره كمبالا والنتيجه بتكون بعد عشره يوم....في اللحظه دي اتاكدت تماما وتيقنت بان السرطان حقيقه ..فكان مرافقي هذه المره صديقي ..فقلت له لو اي زول سالك قول الدكتور قال هي عباره عن لحميه..وانا ح امشي القاهره اعيد الفحوصات هناك وأخبرت الجميع بانها لحميه ...رسلت الورق الي طبيب تربطني به علاقه جيده فرشح لي طبيب محدد في القاهره وكانت محطتي التاليه القاهره مابين مستشفي السلام ومركز القاهره للأورام
    نواصل
                   |Articles |News |مقالات |بيانات

05-09-2018, 07:37 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    معليش ح اخصص وقت محدد للردود ...تحياتي للجميع

    (عدل بواسطة Haju Muktar on 05-09-2018, 08:05 PM)

                   |Articles |News |مقالات |بيانات

05-09-2018, 07:57 PM

هاشم الحسن

تاريخ التسجيل: 07-04-2004
مجموع المشاركات: 2057

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    ألف حمدا لله على السلامة وأجر وعافية يا هجو وشفاء تاما ما بعده سقم يا رب..
    وأحييك كثيرا على مشاركتنا مثل هذه التجربة القاسية والرحلة الشاقة حتما، ولكنها أيضا غنية ومثرية جدا..
    والأكيد إنها تجربة تستحق أن تروى.. بل يجب أن تروى..
    يدخلها الداخل من أبواب الخوف والبؤس واليأس والاستسلام،
    ثم قد تتلقفه أيادي القدرة والرحمة والرأفة والمحبة والمسرة لتشتمله بأنوار من معنى الحياة ومن حياة المعنى، وبالسلام..
    وليخرج المحظوظ حين يخرج منها، وهو ممتلئ النفس بالمعاني من بعد فراغ، سابحا في أبحر من النعم والمنن وفي التفاؤل.. ومفعما بعبق الامتنان، وربما أشد تواضعا..

    دثرك الله بدثار الشفاء التام، وأسبغ عليك ثياب العافية ومن طيب الحياة العطرة..

    سأتابع حكايتك بشغف، وبالتأكيد سأتعلم منها..
                   |Articles |News |مقالات |بيانات

05-09-2018, 08:53 PM

كمال عباس

تاريخ التسجيل: 06-03-2009
مجموع المشاركات: 14176

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: هاشم الحسن)

    حمد لله علي سلامتك أخي هجو مختار - مع الأماني لك بدوام الصحة والعافية
                   |Articles |News |مقالات |بيانات

05-09-2018, 09:48 PM

سليمان القرشي
<aسليمان القرشي
تاريخ التسجيل: 12-01-2013
مجموع المشاركات: 1485

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    الف حمد لله علي السلامة واجر وعافية ان شاء الله ياهجو
    وربنا يجعله كفارة لك
                   |Articles |News |مقالات |بيانات

06-09-2018, 05:46 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: سليمان القرشي)

    نواصل

    قبل السفر كان لازم ادبر اموري الاسريه خصوصا نحن في غربه فقد عرف شقيقي الأكبر كان لازم يعرف لأشياء كثيره ولكن هل اكلم زوجتي طيب لو كلمتها ده ممكن ينعكس سلبا علي الأطفال وهم في المدارس داخلين علي امتحانات وممكن تنهار والان العبء عليها اكثر في مراعاة الاسره وتصريف شئون البيت فقررت ان لا أخبرها وتركتها علي ان الموضوع بسيط لحميه في البطن وح امشي القاهره اعمل عمليه بسيطه...ما عارف كنت علي حق ولا لا لكن في ذلك الوقت كنت اري اني علي حق ورتبت لهم أمورهم بعد الامتحانات يمشوا السودان الأطفال يقعدوا مع جدتهم وهي تجي القاهره لو بقت في عمليه تحضرها...وبي كده بضمن انها تكون متماسكه الي ان تصل القاهره فاخبرها هناك ....ورتبت الامور علي كده بكل هدؤ
    نواصل
                   |Articles |News |مقالات |بيانات

06-09-2018, 08:23 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    نواصل
    في خلال تلاته يوم دبرت اموري وتوجهت إلي القاهره وفي هذه الأثناء بدأت صحتي تتدهور فقدان دم ووزن بسبب الاستفراغ وفقدان الشهيه في فتره وجيزه كان التدهور سريع وربما كان تعب السفر والارهاق وبرضوا الحمي كانت تاتيني حمي بالليل كثيرا ما كنت اتخذ من القراءه متنفثا لانني شعرت انني ممكن انهار نفسيا فلا يد من أن اتماسك علي امل حينما اصل القاهره اجد التشخيص الذي تم في جوبا وكمبالا خطأ...وبدأت استرجع قصص كثيره لي حالات متشابهه حصلت لي اصدقاء ومعارف كان التشخيص سرطان وحينما ذهبوا الي القاهره كان التشخيص خطأ وطلع عندهم التهابات او أشياء خفيفه...فقد كنت اطمن نفسي بهذه القصص . نصحني صديق بأن اذهب الي طبيب يدعي عبدالمجيد قاسم وهو كان قد اشرف علي علاج صديق مشترك بيننا وفعلا وصلت القاهره في وقت متأخر من الليل وبدانا في رحلة البحث عن شقه او في البدء أن نضع شنطنا عند أحد اصدقاءنا فقد كانت الساعه شارفت علي الفجر ...كان مرافقي هذه المره هو بن اختي اسمه احمد جلال سأتحدث عنه كثيرا في رحلتي هذه . فقد صمد معي واستحمل أشياء كثيره فقد ذادت حالات الاستفراغ وبداء تصاحبه رائحه من العفانه كانه لمؤاخذه عربة تشفط في سايفون
    نواصل
                   |Articles |News |مقالات |بيانات

06-09-2018, 12:35 PM

عثمان الأمام

تاريخ التسجيل: 17-05-2013
مجموع المشاركات: 1043

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    ألف حمدلله على السلامة

    تمنياتنا لك بدوام الصحة و العافية
                   |Articles |News |مقالات |بيانات

06-09-2018, 03:35 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عثمان الأمام)

    نواصل
    توجهت في نفس اليوم مساء قابلت الدكتور وبدانا الفحوصات الاوليه الموجات الصوتيه وقرر ياخد عينه في مستشفي السلام في اليوم التالي وقرر لي قزازتين دم وبعد أخذ العينه وقبل أن افيق من البنج زي الناس لقيت مرافقي دموعه علي خدوده والدكتور بقول لي لازم عمليه سريع جدا ...الورم كبير...والكلام ده كان قبل ظهور نتيجه العينه...فقد كان شئ غريب وسألت الدكتور لماذا ونتيجه العينه ولو انت قررت العمليه بالسرعة دي طيب شايل عينه ليه ونتيجت العينه ما طلعت...بعداك بي زمن طويل عرفت انه أثناء اخذ العينه الورم نزف ..وهذا ما ساسرده لاحقا(قصه المعدن في البطن) ..
    ارتبك وقال لي الجراح هو اللي ح يجاوبك وانا بقترح دكتور ماهر دانيال هو الح يعمل العمليه وأثناء ما انا راقد باخد في الدم مر علي دكتور ماهر وسألته عن العمليه قال لي ما ممكن اعمل العمليه الا نتيجه العينه تظهر والسيتي اسكان التي قرر اعمله في تاني يوم وتجي تقابلني في العياده وفعلا في اليوم التالت شلت النتيجه ومشيت قابلت دكتور قاسم واكد لي ان الورم فعلا خبيث و من بعده ذهبت الي دكتور ماهر وقال لي ايوا ممكن نعمل العمليه ..و ح تاخد حوالي خمسه ساعات وفي العنايه المركزه اربعه وعشرين ساعهة و ح نشيل الطوحال والمعده كلها ونعمل وصله من المرئ ...وكلام كتير قالوا انا ما ركزت معاهو لانو قال لي تاني انت ما ح تتحرك ح تكون باقي عمرك راقد في السرير وتاخد اكل مهضوم ودربات وما عندك طريقه تتحرك ...قلت ليهو يعني هسع انا ادفع قروش واعمل العمليه دي عشان ابقي شارون باقي عمري ...صحتك بيني وبين نفسي قررت اخلي الباب معاهو موارب ...وقلت ليهو خلاص خليني امشي ادبر القروش وفي خلال اتنين وسبعين ساعه برجع ليك
    نواصل
                   |Articles |News |مقالات |بيانات

06-09-2018, 03:41 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 617

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    سلامات..وما تشوف شر
    الحمد لله على سلامتك..تتعافى يا رب
    ،
    واصل ..متابعة بكل التقدير
                   |Articles |News |مقالات |بيانات

06-09-2018, 03:41 PM

تماضر الطاهر
<aتماضر الطاهر
تاريخ التسجيل: 16-04-2018
مجموع المشاركات: 617

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    سلامات..وما تشوف شر
    الحمد لله على سلامتك..تتعافى يا رب
    ،
    واصل ..متابعة بكل التقدير
                   |Articles |News |مقالات |بيانات

06-09-2018, 04:47 PM

عثمان علي
<aعثمان علي
تاريخ التسجيل: 07-06-2018
مجموع المشاركات: 108

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    حمدا لله على السلامة. أجر وعافية. متعنا الله أجمعين بنعمتي الصحة والعافية.
                   |Articles |News |مقالات |بيانات

06-09-2018, 05:14 PM

احمد حمودى
<aاحمد حمودى
تاريخ التسجيل: 11-01-2013
مجموع المشاركات: 3471

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عثمان علي)

    هجو سلام والله مشوقين وروحنا محرقانا ومستعجلين نسمع القصة كب الموضوع كله مرة واحدة
                   |Articles |News |مقالات |بيانات

06-09-2018, 05:49 PM

Sudany Agouz
<aSudany Agouz
تاريخ التسجيل: 27-04-2002
مجموع المشاركات: 8795

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: احمد حمودى)


    الأخ الحبيب هجو ...

    سلام .. أولاً .. أود تقديم اعتذارى لعدم دخول البوست ..
    لا أدرى .. فقط الآن لاحظت عنوان هذا البوست ..

    وكم تألمت لما قاسيته من مقابلة أطباء وتحاليل .. الخ .. الخ ..
    ولكن الشئ الذى أسعدنى هو تقبلكم لكل المواجهات ..
    وفقط كنتم تغيرون الإتجاه .. عندما تقف أمامكم العراقيل ..
    ولكن .. أنا أسميها .. هى إرادة الله .. ومشيئته .. لأنه يغلق
    بعض الأبواب .. ولا أحد يستطيع أن يفتح .. ويفتح الأبواب جل
    جلاله .. ولا أحد يستطيع أن يغلق .. حقيقة الرب معكم ..
    فى مشواركم الطويل هذا ..
    ولكن لابد وأن نرفع أيادينا الى الله .. له كل المجد والكرامه ..
    أن يقف معكم .. ضارعين له بالرحمة .. يارب .. يارب ..
    أشف أخانا الحبيب هجو .. يارب .. قل كلمة .. ونحن واثقون ..
    كلمة " كن " .. فيكون .. كن للشفاء .. فيكون الشفاء الفورى ..
    يارب ..

    مرة أخرى .. أخى الحبيب هجو .. الرب معكم ويقويكم ..
    أخوكم وعمكم العجوز ..
    ارنست
    +++
                   |Articles |News |مقالات |بيانات

06-09-2018, 06:39 PM

علي دفع الله
<aعلي دفع الله
تاريخ التسجيل: 31-08-2012
مجموع المشاركات: 4500

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Sudany Agouz)

    فووووق
    عشانك يا صديقي
                   |Articles |News |مقالات |بيانات

06-09-2018, 06:59 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: علي دفع الله)

    تسلمو جميعا أيها الاحباب
    نواصل
    رجعت السكن من الدكتور وكان في زيارتي مجموعه من الأصدقاء وكل يدلو بدلوه ويقترح علي ان أقابل طبيب آخر ومنهم من اقترح ان هناك طبيبه تعالج السرطان بدون كيموثربي ولا جراحه وأشار الي صديق أن امشي مركز القاهره للأورام لمقابلة طبيب شاطر يدعي بولس كان قد عالج والدته ...وفعلا ذهبت إليه في اليوم التالي فقد كان اطلع علي نتائج الفحوصات قبل المقابله وحينما دخلت عليه رفض ان يسلم علي ونصح مرافقي ان لا يلمسني لانني ممكن اكون مصاب بالتي بي ووجهني لفحص التي بي في مستشفي الشروق و حدد الي طبيب جراح في المعادي لمقابلته فقد كان مقتنع أيضا بالعملية وفعلا خرجنا من الطبيب في مركز للأورام كان هناك فتاه مصريه سمعت عن الطبيب يتحدث عن التي بي في بهو المركز قالت لنا ...هو لسه في ناس عندها التي بي ...فاشتبك معها أحمد بن اختي وقال لها زي فيروز الكبد الوبائي عندكم وكانت علي ما اذكر مشاده كلاميه بينهما...فقلت له يلا نمشي ما في داعي لنقاش جاهله كهذه .. وفي الصباح ذهبنا الي مركز الشروق لفحص التي بي وفي المساء ذهبنا الي الطبيب الجراح وبعد الاطلاع علي النتائج قال ..نحن نعمل عمليه استكشاف.... نفتح البطن وأخذ يشرح كيفيه فتح البطن والاستكشاف ويشوف الورم ..وبعداك يقرر يشيل شنو ويخلي شنو ... بي سري قلت ده دكتور كولومبس عايز يكتشف الأراضي الجديده ولا شيفرون...ده موضوع منتهي احسن حاجه انا اتخارج من الدكتور ده ...وفعلا استاذنت منه بكل لطف وقلت ليهو لمن اكون جاهز ماديا بجيك راجع ...وهنأ قررت الا اقابل اي طبيب في القاهره ورجعنا السكن ...اشار إلي بعض الأصدقاء أطباء آخرين ولكن رفضت مقابلتهم واتصل علي صديقي طبيب من الخرطوم بأن اعمل العمليه ولكن كنت مصمم الا اعملها وكثيرون وصفوني بالخوف ..وفي الحقيقه انا ما كنت خايف ولكن ما كان عندها معني العمليه بالنسبه لي ان أقضي باقي عمري راقد في السرير وان اكون عاله علي الآخرين...نصحني أصدقاء آخرين بالذهاب الي تايلاند وأيضا أقارب لي نصحوني بالذهاب الي تايلاند .....نواصل

    (عدل بواسطة Haju Muktar on 06-09-2018, 07:03 PM)
    (عدل بواسطة Haju Muktar on 06-09-2018, 07:06 PM)

                   |Articles |News |مقالات |بيانات

06-09-2018, 07:03 PM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46640

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: علي دفع الله)

    الف حمدا لله على سلامتكم اخي هجو

    طهور باذن الله
                   |Articles |News |مقالات |بيانات

06-09-2018, 07:44 PM

Elamin Medani
<aElamin Medani
تاريخ التسجيل: 18-05-2013
مجموع المشاركات: 63

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: ود الباوقة)


    حمدا لله على السلامة وربنا يعظم الاجر
                   |Articles |News |مقالات |بيانات

06-09-2018, 08:38 PM

Biraima M Adam
<aBiraima M Adam
تاريخ التسجيل: 04-07-2005
مجموع المشاركات: 12828

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Elamin Medani)


    Quote: بما انو البوست جميل وفيه تفاؤل وحب وسخرية
    خلينا نقول زي ما قال صديقي النذير هههه لانو ناس العبابير راسهم ضرب
    صورة الى : الى بريمة
    صورة الى : دينق
    و آخرون 😂😂😂

    كمل الحكي الملان تماسك
    في الانتظار
    عليكم النبي تخيلوا ..!
    المقام مفام أحتفاء بصحة وحياة الأخ هجو .. الذي رد الله له صحته .. وأنت جاي جاري تشاشي بالعبابير .. !
    أنت إلا العبابير يشقكن .. !!

    هجو واصل .. والله نحن متلومين .. لم نسمع بالخبر إلا قبل أيام من بوست للأخ فرح أبو روضة ..

    بريمة
                   |Articles |News |مقالات |بيانات

06-09-2018, 08:47 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2099

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Biraima M Adam)
                   |Articles |News |مقالات |بيانات

06-09-2018, 08:56 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9244

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Biraima M Adam)

    ألف سلامة عليك أجر وعافية ..
    أنت ما قهرت سرطان واحد بل سرطانات ..
    ربنا يواليك بالعافية ويشفي كل مريض.
                   |Articles |News |مقالات |بيانات

07-09-2018, 06:06 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: محمد على طه الملك)

    نواصل
    تايلاند كانت المحطه القادمه فعلا بدانا الاجراءات من القاهره الي تايلاند حيث اخدنا التاشيره من سفاره تايلاند في القاهره في الدقي بعد أن استعنت بعدد من الأصدقاء لهم الشكر في الاتصال والحجز في المستشفي في تايلاند ..توجهت بالقطريه ووصلت تايلاند في الصباح الباكر فكان في استقبالنا شاب سوداني لطيف وكانت عربه الإسعاف في المطار وذهبنا الي المستشفي ...كانت المناظر جميله والصباح جميل وممطر. بانكوك فعلا مدينه ساحره .فقد كنت مستمتع جدا بالاجواء الممطره وانا راقد في عربيه الإسعاف .وكل مره احاول اقوم عشان اعاين بالشباك الممرض يرجعني للسرير ..فقد كان مشفق علي حالتي لانه شافني قبل اركب عربيه الإسعاف بستفرغ لمؤاخذه من تعب السفر ..المهم انا كان عندي رغبه استمتع بالمناظر والأجواء ونسيت فكرة المرض والإسعاف فقد كنت اضحك بيني وبين نفسي من فكرة الإسعاف وكيف تعامل الممرض وسائق الإسعاف.. وتحديد بعد أن رفضوا لي احمد بن اختي ان يركب معي وساقوهو بي عربيه تانيه مع الشنط والشاب صديقنا الذي استقبلنا ولم اراه ثانيه الي اليوم فقد كان شاب لطيف علي ما يبدو عليه ...ولكن هناك لطافه لها قصص ... ...المهم ذهبنا الي المستشفي فقد كان عباره عن فندق خمسه نجوم فقد استقبلوني ممرضات لو كان صحيت من غيبوبه لافتكرتهن حور الجنه وان وعد الله حق ...ففي أقل من خمسه دقايق استبدلن ملابسي واصرن ان يحمموني.حمام عديل كده ......
    .نواصل

    (عدل بواسطة Haju Muktar on 07-09-2018, 06:13 AM)
    (عدل بواسطة Haju Muktar on 07-09-2018, 08:40 AM)

                   |Articles |News |مقالات |بيانات

07-09-2018, 09:22 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    الممرضات شابكاتني ليك بباه بتشديد الباء. بكل أدب وحنيه وجابوا لي وجبه جميله من الأرز والسمك والجمبري قلت استمتع ي ولد اصلوا الدنيا أم نعيما زايل دي احسن ناس عرفوا ليها ناس المافيا في الأفلام الواحد عارف نفسو المخرج ممكن يكتلو بي طلقه طايشه في اي لحظه فالدنيا زي مخرج افلام المافيا...اها بالمنطق ده مفروض تاكل وتقوم تاخد حمام تايلاندي وتعيش ليك لحظات كانك هارون الرشيد ولا زعيم المافيا ذاتو...ما كلهم زعماء ...في اللحظه دي جاء بن اختي قال لي الناس ديل قالوا الدكتور إلا بكره ح نقابلوا والغرفه دي اليوم بي سبعميه دولار ...طوالي قمت علي حيلي ونفضت الممرضات سبعميه دولار ومافي دكتور طيب ما نمشي الهيلتون ونجي بكره بي متين دولار بس ولا كيف ...المهم طلعنا من الغرفه وجانا موظف قال لينا خلاص في غرف فندقيه تبع المستشفي اليوم بي اربعين دولار ..قلنا كويس ننوم فيها لحدي الصباح ونجي نقابل الطبيب ...مشينا الغرفه نمت فيها من التعب بتاع السفر واحمد بن اختي طلع مشي جاب لينا شرايح وجا راجع سالتو من الشاب السوداني ...قال لي خليتو في المستشفي ...وقالوا بكره الصباح تجي صايم من الليله الساعه عشره مساء توقف اكل وشراب...قلت تمام معناها عايزين يعيدو الفحوصات وكده
    نواصل
                   |Articles |News |مقالات |بيانات

07-09-2018, 11:58 AM

محمود الدقم
<aمحمود الدقم
تاريخ التسجيل: 19-03-2004
مجموع المشاركات: 6627

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    الاخ الكريم هجو..سلامات وحمدلله الف علي السلامة وحمدلله خروجك من هذا الامتحان سالما..واحي فيك قوة الارادة والعزيمة.
                   |Articles |News |مقالات |بيانات

07-09-2018, 12:41 PM

مهند سوركتي
<aمهند سوركتي
تاريخ التسجيل: 20-08-2015
مجموع المشاركات: 171

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: محمود الدقم)

    اجر وعافيه انشاءالله
                   |Articles |News |مقالات |بيانات

07-09-2018, 01:08 PM

منتصر عبد الباسط

تاريخ التسجيل: 24-06-2011
مجموع المشاركات: 7341

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: مهند سوركتي)

    حمدا لله على السلامة
    وكفارة إن شاء الله
    وأدام الله عليك نعمة الصحة والعافية
                   |Articles |News |مقالات |بيانات

07-09-2018, 01:24 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2099

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: منتصر عبد الباسط)

    سلام يا هجو
    تعرف السياحة العلاجية دي بزنس لوحدة
    عجبتني انتفاضتك ، من 700 دولار لي 40 والفرق
    بكون لا يذكر في الغرف , واصل يا صديق

                   |Articles |News |مقالات |بيانات

07-09-2018, 02:13 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: اخلاص عبدالرحمن المشرف)

    نواصل
    أصبحت الصباح بدري وانا صايم وجاهز للفحوصات وكلي نشاط وحيويه..قلت خلاص انا جيت محل العلاج الصاح ودخلت بهو المستشفى حاجه ترد الروح غايه في النضافه والاناقه ومجموعه من صور لي لوحات سلفادور دالي الزرافه المحترمه...وإصرار الذاكره و ... عالم سريالي فعلا ... جاء شاب أنيق تلاتيني ولا اربعيني طبعا شعوب شرق آسيا اجعص طبيب في القمسيون الطبي ما يقدر يقدر عمرهم لانو أعمارهم زي سحناتهم تتشابه...المهم قال لي انا الطبيب وطبعا اطلعت علي الفحوصات وح اعمل ليك العمليه وهسع تخش تجهز...قلت ليهو قول بسم الله عمليه شنو قال لي نفس كلام المصري كولومبس عايز يستكشف ويقطع بعداك...قلت ليهو انا كان عايز اعمل كده قاطع الفيافي والسحب والمحيطات دي كلها قايلني بن ماجلان ولا بن بطوطه بحب السفر...ما كان عملتها في القاهره ...وجمبي كان تربيزه فيها قوارير بتاعه مويه صحه ..طوالي شلت لي قزازه فتحتها عايز اشرب منها بلا صيام بلا عمليه..في ممرض وممرضه حاولي يمسكوا مني المويه بي انفعال نتلت يدي منهم وشربت المويه وانفصمت في الدكتور شي عربي وشي انجليزي وشي بيدي...المهم ود اختي حاول يهدي الموقف لكن انا طلعت طوالي ..فعرفت نحن وقعنا في فخ ما عايز أخوض في تفاصيله بس المهم نجينا من الفخ...لانه بعد كم يوم نفس المستشفي اتصلوا بينا وقالو لقينا ليكم دكتور بعالج بدون عمليه .....ضحكت وقلت دي مستشفي ولا سماسرة شقق ..المهم ...وانا طلعت من المستشفي نبحث عن مستشفي آخر
    نواصل
                   |Articles |News |مقالات |بيانات

07-09-2018, 02:20 PM

Mirghani Taitawi
<aMirghani Taitawi
تاريخ التسجيل: 26-05-2013
مجموع المشاركات: 1847

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: اخلاص عبدالرحمن المشرف)

    ألف حمداً لله على السلامة.
    نسأل الله أن يمن عليك بالشفاء العاجل.
    أجر وعافية إن شاء الله.
                   |Articles |News |مقالات |بيانات

07-09-2018, 04:54 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Mirghani Taitawi)

    نواصل
    بمساعده الأصدقاء وقوقل وصلنا الي المستشفي الامىيكي أو مستشفي بومنقراد وهو من أكبر المستشفيات في بانكوك وحجزنا لمقابلة الطبيب في اليوم التالي ونزلنا في هوتيل قريب من المستشفي منطقه تسمي نانا اسكوير واتصلت بزميل المنبر د عيسي وقتها كان بره بانكوك ومشكور مدنا بي عناوين التلفونات للاخ معاويه بدري وساحكي عنه لاحقا ..وتجولنا ذلك المساء في منطقه نانا اسكوير أو تسمي أيضا المنطقه العربيه حيث تشتهر بالسواح العرب والمطاعم العربيه والمقاهي وحتي اللافتات مكتوبه بالعربي وفي المساء تكون بانكوك الحمراء خصوصا شارع يسمي بشارع القيامه ...وفي صبيحة اليوم التالي توجهنا الي المستشفي وقابلت طبيب الأورام تايلندي اسمه صالح ولحيته حدها الحزام استقبلني بي ابتسامه وبشاشه وقال لي طبعا انا اطلعت علي جميع الفحوصات العملتها في كمبالا والقاهره وانا احترم الأطباء هناك ..لكن لازم نعمل فحوصاتنا هنا من اول ..فقلت له طبعا وانا موافق ومن هنا شعرت بي راحه وبي جديه الطبيب ..وفعلا كتب لي فحوصات الدم عملية منظار لأخذ العينه من الورم سيتي اسكانوفعلا مشيت معمل جميل وممرضات محترفات وجميلات واخذن الدم ورجعت الهوتيل عشان اجي تاني يوم لعملية المنظار صايم..وفعلا الساعه عشره صباحا انا في غرفة العمليه مجهزه وفخمه وفني التخدير بكل لطافه اخذت تتونس معاي عن السودان وأفريقيا و و و الي ان ادرك شهريار عيييييك تاني الا بعد فتره عرفت شالوا العينه وكان شيئا لم يكن ورجعت الهوتيل عشان اجي راجع تاني يوم للسيتي اسكان وفعلا
    نواصل

    (عدل بواسطة Haju Muktar on 07-09-2018, 04:58 PM)

                   |Articles |News |مقالات |بيانات

07-09-2018, 05:31 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    .نواصل
    جيت تاني يوم لقيت غرفة السيتي والممرضات في حركه كأنها خليه نحل وكل شئ أبيض في أبيض ذكرتني مسلسل فتاه من الغد ..الانا وكبسولة الزمن..المهم خشيت في تلك الكبسوله نفس في نفس لمن انتهيت وبعد ساعتين ..قابلت طبيب الاورام ...وأكد تماما الورم وفعلا محتاج عمليه وشرح لي في الكمبيوتر وصور حجم الورم وامتداده من الطوحال والقولون والبنكرياس والمعده وهو ضاغط علي المعده ووجهني الي الطبيب الجراح واسمه دكتور ثيربو من امهر الجراحين في المستشفي وقال لي بعد تقابل ثيربو تجيني راجع لانو ح ايد معاك علاج كيموثربي لتقليل حجم الورم وفعلا ذهبت للطبيب الجراح وشرح لي العمليه وهي عمليه بسيطه في الاول نقلل حجم الورم وواطلعني علي كم عمليه في الكمبيوتر من نفس الورم كان عمله قبل كده وكانت ناجحه جدا واخبرته بما قاله لي الاطباء في الشقيقه مصر..فضحك وقال لي مافي زول بيدفع قروش عشان يكون راقد باقي عمره في السرير ..وطمني جدا بي سهوله العمليه وقال لي ارجع لي طبيب الأورام ح يتابع معاي في خلال شهرين لازم الورم ينزل لدرجه أقل من عشره سم لانو كان 19.9 سم ...ورجعت لطبيب الأورام وبدانا علاج الكيموثربي والمتابعه الاسبوعيه...نواصل

    (عدل بواسطة Haju Muktar on 07-09-2018, 05:32 PM)
    (عدل بواسطة Haju Muktar on 07-09-2018, 05:55 PM)

                   |Articles |News |مقالات |بيانات

07-09-2018, 07:10 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    نواصل
    طبيب الأورام قال ممكن اخد كيموثوربي لمدة شهرين طبعا وبعداك نعمل سيتي اسكان لو الورم نزل ممكن الجراح يعمل العمليه ...ورحلت من الهوتيل لي عماره مشرف عليها معاويه بدري سبق وأن ذكرت اسمه والعماره بقت مشهوره باسم معاويه ...بجو السودانيين والعرب بنزلوا هناك هي عباره عن شقق مفروشه ..تلقي الواحد تقول ليهو نازل وين يقول ليك نازل في عمارة معاويه...وده طبعا لانو معاويه كان بيقدم خدمات لكل سكان العماره الماشي مستشفي والجاي تجاره والجاي شهر عسل عايز يتفسح كلهم يرجعوا لي معاويه...بالاضافه كانت هناك جلسه كل سبت في العماره تحت بالمساء بيتجمع فيها سودانيين كتار جدا ويشربون شاي اللبن باللقيمات يتناقشون في شتي مواضيعهم وكانت فترة السكن في العماره خففت الكثير من الالام واتيحت لي معرفة ناس كتار جدا فيهم من جاء للعلاج والجابتو التجاره ...الخ
    نواصل

    (عدل بواسطة Haju Muktar on 07-09-2018, 07:12 PM)
    (عدل بواسطة Haju Muktar on 08-09-2018, 03:00 AM)

                   |Articles |News |مقالات |بيانات

07-09-2018, 07:12 PM

Haytham Abdulaziz
<aHaytham Abdulaziz
تاريخ التسجيل: 28-05-2006
مجموع المشاركات: 2871

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    ألف حمد لله على السلامة أخ هجو..
    ربنا يديك الصحة والعافية..
    و عودا حميدا....
                   |Articles |News |مقالات |بيانات

07-09-2018, 09:58 PM

Anas Babekr
<aAnas Babekr
تاريخ التسجيل: 18-01-2013
مجموع المشاركات: 133

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haytham Abdulaziz)


    الف حمدلله علي السلامة ,,
    أدام الله عليك الصحة و العافية ,,
    تجربة صعبة ولاكن أرادتك القوية و عدم الاستسلام و دعوات الأحبة و الأهل بالتأكيد هي نقطة الشفاء
                   |Articles |News |مقالات |بيانات

08-09-2018, 04:42 AM

النذير حجازي
<aالنذير حجازي
تاريخ التسجيل: 10-05-2006
مجموع المشاركات: 6447

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Anas Babekr)

    يا هجو لقد بلغت القلوب الحناجر،
    الكيميوثربي بالرغم انو فعال،
    لكن قالوا شيء مؤلم جداً،
    صاحبي في العمل مر بنفس التجربة،
    وحكى لي بالتفاصيل معاناته مع
    المعالجة بالكيميائي، لدرجة انو هرب
    من بقية الجرعات
    لكن الحمد لله قضى على سرطانه، وهسى زي الحصان
    ما شاء الله
    وفي شوق لمعرفة استجابة مرضك للكيماوي
    وتكون ما احتجت لعملية.
                   |Articles |News |مقالات |بيانات

08-09-2018, 05:18 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2099

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: النذير حجازي)

    العزيز هجو
    فعلآ انت زول كلس
    طبعآ كان كتبت في تعليق سابق ان 90%العينات بتتاخد مناظير
    بس خفت تكون عملت استكشاف وتدخلك غي حالة زهج ف عدلتها
    ما شاءالله ما يتخاف عليك
    تجربتك دي ح تكون دليل للسودانيين وكيف يتصرفوا مع العلاج السياحي
    كن كما انت
    شجاعآ ،نبيلآ ومفيد
                   |Articles |News |مقالات |بيانات

08-09-2018, 08:39 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: اخلاص عبدالرحمن المشرف)

    وبدأت العلاجات واثر معاي الكيموثربي بعد الجرعه التالته طوالي.زمان كنت بسمع فلان يصارع الام السرطان والان انا اعيش الالام .. واصبت بي اعياء وارهاق شديد والصحه بدت تضعف وفقدان شهيه والاام في البطن فقد كنت مستحمل الالم وبعد اسبوع مشيت المقابله فحصت الدم كان نازل جدا وكان في نزيف في البطن وقرر الطبيب أن ارقد في المستشفي اخدت قزازتين دم وعلاجات لوقف النزيف وكان طبيب الأورام متفائل جدا قال لي ما دام في نزيف معناها الحبوب ضربت الورم في المركز ...وبرضو ده كان راي الجراح وطمني اكتر قال دي استجابه سريعه .واحتمال ما نحتاج عمليه اوبالطريقة دي العمليه ح تكون ساهله جدا ورقدت في المستشفي اربعه يوم وبعداك طلعت من المستشفي لمواصلة الكيموثربي
    نواصل

    (عدل بواسطة Haju Muktar on 08-09-2018, 08:44 AM)
    (عدل بواسطة Haju Muktar on 08-09-2018, 08:48 AM)

                   |Articles |News |مقالات |بيانات

08-09-2018, 08:46 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19973

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    متابعة في صمت
                   |Articles |News |مقالات |بيانات

08-09-2018, 10:23 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عبدالحفيظ ابوسن)

    بحاول ارفع صور أدعم بيها البوست ...لكن ما قدرت ..
    هل لأني طولت ولا بقيت كيشه..ولا برنامج العملاق نساني...
    ممكن مساعده...او مقترحات ..
                   |Articles |News |مقالات |بيانات

08-09-2018, 10:47 AM

elhilayla
<aelhilayla
تاريخ التسجيل: 05-02-2002
مجموع المشاركات: 5281

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    الأخ هجو
    عفارم عليك، نتابع بصمت هذا البوست المرجع
    أحد الخيارات:
    أرسل الصور للأخ بكري، وسيقوم هو برفعها في البوست
    إيميل بكري: [email protected]
    ___
    الحليلة
                   |Articles |News |مقالات |بيانات

08-09-2018, 11:03 AM

النذير حجازي
<aالنذير حجازي
تاريخ التسجيل: 10-05-2006
مجموع المشاركات: 6447

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: elhilayla)

    Quote: ولا برنامج العملاق نساني...

    لا ما نساك، بس ناس العملاق طمعوا، ودعاياتهم كترت،
    لمن تضغط على رفع، ح تظهر ليك دعاية، تجاهلها واعمل refresh
    وبتغور من طريقك، ويجيك العملاق الزمان.
                   |Articles |News |مقالات |بيانات

08-09-2018, 11:17 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19973

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: النذير حجازي)

    http://tinypic.com/http://tinypic.com/
                   |Articles |News |مقالات |بيانات

08-09-2018, 01:23 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عبدالحفيظ ابوسن)

    حاولت انزل الصور لكن فشلت...سأحاول تاني ...شكرا كتير المتابعه والنصائح
    نواصل
    في البيت أو عمارة معاويه ..انسجمنا مع السكان سريعا وعرفنا بعض واسباب مجئ كل فرد أو اي اسره الي بانكوك وأصبحنا نتبادل الآراء والوجبات وطبعا أحمد بن اختي مرافقي شخصيه اجتماعيه ويمتاز بحضور جيد وسريع في خلق العلاقات وخصوصا كان يمتلك لغه انجليزيه ممتازه فقد درس في كمبالا بالانجليزي مما جعله يساعد الكثيرين في الترجمة والذهاب معهم الي المستشفيات أو الأسواق..وأصبح معروفا باسم أحمد هجو ...وهو طبعا اسمو أحمد جلال ولكن بقي معروف ب أحمد هجو ...وانا أصبحت معروفا بالخال فقد كان كل من يسأله يخبره بانه جاء مع الخال او ماشي الحال دي مواعيد الدواء او الان الخال ماشي المستشفي ...وهكذا كان دائما يتحدث عني ... وأي زول بقي يناديني بالخال حتي العرب الاماراتيين والكويتيين معانا في العماره الواحد تلقاهوا أكبر مني بي اربعين سنه ويقول لي تعرف ي خال ...
    ونواصل
                   |Articles |News |مقالات |بيانات

08-09-2018, 02:50 PM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)
                   |Articles |News |مقالات |بيانات

08-09-2018, 02:54 PM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: بكرى ابوبكر)

                   |Articles |News |مقالات |بيانات

08-09-2018, 02:59 PM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: بكرى ابوبكر)

                   |Articles |News |مقالات |بيانات

08-09-2018, 03:00 PM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: بكرى ابوبكر)

                   |Articles |News |مقالات |بيانات

08-09-2018, 06:08 PM

Sudany Agouz
<aSudany Agouz
تاريخ التسجيل: 27-04-2002
مجموع المشاركات: 8795

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: بكرى ابوبكر)


    الأخ الحبيب بكرى ..

    شكراً لإنزالكم صور الإبن الحبيب هجو ..

    يارب .. يارب .. كن معه .. يارب .. يارب .. يارب ...

    آمين .. آمين .. ثم آمين ...

    مرة أخرى شكراً لكم .. يا أستاذ بكرى ..

    الرب يبارك فى خدمتكم وخدماتكم الجليلة ..

    أخوكم وعمكم العجوز ..
    ارنست
    +++
                   |Articles |News |مقالات |بيانات

08-09-2018, 07:36 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Sudany Agouz)

    الف شكر ي باش مهندس بكري علي رفد البوست بالصور ..وهي لتوضيح آثار الكيموثربي دي في الأيام الأولي طبعا الان انا الحمدلله عال العال وبمارس رياضه وكل شئ ميه الميه ...شكرا لكل المتابعين والعم ارنست معليش ح يجي وقت ارد لكل المداخلات بالتفصيل
    نواصل
    مرت الايام والعماره كل يوم تشهد حدث جديد فقد كانت عباره عن حوالي أكثر من خمسه وخمسين شقه معظمهم سودانيين وغير الناس البتجي من بره حتي العمال التايلنديين في العماره بقوا يتحدثون العربي بلهجه سودانيه واتعلموا الشمارات والعماره شهدت أحداث كثيره منها زواج وافراح واتراح وانا مواصل الكيموثربي بكل معاناته طبعا كانما بتشرب في موية نار وعذاب في عذاب لكن كنت دائما أهرب الي اغاني الحقيبه وخضر بشير وخلف الله حمد في الامسيات وفي الصباح الباكر دائما الامطار تكون علي موعد مع فيروز مارسيل خليفه الي ما بعد الساعه عشره صباحا وبعداك بنزل العماره تحت في كنبه سمية بكنبة هجو من كثرة تواجدي فيها وأصبحت ملتقي الجميع بجوا بعد الساعه اتناشر ضهر واحيانا بكون لمة قهوه وشاي وقصص ...وغالبا ما ينفض سامرنا مع موعد الغداء وهو مرات بكون عندي في الشقه فوق وكل زول بجي شايل عدلو...عدلو دي سمحه مش...بمعني لو في زول عندو طبيخ عاجبو او حاجه مميزه بجيبه والناس بتتجمع حولها ....و نواصل

    (عدل بواسطة Haju Muktar on 08-09-2018, 07:41 PM)
    (عدل بواسطة Haju Muktar on 08-09-2018, 08:08 PM)

                   |Articles |News |مقالات |بيانات

08-09-2018, 08:26 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    نواصل..
    حتي بتاع النضافه في العماره تايلندي اتعلم كلمة خال من صاحبنا الكويتي بي مناسبه او بدون مناسبه بناديني يا خال ..وتعرف ي خال دي عندها معني تاني طبعا ناس الخليج فاهمنها كويس ...ومشيناها خال خال المهم أصبح الالم يزداد والصحه تتدهور يوم بعد يوم والجسم بقي فاقد بروتين والبومين وانا بحاول أقاوم برفع نسبة الأكل وأكون طبيعي ما ازهج وبديت اعمل لي برنامج بتاع افلام ومسلسلات واغاني لقتل الملل وزهج الكيموثربي وزهجت من التلفونات والواتساب احياننا كتيره ما برد أو بقفل التليفون...لانوا في ناس عجيبين يضربوا ليك تلفون.بدل يخفف عليك يقول ليك ده ده كلو من السكر وهو ذاتو الضارب ده بيكون بيسكر و زول مثلا يقول ليك اها هسع معاك منو تقول ليهو ود اختي أحمد...يقول ليك حظو. متفسح.ما تفهم دي حساده ولا جهل ...زول سافر مرافق مريض كيف يكون حظو...وطبعا لمن اكون في العماره تحت بتونس مع الناس لو زول سالني يقول لي عندك شنو ..لمن أقول ليهو سرطان ..في ناس بمشو بغسلوا ايدينهم وفي ناس ما بتسلم علي وفي ناس يقولوا لي هسع عندك سرطان وقاعد معانا وما في حاجه ...والغريبه لو زول جا داخل الشقه لقاني مشغل خلف الله حمد بسمع في الاغاني بيستغرب في ناس بقولوا لي هسع عندك سرطان وتسمع غناء...
    نواصل
                   |Articles |News |مقالات |بيانات

09-09-2018, 03:52 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)


    محاوله لرفع صوره برضو فشلت ...معليش استحملوني..يبدو انا عايز لي كورس في قصص الاكواد والتعامل مع المنبر
    في ..العملاق لرفع الصور بديك اتنين رابط
    1 رابط الصوره
    2 كود المنتديات
    لحدي هنا انا ماشي كويس
    لكن ....وقف شطار الشيخ في العقبه

    (عدل بواسطة Haju Muktar on 09-09-2018, 03:55 AM)
    (عدل بواسطة Haju Muktar on 09-09-2018, 03:59 AM)
    (عدل بواسطة Haju Muktar on 09-09-2018, 04:18 AM)
    (عدل بواسطة Haju Muktar on 09-09-2018, 04:20 AM)

                   |Articles |News |مقالات |بيانات

09-09-2018, 06:07 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: النذير حجازي)


    نواصل
    استمريت في علاج الكيموثربي وكنت بمشي الفحص الأسبوعي واستمر نقصان الدم حتي اصبت بفقر دم بسبب الكيموثربي وكل فتره باخد اتنين قزازه دم ...قلت لي نفسي سبحان مغير الأحوال زمان باخد اتنين قزازه عرقي أبيض هسع بقي ويسكي احمر...فكان لمن اكون ماشي المستشفي اخد دم اي زول يسالني بقول ليهو ماشي اخد لي كم كأس ويسكي تايلندي ..فدمي طبعا اتشتت بين الدول بقي فيهو دم سوداني ودم مصري تايلندي ..فكنت محل ما امشي باخد دم...بعد فتره جا زول من السودان قلت ليهو عايز قضيم ودقيق فتريته...طابت او ود احمد ...جاب لي فتريته حمراء ...ومن الوقت داك وقفت اخد دم من المستشفي ...بقيت شغال بالاحمرين...قلت سبحان الله انا الاحمر ده من صغير مباريني..المريخ ..الخ..ووقفت شراب المويه العاديه دي ...بقيت اشرب قضيم كل ما اعطش..والفطور عصيده حمراء بي ملاح تقليه وفي فتره وجيزه الدم استقره وبقيت ما باخد دم الي ان تميت فتره الكيموثربي المحدده ورجعت لطبيب الأورام والجراح لعمل الفحوصات وتحديد العمليه ...فكانت فحوصات الدم فيها مشاكل برضو في البروتين والالبومين..ولكن الخبر السار جدا كانت نتيجه السيتي اسكان...فقد نزل الورم بنسبه كبيره من19.9 سم الي 14.7سم ولاحظت الفرح عند طبيب الأورام والجراح في وجوههم....فقررو اخد كيموثوربي تاني لمدة شهرين تاني واجي راجع لانو الورم لازم ينزل لي أقل من عشره سم
    نواصل

    (عدل بواسطة Haju Muktar on 09-09-2018, 06:23 AM)
    (عدل بواسطة Haju Muktar on 09-09-2018, 06:27 AM)

                   |Articles |News |مقالات |بيانات

09-09-2018, 06:31 AM

عمار قسم الله
<aعمار قسم الله
تاريخ التسجيل: 21-12-2015
مجموع المشاركات: 898

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)
                   |Articles |News |مقالات |بيانات

09-09-2018, 06:37 AM

اسامة الامام
<aاسامة الامام
تاريخ التسجيل: 24-02-2015
مجموع المشاركات: 1073

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عمار قسم الله)

    الف الف حمدا لله على السلامة اخي هجو
    وما تشوف شر يا رب
    وربنا يتتم عليك نعمة الصحة والعافية
    ويطمنا عليك
                   |Articles |News |مقالات |بيانات

09-09-2018, 06:41 AM

mohamed osman bakry

تاريخ التسجيل: 02-12-2003
مجموع المشاركات: 1539

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عمار قسم الله)
                   |Articles |News |مقالات |بيانات

09-09-2018, 06:42 AM

mohamed osman bakry

تاريخ التسجيل: 02-12-2003
مجموع المشاركات: 1539

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: mohamed osman bakry)

    الف الف حمدا لله على السلامة اخي هجو
    وما تشوف شر يا رب
    وربنا يتتم عليك نعمة الصحة والعافية
    ويطمنا عليك
                   |Articles |News |مقالات |بيانات

09-09-2018, 06:40 AM

حسن ادم محمد العالم

تاريخ التسجيل: 04-03-2014
مجموع المشاركات: 1017

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    صديقي الجميل هجو اجر وعافية وألف سلامة ليك ربنا يقويك
    وانت كما انت هذا هو المهم ياجبل ما يهزك ريح
    حقيقة حاولت التواصل معك في وقت سابق عبر الأصدقاء
    حافظ كنجال والصديقة نجلاء بالامارات ولكن قدر الله
    اتمناك بخير وتحياتي للاسرة
                   |Articles |News |مقالات |بيانات

09-09-2018, 10:09 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: حسن ادم محمد العالم)

    شكرا كتير ي حبايب
    نواصل
    طلعت من المستشفي بي معنويات كويسه بعد ان اطمأنيت بأنه الورم نزل كتير وممكن بعد فتره اعمل العمليه وواصلت في العلاج ونفس برنامج العماره الاجتماعي مواصل وتغيرت معظم الشخصيات وأصبحنا انا واحمد من أقدم سكان العماره بعد ان حصل إحلال وابدال للسكان من سودانيين وخلايجه...ولكن كلمه الخال لسع مستمره أو بقت متوارثه للسكان وكذلك اسم أحمد هجو مرافقي ..وكل اسبوع بمشي مقابله مع طبيب الأورام وفحص الدم كل الأمور كانت مستقره لحد ما وحينما قاربت فترة الشهرين النهايه طلب مني الطبيب الجراح ذيادة الوزن حتي اكون جاهز للعمليه فقد كان الوزن ضعيف شديد وطلب أيضا ذيادة الالبومين لانوا كان عامل 1.7 والطبيعي مفروض يكون 3.5 فقرر الاستعانة بطبيبة تغذيه دكتوره في الثمانين أو التسعين من العمر وكنت شايف انها دكتوره مخرفه وشمطاء لأنها كانت غير منطقيه ..الجراح يقول عايز يعمل العمليه بعد أسبوعين ..وهي ادتني اغذيه بعد ان ركبت انبوب بالانف..الجراح طلب أزيد عشره كيلو وهي بالانبوب بتقول في الأسبوع ح أزيد ربع كيلو ورفع الالبومين بنسبه محدده...انا هجت فيها ربع كيلو في الأسبوع معناها الشهر كيلو وعايز عشره شهور للعشره كيلو وده طبعا ما منطق ودخلنا في مشادات كلامية وصلت مرحلة شتائم .لانو في خلال 12 يوم انا في المستشفي راقد فقدت اكتر من اربعه كيلو لكن الشهاده لله الالبومين ارتفع وصل 2.2 ...الطبيب الجراح في اليوم الرابع عشر قال اعمل رنين مغنطيسي عشان يحدد العمليه ..ومشيت غرفة الرنين المغنطيسي غرفه مجهزه ودخلت الجهاز بتاع الرنين المغناطيسي وانا داخل الجهاز ...يقوم يتعطل زي الزول الراكب اسانصير من الطابق الاربعين والكهرباء تقطع .وانا داخل الجهاز اتصبب عرق والجهاز معطل واسمع بره جوطه بتاعت الفنيين بالتايلندي وانا ما فارز حاجه غير كلمة ميتل
    نواصل

    (عدل بواسطة Haju Muktar on 09-09-2018, 10:14 AM)
    (عدل بواسطة Haju Muktar on 09-09-2018, 10:17 AM)
    (عدل بواسطة Haju Muktar on 09-09-2018, 10:26 AM)

                   |Articles |News |مقالات |بيانات

09-09-2018, 02:10 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    نواصل
    وانا داخل جهاز الرنين المغنطيسي اتصبب عرقا جات ممرضه متخصصه في توصيل الأنبوب الغذائي للمعده فقد كان موصل عن طريق الأنف.جاءت قالت لي ح نطلع الأنبوب ونواصل الرنين المغنطيسي وبعد نرجع الغرفه نركبه تاني ..قلت ليها تمام .وبي سري قلت ليها تاني كان بركبه بلا انبوب بلا كلام فارغ اصلا انا زهجان من طبيبه الأغذيه...والشي الكان محير أفكاري هم كانو بقولوا احتمال الجهاز ما بيشتغل من الأنبوب والانبوب بلاستيك ما فيهوا معدن ..رجعت تاني لجهاز الرنين بعد فكو الأنبوب برضو ما اشتغل وحصل هرج ومرج في الغرفه كميه من الدكاترة والفنيين متحيرين...طلعوني من الجهاز وفحصوا الجهاز وعملوا تجربه دخلوا زول تاني الجهاز اشتغل ..دخلت أنا تاني الجهاز علق ما اشتغل ...تاني جو سألوني قبل كده عملت عمليه أو كان في كسر أو أي معدن أو مسمار..قلت ليهم اصلا ما حصل حاجه زي دي في حياتي ...تاني اشتغلو في الجهاز وغيروا لي ملابسي ورجعت الجهاز وبرضوا ما اشتغل ...وتأكدوا..تماما انه في معدن في بطني ..هنا اتزكرت الدكتور العمل عمليه المنظار في القاهره كان برجف وبقول لي نعمل عمليه سريع ..وطوالي كلمت الطبيب الجراح اللحظه ديك كان وصل غرفه الرنين المغنطيسي وحكيت ليهو بي قصه القاهره وقال لي غالبا يكون في جزء من المنظار انكسر في بطنك...وقال رجعوني لجهاز الرنين المغنطيسي تاني للمره الاخيره وبرضوا ما اشتغل ...وقال خلاص نعمل بيتي اسكان سريع عشان يشوف قصه المعدن دي ...انا طوالي خيالي سرح بعيد قلت احتمال انا اكون طاشم بلعت لي فله ولا حديده زمان ولا احتمال اكون مهرب لي ماس في بطني ولا ربنا عافاني وبي قدرة قادر حول الورم الخبيث لي احجار كريمه ..وفي اللحظه دي كانت غرفة البيتي اسكان جاهزه وانا ماشي عليها اسمع كل المستشفي تتكلم عن المعدن الفي بطني نواصل

    (عدل بواسطة Haju Muktar on 09-09-2018, 02:14 PM)

                   |Articles |News |مقالات |بيانات

09-09-2018, 02:32 PM

Biraima M Adam
<aBiraima M Adam
تاريخ التسجيل: 04-07-2005
مجموع المشاركات: 12828

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    متابعين .. والحمد الله الذي شفاك وعافاك .. يا أخي هجو ..

    بريمة
                   |Articles |News |مقالات |بيانات

09-09-2018, 04:45 PM

ombadda
<aombadda
تاريخ التسجيل: 10-10-2002
مجموع المشاركات: 6557

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Biraima M Adam)

    أجر وكفارة يا هجو
    سرد ممتع ومشوق
    أقترح جمع كل ذلك السرد في كتاب وطبعه
    بل وترجمته
    التجارب الواقعية خاصة مع المرض والتى تنتهي بالانتصار,
    والعزيمة على قهر المرض تخظي باقبال واسع
                   |Articles |News |مقالات |بيانات

09-09-2018, 08:49 PM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: ombadda)

    Quote: أقترح جمع كل ذلك السرد في كتاب وطبعه

    شكرا يا دكتور امبدة و مشتاقين
    اقترحت على هجو قبل ايام جعل هذا البوست كتابا لاسلوبه المشوق فى الكتابة و كثرة من هم يعانون من هذا الطاعون القاتل
                   |Articles |News |مقالات |بيانات

09-09-2018, 04:45 PM

عبدالمنعم الطيب حسن
<aعبدالمنعم الطيب حسن
تاريخ التسجيل: 15-11-2012
مجموع المشاركات: 2960

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Biraima M Adam)

    متابعين بمتعة،
    وبفرحة كونو دا كلو بقى ذكريات....
    يا لك من اسفنجية تمتص الاهات
    ولا تقهر؛
                   |Articles |News |مقالات |بيانات

09-09-2018, 04:57 PM

Frankly
<aFrankly
تاريخ التسجيل: 05-02-2002
مجموع المشاركات: 34792

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عبدالمنعم الطيب حسن)

    بالشفاء الكامل إن شاء الله

    ويا ليت تدعم قصتك دي ببعض الأرقام بالدولار في كل من كمبالا والقاهرة بانكوك

    تكاليف الفحوصات والعمليات والصور والغرف بالمستشفى والفنادق والشقق المفروشة.

                   |Articles |News |مقالات |بيانات

09-09-2018, 05:06 PM

هشام كمال عبادي
<aهشام كمال عبادي
تاريخ التسجيل: 30-10-2010
مجموع المشاركات: 2073

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Biraima M Adam)



    حمد لله على السلامة اخوي هجو والحمد لله قدر ولطف ..

    ما تشوف شر ..واعفي لينا مشغولياتنا وعدم سؤالنا ..

                   |Articles |News |مقالات |بيانات

09-09-2018, 06:15 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: هشام كمال عبادي)

    سحبت الصوره علي حسب طلب الزميل سيف النصر
    تحياتي

    (عدل بواسطة Haju Muktar on 09-09-2018, 06:36 PM)

                   |Articles |News |مقالات |بيانات

09-09-2018, 06:26 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    نواصل
    دخلت غرفة البيتي اسكان وهواجس المعدن في رأسي مره اسب والعن في الطبيب المصري ومره اقول أمكن انا بلعت حديده ومرات أصدق الورم اتحول لي ماس. واقول خلاص لو عملو عمليه انا اخلي ود اختي يخش يحضر العمليه عشان لو طلع فعلا في ماس نضمن حقنا...لانو هسع الناس ديل لو شالو الماس وكتلوني البجيب خبري منو احسن ود اختي يكون قاعد علي الاقل اضمن الماس حتي لو مت يكون حقنا محفوظ اصلوا الماس ده انا تعبت فيهو مما كان خليه صغيره لحدي ما كبر في بطني وانا براعيهو وتعبت وحملته وهنأ علي وهن وهسع لازم نطلع ليهو شهاده منشأ ونسجلو زي شهادة الميلاد عشان نقدر نخش بيهو دبي نبيعوا هناك ..وفي دبي طبعا اكبر سوق للماس....وفجاءه لقيت الممرضه تجهز في حقنه بتاعت رادييشن عشان البيتي اسكان ...وبتقرا لي في التعليمات اول ما تخش الجهاز نقول ليك شيل نفس وطلع نفس ...سبيت ليها وقلت ليها قطعت حبل الماس بتاعي هسع كان الواحد روق ورطب لي جنا الجنا...وكان عملت لي مزرعه بتاعت ورم في البطن ...تنتج ماس...اها خشيت الجهاز شيل نفس خت نفس وطلعت بعد انتهيت رجعوني الغرفه وانا بقيت في قلق منتظر النتيجه بي أسرع فرصه ...نتيجه السرطان اول مره ما كنت مقلق عليها زي نتيجه المعدن...
    نواصل
                   |Articles |News |مقالات |بيانات

09-09-2018, 06:28 PM

سيف النصر محي الدين
<aسيف النصر محي الدين
تاريخ التسجيل: 12-04-2011
مجموع المشاركات: 8517

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    يا ريت تشيل الصورة الاخيرة دي يا هجو
                   |Articles |News |مقالات |بيانات

10-09-2018, 05:53 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: سيف النصر محي الدين)

    غايتو...قصة الصور دي ابت اظبط...معاي ...


    قلق وتوتر في انتظار نتيجة البيتي اسكان ....وفعلا النتيجه كانت مفاجاءه...محبطه جدا

    (عدل بواسطة Haju Muktar on 10-09-2018, 08:37 AM)

                   |Articles |News |مقالات |بيانات

10-09-2018, 06:33 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    نواصل
    بعد كم ساعه سالت الممرضه عن النتيجه بتاعت البيتي اسكان قالت لي عند الجراح وبجي الصباح بدري ...وهسع عايزين نركب ليك انبوبة التغذيه واللحظه ديك كنت باكل لي في فول كارب جايبنو من أحد المطاعم اليمنيه في منطقه نانا اسكوير...قلت ليها أنبوب شنو ياخي انا هسع باكل براي ما عايز الأنبوب ده قالت لي ولو ...دي تعليمات وطبعا إخوانا ديل شغالين بي سيستم والسيستم عندهم زي قضيب السكه حديد ...المهم انا رفضت ستين يمين ما اركب الأنبوب ده تاني ...انا اكتر من اتناشر يوم مركبين لي الأنبوب..الكلام بالاشاره او بكتب في ورق ...وكان بجو يزوروني ناس كتار ولسانهم طويل لقوا فيني فرصه الأنبوب مركب واخدو يتفسحو فيني...وانا ما قادر ارد ليهم..ورفضت الأنبوب لانو بالمنطق انا وزني ماشي نازل مما خشيت المستشفي وركبو الأنبوب فقدت اربعه كيلو...وقلت للممرضه مافي طريقه لو جا ملك تايلند ذاتو...امشي كلمي الدكتوره ..وفعلا جات الدكتوره ورفضت رفض تام ودخلنا في مشاده كلاميه حاده...وفشلت تقنعني بالانبوب. وفي الصباح الباكر جدا جا الطبيب الجراح ومشيت معاهو غرفه فيها كمبيوتر وانا مقلق للنتيجه وفتح الكمبيوتر ووراني صوره البيتي اسكان ..وظهر فيها حصاوي قريبه من القناه المراريه وقال لي محتاجين نعمل عمليه حصاوي سريع لانها ممكن تغلق القناه المراريه و الحصاوي دي سبب الضعف وفقدان الشهيه ولو شلناها انت ممكن صحتك تتصلح وتساعد في إجراء العمليه لانو واضح انا ما ح اقدر اعمل العمليه الان الا بعد نعمل عمليه الحصاوي وناخد تاني كيموثربي لمده شهرين ...لانو الورم في الفتره الفاتت ما نزل كتير بسبب ضعف التغذيه....وانا في العمليه الكبيره برضو ح اشيل المراره ...قلت ليهو كويس نا في مانع لكن موضوع المعدن حصل فيهو شنو ...قال لي طلع حاجه شكلها صغير وما ذات اهميه غالبا تكون جزء من المنظار العملتو في القاهره...المهم في خلال اسبوع لازم نعمل عمليه الحصاوي دي...قلت ليهو خير خليني ارتب حالي في خلال الاسبوع واجي راجع ...فعلا طلعت من المستشفي ورجعت البيت حتي ارتب حالي لعمليه الحصاوي
    نواصل
                   |Articles |News |مقالات |بيانات

10-09-2018, 08:30 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1740

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    هجو قاهر السرطان
    امسح صورتك الكبيرة الفوق دي بالله
                   |Articles |News |مقالات |بيانات

10-09-2018, 08:30 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1740

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    الحمد لله ربنا شفاك وعافاك
    والله انت زول طيب شديد ياخ

    (عدل بواسطة Ahmed Yassin on 10-09-2018, 08:31 AM)

                   |Articles |News |مقالات |بيانات

10-09-2018, 08:32 AM

Abdalla Hussein
<aAbdalla Hussein
تاريخ التسجيل: 20-12-2015
مجموع المشاركات: 782

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Ahmed Yassin)

    اسأل الله لك تمام الصحة وكمال العافية
                   |Articles |News |مقالات |بيانات

10-09-2018, 09:08 AM

Haydar Badawi Sadig
<aHaydar Badawi Sadig
تاريخ التسجيل: 04-01-2003
مجموع المشاركات: 8076

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Abdalla Hussein)

    عزيزي هجو،
    تحيتي وودي
    كم أنا سعيد بشفائك!
    الحمد لله الذي أزال عنك رهق هذا المرض الخطير وسلمك وعافاك.
    ما تفعله هنا درس في غاية الأهمية. وسيفيد كثيرين، منهم أعز أصدقائي.
    وقد عرفت منه قبل أيام معدودة مرضك ثم تعافيك بحمد الله.
                   |Articles |News |مقالات |بيانات

10-09-2018, 12:59 PM

Sudany Agouz
<aSudany Agouz
تاريخ التسجيل: 27-04-2002
مجموع المشاركات: 8795

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haydar Badawi Sadig)


    الإبن الحبيب هجو ..

    صدقنى .. كم أنا فخور بكم .. لأننى على علاقة قريبة
    مع عدد من الأصدقاء .. وهم يعانون من نفس هذا الداء ..
    وأننى على علم بمدى المعاناة من جلسات " الكيمو " ..
    و هناك جارنا والذى يسكن أمام منزلنا .. تقريباً كل يوم
    يتصل بى هاتفياً .. لأقوم بمرافقته الى صندوق البريد ..
    أولاً لتنشيط سريان الدم .. والعضلات .. ثم لإحضار
    رسائله البريدية .. وبالطبع له " مشايّة " خاصة للحرص
    من الوقوع ..
    ولكن ماذا أقول لكم ..
    الرب يكون معكم ويحافظ عليكم ..

    وبهذه المناسبة أهدى لكم هذه الأغنية للفنان الكبير والجميل ..
    الفنان .. والموسيقار .. محمد الأمين ..



    الرب يبارك فى حياتكم .. وفى حياة أسرتكم الغالية ..
    عمكم العجوز ..
    ارنست
    +++
                   |Articles |News |مقالات |بيانات

10-09-2018, 03:50 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Sudany Agouz)

    الشكر اجزله لكل الضيوف والمتابعين لكم ودي وكرر اعتذاري عن عدم الرد ولكن ساخصص وقت للردود
    ..........
    نواصل
    نواصل
    زيارة الاصدقاء في هذه البلاد البعيده المكلفه ترفع المعنويات وتجعل الفرد يفرز طاقات ايجابيه حتي الرسائل في مواقع التواصل الاجتماعي أو الكتابه كانت تدفعني لحب الحياه والتشبس بها...دائما ما نري صور من نعزهم ونحبهم وغادرو الحياه في بروفايلاتنا...وهم لا يرون صورهم ولا يعرفون مدي حب الآخرين لهم لانهم بكونوا قد عبروا الي العالم الآخر...فأنا كنت سعيد جدا فقد رايت صوري في بروفايلات أصدقائي ورأيت كتاباتهم عني فقد كان حبهم دافعا قويا لتحمل الام الكيموثربي...اصدقاء باعد الزمان والمكان بيننا بعشرات السنوات وآلاف الأميال وجدتهم في الأسافير يسالون عني ويحتفون بصور قديمه وأحداث كنت قد نسيتها تماما مع زخم الحياه ...كانت فترة المرض هذه فعلا فترة تأمل وإعادة حسابات كثيره وكيف كنت قد اخطاءت في حق اناس كتار وفي حق نفسي ...عباره قالها لي بتاع تاكسي تايلندي حينما كنت راكب قدام معه وفي كم عربيه تجاوزتنا ودخلت قدامنا في زحمه...انفعلت وقلت له لي بتخلي الناس دي تخش قدامنا ...قال لي قلب بوذا ما عايز انفعال وخليهم احتمال يكون عندهم مشاكل ماشين يحلوها...فكرت في كلام بتاع التاكسي كتير في تلك الأيام ووجدت انني كنت علي خطا في كثير من مواقفي...جهزت حالي لعملية إزالة الحصاوي وتوجهت في اليوم المعني للعمليه صباحا وقد كنت صايم ودخلت المستشفي وبديت الفحوصات والإجراءات العاديه للعمليه فقد كانت عباره عن تفتيت الحصاوي بي بنج كامل ومنظار ..كنت في الغرفه مستمتع بي اغاني اسماعيل عبدالمعين...والخدير وخضر بشير ..الي ان جاءت الممرضه ومعها النقاله وذهبت الي غرفة العمليات ...دخلت غرفة التحضير والتخدير في البدايه وكانت الإضاءة خافته الممرضات يتحركن في رشاقه خفه كأنهم ملايكه مابين تركيب الاجهزه والتنفس والحقن والونسه بي همس تنسيك المرض وفكرة العمليه ...اخر حاجه كنت بتزكره. طبيبه التخدير كان بتتكلم معاي ....لكن ما متزكر التفاصيل ....ورحت عييييييك
    نواصل
                   |Articles |News |مقالات |بيانات

10-09-2018, 05:49 PM

Osman Mahmoud
<aOsman Mahmoud
تاريخ التسجيل: 05-09-2017
مجموع المشاركات: 376

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)


    انت بطل حقيقي الاخ هجو، خضت معركة قاسية جدا ..
    مع المرض والألم والربكة والانتظار والاحباط والخوف والعجز واليأس ......، من الصعب
    جدا واشبه بالمستحيل ان يجد الانسان نفسه كما تسرد في القصة، من الصعب الخروج
    من كل هذه الاجواء ووضعها كخصم امامك من ثم مواجهتها، والتغلب عليها ..
    من خلال القصة كنت ارى انك احيانا تستخدم اليأس كسلاح في وجه المرض، وخاصة
    برفضك القاطع لعمليات الاستكشاف ..
    لا نطيل عليك وعلى القراء .. واصل السرد .. وبالتأكيد سيكون سند وعضد لمرضى
    يبحثون حتى عن قشة يعلقون عليها آمالهم .. واخرون ..

    تحياتي لإبن الاخت ونعم من ابن .. كن دائما بخير .. ومن تحب .







    .
                   |Articles |News |مقالات |بيانات

10-09-2018, 11:51 PM

خالد حاكم
<aخالد حاكم
تاريخ التسجيل: 25-08-2007
مجموع المشاركات: 3393

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Osman Mahmoud)

    الف حمدا لله على سلامتك اخ هجو وان شاء الله اجر وعافية
                   |Articles |News |مقالات |بيانات

11-09-2018, 04:51 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: خالد حاكم)

    نواصل
    صحيت علي همس الممرضات من حولي .والغرفه مضاءه اضاءه خافته كأنو هناك مشهد غرامي في سينماء وكل شئ هادئ عاينت ليهم في استغراب وانا استجمع ذاكرتي.انا منو و انا وين ياربي والحاصل شنو .والبنات السمحات ديل منو ياربي كنت مساهر في ديسكو..ولا حفله وغبيت ويكون الخ...وشويه شويه بديت استوعب ..ايوا المستشفي ..العمليه ..ياربي اكون هضربته ..وكان هضربته ذاتو ديل الا يستعينو بي قوقل للترجمه .بقيت اتحسس جسدي احتمال في جروح أو في شنو من آثار العمليه ..كل شئ سليم إلا بس في وجع حلق بعييييييد كده تحس بيهو.٠ ..طوالي بي نفس النقاله ساقوني للغرفه وبعد شويه جاء الطبيب العمل العمليه مبسوط وشايل معاهو ظرف فيهو صور العمليه ......
    نواصل

    (عدل بواسطة Haju Muktar on 11-09-2018, 05:14 AM)
    (عدل بواسطة Haju Muktar on 11-09-2018, 05:20 AM)

                   |Articles |News |مقالات |بيانات

11-09-2018, 06:26 AM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    نواصل
    وبدأ يشرح لي العمليه حصل فيها شنو وانه سعيد جدا قدر فتفت الحصاوي كما موضح في الصوره ..وقال هو انجز لان العمليه دي كانت خطره ..والخطوره تكمن في أن الورم السرطاني متاخم للمراره و الحصاوي وهو من الداخل سائل ومن الخارج مغلف بي غلاف خفيف اي هبشه بالمنظار احتمال ينفجر...ولو انفجر ح يكون فيهو خطوره لانه من الداخل به جبيبات كحب الكمون الاسود ولو انفجر الحبوب دي ح تنتشر في كل الجسم .والسرطان حينتشر وح يكون في لوكيميا في الدم وما ح يقدروا يتسيطروا عليها لذا كانت العمليه خطيره ومحتاجه مجهود كبير ...وقال لي انا سعيد جدا بي نجاح العمليه ودي ح تحسب لي في رصيدي من العمليات المعقده ...وهنأ اتزكرت دكتور ثيربو الجراح وصالح طبيب الأورام لمن كان قلت ليهم العمليه بتاعت الحصاوي في المستشفي هنا عندكم غاليه خلوني امشي اعمله بره بتكلف أقل من عشره في الميه من مبلغكم..وهم رفضوا وقالوا لي ما بنضمن المضاعفات..ونحن رشحنا طبيب ماهر متخصص في العمليات الزي دي ولو عملتها بره ح نكون بعيدين ..لكن نحن هنا قريبين وممكن نتابع ...لكن علي كيفك لو عايز تمشي محل ارخص ده من حقك...وانا طبعا رفضت وقلت احسن هم علي الاقل متابعين وعارفين حالتي...وابتسم الجراح العمل عملية المراره وقال لي انت محظوظ و.ممكن تنو م معانا هنا في المستشفي وتطلع بكره الساعه عشره ص ...وبعد بكره ممكن تواصل في الكيموثربي...
    نواصل

    (عدل بواسطة Haju Muktar on 11-09-2018, 06:31 AM)
    (عدل بواسطة Haju Muktar on 11-09-2018, 09:29 AM)
    (عدل بواسطة Haju Muktar on 11-09-2018, 10:02 AM)

                   |Articles |News |مقالات |بيانات

11-09-2018, 07:39 AM

عبد الوهاب المليك
<aعبد الوهاب المليك
تاريخ التسجيل: 24-01-2013
مجموع المشاركات: 2089

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
                   |Articles |News |مقالات |بيانات

11-09-2018, 08:45 AM

بشير أحمد
<aبشير أحمد
تاريخ التسجيل: 21-03-2008
مجموع المشاركات: 10354

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: عبد الوهاب المليك)

    حمدلله الف على السلامة ياهجو.
                   |Articles |News |مقالات |بيانات

11-09-2018, 10:24 AM

usama Babiker
<ausama Babiker
تاريخ التسجيل: 07-01-2013
مجموع المشاركات: 2210

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: بشير أحمد)

    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
                   |Articles |News |مقالات |بيانات

11-09-2018, 11:37 AM

احمد حمودى
<aاحمد حمودى
تاريخ التسجيل: 11-01-2013
مجموع المشاركات: 3471

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: usama Babiker)

    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
    اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
                   |Articles |News |مقالات |بيانات

11-09-2018, 02:17 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: احمد حمودى)

    نواصل وفعلا طلعت تاني يوم من المستشفي ولاحظت الشهيه للاكل تغيرت للأحسن وبقيت اقدر اتمشي في شوارع بانكوك في الامسيات جميله الشوارع صاحبه لاتنام...وصادف ان زارني صديق عزيز منذ أن كنا في الثانوي نحن اصدقاء وتفرقت بنا سبل الحياه والتقينا بعد خمستاشر سنه وأصبحنا نلتقي دوما وحينما سمع بمرضي كان في القاهره جاءني مخصوص في بانكوك ومكث معي أكثر من عشره يوم كانت من اجمل الأيام فقد قضيناها حوامه ما بين جزيرة بتايا ...كما يسميها السودانيين بتايا بلد الهدايا... بكسر الهاء . وركوب الافيال ......نواصل

    (عدل بواسطة Haju Muktar on 11-09-2018, 02:22 PM)

                   |Articles |News |مقالات |بيانات

11-09-2018, 03:18 PM

Haju Muktar
<aHaju Muktar
تاريخ التسجيل: 25-10-2011
مجموع المشاركات: 5068

للتواصل معنا

FaceBook
تويتر Twitter
YouTube


Re: رحلتي مع مرض السرطان تفاؤل وحب وسخريه (Re: Haju Muktar)

    نواصل
    ذات نهار تايلندي ممطر وقد داهمني الم عجيب وانا انظر الي حبوب المسكن ما بين اخد حبه ولا اعمل شنو لانني بلعتها كنير في تلك الفتره وكان صديقي وبن اختي يتناقشان في موضوع ما بالقرب مني فكانا دوما في حالة نقار ونقاش ...فقطعت لهما النقاش... ...فقلت لهما رأيكم شنو نمشي بتايا كانت الساعه حوالي تلاته عصر وايدا الفكره ....طوالي قلت احمد انت اضرب لي بتاع التاكسي صاحبك ...بتاع تاكسي تايلندي ستيني في العمر صاحب روح شبابيه ونكته وسريع بديهه فقد كنت دائما استمتع بالمشاوير معه ..وفي خلال أقل من نصف ساعه نحن في الطريق السريع لي جزيرة بتايا...الشارع جميل مخضر ومزارع جوز الهند علي طول الطريق تتخللها مزارع السمك والمصانع وقبلها الشارع بمر بمدينه صناعيه ضخمه والأمطار لازالت تهطل بي غزاره والشارع اصبح أكثر متعه وعلي مشارف جزيرة بتايا تلتقيك سلسلة جبال مخضره وتخفي خلفها خليج تايلند الذي يحيك بتلك الجزيره الساحره المزدانه باشجار جوز الهند والخليج من بعيد لون مياهه اقرب الي اللون السماوي ففي خط الأفق لاتستطيع ان تميز ما بين السماء والبحر فهما في اتحاد عاشقين التقيا بعد فراق فتعانقا ولا تعرف من هو السما الحبيب الغايب ولا البحر الهائج شوقا..مدخل جزيرة بتايا ساحر يزكرني بي مدخل مدينة ومدني في تمانينيات القرن الماضي حينما كانت مخضره والأمطار فيها تبدا من شهر خمسه...قبل أن يتغير المناخ بسبب حرق الغطاء النباتي...رائحه جميله تنبعث من طرقات بتايا أشبه بالياسمين لشجرة الياسمين سحر خاص عند الشعب التايلاندي الساعه تشير إلي السابعه بعد المغرب والأجواء جميله فكنا نبحث عن هوتيل بالقرب من الشاطي فلم نتوفق..واخيرا وجدنا هوتيل ممتاز لا يبعد كثيرا عن الشاطئ...ودخلنا بهو الهوتيل الانيق وموظفي الريسبشن أكثر اناقه في التعامل ...وحجزنا الغرف ودخلنا شنطنا في أقل من نصف ساعه أخدنا حمام دافئ فالجو بدا يبرد والتقينا في غرفتي نخطط للخروج والسهر...طبعا لحدي الان ما اتزكرت المسكن ولا الالم....بحثنا في العم قوقل عن مناطق الترفيه والسياحه ووضعنا خطه اليومين القادمين...منها زيارة البيتش نهارا واهم معلم هو سينشري تروث وحديقه داخل غابه في الجزيره ..وعلي ان نبداء ليلتنا هذه بشارع الووك استريت ..وهو شارع مشي بالارجل فقط ودخلنا بداية الشارع في حوالي الساعه التاسعه مساء ....
    .نواصل

    (عدل بواسطة Haju Muktar on 11-09-2018, 03:21 PM)
    (عدل بواسطة Haju Muktar on 11-09-2018, 03:27 PM)

                   |Articles |News |مقالات |بيانات


[رد على الموضوع] صفحة 2 „‰ 4:   <<  1 2 3 4  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de