|
Re: قلنا الرووب (Re: عبدالحفيظ ابوسن)
|
ابوي عليه رحمة الله اتعلمنا منو حاجة بعد كبرنا ، ونحن اطفال لم نكن ننتبه لها لامن يكون في صنف في الصينية مختلف ونحن نعصر عليهو بخف يدو منو ، وغالبا لا يتذوقه ابدا وما اظن ابوي براي بل كل الآباء والزمن كان زين نتذكر ذلك ويكبر معني الاب في نفوسنا
| |
|
|
|
|
|
|
Re: قلنا الرووب (Re: عبدالحفيظ ابوسن)
|
في الاعياد بنكسي الاولاد بس وهو زاتو غير العيد في كسوة !؟ كم سنة والله ما بتذكر اشتريت حاجة لي نفسي في العيد . لو بالغت كل كم سنة مركوب جنينة ولامن زاد سعر بقا 300 ج خليتو المركوب يظل يناضل معاي الاعياد والمناسبات الرسمية والسفريات وبرضو ما اظن براي معظم الآباء الذين اعرفهم كدة الحاجة الوحيدة البنعملها في العيد الحلاقة بس . هكذا الآباء الابناء اولا
| |
|
|
|
|
|
|
Re: قلنا الرووب (Re: عبدالحفيظ ابوسن)
|
وحقل "الراوات" يا شيخ العرب الكان قافلة عليهو الحكومة أخيرا أعلنوا ما ح يطلّع أكتر من 10 الف برميل بالكاد ح تغطي تكلفة استخراجها هي نفسها!!
الله يعين
| |
|
|
|
|
|
|
Re: قلنا الرووب (Re: عبدالحفيظ ابوسن)
|
موسم المدارس المدارس الحكومية التسجيل للاساس 350 ج وللثانوي 550 ج دة غير حق الكراسات والكتب . اي والله الكتب تشتريها من الناس الفارشين في الواطة والروضة 5 مليون في السنة بتكلم معاي والد والله لو قلت ليهو يا حليلك يبكي يبكي مر الشكوي قال ولدو عندو بنطلون واحد من السنة الفاتت لقا خياطة البنطلون بتجيب بنطلون جاهز وعندو ولدين
| |
|
|
|
|
|
|
Re: قلنا الرووب (Re: عبدالحفيظ ابوسن)
|
حبابك مكاوي ماكلين نارنا وحياتك وشايلين شيلتنا لكن موجعانا وجع جد الله يا صمت الرجال الامهات كما قال عاطف خيري تعرف كسودانيون بنشوفها عيب تعاير زول بالعقر . مش كدة وبس ولا بتجيب سيرة الاطفال قدامو لكن الله يجازي الكان السبب
| |
|
|
|
|
|
|
Re: قلنا الرووب (Re: عبدالحفيظ ابوسن)
|
تحياتي ود القبايل كيفك انشالله دوما منصور وخاطرك مجبور بدونك الوطن خلا اصبر بس اللي في العقاب بلقي العذاب لك ودي هاك القايمة حقت المسافرين موسكو https://www.0zz0.com
| |
|
|
|
|
|
|
Re: قلنا الرووب (Re: زهير عثمان حمد)
|
شفت لي رسالة في الواتس - ما متأكد من صحتها- عوض الجاز بيخاطب فيها وزير الخارجية الروسي، يبدي فيها رغبة البشير في حضور نهائيات كأس العالم ! يعني الموضوع شحدة.
| |
|
|
|
|
|
|
Re: قلنا الرووب (Re: عبدالحفيظ ابوسن)
|
شهادة الروضة اها الروضة بقت اجباري . وانفتح بند جديد للصرف ========== حبيبنا أبوسن .. مودتي .. في قريتنا في أقصى شمال السودان شاهدت صور لتخريج من الروضة .. لأول مرة أشاهد مثل هذا الحفل في بلد الترابلة فرش وكراسي وشهادات مصاريف .. ألاحظ رغم الحاجة بدأت مظاهر الترف تنتشر في السودان
مودتي أبوسن الحبيب
| |
|
|
|
|
|
|
Re: قلنا الرووب (Re: علي عبدالوهاب عثمان)
|
حبابك زهير وآمين هسة الرحلة دي كلفت كم ؟ بالعملة الصعبة التي نحتاجها للدواء والوقود واني لأحسدهم !! الواحد فينا مع الهموم ما قادر يعاين لشاشة التلفزيون .. الدنيا مسخت لينا تب
| |
|
|
|
|
|
|
Re: قلنا الرووب (Re: عبدالحفيظ ابوسن)
|
والله يا علي البحصل في تخريج الروضة يشقك بالغبينة الامهات بسألن عن طريقة التخريج قبل يسجلن للمفاضلة ويتحملها الاب المطحون مضغوط من الام والاطفال . مزايدة عاطفية الامهات بتحنن حنة عديل ويشترن توب التخريج والذي منو
| |
|
|
|
|
|
|
Re: قلنا الرووب (Re: عبدالحفيظ ابوسن)
|
أبانا الذي في المباحث. نحن رعاياك. باقٍ لك الجبروتُ وباقٍ لنا السكوتُ. وباقٍ لمن تحرسُ الرهبوتُ. تَفَرَّدتَ وحدَكَ باليُسرِ. إنَّ اليَمينَ لفي الخُسرِ. أما اليسارُ ففي العُسرِ.. إلا الذين يُماشون إلا الذين يعيشونَ يَحشُونَ بالصحفِ المشتراةِ العيونَ فَيَعشُون. إلا الذين يَشونَ. وإلا. الذين يُوَشُّونَ ياقاتِ قُمصانِهم بِرِبَاطِ السُّكوت! تَعَالَيْتَ. ماذا يَهُمُّكَ مِمَّنْ يَذُمُّكَ؟ اليومُ يومُكَ يرقَى السجينُ إلى سُدَّةِ العرشِ.. والعرشُ يُصبحُ سِجْنًا جديدًا وأنتَ مكانُكَ. قد يتبدلُ رسمُكَ واسمُكَ. لكن جوهرَكَ الفردَ لا يتحولُ، الصمتُ وَشْمُكَ. والصَّمْتُ وَسْمُكَ وَصَمْتٌ – حيثُ التَفَتَّ – يرينُ وَيَسْمُك والصمتُ بين خيوط يدَيْكَ المُشبَّكَتَيْنِ المُصْمَغَتَيْنِ يَلُفُّ الفراشةَ.. والعنكبوتْ *** أبانا الذي في المباحثِ. كيفَ تموتُ وأغنيةُ الثَّورةِ الأبديةِ لَيْسَتْ تموتُ!! امل دنقل
| |
|
|
|
|
|
|
Re: قلنا الرووب (Re: عبدالحفيظ ابوسن)
|
سلامات ابوسن وضيوفو تخريج الروضه استهبال لاداعى له . تصور كم مره صادفت تخريج روضه فى المسرح الخارجى لمنتزه عبود يكون بعد صلاه المغرب واحيانا بعد صلاه العشاء ويستمر الحفل حتى 11 بالليل احيانا.
| |
|
|
|
|
|
|
Re: قلنا الرووب (Re: تماضر الطاهر)
|
وازيدك بيت يا صاحبة والله ما شفت لامن مات شال عضم لحمة تصدقي! ونحن نقع المشاش وخير اللحم ما جاور العظم لامن نخت الصينية ونقعد كثيرا ما اتذكره . فيعجبني عظم القصير و اشتهي تلك الايام . فاتذكره اقوم اطلعو لأحد اطفالي والذكريات تتلاطم داخلي
| |
|
|
|
|
|
|
|