طلب (رخيص) من حاتم ابراهيم

Quote: دي لرفع المعنويات المنتهية. ههههه إنت ياحاتم الحركات نكرتها حطب في تعليقك السابق. Quote: وهل في أصل الجملة توجد (حركات) يا أبو رغوة؟ ولما أديناك مثال (Dahar ضَهَر) وصويحاباتها بقيت تجقلب وبلعت كلامك واعترفت بالحركات زي ما واضح في الاقتباس ده: Quote: الحرف الكبير للألف والصغير للفتحة يعني دي (u) للضمة ودي (i) للكسرة، يكسر أبو الكرتونة البلا قيمة ياخ ودي (~) للشدة. يعني كلامك بلعته على بُعد تعليق واحد. واللي بيسمعك بنبرة الثقة بتاعتك ديك وما بيعرف لغويات بيصدقك طوالي. طيب مشينا خطوة لي قدَّام بتراجعك واعترافك. سؤالي ليك بعد هذا الاعتراف: وين الحركات في هذه الكلمات: (رحم)، و(عرف)، و(قدر)، و(نفسه)، و(حبل)، و(دفنه)، و(كنز)؟ وعشان ما تتزاوع خليني أكون دقيق معاك في السؤال عشان تتحكر وما تفرفر، والأمثلة من العبارة الأولى بس: (rHm) دي مش المفروض تكون حاجة زي (raHima)، و(qdr) دي مش المفروض تكون (qadra)، و(nfsh) دي مش المفروض تكون (nafsihi)؟ الحركات دي مصبِّنها مالك؟ يا أخي الطوب بيعملوا بيناتو مُونة. إنت شغال رص حاف. عفيت منك يا اللغوي الكَلَس. 1. . رحم الله امرء عرف قدر نفسه rHm Allh Amr' orf qdr nfsh 2. إكرام الميت دفنه EkrAm Almyt dfnh 3. .حبل الكذب قصير Hbl Alkcb qSyr 4. القناعة كنز لا يفنى AlqnAo: knz lA yfnY أما كلامي عن الحرف الأول، فواضح وما عايز جرجرة.الألف الأولى في كلمة (الكرام) أقصر من الألف التانية. ليه إنت بتمثلهم الاتنين بـ(A)؟ mrwr AlkrAm كلامي ده بسيط جدًا وما عايز سفسطة وتقعد تجيب مصطلحات. ده ما بحلَّلك معاي. وأنا مستعد أواصل معاك 10 سنة. ما تفتكر حا أتعب. وأسئلتي دي أي قارئ عادي حا يسألك ليها. أحسن تبطل لولوة وتركز.