طلب (رخيص) من حاتم ابراهيم

Quote: شايف الراجل الكريم في الفيديو دا؟ مراجعات طريفة على منزلة اللغة الشريفةمراجعات طريفة على منزلة اللغة الشريفة مع أنو يفهم في اللغويات عشرين مرة قدرك تقريباً لكنه حريص يقول (اللغة الشريفة)، حدو هنا لأنه بيفهم شنو يعني (لغة طبيعية) وتماها تبخيس في باقي اللغات! تقوم أنت تقول (مقدسة)! ومال (العوام) من النيس يقولوا شنو؟ بل يسووا شنو إذا سمعوا واحد بيتكلمها؟ نورنا يا متعلم، شيل شيل ياخ وخلي أطباق البيض تتوفر، براك شايف كوارث السودان اليومين ديل، يقوموا يطلعونا بنقدس اللغة كمان! ___ من بداياتك وأنا عارف التشكيل والكلام المعسم دا مرضاة رب ساكت، فضحتنا.

بعدين أفرض أنا قلت إنه اللغة العربية مقدسة، المشكلة شنو؟ مش هو رأي في النهاية وإنت ممكن
تقول عكسه؟ المشكلة شنو في إنه أنا أقول العربية مقدسة والعبقرية شنو في إنك إنت تقول ما مقدسة؟
بعدين منو قاليك وبأي وسيلة أو منهج توصلت لي إنه ما في زول خالص على وجه البسيطة بيشوفها مقدسة؟
أهو جبنا ليك بروفيسور متخصص في المجال بيقول كده مش زول من "العوام"، وده لي معلوميتك ما معناها
إني بوافقه، لكن برضو ما بديني الحق أطلِّعوا من "زمرة اللغويين" زندية ساي مني زي ما عملت إنت.

لاحظ إنك جايب المثال ده كأنه رياضيات (واحد + واحد = اتنين) وعايز تبرهن إني غلطت في الحساب
لأنه "مثبت علميًا ورياضيًا" إنه اللغة العربية ما لغة مقدسة عند أي زول في العالم. شغلك ده شغل خنِّق فطِّس ساي.
هي اللغويات شنو غير تنظير زيها وزي أي علوم نظرية تانية قائمة على الآراء وقبولها أو تفنيدها، وفي
النهاية كل زول ورأيه؟ وحتى أكبر اللغويين لو إنت عارف الحاجة دي—وما أظنك عارف—غيروا رأيهم
أو تراجعوا عن نظريات عدييييييل حقتهم كان كتيرين غيرهم بيؤمنوا بيها.

يا زول إنت موضوعك منتهي والمحصلة إنه لغتك العربية والإنجليزية منتهية، وفي الترجمة راقد سلطة، وفي
الأكاديميات وكتابة البحوث وأساليب الاستشهاد فيها ما عارف التكتح وغايبة عليك حتى الأساسيات، ومنطقك عاجز
وحججك ضعيفة، وموقعك التجاري الأكاديمي فضيحة لغوية زي ما وضحنا في تعليقات سابقة وباعترافك في تعليقاتك السابقة.

Quote: لكن باصر ليك مخرج من دي باقي السنة دي بصورة عاجلة

أها بعد الكلام ده منو يمشي يباصر ليهو مخارجة في عقاب السنة دي؟

والسؤال المهم: البروفيسور ده وضعه شنو؟ جوة ولا برة زمرة اللغويين؟ متعلم ولا متعلم؟

يا زول على سبيل الاحتياط أنا بوافقك في رأيك ومعاك قلبًا وقالبًا. مالي بباري
لي زول بروفيسور عنقالي ساي يمرقني من زمرة اللغويين والمتعلمين؟

ختامًا، ما تفتكر أنا نسيتك. المفاجأة بتاعتك جاهزة، لكن شغلتنا أموالنا وأهلونا وخفت "أعمالي الخاصة
تتضرر" زي أعمالك. إنت قايل براك عندك أعمال خاصة؟ إنت بس أقعد كاكي كده وبصلتك في النار!
أما حكاية حوار أكاديمي معاك دي خلاص أنا اعتزلتها لأنها ما جايبة حقها والطربيزة مميلة خالص وما حا
أضيع زمني أرد على ترهاتك ومطولاتك دي، لكن نتلاقى بإذن الله في "سوح" أخرى قريبًا.
--
البروفيسور هو (Professor Emeritus of English Samir Abu-Absi) في جامعة توليدو (University of Toledo ).
والورقة عنوانها (The Modernization of Arabic: Problems and Prospects).
---
في الاستشهاد سنة نشر الورقة المعنية مكتوب 1984 والصحيح 1986. طبعًا ما بتقدر تقول حاجة لأنه
أنا ما عندي "نظام" زيك. أنا بكتب "باليد" ساي، وكمان إنت زمان ما قصرت في التنبيه "للاستحقاق الأكاديمي" وقدِّيتنا
بيهو.