|
Re: كاس العالم ..تنبؤات .. قصص .. انتيمات (Re: معاوية المدير)
|
Quote: بلجيكا بعد الهجمة الدخلتا من الزدواى و جات من الكوشة ما اظن تفرّط تانى قدام البرازيل |
أيوه كدا اصلح معانا يا جلال .. عارف الزدواي لوما قابل بلجيكا احتمال كبير كان يتقدم .. ياخي باكم العامل وشو زي ارنب الخلا داك جهجه هجوم بلجيكا جهجهة السواد .. لوكاكا بكان ما يتلفت يلقا تحت كرعي.
| |
|
|
|
|
|
|
Re: كاس العالم ..تنبؤات .. قصص .. انتيمات (Re: محمد على طه الملك)
|
بعد قليل فرنسا - اورغواي 2 - صفر فرنسا ستحتل الملعب طولا وعرضا الاورغواي تفتقد خدمات اهم لاعب لديها في المونديال وهو كافاني ستركز بالطبع عل تكثيف الدفاع والهجمات المرتدة التي لا تملك اسلحتها ، بديل كافاني جيد واثبت نفسه امام الفرق الكبيرة في الدوري الاسباني لكنه ليس كافاني .. ننتظر ونشوف عموما المباراة حتكون مملة لكن الكورة الصاح في المسا وسيتم تمزيق مجموعة المشرف وعلي اربا اربا
| |
|
|
|
|
|
|
Re: كاس العالم ..تنبؤات .. قصص .. انتيمات (Re: جلالدونا)
|
فرنسا الى دوري الـ4 بقوة وصاح الديك ** الاورغواي كالعادة لم يكن صيدا سهلا ولعب بقتالية وروح عالية لكن ارادة النجوم هي من غلب في النهاية ، منتخب فرنسا هزيمته صعبة جدا ، فريق مكتمل الخطوط تقريبا .. ** الغريب انو رغم النجوم والعراقة ، مافي مشجعين لفرنسا في المنبر ! ** في انتظار الشوكولاتة
| |
|
|
|
|
|
|
Re: كاس العالم ..تنبؤات .. قصص .. انتيمات (Re: Ahmed Khalil)
|
Quote: وسيتم تمزيق مجموعة المشرف وعلي اربا اربا
|
ههههه والله خايف مش من اللعب الفير .. لكين من جنس العمايل العبر عنها الكاركاتير بالحرف.. ماعارف لكين اروقواي ما كانت بتشبه روحا وسهلوها على الفرنسيين شديد .. قونين في روحم ؟ دي ما حصلت .
| |
|
|
|
|
|
|
Re: كاس العالم ..تنبؤات .. قصص .. انتيمات (Re: علي محمد الفكي)
|
هاردلك برازيلييروس ! قلنا ليكم سنمزقكم إربا أربا ما صدقتو .. ** مباراة رائعة مفتوحة اوفت بتوقعاتنا جميعا كون الفريقان يعجان بالمواهب الكبيرة التي تنشط في اكبر الفرق الاوربية .. ** البرازيل افتقدت للقناص ، كما عانت من عدم مساعدة كوتينيو وويليان وباولينيو لخط الدفاع وانعدام كثافة اللعب في خط الوسط. مما فتح دفاعاتها امام المدمرة لوكاكو ومهارة دي بروين وهازارد .. ** كورتوا اثبت انه من افضل حراس المرمى في العالم وأدى مباراة كبيرة مع لوكاكو وهازارد .. ** الفائز من فرنسا وبلجيكا مرشح فوق العادة لرفع كأس البطولة ..
| |
|
|
|
|
|
|
Re: كاس العالم ..تنبؤات .. قصص .. انتيمات (Re: Abdullah Idrees)
|
Quote: انا بشجع فرنسا لانو الفريق (الأفريقي) الوحيد البيصل مراحل متقدمة. |
10 مراحب احمد خليل اخيرا لقينا مشجع فرنسي ولو من بوابة افريقيا بيني وبينك شي يحير ! اغلب المنتخب من اصول افريقية البيض ديل في فرنسا بشجعو ساي ولا الموضوع شنو ؟ حتى بلجيكا فيها عدة افارقة ، قبيل المعلق قال انو والد لوكاكو لعب كاس عالم في السبعينات لصالح الكنغو الديمقراطية ..
| |
|
|
|
|
|
|
Re: كاس العالم ..تنبؤات .. قصص .. انتيمات (Re: Abdullah Idrees)
|
سلام عبدالله ادريس والضيوف الكرام
انا اجيد التنبؤ الى حد ما .. تنبأت بى فوز فرنسا على الارغواى وقد كان بالرغم انو كنت اتمنى فوز الارغواى عشان سواريس ولا اسمو شنو... غدا السبت الانجليز حيغلبوا السويديين .. مع انى لا اتمنى فوز انجلترا ولكن انجلترا ايضا حتتغلب لى قدام .. ما بتقدر تصمد امام فرنسا او روسيا او كروتيا او البلجيك
صورة النجم الفرنسى امبابى مع اللاعب كرستيانو فى عام 2013
| |
|
|
|
|
|
|
Re: كاس العالم ..تنبؤات .. قصص .. انتيمات (Re: علي محمد الفكي)
|
Quote: اهم حاجه وصلت الكروات منهكين حظ الانجليز غايتو ود المدير بداء يتبين وشكلي ح اتحور ليهو
|
و الله ود المدير يشيل الكأس إلا نحنا من هنا نشيل أهلنا بس.
بس خلي بالك الكروات ديل بي حارسهم دا ناوين يكملو للنهاية و انا متأكد انهم ح يكونو جاهزين للانكليز.
تسلم للرد يا حبيب
| |
|
|
|
|
|
|
Re: كاس العالم ..تنبؤات .. قصص .. انتيمات (Re: علي محمد الفكي)
|
Quote: سلام عبدالله ادريس والضيوف الكرام انا اجيد التنبؤ الى حد ما .. تنبأت بى فوز فرنسا على الارغواى وقد كان بالرغم انو كنت اتمنى فوز الارغواى عشان سواريس ولا اسمو شنو...
|
مرحبا زينب والله تنبؤاتك رهيبة ، بتفهمي الكورة كويس ولا حظ الكيشة ؟ انا زيك شايف كرواتيا حتتخطا انجلترا .. وحتلاقي فرنسا ، ودالمدير حيزعل ، بس خليهو يطرشق .. حزنت والله لخروج بلجيكا ..
| |
|
|
|
|
|
|
Re: كاس العالم ..تنبؤات .. قصص .. انتيمات (Re: علي محمد الفكي)
|
شباب كيفكم ده منو الكجانا امس ده محزن والله .. لكن في النهاية فرنسا عندها الفريق الاكثر توازنا في البطولة واعتقد منطقيا تستحق التتويج بالرغم من امكانية حدوث مفاجأة اتمناها ان تحدث من انجلترا المحظوظة نوعا ما في المراحل السابقة والتي يبدو فريقها مفككا نوعا ما بالذات في محور الوسط البعيدين جدا من مستوى بوغبا وكانتي .. نشوف بعدين ..
| |
|
|
|
|
|
|
Re: كاس العالم ..تنبؤات .. قصص .. انتيمات (Re: Abdullah Idrees)
|
Quote: ده منو الكجانا امس ده |
غايتو ما أنا .. افتكر البلجيك ضيوعوا زمن كتير في اختراق الدفاعات الفرنسية الاصلا الفرنسيين محتاطين ليهو.. كان مفروض من أول الشوط الثاني ينوعوا هجمومم بين كور طويلة وقصيرة تربك الدفاع .. على كل حال ربنا شافم باليتيمة دي .. لو ما هي كان الاسبتنق بتاعي كلوا كدا .. بس لسه برضو أنا باص منتظرين أنا وسفيان أخوى احضان رئيسة وزراء كرواتيا هههه.. يا ربي ود المدير قدر نام؟
| |
|
|
|
|
|
|
Re: كاس العالم ..تنبؤات .. قصص .. انتيمات (Re: Abdullah Idrees)
|
اخطأ مدرب انجلترا خطأ فادحا باخراج رحيم ففقد المنتخب الانجليزي شخصيته تماما ..
مبروك كرواتيا ويستحق مودريتش ورفاقه والسيدة الجميلة كولندا كوتاروفيتش..
ازيكم يا شعب عمر بشيروفيتش اما وقد آلت اموركم للترجيح بين فرنسا وكرواتيا .. فالخيارات صعبة جدا
| |
|
|
|
|
|
|
Re: كاس العالم ..تنبؤات .. قصص .. انتيمات (Re: محمد حيدر المشرف)
|
** المنتخب الانجليزي منتخب ساذج وصل للمرحلة دي بالبركة ومدربو كمان زول طيبان ساي .. واعتقد انهم كسبانين كتير انهم وصلو للمرحلة دي .. بينما كرواتيا ، وان بدا عليها الارهاق الشديد ، فريق محنك صعب المراس رغم قلة مواهبه ، لكنه يتميز بمحور وسط ممتاز قادر على ادارة المباريات الكبيرة بشكل جيد .. ** اصرار مدرب انجلترا على الاحتفاظ بلينجارد غير مفهوم تماما ونفس الشيء هندرسون رغم انه اخرجه في النهاية .ز ** ظهرهاري كين بعيد من منطقته المفضلة طوال الوقت مما ساهم في تحييده وتقليل خطورة منتخب انجلترا ، اعتقد ان جيمي فاردي كان يستحق دقائق لعب اكثر في المونديال بجانب راشفورد الذي اشركه المدرب اخيرا لكن في غير خانته لانه يجيد اللعب على الجانب الايسر .. ** لا اتوقع نهائي جميل طالما كرواتيا "العملية جدا " طرفا فيه ، لكني اعتقد بأن فرنسا بطلة هذه النسخة بنسبة كبيرة جدا جدا ..
| |
|
|
|
|
|
|
Re: كاس العالم ..تنبؤات .. قصص .. انتيمات (Re: osama elkhawad)
|
Quote: اخطأ مدرب انجلترا خطأ فادحا باخراج رحيم ففقد المنتخب الانجليزي شخصيته تماما .. |
نعم يا مشرف، المصريين بيقولوا العيار اللي ما يصيبش يِدوِش، رحيم رغم إنو كان كعب لكن طلعاتو كانت مزعجة عكس هاري كين الذي كان يفترض إستبدالة من نصف الساعة الأولي ...
| |
|
|
|
|
|
|
Re: كاس العالم ..تنبؤات .. قصص .. انتيمات (Re: Abdullah Idrees)
|
بلجيكا تتفوق على انجلترا بسهولة وتحرز المركز الثالث.....الفريق كان في الواقع يستحق أكثر من ذلك ولكنها كرة القدم التي تكون أحيانا غير عادلة، ماينقص بلجيكا هو الاهتمام بالنواحي الدفاعية وبالذات ناحية افتكاك الكرة واستخلاصها من الخصم وهو ماتفوق فيه الفرنسيون والكروات بوجود نغولو كانتي الفرنسي والثنائي الكرواتي مودريتش وراكيتيتش، وعدا عن ذلك الفريق البلجيكي فريق زاخر بالمواهب ومنسجم جدا جدا والمدرب ذكي ويلعب بالتكتيك المناسب حسب الخصم، باختصار فريق من الزمن الجميل ويلعب بطريقة التوتال فوتبول التي ابتكرها جيرانهم الهولنديين ولكن الحظ خذلهم.
| |
|
|
|
|
|
|
Re: كاس العالم ..تنبؤات .. قصص .. انتيمات (Re: طارق عبد الله)
|
نعم طارق اتفق معك مشكلة بلجيكا هي محاور الوسط خلاف كده هي الفريق الافضل والامتع للاسف مع فرنسا كان صعب تتأهل بوجود فريق متكامل ، تخيل ادريان رابيو لم يتم ضمه للمنتخب وهو لا يقل ابدا عن بوجيا وكانتي ..فرنسا فريق شبعان متخم بالمدافعين ولاعبي الوسط .. وبكرة حيفوزوا ..
| |
|
|
|
|
|
|
Re: كاس العالم ..تنبؤات .. قصص .. انتيمات (Re: Abdullah Idrees)
|
صاحت الديوك الفرنسيه في ملعب لوجنيكي موسكو معلنة تتويج منتخب بلادها للمره الثانيه بلقب المونديال العالمي .. منتخب فرنسا بتشكيلته السوداء اعطى مؤشر ايجابي لأثار الهجره الافريقيه الى اوربا بأن الكل رابح المهاجر والوطن الجديد وهذ الانجاز سيجعل كثير من الدول الاوربيه تراجع سياستها تجاه الهجره والمهاجرين .. ولا تنتهي دروس كأس العالم 2018 فهاهي الرئيسة الكرواتيه تقدم بلدها الى العالم وتكسب تعاطف العالم وحبه لها ولمنتخب كرواتيا ولكرواتيا ببساطتها وتفاعلها مع كرة القدم اللعبة الشعبيه الاولى في العالم ولتقول ان ما نستطيع تحقيقه عبر الرياضه وبعدم التكلف اكثر بكثير مما يمكن ان نحققه عبر السياسه والاقتصاد والاعلام والسلاح وكيف لا وهاهي روسيا من خلال نجاحها في تنظيم المونديال تمحو الصوره الذهنيه السالبه لروسيا وتقدمها كدوله وشعب متحضر متقدم وقادر على ان يصنع الحدث بعيد عن ترسانته النوويه .. مبرووك روسيا .. مبرووك فرنسا .. مبروك كرواتيا .. مبروك كل المشاركين .. مبروك قطر التحدي 2022
| |
|
|
|
|
|
|
Re: كاس العالم ..تنبؤات .. قصص .. انتيمات (Re: MOHAMMED ELSHEIKH)
|
علي وعثمان وسفيان وود الشيخ .. علكم طيبين نعم انتهت ابيخ نسخة لكاس العالم في نظري طبعا .. مبروك فرنسا ، هاردلك كرواتيا الله يقطع اكاديميات الكورة ويقطع معاها المدربين ، مسخو الكورة وحولو اللاعبين لروبوتات تؤدي المطلوب منها بحذافيره ، كل حسب قدرته طبعا ، مافي فن ، مافي فري ستايل مافي ابداع ، اتخن فرق البطولة كانت بتدافع كتلة واحدة وتهجم بنفس االطريقة اقوان مسيخة ، ضربات جزاء ، ضربات راسية بتاعت مدافعين يا حليل زمن ناس روماريو وباجيو الكانو بلفوها مع المدربين زي الترتيب هاري كين بدافع من وسط الملعب وميسي مع لاعبي المحور في خط واحد ورونالدو مدربو جبان متخيل حتضرب معاهو كل مرة ! ندرة المواهب الفطرية دي اعتقد سببا الاكاديميات ، حتى البرازيل منجم المواهب نضب معينها .. غايتو .. اخبار الكرة الطائرة شنو يا جماعة عايزين نعدل المكنة
| |
|
|
|
|
|
|
|