سلامات يا سفيان و رأيك مقدر، و برضو في نجوم كتار رغم شهرتهم لم يوفقوا في هذا البرنامج،، أحمد الصادق نموذجا.. ياخي ما تورينا الزمبعور منو ينوبك ثواب،، عشان ما نشوت ضفاري،، العيد قرب، ههههه..
يديك العافية..
06-09-2018, 03:38 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
اوووو فيصل سعد ياخ كيفنك!؟ احمد الصادق كعب اي و الله بس عمر عثمان دا اكعب منو و ميت يرفس هههههههه يا فيصل و الله الزمبعور دا كان اتلحك تاني ما بتتحلى منو حتى لو حمار الوادي هنق
06-09-2018, 05:17 AM
Faisal Saad
Faisal Saad
تاريخ التسجيل: 08-23-2015
مجموع المشاركات: 155
طيب يا حبوب أسوأ مغنية مرت على البرنامج منو غير مني مجدي؟؟ خليك تفتيحة لطرد العقلية و الفكر الذكوري من طريقك، و كمان عشان ما تدي الزمبعور فرصة يجي ناطي ليك في الأيام المباركة دي، هههه
لقدام..
06-09-2018, 05:36 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
يا سفيان شايفك زايغ بالدو و مركز مع المستنير و مجلينا و مجلي مداخلاتنا معاك حول أسوأ مغنيات البرنامج و جلينا موضوع الزمبعور،، بنخمن و نعرفوا برانا و كدا..
لقدام..
06-09-2018, 06:49 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يا سفيان شايفك زايغ بالدو و مركز مع المستنير و مجلينا و مجلي مداخلاتنا معاك حول أسوأ مغنيات البرنامج و جلينا موضوع الزمبعور،، بنخمن و نعرفوا برانا و كدا..
لقدام..
ابدا يا فيصل ما طناش و الله... مني مجدي انا شخصياً ما بتغطي معاي كصوت بيغني و لا بيعجبني طريقة غناها و كمان شايفه متكلفة شديد و حركة تفاعله لا تشبه الأغنية البتغني فيها أبدا.
06-09-2018, 08:42 AM
Faisal Saad
Faisal Saad
تاريخ التسجيل: 08-23-2015
مجموع المشاركات: 155
سلامات يا بكور يا جافى،، غايتو محظوظ و ما عندك عوجة لو لقب المستنير طار منك حتكون بابكر عباس لمن استطاع اليه سبيلا بمزاج و استحقاق كامل الدسم،، بعدين ياخي لواييق حبابا لكن العبط بعيد منكم و من كافة الزملاء و الزميلات هنا.. و برضكم ما بتلحقوا حبيبنا ود البشري "ودو" صاحب التكنيك العالي في النط في الحلاقيم و مغالطة اجعص جعيص بكل أريحية و مودة، و هذه الفنون تكتسب بالمثابرة و الجهد و التوقيت المناسب، و أعتقد الغلاط عنده علاقة بالاستنارة يا مستنير.. و انا و الله شهيد بستمتع شديد في مغالطاته مع الأعضاء هنا و خصوصا الحبيب ود أب سن،، مافي زعل و حنبكة بالله عليكم و خلوا روحكم رياضية بلا سناير بلا برالمة معاكم، قوموا لفوا،، هههه..
ارقدوا عافية..
(عدل بواسطة Faisal Saad on 06-09-2018, 08:43 AM) (عدل بواسطة Faisal Saad on 06-09-2018, 08:45 AM)
سفيان تحياتي هذه المسائل نسبية و تقديرها يتفاوت من شخص لاخر، و عمر عثمان ما وصل لهذا البرنامج لو لا ان له معجبين. كما ان السر قدور ليس بهذا الغباء او الجهل الفني ليقحم شخص قبيح الصوت لبرنامجه. انا ارى ان عمر عثمان غنى اغنية عثمان حسين نورا افضل من عثمان حسين.
06-09-2018, 08:13 AM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
Quote: هذه المسائل نسبية و تقديرها يتفاوت من شخص لاخر، و عمر عثمان ما وصل لهذا البرنامج لو لا ان له معجبين. كما ان السر قدور ليس بهذا الغباء او الجهل الفني ليقحم شخص قبيح الصوت لبرنامجه. انا ارى ان عمر عثمان غنى اغنية عثمان حسين نورا افضل من عثمان حسين.
مرحب يا عبد الله النسبي هو محبتك لفنان أو صوت لكن كونو صوت سمح أو كعب دي ما حاجة نسبية ابدا بمعنى انك من حقك تحب صوت كعب بمعياره العلمي. أما بخصوص دخول مثل عمر عثمان للبرنامج فيقول ليك عن معرفة و دراية كاملة انو البرنامج دا بيحكمه المعارف و العلاقات و هسي في الموسم دا في فنان تم الحاقه الحق عديل كده. كن بخير
عزيزنا سفيان الفنان أؤيدك بشدة بخصوص الولد دا ،،، فعلاً يخربو ما عندوالتكتح لكن بالله رأيك شنو في العلة الأسمها مني مجدي دي خليك من تقليدها الشين وسواطتها وخرمجتها للغناء ومن أول حلقة لما بشتنت عصافير الخريف بشتنة السواد بعدين نفسي أعرف حركة يدها اليمين أثناء الغناء دي شنو ؟
Quote: عزيزنا سفيان الفنان أؤيدك بشدة بخصوص الولد دا ،،، فعلاً يخربو ما عندوالتكتح لكن بالله رأيك شنو في العلة الأسمها مني مجدي دي خليك من تقليدها الشين وسواطتها وخرمجتها للغناء ومن أول حلقة لما بشتنت عصافير الخريف بشتنة السواد بعدين نفسي أعرف حركة يدها اليمين أثناء الغناء دي شنو ؟
غايتو البركة والعوض في مهاب عثمان الفنان
إحنرامي سيدي
سيف محجوب حبابك يا صديق... كويس اننا متفقين ، تعرف يا سيف انا المحيرني شنو في موضوع مني مجدي دا!؟ انا محتار انو مني بتغني بطريقته الأكاديمية الدرسوها ليها لعدة سنوات و هي ملتزمة تمام بيها ودي ما مشكلة المشكلة انو نمط البرنامج و صاحب البرنامج السر قدور هو نمط يرفض تمام طريقة الغناء الأكاديمي و اسلوبيته بل ويفرض فقط أن يكون المغني مؤدي فقط و يغني بنفس طرائق الأداء القديمة للاغنيات التي يتم تقديمها في البرنامج و اقول لك بصريح العبارة انا اعرف فنانين تم ابعادهم و آخرين تم رفضهم لأنهم رفضوا الانصياع للأداء بالأسلوب الذي يفرضه البرنامج. لذا تجدني في حيرة من موضوع وجود مني مجدي. محبتي لك.
يا خالد فكرة البرنامج هي انو تجيب مؤديين يغنو الغناء القديم بذات طريقته القديمة و على ذلك فإن هدى عربي أفضل موصل و مؤدي مر علي البرنامج فهي ملتزمة بنمط و طريقة الغناء القديم.
عزيزنا سفيان سلامات امريكا تصرف في السنة علي برامج المواهب قدر صرف حكومة السودان علي القمح و الفيتريتا عشرين مره في السنة . وانت براك شايف العصر و النفض و الصراحة الحاصلة في برامج زي ذا فويز و امريكان ايدول و امربكان غيت تالنتيد .
الشاب عمر اجتهد في اغنية العايش في دواخل الامة عثمان حسبن . اجتهد وفي الدقيقة ٤ قطع جاز . و حاول بالمنفلة لامن طرش . علي كل حال يا سفيان الشاب اجتهد نجح في قطع و فحط و اطرطش في مقاطع . لكن الوجع الجد جد بجيك يا سفيان من العنبلوك داك . ياخ اقوليك حاجة ؟ البرنامج ده بدون عمك السر و مامون دهب ومكارم و انصاف فتحي . بكون زي الكسرة المره في فطور رمصان ههههههها
لكن لو لقى متخصص ووجهو حا يكون ليهو شأن في الساحة الفنية
بالله اسمع اغنية يا نورا الغناها اول امس بقلب مفتوح وبدون انطباعية
واحكم براااك
هيثم يا غالي مشتاقين ياخ ابدا انا ما ظالمو ولا شي ههههههههه ياخ صبرته ليهو وصورته ليهو لحدي ما بهدل عثمان حسين بعد داك غلبني أصبر ياخ الزول دا كعب و اصلا ما ممكن يتصلح بعد دا عارف ليه!؟ لانو و جودو في برنامج زي دا ولمدة شهر كامل خلاص بخليهو يصدق انو خطير و يستحيل انو يسمع اي كلام عشان مسيرته تتعدل يعني خلاص نحنا ح يفرض علينا هذا الشخص زي ما انفرض علينا فرفور و منو و منو ديلاك.
06-09-2018, 10:14 AM
Nasruddin Al Basheer
Nasruddin Al Basheer
تاريخ التسجيل: 12-09-2005
مجموع المشاركات: 4083
Quote: عزيزنا سفيان سلامات امريكا تصرف في السنة علي برامج المواهب قدر صرف حكومة السودان علي القمح و الفيتريتا عشرين مره في السنة . وانت براك شايف العصر و النفض و الصراحة الحاصلة في برامج زي ذا فويز و امريكان ايدول و امربكان غيت تالنتيد .
الشاب عمر اجتهد في اغنية العايش في دواخل الامة عثمان حسبن . اجتهد وفي الدقيقة ٤ قطع جاز . و حاول بالمنفلة لامن طرش . علي كل حال يا سفيان الشاب اجتهد نجح في قطع و فحط و اطرطش في مقاطع . لكن الوجع الجد جد بجيك يا سفيان من العنبلوك داك . ياخ اقوليك حاجة ؟ البرنامج ده بدون عمك السر و مامون دهب ومكارم و انصاف فتحي . بكون زي الكسرة المره في فطور رمصان ههههههها
حبيبنا عتمان ياخ و الله زريبة شوك مليانه عتتن هههههههه يازول يمين بالله عمر عثمان دا ما ينجح في اي جزء أما بخصوص أمريكا فياخ ما تبالغ ههههههههه خلينا في كسرتنا المرة دي هههههههه
06-09-2018, 11:54 AM
Amira Hussien
Amira Hussien
تاريخ التسجيل: 11-26-2016
مجموع المشاركات: 1720
استاذ سفيان قلت الحقيقة .......انا كتبت الكلام ده فى بوست سابق ، الزول صوتو ما عندو هوية ولا شخصيتو يمكن لو غنى طبيعى يكون عندو صوت كويس ومميز ،ده بيقلد حشرجة احمد الصادق ولابس زى هانى داك وحركة أيدينو زى عاصم البنا المهم زول هلامى ما مميز . السر قدور يشكر اى زول ما قادرين نفهم هل هو غبى ولا بيتغابا قدور ليس مقياس يعتمد عليهو ، وتانيا قدور بيسمع ديل وين وهو عايش فى مصر ديل بجيبوهم ناس مسيطرين على هذا البرنامج
06-09-2018, 01:33 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
نابري وشركاه اكعب مغني دي كتيرة يا سفيان ياخوي اصلا السمع والتقبل بيختلف من شخص لأخر واحتمال في واحد شايفو افضل مغني مر على البرنامج بعضهم يقول (حشرجة) صوت احمد الصادق مع العلم أن حفلاته دائما (فل) والحضور يردد ويستمتع ومنسجم ويتمايل ويتراقص ويبدع معاهو طيب .. منى مجدي مع أنها دارسة صوت في كلية الموسيقى والدراما ولها خبرة من بداية الكورال إلا أنها في هذه النسخة من البرنامج (باهتة) جدا ومصطفى السنى في أخر نسخة شارك فيها تحس انه بعيد عن الاغنية وكان ضعيف جدا في أداء أي اغنية خارج نطاق ابوداؤد . يا سفيان البرنامج دا شارك فيهو كمية كبيرة ليس هناك وقت لحصرها ..من الوجوه الشابة انا شخصيا لا استمع اطلاقا لجمال فرفور أو ياسر تمتام مع انهم يغنوا قرابة (40) عام متواصلة هل هناك جديد في أداء أي منهم؟ أو حتى تطور في ترديدهم لاغاني الغير الراحلين منهم والباقون؟
Quote: من الوجوه الشابة انا شخصيا لا استمع اطلاقا لجمال فرفور أو ياسر تمتام مع انهم يغنوا قرابة (40) عام متواصلة هل هناك جديد في أداء أي منهم؟ أو حتى تطور في ترديدهم لاغاني الغير الراحلين منهم والباقون؟
غايتو يا احمد ياسين يا قاعد تستلف مني أضان واحدة يا أنا قاعد استلف منك اضنيك الاتنين الجوز دا عجيب
أما عمر عثمان يا سفيان صدق ما هو الأسوأ عندو حاجات كويسة بس شكلو كدا زي البشرد في الغنا احيانا
06-09-2018, 07:30 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: اكعب مغني دي كتيرة يا سفيان ياخوي اصلا السمع والتقبل بيختلف من شخص لأخر واحتمال في واحد شايفو افضل مغني مر على البرنامج بعضهم يقول (حشرجة) صوت احمد الصادق مع العلم أن حفلاته دائما (فل) والحضور يردد ويستمتع ومنسجم ويتمايل ويتراقص ويبدع معاهو طيب .. منى مجدي مع أنها دارسة صوت في كلية الموسيقى والدراما ولها خبرة من بداية الكورال إلا أنها في هذه النسخة من البرنامج (باهتة) جدا ومصطفى السنى في أخر نسخة شارك فيها تحس انه بعيد عن الاغنية وكان ضعيف جدا في أداء أي اغنية خارج نطاق ابوداؤد . يا سفيان البرنامج دا شارك فيهو كمية كبيرة ليس هناك وقت لحصرها ..من الوجوه الشابة انا شخصيا لا استمع اطلاقا لجمال فرفور أو ياسر تمتام مع انهم يغنوا قرابة (40) عام متواصلة هل هناك جديد في أداء أي منهم؟ أو حتى تطور في ترديدهم لاغاني الغير الراحلين منهم والباقون؟
سلامات يا احمد كعب يا احمد لانو شخصيته باهتة و صوتو كذلك زي ما قالت اميرة... و بتفق معاك تمام في موضع ناس فرفور و تمام بس عارف ليه هم لسه عايشين!؟ لأنهم بيغنو الغناء المسموع و بنفس طريقته عشان كده ح يقعدو عاهة. مرات كتيرة اضنينا ديل بيرفضو النمط الغنائي الجديد عشان كده بتلقانا واقفين ضد ناس زي محمد الفاتح و مجاهد عثمان و منتصر هلالية و شباب آخرين... القصة طويلة يا صاحبي عشان كده بتلقي زي عمر جعفر ما استمر في البرنامج دا ولا معتز صباحي ممكن ينجح فيهو ابدا. تحياتي
06-09-2018, 07:20 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: استاذ سفيان قلت الحقيقة .......انا كتبت الكلام ده فى بوست سابق ، الزول صوتو ما عندو هوية ولا شخصيتو يمكن لو غنى طبيعى يكون عندو صوت كويس ومميز ،ده بيقلد حشرجة احمد الصادق ولابس زى هانى داك وحركة أيدينو زى عاصم البنا المهم زول هلامى ما مميز . السر قدور يشكر اى زول ما قادرين نفهم هل هو غبى ولا بيتغابا قدور ليس مقياس يعتمد عليهو ، وتانيا قدور بيسمع ديل وين وهو عايش فى مصر ديل بجيبوهم ناس مسيطرين على هذا البرنامج
شكراً يا اميرة على الاتفاق بس اعفيني يا اختي من استاذ دي ههههههه بعدين عمك السر لا غبي لا بيتغابا عمك السر مستفيد من البرنامج و ما عايز يخسر عشان كده ما بيقيف ضد الناس البيجيبو مغنيين و يفرضوهم على البرنامج بس عمك بيلزم المغني الجديد انو يلتزم بنمط وطريقة الأداء بتاع البرنامج و انو ما يخرج عنها. تحياتي
06-09-2018, 07:46 PM
ترهاقا
ترهاقا
تاريخ التسجيل: 07-04-2003
مجموع المشاركات: 8422
ترهاقا يا فنان كيفك!؟ اخوك شغال من تلفون عشان كده ما عندي طريقة ارفع حاجة بس امشي يوتيوب و اكتب عمر عثمان و اسمع و تعال ورينا رايك كزول دا شغلك. تحياتي
06-09-2018, 08:51 PM
Ali Abdalla
Ali Abdalla
تاريخ التسجيل: 10-18-2015
مجموع المشاركات: 495
أخي سفيان: لماذا لم تراع الجانب الانساني عندما فكّرت في كتابة هذا البوست.
جعلتني افكر كثيراُ في الهدف من هذا البوست:
أهو نقد؟...
إنطباع؟..
هجوم؟..
تبخيس؟..
مزاج؟..
دكتور المشرّف اطلق علي فكرة صاحب البوست بالنقد الإنطباعي المؤذي كما ورد في المقتبس أدناه:
............................................................................................................................... سفيان سلامات مثل هذا النقد الانطباعي وبهذه الكيفية مؤذي جدا لهذا المغني الشاب ..............................................................................................................................
أنا اتفق مع دكتور المشرّف علي أنه إنطباع أو هجوم قاتل لإنسان في بداية مشواره
وليس نقد لأنه في النقد لا يتم التركيز فقط علي السلبيات إن وجدت،
بل يتم ذكر الايجابيات أولاً ويصاحب ذلك ذكر السلبيات من اجل التطوير والتحسين و التشجيع والدفع للأمام
وإلاّ أصبح هجوم يغلب عليه المزاجية وهو مؤذي للغاية ومثبط للهمم.
كما ذهب الكثيرين أنّ هذا الشاب "عمر عثمان" غنى اغنية عثمان حسين نورا بطريقة ممتازة.
أري أن عمر عثمان "رأي شخصي" سوف يكون أحسن مؤدي لأغاني القامة عثمان حسين،
أخي سفيان: فكّر كيف تساعد هذا الشاب بل وكل الشباب معنوياً لينهضوا بدلاً من دفعهم الي الأسفل.
أخي سفيان: لماذا لم تراع الجانب الانساني عندما فكّرت في كتابة هذا البوست.
جعلتني افكر كثيراُ في الهدف من هذا البوست:
أهو نقد؟...
إنطباع؟..
هجوم؟..
تبخيس؟..
مزاج؟..
دكتور المشرّف اطلق علي فكرة صاحب البوست بالنقد الإنطباعي المؤذي كما ورد في المقتبس أدناه:
............................................................................................................................... سفيان سلامات مثل هذا النقد الانطباعي وبهذه الكيفية مؤذي جدا لهذا المغني الشاب ..............................................................................................................................
أنا اتفق مع دكتور المشرّف علي أنه إنطباع أو هجوم قاتل لإنسان في بداية مشواره
وليس نقد لأنه في النقد لا يتم التركيز فقط علي السلبيات إن وجدت،
بل يتم ذكر الايجابيات أولاً ويصاحب ذلك ذكر السلبيات من اجل التطوير والتحسين و التشجيع والدفع للأمام
وإلاّ أصبح هجوم يغلب عليه المزاجية وهو مؤذي للغاية ومثبط للهمم.
كما ذهب الكثيرين أنّ هذا الشاب "عمر عثمان" غنى اغنية عثمان حسين نورا بطريقة ممتازة.
أري أن عمر عثمان "رأي شخصي" سوف يكون أحسن مؤدي لأغاني القامة عثمان حسين،
أخي سفيان: فكّر كيف تساعد هذا الشاب بل وكل الشباب معنوياً لينهضوا بدلاً من دفعهم الي الأسفل.
تحياتي
سلام اخي العزيز على عبد الله... القصد من البوست هو وصفي لصوت هذا الشخص حسب ما سمعته في أكثر من عمل ، بعدين ليه انت وأخي المشرف ما فكرتو في الأذية البيسببه لينا الزول دا بفعايلو دي!؟ وزي ما قلته انا فوق انو الشاب دا بعد تسليط الضوء عليه يستحيل يتصلح لانو خلاص فاكر نفسو وصل.
06-10-2018, 12:29 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: تعرف يا سفيان أنا ما بسمع أغاني عثمان حسين إلا من عثمان حسين أي فنان يمكن يتقلد بس عثمان حسين يقلده عثمان حسين فقط (الله يرحمه)
حتي ملك التقليد الفنان عصام محمد نور ما قدر يقلد أبو عفان
بس السلطانة سميرة تطربني أكتر من غيرها في أغاني المرحوم أبو عفان
شكراً يا محمد قاضي لأنك ختيت صورة واضحة لعثمان حسين ربي يرحمه و اتفق معاك في كل شي حتى سلطنة سميرة دنيا. ياخ عمر عثمان بهدل اغاني عثمان حسين و بعد دا في ناس تقول غناء نورا احسن من عثمان حسين!!!!.
06-11-2018, 09:48 PM
Amira Hussien
Amira Hussien
تاريخ التسجيل: 11-26-2016
مجموع المشاركات: 1720
سلامات اخ سفيان انا لو بكان عمك قدور كنت خجيت ليك البرنامج ده فوق تحت . ولا ح اشتغل ليك بي اجاويد قناة الجزيرة . خج الفرقة الموسيقية . وين الزول الفاهم سليمان اكرت ؟ في عازفين يخلوا الكمنجات تنضم . وبعدين هدي عربي دي كفاية . الشاب عمر كفاية . الشابة ام لهجة مصرية كفاية . دايرين برنامج حي وقوي زي برنامج ذا فويز . يجيب ناس تغني واقفة وبي حرارة فترنا من غناء قاعد يا جماعة . الغناء الان في العالم كلو بقي مربوط بي النشاط وبي الحرارة و الرشاقة .
06-12-2018, 08:26 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
و الله يا عثمان من بدأ البرنامج انا فاقد صوت عمنا اكرت في الركوديون ياخ دا بقى واحد بس من ريحة الغناء العتيق. أما فكرتك عن رج البرنامج فصدقني عمك قدور ما بيعمله لأنها عايزة زول غير قدور زول يكون الغناء القديم العتيق دا زيو زي اي غناء جديد بدون تقديس.
06-12-2018, 08:30 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
يا اخوانّا الشاب ده صوتو مخنوووووووق اسمعوهو فى الباقى باقى يمين الله حنيت عليهو قطع شك حبال صوتو لو ما اتقطططعن صبحو ورمانات ______ السوفيانى ما شاءالله عليك بقيت تفهم فى الغنا خايف يسحروك
06-12-2018, 12:12 PM
Faisal Saad
Faisal Saad
تاريخ التسجيل: 08-23-2015
مجموع المشاركات: 155
الشاب عمر عثمان متأثر جداً بأسلوب المديح في طريقة الأداء وفهمه لأداء الحليات (التطريب) 1/ عنده مشكلة في عدم الحفاظ على فتحة حنجرته وذلك يوثر في مستوى الصوت الطالع.. 2/ والمشكلة الواضحة في طريقة إستخراجه للهواء حيث يتكور الهواء في منطقة الحجاب الحاجز فيقطع الهواء الخارج وبالتالي يقطع صوته.. 3/ وكبريات مشاكله أنه لا يعرف حدود مداه الصوتي وبالتالي يؤدي أغاني أكبر من إمكانيات مداه الصوتي في تأليفها في أعلى وأدني صوت في الأغنية كما فعل في أغنية صلاح بن البادية!!
06-12-2018, 12:20 PM
جلالدونا
جلالدونا
تاريخ التسجيل: 04-26-2014
مجموع المشاركات: 9389
بالنسبة لي جمال فرفور وعاصم البنا باعتبارهم قدام في البرنامج وما قدموا اي اضافة تذكر للبرنامج نسخ كربونية متكررة لدرجة الملل الفرق بين علصم وفرفور انه عاصم بعرف يلبس الاولاد الصغار ديل اننا نحكم عليهم من خلال عدد من الحلقات اجحاف عليهم وياهو عزيز بشي من التخصصية فصد ليه مشاكلو لو قدر اشتغل عليها ممكن يلحق نفسه ولو كمان افتكر روحو فنان لمجرد انه غني مع السر قدور وظهر في البرنامج حيذهب من حيث اتي تحياتي صاحب البوست وضيوفه
06-12-2018, 12:57 PM
عزيز
عزيز
تاريخ التسجيل: 04-12-2002
مجموع المشاركات: 3290
Quote: وياهو عزيز بشي من التخصصية فصد ليه مشاكلو لو قدر اشتغل عليها ممكن يلحق نفسه ولو كمان افتكر روحو فنان لمجرد انه غني مع السر قدور وظهر في البرنامج حيذهب من حيث اتي تحياتي صاحب البوست وضيوفه
أخي فرح كل عام وانت في سعادة وهناء
مشكلة هؤلاء الشباب سوار وعمر عثمان وغيرهم بكونوا بسطاء جداً في كل شيء وأولاد حله عاديين أول ما ينزل برومو برنامج أغاني وأغاني الواحد بفتح باب بيتهم الصباح بلقي الناس كلها بتشير ليهو بالنجومية لم يستعدوا لها ولم يتدرجوا في الوسط الفني ولم يكتسبوا خبرة الأداء والتعامل مع فن الغناء والموسيقى بحرفية ولا مع الجمهور لأنهم مازالوا هواة. الغناء يحتاج ممارسة كثيرة وتجريب الى أن يجد المغنى ما يناسب إمكانياته وهذا يتم بالإحتكاك والإستماع الكثير للتجارب السابقة ومساعدة العازفين في سمكرة طريقة الأداء، وكذلك كثرة الغناء يلين الصوت ويطوعه ويصبح قادراً على التنويع في الأداء والتطريب.
للأسف هؤلاء الشباب بدخلوا في شخصية الفنانيين الكبار والنجوم الساطعة ويكبروا على المعرفة ولا يقبلوا النقد والتوجيه! ولذلك يصعب تطورهم وفي البرنامج بعض من هؤلاء
06-12-2018, 07:44 PM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
شكرا عزيز واصلا لو المواهب دي بتستمع للنقد الهادف وتشتغل عليه ما بتضيع ليها عوجة لكن علي قولك يا عزيز عضم البرنامج نفسه مدمر للموهبة لانه عمك السر قدور مع احترامنا لاهتمامه بالتوثيق للاغنية السودانية ما عنده اي اهتمام لمساندة المواهب دي وقراية أدائهم بطريقة مفيدة خاصة اذا كانت فكرة البرنامج غير التوثيق وتجديد اغاني الحقيبة اضافة مواهب للساحة الفنية وتسليط الضوء عليهم تبقي حكاية كويس يا ولدي وهائل والله يديك العافية البنسمع فيها من اكثر من عشرة سنوات دي ما ظابطة عاصم وفرفور بوصفهم قدامي لو في البرنامج او في الساحة الفنية قدموا شنو للمواهب دي وظهر علي أدائهم ؟؟؟؟ وبامكانهم يعملوا شنو ليهم مش علي الاقل المفروض يساهموا في اختيار الاغنيات البتتطابق مع مقدرات الشباب ديل قبل تسجيل الحلقة لانه ده فن وتوثيق واهتمام بمواهب قبل اي حاجة تانية ؟؟ الحاجات دي لو اهتم بيها البرنامج ممكن يكون قديم متجدد اما بالاسلوب الشغال بيه ده البرنامج ممكن نعتبروا ترفيهي وفيه مساحة إعلانية كويسة لك خالص التقدير والاحترام.
06-12-2018, 07:47 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: مشكلة هؤلاء الشباب سوار وعمر عثمان وغيرهم بكونوا بسطاء جداً في كل شيء وأولاد حله عاديين أول ما ينزل برومو برنامج أغاني وأغاني الواحد بفتح باب بيتهم الصباح بلقي الناس كلها بتشير ليهو بالنجومية لم يستعدوا لها ولم يتدرجوا في الوسط الفني ولم يكتسبوا خبرة الأداء والتعامل مع فن الغناء والموسيقى بحرفية ولا مع الجمهور لأنهم مازالوا هواة. الغناء يحتاج ممارسة كثيرة وتجريب الى أن يجد المغنى ما يناسب إمكانياته وهذا يتم بالإحتكاك والإستماع الكثير للتجارب السابقة ومساعدة العازفين في سمكرة طريقة الأداء، وكذلك كثرة الغناء يلين الصوت ويطوعه ويصبح قادراً على التنويع في الأداء والتطريب.
للأسف هؤلاء الشباب بدخلوا في شخصية الفنانيين الكبار والنجوم الساطعة ويكبروا على المعرفة ولا يقبلوا النقد والتوجيه! ولذلك يصعب تطورهم وفي البرنامج بعض من هؤلاء
شكراً يا يا عزيز كعادتك تقول الحقيقة بوضوح و هي أكبر المشاكل انهم خلاص بيفتكرو انهم وصلو القمة و بي سبب هذا لن يطورو ابدا.
06-12-2018, 07:36 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: بالنسبة لي جمال فرفور وعاصم البنا باعتبارهم قدام في البرنامج وما قدموا اي اضافة تذكر للبرنامج نسخ كربونية متكررة لدرجة الملل الفرق بين علصم وفرفور انه عاصم بعرف يلبس الاولاد الصغار ديل اننا نحكم عليهم من خلال عدد من الحلقات اجحاف عليهم وياهو عزيز بشي من التخصصية فصد ليه مشاكلو لو قدر اشتغل عليها ممكن يلحق نفسه ولو كمان افتكر روحو فنان لمجرد انه غني مع السر قدور وظهر في البرنامج حيذهب من حيث اتي تحياتي صاحب البوست وضيوفه
مرحب يا ابو روضة... المشكلة انو الاولاد ديل لأنهم ظهروا في حلقات مسلط عليها الضوء خلاص تاني ما ح يسمعوا اي شي و خلاص صدقوا انهم انجم نجوم.
06-12-2018, 07:53 PM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
كتيرين ظهروا يا سفيان في البرنامج ده واختفوا زي رقوة الصابون تبقي الموهبة المصنوعة صناعة بدون اي مجهود غير بدلة وحلاقة سمحة وكاميرا لا يمكن أن تصنع فنان والبوست ده استفتاء حقيقي وفيه قرايات موفقة تستحق المتابعة
06-12-2018, 12:40 PM
عزيز
عزيز
تاريخ التسجيل: 04-12-2002
مجموع المشاركات: 3290
Quote: الشاب عمر عثمان متأثر جداً بأسلوب المديح في طريقة الأداء وفهمه لأداء الحليات (التطريب) 1/ عنده مشكلة في عدم الحفاظ على فتحة حنجرته وذلك يوثر في مستوى الصوت الطالع.. 2/ والمشكلة الواضحة في طريقة إستخراجه للهواء حيث يتكور الهواء في منطقة الحجاب الحاجز فيقطع الهواء الخارج وبالتالي يقطع صوته.. 3/ وكبريات مشاكله أنه لا يعرف حدود مداه الصوتي وبالتالي يؤدي أغاني أكبر من إمكانيات مداه الصوتي في تأليفها في أعلى وأدني صوت في الأغنية كما فعل في أغنية صلاح بن البادية!!
سلامات يا أعز عزيز... و شكراً لأنك قعدته الكلام في علبه العلمية و هو نفس ما قصدته لكني صراحة من كترت انزعاجي و ضيقي من الولد دا ما مان عندي اي نفس اتكلم عن توزيع الهواء الطالع من الحجاب الحاجز و شغله مع التكنيك مابين الصوت الانفي و صوت الحنجرة و انت براك شايف الشاب دا عندو خلط بين الأنف و الحنجرة شديد و المايك دائماً في النخرة فوق. مداخلتك التانية هي ذاته من أهم النقاط الأنا ذكرتها و هي أنه اي شاب يظهر و تتسلط عليه الأضواء في بداية مسيرته خلاص بيفكها في نفسو و تاني ما بيسمع اي كلام يطور فيهو و عشان انا مقتنع بي كده ما عندي اي أخلاق اضيع زمن في نصيحة لي ناس مش ح تسمع... المهم مداخلتك التانية ح ارجع ليها في حتته
06-12-2018, 06:43 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يا اخوانّا الشاب ده صوتو مخنوووووووق اسمعوهو فى الباقى باقى يمين الله حنيت عليهو قطع شك حبال صوتو لو ما اتقطططعن صبحو ورمانات ______ السوفيانى ما شاءالله عليك بقيت تفهم فى الغنا خايف يسحروك
ههههههه انا فهمي خلو انت بقيت تفتي عديييل في الغناء و كمان تتفق مع المتخصصين دا كلو عشان بتعرف فقط الكنينة بالعود! ؟
06-12-2018, 06:39 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
هلا أبو حميد أنا فعلاُ مقتنع إنو ما واحد بقدر يقلد عثمان حسين
يعني شوف الناس قلدت كل عمالقة الفن السوداني محمد وردي الكابلي محمد الأمين أبو داوود الجابري إبن البادية سيد خليفة وووو
بل هناك من أجاد وغني أحسن من صاحب الأغنية إلا عثمان حسين هونسيج وحده
تعرف في أي برنامج بمجرد ما يقولو نسمع فلان في أغنية لعثمان حسين أنا طوالي بحول القناة لي محطة تانية
مستحيل أسمع ناس عمر عثمان وفاطمة عثمان ومني عثمان وهدي عثمان وحبشية ما عارف إسمها منو كدة ما عارف يخربو في أغاني عثمان حسين بس السلطانة سميرة ما بتقلد تلقد لا لا .. السلطانة بتغني بي مزاجها هي وبي اسلوبها هي وبتأدي أي أغنية بسهولة وبدون تكلف ومقابضة باليدين هههه
برضو ما وريتنا الفا بتاع الغناء السوداني الكبير ... بالجد عايزة شرح ... نحن ناس سمع بس
06-12-2018, 04:06 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
الله على طريقة كرومة ود مستورة بت عرضو. يا محمد ياود محمد قاضي. محمد اﻻمين في اﻻغاني الكبيرة مستحيل يتقلد خاصة في بتتعلم من اﻻيام ابوعركي لو عايز تفشل حاول قلدو وبرضو الخالدي..والجابري عثمان حسين من عازف عود خلف عبدالحميد يوسف الى فنان السودان اﻻول..الى رائد المقدمات الموسيقية الى جمال وثراء الكلمة واللحن والصوت الباص بجيك بعدين
06-12-2018, 04:36 PM
aosman
aosman
تاريخ التسجيل: 02-04-2002
مجموع المشاركات: 3443
الأخ سيف بشير أنا شخصيا ما بفهم في الغناء لكن لمن سمعت زولك ده ما حبيتو خاااااااااالص, بس قلت إحتمال الزول ده بعرف يغني وعشان ان كيشة في الغناء عشان كده شايفه كعب, لكن إنت كده بردت لي بطني,, شكرا ليك
06-12-2018, 07:33 PM
جلالدونا
جلالدونا
تاريخ التسجيل: 04-26-2014
مجموع المشاركات: 9389
غايتو يا قاضى لولا رمضان ده كان فشيت فيك مغستى ياخى انت التقول ما سمعت ناس بتغنى قبل ده كدى امشى قوقل اسم عباس تلودى ياخى تلودى ده زيى واحد.. بنحب نغنى لى رويحتنا دى لكن ما عندنا شغلة بالاعلام تقوقل شنو كمان هاك اسمع دى ... انا و النجم و المساء انا و الليل و المساء و بالعود كمان بعد تسمع كان ما مشيت عدلت مداخلاتك الفوق ديك لا تلومن الا نفسك ___ قال الكنينة قال والله ياهو الفضل ,, عاوزين تغالتونا فى غنانا كمان ___ الاسطى عزيز يديك العافية ياخى و تسلم لينا
06-12-2018, 07:43 PM
جلالدونا
جلالدونا
تاريخ التسجيل: 04-26-2014
مجموع المشاركات: 9389
Quote: الأخ سيف بشير أنا شخصيا ما بفهم في الغناء لكن لمن سمعت زولك ده ما حبيتو خاااااااااالص, بس قلت إحتمال الزول ده بعرف يغني وعشان ان كيشة في الغناء عشان كده شايفه كعب, لكن إنت كده بردت لي بطني,, شكرا ليك
اها يا عثمان بعد كلامك طلع مطابق للأستاذ الموسيقار عزيز نحنا منتظرين منك بوست نقدي ههههههه
06-12-2018, 10:59 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
من الصعب الحكم على زول فى مقتبل العمر وامامه الكثير. حتى ولو كانت البداية خطاء. قد يتجاوز المشار اليه محطة اغانى واغانى اللهى اساسا ليست محطة جادة فهى دردشة رمضانية وونسة لغناء زمان وكل الذين غنو ويغنو بالبرنامج هم يغنون بصورة ارتجالية بدون خارطة طريق وفكرة تطويرية تجديدية.. يغنون اغانى اصحابه تعبو فيه شهور وسنوات حتى عملو منها لوحات فنية نادرة وارث فنى راقى. قد يتجاوز الشاب اخونا المحطة ويبداء فى مشروع فنى جاد مستفيدا من عثرات تجربته ويدهشك فى سنوات. الحكم على زول فى مقدرته على الغناء لاخرين صعب وهو بهذه المقدرات القليلة كل الذى جلبه للبرنامج عدد الكليكات باليوتيوب او تواجده وغنائه بمعدية مراسى الشوق عمل له شعبية وسط الجامعات.
الخيل الحرة بتجى فى اللفة.
رمضان كريم
06-12-2018, 11:41 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
من الصعب الحكم على زول فى مقتبل العمر وامامه الكثير. حتى ولو كانت البداية خطاء. قد يتجاوز المشار اليه محطة اغانى واغانى اللهى اساسا ليست محطة جادة فهى دردشة رمضانية وونسة لغناء زمان وكل الذين غنو ويغنو بالبرنامج هم يغنون بصورة ارتجالية بدون خارطة طريق وفكرة تطويرية تجديدية.. يغنون اغانى اصحابه تعبو فيه شهور وسنوات حتى عملو منها لوحات فنية نادرة وارث فنى راقى. قد يتجاوز الشاب اخونا المحطة ويبداء فى مشروع فنى جاد مستفيدا من عثرات تجربته ويدهشك فى سنوات. الحكم على زول فى مقدرته على الغناء لاخرين صعب وهو بهذه المقدرات القليلة كل الذى جلبه للبرنامج عدد الكليكات باليوتيوب او تواجده وغنائه بمعدية مراسى الشوق عمل له شعبية وسط الجامعات.
الخيل الحرة بتجى فى اللفة.
رمضان كريم
الأخ العزيز ابراهيم عبد الحليم كيفك و الله أكرم ياخ... كلامك دا كلو على العين والراس بس راجع كلام أخونا عزيز بتاع انو الشباب ديل فهمهم للظهور من خلال التلفزيون فهم خطأ و مفهومهم للنجومية أكبر خطأ و يستحيل بعديها يتقبلو اي نقد أو كلام و أهو الدلائل قدامك كتير زي فرفور و عاصم البنا ليهم 30 سنة غناء وناسه ما اتعلمو.
06-12-2018, 11:31 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
والله يا أخونا جلال الفنان عباس تلودي خطير بالعود وما فيه كلام وكيفني برضو في أغنية تيه واتاكا لكن لكن بصراحة أنا أغاني عثمان حسين مااااااا بسمعها من فنان غيره .. موش الناس معادن؟؟؟ طيب
ياجماعة كل سنة وإنتو طيبين
06-12-2018, 11:59 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: والله يا أخونا جلال الفنان عباس تلودي خطير بالعود وما فيه كلام وكيفني برضو في أغنية تيه واتاكا لكن لكن بصراحة أنا أغاني عثمان حسين مااااااا بسمعها من فنان غيره .. موش الناس معادن؟؟؟ طيب
ياجماعة كل سنة وإنتو طيبين
و انت بالف خير يا محمد قاضي بس اسمعه مني عثمان حسين كان و احدا وذهب لرب رحيم زي ما بادي كان واحد وذهب مافي اي زول يقنعك انو ممكن يقلد عثمان حسين هذا محال (يوم لو الله هون و اتونسنا بوريك ليه ما بيتقلد). أما أخونا عباس تلودي دا فهو فنان قعدات عود ساااي و رحل و أصحاب زيو زي جلالدونا بس الفرق انو تلودي عندو أغنيات كتيرة حافظه و جلالدونا ياها الكنينة و الذكريات بتاعة الشفيع و القربو يحنن و احدة كده للخالدي تاني يخربو ههههههه
06-13-2018, 10:49 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
الفنان الجميل ابراهيم عبدالحليم احمد الزبير ماشاء الله دائما ذكي في دراستك وغناك واختياراتك وفي كلامك التحت دا فعلا كلام ممكن يلخص الموضوع
Quote: وكل الذين غنو ويغنو بالبرنامج هم يغنون بصورة ارتجالية بدون خارطة طريق وفكرة تطويرية تجديدية.. يغنون اغانى اصحابه تعبو فيه شهور وسنوات حتى عملو منها لوحات فنية نادرة وارث فنى راقى. قد يتجاوز الشاب اخونا المحطة ويبداء فى مشروع فنى جاد مستفيدا من عثرات تجربته ويدهشك فى سنوات. الحكم على زول فى مقدرته على الغناء لاخرين صعب وهو بهذه المقدرات القليلة
06-13-2018, 03:25 PM
Khalid Basheer
Khalid Basheer
تاريخ التسجيل: 04-14-2013
مجموع المشاركات: 381
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة