|
|
|
 Re: انهيار انجاز الانقاذ الوحيد (Re: عبدالحفيظ ابوسن)
|
صحي زمان كان في صفوف
في السينما و دار الرياضة
وصفوف مؤقتة احيانا لفترات في الطلمبات و الافران
حاليا في صفوف مستديمة في
الافران والطلمبات
ولأنو الانقاذ مغرمة تجي الاول في كل شئ
في صفوف في البنوك . تقدم شيكك وتنتظر يجي زول يورد إذا جاء !! .... اف ثري if 3😆
واذا شيكك تلاتة ألف واكتر تقيف صف لنايب مدير البنك يصدقو ليك وبعد يصدقو تقيف صف
صف في الصراف الآلي
صف عشان ترخص
صف عشان تعمل رقم وطني
صف للبطاقة للجواز
صف تدفع قروش الكهربا والموية
صف مهرجل في المواصلات
صف مهرجل في الزلط لي ركشة
صف عشان عربية المسؤول المظللة تمر
| |
 
|
|
|
|
|
|
|
|
Re: انهيار انجاز الانقاذ الوحيد (Re: عبدالحفيظ ابوسن)
|
صحي كان في صفوف بنزين احيانا
لكن بتختلف بتقيف صف وبتلقا بنزين
هسة تبيت وتاني يوم الساعة 2 ظ تكون واقف يقول ليك انتهي
صفوف لا حصر لها ولا عد الطلمبة بطلعو منها صفين كل صف صفين . يتلولو مع تضاريس ومباني المكان لامن يقفلو الشوارع
ناس الركشات والتكاسي يوم شغل ويوم يبيت في الطلمبة ويجيب الفرق من جيب المواطن
| |
|
|
|
|
|
|
|
|
|
Re: انهيار انجاز الانقاذ الوحيد (Re: عبدالحفيظ ابوسن)
|
ياخي الصفوف دي ذاتا دليل على الذوق لو نظرنا ليها بي حتة تانية ، اسي الحاجات النادرة دي كلها بتتسرب من المطبخ الجواني وتتباع بأضعاف سعرها بره ..وتبقى الصفوف ذاتا مجرد عشم أجوف بعد شوية يتبخر وترجع للسوق الاسود حامد شاكر ..
| |
|
|
|
|
|
|
|
|
|
Re: انهيار انجاز الانقاذ الوحيد (Re: عبدالحفيظ ابوسن)
|
يتناقل الناس القصص في صف الوقود
ممكن تكون واقف في الصف 18 ساعة
قالوا الناس مبيتين والطلمبة فتحت حداشر . جات عربية راجعة خلف متخطية الصفوف عشان يكب بنزين بأمر من بيدهم السلطة . واحد تكاسي طلع زنادو وقال ليهو
والله تكب احرق الطلمبة ونموت كلنا
| |
|
|
|
|
|
|
|
|
|
Re: انهيار انجاز الانقاذ الوحيد (Re: عبدالحفيظ ابوسن)
|
شكرا ود اب ســن
الصفوف رجعــت .. بــس في فــرق لازم الشعب السوداني دا يعرفـه
ويعرفــه (كـــويـــــس)
زمان كان بقيفوا صف في دكان التعاون عشان ياخدوا حصتهم التموينيــة
الاسبوعيــة .......................
غذاء اســرة كامـل
من عدس وفاصوليا وسكر ومرات شاي وتياب شعبيــة ودموريــة ودبلان
وجاز ابيض للانارة وغيره وغيره
(..... بالســعـــر الاساسي .........)
السعر الأساسي دا نصــف سعر السلعة في (السوق الاسود) .. واحياناً أقل
من النصــف
في الثمانينات كان رطل السكر في التموين بـ 15 قرش وفي السوق الاسود بــ
35 قــرش
وكذلك البنزين والديزل للمشاريع الزراعية والخبــز وغيره
الحصص كانت لضمان انه الحصـة (ماشية للمواطـن السوداني) .. وكان أكل
أموال التعاونيات .. جريمـة كبيرة وعيـب وقطع لسان وكسر عين
أتى صحفيو الانقاذ بدعاية ضد الصفوف وكأن الصفوف كانت دليل نــدرة وانعدام
بينما الصفوف كانت دليل توزيع حصص في بلد مترامي الأطراف ومفتوح على
التهريب لدول الجوار وكانت ضمان اجتماعي للمواطن ليجد كفايتــه بالبطاقـة
التموينيــة ودليل على اهتمام الدولة بالمواطن ليس بكفايته فقط ولكن الأهــم
(بالســــعـــــــر) الذي يحصــل بــه على حاجتـه
إذن السعــر الاساسي ... مقابل الوقوف في الصــف لنيل الحصـة
جاءت الانقاذ بالأسعار التجاريــة لينشــط منسوبوها في شراء الدولار من السوق
ومن البنوك ومن كل اتجاه وليستوردا ويبيعوا بالسعر التجاري
وعادت الصفـوف ............................................... بالسعــر التجاري
شـفـــت كـــيــــف
| |
|
|
|
|
|
|
|
|
Re: انهيار انجاز الانقاذ الوحيد (Re: محمد المرتضى حامد)
|
يا آب سن يا اخوي لازم الناس تصبر . و تقيف مع الحكومة .
ياخ صف الجاز و الغاز هين طالما الناس عدت أيام الإسهالات الفاتت و كانت واقفة
في عز الكوليرا .
وزي ما قال الشاعر الهندي : نحن ناس بنعيش حياتنا الصعبة بالنية العجيبة .
| |
|
|
|
|
|
|
|
|
|
Re: انهيار انجاز الانقاذ الوحيد (Re: Hani Arabi Mohamed)
|
تشكرو جدا
والله الواحد بطنو طامة طمام عديل فعلي
وغالبو يكتب يقول شنو زاتو
لازالت الصفوف واقفة صف
لازال الناس تزداد معاناتهم كل ساعة
وبعد دة صلف وازدراء وكبرياء اجوف
واستهانة بهذا الشعب البسيط والتكسب من احزانه وآلامه
| |
|
|
|
|
|
|
| |
عبدالحفيظ ابوسن
Abdullah Idrees
معاوية الزبير
عبدالله عثمان
أحمد الشايقي
محمد أبوالعزائم أبوالريش
محمد المرتضى حامد
معاوية المدير
Osman Musa
قلقو
Hani Arabi Mohamed
فيس بوك
تويتر
انستقرام
يوتيوب
بنتيريست