|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
من الثمانينيات أيامو الكان في سودانير الناس كانوا بقولوا لكمال طيفور إن شاء الله يوم شكرك ما يجيء لازمته سمعته وسيرته في أعمال الخير في كل مكان ذهب إليه حتى استقر به المقام بالولايات المتحدة كان ولا يزال سندا وملجأ في كل الملمات ما قصده محتاج إلا ووجده خير معين بلا منٍ ولا أذىً تقدِّم يمناه ما لا تعلمه يسراه
اختصر وأقول: لا تقتلوا المروءة في الناس يا هووووه اسألوا وتحققوا وانتقدوا، لكن دون تعريض سمعة هذا الرجل النبيل للتشويه وجعله دروة للتنشين من القاصي .. ولن أقول الداني لأن كل من دنا من كمال وعرِفَه وخبِرَه لا يمكن أن يصوب نحوه
نعم، شهادتي في صديقي و ابن خالي مجروحة لكن كتمان شهادة الحق قاتل
والحساب ولد كما قال قباني
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
Quote: انا شخصيا كانت ترطني به علاقة وثيقة واقدره حق تقدير الى ان اصابني بالاحباط وخيبة الامل حينما تنكر لشخصي صاحب الفكرة وراعيها حتى اللحطات قبل الاخيرة انا الذي اقترحته ان يتولي المهمة مع لجنة الموسيقيين مكونة من "ابراهيم سوناتا واسامة الشيخ ويحى ادروب" وظللت اتحدث لكابلي لعد اشهر نحضر ونؤقت ونساند اللجنة فجأة تنكر كمال باعلانه الغريب ثم ادعى ملكية الفكرة وسانده شريكه في وكالة البحر الاحمر بالامارات بل تمادى وانسحب من الفروب الرئيس بعد ان حوصر حول اعلانه المخل واستمر الافتراء الى ان حاصره اعضاء قروب "تكريم استاذ الاجيال" وهم لسوء حظه اعضاء هنا فاعترف في غير خجل بعد ان مسح بنا الارض واستهان بكل جهودنا ثم جاءت طامة طربقة تقديم الحفل وطريقة الحسابات استاذ معاوية الكابلي على اتصال دائم بالقروب الذي هو عضو فيه وكذلك ابناءه وحرمه واقربائه سيصدر بيانه الصوتي قريبا جدا وسيكون لكل حادث حديث حينها وستبين الوان الخيوط الله يكضب الشينة صدقني عزيزي الجميل معاوية اكاد لا اصدقّّّّ!!!!!! |
سلامات عزيزي الموصلي... ياخ ما قدرته اسمع التسجيل الصغير بتاع الاستاذ كابلي فهل في اي طريقة لمعالجته!؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: سفيان بشير نابرى)
|
اختصر وأقول: لا تقتلوا المروءة في الناس يا هووووه اسألوا وتحققوا وانتقدوا، لكن دون تعريض سمعة هذا الرجل النبيل للتشويه وجعله دروة للتنشين من القاصي .. ولن أقول الداني لأن كل من دنا من كمال وعرِفَه وخبِرَه لا يمكن أن يصوب نحوه نعم، شهادتي في صديقي و ابن خالي مجروحة لكن كتمان شهادة الحق قاتل والحساب ولد كما قال قباني
الحبيب معاوية الزبير ...
منذ بداية البوست و حتى هذه اللحظة ...
انا طالبت الاخ كمال و ما زلت اطالبه و بكل احترام ...
و لكنه و حتى تاريخه لم يعر مطالباتنا اي اهتمام ...
بل كتب ردود لا علاقة لها بالواقع ...
و اقولها و بصراحة ... هو اعتمد على بعض المدافعين هنا و هناك ان يصرفوا الموضوع الى شئ آخر ...
و لم يرى ان هؤلاء برغم دفاعهم الاعمى ... يجعلون الامر اكثر صعوبة عليه ...
ماذا يضيره ان يبرز كل الكشوفات ... نحن لسنا وراء المساس بتاريخه ... نحن ابناء هذا الحفل و هذه الواقعة ...
يا معاوية هو حتى تاريخه مدان تماماً في الامر الادبي و المعنوي ...
و كان لزاماً عليه ان يسارع في وضع حد للامر المادي و ابراز كل ما لديه ...
و لكن الصمت و عدم التجاوب يثبت ان هناك شئ ...
الاعمى يعرف ان الحفل تحول من مهرجان خالص لتكريم الكابلي الى حفل تجاري دعائي قام به كمال طيفور و وكالته ...
ارجو ان ندع العواطف جانباً ...
و كما جلبت مقولتي اكررها انا هنا ...
الحساب ولد ...
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
الإخوة الأعزاء الموصلي والفضلي وقباني أشكركم على ردودكم الهادئة أنا كتبت Quote: اسألوا وتحققوا وانتقدوا، لكن دون تعريض سمعة هذا الرجل النبيل للتشويه وجعله دروة للتنشين |
وذلك باعتبار ما كان ينبغي أن يكون كل شيء يمكن تسويته إلا إشانة السمعة فلا عِوض لها
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية الزبير)
|
انا قلت اسألوا وتحققوا وانتقدوا، لكن دون تعريض سمعة هذا الرجل النبيل للتشويه وجعله دروة للتنشين
وذلك باعتبار ما كان ينبغي أن يكون كل شيء يمكن تسويته إلا إشانة السمعة فلا عِوض لها
معاوية يا حبيب ...
سألنا و لم نجد من يرد ... و لا احد يريد اشانة سمعة احدج ...
و لكنه عمل عام ... و ابراء الذمم مطلوب حتى قبل ان نثيره ...
و يا معاوية ...
سلب الكابلي حقه الادبي و المعنوي لم يكن في السر ...
بل كان على مرأى و مسمع الجميع ...
رغم ذلك سألنا بكل احترام و لم نجد الا الصمت ...
الا تعتقد كان بإمكان الاخ كمال الرد هنا و توضيح الامر من وجهة نظره ؟
و لكنه آثر ان يدفع بغيره لتشتيت الامر ... و كان قرارا غير حصيف ...
طلبنا هنا طلب مشروع ... و تأخير الاخ كمال و المراوغة هي التي ستؤثر على سمعته و ليس ما طلبناه هنا ...
نحن ما زلنا في الانتظار ...
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
قرقرقر!
تاني رجعو للخطب الحماسية والانشا بتاع ايها الناس، الرجل النبيل، ود كاسي، ود حلتي، ود قبيلتي وماشابه من عهر مجاملة معهودة فينا للاسف كسودانيين....
السعال الديكي هو هل "الرجل النبيل بتاعكم ده" فاتح دكان في المنبر ده ولا لا؟
والدكان ده مسجل معانا هنا في المنبر ده كعضو معانا بزاحم فينا، يناكف زي غيرو من الاعضاء ام لا؟
هل الكنتين ده اي عضو هذا المنبر اللسمو "البحر الاحمر" هو اللي قام بي نكتة لعبة وتمثيلية تكريم كابلي سناريو، حوار، واخراج زولكم النبيل ده كدعاية وتسويق للدكان ده ام لا؟
اذا ده حاصل فما معني خطب صلاة الجمعة هذه تسوو رجل نبيل اللي واضح انو نبلو ده كان نتاج واداة "ماركتنق" بدورو؟
نعم البعض بسووق روحو ك"نبيل" كنوع من التسويق بغرض الكسب المادي، او في امريكا بالذات هذا بعض ادوات التسويق الراسمالي المعروف ومقنن وفق قانون الضرائب الفدرالي!
ده ما ظن ولاخيال ولكنو استنتاج مبني علي الحصل في نكتة تكريم الفنان الكابلي اللي تما علنا باسم شركة محددة تجارية علنا وعلي رؤس الاشهاد!!
لو عندكم القدرة تردو علي حججنا هذه بالمنطق مرحب بيكم.
بالعدم بطلو سخف، نبيل، صاحبي، زولي، فردتي وماشابه من ترهات عهر اجتماعي فارغ!
الزول ده نهب الفكرة او وظفا لي مصلحتو هو كتاجر بكل انانية دون ادني اعتبار للكابلي او تاريخو او مشاعرو، لانو غرضو الاساسي هو الربح!
نعم النظم الراسمالية والتفكير الراسمالي قاسي جدا عنيف جدا بشهادة تاريخ السيد طرمبة ساكن البيض الابيض، نعم راسمالي قح، علي السكين!
شعب طيب بمعني المفردة!
الكيزان بسمو هذا النوع من الكسب وقبلها التسويق:
اسلام، شرع الله، الكتاب والسنة وماشابه، نعم ذات مفهوم نبيل، شهم، كريم وماشابه!!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
يا بشاشا يا محترم لمّا أقول الزول ده قريبي يعني بعرفو in and out مش معرفة أسافير أعرف كمال منذ الطفولة أي قبل نصف قرن من الزمان عمره ما سوّى الشينة ولا جاب المنكورة
/ وكالة البحر الأحمر أشهر من علم على نار ولا تحتاج لدعاية ولا فاضية ولا ناقصة زاتو عشان يجوها زباين جدد
/ ربح شنو يا بشاشا؟ العايز يربح بجيب الكابلي؟! الكابلي فنان نخبة، عمره ما كان فنان جماهيري يعني كمال عميان من ندى القلعة وإنصاف مدني؟!
/ بعدين حكاية سرقة الفكرة أنا ناوي أنفّذ فكرة قناة فضائية للمعارضة أها ح تقول سرقت الفكرة من الأسافير؟
تاليا رد من وكالة البحر الأحمر
Quote: نكرر أن الراعى الحقيقى لحفل التكريم هو جمهور الأستاذ الفنان الكابلى متمثلاً فى زملاء دربه من فنانين و موسيقيين و محبين و إقتصر دور البحر الأحمر فى التنظيم و التنسيق بين كل الأطراف المشتركة فى التكريم إضافة الى العمل الدؤوب و السعى الجاد لإيجاد المكان المناسب للحفل و التواصل مع كل الجهات الأخرى العديدة المرتبطة بذلك , هذا العمل الضخم ما كان له ان يتم لولا تضافر الجهود و العمل الجماعى الذى نحن فى أشد الحوجة له . - البحر الأحمر ليست فى حوجة للإعلان عن نفسها عبر البوست الترويجى لأن إعلانها موجود فوق صدر المنبر و على صفحة الموقع الأولى منذ تأسيسها و إنشاء الموقع فى العام 1999 فالبحر الأحمر و سودانيزاونلاين توأم فى الميلاد و تفتخر أنها أول شركة سودانية قامت بالإعلان على هذا الموقع . |
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
تنويه لعزيز بشاشا المعروف بطول وعرض المنبر اي القارئي:
كلامي ده كلو مبني علي المنشور هنا في المنبر لاغير.
المنشور في المنبر، انو في شركة هنا تجارية اعلانا المدفوع الاجر مدقوق فوووق في واجهة المنبر، اسمها شركة البحر الاحمر، والشركة دي مسجلة معانا كعضو في المنبر ده.
اها العضو ده الاسمو "البحر الاحمر" راح فاتح بوست حدادي مدادي اعلن فيه هذا العضو اي دكان البحر الاحمر عن برنامج ل"تركيم" الفنان عبدالكريم الكابلي!
ادا ده كلو حاصل ومثبت، فكيف هذا يكون عمل خيري بمعني عمل غير تجاري؟
اذا بنتكلم بي قوانين امريكا مكان هذا الفضاء والدكان ده، فالعمل الخيري هو عمل غير تجاري، وان كان العمل الخيري في امريكا حقيقة مجرد اداة تسويق للعمل التجاري!!
بناءا عليه، وبموجب الاعلان اي البوست الفتحو العضو الغير محترم، اي الدكان بتاع البحر الاحمر، فما سمي تكريم شغل فهلوة او غش راسمالي ربحي،
للفنان الكابلي، كان ولايزال عمل تجاري محض، بحت بشهادة البوست الفاتحو العضو المدعو البحر الاحمر!!
هل ده حاصل ام لا، يا البسوو "ود كاسي"، "رجل نبيل" وماشابه من ترهات؟
جاوبو!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
وكالة البحر الأحمر أشهر من علم على نار ولا تحتاج لدعاية
معاوية تحياتي،
المشكلة كلها في زي كلامك ده اوقبلو منطلقك في البتقولو!
نعم انت منطلق من علاقة شخصية بحتة وبالتالي لايمكن تمرق الذمة بحكم قسم الولاء بتاع القرابة والعلاقة الشخصية!
ده السبب انتا بتقول شغل مخارجة البحر الاحمر ماعايزة دعاية، والدعاية مدفوعة الاجر مدقوقة فوق!!
شفتا التناقض كيف؟
الدكان ده مسجل هنا، كعضو معانا ليه؟
هل الدكان ده هو الاعلن في المنبر ده عن نكتة التكريم هذه ام لا؟
نعم البرد علي المداخلات في بوست الدكان هذا، هل هو الدكان ام لا؟
علي كده ده عمل تجاري ام لا؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
نعم بوست الدعاية للكنتين ده اي الاحتفال عديل كده بي اسم شركة تجارية زي غيرا مادة القرعة او كايسة الفكة، او بعد ده تسوو، نبيل او بطيخ؟
ماعندنا دخل بي حياة سيد الكنتين الخاصة بعيد من هنا.
موضوعنا هو سلوكو مواقفو المعلنة هنا في المنبر.
تعالو ورونا هل هذه دعاية رخيصة ام لا؟
استغلال بشع ام لا؟
تذاكي او فهلوة ام لا؟
استصغار لعقولنا ام لا؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
نواصل مع معاوية اللي واضح انو زول سوداني قح، اي نقي بي طبعو اي "طيب" بي مفاهيم عصرنا:
/ ربح شنو يا بشاشا؟
العايز يربح بجيب الكابلي؟!
يا معاوية، لوكنتا تاجر مابتفكر كده!
نعم كابلي بي سوقو بي رندوق التجار، او ندي بي سوقا.
بمعني زوي دخل محدد وعمر محدد من حيث المستمعين.
نعم طبقا لطبيعة البضاعة العارضة صاحب الكنتين بكون التصويب او التركيز فيما اتصل بالتسويق.
من الجانب الاخر، "البراند نيم" يتطلب بالضبط شخصية في مقام كابلي تحديدا باكثر من اي فنان اخر للاسباب الذكرتها، باعتبارو صفوي!
نعم المنقة كلها هنا من حيث السمعة اي بناء "البراند نيم" للكنتين ده اي البحر الاحمر!
ولكن صاحب الكنتين فهلوي للاسف، عامل فقري جدا وهذا واضح من تاففو واصرارو علي عدم التداخل او الرد، مع انو الخيط ده دعاية مجانية لو يعلم للدكان بتاعو، ولكنو "ايقوتستكال" كماهو واضح مغرور، الغرير!!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
فيما اتصل بي مفهوم "عمل خير" في مرجعية الثقافة السودانية، اسمح لي عزيزنا القارئي اقول الاتي:
تاريخيا العمل العام في ثقافتنا كان كلو عمل خير، وخير محض، مافيهو شبهة كسب او ربح مادي تجاري بالصورة الشايفنها الان في عالم راسمالي، والراسمالية ما مرحلة وانما سمة اساسية للثقافة الارية اللي بتشمل العرب.
زي ما قنا النظام الراسمالي بحول كل قيمة "مثالية" الي سلعة، ابتداءا بالبني ادم زاتو زي ما حصل لينا كقوم سود لما باعتنا الخلافة الاسلامية بالاقة كما كرشة الخنزير من بعد الخلافة المسيحية!
نعم اول سفينة شحنو فيها اهنا كبضاعة للبيع في امريكا كان اسمها "المسيح"!
ياهذا رب العزة ذات نفسو في اوربا في السودان المصري "البنا"، وامريكا مجرد سلعة!
لازم الكلام ده يقع ليك عشان تفهم بشاشا جاي من وين!!
ده السبب كلنا فيما قبل نظام شيطان الجرة الحاكم في السودان بالذات في الارياف، شفنا كيف العمل العام ده كان نشاط بشارك فيهو كل فرد في القرية عن بكرة ابيها وامها،
وهذا نفي عنه صفة المهنة بغرض كسب العيش، اول مسمار ادقا في نعش مفهوم العمل العام الخيري في ثقافتنا!
نعم لو في سماية ولا عرس ولا فراش، الكل بساهم في "الكسيق" زي مابنقول بلغتنا في دنقلا، كاسر وافراد من دون مفاهيم مهنية وحرفية وماشابه من خبوب افسد كل شئ!!
الزراعة بي نفس الطريقة الحي كلو بساهم في حش قمح ناس فلان، لينتقلو الي فلتكان البعدو في اللستة!
نعم مافي تسليع هنا او شبهة ربح او احتراف ومهنية وماشابه من ترهات عصرنا الموغل في المادية!
تاريخيا المحرك لي ده كلو كان دافع الفوز في يوم الحساب بترجيح كفة الميزان بي حسن الاعمال الحتشرف عليهو امنا Maat!!
لهذا ويا للغرابة في دنقلا في الحصاد الجماعي الفنانين في المنطقة كانو هم البتولو المديح مش الغنا اثناء الحصاد!
وانا يافع فكرت في الحاجة دي واستغربتا ليه مابغنو "باللوري ما ممكن اسافر"؟
غنية كانت طالعة لي في الراس حينها!!
نعم كانو بمدحو فقط!!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
Quote: / وكالة البحر الأحمر أشهر من علم على نار ولا تحتاج لدعاية ولا فاضية ولا ناقصة زاتو عشان يجوها زباين جدد |
سلآمات يا معاوية .
يا جماعة عليكم الله الحِتة دي بالذآت أنسونا منها فالبحر اللحمر ليست بأكثر شهرة من البيبسي وطيران الأمارات، البحر اللحمر محتاجة للدعاية إلي أن يرث الله الأرض وما عليها . البحر اللحمر فاتحة بوست ؤ بتردح فيهو بنفس الكلآم لكنها تظل مُحتاجة للدعاية ولو فضلت تنفي إلي يوم الدين، تمّ إستغلال التكريم للدعاية للبحر اللحمر كما تمّ إستغلال إسم الكابلي لنفس الغرض . علمت أن إتصال الأُستاذ محمد الأمين لم يكن ضمن فِقرات برنامج التكريم لكنه عندما تحدث صدرت منه إشارات توحي بأنه يعتقد أن وكالة البحر اللحمر هي صاحبة التكريم ولم يتصدى ولا وآحد من البحر اللحمر لتصحيح إعتقاد الأُستاذ محمد الأمين، وظلّت الإعترافات تُنتزع منهم إنتزاعا . تظل البحر اللحمر مُحتاجة للدعاية والإعلآن ولو بلغت شهرتها أفاق السماوات والأرض ويجب أن تُحاسب علي إستغلآل الفكرة وإسم الأُستاذ كابلي للدعاية لشخصها ...
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية المدير)
|
أخونا معاوية الزبير عهدناه واقعيا وحكيما .. ما يكتبه هنا لا يشبه كتاباته يبدو أتى فقط مجاملاً قريبه لا أدرى من عند نفسه أم طلب منه ذلك؟ وللأسف لم يكلف نفسه عناء قراءة البوست وهذا واضح مما كتب!
Quote: / وكالة البحر الأحمر أشهر من علم على نار ولا تحتاج لدعاية لا فاضية ولا ناقصة زاتو عشان يجوها زباين جدد |
أها دا هبيش فى حتات بتجيب الهوا لزولك .. لا تسألوا عن أشياء إن تبد لكم تسؤكم. معروف بأمريكا عهد وكالات السفر ولى وفات زمانها، بعد التذاكر الألكترونية والحجز المتوفر أونلاين. وأمانة فى ذمتك يا معاوية إنت قاعد تحجز تذاكر سفرك عن طريق وكالة؟ وما تقول لى بتتعامل مع وكالة البحر الأحمر لأنه مشهور عنها غلو أسعارها لا بتعرف قريب ولا بعيد، البتعامل معاها مرة لا يكررها إلا إذا كان غاوى يتبرع بماله ويستغفل مثل التبرعات لفرية تكريم الكابلى .. بعدين عرفتها كيف لا فاضية ولا ناقصة عشان يجوها زبائن جدد؟ هل إطلعت على ميزانيتها السنوية وفورمات الدخل والضريبة؟ أم مزيد من التبرع بالشهادات المجانية النبيلة! ولو مليانة فوق شنو كان إختطاف حفل تكريم الكابلى وإنعدام الشفافية فى المحاسبة؟!! مش جابت ليها علم على رأسه نا وما محتاجة .. يا يحيى أضيف للمطالب فورمات الضرائب لعام 2017 لوكالة البحر الأحمر.
Quote: / ربح شنو يا بشاشا؟ العايز يربح بجيب الكابلي؟! الكابلي فنان نخبة، عمره ما كان فنان جماهيري يعني كمال عميان من ندى القلعة وإنصاف مدني؟! |
ياخ بوست البحر الأحمر النقلت منه رد منها أمشى إتفرج على الفيديوهات وشوف العدد الإحتشد بالمسرح، قبل ما تتبرع بدفوعات هشة .. وما تنسى أنه شعار الحفل (تكريييييييم الكابلى) ودا شغل وفاء السودانيون لا يقصرون فيه.
Quote: / بعدين حكاية سرقة الفكرة أنا ناوي أنفّذ فكرة قناة فضائية للمعارضة أها ح تقول سرقت الفكرة من الأسافير؟ |
مرة أخرى لم تكلف نفسك عناء قراءة البوست .. لم تكن فقط سرقة فكرة ولكن سرقة مشروع حفل مكتمل 20 موسيقى تبرعوا بالمشاركة وأموال دفعت لبدأ التنفيذ ويافطة حفل جاذب للجمهور تكريم الكابلى، وآلية إعلامية ضخمة ليست بداخل أمريكا فقط تقوم بالترويج والدعايا من خارج أمريكا لداخلها عبر الوسائط المختلفة .. وإقتراحات طموحة لبرنامج الإحتفال وأدت كلها بسبب جربندية وكالة البحر الأحمر والذى تصورته حفلا مثل حفل لحنان بلوبولو أو ندى القلعة!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: نادر الفضلى)
|
Quote: لعزيز سفيان اخوك فيما يختص بتكنلوديا بكري "برلوم"
لكن اوجه السؤال للتكنشن يحي قباني عموما الرجل شكر في التنويه كل من وقف معه وسانده بالتبرع بالمال والاداء الموسيقي وغيره ووعد ببيان واف شاف باذن الله نجيبو ليكم هنا من القروب فور نزوله كل الود |
تشكر عزيزي الموصلي.... و في الانتظار للبيان أو التصريح
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: سفيان بشير نابرى)
|
Quote:
أي تنظير ورجوع بالاحداث للخلف ما منو أي فايدة وكالة البحر الاحمر لابد لها الآن ان تبريء ذمتها المالية وتبرز للكابلي وأسرته كشف حساب بكافة المبالغ التي تم تحصيلها سواء التي في شكل تبرعات أو كافة مدخولات الاحتفال الاخرى ويخصم منها ما تم صرفه من نفقات تاجير مسرح وعازفين وغيره والمبلغ الصافي يُضاف إليه مبلغ الدعاية لراعي الحفل وكالة البحر الاحمر حسب تقديرات الكابلي وأسرته بعد مشاورة من له دراية فإن شاءوا يخفضوا المبلغ كجبر للاضرار وإن شاءوا يصروا على تقديرهم لمبلغ الاعلان فهذا حقهم شخصياً
|
Highlight لجزئية من المداخلة الثمينة جمال ود القوز عسى تحجب عنا مزيدا من شهود باركوها!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
يا قبانى البوسترين قبل وبعد التعديل أتقول مسابقة إختبر قوة ملاحظتك قال إيه مجموعة مصممين شغالين فيهو ونهائى ما بتعدل .. إتعدل زى الترتيب التصمييم إتعدل والمعلومات إتعدلت وإضافات أضيفت .. حولا!
يا موصلى إنت لحنت لهاشم ميرغنى الأغنية البتقول (ما كنت قايلك زى سراب بموجو بسقينى الخداع) وتيب!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: نادر الفضلى)
|
Quote: منعوني من التصوير وختو قصادي امرأة اخرى لتنفيذ ذلك "بتخت رجلها وتعاكس طلوعي للمسرح" ورغم ذلك انا نجحت في الافلات وصورت من زوايا مختلفة
|
الإعلامية القديرة منعوها تكون من إعلامى التكريم وتنظيم البرنامج .. وكمان منعوها تنقل الحفل .. وواضح من مكانها بالحفل الذى تصور منه أنها كانت تصور من زوايا صعبه .. زى البترفع ليها كورنر، لكنها حريفة أحرزت أهدافاً رغم الرقابة اللصيقة من الثيردباكة المفوت فاولاتها الحكم الخاين .. ولم تكتفى إحسان بذلك بل قامت بمراوغة وببراعة باصت الكورة لنفسها وتخلص من الدفاع وإنفردت بالكابلى لتأخذ من حديثا يدحض كل إفتراءات ما قادر يتكلم وبقدر يغنى .... إحسان راس حربة إعلامى خطير فيها كل صفات (الصفوة) وإن كانت تتواضع وتنكر صفويتها
بس معقول يحظروها مرتين من المشاركة ومن التصوير وبعد ذلك يستغلوا مجهودها وينقلوه بدون خجلة !! ودا كوم ونشر صورتها كوم لأنه الصورة إلتقطتها كاميرة الأخ العزيز الفنان الخلوق عباس ميرغنى وهو عنده قانون سامى ألا يعطى صورة سيدة إلا لها أو لزوجها لا بعرف نجمة إعلامية ولا راس حربة ولا خلافه.. أكيد أفهموه أنها جزء من فريق العمل فأعطاهم الصورة. !
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: نادر الفضلى)
|
/ ربح شنو يا بشاشا؟ العايز يربح بجيب الكابلي؟! الكابلي فنان نخبة، عمره ما كان فنان جماهيري يعني كمال عميان من ندى القلعة وإنصاف مدني؟!
معولة لا حول ولا قوة الا بالله وكمان التعلل بان كابلي فنان صفوة زما جماهيري يا اخوانا عيب الكابلي غنى للجماهير البسيطة في كل انحاء السودان حنوبا وشرقا وغربا وشمالا امال اغنية جبل مرة الاداها عركي جات من ياتو رحلة اقليمية....
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
هذا جد مؤلم!
هذا نصب واحتيال عديل كده، علي عينك ياتاجر او في وضح النهار!
والاعجب زي ماقتا هو موضوع قلع تكلفة الدعاية البلوشي لي كنتين البحر الاصفر من الجمهور علنا!
نعم كمان بي اعلان رسمي لي تذاكر دخول!!
البوست ده لازم يفضل معلق فووووق لي نهاية السنة دي، عشان يكون ما حدث عظة وعبرة!
غايتو انا بلومكم يايوسف، يا قباني يا نادر!
كان تعترضو علنا علي مثل هكذا شغل خم او هبر!
اقلاه في الخاص كان تنصحو كابلي حقيقة!
كلام اختنا احسان ده يموخل!
قوة عين عجيبة، وهذا يفضح كل شئ ويثبت كل حرف كتبناهو هنا، عن الدافع التجاري المادي الطفيلي للشغلة كلها باستغلال كابلي ارث كابلي واسم كابلي بمثل هكذا نصب واحتيال!
نعم عمل خيري افتراضا حسب الحبكة، او بعد ده بتاع كنتين البحر الاصفر ده عايز يكوش بل ينفرد بكل شئ، حتي يذهب المردود باكملو لي رصيد هذا الكنتين، حصريا،
بل اكتر من كده ربما كان هناك تفكير في تسويق التسجيلات للمناسبة اللي دفعو اتعابا جمهور كابلي مقدما!!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
وين الباكات الكانو هنا، بشتتو في الكورة؟
فزو وين ناس ده "ولدنا"؟
ممكن واحد فيكم يتبرع ويشرح لينا الحصل لي اختنا احسان ده؟
ماقتو عمل خيري او بتاع؟
الغريبة هم استخدمو اسمها مرارا من باب التسويق للحبكة دي!
شفتو كيف صاحب هذا الكنتين بقول في شئ علنا، او بسوي شئ اخر سرا؟
عزيزي القارئي:
وقع ليك كلامنا من دون ما نكون هناك او نشوف اي شئ بعيونا خارج هذا الفضاء، بخلاف الكلام المنشور هنا في المنبر ده؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
تفتكر يا نادر أنا لما كتبت قريبي ما كنت عارف الكتاحة الـ حتقوم ضدي؟! من البداية حبيت أوضح إنو أنا بكتب عن إنسان بعرفو كويس وبعرف سيرتو، ولا بد أن أشهد بما أعرفه عنه عندما أجده يتعرض لحملة تشكيك في أخلاقو ياخ على الأقل أنا وضّحت منطلقي من المشاركة في البوست كمال طيفور زول مليان مروءة.. لا تقتلوا المروءة بين الناس هذا هو غرضي -------
Quote: يبدو أتى فقط مجاملاً قريبه لا أدرى من عند نفسه أم طلب منه ذلك؟ |
قر قر قر يا عملات بشاشا عزيز القراء أها شوف يا نادر نوع اتهامك ده، أنا ما عايز "قريبي" يتعرض ليهو ممن لا يعرفه عسى أن يقيّض لي الله شخصا يعرفني وينفي عني هذه التهمة
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية الزبير)
|
انا الجابني المنبر ده راجع هو لعبة التكريم هذه، واللفت نظري هو الدعاية الكانت ملصقة في صدر المنبر بي اسم شركة تجارية!
انقهمتا حقيقة واستغربتا لي تكريم افتراضا تتولاهو شركة تجارية مش كعمل تجاري وهذا مشروع او مفهوم، وانما كعمل طوعي عام، خيري، باسم الجالية السودانية او ده الشطب راسي تماما!!
انا افهم اسهام الشركات الخاصة في المناسبات الذي دي كدعاية واعلان مدفوع الاجر للجهة المنظمة اللي مفترض تكون جسم اهلي بعينه لاعلاقة له بالبيع والشرا!
ولكن الذي لم اتوقعو اطلاقا، ان يكون ماسمي تكريم شغل فهلوة واستهبال، بي اسم شركة محددة تجارية مملوكة لفرد مش شركة مساهمة عامة مطروحة في البورصة!
ده اللفت نظري واصابني بالدوار!
بهذا نتوقف عن الارسال هنا، والمعايش جبارة، مافي وكت!
ولكن لو عادو الشياليين سنعود!!!
العفو والعافية!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
عزيزي قباني من حقكم المطالبة بالتنويه بأنكم أصحاب الفكرة لكن كما ذكر ابوبكر عباس -الذي لا يستطيع الدخول للمنبر- فإن الفكرة شيء والتنفيذ أمر آخر الأمثلة كتيرة على النوايا الحسنة التي تظل معلقة في الهواء شخصي الضعيف مشارك في حملة مفترضة لمشروع "حفظ أرشيف أفلام السودان"، مضى كم من الشهور لا أعلم ولم يتحرك أحد ليضع الفكرة موضع التنفيذ وذكرت سابقا فكرة "فضائية المعارضة".. أين هي من التنفيذ؟؟
أما سوء التنظيم.. سوء الإدارة أوالإخراج.. فهذه أمور يمكن انتقادها
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
Quote:
غايتو انا بلومكم يايوسف، يا قباني يا نادر!
كان تعترضو علنا علي مثل هكذا شغل خم او هبر!
اقلاه في الخاص كان تنصحو كابلي حقيقة!
|
يا بشاشا مالك داير تدخلنا فى عذاب الضمير كان بالإمكان إبداء النصح ولكن هل كان سيجد آذان صايغة؟ من يوم نزول الإعلان فى 4 مارس اللعب كان على المكشوف والموصلى إحتج وتم إسكاتو .. ويبدو أن أكثر المتشائمين لم يخطر على باله النتائج تكون بهذا السؤ!
انا بلوم نفسى مرتين مرة عندما أخطرت بأول مرة بمواعيد التكريم يوم 25 يناير، وحدسى كان أن الأحتفاء أخططف وثانيا يوم 4 مارس يعد نزول الإعلان وكشف المستخبى راقبت ردود الأفعال وسكت ولكن لم أكن أظن ستكون النهاية بهذا السؤ !!!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: نادر الفضلى)
|
عزيزي قباني من حقكم المطالبة بالتنويه بأنكم أصحاب الفكرة لكن كما ذكر ابوبكر عباس -الذي لا يستطيع الدخول للمنبر- فإن الفكرة شيء والتنفيذ أمر آخر ا أما سوء التنظيم.. سوء الإدارة أوالإخراج.. فهذه أمور يمكن انتقادها
عزيزي معاوية ...
قلت الفكرة شئ و التنفيذ شئ آخر ...
ثم عدت و قلت : أما سوء التنظيم.. سوء الإدارة أوالإخراج.. فهذه أمور يمكن انتقادها ...
طيب انحنا عملنا شنو غير ذلك ؟
سوء التنظيم و الاجحاف في حق الكابلي الادبي و المعنوي هي مصيبة في حد ذاتها ...
اضف الى ذلك تحويل مهرجان متكامل الى حفل تجاري ترويجي ...
ما عارف ليه يا معاوية ما قادر تشوف الشايفنوا الالاف من الناس ؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
اول مداخلة لى فى هذا البوست كانت تساؤلات زى تساؤلاتك دى يا باشا ليه الناس دى سكتت وليه ما نبهو الاستاذ . دايره أقول للاستاذ القال كابلى ما جماهيرى وانو لو دايرين ربح كانوا يجيبوا انصاف مدنى او القلعة ديل ما بجوك هنا عشان تديهم ٢٥ دولار ديل بمشوا مادوغروى وبمشوا شاد يجيبوا الدولارات بالشوال
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
أتا يا معاوية الزبير، جادي؟ هسّ الارقوز الاسمو باشا دا صاحب المداخلات الطويلة المملة دا فاهمو بقول في شنو؟! معقولة زول يكتب ليهو تلاتة مداخلات ورا بعض تلاتين متر وبنفس نفس الملل والكلام الدائري؟ صحي مكان عاطلي الإنجاز الحاقدين والحاقدات ديل يا هو ملعبك
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
والله يا مستنير شي مؤسف جداً انك في البوست دا مصطف اصطفاف واضح للجميع
والمصيبة الى الان لا قدرت انت ولا غيرك من الناس البدافعو عن الاخ كمال طيفور
تبرئة زمته او نفي ما تفضل به الاخوة قباني وموصلي من اتهامات
الجماعة ديل يا مستنير جابو صور البوستر الاول الذي اعترض عليه الموصلي
وبقية الاعضاء في القروب وطالبوا الاخ كمال بالتعديل ورفض بحجة انه لا يمكن التعديل او ان الاوان قد فات
وبالتواريخ اثبتو انه تم التعديل في اسم المدرسة واضافة فئات التبرع ولم يتم اضافة اي شيء يشير الى اصحاب الفكرة
على ما اظن يا مستنير انو مافي اي زول بعد دا كلو يقدر يقول انو سرقة الفكرة ما كانت مقصودة للاسف واضح جداً انها كانت مقصودة
لذلك انا استغربت جداً انو شخص زيك يا ابوبكر تعميهو محبتو الشخصية لشخص تاني عن قول الحقيقة الواضحة
وموجودة داخل البوست دا نفسو وانا ما جبت اي شي من خارج البوست واكيد انت اطلعت عليه
صمت كمال طيفور لن ينفي عنه هذه التهمة (سرقة الفكرة) لانو البينة هنا واضحة جداً مالم تكون هناك تفاصيل لا نعلمها نحن
لذلك اتمنى حضوره والرد على هذه الاتهامات .
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Haytham Ghaly)
|
يا هيثم، فكرة شنو؟ دي ونسة بتاعت ناس في وتسال ساكت كمال غلطان المفروض يقول ليهم: ما عندكم حق أدبي بخليني أكتبكم هنا ما كان يستحي من ذلك وهم حقيقة لا يستحقون هذا الحق الأدبي دي ونسة ساكت لا أكثر
التكريم دا مجهود جباااااااااار الما بندرش فوقو لا عندو حق أدبي ولا بطيخ
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
Quote: يا هيثم، فكرة شنو؟ دي ونسة بتاعت ناس في وتسال ساكت |
يا بكور ياخي لا تبخس الناس اشيائها
ونسة كيف وهم عملو قروب بغرض الاحتفالية ؟؟
ونسة كيف والموصلي دعا الموسيقيين وحصل على موافقاتهم ودي كانت اكبر خطوة مهمة كبداية لنجاح البرنامج؟؟
ونسة كيف يا ابوبكر وحتى كمال طيفور تمت اضافته بواسطة الموصلي؟؟
ياخي لو فرضنا انها ونسة مفروض الاخ كمال يشير لونسة الناس ديل على الاقل كموحي لفكرة التكريم
غايتو انا مستغرب في اصرارك على نفي شي واضح زي دا (اعني سرقة الفكرة)
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
طيب يا بكور اسألك بصورة مباشرة
عن رأيك في رفض الاخ كمال لتغيير البوستر واضافة اسم اصحاب الفكرة
رغم انو اضطر يعدل بسبب اسم المدرسة؟؟
كان ممكن لو النية سليمة يضيف تعليق بسيط بان الفكرة جاية من القروب الفلاني
او ممكن يضيف بعض الاسماء على الاقل .
اها دي تبريرها حا يكون كيف يا بكور؟؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Haytham Ghaly)
|
Quote: : بل أربعة ايّام وتحديدا مسا الأحد الماضي وبحضور الدكتور عمر الجزلي وابنه محمد والأخ كمال طيفور والأخ اسامة الشيخ والأخ سعيد العاقب والأخ حافظ خيري وبطلب من استاذنا عبدالكريم الكابلي حضرنا والتقينا جميعا في منزله العامر وبعد صلاة المغرب جلسنا جميعا وتحدثنا وعاتب الدكتور الجزلي الاخ كمال عتاب شديد لكل السلبيات في نواحي الإخراج والصالة المعتمة وتحدثنا جميعا والكل أدلي بدلوه وطلب استاذنا الكابلي من كمال معرفة كل من ساهم في حفل تكريمه وبالتفصيل ليشكرهم لانه دين عليه وقام الاخ كمال بعد ان شرح للجميع شفاهة بتسليم الاستاذ الكابلي ملف كامل يحتوي علي تفاصيل كل من ساهم بالأسماء وكل المنصرفات بأرقام التلفونات للتأكد كما قام الاخ حافظ المسئول عن تسجيل الحفل بتسليم الاستاذ الكابلي الماستر وهو ثلاثة ساعات ونصف كاملة تسجيل من أربعة كاميرات في المسرح والصالة باحدث تكنولوجي ثم تحدثنا انا والأخ اسامة واكدت لأستاذي الكابلي مرة اخري اننا جميعا متنازلون وجاهزون للتوقيع علي اَي مستند في حال تسويق هذا الحفل لأي جهة ثم عزف لنا الاخ سعيد العاقب وبعود الاستاذ أغنية زمان الناس وغني وغنينا جميعا ثم عزف رائعة اخري وغنينا وإكرمتنا الحاجة عوضية كما يحلو لي ان اناديها وتعشينا جميعا ثم افترقنا بعد الحادية عشرة ليلا. شكرًا واتمني أكون أوفيت. ماهر تاج السر |
يا جماعة أنا و صلتني الرسالة في الفيس بوك و لم أتحقق من صحتها... و سوف أعمل على ذلك.
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Kostawi)
|
Quote: حبيبنا كوستاوي لا احد يتشكك ابدا في مصداقيتك ولكن مقولة ان الكابلي كان غير قادر على الكلام غير صحيحةارى ان تلوم المصدر ارسل لنا الموسيقار ماهر رسالة في قروب التكريم الاصلي الذي انشاته انا بكل فخر والذي "رشحت فيه كمال طيفور وقبل بعد تحانيس ليتعاون مع الموسيقيين الذين انتخبناهم لنفس الغرض اؤسل رسالة من ضمنها الاتي
انه قبل خمسة ايام غتى الكابلي اغنيته زمان الناس في حضور د عمر الجزلي وابنه محمد وكمال طيفور واسامة الشيخ وسعيد العاقب وحافظ خيري واخرون اذن فالحديث بانه غير قادر على الكلام غير منطقي |
يا كوستاوي المدآخلة دي كتبا ليك الموصلي في الصفحة 3 من هذا البوست كدي بدل تمشي تتحقق من برّا أرجع للصفحة رقم 3 بتلقى المداخلة دي . يعني يا كوستاوي المسألة دي معروفة ؤ مافِ زول داسيها وهي لا تعني نهاية المطاف ...
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
يا مستنير ياخي انا سألتك سؤال فوق وراجي اجابتك
امكن ما شفتو .. حا اجيبو ليك تاني لانو الاجابة عليهو منك مهمة جداً
Quote: طيب يا بكور اسألك بصورة مباشرة
عن رأيك في رفض الاخ كمال لتغيير البوستر واضافة اسم اصحاب الفكرة
رغم انو اضطر يعدل البوستر فيما بعد بسبب اسم المدرسة ا؟؟ |
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Kostawi)
|
Quote: Quote: : بل أربعة ايّام وتحديدا مسا الأحد الماضي وبحضور الدكتور عمر الجزلي وابنه محمد والأخ كمال طيفور والأخ اسامة الشيخ والأخ سعيد العاقب والأخ حافظ خيري وبطلب من استاذنا عبدالكريم الكابلي حضرنا والتقينا جميعا في منزله العامر وبعد صلاة المغرب جلسنا جميعا وتحدثنا وعاتب الدكتور الجزلي الاخ كمال عتاب شديد لكل السلبيات في نواحي الإخراج والصالة المعتمة وتحدثنا جميعا والكل أدلي بدلوه وطلب استاذنا الكابلي من كمال معرفة كل من ساهم في حفل تكريمه وبالتفصيل ليشكرهم لانه دين عليه وقام الاخ كمال بعد ان شرح للجميع شفاهة بتسليم الاستاذ الكابلي ملف كامل يحتوي علي تفاصيل كل من ساهم بالأسماء وكل المنصرفات بأرقام التلفونات للتأكد كما قام الاخ حافظ المسئول عن تسجيل الحفل بتسليم الاستاذ الكابلي الماستر وهو ثلاثة ساعات ونصف كاملة تسجيل من أربعة كاميرات في المسرح والصالة باحدث تكنولوجي ثم تحدثنا انا والأخ اسامة واكدت لأستاذي الكابلي مرة اخري اننا جميعا متنازلون وجاهزون للتوقيع علي اَي مستند في حال تسويق هذا الحفل لأي جهة ثم عزف لنا الاخ سعيد العاقب وبعود الاستاذ أغنية زمان الناس وغني وغنينا جميعا ثم عزف رائعة اخري وغنينا وإكرمتنا الحاجة عوضية كما يحلو لي ان اناديها وتعشينا جميعا ثم افترقنا بعد الحادية عشرة ليلا. شكرًا واتمني أكون أوفيت. ماهر تاج السر |
الأخ الخردة كوستاوي سلامات هل تأكدت من صحة الرسالة!؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
يعني يا هيثم، دايرو يكتب في البوستر: فكرة التكريم من قروب واتساب كندي أمريكي الموصلي وآخرون؟! الفكرة ما فريدة وتكسب منها آخر عشان تكون عندها حقوق أدبية الذي ينفذ هذه الفكرة هو صاحبها دا عمل خيري اجتماعي
ردي ليك بالواضح: ليس لقروب الواتساب الهجين دا أي حقوق أدبية يجب التعامل معها بحساسية
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية المدير)
|
رد احسان عبد المتعال يجعلنا نسال لماذا منعوها من التصوير . هذا اذا فعلا منعوها من التصوير... ولكن في النهاية يمكن القول وبما ان البعض هنا بيشكر كمال طيفور بانه اخو اخوان ورجل شهامة ومروءة فلا شك انه وبالتعاون مع الاخ يحى قباني يمكن الوصول لحل مناسب يرضي جميع الاطراف وخاصة الفنان الكبير عبد الكريم الكابلي، لان الحفل اساسا تم تنظيمه من اجل تكريمه.
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
Quote: في النهاية يمكن القول وبما ان البعض هنا بيشكر كمال طيفور بانه اخو اخوان ورجل شهامة ومروءة فلا شك انه وبالتعاون مع الاخ يحى قباني يمكن الوصول لحل مناسب يرضي جميع الاطراف وخاصة الفنان الكبير عبد الكريم الكابلي، لان الحفل اساسا تم تنظيمه من اجل تكريمه. |
السر عبد الله ده -جزاه الله خير- بقول كلام كويس. ما رأيكم؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية الزبير)
|
كمال غلطان المفروض يقول ليهم: ما عندكم حق أدبي بخليني أكتبكم هنا ما كان يستحي من ذلك وهم حقيقة لا يستحقون هذا الحق الأدبي
اعلاه اعترافات مساعد الحلة الكوز ابوبكر عباس، اللي بفضح طريقة تفكير فردتو، من حيث لايدري!
نعم، بتاع دكان البحر الاحمر فردتو قام هابر بي فكرة تكريم كابلي اللي وظفا كدعاية لي شركتو!
الحمبرا دا بايد همبتة زي دي من فردتو بي دافع الربح المادي وعلي لسانو علنا بقول اصحاب الفكرة ماعندهم اي حق ادبي وهذا طبيعي ومنطقي من اي همباتي لحظة الهجمة علي الصيدة!
نعم لما رفض صاحب الكشك اضافة اي اسماء بكل غباء، ولو شكلا، شغل تمويه، وتمثيل، فالكان في بالو هو دكانو تحديدا وليس كابلي اطلاقا وهذا ماعنينا!!
نعم بتاع الوكالة، لما حسبا بسرعة انتبه اي اضافة لي اسماء متبنية العمل ده، حيخصم من رصيد الكشك بتاعو ده، ولهذا هو رفض يضيف اي اسم يشوش علي اسم "وكالة البحر الاحمر" وهو يسعي جاهدا بمثل هكذا همبتة، قلع، هبر لجعلها "براند نيم" !
في اوساط السودانيين باستخدام، باستغلال، توظيف، اسم كابلي!
ده السبب المسكين ده ختاها علي بلاطة وهو يبرر همبتة وقلع فردتو اللي في رايو عندو الحق يعمل الدايرو من دون ماقرد يفتح خشمو او يقول بغم!
هذا ما قصدنا لما تحدثنا عن عقلية هذا المخلوق العشائرية فاسد الزمة المحكومة بي قسم الولاء العاطفي لي فردتو بغض النظر!!
هو بمرر كتير من مشاريعو لانو بطرح كلامو بي صيغة دعابة، ظرافة، او خفة دم مقصودة مع سبق الاصرار والترصد، شغل امور التلات ورقات هولة بني كوز، واللعبة دي حارقة تش في هذا الفضاء، او هو واعي للعبة القردية دي تماما!!
قال مفروض يقول ليهم قال!
يقول شنو، هو سواها عديل مش فقط قول بالخشم، لما قام صوف بالفكرة او مرق بيها في البنك، عنقر ما مدنقر!!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
ماهو طيفور صاحبك و تراكا بتدافع عنو زي الدرويش ... اسألوا من الكشوفات ... مش جايز تجد ما يسرك ؟
يحي قباني سلامي،
واضح العصر في الخيط ده، طلع زيت بي غادي!!
نعم بتاع الكشك ده كما يشاع الان مشا قدم كشف حساب لي كابلي كنتيجة مباشرة للداير في الخيط ده،
بدل ما كان من عندو هو او قبل كل هذا يبادر او يصدر كشف حساب من باب الشفافية لواصلا ده كان عمل خير اي عمل عام مش نصب واحتيال بغرض الكسب الرخيص بالضحك علي دقون الاخرين!
ده كان اعاد شك اوراق اللعبة او صعبا علي امثالنا يعرو الفهلوي ده العامل فقري!
تصرفاتو كلها في منتهي الغباء، وهذا يكشف ويعري تماما اسلوبو الفهلوي اللي بفترض الغباء باستمرار في الاخر، والذكاء الخارق للزويل الفي المرايا اياهو، المقددا!
الانسان المغرور دايما وابدا بفكر كده لانو self centered!
نعم Egocentrism اللي بغلف ويتباع للابرياء كفعل خير، حبوب، خدوم، وماشابه من ترهات!!
معليش ناسف لحشرنا مفردات انجليزية هنا قصبا عننا، والاتنين باي حال حاجة واحدة بالنسبة لينا، اي رطانة والسلام!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
Quote: اهو طيفور صاحبك و تراكا بتدافع عنو زي الدرويش ... اسألوا من الكشوفات ... مش جايز تجد ما يسرك ؟
يحي قباني سلامي،
واضح العصر في الخيط ده، طلع زيت بي غادي!!
نعم بتاع الكشك ده كما يشاع الان مشا قدم كشف حساب لي كابلي كنتيجة مباشرة للداير في الخيط ده،
بدل ما كان من عندو هو او قبل كل هذا يبادر او يصدر كشف حساب من باب الشفافية لواصلا ده كان عمل خير اي عمل عام مش نصب واحتيال بغرض الكسب الرخيص بالضحك علي دقون الاخرين!
ده كان اعاد شك اوراق اللعبة او صعبا علي امثالنا يعرو الفهلوي ده العامل فقري!
تصرفاتو كلها في منتهي الغباء، وهذا يكشف ويعري تماما اسلوبو الفهلوي اللي بفترض الغباء باستمرار في الاخر، والذكاء الخارق للزويل الفي المرايا اياهو، المقددا!
الانسان المغرور دايما وابدا بفكر كده لانو self centered!
نعم Egocentrism اللي بغلف ويتباع للابرياء كفعل خير، حبوب، خدوم، وماشابه من ترهات!!
معليش ناسف لحشرنا مفردات انجليزية هنا قصبا عننا، والاتنين باي حال حاجة واحدة بالنسبة لينا، اي رطانة والسلام! |
بشاشا يا جميل ...
و حياتك يا غالي لن يهدأ لنا بال حتى يعود الحق الى اهله ...
القصة قايلنها فوضى ... و استخدام كلمات و تهويش و تشتيت ...
لكن الأمور كلها تحت السيطرة و ان شاء الله الكابلي خاطرو ما بكون الا طيب ...
ده الكابلي يا بشاشا ...
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
أها يا قباني استغل علاقاتك مع الجزلي وجيب لينا كشف الحسابات السلمو طيفور للكابلي،
قرقرقرقر!
اعلاه طريقة تفكير القالو عليهو مستنير شغل تريقة الكوز ابوبكر عباس!
نعم كشف الحساب موجود بي طرف "ود كاسو" صاحب الكشك، القام فللي بي فكرة التكريم للبنك!!!!
ولكنو الان بيتوسل لي قباني، عشان يمشي للجزلي، عشان يجيب الوثيقة دي!
نعم تاملو طريقة تفكير هذا المخلوق المضر انو ده عمل عام!
ايوا انو ده، عمل خير!
نعم غالبو حتي يلتمس، يترجا، يطلب من فردتو، كشف الحساب!!!
نعم ماقادر!!!
عيييييييييييييييك!
مافاهم مامعني عمل عام من اساسو اذا هو، "درق سيدو" لي روحو بيخجل او ماقادر يطلب حاجة بسيطة زي دي من "سيدو"؟
نعم شفتو طريقة تفكير هذا المخلوق، فاسد الزمة، العشائري؟
طيب ما"تستغل" نعم لاحظو لي تعبير "تستغل" هنا- انتا علاقتك المشبوهة بالهمباتي ده، او تجيب كشف الحساب؟
حتي حاجة بسيطة زي دي غالباك، بما انك مصر تمرر ماحدث من فهلوة كعمل عام؟
عييييييييييييك!
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Bashasha)
|
كتب المسكين أبو بكر عباس ( متبجحاً ) ما يلي:
Quote: يا موصلي، قول للزولة الرسلتك دي: البجاحة يا هو جنس الشغل البتسوي فوقو دا شنو تمشي تشتري ليك توب من سوق نايف بعشرين درهم وتجي قاشرة قبل عشرة دقائق من الحفلة ودايرا تستلمي الحفلة وتصويري وتاني يوم تنشري في الفيس؟! كل الخسرتيهو يا هو ٢٠ درهم + ٢٥ دولار احتمال تكون زاغت من دفع ال٢٥ دولار وبكل سهولة تشتم وتقول على كمال طيفور بجي؟!! كمال دا يساوي عشرة من عينتك دي وبالاسلام يساوي عشرين من عينتك دي |
و حيث ان المسكين أبو بكر عباس ( كديك العدة ) لا يعي ما يكتب ...
و احقاقاً للحق ...
استسمح اختنا الإعلامية احسان عبد المتعال و زوجها د. الوليد مبارك و المتبرعين بمبالغ اكثر من تفاهة ما كتبه المسكين ابوبكر عباس
ان انشر جزء من الأسماء حينما بدأ باب التبرعات ... رغم يقيني بانهم ليسوا من يسعى الى ذلك ....
و هو الكشف الذي بدأ قبل يناير 2018 ... و يتضح فيه اسم الأخت احسان و زوجها د.الوليد ( انظر تاريخ المكتوب ) ... 18 يناير 2018
و التي حرمت من المشاركة وهي عضو أساسي في المجموعة ...و يأتي كمال طيفور في مارس و يستأثر بالمشروع ...
ثم يأتي بكل بساطة و عدم احترام يتبجح ابوبكر عباس بالاسفاف المقتبس أعلاه من ( توب و سوق نايف ) تفاهات تشبهه ...
و لكن الحساب ولد ...
و يا كمال طيفور ... كل ما يحدث هنا مسجل عليك و كل من يدافع عنك بهذا الأسلوب القبيح محسوب عليك ...
و كلما زاد الاسفاف ... اتينا بالمزيد ...حتى يعود الحق الى اهله ...
قليلا من الاحترام ...
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: جلالدونا)
|
غايتو لو خلى السودانيين حكاية البوبار دي أمورم بتمشي كويس
أي زول عاوز يتكلم وأي زول عاوز يجيبو سيرتو انو شارك ولو بي 10 جنيه !
وأي زول هو القام بالعمل كلو حتى لو جاب ليهو كوز موية لي ضيف في فراش!
لو كان الغرض الأساسي تكريم الكابلي كان الناس دي اتجاوزت الخلافات البسيطة دي
من أجل ذلك وكان تفادوا حتى الهنات البسيطة الحصلت في البرنامج لكن المشكلة اي واحد
عاوز ينسب الفضل لي نفسو.
ياريت الناس تتعلم العمل الجماعي.
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: امتثال عبدالله)
|
ابو بكر والله كلامك في المذيعة الأستاذة احسان عبد المتعال كلام عيب .. والان بعد الكشف البيوضح انها تبرعت بمبلغ ١٠٠ دولار وزوجها ب١٠٠ دولار ..حتودي وشك وين.. انت مطالب باعتذار.. مع وافر التقدير والاحترام
المحترمة امتثال شكرا فانت انسانة عموما الاستاذة احسان طلبت مني حذف كلمة بجاحة وقالت انها كانت غير لائقة وطلبت مني ان اعتذر لها لكمال طيفور وقد فعلت بالمناسبة وفق تجربتي مع احسان وزوجها د وليد هم الاكثر مساهمة في كل حفلات الفنانين في اميريكا ويسافرا الى عدة مدن لهذا الغرض ودوما اياديهما في الجيب وياخذان اطفالهم دوما لربطهم بالثقافة السودانية وده الفرق بيم الكياسة وضربو رماه !!!!!! عزيزي ابوبكر ارجو منك ان تعتذر للاستاذة احسان وتستجيب للاستاذة امتثال
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
Quote: علاه اعترافات مساعد الحلة الكوز ابوبكر عباس |
المدعو بشاشا مازال يكتب باللغة التراجية القديمة التي لا تسمن ولا تغني من جوع .. ممارست الإرهاب علي المحاور وإتهامه بالإنتماء لأي كيان وتكرير الإتهام بطريقة مملة .. لا يجعل منه حقيقة .. ولا يخدم الحوار بأي حال من الأحوال .. هذا البشاشا يكتب وكانه جالسا في باحة المتحف القومي وتمثال ترهاقا أمام ناظريه يتأمل فيه بحسرة وبكاء .. كما وأنه كان حاكما قبل ان ينقلب عليه البشير .. هذا الرجل يحتاج لأن يرجع الي تابوته الذي كان محنطا فيه.. لا جديد في افكاره ولا جديد في لغته ولا جديد في إتهاماته .. الدنيا تتطور وهو محلك سرك .. لا يمل تكرير ماهو ممل .
......... المستنير دا مساعد حلة نعم .. لكن ماكوز 😁
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: امتثال عبدالله)
|
Quote: مساء الأمس إتصل بى صديق عزيز الفنان الموسيقى ماهر تاج السر والذى يحلو لى بأن أناديه ماهر الماهر تحدثنا طويلاً عن أمور اهمها حفل تكريم الكابلى .. وقد كان حريصا أن يوضح بالذات ما تداول عن (الزفة المصرية) عند دخول الأستاذ الكابلى لقاعة المسرح .. فقال لم تكن هنالك زفة مصرية أو أى قصد لها .. والواقع أن البرنامج بدأ متأخرا عن موعده من الساعة 5 ونصف مساء للساعة السابعة نسبة لتأخر حضور الجمهور ثم تأخر حضور الكابلى مما إضطرهم لبدأ البرنامج (المزدحم) لضيق الوقت قبل حضوره. وكانت البداية بأن عرف الموسيقيون المشاركون أنفسم وبكلمة تحية للكابلى، وبعدها بدأو بعزف مقطوعة موسيقية مقارنة ما بين موسيقى لرياض السنباطى لجزئية فى أغنية أراك عصى الدمع للفنانة أم كلثوم كمقدمة تتبعها موسيقى نفس الأغنية للأستاذ الكابلى. شاءت الأقدار أثناء الجزئية المختصرة للسنباطى أن دخل الكابلى للقاعة .. فظهر فى الفيديو وكأن المقصود عزف موسيقى مصرية عند دخوله وخاصة وأن لحظة دخولة النغمة تشبه الزفة المصرية وما هى بزفة.
شكرته على التوضيح ووعدته بنشره .. وبالمناسبة كلمة (زفة) أطلقت تشبيها لأن الكابلى(عريس الليلة) دخل لحظة عزف موسيقى مصرية. ولكن بعد التوضيح يتضح أنه عمل فنى قارن بين عمالقة فى الموسيقى والغناء باللغة العربية .. السنباطى وأم كلثوم والكابلى .. ودلالة على عبقرية فن الكابلى وهو يقدم عملا كبيرا بحس فنى عالى وليس غرضه التنافس ولكن كان حسا سودانياً وهو يتناول قصيدة أراك عصى الدمع لأبو فراس الحمدانى.
لنعتذر أولاً للفرقة الموسيقية الماسية (السودانية) وكل الموسيقيون.. ولنشيد بفنهم الرفيع ومواهبهم المهولة لم يفتنى أن أحييه وزملائه مشيداً بما قدموه من فن راق فى تلك اللية كموسيقى أولاً وأداء غنائى ثانياً لهم جميعا الشكر والتقدير
|
شكراً الأخ الفضلي على نقل المحادثة المهمة بينك و الأخ ماهر و لهم التحية جميع الموسيقيين.
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Amira Hussien)
|
لعدم المتابعة لهذا البوست الخشن لظروف السفر و المشغوليات ...نسيي و عديلي و قريبي نادر الفضلي لقى الفرصة للطعن في مصديقتي....شكرا جزيلا... أنا موجود في الحفل إذن أنا موجود...و أنت غير موجود (التلفونات ما بتحلك) أعلن و أعطى الجزلي ٣ دقائق لكلمته عن الأسرة (دي حقيقة one) الجزلي لم يلتزم ب التوقيت (حقيقة tow) ... كم أخد من الزمن الأستاذ الجزلي من الزمن...أنا قلت حوالى 17 دقيقة و أنت قلت حوالي 10 دقائق...كويس مافي مشكلة و لكن هل حسبت الزمن من بعد تقديم لقمان للجزلي و طلوعه للمسرح و التصفيق و نهاية الكلمة و رجوع الجزلي لكرسيه و التصفيق له؟ دا زمن محسوب على زمن العقد مع القاعة....هي ما الكلمة فقط و لكن مخرجات الكلمة زمنيا.
نجي لحكاية الحضور...صاح كان في حشد كبير من الحضور في مقدمة القاعة و طبيعي أي زول داير يكون في المقدمة و لكن كان في كراسي فاضية تماما في مؤخرة القاعة....حسب خبرتي في العمل الجماهيري العدد لا يزيد من 600 لي 700 فرد و إحتمال أقل من ذلك بما فيهم الأطفال....تصويري أنا كان مركز على ال area الفيها كثافة الحضور و لم أركز على الكراسي الفاضية... يا نادر أنا أعرف الكابلي و هو صديق و أعرف كمال و هو صديق و أعرف الموصلي و هو صديق و أعرفك أنت نسيب و صديق هل ممكن نعمل كلنا لجمع الشمل...و الحب؟ حبي لك نادر
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Kostawi)
|
يا نادر أنا أعرف الكابلي و هو صديق و أعرف كمال و هو صديق و أعرف الموصلي و هو صديق و أعرفك أنت نسيب و صديق هل ممكن نعمل كلنا لجمع الشمل...و الحب؟ حبي لك نادر
جينا تاني لي باركوها يا اخوانا ...
يا كوستاوي ...
يمكنك لم الشمل مع من تحب ...
و لكن نحن نطالب الاخ كمال طيفور ( و الذي طال سكوته ... و طفق يبحث عن الأجاويد ) ... بتقديم كل الكشوفات و الحسابات ...
و لن نهدأ و لن نسكت على الحق الضايع ...
__________________________________________
بعدين يا كوستاوي معقول تقول تصفيق و قيام و قعاد 17 دقيقة ...
يعني ال 3 دقايق لما اعلنوها قالوا للجزلي محسوب جواها زمن القيام و القعاد و التصفيق ؟
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
Quote: و لكن نحن نطالب الاخ كمال طيفور |
إنتو منو؟ و بطالبوا في شنو؟... وليه؟ خلوا الرغيفة لخبازنها...و أبعدوا من التلفونات الماحقة! أنت و يحي موضوعكم ميت...
و فرجينيا و واشنطون و ميرلاند تواصلهم ذاد صلابة بعد تكريم أستاذ الأجيال مولانا الكابلي بن بورتسودان بس إنتو أطلعوا منها... و نحن بنعرف حيشانا كويس بدون تدخل "التلفونات و الفول بالشمار" مع إحترامي الذي تعرف. Note أنا لي أكثر من ٣٠ سنه في أمريكا ولم أرى تكريما جميلا و مدهشا بهذا الشكل في حياتي... و في قناتي اليوتوبية توجدأغلب التكريمات لفنانين و من ضمنهم صديقنا الفنان الموصلي و الفنان محمد الأمين و غيرهم... ولي بوست منفصل حا أنشرو قريبا,,,عن التكريم بدون رفع الرايات الحمراء و الألغام. My best regards
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
لا بد من توضيح الأمور فبما يخص مبادرة الأستاذ الموصلي والموسيقيين بأمريكا ومن ثم تكوين قروب تكريم الكابلي ... حقيقة الفترة الزمنية التي يقول كلام طيفور بالبوست الأخر أنها 10 شهور بدون تنفيذ. الواقع حسب ما أفاد الموصلي هنا أن قروب التكريم كون في سبتمبر 2017 ... كان طبيعيا لقروب يضم كم من الناس لا يتعارف وبحماس وطبيعة السودانيين أن تحدث خلافات رغم الآراء والمقترحات القيمة التي طرحت ...
بعد حوالي الشهرين أغلق القروب وكون قروب جديد في 17 نوفمبر 2017 هذه المرة كان أكثر تجانساً ولم يأخذ وقتا طويلا للانتقال لمرحلة التنفيذ حوالى ديسمبر أو مبكرا في يناير تكونت لجنة التنفيذ من كمال طيفور وثلاث من موسيقى فرجينيا وهذا تحت إشراف الموصلي الذى عين الموسيقيين وتبديلهم (حسب ظروفهم) .. الموصلي يقول أنه هو من كلف كمال طيفور والأخير يقول أنه لم يكلفه ولكن هو من بادر وهذا ليس بيت القصيد. سنرفق هنا مستندات من قروب التكريم تدحض تأخر القروب 10 أشهر لبدأ التنفيذ وتدحض ما ادعاه كمال طيفور في مارس بعد نزول الإعلان عندما استدر عطف الموسيقيين بأنه تقدم لهذا العمل بعد أن هزته الكلمة المؤثرة للأستاذ أنس العاقب لتأخر التنفيذ، بينما مداخلة الأستاذ أنس العاقب تاريخها بعد بدأ التنفيذ بعدة أسابيع ...
و بتاريخ 18 يناير هناك مداخلة للأخ كمال طيفور ويتضح منها أن بدأ التنفيذ بدأ قبل هذا التاريخ وأكيد ليس فقط قبل أيام قليلة .. حيث يبين انه تم الاتفاق مع الكابلي على تاريخ الفعالية بنهاية مارس، وتأمين المكان الذى يسع لأكثر من ألف شخص، واستلام مساهمة الموصلي وأخرين
بتاريخ 24 يناير كمال طيفور يشكر الموصلي بأنه أول من دفع ... ويقر ما في تكريم بدون دفع ... ( كل ده راح بعد نزول الإعلان في مارس )
بتاريخ 9 فبراير الأستاذ أنس العاقب كتب مداخلة طويلة يعبر عن استيائه لفتور الحماس ومعاتبا لتأخر التكريم .. هذا مطلعها ... و يبدو أنه غاب بعض الوقت ولم يلحظ أن التنفيذ قد بدأ عل الأقل قبل شهر من تاريخ مداخلته هذه ...
بتاريخ 10 فبراير كمال طيفور يرد على أنس العاقب و يخبره بأنهم بفرجينيا يسيرون بخطى حثيثة وحدد له يوم التكريم يوم 25 مارس. ويبدو أن سبب مداخلة العاقب أن كمال طيفور لم يحرص على مد القروب بأي تطورات عن الفعالية فخرت كلمات العاقب الناقدة والمعاتبة ...
وحسب ما أوردنا في مداخلة سابقة من مستندات عما حدث في مارس بعد صدور اعلان الحفل في 5 مارس والمساجلات .. قام كمال طيفور بالخروج من القروب يوم 9 مارس .. فقد استنفذ القروب أعراضه بالنسبة له فخرج منه وأنكر عليه أي حق في مشروع التكريم ...
نعود و نكرر ...
الأخ كمال طيفور ... استولى على الفكرة ... و حول المهرجان الى حفل تجاري دعائي ...
و كان الإخراج ضعيفاً مجحفاً في حق الكابلي ( المحتفى به ) ... و ضاعت مع كل ذلك حقوق أدبية و معنوية و مادية ...
و لكننا لن نسكت حتى يعود الحق الى اهله ...
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
Quote: و لن نهدأ و لن نسكت على الحق الضايع ... |
Quote: و لكننا لن نسكت حتى يعود الحق الى اهله ... |
والله يا قباني البسمع الحق الضايع دي تقول بتتكلم عن الأندلس باركوها ياخ ملحوظة: التعليق إياه من باب المزاح عسى أن يشملنا ابو سن أو ود المدير في لستاتم المضروبة دي
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية الزبير)
|
سلامات يا جماعة... ما مدى صحة هذه المداخلة :-
Quote: تحديدا مسا الأحد الماضي وبحضور الدكتور عمر الجزلي وابنه محمد والأخ كمال طيفور والأخ اسامة الشيخ والأخ سعيد العاقب والأخ حافظ خيري وبطلب من استاذنا عبدالكريم الكابلي حضرنا والتقينا جميعا في منزله العامر وبعد صلاة المغرب جلسنا جميعا وتحدثنا وعاتب الدكتور الجزلي الاخ كمال عتاب شديد لكل السلبيات في نواحي الإخراج والصالة المعتمة وتحدثنا جميعا والكل أدلي بدلوه وطلب استاذنا الكابلي من كمال معرفة كل من ساهم في حفل تكريمه وبالتفصيل ليشكرهم لانه دين عليه وقام الاخ كمال بعد ان شرح للجميع شفاهة بتسليم الاستاذ الكابلي ملف كامل يحتوي علي تفاصيل كل من ساهم بالأسماء وكل المنصرفات بأرقام التلفونات للتأكد كما قام الاخ حافظ المسئول عن تسجيل الحفل بتسليم الاستاذ الكابلي الماستر وهو ثلاثة ساعات ونصف كاملة تسجيل من أربعة كاميرات في المسرح والصالة باحدث تكنولوجي ثم تحدثنا انا والأخ اسامة واكدت لأستاذي الكابلي مرة اخري اننا جميعا متنازلون وجاهزون للتوقيع علي اَي مستند في حال تسويق هذا الحفل لأي جهة ثم عزف لنا الاخ سعيد العاقب وبعود الاستاذ أغنية زمان الناس وغني وغنينا جميعا ثم عزف رائعة اخري وغنينا وإكرمتنا الحاجة عوضية كما يحلو لي ان اناديها وتعشينا جميعا ثم افترقنا بعد الحادية عشرة ليلا. شكرًا واتمني أكون أوفيت. ماهر تاج السر |
الإجابة اعتقد مهمة.
| |
|
|
|
|
|
|
Re: تعليق الأستاذ عمر الجزلي على حفل تكريم ال� (Re: سفيان بشير نابرى)
|
Quote: والله يا قباني البسمع الحق الضايع دي تقول بتتكلم عن الأندلس باركوها ياخ |
معاوية يا صديقي ...
و الله نحن مباركنها .... بس ياريت كمان قريبك كمال طيفور يباركها و يعيد الحق لأصحابه ...
قبول الاعتذار عن المهزلة و الإهمال الحصل للكابلي و اسرته ... يرجع للأستاذ كابلي و اسرته ...
ده خلاص مافي كلام بينفع فوقه هنا اللهم الناس تعرف و تفهم كيف اتعامل كمال طيفور في الامر ...
اما الحق المادي ... فنحن وراء اظهار الحق بكل تفاصيله ...
كان بإمكان كمال طيفور تسوية ذلك الامر بكل شفافية ... و لكنه آثر الكلفته و انو الحفل خسران و بات يرسل في من يحترفون التشتيت ...
كلام لا يسمن و لا يغني من جوع ... على الأخ كمال طيفور مراجعة نفسه ...
| |
|
|
|
|
|
|
|