|
|
|
 Re: تعليق الأستاذ عمر الجزلي على حفل تكريم ال� (Re: Kostawi)
|
∆ مسامير / ود الأصيل:
¶ بعيداً عما تطرق إليه الكثيرون من ذوي الدراية و الاطلاع الحسن هنا ،
كما يبدو على ما كان يدور خلف الكواليس من جهد مثبوت و مقدر للكل دون
فرزٍ، و الذي بُذِل من أجل التنظيم لتكريم يليق برمزٍ أعم و طودٍ أشم ككابلي.
¶ فإذا جازلنا الإدلاء بأشطان دلونا هنا.فيبدو أن جل الغبار كان عالقاً بمجريات
النقل الحي للحفل و بالذات حتة (التقديم) . حيث بدا و كأن الأستاذ/گابلي كان حظه
كان عاثراً و (مگبلا)، إذ رماه بين (ثُوْرَيْ رِهانٍ في زريبة). كان ذلك بائناً على أسارير
عمر الجزلي و أوداجه المنتفخة كعادته في الهينة و القاسية و بطريقته (الفجة) في التلميح
إلى (تلميذه) كما يُصر دوماً، لقمان أحمد ، بإشارات ممعِنة في السلبية و الفوقية . علماً بأن
ذاك الأخير ، و برضو ملاحظ عنه مزودا (كوزين) ، قد بادله فظاظة بفظاظةٍ و فلقصة
و شوفونية بشوفونية ، و طبعن أكيد (العندو المكرفون ما بكتب روحو شقي).و هكذا
خرج عمنا العبد الكريم الكابلي من كل هذا المولد بلا حُمُّص. فكان حاله أشبه
بتابوت نعشٍ غريقٍ يحمله رهطٌ متشاكسون بين ضَفَّتَيْ نهرٍ.
¶ مسمار جحا ( قلاوووظ):
∆ و گمان على العليها فقعولا بانضورة و جابو
{شمش الشموشة} گثالثة الأثافي تموبا الناقصة،
و الگابلي غناه مشبع لنخاع النخاع بتراث بلدنا.
© هذا ما رأيناه ، و دمتم ..دمتم سالمين,,,,
و الگابلي غناه مشبع لنخاع النخاع بتراث بلدنا.
© هذا ما رأيناه ، و دمتم ..دمتم سالمين,,,,
(عدل بواسطة دفع الله ود الأصيل on 04-04-2018, 02:27 PM)
(عدل بواسطة دفع الله ود الأصيل on 04-05-2018, 06:52 AM)
| |
 
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
ما الذي كنا نريده للتكريم ان يكون من حيث الكيفية؟؟؟
١- ان يكون تكريما غير التكريمات التقليدية
٢- المسرح كان يجب ان يكون مسرحا معتبرا وليس مسرح مدرسة
٣- احتفال تنقله فضائيات عربية وسودانية وعالمية وقد كان يوجد الكثير ممن كان بامكانهم فعل ذلم من السودانيين
٤- بمجهود ليس بالكبير كان يمكن ايجاد مسرح محلي تتبرع به بلدية اي مدينة اذا تم الشرح جيدا
٥- كان من الممكن جمع مبلغ كبير من المال اذا تمت دعوة شخصيات من ذوي المال وهم محبين للاستاذ
٦- نعم ادى الموسيقيون دورهم على اكمل زجه ولكنه لم يكن تكريم بل حفل تغنى فيه الفنانون باغنيات الكابلي وهو جالس يستمع اليهم
======
من الطرائف ان احد الاعلاميات طلبت من كمال ان تسجل مع كابلي لتبث حلقة عن التكريم "كبرومو"
فمنعها وعندما قالت له نستشير اللجنة المنظمة "تعني اللجنة التي كونتها انا وعضويتها كمال وموسيقيين اخؤين" قال لها
مافي لجنة انا اللجنة وانا كل حاجة؟؟؟؟!!!!
تقول لي عمر البشير ؟؟؟؟
| |
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Amira Hussien)
|
الله يا قباني أنا ما كنت داير أدخل في حاجة زي دي لكن هذا الشاب مظلوم ظلم الحسن و الحسين (His name is Salah Faloula) ...ليه لم يدعوه للمشاركة في التكريم؟ و هو من فلادلفيا و أنا ح أنزل بعض من أعمالو في هذا البوست.....للتوضيح و to show and explain what I mean --التوثيق التوثيق التوثق....التاريخ بدون توثيق لا معنى له
كوستاوي يا حبيب ...
واضح تماما انك غير ملم باي تفاصيل للأمر ...
فانت كنت من الحضور مثل الأالف شخص الحضرو فقط ...
حتى فيديوهاتك لا تخدم اي قضية في الموضوع الأساسي ...
و خير دليل انك تأتي الان بفيديوهات من 2015
( مش كان باب اولى ان يكون هناك من يلتقي بالكابلي اثناء التكريم و يغطيه المجال يتحدث ...)
رجاء يا جميل ان تدع المجال لنا لكي نصل الى الحقايق الكاملة ...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
التحية يا موسيقار ...
و بركة الجيتنا حتى نضع النقط في الحروف ...
و بعد ان ثبت الاخ كمال طيفور حق الفكرة لأهلها بعد ترويج 3 اسابيع انها تخصه و البحر الاحمر ...
و من هنا اتمنى ان يأتي الاخ كمال طيفور بكشف باسماء كل المتبرعين و تسليمه لاصحاب الفكرة الرسميين و تبيان حجم التبرعات ...
ففي ذلك لديه حق في تغطية المنصرفات و للأستاذ الكابلي حق في كل شئ بعد ذلك ...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
سلام موصلي،
المجموعة بتاعت الواتس غير الألف دولار والفكرة
شنو عملت على أرض الواقع لانجاح الحفل؟
يبدو من السرد أن كمال قام بأكثر من تسعين في المية من المجهود
هل تشكك في انو كمال حقق عايد مادي مباشر من الحفل دا؟
المسالة ما في العائد المادي المسألة في نكران كمال المعيب
باذن الله تظهر ليك نداءات كمال لي كي اشجع اعضاء القروب للتبرع
وباذن الله اجيب ليك كمان تبرع احفاد مهيرة وهم من اعضاء القروب
وما دفعه معاوية المدير وبعض اعضاء الفروب القروب يوم الاحتفال
يا عزيزي ابوبكر انا الذي اوكلت كمال مع لجنة من الموسيقيين للتنفيذ وكان من الممكن ان اختار شخصا اخرا
كمال كان مصدر ثقتي الا ان طني فيه قد خاب
--------
ما عندي اي فكرة عن دخل الحفل فانا في السودان
ولكن يفترض انه حفل ناجح ماليا
اذن اين ذهب دخل للحفل ولمن
هل هي اسئلة ليست للاجابة
تحياتي
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
أبوبكر عباس منظرك بايخ وأنت تتحدث بمنطق ساذج دفاعا عما لا تعلم
ولو الدنيا والعمل ووتنفيذ الأعمال والمشروعات يتم تقييمها بمنطقك الساذج
المعوج .. لكان المدير غفيرا .. ولكان لا معنى للتفويض والتكليف إذا
كان كل من يكلف بالتتفيذ يقول أنا الكل فى الكل ويتنمر على من كلفوه
ويختطف العمل والمشروع .. ويجد من يهلل ويطبل له
إنجاح أيه الإنت جاى تقول عليه .. أهذا المسخ الشائه الذى قيل أنه تكريم للكابلى؟
ياخ نقطنا بسكاتك ودع البوست يطرح المعطيات ويبين الحقائق .. بعد داك تعال
قول كلمتينك إن كان لهم وزن أو معنى من الحقانية .. هذا إذا كان لك ذرة من الإحترام
لقامة مثل الأستاذ عبد الكريم الكابلى.
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
طلاب الحقيقة منتظرك تفكك حججي
كل ألسمعنا منكم حتى الآن:
مجموعة واتساب قالت دايرا تكرم الكابلي تكريم فوق العادة
كل العملتو على ارض الواقع:
١٠٠٤ دولار
وكلمتو بكري يرفع البوست
قلنا ليكم العمل دا لا يعطيكم الحق الأدبي لتبني التكريم
ولا يجعلكم في موقف تحتجو على ضعف الحفل
لا في واحد سكّ ايجار مسرح
لا استقبال عازف بالمطار
لا إقامة فنان
لا وجبات الضيوف
لا مرتو قالت ليهو:
بس اتا ضل دوم
لا شفعو طنطنو من غيابو
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
تحياتي للجميع هنا
يا مستنير انت حالياً بتدافع عن الاخ كمال طيفور
لكن للان ما ذكرت اي شيء يثبت للناس انو كمال مظلوم من الاخوة قباني وموصلي
في حين انو استاذنا الموصلي ذكر احداث وملابسات محتاجة لي رد من كمال طيفور
سرقة الفكرة يا مستنير لا تقل بأي شيء عن سرقة المال
انا باعتباري متابع الى الان ما بقدر احكم انو كمال بريء ولا بقدر اقول انو مذنب
لانو لازم يجي ويدافع عن نفسو ويفند كل الادعاءات وبعدها الحكم بكون واضح سواء كان ضده او في صالحه
فلو عندك اي شيء مقنع للناس هنا ويبريء ساحة كمال طيفور من هذه الاتهامات قولو بصورة واضحة
عشان يكون في مبرر لدفاعك دا غير المحبة الشخصية للرجل
مع اكيد المودة لجميع الاطراف
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
طيب يا مستنير انا حا الخص ليك الاستفاهامات وليس الاتهامات في حوالي خمسة نقاط حسب قرايتي انا
ولو اصحاب الاسئلة الفي شكل اتهامات عندهم اضافة فاتت علي فلا بأس من اضافتها
1- هل في اي اعتراف او ادعاء من كمال طيفور بان الفكرة حقتو هو وللا هو معترف انها حقة الموصلي؟؟؟
2- هل طرح السيد كمال طيفور اي كشف حساب يوضح التكاليف الكاملة للحفل؟؟
3- هل اعلن كمال طيفور عن القيمة الكلية للتبرعات؟؟
4- هل كان دخول الحفل مجاناً ام كان برسوم محددة (تذكرة)؟؟؟
5- لماذا لم يدخل كمال طيفور لهذا الخيط ويرد على هذه الاستفهامات الفي شكل اتهامات ليبرئ ساحته امام الرأي العام في هذا البورد فقط؟؟
الاخيرة دي من عندي
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
بالنسبة للذمة المالية:
عيب العيوب يا هيثم، انو زول زي الموصلي وقباني يفتحو بوست يلمحو لشك في الذمة المالية لرجل بقامة كمال طيفور
أي زول تبرع لو عندو تقدير للمجهود الخارق البذلو طيفور، وداير إبراء ذمة،
كان ممكن يرسل لكمال في الخاص يطلب كشف حساب الحفل وينتظر رد كمال،
يا هيثم، العمل الجماعي السوداني دا بعرفو كويس
وبعرف السودانيين ديل في مسألة التبرع بالمال ومقدر شحهم، وبعرف جيدا قيمة ناس زي طيفور ديل في المجتمع والعمل العام،
بالعقل كدا يا هيثم ومن نظرة عابرة لما أخرجه كمال هنا، هل تتوقع ولو واحد في المية انو في قروش فاضت؟!
أنا هنا في دفاعي عنه سمعت من الردود البايخة والتلميحات الاظرط، لكن زي خاطر ناس زي كمال يساوي الدنيا وما فيها ولا نرضى له أن يمسه الهواء
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
تقول يا هيثم: سرقة الفكرة لا تقل في شيء عن سرقة المال
نفترض انا واتّا قاعدين في الفريق، اتا قلت فكرة بتشجير مدرسة ابوزيد للأساس
أنا رحبت بالفكرة وظللت على مدة أنفذ فيها وأراعيها وارتبطت لاحقا بي
هل لو الناس نسبوها لي أو أنا تحدثت عنها بفخر لي وما حبت سيرتك يكون هناك أي شبه بينها وسرقة المال؟
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
الكابلي موجود ولازال يستحق التكريم والاحتفاء والتقدير!
اها التكريم اللي فات خلوه او اعتبروه غير مكتمل وبه نواقص الخ
اها استفيدوا من التجرب دي وطوروها وقوموا بتكريم افضل واكثر ابداعا وكمالا والقا !
* يمكن جدا اكون معجب بالكابلي ( الفنان والمثقف والمبدع) ولكن هذا لايعني ان اربط تاريخه وعطائه وفنه بعمر الجزلي - له به صلة قرابة - اوكي ولكن هذه الصلة غير ملزمة لمعجبي كابلي !
فليقم الجزلي - بتكريم - الكابلي بالشكل الذي- يري - ماعندنا شغلة بيهو - وليحتفي به اسريا عائليا - برضو ماخصانا! وشهادة الجزلي وسردياته عن كابلي - موثقة ومكرورة!
* وربما توهم الجزلي ان تكريم الكابلي - برنامج تلفزيوني - يجب التربع عليه واحتكاره واقتصار التكريم علي مداخلة مارثونية سردية من الجزلي تغطي علي ماسواها بحيث يكون الجزلي هو النجم اللامع والمتحدث الاوحد - وماعداه لغو!
* في ناس كتيرة عند ها راي في عمر الجزلي - ويعتبرونه ربيب ديكتاتوريات ومطبل وبوق ومتنطع ومتعالم ممكن جدا يكره البعض - في الكابلي لو تصدر مشهد تكريمه وممكن يكون خصم لا اضافة لاي تكريم وتقييم موضوعي لمسيرة الكابلي !
هناك فرق نوعي بين - رتابة الاستديو وشغل الصالونات المغلق وبرنامج اسماء في حياتنا المتحفي والتكريم الشعبي والجماهيري الحيوي والنابض بالتفاعل !
* الشاهد في هذا:
كابلي موجود ولازال مستحقا لمزيدا من التكريمات - والاحتفاءات - والحشاش يملاء شبكتو وفي ذلك" فليتنافس المتنافسون" !
٠٠
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
ابداً مافي سرقة مال
لكن من الامانة انك تنسب الفكرة لصاحبها وتوضح انك نفذتها
هل لانو ظروفك تسمح بتنفيذ الافكار معناها عادي ممكن تنسبها لنفسك؟؟
طيب بنفس طريقتك لو انا الفت كتاب وما قدرت اطبعو
وانت قادر تطبعو وطبعتو هل دا يديك الحق بانك تكتب اسمك كمؤلف للكتاب؟؟
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
يا عزيزى ابوبكر
الاعلان فى امريكا عندو قوانينو الصارمة لارتباطه المباشر بالضرائب
و كذلك التبرعات
البلد دى مافى دولار بمر من زول لى زول من غير ما تدخل انف الضرائب
الحفل تم برعاية الرد سى حسب الاعلان
اذن المطلوب شنو من الشركه حسب قانون الرعاية و الاعلان و التبرعات فى امريكا
ممكن ألقى منك تنوير فى الحتة دى
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
يا مستنير والله انا اقدر محبتك لكمال طيفور
ولكن المسائل دي لا يمكن تعالج بالعواطف
انت للاسف ما رديت على اي سؤال من الاسئلة الطرحتها
فقط وضحت تماماً انك في دفاعك عن كمال تعتمد على الثقة والمحبة الشخصية لشخص كمال
ولكن في رأيي مثل هذه الاستفاهمات تستوجب المواجهة الدغرية ومسألة انو كمال فاتح بوست برضو في رايي لا تعفيه من الرد هنا
الموضوع ما هين ويمس حقوق شخصية كبيرة نكن جميعنا لها المحبة والاحترام الاكيد
حقيقةً يا مستنير اتمنى من كل قلبي انو شخص زي كمال دا اذا كان كما وصفته انت
اتمنى ان لا تشوب سمعته اي شائبة فامثاله دورهم مهم جداً في مجتمعات السودانيين في الخارج
لذلك اتمنى دخوله هنا ونقاش الموضوع مع اساتذتنا يحي والموصلي حتى ينجلي الضباب عن الحقيقة
وتوضح الصورة على الاقل على مستوى مجتمع البورد بس وبالذات انو الاخ كمال يمثل شركة تتصل سمعتها بسمعته بالتأكيد
تحياتي للجميع
| |
|
|
|
|
|
|
|
|
 Re: تعليق الأستاذ عمر الجزلي على حفل تكريم ال� (Re: muntasir)
|
Quote: إحقاقاً للحق بدأت فكرة "تكريم الأستاذ/ الكابلي" هذه المرة في مجموعة
واتساب كونها الأستاذ/ يوسف الموصلي كما أخبرنى الأخ/ ماهر تاج السر منذ 10 أشهر. |
إحقاقاً للحق !!!، شي عجيب والله !!!.
أولاً يا سيدي الفاضل أنت تكتب بإسم وكالة البحر الأحمر عليهِ لا تتوقع مِنا أن نحاسبك
أو نرد علي تعليقاتك بمعزل عن الوكالة فالرد عليك يشمل الوكالة والمحاسبة تشمل
الوكالة وايّ نقطة نقطا تُحسب علي الوكالة مُش لو كتبت إسمك في نهاية المداخلآت
لو بقيت عز الدين الفحل زاتو تظل بتمثل الوكالة طالما بتكتب بإسمها .
إذا كان وكالة البحر الأحمر دي حريصة علي الحق ليه ما وكلتك تحق الحق من بدآية
البوست ؟، ؤ ليّه ما وكلتك تقيف في القاعة ؤ تشير للقروب ولو بِشِق كلمة ؟.
يا وكالة البحر الأحمر إختشي ...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية المدير)
|
أنا مِن ختيّت كُراعي في الصالة لحدي ما مرقت منها جوها العام كان بيشير
لوكالة البحر الأحمر وكمال طيفور لدرجة إنو كمال طيفور ووكالة البحر
الأحمر كانوا مغطيين علي المُحتفى به بجلالة قدره، وكلمة الأُستاذ محمد
الأمين كانت توحي بأنه فهموهو وأوهموهو بأنو وكالة البحر الأحمر وكمال
طيفور هم من قاموا بالتكريم من الألف للياء، دونكم كلمة الأُستاذ محمد
الأمين فأسمعوها . يبقى مافِ إحقاق حق ؤ مافِ شفافية ؤ مافِ ثقة ؤ بديهي
الناس كانت حتدفع في الباب ؤ كل زول متيقن مهما دفع ؤ مهما فعل لن
يوفي كابلي حقه فمشاعر الناس وأهوائهم تجمع وتتفق عليه وعلي ما قدمه
للوطن وأهله، أما بالنسبة للقراصنة فحتي الأكل باعوهو للناس، عليكم الله
ما توهمونا بحكاية الدخول كان مجان دي وإنو ما كان في عايد ...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية المدير)
|
يا هيثم، المثال المفروض يكون
واحد طرح فكرة نألف كتاب
قام التاني ألف كتاب
هل للأول حق أدبي؟
سرقة الفكرة ما فيها مشكلة
بالنسبة لي الآن أشكال كمال هو مبلغ الألف دولار الاستلمو من المجموعة بتاعت الواتس!!!
باقي التبرعات بمجهوده الخاص
وكامل التنظيم حقو
والاتصالات
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
Quote: من الطرائف ان احد الاعلاميات طلبت من كمال ان تسجل مع كابلي لتبث حلقة عن التكريم "كبرومو"
فمنعها وعندما قالت له نستشير اللجنة المنظمة "تعني اللجنة التي كونتها انا وعضويتها كمال وموسيقيين اخؤين" قال لها
مافي لجنة انا اللجنة وانا كل حاجة؟؟؟؟!!!!
تقول لي عمر البشير ؟؟؟؟ |
!!!!!!!!!!!!!!!!!!!!!!!!
وأنا واقف في باب الصالة تفاجئت بزول ناداني بإسمي !، حقيقة ما عرفتو إلا بعد إتكلم معاي
حتي تبينت إنو قريبي الذي فارقته قبل أكتر من 20 سنة، بعد تجاذبت معه أطراف الحديث
قال لي، الحقيقة كمال طيفور دا رجل خدوّم وإستعان بينا كي نقوم معه بهذا العمل عن طريق
قروب في الوآت سآب . !!! قُتلو، لكن إنت مافي القروب، ولو كنت في القروب أنا كنت عرفتك .
المهم بعد تحدثنا فهمت إنو كمال طيفور كوّن قروب غير قروب الموصلي دون أن يخطر أفراد
القروب !!!...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
Quote: الإعلان بتاع الحفل واضح
تنسيق وتنظيم وكالة البحر الأحمر |
الله يفتح عليك
يعنى الوكالة اعلنت عن نفسها من خلال حفل التكريم
يبقى المطلوب منها شنو عشان تعلن و تشرف على الحفل؟
الموضوع ده لو وصل المحاكم زى ما اعلنت الاسرة
التبعات ح تكون كبيرة على الوكالة و خسارتها للبزنس و الغرامة وارده شديد
عشان كده من الافضل انك تسعى فى الحل الودى بين الطرفين
بدل دافع كم و القروب جاب كم
هنا الحاجات واضحة شديد ... يا حفل تجارى يا حفل تكريم و كل واحد فيهم ليهو سكتو مع ناس الضرائب
ف نصيحة ليك اجرى ورا الحل الودى و التراضى ين الطرفين
اكرم ليك و لينا و لى الطرفين
| |
|
|
|
|
|
|
|
|
 Re: تعليق الأستاذ عمر الجزلي على حفل تكريم ال� (Re: جلالدونا)
|
ساقود اوركسترا وكورال كلية الموسيقى والدرامالاول مرة في مسرح السودان
لاغنيى طفل العالم الثالث
خلي بالك يا كرمبة
....................................
المواطن د يوسف الموصلى ل قدام مشوارك طويل شعبك فى انتظارك
ليتنى حضور يوم اوركسترا وكورال معهد الموسيقى والدراما ..بس الاسرة
طرفكم حضور
ب التوفيق
تحياتى
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية عبيد الصائم)
|
لو كمال، في تقديم الحفلة قال:
نبعت الفكرة من مجموعة محبّة الكابلي بقيادة الموسيقار الكبير
يوسف الموصلي ومن موثق الأغنية السوداني الاستاذ الكبير قباني
والآن الكلمة مع الإعلامي الدكتور رفيق درب الفنان الاستاذ الجزلي
كنا اتفكينا من الوهمة دي كلها
واندرع فينا كوستاوي والمعارضة
ليش تلمعوا الجزلي الكوز؟
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
الاستاذ كمال عباس كلامك عين الصواب واناتساءلت مثلك فى بداية البوست لماذا نربط اى شى يخص الكابلى بعمر الجزلى ، الكابلى استاذ كبير تعلم منه كل من جلس أمامه وحاوره حتى الجزلى حفظ منو نونان نطاقتان بالدم القان نون الفن ونون الوطن وجننا بيها ، يا جماعة الكابلى موجود وبكامل صحتو والحمد لله اتركوهو يقيم
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Amira Hussien)
|
في انتظار الاخ كمال طيفور بتقديم كشوفات المتبرعين و المبالغ المدفوعة ...
مبدئيا الكل اتفق ان في بوابة الدخول كل الحضور سجلو أسماؤهم و دفعو تبرعاتهم لتكريم الكابلي
كحد أدنى ٢٥ دولار ... و إعداد كبيرة تبرعت بأكثر من ذلك
و حسب افادة الحضور ... فاق العدد ١٠٠٠ ضيف
اضافة للحضور أيضا هناك من تبرعو من الداخل و الخارج ... نأمل حصرهم ايضا
ننتظر الاخ كمال ان يقدم كشوفات الحضور و المبالغ الى أسرة المكرم الكابلي في أسرع وقت ممكن
مع تفاصيل المنصرفات من تأجير مسرح المدرسة الخ
الشفافية مطلوبة ...
لا نبخس للأخ كمال مجهوده او مجهوداته السابقة
و لكن الامر هنا مختلف ...
هذا حفل تكريمي و ليس حفل تجاري
و المحتفى به بعد ان أهمل داخل الصالة
اقل ما يمكن عمله تعويضه ماديا لمن تبرعوا له و حبا فيه ...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية المدير)
|
أها يجماعة
رأيكم شنو نحلق جزء من شعر الكابلي
و نخيطو في الرويس المدردم دا.
أها انا مش قلتا ليكم التكريم دفعوا فيه نفرين فقط 25x2= $50
و الكراسي فاضية و بتغني زجرا "كان مشتاق لعينيك"
ورونا....أين هي ال ١٠٠٠
"البتولوا عليها"
كوستاوي ياهو كوستاوي عند الأصيل...عندنا مطرة صابة
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية المدير)
|
يا قباني والموصلي، دي غيرة وحسد منكم ساكت
بديت أتأكد إنكم اناس غير جيدين
قلت لي يا قباني، أسرة الكابلي منتظرة العائد من الحفل؟!
أوعة تكون مدور الموضوع دا إتّا؟!
يا المدير، يا أخي، كنت أتوقع منك مداخلات غير كدا خالص!
أنت عندي بالرغم مما صنع الحداد؛ زول ود بلد وحقاني
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: معاوية المدير)
|
حيث ان الاخ كمال طيفور استخدم اسم وكالة البحر الأحمر
و ذلك رغما عن تنبيهات المجموعة التي كانت قائمة على فكرة انشاء التكريم
أصبحت وكالة البحر الأحمر بمثابة الراعي الرسمي للحفل و يظهر للجميع كم الدعاية و الترويج لها
في بوستر الحفل و في كلمة الفنان محمد الامين و غيرها
و الكل يعرف ان الراعي لأي حفل يدفع مقابل الدعاية ...
و عليه فيما يلي كشف تقديري بعد الحديث لأطراف عديدة شاركت و شاهدت و شهدت
١- عدد الحضور التقريبي ١٠٠٠ شخص في اضعف متوسط 25$ للفرد=. 25,000$
2- تبرعات خارجية بِمَا فيها قروبات الواتساب و دول الخليج و غيرها = 5,000$
3- الراعي الرسمي و الوحيد لحفل الكابلي ( وكالة البحر الأحمر ) =. 20,0000$
————————-
المجموع التقديري الكلي لعائد الحفل =. 50,000$
المنصرفات التقديرية
تبرع كل الفنانين و العازفين بمجهودهم للتكريم
صالة الحفل و الصوت و التصوير ( رغم ضعفه ) و غيره = 10,000$
——————
صافي الدخل ( تقديري فقط ) و المستحق للاستاذ كابلي = 40,000$
أرجو من الاخ كمال تأييد او تعديل الحساب أعلاه
حيث ان بيده كل الكشوفات
مبلغ الرعاية مبلغ تقديري مع العلم انه الراعي الأوحد للحفل
المسئولية جسيمة و الشفافية مطلوبة ...
الكابلي رمز للوطن ... لن يسمح معجبيه بإن يناله الاذى و ان تهضم حقوقه المادية
بعد ان تم هضم حقه الأدبي و المعنوي ...
و كلي أمل ان يأخذ الاخ كمال الامر بجدية و ان ينهى بصورة حبية تليق بمقام
أستاذ الأجيال سعادة السفير الاستاذ عبد الكريم الكابلي
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
عندي نظرية:
قباني دا مسيطر على قروب الواتساب
لديه ونسة يومية مع عمر الجزلي
حابي يقتل طيفور بافرازات هذه الونسات العاطلة عن الإنجاز والمريضة.
كل يوم الواحد يكتشف مريض بالمنبر بطريقة جديدة،
وصلت لقناعة بأن الغالبية هنا مريضة جدا ومستعدة تفعل أي شيء من أجل قتل الآخر المتفوق
أناس على أصابع اليد هم الطبيعيين
عليكم لعنة رب المجرات يا مجرمين
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
من متابعتى للقروب الأصلى لتكريم الكابلى بقيادة صاحب الفكرة الأستاذ الموصلى
كان كمال طيفور يتعامل بشخصيه فقط، وكعضو متفاهم مع المجموعة
وعندما كلف مع مجموعة من موسيقيى فرجينيا للتنفيذ كان كفرد .. لم يرد أى ذكر
لوكالة البحر الأحمر أو أى شركة او كيان أياً كان .. وقد تم تزويدهم بالمال ليبدأوا
به التنفيذ، وأنه حتى اليوم الذى فاجأ القروب ببالبوستر الإعلانى كان كمال طيفور
فرد وليس وكالة .. وعندما تم الإعتراض على الزج بوكالة البحر الأحمر
ومطالبته بأن يضمن البوستر ذكر للقروب صاحب الفكرة .. هنا تغير
كمال طيفور من ذاك حلو ومعسول الكلام فتمسكن حتى تمكن فأظهر وجه آخر لئيم
أعطاهم ظهره بعد أن أختطف مشروع جاهز وليس مجرد فكرة.
وبسيولة مادية لبدأ التنفيذ!
كمال طيفور رفض أى طلب لتعديل البوستر الإعلانى رغم الرجاءات والإقتراحات
التوفيقية من بعض أعضاء القروب وعلى رأسهم الأستاذ أنس العاقب .. و تعلل بأنه
يستحيل تعديل البوستر لأنه تم توزيعه. فقد وضعهم فى أمر واقع بعد
صدور الإعلان ولا مجال للتراجع، وبعد أن أثر على موسيقيى فرجينيا ..
فعن طريق الخطأ أحدهم أرسل رسالة للموصلى فى الخاص
ولكنه بالخطأ أرسلها للقروب (الأصلى) خلاصتها انهم فى المساء بالبروفة
كانوا محبطين لمطالبة طيفور بتعديل البوستر .. كان فحوها غريبا محيراً
ففيما الإحباط ..!!؟ أتصحيح الأوضاع وإحقاق الحق يحبط أو يغبن .. !!؟
ومع تقديرى للمومسيقيين والذين بعضهم تربطنى بهم علاقة صداقة وخوة
وإحترام، فيقينى طغى حماسهم لتكريم الأستاذ الكابلى، فكانوا ضحية
لإخراجات كمال طيفور وتهديداته بنسف المشروع .. لعب بهذا الأسلوب
على القروب الأصلى بالتهديد بالإنسحاب وتسليم المفاتيح حسب تعبيره.
مجموعة القروب يقينى أنهم أدركوا المقلب الذى وقعوا فيه
وأنهم سلموا رقابهم لمن لا يرحم .. وأشفقوا على فشل المشروع
وعلق أحدهم بأنه بعد نزول الإعلانات أن أى تأجيل يعنى الفشل.
فتغلبت حكمتهم وصبرهم من أجل خاطر الأستاذ الكابلى الذى
وأسرته كانوا أكبر المتضررين.
وشاءت الأقدار أن تفضح كمال طيفور الذى زعم بإستحالة تعديل
البوستر الإعلانى بعد نشره. ففى يوم 5 مارس 2018 نشره بهذا
الموقع ببوست الدعايا للحفل (بوست البحر الأحمر) فرجينيا تكرم الكابلى ..
وقد ساعد بكرى أبوبكر صاحب الموقع فى مداخلة بإسمه
إنزال صورة البوستر بنفس التاريخ .. ولكن شاءات الأقدار أن
مصمم البوستر وقع فى خطأ فى معلومة هامة وهى عنوان
مكان الحفل، أخطأ فى الأرقام .. وبعد عشرة أيام بالتمام والكمال
فى يوم 14 مارس قام كل من (وكالة البحر الأحمر) وبكرى أبوبكر
بالتعديل وإنزال بوستر جديد مصحح فيه العنوان .. إذأ كان زعم
طيفور بأنه لا يمكن تعديل البوستر مجرد أكذوبة تندرج ضمن
الخديعة الكبرى بإختطاف مشروع مكتمل الأركان وليس فكرة.
وهذه الخديعة إمتدت لتشمل أسرة الأستاذ الكابلى حيث أن فى مفهوهم
أن مشروع تكريم الأستاذ الذى وافق عليه وأسرته هو المشروع الأصلى
المتفق والموافق عليه للموصلى والموسيقين والقروب الأصلى ...
فظنوه ممثلاً لهم وأن ما يقوله ويعرضه عليهم متفق عليه من القروب
الأصلى (رئاسة المشروع) !! ليأتى لاحقاً ويقول أطلعت الكابلى
والكابلى وافق . يا راجل !!!
فضيحة تتخطى كمال طيفور ووكالته وتشمل كل السودانيين بالولايات المتحدة
فقد راقب الإعداد عدد من نساء ورجالات الصحافة والإعلام من السودان
ومن دول أخرى شاركوا فى الترويج والدعايا وأيضا كانوا شهود عيان
على الإختطاف والقرصنة .. فللأسف سينقولون واقعا أليماً عن
تضاؤل أمريكا السودانيين وهى تخدع الكابلى وايضا بؤس حفل تكريمه
المفتقر إلى أى رؤى وبرنامج يتناسب بالمحتفى به، إضافة للفشل فى
جوانب فنية (وتشريفية بالمحتفى به) .. وتضليمية .. (شغل عنقالة)
أمريكا زقلونة وبالدقداق، علاوة على إهدار حقوق أستاذ الكابلى وأسرته الكريمة.
لم يكن هناك شيئاً مضيئاً غير أداء الفرقة الماسية ومن بعدها أداء المطربين
وبمناسبة مضيئا مع الضلمة التى جعلت محبى الكابلى لا يرونه ولا يراهم
بالقاعة ..سخر أحدهم قائلا المسرح من غانا والإضاءة من ود عشانا!
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
يا استاذنا كوستاوى
انا من ألتقط هذه الصورة
كانت بعد نهاية الحفل بى زمن كده
يعنى الناس اولردى مرقت
و سألنا عنك
قالو الزول ده بكون هسه فى سابع نومة
شفت كيف
___
اخونا ابوبكر
طلبت منك تورينا شغل الضرائب مع الحاجات الزى دى و ما رديت علىّ
ما مشكلة
اقولليك حاجة و لى اخر مرّة
انت كده بتضر بى صاحبك اكتر من ما تفيدو
خليك مع الحل الودى احسن
بى حسب قوانين الاعلان و الرعاية فى البلد دى
ال رد سى فى ورطة مع ناس الضرائب
خليك محضر خير .. بدل تصنيف الناس و تمريضا بامراض ليست فيهم
و لو قاصد انك تستفز الناس عشان يقولو كل حاجة
اقول كما قال زول ذات مرة .... نجوم السما اقربلك
و شوف مريض المرض الكتل كديسة ود المدير منو
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Amira Hussien)
|
شكرا الاساتذة قباي ونادر على حسمكم وجهدكم
انا زريت ليكم محامي كمال طيفور
هو قال
الإعلان بتاع الحفل واضح
تنسيق وتنظيم وكالة البحر الأحمر
لو المجموعة بتاعت الواتس دي رسلت التبرع قبل الإعلان
يكون من حقها استرداد المبلغ
يا ايها المستجير بكمال
التبرعات تم دفعها شهرين قبل تنظيم الحفل
اها انت وكمال بتودو وشكم وين؟؟؟؟
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
Quote: Quote: لو المجموعة بتاعت الواتس دي رسلت التبرع قبل الإعلان
يكون من حقها استرداد المبلغ |
يا ايها المستجير بكمال
التبرعات تم دفعها شهرين قبل تنظيم الحفل
اها انت وكمال بتودو وشكم وين؟؟؟؟ |
دردقك يا فنّأن وانت اكلت الطعم بطيب خاطر
كدا يعني مشكلتك بقت في الـ 1004 دولار الاتبرّعتوا بيها يرجّعوها ليكم و كدا قضيتكم انتهت!
في حبن الموضوع يبدو انه اكبر من كدا بكتير ولا يتعلّق بالأمور المادية فقط
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Amira Hussien)
|
ما عندهم غير الألف دولار دي يا بشرى،
وبعدين ما تشوف الجعجعة دي، الناس العندهم مقدرة لإنجاز شغل زي دا بتعدوا على أصابع اليد،
ديل كل طموحهم -وخاصة الموصلي- بس يقولوا هو صاحب الفكرة
بعد داك بضحي بالمائة دولار
علي أرض الواقع ما في غير كمال ومجموعته
هسّ يقولوا ليك شغل باهت
هم فاصمم عظمة الإنجاز دا
أها بعد الكشوفات تجي ولقيناها فارقة؛ بتساهموا في الفرق؟
قصة العشرين ألف نظير الرعاية دي؛ نرسلها كندا للشركة الواتسابية المنظمة؟!
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Amira Hussien)
|
محمد البشرى
ما اظن كلامك يكون صاح بان الناس الاتبرعوا بال ١٠٠٤ دولار همهم يرجعوا تبرعهم ، ولكن اظن الموصلي يقصد ان الكلام القالوهو
عن هذا التبرع ما صحيح ..وهذا كل مافي الامر...لانه لا يمكن تصور ان صاحب المبادرة الاولى يطالب برد تبرعه وهو اول من تبرع
لتكريم الفنان القامة،
مع وافر التقدير والاحترام
عزيزي ابوبكر عباس
انت بتحاول تصب الزيت على النار والناس بتحاول تهدئ الامور وتصفي البيناتهم ...حتى اصحاب الشان انفسهم كلامهم بقى هادئ
ويسعوا لتصفية الامور بشكل ودي ..فابقى واسطة خير .
مع وافر التقدير والاحترام
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: امتثال عبدالله)
|
مش تظني يا امتثال بل فعلا كلامي ما صاح! ليس هم الاخوان الحديث عن تبرعاتهم او قيمتها او استعادتها بالتأكيد
دا ما يردي المستنير في سعيه في دفاعه عن صديقه ان يوحي بيه و للأسف استجاب له الموصلي
يا بكّور الدفاع عن الاصدقاء امر نبيل ما قلنا شي, لكن شرط ان يكون بالحق! و على الأقل انتظر ظهور الحقيقة بدل القفز للنتائح الانت سلفا وضعتها
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
| Quote: قلت لي يا قباني، أسرة الكابلي منتظرة العائد من الحفل؟! |
الأخ كمال طيفور ...
في انتظارك لتوضيح الحقائق ... و إعطاء كل ذي حق حقه بما فيهم وكالة البحر الأحمر او شخصك ...
انا كلي ثقة انك ستسعى للقاء الكابلي و تضع كل الكشوفات و الحسابات بين يديه ... فهو يهمه كل اسم من الأسماء ... كما من حقه ان يستلم كل تبرع موجه له ...
كما كلي ثقة انك ستقدم الاعتذار الوافي لما حدث في ليلة التكريم ... و الإخفاقات التي صاحبت ذلك من منعة الحديث و اظلام الصالة و غيرها و غيرها و هي الأشياء التي تركت اثرها السيئ على استاذنا الكبير ..
تألمت جداً لخبر يقال انه من جريدة سودانية اتاني عبرالسوشيال ميديا يقول الخبر :
( تكريم نجم الأمة في الضُلُمة ) ...
و الله امر مؤلم و قاسي ان يرى الكابلي بعد مسيرة اكثر من نصف قرن من العطاء الغير مسبوق مثل تلك المعاملة ...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
ابو بكر
والله انا ما فاكرة ان موقف كمال طيفور ضعيف ..لانه اجتهد ونظم ونفذ وحفل التكريم كان ناجح بلا شك...ولكن الفكرة فقط اذا كان هناك أي أخطاء حصلت في حق الفنان الكابلي ممكن نصلح الأخطاء في جو من روح الود والمحبة للفنان القامة الكابلي
مع وافر التقدير والاحترام ٧
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
شكرا ابوبكر
ياجماعة القصة دي بصراحة ما محتاجة اللفة دي كلها
كمال عمل حسب استطاعته وفِي جماعة شايفين الشغل دا نضيف
ااااها الجماعة الشايفين غير كدة
يعملوا تكريم تاني زي ما قال صديقنا كمال عباس
خاصة ان الفنان الكابلي موجود
وكلو في
المافي شنو!!!!
الواتساب في
والجزلي في
وكلو في
اعملوا تكريم تاني وانسوا دا خالص
خاصة وان الاستاذ الكابلي بستحق اكتر من تكريم
فهو رحل بقامة وطن
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: عبدالمنعم الطيب حسن)
|
| Quote: يا بكّور الدفاع عن الاصدقاء امر نبيل ما قلنا شي, لكن شرط ان يكون بالحق! و على الأقل انتظر ظهور الحقيقة بدل القفز للنتائح الانت سلفا وضعتها |
سلامات يا ود البشري... انت ذكرته أهم نقطة في هذا البوست وهي :-
*القفز للنتائج الموضوعة سلفا من الأصدقاء أصحاب البوست.
وليس قفز ساي بل بي حساباتو وارقامو كمان ، و منتظرين الطرف الآخر أن يتعامل مع هذه الأرقام كحقيقة و يفندها... هذا ما أره من خلال هذا البوست ليس لي اي موقف ضد ظهور الحقيقة لكني اقلب الأمور حسب المنطق فقط.
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: سفيان بشير نابرى)
|
هلا سوفي ناب, على الأقل الجماعة ديل ما بتكلموا من فراغ أو بدافع مناصرة أو مكاجرة شخصية
قدّامهم حدث هم معايشنه من بدايته و قدامهم معطيات والموضوع طرح بشكل استفساري في البداية قبل ان يصل مرحلة الاتهامات و التجريم و اعتقد ان لياقة المستنير و استفزازه ليهم يد في وصوله للمرحلة دي وفي عمر البوست دا
امّا مشكلة بكّور فهي ان منطقه الوحيد هنا المعتمد عليه هو معرفته الشخصية
كل المطلوب من الطرفين هو مواصلة النقاش و طرح المعطيات و السماع لحجج الآخر قبل القفز للنتائج
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: محمد البشرى الخضر)
|
طبعاً في عامل تاني ساهم في ظهور المشكلة دي وهو
عدم الترحيب بعمر الجزلي في مجتمع المناضلين والاحتفال
القصة دي بتكون وصلتو
أها بالليل مع سرو قباني بكون قاعد بالتلفون بالساعات يلخ في طيفور
سرو بعد داك يلخ في طيفور في الواتساب
أها خلقوا جو معادي لطيفور
لكن وين؟
يلقوها عند الغافل
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: محمد البشرى الخضر)
|
| Quote: شنو المنطق يا سفيان انو الوكالة المفروض تدفع ٢٠ ألف دولار؟ |
سلامات أبوبكر...
لحدي هسي و بجدية شايف البوست مبنى على فرضيات (عدد 1000شخص حضور) و ان العدد دفع مبلغ 25$للفرد و بعدها تمت تضريبات و خصومات مالية افتراضية كذلك ، لهذا ليست لي اي فكرة إجابة عن سؤالك أعلاه سوى أنه فرض ساي زي اي فرض موجود في البوست.
سلامات يا ود البشرى...
الغريبة البتسميهو انت :-
| Quote: الجماعة ديل ما بتكلموا من فراغ أو بدافع مناصرة أو مكاجرة شخصية |
الأنا شايفو بمختلف من شوفك و هو أنهم بفرضو فرض ساي و بنو عليه حيثيات و تهم (المفردات بتاعة التجريم مليانة جوة البوست من لصوص العصر لآخر شي).
و أبوبكر اتعامل مع فرضيات البوست بفرضيات أخرى ليس اكتر أو أقل رغم اعتماده على معرفته بالشخص المتهم.
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: سفيان بشير نابرى)
|
أنا ما في فرجينيا لكن ما بسمع إلا كل خير عن الرجل الهميم كمال طيفور وأيضا الباشمهندس قباني رجل المجتمع
والرجل السوداني الاصيل ، يعني الاتنين من خامة خمسة نجوم، ما سمعت عنهم أي شيء يعيبهم . فعشان كدة انا بقترح إنو قباني وكمال
يتواصلوا بأي وسيلة تواصل بس هم الاتنين وبالتأكيد حيصلوا إلى نتيجة تنهي كل التساؤلات المطروحة هنا
وبالتوفيق إن شاء الله
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: محمد البشرى الخضر)
|
طبعاً في عامل تاني ساهم في ظهور المشكلة دي وهو
عدم الترحيب بعمر الجزلي في مجتمع المناضلين والاحتفال
القصة دي بتكون وصلتو
أها بالليل مع سرو قباني بكون قاعد بالتلفون بالساعات يلخ في طيفور
سرو بعد داك يلخ في طيفور في الواتساب
أها خلقوا جو معادي لطيفور
لكن وين؟
يلقوها عند الغافل
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Kostawi)
|
دردقك يا فنّأن وانت اكلت الطعم بطيب خاطر
كدا يعني مشكلتك بقت في الـ 1004 دولار الاتبرّعتوا بيها يرجّعوها ليكم و كدا قضيتكم انتهت!
في حبن الموضوع يبدو انه اكبر من كدا بكتير ولا يتعلّق بالأمور المادية فقط
العزيز محمد البشرى
ياخوي المستجير ده ما يدردق حبة رملة
هو كان بيحاول يوري انه ماكان في اي عمل في قروب تكريم استاذ الاجيال
كما ادعى الكاذب كمال طيفور وتراجع بعدما زنقوهو
بالحديث عن تاريخ التبرعات
وانا حاولت اثبت ليهو ان التحضيرات الاولى كلها تمت في القروب
امتثال فهمتني صاح
المستجير ده بملوهو زي الروبوت وبجي يستفرغ هنا للاسف
الان اسرة كابلي تشن هجوما عنيفا على كمال طيفور بعد ان انكشف امره
في نفس القروب الاصلي
وبقيادة الانسانة الخلوقة عوضية الجزلي زوجة الاستاذ الكابلي
هل فهمت يا مستجير؟؟؟
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Elmosley)
|
كمال طيفور المفترى عليه فى حفل شواء اسفيري اولا شهادتي فى كمال طيفور مجروحة وكل اهل منطقة واشنطون يعرفون من هو كمال طيفور اما بخصوص من يطلق على نفسه ويدعي من البطولات الهلامية نعم انت يا موصلي قمت بتفح قروب فى الوتساب وانا كنت احد اعضائه والقروب تفرتق لانك اضفت السمؤال خلف الله احد وزراء هذا النظام وقمت بالتطبيل ودق الدلوكة له وعندما حاصرناك برفضنا ان تضيف سدنة هذا النظام تفوهت باسوا الالفاظ فانا احتفظ برسائلك من انت حتى تتشكك فى نزاهة وامانة كمال طيفور هذا الانسان المهذب ترك عمله واسرته كمال طيفور ليس فى حوجة لبملغ الف دولار وكمال طيفور و وكالة البحر الاحمر ليست بحوجة لامثالك يا يوسف كمال طيفور كان بجيب الاكل من منزله للضيوف كمال طيفور لو عملتو كشف حساب بكون طالبكم للاسف انت مدعي بطولات وهمية وشئ مؤسف ان تستل هذه الخناجر الصدئة وتطعن بها الانسان العفيف والرزين كمال طيفور انت للاسف اثبت انك مدعي بطولات وعدو لكل انسان ناجح انت فشلت فى تنظيم هذا المهرجان فكتر خير كمال طيفور الذى تلمس الفكرة ونفذها ثم لماذا تحاول استنفار الناس على كمال تارتا مدعي ان هنالك تهميش للاستاذ الكابلي فى عدم اعطاءه فرصة للحديث فهل حالت الاستاذ الكابلي الصحية كانت تسمح بذلك ثم ثانيا البرنامج كان مقيد ومقدمه الاستاذ لقمان وليس كمال هو الذى يقدم البرنامج يا يوسف الموصلي انت للاسف نزلت لدرك عليك ان تراجع طبيب نفسي وانا ممكن اثبت بالدليل القاطع انك مريض نفسيا انك تدعي بطولات وهمية يا دكتور الموصللللي وما دايرين نرجع لي وراء كمال طيفور راجلللللللل
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: دفع الله ود الأصيل)
|
حتى يستقيم الأمر ...
اطلب من الجميع عدم التعرض بالاساءة لاي شخص معني بأمر التكريم ...
بما فيهم استاذنا الموصلي و الاخ كمال طيفور و الاستاذ الجزلي ...
الموضوع ببساطة و بدون تشتيت ...
الاستاذ الكبير الكابلي اهدر حقه الادبي و المعنوي في هذا التكريم الفاتر ...
و هو الشئ الذي لا يمكن اصلاحه فلا احد يملك ان يرجع بالزمن الى الوراء ...
يبقى الحق المادي لهذا التكريم المفترض ....
كتبت انا تقديرات حسب المعلومات المجمعة لدي ... و طلبت من الاخ طيفور الرد عليها و تقديم الكشوفات ...
ما هو الصعب في ذلك ؟
نحاسبه اولاً على الحق المادي ... لانه حاضر ...
ثم نأتي رجوعاً الى الحقوق الاخرى المهدرة لانها مضت و لن تعود ...
ارجو من الجميع الهدوء و عدم التدخل لمجرد الدفاع الاعمى سواء عن الاخ كمال او لصالح امر التكريم الضائع ...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
في الخاطر (شكلة) إسفيرية قديمة في هذا الموقع عقب زيارة الأستاذ أبوعركي البخيت قبل عشرة سنوات.
ما متزكر الملابسات كويس لكن كان في تلاسن و إتهامات و أنا وقتها كنت بقول يا ريت الأستاذ المرهف أبوعركي
ما يكون بقرا الكلام دا لأنو لو قراهو تاني ما بجينا في أمريكا و حسه بقول يا ريت الأستاذ المرهف الكابلي
ما يكون بقرا الكلام دا لانو لو قراهو جايز يمشي من أمريكا.
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
دي كلمة الأستاذ كمال طيفور من زاوية أخرى و توزيع الهداية التكريمية التي أستلمها أحد أبناء الكابلي ..(الفديوهات التلاته الأخيرة من بوست الاستاذة إحسان و الأستاذة أنوار"
Note: كلام سيف جبريل الفوق دا عن عدم مقدرة الكابلي للتحدث للجمهور لظروف صحية المفروض تكون في الحسبان و التقدير لها...
أنا أعتبر نفسي صديق للكابلي و الموصلي و كمال طيفور..كلهم جميليين و حلويين و سودانيين للحد البعيد.
و أتمنى إنو دي تكون عترة في الطريق المعبد و من حوله الرياض البازخة التي تحفها الورود و الزهور كما كانت. الخلافات موجودة حتي في البيت الواحد بين الإخوان لكن بتزول يوما ما و تجري المياه في مجاريها الصحيحة..
موضوع دخل التكريم مفروض يكون بين الكابلي و كمال فقط ...هل كان بينهم عقد wrtten or verbal ...الله أعلم...
أحبكم جميعا.
نصر هجام- Kostawi
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Kostawi)
|
Quote: حتى يستقيم الأمر ...
اطلب من الجميع عدم التعرض بالاساءة لاي شخص معني بأمر التكريم ... |
سلامات يا قباني
ودعوة جميلة لكنها للأسف أتت متأخرة شديد و دونك الشتائم و الاتهامات و التخوين داخل البوست.
عليه لدى اقتراح آخر لو فيك تسمعه قولي.
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: أبوبكر عباس)
|
بعد هذه السلخانة والشواء والمكايدات والضرب تحت الحزام وتشويه سمعة انسان بقامة كمال طيفور تقولو توقفو الاساءة هنالك اتهام يجب ان تبقوا قدرو وتجيبو ما يثبت الكلام الفارغ بتاعكم هذا للاسف ما ورد فى هذ البوست عبارة عن وسخ وكلام مشاطات وحسد من الموصلي الذي يحب الظهور وتلميع نفسه وتطبيلك لسدنة النظام يا ريت يدوك كعكة قال اوركسترا قال وانت يا يوسف ابعد من يتحدث عن الامانة
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: Saifeldin Gibreel)
|
| Quote: بعد هذه السلخانة والشواء والمكايدات والضرب تحت الحزام وتشويه سمعة انسان بقامة كمال طيفور تقولو توقفو الاساءة هنالك اتهام يجب ان تبقوا قدرو وتجيبو ما يثبت الكلام الفارغ بتاعكم هذا للاسف ما ورد فى هذ البوست عبارة عن وسخ وكلام مشاطات وحسد من الموصلي الذي يحب الظهور وتلميع نفسه وتطبيلك لسدنة النظام يا ريت يدوك كعكة قال اوركسترا قال وانت يا يوسف ابعد من يتحدث عن الامانة |
ياخوي الموصلي ليس بصاحب البوست ...
هناك براح لك لشتمه و التلفظ بما يحلو لك في اَي مكان اخر ...
هنا نطالب الأخ كمال طيفور بمطالب مشروعة ... و ما زلنا في الانتظار ...
و للعلم ... لن ينفع من اَي شخص كان استخدام اَي اُسلوب لمنعي و كل المطالبين بإرجاع الحق لصاحبه ...
و ننتظر مع المنتظرين ...
| |
|
|
|
|
|
|
|
|
|
Re: تعليق الأستاذ عمر الجزلي على حفل تكريم ال� (Re: يحي قباني)
|
Quote: Quote: حتى يستقيم الأمر ...
اطلب من الجميع عدم التعرض بالاساءة لاي شخص معني بأمر التكريم ...
سلامات يا قباني
ودعوة جميلة لكنها للأسف أتت متأخرة شديد و دونك الشتائم و الاتهامات و التخوين داخل البوست.
عليه لدى اقتراح آخر لو فيك تسمعه قولي. |
تحياتي سفيان ...
الشتائم يا عزيزي مردوده لاصحابها ...
انا مطلبي واضح و وضعته بكل احترام
و ما زلت في الانتظار ...
كل التشتيت و الدفاع و الهجوم لا يعنيني في شئ ...
هذا موضوع رأي عام ... و الناس احرار فيما يقولون ...
اهدار حقوق قامة و رمز من رموز الوطن امر لن نسمح ان يمر و السلام ...
لا احد فوق المحاسبة ...
لك مني احترامي لك الدي تعرف ...
| |
|
|
|
|
|
|
| |
سفيان بشير نابرى
Gaafar Ismail
Elmosley
دفع الله ود الأصيل
Amira Hussien
يحي قباني
أبوبكر عباس
كمال عباس
جلالدونا
معاوية المدير
عبدالحفيظ ابوسن
Kostawi
محمد البشرى الخضر
عبدالمنعم الطيب حسن
ترهاقا
Saifeldin Gibreel
بدر التمام
فيس بوك
تويتر
انستقرام
يوتيوب
بنتيريست