|
|
 Re: ***** الكنزي 10 منتخب بورداب العالم 0 ***** (Re: ABUHUSSEIN)
|
الاخ ابوحسين،
نعود لقولك:
انا قلت ليك:
وازيدك من الشعر بيتاً ان الدين عندي في حسن المعاملة وليس في الفقة
والعمل عندي اقيم من العلم لان العلم يجب ان ينعكس على تصرفات الانسان
######
واراك ترد:
مش بتناقض مع كلامك دا :-
لقولي:
لكنزي مهزوم الف مرة لانه لم يكسب صديق واحد إلا مجيدو بالقصب كدا
ولكن كسب عداوة لا اول لها ولا اخر
######
واعود للصدمة :
هل تدري ان الرسول دعى اهل قريش بالصدمة :
الصدمة الاولى ان جعل الالهة إله واحداً
والصدمة الثانية أن يدعو لدين يساوي بين الناس
فعجب قادة وزعماء وبنطون قريش يتساون في المكانة مع امثال
ياسر وابنه عمار، وبلال بن رباح, وخباب بن الأرت
فكانت دعوة هذا الدين صدمة لهم
هذه الاولى
#######
اما الثانية فقد قال ابوذر القفاري
ما ترك لي قول الحق من صديق، وهكذا حالي معكم
وانك بقول رسول الله صلى الله عليه وآله وسلم عن اباذر لمعروف عندك وعند غيرك
######
فاظن حالي مثل حاله والله اعلم ولا ازكي نفسي عند ربي
فساكمل دربي على قناعات عاشت معي لسنوات عدداً
ولك شكري واحترامي ولكل المتداخلين
| |
 
|
|
|
|
|
|
|
 Re: ***** الكنزي 10 منتخب بورداب العالم 0 ***** (Re: Ali Alkanzi)
|
سلام يا شيخنا الكنزي،
كنزي يا مدرسة ..
طقطقكم فوق "أمّ رؤوسهم" التي قد أينعتْ
إيناع الصِّحْ ..
لكن اعمل حسابك، ولا تتحدّث كثيراً مع "سايق ال بوباي" دا
لا تتحدّث مع السائق، أقصد مع "أبوحسين" بل أقصد مع الحَكَم ..
فهذا يُناقِض التحكيم، وربما يُنقِص من "أراضي" فوزك الساحق ..
وبالله شوف جلالدونا دا شَــرّكلك كيف؟
Quote: من كراماتو انو ما يرد عليك يا ودّو
عارف عكلتّك |
ومع ذلك، لم تقع في الشَّرَك ..!
لكأن حبيبينا جلالدونا، وهو "واسطة عُقد المغلوبين" بيك، لا يعرف أنّ
شرَك أم قيردون كيفن بقُبض الفيل
ـــــــــــــــــــ
تحايا تخايا للجمع فائزين ومغلوبين 10 صفر!!
| |
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: محمد أبوجودة)
|
أخونا علي الكنزي سلام
Quote: واعود للصدمة :
هل تدري ان الرسول دعى اهل قريش بالصدمة :
الصدمة الاولى ان جعل الالهة إله واحداً
والصدمة الثانية أن يدعو لدين يساوي بين الناس
فعجب قادة وزعماء وبنطون قريش يتساون في المكانة مع امثال
ياسر وابنه عمار، وبلال بن رباح, وخباب بن الأرت
فكانت دعوة هذا الدين صدمة لهم |
يا شيخنا وين الصدمة هنا ....؟؟؟؟؟
علي يا كنزي ممكن تألف خطة جديدة تسير عليها و تعمل بيها باقي عمرك و تسميها الطريقة الكنزية للدعوة إلى الله ...
لكن تدعي بي إنو الرسول صلى الله عليه و سلم بدأ بيها الدعوة و سار الصحابة عليها و إنت ألآن بتمشي بيها على نهج المصطفى صلى الله عليه و سلم دا شغل كيزان يا شيخنا ...
Quote: اما الثانية فقد قال ابوذر القفاري
ما ترك لي قول الحق من صديق، وهكذا حالي معكم
وانك بقول رسول الله صلى الله عليه وآله وسلم عن اباذر لمعروف عندك وعند غيرك |
الكلام دا قالو أباذر و ل علي إبن أبي طالب ....؟؟؟
أنا ما عايز أتكلم عن حالة معينة لكن كلمة الحق تقولها و تبقى مارق ......
يعني بقول ليك كلمة الحق و ممكن أتناقش معاك فيها نعم لكن لو حسيت بي إنك ما قبلت كلامي أو إضايقت منو بمشي بخليك
و لو حسيت بي إنو البتكلم معاه ما طايقني بمشي بخليه لأنو لو إتكلمت معاه 100 سنة ما يقتنع بي كلامي لأنو ما مرتاح لي أنا ....
Quote: فاظن حالي مثل حاله والله اعلم ولا ازكي نفسي عند ربي
فساكمل دربي على قناعات عاشت معي لسنوات عدداً |
من حقك و من حق غيرك قبولها أو رفضها .....
تحياتي و إحترامي
***************************************
حبيبنا أبو جودة
Quote: لكن اعمل حسابك، ولا تتحدّث كثيراً مع "سايق ال بوباي" دا
لا تتحدّث مع السائق، أقصد مع "أبوحسين" بل أقصد مع الحَكَم ..
فهذا يُناقِض التحكيم، وربما يُنقِص من "أراضي" فوزك الساحق ..
|
سايق البوباي دا بسأل الإشارة جاي و ل جاي ...؟؟؟؟
وروني الإشارة يمين و ل شمال عشان ألف معاكم .... 
الله يديك العافية
تحياتي و إحترامي للجميع
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
اخ ابوحسين
لك جزيل امتناني لافتراع هذا الطرح
واراك تقول لي:
Quote: يا شيخنا وين الصدمة هنا ....؟؟؟؟؟
علي يا كنزي ممكن تألف خطة جديدة تسير عليها و تعمل بيها باقي عمرك و تسميها الطريقة الكنزية للدعوة إلى الله ...
لكن تدعي بي إنو الرسول صلى الله عليه و سلم بدأ بيها الدعوة و سار الصحابة عليها و إنت ألآن بتمشي بيها على نهج المصطفى صلى الله عليه و سلم دا شغل كيزان يا شيخنا ... |
الصدمة فسرتها لك من قبل فقريش وأهل مكة كانوا يعبدون اكثر من ثلاثمائه وستين صنماً جعلوا من كل صنم إله، فإذا برسول الله يجعل الالة اله واحد اليس في ذلك شيء عجاب؟
هذه هي الصدمة الاولى، والثانية كما ذكرت أن دعوة رسول الله تجعل المساواة بين كل المسلمين اي العبد بسيده وهذا ما لم يرضى به زعماء وكهنة قريش.
أنا لم أقل ان الرسول اسمتر بدعوته صادماً ومصادماً ولكنه بداية الدعوة كانت صادمة
اما صحابته رضوان الله عليهم فلم يصدموا احداً، ثم إني لم أأت بذكرهم
اما تساؤلك :
Quote: لكلام دا قالو أباذر و ل علي إبن أبي طالب ....؟؟؟
أنا ما عايز أتكلم عن حالة معينة لكن كلمة الحق تقولها و تبقى مارق |
ما ترك لي الحق من صديق
قالها ابو ذر الغفاري ولم يقلها علي لأن لعلي شيعته منذ حياة رسول الله وإلى يومنا هذا.
اما قولك:
Quote: يعني بقول ليك كلمة الحق و ممكن أتناقش معاك فيها نعم لكن لو حسيت بي إنك ما قبلت كلامي أو إضايقت منو بمشي بخليك
و لو حسيت بي إنو البتكلم معاه ما طايقني بمشي بخليه لأنو لو إتكلمت معاه 100 سنة ما يقتنع بي كلامي لأنو ما مرتاح لي أنا .... |
هذا كلام عين الحقيقة
ولكن الامر لا ينطبق على حالة (قبة)
لان هذا القبة في حكمي رجل سفيه ولا حياء لديه فيجهر بالمعصية
وعلى من يجهر بالمعصية ان يرد لجحر ضب خرب ان استطعنا لذلك سبيلا
وختاماً اريد ان اؤكد لك امراً هاما ولقرائك والمتداخلين وانت تقول:
| Quote: تسميها الطريقة الكنزية للدعوة إلى الله ... |
يا اخي انا ليس بداعية إلى الله ولم اتصدر مجلس علم ولم اعمل في جماعة تدعو إلى الله ولكن اي امر يعترض حياتي غير صحيح حسب فهمي
فإني اقف عنده وعليه وابين ما اعلم وربما ليس هو الامثل او الاصح ولكن في محدود علمي
كما اني لستُ باخ مسلم كتنظيم ولكن اخ مسلم لكل مسلم في ارض الله الواسعة
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
Quote:
ما ترك لي الحق من صديق
قالها ابو ذر الغفاري ولم يقلها علي لأن لعلي
شيعته منذ حياة رسول الله وإلى يومنا هذا.
اما قولك: |
أستاذي المبجل / علي الگنزي،
رغم حظي القليل، و قدحي الموطأ في
(حضرة) باعگم الطويل و قداحگم المعلاة
في علوم السيرة المشرفة، إلا أنني استميحگ
العذر للإدلاء بأشطان دلوي هنا، بأن المقولة
عاليه إنما تنسب إلى الفاروق عمر رضي
الله عنهم جميعا "لم تترگ لي النصيحة
صديقا". هذا و العلم عند الله.
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: دفع الله ود الأصيل)
|
| Quote: الصدمة فسرتها لك من قبل فقريش وأهل مكة كانوا يعبدون اكثر من ثلاثمائه وستين صنماً جعلوا من كل صنم إله، فإذا برسول الله يجعل الالة اله واحد اليس في ذلك شيء عجاب؟ |
اخونا علي سلام
الرسالة من الله عز و جل و توقيتها و كيفية توصيلها من المولى
(2) وَمَا يَنطِقُ عَنِ الْهَوَىٰ (3) إِنْ هُوَ إِلَّا وَحْيٌ يُوحَىٰ (4) عَلَّمَهُ شَدِيدُ الْقُوَىٰ (5) ذُو مِرَّةٍ فَاسْتَوَىٰ (6) وَهُوَ بِالْأُفُقِ الْأَعْلَىٰ (7) ثُمَّ دَنَا فَتَدَلَّىٰ (8) فَكَانَ قَابَ قَوْسَيْنِ أَوْ أَدْنَىٰ (9) فَأَوْحَىٰ إِلَىٰ عَبْدِهِ مَا أَوْحَىٰ (10)
طريقتك دي خاصة بيك انت فما تحاول تجعلها من سنة المصطفى صلى الله عليه و سلم ...
(158) فَبِمَا رَحْمَةٍ مِّنَ اللَّهِ لِنتَ لَهُمْ ۖ وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ ۖ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ ۖ فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ (159)
ملاحظة بسيطة جدا ...
المختلفين معاك في طريقتك دي اكتر من المتفقين معاك
و حتى المتفقين معاك في الهدف ما قادرين يتكلموا خوفا من ان يفهم انهم متفقين معاك في طريقتك اللي انت ماشي بيها دي..
ما عيب انك تقيف و تراجع نفسك لكن العيب تستمر فيها و كل يوم المعارضين ليك في زيادة ...
تحياتي و احترامي
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
اخي ود الاصيل،
لك ودي وسعيد بتواجدك الشحيح بيننا
وقولك ربما يكون الحقيقة ان القائل بها سيدنا عمر بن الخطاب
والصحابة عندنا عدول وكلهم صادقون في اقوالهم
ولكني اعيدك لحديث رسول الله صلى الله عليه وآله وسلم فيما روي عنه"
عن أبي حرب بن أبي الأسود قال سمعت عبدالله بن عمر قال سمعت رسول الله يقول : (( ما أقلت الغبراء ولا أظلت الخضراء من رجل أصدق من أبي ذر )) رواه الإمام أحمد.
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
Quote:
اخي ود الاصيل،
لك ودي وسعيد بتواجدك الشحيح بيننا
وقولك ربما يكون الحقيقة ان القائل بها سيدنا عمر بن
الخطاب و الصحابة عندنا عدول وكلهم صادقون في اقوالهم
|
مساگم الله بگل مساءات رابحات و بگل خير
نافحات ، أخوي علي و جلسائگ الأگارم في
صيوانگ الثقافي . و أما عن دخولي أصلا على
استحياء لخشيتي أن أفسد على نفسي متعة
الإصغاء لحديثگم. شايف جنس الأنانية دي.
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
اخي الحبيب ابوحسين
اولاً دعني اشد علي يدك وذراعك وااخذك بالاحضان لأنك تسعى لردي لطريق الحق
وهذا هدف نبيل يبقى له اجره عند الله وفقت ام لم توفق
ولكن دعني اراجعك مرة وثالثة وأخشى ان تكون هناك رابعة، وانت تقول:
Quote: طريقتك دي خاصة بيك انت (اي الصدمة هذه اضافة مني)
فما تحاول تجعلها من سنة المصطفى صلى الله عليه و سلم ... |
يا اخ ابوحسين
أنا لم اقل ان الصدمة هو طريق محمد او هي اسلوب رسول الله
ولكني بينتُ لك أن الصدمة وقعت على المتلقي دون أن يقصد النبي بصدمهم فجاء القرآن معبراً عن تلك الصدمة في سورة (ص)
(أجَعَلَ الْآلِهَةَ إِلَٰهًا وَاحِدًا ۖ إِنَّ هَٰذَا لَشَيْءٌ عُجَابٌ (5)
لا اقول لك أني اتبعت سنة النبي في زجري (لقبة ومن شايعه) بل قلتُ لك أن اسلوب الصدمة مهم استخدامه في الحياة لمن يستحق ان يصدم.
أما قولك:
| Quote: المختلفين معاك في طريقتك دي اكتر من المتفقين معاك |
والله ما قلت إلا الحق وأشك أن هناك متفقين معي إلا القليل ، وكما قلتَ انهم يمسكون عن القول، خوفاً ان يحسبوا لجانبي،
فمثل هؤلاء لا ارجو منهم خيراً ووجودهم وعدم وجودهم عندي سواء
فاعرف الحق تعرف رجاله
هكذا نطق بها امام المتقين واول المسلمين علي بن ابي طالب اخو رسول الله صلى الله عليه وآله وسلم قبل الهجرة وبعدها وزوج فاطمة الزهراء الذي حفظ الله في ذريتها دم النبي الاكرم صلى الله عليه وآله وسلم
اما قولك اخي ابوحسين:
| Quote: و حتى المتفقين معاك في الهدف ما قادرين يتكلموا خوفا من ان يفهم انهم متفقين معاك في طريقتك اللي انت ماشي بيها دي.. |
كما قلتُ لك ايها العزيز
هذا طريق خططته لنفسي واتحمل ما يصيبني فيه من اذى ولا يهمني ان يضعني الناس،
من ورائهم او تحت ارجلهم، او على روؤسهم ان شاءوا
في حياتي مرتْ بي مواقف كثيرة كنت اعالجها بالصدمة وسأحكي لك قصة لن يفعلها غير الكنزي:
عندما توفى باسل الاسد في حادث سيارة في ٢٣ يناير ١٩٩٤ وهو اكبر ابناء الاسد وحزنت عليه سوريا ولبنان وبلاد الشام كلها حزناً عظيماً وشاركتهم دول الخليح ومصر مبارك
يومها كان الاسد اسداً شارك جيشه في عاصفة الصحراء لهذا خلق الزعيم حافظ الاسد شخصية في الغرب والشرق لسطوته وااتلافه مع القوات الحليفة.
وفي اول جمعة مرت على وفاته ارسلوا اماماً سوري وعدد من الامة للدول الاوربية لقيموا صلاة الغائب على روحه
وفي ذلك اليوم امتلأ المسجد بمصلين لم نراهم من قبل
وكان من بينهم سفراء الدول الاسلامية والقناصل المعتمدين بجنيف كلهم هبوا واسرعوا للمشاركة في صلاة الغائب للشهيد باسل
وقبل ان يختم الامام الخطبة نوه للمصلين اننا سنصلى صلاة الغائب على الشهيد باسل الاسد
وكنت دائماً اصلى في الصف الاول ومرتبط بالمسجد ارتباطاً جعلني معروفاً لمن يرتادونه
وتقدم الامام السوري لقيم صلاة الجنازة للغائب
فاستخدمت مباشرة اسلوب الصدمة وجذبته من زراعه وقلتُ له :
والله هذه صلاة لا يراد بها وجه الله بل يراد بها وجه حافظ الاسد
والله لن تصليها هنا وانا حي بينكم وناديت على المصلين ان اخرجوا
ووالله لم يبق بالمسجد احد إلا انا والامام وبعض الافراد من ادارة المسجد الذي بناه الملك فيصل وتشرف عليه السفارة السعودية
وهذاحادث شهير معلوم في جنيف وقد كتبت عنه بعض الصحف كخبر عام
يومها كنتُ اعمل موظفاً بمركز المعلوماتية للامم المتحدة والمنظمات المتخصصة. UNICC) UNITED NATIONS COMPUTER CENTRE IN GENEVA)
ولو اردت الزيادة لزدتك حتى تعلم انني لا اقف مواقف صادمة إلا عندما يدعو الامر لذلك
لك ودي واحترامي
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
Quote: بالمناسبة الكنزي الاسفيري سيظهر دماً ولحماً على صلاة المغرب بشارع واحد العمارات في دعوة الاخ مجيدو
الذي ما زال عندي اخ اسفيري لحضور قران كريمته منى
اسأل الله من قلبي ان يسعد منى وزوجها ويرزقهم الذرية الصالحة وان تسعد الاسرتان على امتداد رحمها بزاوج تحفه الرحمة والسكينة
واسأل الله ان يهون لي المشاركة هذا المساء |
الحبيب ابو حسين .. وضيوفك الكرام ,,
السلام عليكم ..
والتحية والشكر الجزيل للاستاذ الشيخ علي الكنزي
الذي تكبد المشاق وابت نفسه الابيه الا ان يشاركنا فرحتنا
ويحضر عقد قران ابنتنا منى ..
أسال الله العلي الكريم ان يديم المعروف بيننا .. ونشاركه كل افراحه ..
والحقيقه لقد سررت وسعدت جدا بلقاء الاستاذ الكنزي
وكنت اتوقعه ذو لحية كبيرة ويرتدي العمه والجلابية كما كل الشيوخ ..
الا انه حضر وهو في قمة اناقته مرتديا فل سوت ( بدلة وكرفت ) ..
وجلسنا واتسامرنا سويا .. ووجدته في قمة الرقي والثقافة والتواضع ..
ودعوته لمشاكرتنا حفل الزفاف الذي كان يوم الاربعاء الا انه اعتذر بلطف شديد .
اكرر شكري وتقديري للاستاذ علي الكنزي .. ونتمنى له كل نجاح وتقدير..
واذا احببت ان انزل تلك اللقطات الجميلة التي ضمتنا في ساعة خير ..
فارسلها لي في الواتساب وسوف اقوم بانزالها هنا ...
والله يديك الصحة والعافية ...
شكرا عزيزي ابو حسين ..
والمعذرة كنت مشغول وبعيد عن النت ..
وعقبال ما نفرح بعيالك قريبا ..
تحياتي
عاالم بطاالـــــــــــــــــة ,,
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: محمد مجيدو)
|
الاخ الحبيب مجيدو
ابو العروسة منى
التي اصبحت زوجة لمن تمناها
والله انا ذاتي دهشت بعدد المشاركين في عقد القرآن وكنت اتمى ان اكون بعافية تامة
كما ادهشني تحضر الضيوف والخدمة الصالة الابهة
وانا في طرح ابوحسين قلتا ليهو في المنبر دا ما عندي صديق غير مجيدو البقيتو صاحبي بالغصب
تسعدني اكثر لو انت والاسرة والعروسة والعريس واحبابهم تشرفوني عشاء في بيتي
وليمة واسعة وليست مختصرة
وبالاحضان لترى الكنزي على طبيعته وفطرته رجل بسيط ابن امراة صالحة اسمها صالحة كانت تأكل الكسرة والعصيدة وتعوس في الصاج
لك ودي ومحبتي وتقديري
لرسل لي هاتفك في الخاص وسأرسل الصور ان شاء الله
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
Quote: وانا في طرح ابوحسين قلتا ليهو في المنبر دا ما عندي صديق غير مجيدو البقيتو صاحبي بالغصب
تسعدني اكثر لو انت والاسرة والعروسة والعريس واحبابهم تشرفوني عشاء في بيتي
وليمة واسعة وليست مختصرة
وبالاحضان لترى الكنزي على طبيعته وفطرته رجل بسيط ابن امراة صالحة اسمها صالحة كانت تأكل الكسرة والعصيدة وتعوس في الصاج
|
يا سلام عليك يا شيخ علي .. شكرا جزيلا
وانا اعتز كثيرا بصداقتك ..
وكان ودي ان اقبل دعوتكم الكريمة لزيارتكم في بيتكم العامر
الا انني للاسف رجعت الى السعودية اليوم لمباشرة عملي ..
وان شاء الله تلقانا حضور بمشاركتكم افراحكم المستقبلية ..
متمنياً لكم كل تقدم ونجاح ..
تحياتي ,,
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
يا ابوحسين
بالغت عديل
دا اسا كلام يتقال:
Quote: و كنت حضور كان خرتكم الاتنين ....
شنا مرة ..... 😂😂😂😂😂😂😂😂😂😂😂 |
عليك الله شنا مرة كيف؟
شوف بالله العمم البيضاء والجلباب الابيض زي ضمير اصحابا
يا اخي مجيدو عندو عصاية تحفة فنية
خسارة ما ظهرت في الصورة
وبعد دا تجي تقول شنا مرة.؟
يا اخوي فعلاً في شنا بس ما مرة .
وهو الكنزي بالله بدلتو مبهدلة زي وزير السياحة بتاع الاخوان الجابو صورتو زمان هنا.
######
اوعا الصورة تأثر على النتيجة وإلا اطالب بسحبها لانها فعلاً ليس في صالحي
######
شكراً كتيرر لمجيدو ومن معه وهما (خرتوني عديل كدا في الصورة دي)
بس مباراة لرد ح اعمل الف حساب عند اخذ الصور
الاضاءة وتعديل اللبسة بدلة ولا جلابية ولا حتى جنز وقميص
لك ودي اخ ابوحسين
| |
|
|
|
|
|
|
|
|
 Re: ***** الكنزي 10 منتخب بورداب العالم 0 ***** (Re: Ali Alkanzi)
|
ما بالغت يا كنزي دي يا ها الصدمة بتاعتك 😂😂😂😂😂
بعدين ما ترميها في الإضاءة المسكينة ....
الإضاءة بتفضح شناتكم زيادة ...😂
الوجوه السمحة بتضوي براها ...
نحن كان صورتنا في ضلام دامس بنظهر زي قمر 14 ....
بعدين الإضاء ظاهرة في لمعة جلحاتك ... ؟؟؟؟؟
بس اوع يكون مجيدو ودعكم بي عالم بطاااااااالة .... 😂😂😂😂
ود الاصيل اهلا و سهلا بيك ياخ الكنزي ما ادانا فرصة نرحب بيك ...
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
عارف يا ابوحسين
الجلحات والشنا دي هي ذاتا المنعتنا ندخل مسابقة وضاحة لاجمل وجه في المنبر
غايتو الزمن عمل عمايلو فينا
عارف بعرض صوري القديمة لبناتي ويحلفو يقول لي دا ما انت امكن واحد صاحبك
حتى صورتي مع امي في سويسرا على ضفاف بحيرة الليمان
قالو لي دا صاحبك مع حبوبة وانت كنت بتصور
يا عالم بلاش شيل حس
ولو كترت الكلام في الصورة
بطلب من مجيدو يسحبها
بعدين اوعا الصورة تكون سبب في تغيير النتيجة فاهم؟
شفتا عمايل اخر زمن النيران الصديقة تنطلق من صورتي؟
لا حولاااااا
ولعلها سانحة ان نورد قصة ابي دلامة الشاعر في العهد العباسي فقد روي عنه :
خل "أبو دلامة" على الخليفة المهدي، وكان يجلس حوله جماعة من بني هاشم، كلهم ذووا حسب ونسب. فقال له المهدي:
ـ والله لئن لم تهج واحدا ممن في البيت لأقطعن لسانك ولأضربن عنقك.
فحار أبو دلامة، وجال بنظره إلى كل من في المجلس، وكلما وقعت عينه على واحد منهم وجده يغمز له، فالغمزة قد تعني وعدا وقد تعني وعيدا.
وبعد تفكير، وجد أنه ليس أدعى لسلامته، وخروجه من ذلك المأزق بلسانه وعنقه سالمين، من أن يهجو نفسه فقال:
ألا أبلغ إليك أبا دلامة***فليس من الكرام ولا كرامه
إذا لبس العمامة كان قردا*** وخنزير إذا خلع العمامه
جمعت ذمامة وجمعت لؤما***كذلك اللؤم تتبعه الذمامه
فإن تك قد أصبت نعيم دنيا***فلا تفرح فقد دنت القيامه
فضحك كل من كان بالمجلس، ولم يتبق منهم أحد إلا أجازه
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: قسم الفضيل مضوي محمد)
|
هوي يا قسم الفضل
كدا ما خربت القسمة عديل
كاردينال شنو
دا دكتور مليادير وهلالابي
وانا رجل بالمعاش وما عندي شهادة ماجستير خلي دكتوراه وفوق ذلك صفوة من المريخ
بالمناسبة عندي نضارة نظر زي حقت الكاردينال الحمدلله ما لبستا
عارف ما لبستا ليه
عشان واحد افتاني ان نضارة النظر للسواقة لا يجوز لبسها في مكان تجتمع فيه النساء
بالله شفتا الفتاوي وصلت وين؟
حولااااا
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
Quote: عارف يا ابوحسين
الجلحات والشنا دي هي ذاتا المنعتنا ندخل مسابقة وضاحة لاجمل وجه في المنبر
غايتو الزمن عمل عمايلو فينا
عارف بعرض صوري القديمة لبناتي ويحلفو يقول لي دا ما انت امكن واحد صاحبك
حتى صورتي مع امي في سويسرا على ضفاف بحيرة الليمان
قالو لي دا صاحبك مع حبوبة وانت كنت بتصور
يا عالم بلاش شيل حس
ولو كترت الكلام في الصورة
بطلب من مجيدو يسحبها
بعدين اوعا الصورة تكون سبب في تغيير النتيجة فاهم؟
شفتا عمايل اخر زمن النيران الصديقة تنطلق من صورتي؟
لا حولاااااا |
يا كنزي اللمعة في الجلحات فندت عزرك بضعف الإضاة ....
اكيد شناتك في الصورة حا تأثر في النتيجة ... 😂😂😂😂
Quote: ولعلها سانحة ان نورد قصة ابي دلامة الشاعر في العهد العباسي
|
صورة مجيدو ذكرتك ابو دلامة ... ؟؟؟؟
بالله هو شين للدرجة دي .. ؟؟ 😂😂😂😂
****************
Quote: يا ابوحسين ....
انت متأكد انه دا (الكنزي) وليس (الكردينال) !!! |
قسيم الريد تصدق اول ما شفت الصورة طوااااااالي جاء الكاردينال في خاطري لكن قلت ما ازيد هموم الكنزي .... 😂😂😂😂
بعدين وين اراضيك .. ؟؟؟؟
**************
| Quote: بالمناسبة عندي نضارة نظر زي حقت الكاردينال الحمدلله ما لبستا |
عشان كدا شفت مجيدو سمح .... 😂😂😂😂😂
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
شوف يا ابوحسين
ما طير النوم من عينا
اصلو طاير من ناس فلان وعلان
والله تغير النتيجة إلا اسحب عضويتي وافك البريق
لانو ناس كتار منتظرين هزيمتي وانزوائي بفارق الصبر
عشان كدا اوعاك والخيانات
بعدين با اخب الصورة دب ماخودة في الضلمة
لهذا لا يعتد بها في الصحافة الاسفيرية
وانت قلتا النتيجة اتغيرت من عشرة صفر ل خمسطاشر صفر
ولسا ما عدلت لوحة النتيجة
واسا الجمور بقى يصفر للحكم بقول ليهو الزمن انتهى خلاص
يا اخي انا ماشي انوم
طمني؟
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: Ali Alkanzi)
|
كدي خلينا في موضوعنا ...
اسلوب الصدمة دا شايفو جاب ليك هوا...
و ما تقول لي ما راجي منهم خير لأنو دا ما منطق
و اختلاف الكثيرين معاك دا مؤشر لي خطأك ...
فا حقو شنو تراجع نفسك في الحتة دي
نعم هدفك نبيل و غايتك الحق لكن دا ما معناه تعفص الناس تحت رجليك عشان تصل ...
لو انا غلطان قول لي ....
و انا ما بتكلم عن موضوع محدد و انما عام ....
كلنا بنطمح لي اننا نعمل على هداية الناس بس باللتي هي احسن
و بي صورة تحبب الناس فينا و في الحق اللي نحن بندعو ليه ....
تحياتي و احترامي
| |
|
|
|
|
|
|
|
|
|
Re: ***** الكنزي 10 منتخب بورداب العالم 0 ***** (Re: ABUHUSSEIN)
|
يا ابوحسين
طاب يومك
اما قولك:
Quote:
كدي خلينا في موضوعنا ...
اسلوب الصدمة دا شايفو جاب ليك هوا... |
هوا شنو يا اخي
والله لو جاب اعصار لن يزحزح قناعاتي
ثم ثانياً انا لستُ بداعية إلى الله إلا في سلوكي اليومي ربما يقنع او لا يقنع احداً
لكن قناعاتي بربي وديني ورسولي ما بزحزحا سودانيزاونلاين
اما قولك:
| Quote: و انا ما بتكلم عن موضوع محدد و انما عام .... |
يا اخ ابوالحسين
بعد شكري لك اقول لك
يا اخي انا انسان تخطيت الستين وتكونت قناعاتي خلال هذا العمر عايزني ابدلا عشان جيت سودانيزاونلاين؟
اكتر من مرة قلت لا اسى على من نفر مني او عاداني ولا افرح بمن وقف معي
الامر عندي تساوى كلية
وانا لستُ بداعية للدين كما قلتُ لك سابقاً
فاقضوا بما انتم قاضون وعند الله العدل لا ظلم ذلك اليوم
لك ودي واحترامي
| |
|
|
|
|
|
|
| |
Ali Alkanzi
محمد أبوجودة
ABUHUSSEIN
دفع الله ود الأصيل
محمد مجيدو
قسم الفضيل مضوي محمد
Arif Nashed
فيس بوك
تويتر
انستقرام
يوتيوب
بنتيريست