البت دي شاقة طريق عجيب . نواع غناء براو براو . غناء طاعم زي موية السعن وانت نازل من لهف . استمري علي منوالك الراقص و العارض يا ايمان . اي لف يو كتير والله يا بنتي .
07-02-2018, 09:01 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
في زمن بسبط البت دي بقت عندها شعبية كاسحة . و تشوف الناس تعبر ليها عن محبة عجيبة . من بداية الحفل . و ربط الفلوس تنفك في مكان واقفة زي المطر . .. ارجو التكرم بي وضع اغنية بدق تلفون ومافي اجمل من انبساط اهلنا الترابلة .
07-02-2018, 09:48 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
ايمان دي ما كانت عندي خلفية عنها ، رجعت افتش عنها في اليوتوب بعد البوست بتاعك دا ماعندها شيء مميز اللهم الا الربابة المصاحبه للكيبورد كدي اسمع اعنية دهابه بصوتا وبصوت عوضية عذاب واحكم براك
07-03-2018, 02:26 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا استاذ عادل الباهي سلامات اول يوم والله اسمع بي عذاب دي . بالنسبة لي صبية ام روابة حضرتها في عرس واحد من معارفنا عيال ابوجبيهة في مدينة امبدة . كانت حفلة عصراوية مولعة نار يا الباهي . العرس جلد لامن فتر . حفلة كانت زي نزال البرازيل مع المكسيك . كانت عصراوية تاريخية يا الباهي . البت غنايه جد
07-04-2018, 07:40 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيزنا ود فرح سلامات السودان يا ود فرح يا اخوي فات ديل علي ديل و تفرد من زمان . السودان قديم قدم النيل في عامة الفنون . ما زالت كلمات الاغنيات منحوتة علي بوابات البجراوية . لو مسكت الغناء حق جيرانا الاحباش حتلاقي 30 في المية منو سوداني تم تحبيشو .
07-04-2018, 08:42 AM
Kabar Kabar
تاريخ التسجيل: 11-26-2002
مجموع المشاركات: 18537
عثمان ..حبابك يا صديق وحباب ضيوفك هنا.. هنا نموذج لبت ام روابة..الصوت واضح شوية.. فكرتها لسع ما واقعة لي كويس ، لكن شغل الطمبور(رجال) وشغل الدلوكة (نساء) في منطقة امروابة مختلف شوية..وحنين للغاية..والأجمل اصوات الناس فيها تلقائية وعمق عجيب..يعني لو نفس الشغل الفي الخلا داك الناس التفت ليهو ودخلت فيه تقنية صوت ساكت ح نلقى حاجات مدهشة للغاية.. النماذج الموجودة في اليوتوب (خصوصا على الطبيعة) تصويرها من شباب هواة حرارة قلب ساكت..فلو نفس التصوير دخلت فيهو شوية احترافية ..ح نلقى اشياء جميلة.. كبر
07-04-2018, 08:45 AM
Kabar Kabar
تاريخ التسجيل: 11-26-2002
مجموع المشاركات: 18537
الشغل تصوير هواة ، عشان كده بتسمع شوية جوطة ، لكن في االبداية صوت البنات واضح وحنين شديد وهي الصبغة السائدة في كل بنات منطقة ام روابة من كل جهاتها..ياخي بنات عندها اصوات عجيبة خلاص..مع ملاحظة الجماعية..حتى الدلوكة بتكون مرات تلاتة اربعة..
كبر
07-04-2018, 08:48 AM
Kabar Kabar
تاريخ التسجيل: 11-26-2002
مجموع المشاركات: 18537
عزيزنا استاذ كبر الرجل الملم بالكتير من المعارف سلامات فديوهاتك التلاتة بمافيهم الشابة ايمانام روابة يورونا انو ابنا كردفان الفاتحين من امثال دكتور عبدالقادر سالم ورفاقو ما نشروا الا القليل جدا من فنون الغرب الحبيب . يعني مازالت كردفان مليانة بي كنوز ما مرقت من حدود كردفان . و اهو ديل بيحاولوا يجلبوا معاهم بعض النفحات . تحياتي وتقدير علي مرورك و نقلك الكريم
07-05-2018, 10:59 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
abas
Hassan Farah
MOHAMMED ELSHEIKH
عادل الباهي عبدالرازق
Kabar
احمد حمودى
فيس بوك
تويتر
انستقرام
يوتيوب
بنتيريست