مسكينة السودانية دي، الظاهر عليها غير متابعة لسودانيز اون لاين. على الاقل كان ما طلعت في البي بي سي وقالت زي كلامها ده. وحظها العاثر هي وقعت في الجماعة بتاعين شمال أفريقيا!!
ديل ختوها ليها عديل كده ومن غير مجاملة.
بعدين بالله شوفو الزولة دي فاسخة وجهها كيف بالله.
ياخ الاستلاب ده بعمل في الناس عمايل بطالة خلاص.
الحق نفسك يا العبار بريمة بلل وأوعك تطلع في التلفاز وتلخبط زي لخبطة المنبر ده بي هناك!
ماذا يوجد عند العرب حتى يفتخر انسان بالانتماء اليهم ؟؟!!!
أنا شخصياً مفهم أولادي بأننا أفارقة وننتمي الى أفريقيا ... وقصة العروبة دي كانت بسبب بعض هجرات العرب القديمة فقط ولكن الغالبية العظمى من السودانيين أفارقة ولنا بان نفتخر بذلكـ
02-15-2018, 06:04 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
الموضوع ده محسوم تماماً، و العالم عشان يغلق الأبواب بتاعت البين بين قالوا [Colored are Black], يعني الملونين و المخلوطين برضو سود. و مافي أي داعي للحزلقة و محاولات التذاكي.
عندنا واحد في أمريكا، سوداني و شكلوا عاجبو، يوم قال ليهم أنا في السودان بيعتبروني أبيض، و جماعة قاموا فكوا الضحكة قررررر، لمن صاحبنا أتعقد. يعني لوجبتا لوشي و لى أي زول، حيقولوا ليهو شوف نخرتك، شعرك، حواجبينك، ... الخ، أو شوف نخرة أبوك أو أمك و ما إلى ذلك، حتى يصلوا بك إلى جادة السواد 😁😁😁
أحسن نقول ليهم، نحنا سودانيون من أفريقيا و ثقافتنا عربية و نخلي كل زول لي تقديره. و جوة بلدنا (بعيد عن الميديا و الانترنت و دي مهمة) ممكن نعوس عواستنا و نركب في رسين بعض بالحق و بالباطل و نفسح صدر المجالس لي ناس بريمة و كل المواهيم و ما أكثرهم في دولة السودان العربية.
02-15-2018, 06:40 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الزولة دي عبرت عن وعي كثيرين أخذوا هذا الزعم من المجتمع وإقتعوا به توارثوا هذا الإنتماء وتبنوه ويدافعون عنه كما تفعل هذه المرأة السودانية الأفريقية علي شاشة البي بي سي مسؤلية نشر الوعي وإزالة التشوهات من خطاب الهوية مسؤلية النخب والمثقفين حتي لا يستمر الناس بهذه الغيبوبة
كامل تعاطفي مع هذه المرأة السودانية التي لم تجد من يزيل عنها هذا الغباش هي تنتمي الي حضارة ولها تاريخ ضارب في الجذور لم تجد من يحدثها عنه لذا كامل تضامني معها في هذه المحنة
د.احمد أمين كلامك والله مكتوب بماء الذهب..اوسكار... وياريت تجاوب على السؤال ده:==وماذا عند العرب حتى نفتخر بأننا ننتمي إليهم؟؟؟ والجواب هو:: والله ما عندهم الحبة دي... واذا عاوزين الزيادة بنزيد ...
02-15-2018, 08:14 PM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
شكراً امتثال تصالحنا مع ذاتنا هو الذي يجعلنا نفخر بانفسنا استغرب اننا اصحاب اعرق الحضارات ونترك كل هذا المجد لنتلصق في اي حضاره اخرى اياً كان مكانتها والله فعلا شيء مؤسف
02-15-2018, 08:14 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
الحل ليس في البردقوش أعلاه يا حمد. فياما في بردقوشات كتااااار بيطبزوا طبيز أجارك الله.. والشكل العروبي ما بيحلهم .
بل الحل في إعادة البرمجة السودانية بتاعة ( عرب ممزوجة بدم الزنوج) الفارغة دي. نحنا نمتلك تاريخ فريد وعجيب ضارب في القدم.. لو كانت دي دولة تانية لكانت استثمرته خير إستثمار . ( أسالوا الشيخة موزة خخخخ) ..
والزولة دي لو كانت ملمة بالتاريخ دا.. عبر المناهج الدراسية أو عبر وسائل إعلامنا المستلبة ..لكانت أفحمت هؤلاء النسوة.. بل وختتهم في علبهم.
لكنه الهروب الأزلي من (الثقب الأسود ) ..ومن الزول الفي المراية.. على قول بشاشا. ومتاهة قوم سود ذوي ثقافة بيضاء.. على قول الباقر العفيف.
02-15-2018, 08:40 PM
Omer Abdalla Omer
Omer Abdalla Omer
تاريخ التسجيل: 03-02-2004
مجموع المشاركات: 4077
طبعا تعريف البنت في الفديو لنفسها من حيث الموضوعية صحيح و لكن الدم العربي قطرة صغيرة و نحن نجعلها الكل و نجعل الأصل الافريقي مصاهرة فقط و ليس أصلا! في ورشة عمل قامت بها منظمة دنماركية في كينيا و كنا من جميع أنحاء العالم.. و لكي يفخروا بتنوع شراكاتهم طلبوا من كل مجموعة تقف في منطقة مختلفة: الاسيويون، أفريقيا شبه الصحراء، اللاتنيون، الكاريبون و كذا كانت معنا بنت سودانية لعلها اول مرة تخرج من السودان فهي تحمل الوعي العروبي تفرقت المجموعات و بالطبع وقفت أنا مع الافارقة.. وقفت البنت متسمرة في الوسط و لم تختار اي مجموعة. أحدي المنظمات الدنماركيات حاولت مساعدتها و قالت لها لعل مجموعتك هي مجموعة الأفارقة.. لدهشة الدنماركية قالت لها هذه البنت و برفض شديد أنا لست افريقية! يمكنك أن تتخيل نظرة الدنماركية و لكنها سألتها بادب ماذا تصنفين نفسك؟ فقالت عربية ووقفت مع اللبنانيات! على عبدالله إبراهيم لو كان معنا لربما وقف موقف هذه البنت المسكينة كذلك! مسأة شعب أسود بثقافة بيضاء..
شكرا يا امتثال .. والله حقيقة لا يوجد ما يدعو للفخر .. بالله اقراوا هذا المقال ..
Quote: كتب الكاتب الفلسطينى أكرم عطاالله ما يلى:
ماذا لو اختفى العرب جميعاً؟ ماذا لو أفاق العالم فجأة، واكتشف أننا لم نعد موجودين؟ بالتأكيد لن يخشى من خسارة أى شىء، فلن ينقطع الإنترنت ولن تتوقف الأقمار الصناعية ولا مصانع السيارات وقطع غيارها، ولن تتوقف أسواق البورصة، ولن يفتقد أى مواطن فى العالم أى نوع من الدواء ولا المعدات الطبية وأجهزة الأشعة وغرف العمليات، ولا حتى السلاح الذى يقتل به بعضنا بعضاً، فلم نقدم للعالم أى خدمة سوى الكلام، وصورة قتل بعضنا فى الصحف ونشرات الأخبار.
ستطل سيدة فرنسية من شرفتها، لتقول لسيدة أخرى: لقد اختفى العرب جميعاً، وستسأل الأُخرى الجاهلة: أنت تتحدثين عن هؤلاء الذين يقتلون بعضهم ليل نهار؟ نعم، وإذا كان أحد يعتقد أننى أبالغ فى رسم الصورة فليقف على مسافة فى أية عاصمة خارج الوطن، وليراقب خيط الدم من ليبيا حتى العراق، مروراً بمصر وسوريا واليمن، وما بينها من أمة نصفها يسبح على بطنه من شدة الجوع ونصفها الآخر يسبح على كرشه من شدة الشبع، وكلهم عالة على البشرية.
هم ينتجون كل شىء، ونحن نستهلك كل شىء، ولا ننتج سوى الكلام، ثم نعيد تفسير الكلام وتأويله وتدويره عن التحريض والكراهية والإقصاء، فكل من العرب له مشكلة مع العرب، ولم تتوقف صراعات العرب البينية منذ فجر التاريخ، دول تكره بعضها وقبائل تتربص لبعضها وميليشيات تنتشر بلا حساب، كلٌ شاهرٌ ما استطاع أن يعده من قوة وخيول لم تتوقف عن الجرى فى ساحات المعارك. وحده الفلسطينى المحظوظ وسط هذه الأمة أن صراعه مع إسرائيل، لكنه لم يشذ عن الأوركسترا العربية، فقد فتح صراعاً مع نفسه، ليؤكد انتماءه لهذه الأمة.
نحن أكثر شعوب الأرض حديثاً واحتفالاً بالانتصارات رغم الهزائم التى تملأ تاريخنا الحديث والقديم، حتى شعاراتنا أكبر من الأوطان، نحول الهزيمة لنصير بمجرد جمل إنشائية، خبراء فى قلب الحقائق وتزييف الواقع والماضى، غارقين فى أحلام المستقبل بأوهام بعيدة تماماً عن واقع آخذ بالانهيار، لا نفعل شيئاً للمستقبل سوى التمنى والكلام.
كان يجب أن يصاب الإقليم بهذه الرجة العنيفة، ليس فقط لتُظهر عرينا السياسى والأخلاقى والاجتماعى، بل تصيبنا بصدمة اكتشاف واقع الحالة العربية التى حاولنا إخفاءها على امتداد عقود وربما قرون أصابت بعض الحالمين بعدوى الأمل الكبير ليغنوا «الحلم العربى» والوحدة العربية قبل أن نعود لعصر الجاهلية ونتحدث عن وحدة الدولة الواحدة فى العراق وسوريا وليبيا واليمن، وكى تنزوى كل أحلام وحدة العرب فى دولة.
لم يكن يتصور أى من الشباب العرب أن أمامهم واقعاً بهذه القسوة وبهذا السوء، ففى لحظة كانت كل الآمال بمستقبل واعد أكثر، ولكن الحقيقة التى نعرفها جميعاً أن كل الشباب العربى الذى يتعرض للتهميش وهو بلا عمل يصطف على الأرصفة فى طوابير البطالة منذ سنوات، وهجرة الشباب العربى باتجاه واحد نحو الغرب، حتى عندما كانت الدول مستقرة، فما بالنا عندما يحدث هذا الارتجاج.
كثيرون يقارنون بين ما يحصل عندنا وما حصل فى أوروبا عندما خرجت للنور على أمل أن يؤدى هذا النفق المظلم إلى نقطة الضوء.. لكن هناك تمايزاً فى التجربتين.. ففى أوروبا صاحب الحروب الأهلية نقاشٌ فكرى هائل، بينما يصاحب حروبنا نزعات انتقامية غرائزية لا تبشر، إذا لم نبدأ نقاشنا وقراءة واقعنا على مهل بعيداً عن صخب السلاح ورائحة الدم.. نقاشاً يبدأ بسؤال: ماذا نحن؟ وينتهى بإجابة كيف يجب أن نكون؟ وإلا فإن الرحيل عن الأوطان هو أفضل الخيارات للأجيال المقبلة..!
02-15-2018, 08:45 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
الدكتور جون قرنق في كلام جميل عن الهويه السودانيه اذا التزمنا به واعتقدنا فيه وجعلناه منفستو سنتجاوز كل العقد وسنرتق نسيجنا الاجتماعي الذي اهترى كثيراً بسبب معتقداتنا ان العروبه تميزنا او ان الافريقانيه تقعد بنا سنفتخر بانتماءنا لهذا الوطن السودان ولهذه السوداناويه التي تشكل ثقافتنا
02-15-2018, 08:54 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
واحده من مشاكلنا يا دينق كل من هب ودب وحصل على شهاده ولقب علمي قدم نفسه كناشط واعطى نفسه حق التحدث عبر القنوات والاستضافه متحدثثاً باسمنا دون معرفه بالضيوف والمستضيف وخلفياتهم والغرض من الحديث الهدف ظهور وورجغه كما يقول كيكي هذه الحاله تمثل الاستلاب في اوضح صوره
02-15-2018, 08:53 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
نعمل شنو ياها خطوط الدفاع الواهية دي ولوشي دي ذاتها لو كانت هناك كان قالوا ليها انتي ما سودانية وحتقعد تدافع عن سودانيتها نحنا خلاس ناقصانا الهوية دي بس - الكلام عن الهوية في ظروف زي دي انا بعتبروا ترف وقلة شغلة ليس إلا
قبل الانتشار الواسع للميديا الناس الكانو بتكلموا باسمنا عارفين بقولوا شنو حتى كلمة نحن عرب دي بتتقدم في الوقت المفروض تتقال فيه بغض النظر عن صحتها أو لا وبمقدرة كبيرة على تبريرها
حاليا تراجع المثقفون لصالح القشور وأي زول لقى فرصة بعبر عننا طوالي بدون معرفة حقيقية بالتاريخ ولا الجغرافيا . هسه شوفي منو البتكلم نيابة عن المعارضة ومنو البدعو للمظاهرات والفيديوهات الواحد فيهم لو سألتيهو ألف باء الثورات شنو ما بعرفها بل شوفي منو القائم على أمر السودان رسميا
خليك من العروبة ولا الأفريقانية ، لو عفونا من البني آدمية دي في نفسها يكونوا ريحونا
من خارج الخط :
لما الحزب الشيوعي دعا لمظاهرة موش طلعت؟ ناس اللايفات شغالين من بعد مظاهرة الحزب الشيوعي للآن ما طلعو 50 نفر
عايز بس اوريك الفرق بين البعرف والما بعرف
02-15-2018, 09:00 PM
Mustafa Mahmoud
Mustafa Mahmoud
تاريخ التسجيل: 05-16-2006
مجموع المشاركات: 38072
حبينا حمد عبد الغفار المسأله مسألة فهم والمام بمادة الحديث ودي لا بتكون بتعرف لا امازيق لا بربر كل البتعرفو الزرعوا في عقلها منذ الطفوله انها عربيه اصيله وينتهي نسبها الى سين من اعراب شبه الجزيره العربيه وراسخ في ذهنها ان الاعراب هم شعب الله المختار الذي خلق في احسن تقويم وهم المكرمين وما سواهم كومبارس وادميين من الدرجه الثانيه لذا تحاول ان تتشبه بهم لونا بالكريمات والتلصق فيهم بالانتماء وعبر شجرة نسب ما معروف مين كتبه والمفهوم دا ما غيرو تعليم ولا هي حاولت تعمل تفكير نقدي لمعتقداتها لذا هي مفتكره عروبته مسأله مسلم بها ولا تحتاج لاثبات ولا يمكن التشكيك فيها
لكن البردقوش الجبتو امريكي ما يحتاج مافيهو اي شخشخه
02-15-2018, 09:07 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الزولة دي طبعا ضحية إعلام موجه يقدم إسماعيل حسن في الإذاعة ويقدم منفستو ( عرب ممزوجة بي دم الزنوج الحاره) دا مشروع هوية مهلهل فتحت له أجهزة الإعلام .. وزي الزولة ي بتكون لقطت الإشارة من المشروع دا ونقطة ثانية وهي التقسيم الإثني في دارفور الي ( عرب وزرقة) مع إنه المجموعات السكانية في دارفور تتشابه ولا تكاد تفرق بينهم .. وبرضه بتكون لقطت إشارة مشوشة من دارفور وثنائية (العرب والزرقه) التي تم علي أساسها الفرز في صراع دارفور للأسف عشان كدا ضروري جدا أن يتحمل المثقفون مسؤليتهم في إزالة هذا التشويش من الهوية السودانية لأنه صدمة عدم القبول ستكون قاسية معنويا لمن يعتقد أنه عربي ثم يلفطه العرب أو يشككون في إدعائه ونفس مصير الزوله دي حيواجهه أخونا بريمة اذا صدح بعروبته أمام العرب أهل الجلد والرأس سيذهبون به الي أقرب فكي ويشبعونه رقية شرعية حتي يعود اليه الصحراء الأفريقيه
02-15-2018, 09:08 PM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
ما تجي نضرط على اليهود في احدى مقالات الكاتب الفلسطيني اسامة فوزي اقترح على العرب ان يفطروا فول و ياكلوا بصل وكلهم يجتمعوا في الاردن على الحدود مع اليهود وفي لحظة معينة يضرطوا على اليهود ماخد في اقتراحو ذلكم الحيوان المعروف في سوداننا باسم ابو العفين الذي يحارب عدوه بالضرطة . عرب مييين وام فتفت ميين الناشطة دي مفروض تاخد دروس قبل ما تطنقع في القنوات عرب شنو الواحد بفتخر بالانتماء اليهم ديل حثالة البشر اااي حثالة اضافو شنو للبشرية ولا شيء ما تقول لي ابن النفيس وسيبويه ديل ما عرب العربي ممكن ابن تيمية الحوراني العزابي المقمل اضاف للبشرية بن لادن وبن عثيمين وبن باز وحسن البنا وبشة وحاج نور
آمنة مختار ازيك انتي زولة يجب ان تحترم
02-15-2018, 09:11 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
د. احمد الامين التصالح مع الذات مهم بجعل الواحد متسق واخر حاجه يفكر فيها العرق وكل تركيزو بكون في الانتماء للوطن والانسانيه والنظر الى ما يجمع ومصدر فخرو بكون نابع من جواهو وماذا قدم للوطن والانسانيه عشان كده الشعوب الاتجاوزت التصنيف العرقي في تفكيره ومعتقداته نهضت وتقدمت على الشعوب التي ما زالت ترزح تحت قيود القبليه والتعصب العرقي
02-15-2018, 09:18 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
احمد الشايقي حضاره 7 الف سنه ولا وجود لها في مناهجنا الدراسيه نحن درسنا التاريخ الاسلامي والافريقي والاوروبي وتاريخ العالم القديم وافرزوا لحضارتنا في هذا الاخير حيز لا يتعدى الصفحات بل نسبوا فيه حضارتنا الى الحضاره المصريه القديمه وما درسناه منفصل من تاريخ السودان هو من دخول الاسلام السودان وكان عنوان رئيسي في كتاب الصف الرابع العرب المسلمون يفتحون دولة النوبه المسيحيه دا عنوان في كتاب يدرس لطفل عمرو 9 سنوات عاوز معتقداتو تكون شنو غير انو يبحث عن سبيل للانتماء للعرب بحكم الدين وبحكم انهم مميزون عن النوبه ومن لايجد مدخل للانتماء يشعر بالغبن والدونيه وللحقيقه هذا المنهج قديم قبل دولة المشروع الحضاري عشان ما نحمله كل خيباتنا وهذه المفاهيم راسخه حتى عند اجداد اجدادنا ومن لم يتلقى تعليم نظامي يعني ما بدأت مع دولة المشروع دولة المشروع فقط استفادت من هذه القيم السلبيه الراسخه في تمكين نفسها عبر صب الزيت في بؤر الالتهاب لتطيل فترة اقامتها عبر سياسة فرق تسد
02-15-2018, 10:47 PM
Sinnary
Sinnary
تاريخ التسجيل: 03-12-2004
مجموع المشاركات: 2770
ولله المشكلة ما مشكلة البت الإتوضعت في مواجهة لئيمة مع مناقشة صريحة لدرجة الصفاقة وعنصرية بدرجة تستوجب توضيح من القناة وهي تسمح بمثل هذا في منبر بهذا الحجم من الشيوع.. وكما قال بصدق الأخ عبد العظيم (الزولة دي عبرت عن وعي كثيرين أخذوا هذا الزعم من المجتمع وإقتعوا به توارثوا هذا الإنتماء وتبنوه ويدافعون عنه) وقد عصف البعض ناقداً تقصير المثقف السوداني بتنوير الأجيال بحقيقة هويتها وألق تاريخها. لكن يا صحاب المسألة هي مسألة خطاب إجتماعي سائد بجينالوجيا تعود للتركية السابقة خطاب تجذره مقولات ومؤسسات ليس من السهل الخروج عنها لأن المعرفة في تحالفها مع السلطة تحقق للسلطة ما يثبتها ويركز مصالحها..ومن الصعب لمن لم تتاح له فرص الخروج للتنفس معرفياً خارج أكسجين المدرسة والميديا والمسجد والمسرح أن يتعرف على إفادات الخطابات المقابلة التي تعمل عملية التحويل البطيء لوعيه الأوّلي ولكن ستظل هذه المعرفة المفارقة (عن الذات والعالم) معرفة ضيقة لا تستطيع إقتلاع الوعي السائد في المجتمع تحت حراسة تحالف المعرفة والسلطة. هذه الفتاة أدلت بدلوها في القضايا المطروحة بوعيها المتناسل عن الثقافة العامة في بلدها لكن لمن أتاحت لهن فرص ثقافة ثانوية أوسع مثل الصديقتان ناهد محمد الحسن وناهد جبرالله يمكن أن تتوقع مفاهمات عميقة مفكرة ومفيدة ولكنها الإختيارات المتعسفة التي نشهدها بإستمرار هذه الأيام لمتحدثين باسم السودان في القنوات المنتشرة كما نزلات البرد هذه الأيام
02-16-2018, 01:40 AM
عمر دهب
عمر دهب
تاريخ التسجيل: 10-19-2014
مجموع المشاركات: 2010
أنا شاهدت الفيديو ولم اجد في كلام البنت السودانية من دارفور أي تجاوز للحقيقة هي قالت أنها خليط ولو اليوم دا تزوج عربي مما يكبر في نفوسهم من زنجية سيكون الناتج إما ملون أو أسود لكن سلوك هذه المرأة المغربية قبيح ويعبر عن صفاقة تجاوزت الحد. وإنكار وجود دم عربي وقبائل عربية في السودان شيء غير موضوعي وفيه كثير من التنكر للحقيقة..العرب موجودون في النيجر ونيحيريا وتشاد وفي السودان أين العجيب في ذلك! في الكويت والسعودية من هي أقرب لملامح الأفريقية من هذه السودانية هل كانت هذه المغربية تجرأت على هذا النحو؟! دي قلة أدب فايته الحد!!!.
02-16-2018, 04:27 AM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
البنت ضحية بالتأكيد المثقفون (بالمعنى المقصود هنا) ليسوا أصل المشكلة فهي ضاربة في القدم لكن الكثير منهم أسهم في تفاقمها البنت ضحية فعلا ومعذورة إذا بتسمع كل مرة في ذكرى الاستقلال واحدة من أيقونات الأغاني الوطنية في السودان: أيها الناس نحن من نفر عمروا الأرض حيث ما قطنوا يذكر المجد كلما ذكروا وهو يعتز حين يقترن حكموا العدل في الورى زمنا أترى هل يعود ذا الزمن ردد الدهر حسن سيرتهم ما بها حطة ولا درن نزحوا لا ليظلموا أحدا لا ولا لا اضطهاد من أمنوا وكثيرون في صدورهم تتنزى الأحقاد والإحن دوحة العرب أصلها كرم وإلى العرب تنسب الفطن أيقظ الدهر بينهم فتنا ولكم أفنت الورى الفتن
لم أتابع الحلقة كاملة، لكن الفقرة المعنية، عنصرية بامتياز ويجب أن تثار القضية مع الـBBC الزنوجة ليست تهمة نتبرأ منها لكن العنصرية في حد ذاتها جريمة
02-16-2018, 08:33 AM
Deng
Deng
تاريخ التسجيل: 11-28-2002
مجموع المشاركات: 52555
Quote: كيفك يا علي هي ما دام اتورطت مفروض تصر على كلامها وتبدأ تهاجم المغاربة ديل بافريقيتهم وامازيقيتهم برضو
بس مفروض زي ديل يودو ليهن البردقوش دا
الاخ حمد عبد الغفار.
أعتقد أن السيدة الجزائرية، أسمها ماليكة على ما أعتقد هي من الامازيق، ولم تكن تحاول أن تدافع على العروبة من أنتماء هذه السودانية لهان ولكنها كانت تحاول أن تدافع عن أفريقانية السودانية التي تتهرب منها.
النقاش رغم أنه كان قاصي بعض الشئ على الاخت السودانية إلا أنه كان يحمل طابع ودي ايضا، والمتحدثات تحدثوا بصراحة كبيرة، وأعتقد من الافضل أن يكون الناس صريحين مع بعضهم البعض عوضا عن المجاملات التي نسمعها دائما من العرب عن عروبة السودانين.
عموما الاخت السودانية دي نفسها هي ضحية للثقافة التي فرضت على جميع السودانيين بالقوة.
02-16-2018, 09:24 AM
عمر دفع الله
عمر دفع الله
تاريخ التسجيل: 05-20-2005
مجموع المشاركات: 6353
اكيد البت لو ظهرت فى تلفزيون افريقى وقالت انا افريقيه مافى واحد بيسخر منها شكلنا افارقه مافى كلام مافى عنصريه من المغربيه فى استغراب انا قبل كده قابلت طبيب ابيض قال لى انا من جنوب افريقيا قلت ليه لايمكن
02-16-2018, 09:52 AM
Deng
Deng
تاريخ التسجيل: 11-28-2002
مجموع المشاركات: 52555
أي زول في السودان من حقه أن تكون له هوية خاصة به، وحتى لو كان هنالك من يتبنون هويات أخرى مثل الهوية العربية.
ولكن الطامة الكبرى والخطاء العظيم الذي حدث في السودان هو أن الحكومة نفسها وبعض المثقفين في السودان عملوا جاهدين على فرض الهوية العربية الإسلامية على جميع السودانيين, والنتيجة كانت طبعا كارثية. وعندما أسمع رجل جده دنقلاوي وجدته دينكاوية مثل الصادق المهدي يقول أن أن الحركة الشعبية تريد "أفرقة" السودان، فهنا أنا أتوقف وأتعجب. والصادق المهدي كان كان دخل في حوار زي بتاع الاخت السودانية ده حيكون منظره ورايه لا يختلف كثيرا عنها.
02-16-2018, 09:44 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
القائلة امازيغية مصرية من الواحات كانت تحاول تدي السودانية راسا الحوار المنزوع عن السياق يبدأ من الدقيقة 26/26 الأخت أماني لم تقل بإنتماءها للعرب بل تباهي بانها ازمازيغية مصرية وليست عربية فمعايرتها للسودانية اصلا صحيحة ان جاءت في سياقها الكامل بس الزعلني انها ادعت بان ( النيل ) كلمة امازيغية رغم علمي بوجود تشابه يزعمه البعض بين لغتنا النوبية واللغة الأمازيفية لكن كلمة ( نيل ) نوبية صريحة وواضحة جدا (ني ) عندنا في الدنقلاوية الكنزية والمحسية الفديجا معا بمعني (اشرب) .. و( نيل ) هو مكان الشرب بالنوبية فلا مجال لمحاولة البحث عن مقاربات بعيدة من الامازيغية ربما أتت من الامازيغية أقول ربما لكن المحاورة فسرت كلمة (نيل ) بمعني أزرق وهذا قد يبعد المقارنة ولكن لا اعتراض عندي انه النوبة كاثنية أو بعضها أتى من الواحات وقد قرأت في غير مكان بهذا الزعم وهذا ما قد يعضدد نقاط تلاقي بين النوبية والامازيغية لكن الأمر يحتاج لبحوث تؤكد هذا الزعم
رغم كل التبرير بتاعي ده لكني ارى الامازيغية تحاول الانتماء للامازيغ سلبطة منها رغم علمي بقدم وجود الامازيع بالواحات قديما لكن أمازيغ مصر قشرة ساي هههههه فلا لغة لهم ولا هوية امازيغية واضحة في الواحات بمصر وقد تلاشت كثير من سمات الامازيع فيهم وحتى في ليبيا وتونس قليل هم الامازيغ المتمسكين بهويتهم لكنهم في الجزائر والمغرب اصحاب ثقافة قوية تبز اللغة والثقافة العربية وصمدت في وجهها تمام كالنوبية عموما هي محض مهرجلة ومهرّجة كثيرة الهرتلة وعندها رشاقة زائدة ولم توفر أحدا من المتحاورات والمحت لهن جميعا بانها غير عربيات هي عايزه تظهر كعادة اصيلة في اولاد بمية خخخخخخخ
02-16-2018, 10:56 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
الحلقة كاملة في الفيديو الانا جبتو فوق .. انا برضو حسيت انه الكلام مسحوب من سياقه .. عشان كده مشيت فتشت الحلقة الكاملة عشان اشوف السياق كامل .. لكن ده برضو لا يمنع بانه الاخت دي بتبالغ !! ..
عرب شنو كمان في الصقط ده .. ..
02-16-2018, 10:01 AM
Kabar
Kabar
تاريخ التسجيل: 11-26-2002
مجموع المشاركات: 18537
ياربي المولد ده فات حبيبنا محمد البشرى خضر كيف؟.. ود البشرى عودنا دايما انو صاحي وواقف للمتلاعبين المغرضين فوق حلوقهم..حتى صابتو زهجة من المناتلين وقال حيكومة الإنقاذ ما بتسقط بالكضب..
التحية لود البشرى..والتضامن معاهو كمان..!
اها يا ود البشرى: انا باضت لي في قفص ..وخمس وعشرين عصفور بي حجر واحد..ارش ولا انقرع؟..
كبر
02-16-2018, 10:08 AM
Kabar
Kabar
تاريخ التسجيل: 11-26-2002
مجموع المشاركات: 18537
الفيديو..مصنوع وبامتياز..واستغرب كيف يعني ود الفكي يبلع طعم الجداد الإلكتروني بالسهولة دي..أيوه يا محمد علي الفكي ..وعارفك ما ح تصدقها..ده شغل الجداد الإلكتروني بالباب العديل..!!
شكرا يا ايمن الفاضل(السواك ود الفكي ايمن الصادق في صمة خشمك)..شكرا يا منتصر عبد الباسط..شكرا يا صديقي معاوية الزبير..كدت ان افقد الثقة في اهل امسودان ، ولكنكم..بتدو الزول شوية يقين..
ويا جماهير السادة المناتلين..كلكم سقطوا في امتحان حقوق الإنسان..ودقيتوا الدلجة وطلعتوا بتاعين جعير ساكت..!
اساتذتنا الأجلاء دكتور عمر عبد الله ، دكتور ماجد سناري واستاذنا احمد الشايقي..لو كلفتم انفسكم مشقة مشاهدة الحلقة كاملة وعاينتو المسافات بين كلام الأستاذة بت ابا احلام مهدي صالح والمجوبكة الحاصلة في الفيديو المعروض هنا كانت وضحت ليكم الحقيقة..
ولو كلفتم انفسكم بمشاهدة الحلقة كاملة لرأيتم ان كلام احلام مهدي صالح هو كلام كل زول أو زولة بتبحث عن احترام التنوع في السودان..!
طبعا المناتلين والمناتلات..الكرماء منهم والكريمات ، واللؤماء منهم واللئيمات ..الضحك ح يشرطهم جميعا..لو عرفوا ان الناشطة احلام مهدي صالح معارضة لحكومة الإنقاذ وبتقول سبب لجوءها لمصر لأنو الإنقاذ افتعلت واخترعت الحرب في دافور وضربت النسيج الإجتماعي في دارفور وفي كل السودان..!!
الإنقاذ كعبة شديد يا ود البشرى ، لكن الأكعب منها غشامة المناتلين والمناتلات والمعارضين والمعارضات..!!!
ياخي كل ما الواحد يشوف وش البديل في العالم الغشيمة دي..بدون ما يشعر يلقى روحو بيشجع الإنقاذ..فعدو ذكي اخير من رصيد غشيم ساكت..!!!
كبر
02-16-2018, 10:17 AM
Kabar
Kabar
تاريخ التسجيل: 11-26-2002
مجموع المشاركات: 18537
Quote: واحده من مشاكلنا يا دينق كل من هب ودب وحصل على شهاده ولقب علمي قدم نفسه كناشط واعطى نفسه حق التحدث عبر القنوات والاستضافه متحدثثاً باسمنا دون معرفه بالضيوف والمستضيف وخلفياتهم والغرض من الحديث الهدف ظهور وورجغه كما يقول كيكي هذه الحاله تمثل الاستلاب في اوضح صوره
محمد علي الفكي..حبابك
في دينك دي امه يرفعوا ليها علم؟..
ياخي كنت قايلك من الناس الفيها رقشة..لكنك طلعت فشوش ساكت..!! فشوش لدرجة انو الجداد الإلكتروني بيخمك زي الترتيب..ويخم معاك البشرية في الفيس بووك..والواتساب..وكل جخنون ونسة سودانية..!
ايام كتلة دكتور خليل ابراهيم..عضو المنبر محمد مجذوب مصطفى ملأ الدنيا جعيرا بان احلام مهدي صالح هي التي كانت تحادث المرحوم الشهيد خليل ابراهيم لمدة 45 دقيقة لغاية ما الصواريح عرفت تحدد وين موقع المرحوم خليل ابراهيم وعينك ما تشوف الإ النور..!!..طبعا نقينا في محمد مجذوب مصطفى ..وبعض من عيال دارفور الناشطين بلعوهو ليك حكاية انو عندو دكتوراة ..ناهيك عن استهداف احلام مهدي صالح..! محمد مجذوب مصطفى نشر في الراكوبة بطاقة اللجوء التي منحها مكتب الأمم المتحدة في القاهرة للناشطة احلام مهدي صالح ..وكتب مقالة مدبجة ليقول للناس انو اكتشف من سقط حجر المرحوم خليل ابراهيم..ولأنو عندو مشاكل خاصة مع احلام مهدي صالح حاول يلبسها التهمة..واحلام نفسها بتقول انو جهاز الأمن الوطني كان بيحقق معاها بعد اغتيال دكتور خليل..وفوق لذلك ، كأم ، كانت خايفة انو يتم انتزاع بناتها منها..!!
ورغم ذلك..اهو في سنة 2018 بتظهر احلام مهدي صالح في اذاعة البي بي سي..ويغيب المواطن السوداني محمد مجذوب مصطفى ..وبتقدم كلام طيب عن فكرة التنوع في السودان ، والأهم بتقدم سبب واضح انو شنو الأجبرها على ان تتحدث عن هويتها لغاية ذكر قبيلتها..!!
الخوف يا محمد علي الفكي انت في ذات نفسك تطلع (كل من هب ودب)..!!
كبر
02-16-2018, 10:49 AM
Deng
Deng
تاريخ التسجيل: 11-28-2002
مجموع المشاركات: 52555
Quote: الفيديو..مصنوع وبامتياز..واستغرب كيف يعني ود الفكي يبلع طعم الجداد الإلكتروني بالسهولة دي..أيوه يا محمد علي الفكي ..وعارفك ما ح تصدقها..ده شغل الجداد الإلكتروني بالباب العديل..!!
طيب أنت أثبت لنا أين هو الفيديو الحقيقي؟؟
إذا وجد يختلف عن المنشور طبعا؟؟
حالة النكران لن تغير الحقيقة ابدا
02-16-2018, 10:51 AM
Kabar
Kabar
تاريخ التسجيل: 11-26-2002
مجموع المشاركات: 18537
هنا الحلقة الكاملة من برنامج (دنيانا) الذي تقدمه المذيعة ندى عبد الصمد في اذاعة البي بي سي العربية..الحلقة نشرت في 12 فبراير/شباط 2018.. عنوان الحلقة (من نحن؟)..والمذيعة ندى عبد الصمد اشارت ان السبب الأساسي في اختيار هذا الموضوع بالتحديد كان من اقتراح سوداني..زول سوداني اقترح على البي بي سي ان تعمل حلقة نقاش حول هذا الموضوع الهام.. ومناتلي سودانيز اونلاين والفيس بووك والوتساب يعلفوا ويغرفوا العميان شايل المكسر..!!
الأهم..أي زول او زولة ..شجاع او شجاعة..وباحث عن الحقيقة..سيتابع الحلقة كلها وسيقارن بينها وبين الفيديو الذي تداوله المناتلين والمناتلات بلا فهم وبلا وعي وبلا حساسية تجاه حقوق الإنسان..!!..
المعارضة التي تسقط في اختبار مادة حقوق الإنسان هي معارضة موهومة وغشيمة وما عندها التكتح..!!
المشتركات في الحلقة: مقدمة البرنامج: ندى عبد الصمد الناشطة السودانية: احلام مهدي محمد صالح ، رئيسة جمعية (الأحلام) الآفرو اسيوية للتنمية والسلام دارفور ، الناشطة المصرية الأمازيغية: اماني الوشاحي.. الكاتبة والباحثة الليبية: فاطمة الغندور مليكة الشيكر: رئيسة منتدى المرأة العربية بالمغرب..!
ويبقى السؤال: من صنع هذا الفيديو المتداول والذي تظهر فيه الدبلجة والقصقصة والإستهبال؟..
في حين انو في الحلقة الأصلية..احلام صالح قالت للناشطة المصرية اماني الوشاحي انتي عربية..وكان رد اماني: انا عربية؟..نو ..نو..اما مش عربية..!!
الجزئية الصغيرة التي حدث فيها الهرج ومرج..هو جزئية بعيدة للغاية..وممكن تودي البي بي سي العربية التوج..!!
المحزن ان المناتلين السودانيين يقدمون ابشع نموذج للمستلب الذي يموت فداءا لمن يستلبه..!
تعلق السودانيوان بموقف احلام مهدي وقولها انها عربية افريقية..وتماهي المناتلين مع موقف المصرية اللئيمة اماني الوشاحي التي سخرت من احلام مهدي..وهنا سقط المناتلين السودانيين في اختبار حقوق الإنسان وسقطت قبلهم اماني الوشاحي وبالطبيع سقطت البي بي سي العربية..وده شغل محل مش هنا..!! المناتلين السودانيين عندهم القدرة على ان يضربوا السودان واهل السودان وقيم اهل السودان وقيم حقوق الإنسان وقيم الديموقراطية..لهم القدرة على ضرب كل ذلك من اجل تحقيق انتصار مؤقت يشفى غليلهم وغبنهم وحقدهم..!!
السودان يا صديقي معاوية الزبير..ماعاد هو السودان الرحيم..سودان لو اتطايبت النفوس العنقريب بيشيل مية..!!..
شكرا يا ود الفكي..
و طالما ناس الإتحادي الديموقراطي اليومين ديل عاملين فيها ضبان ضكر..نحن بنعرف شغلنا كيف..!!
نعم سنفتح النار في كل الإتجاهات..!
كبر
02-16-2018, 11:34 AM
Deng
Deng
تاريخ التسجيل: 11-28-2002
مجموع المشاركات: 52555
بالعكس تماما" الناشطة دي شجاعة جدا" وواضحة جدا" في رؤيتها لهويتها وأصلها عكس الضيوف المعاها في الأستوديو والناس المعلقين في البوست ده والاغلبم عندهمتشويش متعمد جدا" في مسألة الخلط والقفز بين مصطلحات اسود وزنجي وافريقي! وحتى بين الشكل البيولوجيا الخلطت بينم الضيفة في الاستوديو خلط ينم عن جهل كبير! المتحدثة لم تنفي أنها إفريقية ودي حاجة اصلا لا تتضارب مع كونها عربية أو لا فبما أنها سودانية أو مصرية أو مغربية أو حتى لو كانت من بيض جنوب افريقيا هي إفريقية. وافريقيا بها اعراق شتى قبطية وامازيقية وعربية حبشية وقبايل نيلية والخ الخ وبرضو أكدت أنها من مجموعة قبلية هويتها خليط بين العربية والزنجية ودي حاجة طبعا بتجيب كثافة ناس البورد الشايفين انو كونو يكون في مكون عربي في اي سوداني ده منقصة ليهم لكنها حقيقة شئتم ام ابيتم السودان ده بيشمل عرقيات بتجمعم السودانوية فقط توجد قبايل عربية وعرق نوبي وقبايل دارفورية وقبايل شرق السودان والنيل الأزرق وجنوب السودان وفولاتي والخ الخ الحاجة الاخيرة حكاية اللون البستخدموها منتسبي ( الافريقانية) لنفي عروبة البعض وكأنهم شايفين ان العرب بيض ده جهل مخجل أن يقعوا فيهو وكونو يشوف أنو اللبنانيين والأقباط الأمازيغ والشركس وكل الاعراق دي ممكن تكون عربية بس عشان اللون! العرب ما بيض وحتى العربي ده لما يمشي الغرب وفي خانة الاعراق ما يمشي مع البيض ناهيك عن العرب المختلطين باعراق تانية! ال سعود ولا نفسهم عندهم سمر في اسرتهم ناهيك عن البقية فهل يقدح انو ما عربي مثلا"!!
02-17-2018, 06:25 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
عثمان الامام مشكلتنا مع العروبيه في السودان هي الاستعلاء على الاخر وزي ما قلت الخلطه ما بين الاعراق في السودان نتج عنها مركب جديد وهو السوداناويه وهذه هي هويتنا الحقيقيه وما يجمعنا لا عروبه ولا افريقانيه
02-16-2018, 12:08 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
عليك الله يا كبر بتكاكي مالك من الصباح .. ههههه .. صحيح انه تم ابتسار الفيديو وتم نزع الكلام من سياقه .. فتغيرت زاوية الشوف في اعتقادي .. لكن عليك الله الاتغير في عضم الموضوع ذاتو شنو ؟.. ما ياهو عكس لنفس التعامل الفوقي الذي ذكرته الاخت .. في تعامل العرب معكم كمدعي عروبة في السودان .. تعامل بمنتهى السخرية والتهميش والفوقية .. فضلا عن عدم الاعتراف لا بكم ولابعروبتكم .. وعلى كافة المستويات الرسمية والشعبية .. فمافي شي اتغير اللهم الا الماعون الاتقدمت فيهو الفكرة .. لكن الملاح ياهو ذاااتو بي ذاتو مافي فرق .. ووش البامية ياهو ذاتو لا بيغبانا ولا حاجة .. غايتو كان لي مصر دي اصلا مافيها عرب يملوا ليهم دفار .. وبيمارسو في شغلة اب سنينه البيضحك على اب سنينتين .. فهم اكتر شعب ملقّط أتى من كل حدب وصوب .. ولا علاقة لهم بالعرب خير شر كان صنقروا .. طبعا هم بيمارسوا نفس التلّصق القاعدين تتلصفوهو انتو .. في العرب لكن اخير هم لاقين ليهم شوية رز .. خخخخخخخ .. طبعا ده بعيدا عن كلام اماني الوشاحي .. التي نكرت الانتماء للعرب خطب .. لكن سياق التناول اقتضى اصطحابه ..
ما عارف ليه انت حشرت المعارضة في الموضوع .. وجيّرت الفكرة كلها لتوجهات سياسية بعينها ... الافريقانية يا كبر لا علاقة لها بتوجه سياسي معين .. الفكرة تتلخص في الايمان بافريقانية هذا البلد .. وانه ولن ينصلح حاله الا بوضعه في التراك الصحيح .. وتوجيه كامل توجهاته وجهوده وعلاقاته العميقة نحو افريقيا .. حينها حيكون له عند العرب العاجبنكم ديل قيمة ووزن وشأن .. لكن بالشايفنو هسه ده ياهو استمرار جنس الملطشة .. وجنس الكلام الحرقك ده وجريت قبقبت علي الفكي .. رغم اقراري بتسرعه في ادراج الفيديو .. لكن الوضع ما اتغير كتير اللهم الا كان داير تخلي عضم الموضوع .. وتمسك في ود الفكي فهذا شأن آخر .. ـــــــــــــــــــــــــــــــــــــــــــــــــــــــــــــــــــــــــــــــــــــــــــ
الفيديو ورغم عدم قناعتي بي حكاية عرب وما عرب دي .. لكن جبتو ليك فوق .. يبدو انك وقتها كنت بتجهز مداخلتك .. فلك العذر في انك لم تنتبه لاني قرّبت ليك الكوريق عشان تردم .. هههههه
مرحى بتواحد حرفك الدائم في المنبر يا كبر فرغم هنات تعتريه احيانا.. وبعض اختلاف لنا كمتابعين معه لكنه قلم باذخ بلا شك ورقم كبير ..
02-16-2018, 12:22 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
يا كبــر ما بتقدر تطفش الكورة الموضوع واضح والكلام واضح ومفهوم ما تقعد تفنجط وتحاول تغير مجري النقاش انا شخصيا متعاطف مع الزولة دي لأنها مشوشة وما قادرة تعبر عن هويتها بي شجاعة وشغالة تدافع عن عروبة السودان ومحتجة عن عدم ذكر العرب للسودان في إستشاهدهم بالدول العربية وتلح في المطالبه بأن يمنح العرب صك العروبة لدولة السودان الكلام دا يا كبــر في الفيديو الفوق دا .. أنا متعاطف مع الزولة دي لأنه في ناس بي وعيك دا شوشوا عليها في موضوع الهوية وخلوها تمسك في شعبة مايلة وترفع شعار زائف للتعبير عن نفسها وحضارتها ودا حيكون مصير أي زول متشعبط في الهوية العربيه بالسلبطة لأنه بي ببساطة شكل السودانين وملامحهم الظاهرية الأفريقية وطريقة نطقهم للحروف العربية وعاداتهم وتقاليدهم وثقافتهم الشعبية ما بتأهلهم ولا بتساعدهم في حمل لواء الهوية العربيه
ا
02-16-2018, 12:36 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
سلام يا دينق فعلا اتضح انو الباقيات ضد مسالة التلصق في العرب لغير العرب وفي رايهم انو السودان ما فيهو عرب بس يا دينق الامازيق بشكل عام هم ضد العروبة ولا ينظرون للعرب الافارقة غير انهم مجرد محتلين دخلاء عموما النكران ما بغير الحقائق وبعدين مافي نقاء عروبي حتى في جزيرة العرب كل الاشكالية هي اختلاف وتدرج اللون في افريقيا.
02-16-2018, 01:04 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7212
Quote: الجزئية الصغيرة التي حدث فيها الهرج ومرج..هو جزئية بعيدة للغاية..وممكن تودي البي بي سي العربية التوج..!!
أنا شوفت الفيديو بكامله قبل ما ينزل هنا و قريت تعليقات الزملاء هنا و عرفت رايهم. عليك الله تعال وريني الجزئية الممكن تودي البي بي سي للتوج دي وينها و في ياتو دقيقة من الفيديو عشان نشوف فهمك.
02-16-2018, 01:07 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
ده شنو ده يا بريمة .. .. بالله انت بتخاف برضك !!! .. يا زول سريع رجّع الرسالة المسحتها بتاعة حميدتي .. وأشباه النوبيين والاّ أنا بقوم ارجعها ليك تاني هنا ده .. عارف يابريمة التسرّع والقاء الكلام جزافا وعلى عواهنه .. أمر في غاية الخطورة والكلمة كما قالوا كالرصاصة .. فحاول درّب نفسك على انه لو جاءك أي انفعال .. ان تحجم عن الكتابة حتى تروق وتعود لطبيعتك .. وربنا يوفقك يأخ .. ما عارف ليه انت بتفترضوا انه لو زول قال بعكس ما تقول .. معناته بيكرهكم ولا يحترمكم ولا يقدركم .. الكلام ده غير صحيح بتاتا .. نحمل لكم انت وحبيبنا كبر كل التقدير والمحبة .. ومافي شي بيخلينا نكون غير صادقين .. اصلا مافي دافع يخلينا نكذب عليكم في نقل مشاعرنا .. فحاولوا عليكم الله وسّعوا مواعينكم شوية .. لتستوعبوا أمر مهم جدا انه الاختلاف لايفسد للود قضية ..
عارف يابريمة وللمعلومية .. اشباه نوبيين ديل واللي ممكن تطلق عليهم مجازا الاسم ده.. رغم علمي التام بانهم نوبيين تعرّبوا وفقدوا لسانهم النوبي .. وهم المنطقة الجنوبية من النوبة العليا في السودان زي البديرية .. الواقعين جنوب المنطقة النوبية وكل مناطق الشايقية .. فديل نوبيين وبجدارة لكن فقدوا لسانهم النوبي .. بفعل امتازحهم الكثيف بالقادمين للمنطقة النوبية .. لكن بقيت المنطقة كلها تشير الى انهم نوبيين .. شمال المنطقة دي هناك كردون للغة النوبية .. ومعروف بيبدأ من وين وبينتهي وين وبالقرية واسمها .. سواء شرق النيل او غرب النيل .. وكذلك مناطق التماس بين الدنقلاوية والمحسية .. معروفة جدا وفيها بيتم استخدام اللغتين .. الدنقلاوية والمحسية معا .. ومناطق الامتزاج معروفة وفرضتها ظروف تهجير .. جزر المحس التي هددها الفيضان واغرق اهلها .. وتم تسكينهم شمال مناطق الدناقلة .. وكذا المنطقة الفاصلة بين المحس والسكوت .. وكذا بين مناطق السكوت ومنطقة حلفا ,, كل المناطق دي مقسمة وبالقرية جغرافيا ولغويا .. مافي شي ساي كده يابريمة ... عموما شخصيا اعتقد بنوبية البديرية والشايقية .. وكل حدود ممالك دنقلا القديمة فهي نوبية وبجدارة .. مافي اشباه نوبيين يا بريمة فما تجوط الشغلانة ساي .. وتجي تمسح .. خخخخ ولاّ خايف من حتة تحريش حميديتي علينا .. ههههه .. انت شكلك داير تلحق الراجل ده موسى هلال وحاة الله .. خلي الراجل في حاله وماتجيب ليهو هوا ساي .. في صمة خشمو .. خخخخخخخخ
قلت لي متابع كتاباتك وجاي تضرب ليهو بروجي .. والله انت زول انتيكة خالص يابريمة ..
تقديري ومحبتي لك حبيبنا العزيز بريمة .. وعبرك المحبة والتقدير لمولانا كبر .. نتابع ماتكتبون هتا بالمنبر .. حتى وان كنا غير فاعلين ولا مشاركين .. فاعملوا حساب لكل من يقرأ حروفكم .. وماتخلوا الانفعال والتسرع يخرب عليكم ..
يابريمة والله نحن الا اتعلمنا لغتكم دي في المدرسة .. هههه .. هسه امي الله يديها العافية وهي تكبرني فقد بي 19 سنة .. والله الا أشرح ليها كلام بعض الناس البيتكلموا معاها من الجيران .. أو في السوق او المواصلات رغم انها خرطومية من زمن بعيد جدا .... فمافي اشباه نوبيين يا عمك .. ما تجلبغ ساي .. ههههههه ..
02-16-2018, 02:00 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
الحلقة دي اتصلت بي أختي زعلانة وحكت لي عنها قبل ما تنتشر في وسائل التواصل. الزولة ما فاهمة موضوع الحلقة شنو.. وما جهزت نفسها كويس وعملت الهوم ويرك بتاعها.. بس لفحت أحلي توب عندها وجات جارية ..كعادة الكثير من السودانيين تلقي الواحد أول ما تجيهو دعوة للظهور الاعلامي بس يزبط بدلة وكرفتة كيفما أتفق ..ويقوم جاري ..ومعظمهم مطبزاتية كبار !
الظهور الإعلامي بإسم بلدك ما حاجة سهلة. إنت هنا مفترض تمثل بلدك وثقافتك بصورة مشرفة.. وإلا مافي داعي للشوبار.. ولو رشحوك وإنت ما واثق من نفسك ما تخاطر.. رشح لهم من هو أصلح . والترشيحات الزي دي مفترض أن لا تبني على العلاقات الشخصية والصداقات والولاءات والرفقة التنظيمية أو القبلية.
مثلا فاطمة غزالي ورشا عوض قبل كدا في نفس البرنامج دا كانوا مشرفات جدا.
أضف الي ذلك تساؤل أراه مهما في نظري : من وراء هذه اللافتات الكبيرة التي تحمل أسماء منظمات يترأسها أشخاص لا يفهمون معنى إسمها ذاته.. ناهيك عن أي طرح أو برنامج مفترض تمثله هذه المنظمة ؟!!
هل هنالك ناشطة سودانية حقيقية ممكن تتكلم عن تعدد الزوجات بالسبهللية التي تحدثت بها الأخت أحلام ؟!! راجلها عرس صحبتها وهي كانت مبسوووطة ..وخطبت لأبوها ضرة لأمها!! دا شنو الكلام الفارغ دا ؟! وهل بيمثل كل شعوب السودان ؟! ولازمته شنو أصلا ؟!
شخصيا أمثال أحلام صالح لا يمثلنني ولا يمثلن ثقافتي كسودانية عموما.. وكإمراة سودانية خاصة . وهي عندي زي وداد وأي كوزة أخرى .
02-16-2018, 02:33 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
نقطة مهمة جداً يجب أن نقرأها .. وبفهم دقيق للغة يكتب بها صاحب البوست .. وبنت خاله المكة ..
Quote: المسأله مسألة فهم والمام بمادة الحديثودي لا بتكون بتعرف لا امازيق لا بربركل البتعرفو الزرعوا في عقلها منذ الطفوله انها عربيه اصيلهوينتهي نسبها الى سين من اعراب شبه الجزيره العربيه وراسخ في ذهنها ان الاعراب هم شعب الله المختار الذي خلق في احسن تقويم وهم المكرمينوما سواهم كومبارس وادميين من الدرجه الثانيه لذا تحاول ان تتشبه بهم لونا بالكريمات والتلصق فيهم بالانتماء وعبر شجرة نسب ما معروف مين كتبهوالمفهوم دا ما غيرو تعليم ولا هي حاولت تعمل تفكير نقدي لمعتقداتها لذا هي مفتكره عروبته مسأله مسلم بها ولا تحتاج لاثبات ولا يمكن التشكيك فيها لكن البردقوش الجبتو امريكي ما يحتاج مافيهو اي شخشخه
وللعلم أن صاحب البوست والمكة بنت خاله .. يعتبرون من أولاد دار جعل .. وجدهم العباس ..؟ بربكم هل وجدتم جعلي .. جده حقيقة العباس ينقد العرب بهذا الشكل المهين؟ لا يوجد .. ومن ينتقدون هذا النقد هم ليس من سلالة العباس .. وإنتموا إلي العباسيين في السودان بعامل الحماية .. هم مفروض يوجهون هذا النقد لأنفسهم، قبل غيرهم، ويتخلصوا هم من دونية العرق التي تعتريّهم .. بدل أن يرموها في الأخرين ..
هذا النقد الذي يقدمه محمد علي .. يؤكد .. مراراً وتكرار .. وفي بوستات كثيرة جداً أن محمد علي الفكي وبنت خالة .. يبحثون عن ذاتهم ..
في مقال كتبه الأستاذ شوقي بدري في منتدي سودانيات عام 2007م .. تحت عنوان "فقرا وسحرة" كتب الأتي:
Quote: فقرا وسحره
اغلب الاشياء التى تبدو كظواهر غير طبيعيه يكون لها تفسير منطقى قد يخفى علينا فى وقت من الاوقات الا ان هنالك ظواهر اخرى لا يمكن تفسيرها . السناهير كانوا يطبون المجانين فى امدرمان ولقد اشرت لهم فى كتابى امدرمان زمان , وكذلك الشيخ المكى البكرى الحنفى واثنين من ابنائه كانوا معى فى الكتاب . واراد الشيخ ان يشترى منزل العم خضر رحمه الله الياس المعروف بالحاوى ووالد الموسيقار عبد اللطيف وصديقى حسين . وعندما لم يقبل العم خضر بدأت الحجار تنهار على منزل العم خضر وتحدث اشياء غريبه وبالسؤال كان رد الشيخ ان السبب هو شمهاروش شيخ الجان . وفجأه صارت الحجاره تأتى بكثافه وفى وسط الليل وفى الفجر ولكن فى بيت الشيخ . فإضطر الشيخ الى الاستعانه بالاجاويد . فقال عم خضر شمهاروش بتاعى انا أقوى . عم خضر استعان بركيبى القهاوى وصعاليق السوق . لان الرخصه لكل الملعوب من نوامات ( دوارات ) بريمو الواح لبس تكسب فى المقاهى وحديقه الحيوان والريفيرا والجندول كانت بإسمه وهو يقدم عروض سحر وحوى فى سرايا الحاكم العام . وعمنا خضر جند جيشاً من ملاعين السوق للشيخ المكى البكرى الحنفى . عمنا خضر قد عاش عشره سنوات فى الهند والسند والملايو وتعلم العزف على الاكورديون والسحر ولاحظ هذا فى العشرينات. وكانت له دميه تسمى مستر شيكو تتحدث وتغنى . والشيخ لم يكن يعرف مع من يتعامل . عمنا خضر كان زبوناً دائما فى قهوه يوسف الفكى , فأوقف سياره تكسى وبعد ان فتح الباب وطلب من السائق اخذه لمشوار اقفل الباب لكى يواصل حديثه فانطلق السائق وعندما وصل وجهته لم يجد العم خضر فقام بقفل الزجاج والابواب ورجع الى القهوة وصار يصرخ عم خضر فى العربيه لكن ما ظاهر . كان ما عاوز يدفع لى حق المشوار ما مهم بس ما يجننى انا زول عندى اولاد. بينما العم خضر عند احد الحلاقين دخل شخص واصيب بهستيريا لان مرايه الحلاق كانت مكسوره والجزء المكسور كان موضوعاً بالقرب بحيث ظهر وكأن للعم خضر رأسين ونسبه للخلفيه فلقد ظن الشخص ان العم خضر عمل ليهو راس تانى . احد السحره الذين يطرفون الباب فى امدرمان ويدعون انهم يخرجون الثعابين من المنازل , ايغظ العم خضر من نومه لانه ينام فى الضحى ويسهر فى قهوه يوسف الفكى ومع حسن الكنزى بائع الفول والطعميه . فطلب من العم خضر الدخول . الا ان ثعابينه اختفت بعد ان اطلقها . وبعد ترجى وتحانيس وافق العم خضر على ارجاع ثعابينه بعد ان وعد الساحر بعدم الاقتراب من حى الرباطاب . العم النصرى حمزه كان المدير المالى بمدارس الاحفاد وهو اول سودانى يتقلد منصب ناظر مدرسه ثانويه بعد البريطانيين الثلاثه لانك , براون , وجض . العم النصرى كان لا يضع فلوس حسين مع بقيه المصاريف كان يقول لحسين تجينى آخر زول . ثم يفتح درج خاص ويطلب من حسين ان يضع فيه الفلوس بيده ويقفل عليه ويقول لحسين تجينى بكره للوصل واذا قروش ابوك دى انقلبت مافى وصل .
العباسيه امدرمان كانت مليئه بالفقرا . وكنا عندما نرى سياره امام احد منازل العباسيه المتواضعه نعرف ان البعض قد حضر ليطلب مساعده فوق العاده بعد ان اعياهم الامر . وكنا نقول لاصدقائنا ابناء الفكى المقصود بكره اقاشى . والاقاشى هو اكله دسمه تتكون من اللحم والفول السودانى .
كثير من اللذين كانوا يقصدون لكتابه العمل او التخلص من العمل او لاى امر يحتاج لقوه روحانيه . كان اغلبهم من غرب افريقيا او غرب السودان وإن كان العامه يجمعهم تحت اسم فلاته , وإن كان اغلبهم ليسو من الفولانى او الفلاته . فمرفعين الفقرا المشهور صاحب الجامع فى العباسيه شرق ميدان الربيع من الهوسه وكذلك عشه احمد موسى التى عرفت بعشه الفلاتيه والرائع الفنان شرحبيل احمد فانه من الهوسه .
وعندما حضر مرفعين الفقراء الى منطقه العباسيه قالوا له ان المنطقه مليانه بالفقرا فقال ديل كلهم غنم وانا المرفعين وعرف بمرفعين الفقرا . وساعد جامعه فى نشر تعليم الدين الاسلامى والفقه وحفظ القرأن وكان العم احمد ابراهيم والد الشاعر صلاح والمناضله فاطمه يدرس اصول الدين فى هذا الجامع ومن تلاميذه الاعلامى التلفزيونى الكبير حسن عبد الوهاب . ولم يكن كل اهل غرب افريقيا يمارسون الشعوذه والدجل واقول ان الاقتصاد السودانى يدين لهم بالكثير فلقد قاموا بكثير من الاعمال الشاقه . واللذين يمارسوا الشعوذه يمارسونها لان هنالك من يريد ان يشترى .
الاخ خضر فرج الله رحمه الله عليه حارب فى فلسطين مثل كبس الدجبه وقدوم زعلان وموسى فضل المولى وكثير من ابناء العباسيه والمورده . ولقد كان عمنا المربى شوقى الاسد يجند الشباب لحرب فلسطين فى 1948 . وقصص خضر كانت من امتع حكاوى الحرب . وحكى عن زميله عثمان الذى اطلق عليه جندى اسرائيلى النار من قرب ولم يصيبه . الى ان قام جندى اسرائيلى آخر بضربه بعقب البندقيه على رأسه فاغمى عليه فحمله اثنان من الجنود كأسير . وبعد ان سارا به مسافه ووضعاه على الارض لكى يرتاحا قليلاً . الا انه كان قد استيغظ . فاختطف بندقيه احدهم وقتله بالسنكى ففر الآخر هارباً . فجرى عثمان مخترقاً الارض المحرمه بين خنادق الجيوش العربيه والاسرائيليين . وانهمر عليه الرصاص من الجانبين الا انه وصل سالماً لدهشه الجميع . وعزا المصريون الامر للسحر السودانى .
وبدأ المصريون يتوافدون على السودانيين طالبين تمائم وحجبات من النوع الذى عند عثمان . خاصه ان الاصابات فى القصف المدفعى والجوى كانت نادره وسط الجنود السودانيين . والسبب الحقيقى هو الانضباط العسكرى السودانى و براعتهم فى حفر الخنادق كما تعلموا فى قوه دفاع السودان والحرب الاثيوبيه .
خضر كان يقول انهم عاشوا فى ( بحبحه ) شديده بفلوس المصريين من ضباط وجنود اللذين كانوا يقصدونهم للحجبات , وعثمان كان يقول بكتابه الحجبات الى ان قضت طلقه على عثمان . وعندما حضر فوج جديد من المصريين وكانوا مزودين من القاهره بمعلومات بأن عثمان يكتب حجبات , استغربوا لموت عثمان الا ان حضر افهمهم ان عثمان كان فى طريقه الى قضاء الحاجه مما جعله يترك حجباته بعيداً عن النجاسه . وكان المصريون يقولون حرام يا عثمان عملتها فينا .
بابكر بدرى ذكر فى تاريخ حياته انه عندما اعتقلوا بعد هزيمه ود النجومى بعد جوعهم وضعفهم ان وجد نفسه فى سجن الشلال . وسأله احد الجنود المصريين هامساً اذا كان يمكن ان يبيعه ( عرق محبه ) . ولا يزال البعض يعتقد ان من عنده عرق محبه لا ترفضه النساء . فقام بابكر بدرى بشراء سكر وجمع بعض العروق واستعمل جلد سعن قديم وصار تاجر عروق محبه لانه سمع ان عرق المحبه حلو الطعم وصار يشترى الاكل ومتطلباته .
وعندما وزع الاسرى على المزارعين المصريين كعماله مسخره الا من كفلهم عبد الله بك ثروت باشا المنقوشى والزبير باشا رحمه من كبار السودانيين فى مصر لقى بابكر بدرى الجوع والهوان والتعب الى ان احتضنه ابن عمده دراو والبسه ملابس جديده وصار يسكن ويأكل معه . فطلبت منه احدى سيدات دراو ان يكتب لها زوج ابنتها وستعطيه نصف جنيه لانها اعتقدت انه كتب ابن العمده . فقال لها بابكر بدرى بصراحه الرباطاب انا ما بعرف اكتب وانى ما عندك نص جنيه لو عندك نص جنيه كان اشتريتى ليك فستان بدل حقك المقطع ده . وتبادلت كل دراو هذه القصه .
بعض الفقرا كانوا يسيئون استغلال ثقه الناس بهم . بابكر بدرى ذكر انه بعد ان خلص تعليمه فى رفاعه والجزيره عند الشيخ الازيرق رجع الى رفاعه كرجل دين وهو فى العشرين من عمره . فدعته جارته لكى يعزم لها على بطنها بسبب ألم وانتهى الامر بعمليه زنا .
من الاشياء التى ذكرها الكبار عن الرئيس جمال عبد الناصر ان كانت له مواجهه مع فكى فى جبل اولياء كان يبيع الحجبات للجنود المصريين . الى ان طلب منه جمال عبد الناصر تجريب الحجاب فى حمار الفكى فانصرف الفكى قائلاً الحلبى ده بتاع مشاكل وما بجى منو خير .
فى اثناء الحرب الاهليه اللبنانيه امتاز الجنود السودانيين بسمعه جيده جداً لانضباطهم وعدم ممارستهم للسرقه او التعرض لاعراض الناس او استغلال نفذهم . وعندما كان مجموعات مختلفه من الجنود العرب يحرسون احد المواقع تعرضت احد النساء لمحاوله اغتصاب وفر الجانى وبالرغم من البحث المكثف لم يجدوهو فقال ضابط سودانى لجنوده امشو حتلقو الحلبى ده مدسى فى الحمامات . وذهبوا ورجعوا بالرجل الذى كان سورياً ومن حلب .
فتأكد للجميع بأن السودانيين سحره والا كيف عرف الضابط السودانى بمكان الرجل وانه حلبى . والضابط كان يقصد طبعاً لون بشرته فالجميع حلب بالنسبه له وان المكان الذى يمكن ان يختبئ فيه بعد البحث فى كل المنطقه هو الحمامات .
ونواصل
شوقى
<<من الاشياء التى ذكرها الكبار عن الرئيس جمال عبد الناصر ان كانت له مواجهه مع فكى فى جبل اولياء كان يبيع الحجبات للجنود المصريين . الى ان طلب منه جمال عبد الناصر تجريب الحجاب فى حمار الفكى فانصرف الفكى قائلاً الحلبى ده بتاع مشاكل وما بجى منو خير .
من الاشياء التى ذكرها الكبار عن الرئيس جمال عبد الناصر ان كانت له مواجهه مع فكى فى جبل اولياء كان يبيع الحجبات للجنود المصريين . الى ان طلب منه جمال عبد الناصر تجريب الحجاب فى حمار الفكى فانصرف الفكى قائلاً الحلبى ده بتاع مشاكل وما بجى منو خير .>>
أين أحفاد العباس من صناعة الحجبات؟؟
بريمة
02-16-2018, 03:05 PM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
نحنا كسودانيين، معظمنا مخلوطين، يعني ذي الشاي بي اللبن. تسميه شاي باللبن أو تسميته شاي صحيحة، أما أن تنسبه للنقاء و تقول عليهو لبن أي زول حيقول ليك No. و ده في العرق، المواد، المعادن، ... تقريباً كل شئ. فهم العرب و الأروبيين للعرق، الملونيين ينسبوا للأقل، يعني سود مهما كانت درجة الخلط، في فهمهم. و ما حنقدر نغير القاعدة.
02-16-2018, 03:13 PM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
بمعنى، إذا انت و أمك و أبوك و بقية إخوانك و أخواتك كلكم بتشبهو العرب، فانت عربي و مافي زول طالبك حاجة. خلاف كدة، فانت أفريقي أو زنجي. و دي البنعلمها لي أولادنا في الغرب، و لا أعرف أي أسرة سودانية بتكتب في الفورمات عرب أو بيض.
02-16-2018, 03:14 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
هل تذكروا مقتل دكتور السنهوري .. في سبتمبر عام 2013م .. كيف قلبت المكة هذا المنبر إلي دار حداد من غير حداد علي أوراح 200 شاب سوداني الأخرين الذين سقطوا شهداء .. لأنه ابن خالها برضو ..
هنا نعود بكم .. إلي رأيي في مسألة "أشباه النوبيين" .. أقرأوا الأتي .. من مدونة دنقلا ..
Quote: ومن مشاهير دنقلا أل السنهوري وهم من صعيد مصر، وهنالك اسر أخري في السودان تحمل هذا الاسم (السنهوري) في شندي وفي غرب السودان وليست هنالك صلة قرابه بينهم على ما أعلم، وقد اشتهر من السناهير بدنقلا الاستاذ جمال السنهوري، وكان من أوائل السودانيين الذين التحقوا بحركة الاخوان المسلمين في مصر على يد مؤسسها الشيخ حسن البنا، وقد تحول الاستاذ جمال الى الطريقة البرهانية وأصبح شيخها في مصر وقد عينه الرئيس جمال عبد الناصر رئيسا لاذاعة صوت العرب من القاهرة وكان مذيعا بها
إذن من يهاجموننا ليس هم النوبيين الذين صرنا نعرفهم يوماً بعد أخر .. هؤلاء لا علاقة لهم بالنوبيين .. أو .. أحفاد العباس ..
وهذه المسألة ... مسألة الأنبتات العرقي .. مسألة في غاية الخطورة .. في بلد مثل السودان يشتهر أهلها بالفخر بأصلوهم العرقية .. وأنسابهم .. وخلفياتهم ..
هؤلا المنبتين .. هم راس جليد فقط .. لجبل جليد كبير .. جداً .. وكامن تحت مياه السودان العرقية الأسنة .. وحان الوقت لنبشهم .. أو حان الوقت لهم هم أن يذكروا أصلهم وفصلهم .. دون التلبط في أعراق الأخرين ومحاولة نقدها ..
بريمة
02-16-2018, 03:28 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
نعود بكم إلي حجة عقلية .. بسيطة .. وهى متداولة ومفهومة في أجتماعنا السوداني .. مين أين جاءت الشعوذة إلي السودان؟ ومن هم المشعوذين أصلا في السودان؟ هذه الكلام .. مدخل لي لمحاججة .. كاتب مدونة دنقلا .. بأنه لا يعرف صلة ما بين سناهير شندي ومعهم سناهير غرب السودان .. بسناهير دنقلا .. وكاتب مدونة دنقلا أصلاً نسبهم إلي جنوب مصر .. وليس لهم علاقة بالنوبيين .. يعنى بلغتي التي أكتب بها، يعتبر كاتب مدونة دنقلا أن السناهير لا نبيين ولا يمتون للنوبة بصلة .. قطعهم "تق .. تق" من الجسم النوبي .. وهنا يبدر سؤال .. كيف سناهير دنقلا في السودان يرون أنفسهم دناقلة .. وسناهير شندي يرون أنفسهم جعليين .. وسناهير أم درمان .. منبتين من أي جنس سودانى إلا سنهوريتهم .. وسناهير غرب السودان فلاته ..
سوف نعود ..
بريمة
02-16-2018, 03:14 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
وحاة الله يابريمة انا اصلا ما مستعجل .. ولا متسرع خالص لكن انت بس ماتتسرع .. وحاول تبعد من الشخصنة تماما ,.. يعني زي ما البوست أتى بصيغة العموم .. خليهو يمشي في عموميتو .. ما تجيب أسماء خالص حالص .. حتى لاتحتاج تمسح وكده .. خخخخخ .. طّول بالك وزي ما قلت ليك .. مافي أي شيء شخصي الناس تتناقش وتختلف .. والمحبة والاحترام في مكانهم .. ولو فكرت انه لو في زول رأي بغير ما ترى .. ده زول بيكرهك أو بيكره العرب .. انت وحاة الله غلطان .. فتروى يأخ ..
فتكم بي عافية ..
02-16-2018, 03:33 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
ما قالته هذه السيدة هو ماتقوله "" المناهج المدرسية والتاريخ - (النعوم شقيري) والمشافهات والإعلام النخبوي وثقافة المركز -إنه الوعي السائد ! - مسألة عرب أفارقة أصبحت وكأنها مسلمة غير قابلة للجدل !"" يجب أن ننتقد الوعي والمفاهيم السائدة ! نحن في مجملنا قوم سود تقاطيعنا زنجية (الأنوف - الشعر - الشفاه والسحنات الخ) * الكلام عن عروبة لسان وثقافة وجود مؤثرات عروبية دا مبحث آخر ! * يجب أن نعتز بكينونتنا وجذورنا وماضينا ونتصالح مع ذواتنا - فنحن أصحاب حضارة وحضور تاريخيضارب القدم والعراقة - العروبة المزعومة - لن تضيف لنا شئيا وعدمها لن يخصم منا شئيا! * لسنا ضد العرب كأجناس وأعراق وهم كسائر الشعوب والملل والنحل - لهم مالهم وعليهم ماعليهم ! . قلت يجب أن ننتقد الوعي والمفاهيم السائدة ! وننبذ التعالي العرقي والعنصرية وإحتقار الآخر ، وتمزيق النسيج الإجتماعي بسلاح العرقيات وداء العنصرية !
02-16-2018, 04:11 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2816
انا قاعد يابريمة يأخ .. شراد شنو ونعلات شنو !! .. ههههههه .. عادي ممكن تطرح وجهة نظرك وده من حقك .. والمجال مفتوح امامك لتقول ما تريد .. لكن بلا شخصنة ومهاجمة أسماء وشخوص بعينهم .. نصيحتي ليك ما تتسرع في طرح رؤاك .. بعدين حتى ان لم اشارك فانا متابع للبوست .. وللمنبر على وجه العموم ..
فتك بي عافية تاني .. خخخخخخخخ ..
02-16-2018, 05:07 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
والله يابريمة انت الذ زول في هذا البراح الاسفيري الواسع .. قلت لي عايز تتخارج من البوست وما لاقي طريقة .. ياخ المانعك شنو ؟ لو كان علي جيتي تاني ما بجي البوست .. انت بس شيل نعلاتك وابقى مارق والله صحي البوست مفخخ .. لانه اصلا قايم على فهم مغلوط يعني العوة دي كلها في ضلف .. هسه انا لو جاء زول ما عربي وقال لي انت ملامحك مايتشبه العرب فانت طبقا لذلك زول مش عربي مافي شي حيزعلني والله .. وحتى لو كان هو عربي وقال لي كده والله مابزعل منو .. لاني عمري ما قدمت نفسي كعربي البيسألني بكتل ليهو الدش في يدو ومن قولة تيت وبقول ليهو أنا نوبي .. ههههههههههه .. ولايتم تصنيفي في السودان كمنتمي للعرق العربي اصلا .. يعني بالعربي كده يشوف ليهو شغله تانية يقضيها .. خخخخخ كلامي ارجو ان لايؤخذ من باب التحقير للعرب فكلنا سواسية .. لكن دي الحقيقة والواقع بيقول كده ..
النحكي ليك دي يابريمة سنة 2010 وقبل الانفصال .. الجنوبيين كان سمهم فاير عليكم يا بريمة كعرب السودان .. رسلوني جبت دينكاوي كمعلم بياض جاء معاي البيت .. وهو يقدم كراع ويأخر كراع ومادي قدومو شبرين .. حسيت انه لو ما كان مضطر للشغل كان رفض يجي معاي .. طبعا سعادته مصنفني كعربي فعامل مكجني وكده .. هههههه .. وصلنا البيت قلت ليهو نفطر اول بعدين نتفق على البياض .. رفض وقال ماعايز فطور لانه فاطر استغربت جدا .. لانه الوقت كان بدري المهم الوالدة جابت صينية الفطور .. ناديت ابوي بدت أمي تتكلم معانا انا وابوي بالدنقلاوية ... اشوف ليك زولك قام من مكانه القعد فيهو وجاء وقف جنبنا .. قلت ليهو يازول انت ما قلت فاطر جاي تعمل شنو ؟ ... قعد في الكرسي حقي وقال لي جيب ليك كرسي ضحكنا وسالتو ليه غير رايه قال لي انتو طلعتوا ما عرب انا بفطر معاكم قعدنا نضحك على كلامه وهو كمان قعد يضحك ... قال انه ما بيعترف بي اي زول ويصنفه سوداني .. الا من كان لايتحدث لغة عربية قلنا ليهو كلامك ده غلط كبير .. ولو ده فهمكم كجنوبيين لسودانية مواطني هذا السودان الواسع .. فدي كراهية والعرب ديل حيفصلوكم ويجهجهوكم ساي .. وفعلا ده الحصل .. الناس المفروض تتقبل بعضها .. والاختلاف ما مفروض يصل لحد كراهية وعدم تقبل الآخر .. هذا هو السودان وهؤلاء هم مواطنيه .. خليط وناس انحدروا من كل الاثنيات عرب على غير عرب .. نحن في النهاية جميعنا افارقة .. وصدقني لن نهوض للسودان من كبوته الحالية .. الا لو نظر مواطنيه لبعضهم على انهم افارقه سودانيين وبس ..
وأحييك على روحك المرحة يا بريمة .. وصدقني انا متابع جيد لما تكتب .. بالذات مواضيعك التي تخص التراث وحياة البقارة والمرحال .. ولازلت اذكر حكايتك بتاعة اللوري الوحل او اتكسر بيكم .. وانتم تعبرون مجرى خور ابو حبل .. سردك للأمر كان جميل وفي غاية الروعة ....
المهم ... خلي البوست ده يغرق تحت لانه سيده ذاتو فات خلاهو ..
دمت وكبر ......
02-16-2018, 06:55 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
وضاحه يا كل الخير المحن من التلصق ومحاولة رفع المقام بالتسلق على الاخرين المحن من الاحساس بالدونيه وعدم التصالح مع الذات المحن من ان نفضل نكذب على الناس وعلى انفسنا حتى نصدق كذبتنا المحن من الاعتقاد بأن الافضليه تأتي بالعرق وليس بالعمل والاخلاق قالن ليها بصي في المرايا شوفي ملامحك عربيه جعلن منها اضحوكه
02-16-2018, 07:10 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
ابوذر عمر مشكلتنا في معتقداتنا ارتبطت العروبه بالدين وارتبطت العروبه في مفاهيمنا بالتميز وارتبطت الافريقانيه في اذهاننا بالعبوديه حتى اللون تهربنا من السواد وجعلناه اخضر وقمحي وازرق لا السفر ولا التعليم استطاعوا تغييرنا لذا ليس بمستغرب ان يقول الشاب ان لونه ابيض واحنا محتاجين لمثل هذه الطاخات التي ليس فيها مجاملات لتصحى
02-16-2018, 07:14 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
الزولة دي عبرت عن وعي كثيرين أخذوا هذا الزعم من المجتمع وإقتعوا به توارثوا هذا الإنتماء وتبنوه ويدافعون عنه كما تفعل هذه المرأة السودانية الأفريقية علي شاشة البي بي سي مسؤلية نشر الوعي وإزالة التشوهات من خطاب الهوية مسؤلية النخب والمثقفين حتي لا يستمر الناس بهذه الغيبوبة
كامل تعاطفي مع هذه المرأة السودانية التي لم تجد من يزيل عنها هذا الغباش هي تنتمي الي حضارة ولها تاريخ ضارب في الجذور لم تجد من يحدثها عنه لذا كامل تضامني معها في هذه المحنة ـــــــــــــــــــــــــــــــــــــــــــــــ
شكراً عبد العظيم نعم نحتاج لوعي وفتح الجرح ومزيد من الصدمات لنصحى من الغفله
02-16-2018, 07:23 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
امنه مختار اعادة البرمجه تحتاج مجهود كبيير فالبرمجه السابقه رسختها المناهج والروايات الشفهيه واعلامنا والنخب الحاكمه ومثقفينا تخيلت لو كانت مكانها فاطمه احمد ابراهيم عليها رحمة الله او سعاد الفاتح فاطمه جيلاني كيف كانت ستكون ردودهن وهل كان سيفكرن الضيفات على التجرؤ البنت ضحيه مفاهيم ولكن يؤخذ عليها انها دخلت الحوار دون ان تملك الادوات اللازمه
02-16-2018, 07:30 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
عمر عبد الله نعم مفهوم العروبه الكلي الراسخ واحتقار ما سواه جعل البنت حاولت تضع نفسها مع اللبنانيات ودا بي سبب تاثير تلك المفاهيم المغروسه فينا والغريبه اللبنانيون نفسهم بهربوا من العروبه وبقولو احنا فينيقيين والمصريين فراعنه احنا البنحاول التشبس بالعروبه واخرين تعصبو ل الافريقيه فضاعت معالمنا من وجهة نظري اذا رسخنا مفهوم اننا امه متميزه بسودانيتها كوعاء جامع سيحل كثير من مشاكلنا
02-16-2018, 07:32 PM
وضاحة
وضاحة
تاريخ التسجيل: 01-16-2005
مجموع المشاركات: 9116
سلام للجميع الفديو ده ما تم عرضه كما ورد في البرنامج التي قالت لها ده شكل او تقاطيع عربية هي امازيغية وكان هدفها من القول للفتاة السودانية انك انت افريقية معنا ولست عربية من قالت العبارة كانت تعتز بامازيقيتها
02-17-2018, 06:31 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
إنت يا بريمة طنشت محنة الزولة السودانية المصدومة في عروبتها المتوهمة وإتشعبطت في ود الفكي .. محاولة تشتيت للبوست (مكشوفة)\ ركز بلاي وفسرلينا هذه الحالة وأنت خير من يفسر ذلك لأنك راكب نفس السرج عشان ورينا السبب البخلي زول أفريقي جغرافيا وحضاريا وجذورا البخليه يتلصق في ناس تانين شنو ؟ إنت تعاني من نفس المتلازمة حاول تتصالح مع نفسك وأحكي لينا قصة هذا الوهم وكيف نشأ وماهو الشعور في حالة الصدمة ؟ كيف تتوازن السودانية أحلام بعد هذه الصدمه ؟ وهل إهتزت قناعتها بعروبتها أم ما زالت تعتقد أنها عربية ؟ سؤال أخير يا بريمة : من المسؤول من نشر هذه الخزعبلات والتوهم بالعروبة ؟
ركز يا بريمة ما تقعد تطفش الكورة في السما قدامنا محنة كبيرة وضروري أن تخت معنا طوبة في إعادة بناء الوعي بالسودان وحضارته وهويته
02-16-2018, 08:57 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
علي دفع الله لا نحتقر العروبه ولا نفتخر بها ولا نقلل من الافريقانيه ولا نتعصب لها ولكن ما يميزنا انا سودانيين والبميزنا مفترض يكون مصدر فخرنا نحتاج لمزيد من الصدمات حتى نفيق من الغفله ونمسك الطريق والناشطه دي مشكلته انها ما قرت التاريخ ولا سعت تجهز نفسها ممكن لانها كانت واثقه من عروبته بحكم المعتقد الراسخ وما اتوقعت الصدمه
02-16-2018, 09:08 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
سناري وهنا يأتي دور المثقفين في تفكيك هذا التحالف وفي التنوير والتبشير بقيم ومفاهيم جديده وترسيخها المسألة قد تحتاج وقت ولكن إن مورست بمنهجيه ووعي سوف تؤتي ثمارها جيل جديد واعي يفتخر بتاريخه هو لا بتاريخ غيره جيل متصالح مع ذاته يعمل على ما يجمع لا ما يفرق ومثل هذه الصدمات رغم انها قاسيه ولكنها ضروريه لتصحيح المسار البنت المستضافه اتفق معك انها ضحيه مثل الغالبيه واتعاطف معها
02-16-2018, 09:09 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
عمر دهب قالوا قدر لنفسك قبل الخطو موضعها والطين عمرو ما بكون نعلين ولابد ان تكون النتيجه مثل هذه الصدمه طالما اننا نحاول ان نستظل بظل لا ظليل ولا يقي من اللهب
02-16-2018, 09:13 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
الموضوع بتاع لوني كيف؟ .. تكرر كتير .. وزمان فلانة السمحة قالت هي أبيض من خال الرئيس .. ولو الجماعة شافوها يركعوا تحت أقدامها ..
هنا نورد ماذا قال نعوم شقير .. عن أوصاف المرأة العربية السودانية .. (أنا هنا أنقل فقط وصف المرأة السودانية العربية) ..
قال نعوم شقير: المرأة الجميلة هي من كانت مربوعة القامة مع الميل إلي الطول، صفراء اللون، طويلة الشعر غزيرته، واسعة الجبين زجّاء الحاجبين، دعجاء العينين، سادلة الأهداب، قنياء الأنف مع الميل إلي التحدب، لا كبيرة الفم ولا صغيرته، عريضة الشفة السفلي موشومتها وموشومة اللثة، مفلجة الأسنان بيضاءها، محفوضة الذقن، طويلة العنق، منخفضة الكتفين، واسعة الصدر، ناهدة الثديين، رقيقة الخصر، قصيرة الظهر، مجدولة الساعد والساق، رقيقة الأصابع، بارزة الردفين مجموعتهما، صغيرة القدم، رشيقة الحركة، لينة الأعطاف، إذا رقصت أنثنت إلي الوراء حتى يص رأسها إلي قدميها وإذا مشت تمايلت كالغصن إذ حرّكه النسيم، خفيفة الروح، باسمة الثغر، طلقة المحيا، مصونة الحجاب، جميلة الحركة أقبلت أو أدبرت.
وأجمل نساء السودان نساء الجزيرة، روي لي بعض الأدباء أن فقيها من أهل كردفان يسمي عبد العزيز، سمع بكرم الزبير باشا في بحر الغزال فقصده يريد منه نوالاً، فأمر له الزبير بجاربة فلم تعجبه، وقال "أني قصدتك لجارية عنقها طويل، وردفها ثقيل، وشعرها غزير، وبطنها ضمير، وسنّها كالجير، وعينا ك تبّ الغدير، إذا مشت كأنها أمير، وإذا وقفت تعجب هذا الفقير" وأشار إلي نفسه. فقال له الزبير "عليّ الطلاق إن هذه الصفات لا توجد حتى في بنات الجزيرة" ثم نادي أحد غلمانه وقال له أئتوه بزيتونة، فأتوه بها وكانت جارية جميلة فأعجبته فقال "قبلت زيتونة الصادقة المأمونة اللهم أجعلها كزليخة المفتونة". فقال الزبير، خذها وخذ الأولي جارية لها فإزداد عبد العزيز طمعاً بكرم الزبير وكان بيده ركوة (أبريق ماء من جلد) فقا وهذه الركوة من يحملها لي، فدعا الزبير أحد عبيده وقال أحمل هذه الركوة لسيدك، فحملها، وذهب الفقيه بالثلاثة شاكراً ومسروراً.
بريمة
02-16-2018, 09:36 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
وهنا نقف معكم مع المؤرخ ضرار صالح ضرار .. يتحدث عن العرب في السودان:
يقول ضرار .. وفي وسط السودان حيث المراعي الخصبة تدفق العرب أيضاً بأنعامهم وإبلهم وأغنامهم وضأنهم، فوجدوا الخضرة والخصب الذي لم يكن لهم مثله في وطنهم، وأنتشروا في ذلك الفضاء الفسيح من شرقي السودان المتاخم لحدود الحبشة إلي غربه حيث يجاور تشاد. وفي هذا الخصب كثرت أنعامهم وأداد نسلهم، وأختلطوا بأهل البلاد حتى تغيرت سحنتهم، ولكنهم أحتفظوا بلسانهم العربي، وخلقهم الأدبي ودينهم السمح، ولم تكن تحدهم قوانين، أو تربطهم أوامر. ولكن كان وازعهم الدينى، ومثلهم الأخلاقية، وشممهم القبلية، وحفاظهم علي حسن الأحدوثة، والذكر الطيب، ه التي حفظت لهم دينهم ونسبهم وحسبهم وخلقهم.
لقد أخضرت بشرتهم كما قال القرشي حين أنشد:
وأنا الأخضر من يعرفني :: أخضر الجلدة ومن بيت العرب *
ومازال السودانيون يسمون لون البشرة الداكن بالخضرة (وهى في نظرهم أصل الحسب والعروبة ولا تلك المشوبة بالحمرة الناتجة عن الأتصال بالدم الرومي أو الفارسي أو التركي). ومع توالي الأجيال والقرون حفظ السودانيون أنسابهم التي ورثوها عن آبائهم وأعتزوا بها وبأجدادهم وقبائلهم الأصيلة التي هاجرت إلي السودان وبقيت فيه حتى الأن، وأنتشرت سراياهم وطلائعهم حتى تاخمت الغابات.
------------------------------ * محمد صالح ضرار .. وهو والد ضرار محمد صالح ضرار.
بريمة
02-16-2018, 09:23 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
غريبة الكلام القبيح دا تقولو مصرية فهاهو مصطفى بكري ذو التقاطيع الأفراقانية والشعر الخشن موش بس عربي كمان منتسب للأشراف الجعافرة أنا عملت مع المصريين في المدارس الخاصة بالسعودية أذكر أن أربعة فقط قالوا لي أنهم من أصول عربية ثلاثة من هؤلاء الأربعة لونهم أسمر أثنان شعرهم خشن إثنان بشترهم سمراء واحد جعفري مختلط بالنوبة وواحد قال لي بحضرة مصريين آخرين أنه عربي من الهواوير بصعيد مصر وكان لونه أسمر وشعره يميل للخشونة . وبعدين هي ذنبها شنو لو ما عندها رطانة أو قبيلة غير عربية تنتسب لها ؟!
02-16-2018, 09:34 PM
AMNA MUKHTAR
AMNA MUKHTAR
تاريخ التسجيل: 07-31-2005
مجموع المشاركات: 13702
----------------------------- يا أخي بالله ذكر الزبير باشا .. ما قوم شعر رقبتك .. والزبير باشا دا مش بتاع أهل زولنا المتلصق فيهم؟ الزول دا خلوه لي .. طالق ننشر فوقه ونازل ننشر فوق .. لما يعرف قدر نفسه ..
أنا جاي أتدارس أمر أخر .. وهو وجود حاجة إسمها "الدقر في ناوة" .. وناوة هي جزيرة في دنقلا .. وكلمة الدقرمعناها السحاحير أو البعاعيت .. والقصة دي بتلتقي بالسناهير في دنقلا .. وبالتالي السناهير في شندي
لووول ..
بريمة
02-16-2018, 10:32 PM
منتصر عبد الباسط
منتصر عبد الباسط
تاريخ التسجيل: 06-24-2011
مجموع المشاركات: 4155
الذي يريد أن يعرف لماذا تسلط علينا نظام بهذا بالمستوى ينظر لمستوى المعارضيين يجد أنهم أكثر هضما لحقوق الآخرين وأكثر إنكار ورفض وعدم تسامح وعدم قبول بحقوق الناس في التعبير عن هويتهم . هذه العقلية المتعالية والمستخفة بمكونات شعبها وتعين على شعبها كل من مهاجم من الخارج سيجعل منهم ليس هم من سيصنع سودان افضل من سودان اليوم لأن الذي لا يحترم كل أفراد ومكونات هذا السودان ويذب عنهم أي هجوم ياتي من خارج القطر سوف لا يرجى منه خير أبدا ولا سيصنع سودان افضل بل العكس تماما وصدق الأخ كبر . الفيكم اتعرفت أنتم تفكيركم ضيق جدا.
02-17-2018, 00:03 AM
خالد حاكم
خالد حاكم
تاريخ التسجيل: 08-25-2007
مجموع المشاركات: 3434
ما علاقة معارضة الأخت أحلام للانقاذ بموضوع البوست وبعدين أحلام دى لو كانت موالية للانقاذ كانت حتقول شنو اكثر مما قالته في هذا البرنامج ؟ أحلام بتقول جنوب السودان دولة زنجية وشمال السودان دولة عربية سؤالى هل السودان كانت دولة عربية قبل انفصال الجنوب ام اكتسبت العروبة بعد الانفصال ام أحلام دى مولودة بعد الانفصال وما عارفة الحاصل شنو ؟ أحلام تستجدى العرب على ان ينظروا للسودان على أساس انها دولة عربية ؟ سؤالى اين حق الاخرين في دولة أحلام العربية ؟ أحلام بتتحدث بوعى او بدون وعى بعقلية عمر البشير الذى قال بان بعد انفصال الجنوب السودان دولة عربية إسلامية واى دغمسة ما عايزينها ونقوم بحذفها من الدستور هذا الدستور المعطل !
والله استفدنا كتير جدا،،وبعض المشاركات والتعليقات اوسكار،،، ازيك يا استاذة امنة مختار، انتي انسانة نادرة والله يكتر من امثالك،، ازيك يا جمال ود القوز، سطورك تشع بالنور والضياء.. ومع وافر التقدير والاحترام
02-17-2018, 01:06 AM
سيف اليزل برعي البدوي
سيف اليزل برعي البدوي
تاريخ التسجيل: 04-30-2009
مجموع المشاركات: 18425
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة