سلامة قلبك يا جلال بس اعمل حسابك فى السواقة نمن تتجه شمال وسط التلال والجبال وقول يا عالما بالحال انا عندى اطفال ولسع صغير على المرسال وما بقدر اتحمل رؤية الدجال لكن الزمن ورانى شيتا ما فى البال وهذا هو القضاء والقدر على كل حال والحمد لله القلب شغال بس ما بقدر على الترحال لكن الواحد شن بقول فى هضربة الجوال
صديق مهدى على
01-13-2018, 05:45 AM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10236
قلب دق وعبقرية شرحبيل احمد انتقاء الكلمة البسيطة المعبرة والاداء بصوته الابح ياخ قلبي دق من اجمل الاغاني التي تثير كوامن الشجن وتعبير موغل في البساطة والمباشرة تلك المباشرة العفوية والخلعة التي تنتابنا لامن نشوف من نحب دون سابق انذار ويضطرب القلب ويحاصرني المجتمع فلا نأخذه بالاحضان ولكن من بعيد بي نظرة حيتك وانت بي بسمة رديت التحية ونحن بس العارفين وكل الحولنا لا سمعو ولا عرفو تحيتنا لبعض تلك النظرة الولهي وتلك الابتسامة التي تقول انها راكبة معانا في ضهر كيوبيد زاتو سرج واحد
01-13-2018, 06:58 AM
عباس محمود
عباس محمود
تاريخ التسجيل: 11-26-2004
مجموع المشاركات: 1441
يا سلام يا شيخى عبدالله سمعتها تلاتة مرات و فى التلاتة مرات يكعبلنى فى نار الغرام قولو قالو لى مشى جوّه قلبى مشى اها عاد شوف جنس المشى ده سيدى و سيد هواى ال يمشى محل ما داير يمشى انا الممشى ليهو
01-13-2018, 09:32 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
مشكور باشمهندس قباني علي المعلومة نعم أستمعت لي يازاهية بي صوت الكابلي كثيرا وأبو داؤود ايضا يغنيها .. كنت أعتقد ان الكابلي هو الذي كتب ولحن الأغنية لأبو داؤود
01-13-2018, 01:04 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
وحياة خوتك يا حمد لي الليلة دموعي بجرن في الاستماع بستمع شرطا قاعد براي اللحن الجميل والكلمات العذبة والاداء بعذبوني عديل كدة ياخ الغناء الجميل دة لو ما اخاف تختوني مع بكري عباس كان قلت ليك تحس بيهو بجي من مكان ما هنا
01-13-2018, 04:33 PM
جلالدونا
جلالدونا
تاريخ التسجيل: 04-26-2014
مجموع المشاركات: 9390
سلام عباس نعم بس كل المنشور بى موسيقى الجاز لكن المقصود شغل ليه بالكمنجات ياخى لما يقول ليك قلبى دق فى نهاية المقطع و تخش الكمنجات فى اللزمة الثغيرة ديك القلب يطير لا فوق .. يطير و يندق ياخى مافى شك يا زاهية ليها مقاما فى النفوس لكن يا الزاهى دى حاجة غير يه الزاهى تعال زورتى بالله الدنيا بتفرّق و نيرانا بتحرّق حبيبى البريدو سافر وين مشرّق حاجة كده فيها البساطة فى الكلمات البساطه فى اللحن البساطة فى الاداء اها لمّة البساطات التلاته ديل بخلوك غصباً عنّك ترخى اضانك و تفتح قلبك و يزيد الشوق و يزيد حِنّك
01-13-2018, 05:44 PM
جلالدونا
جلالدونا
تاريخ التسجيل: 04-26-2014
مجموع المشاركات: 9390
مرحب حمد اخونا كبر فى ذات زمان و مكان فى هذا البورد كتب لا نكتب الا ذاتنا و كتر خيرو جا زاير ممكون بالاستحاله شفت الوجع ده كيف و فرضو حبيبن المشرف فى خيط ليك كتب نكتب دواخلنا و برضو شرّف بالزهو و سيّح عواطفنا شيل العبير ده كلو و اقراهو مع مداخلة حفيظ دى
Quote: قلب دق وعبقرية شرحبيل احمد انتقاء الكلمة البسيطة المعبرة والاداء بصوته الابح ياخ قلبي دق من اجمل الاغاني التي تثير كوامن الشجن وتعبير موغل في البساطة والمباشرة تلك المباشرة العفوية والخلعة التي تنتابنا لامن نشوف من نحب دون سابق انذار ويضطرب القلب ويحاصرني المجتمع فلا نأخذه بالاحضان ولكن من بعيد بي نظرة حيتك وانت بي بسمة رديت التحية ونحن بس العارفين وكل الحولنا لا سمعو ولا عرفو تحيتنا لبعض تلك النظرة الولهي وتلك الابتسامة التي تقول انها راكبة معانا في ضهر كيوبيد زاتو سرج واحد
ياخى متل التقول سنّو ده مشى اتدردق و اتمردغ فى طيب دواخلو و جانا كاشح و كاسح ما عندى تعليق يا سنو لانى لو علقت بخربا ليك .الا بس بقول لى حمد تانى حفيظ بى غادى برضو قال ليك .. بكتب لامن ايدى تاكلنى الا بالشايفو ده ده ما أكلان ايد . ده اكلان من جوّه الجوّه ياخى .. محل القلب بدق ياخى
01-14-2018, 10:35 AM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة