|
|
 Re: الصين. قوانين جديدة لتدمير مدمرى البيئة (Re: Abureesh)
|
Quote:
هل تقصد التجار يطلبوا نوعية معينة والصين تغشهم تبيع ليهم بضاعة فاسدة؟ ام تقصد ان الصين تدعيم درس فى الاخلاق وتقول ليهم لا.. البتطلبوه دا غلط؟ هل الصين ولى امر تجار قاصرين؟ والدول التى ذكرتها.. أمشى شركة مرسيدس قول ليهم داير عربية بتلاتة لسانك ان براى اتم الرابع.. سيبيعوها ليك طبعا.
|
الأخ أبو الريش,
أولا أنا ما وقعت في فخ ولا شيئ لأني أصلا ما أطلعت على ما ذكرته من قبل, أنا بحكي ليك عن شواهد أنا شفتهم قدامي,, أنا ما عارف إنت آخر مرة زرت السودان متين؟ وهل شفت البضائع الصينية الموجودة في السودان.
ثانيا: بالرجوع إلي الإقتباس أعلاه أنا ما قلت أبدا بأن الصينيون بغشوا التجار وبدوه بضائع جودتها أقل من المطلوب. الصين الآن بتصدر بضائع إلي معظم دول العالم إن لم تكن كلها, وبي جودة مختلفة. يعني البضائع البتمشي للدول الغربية جودتها عالية جدا, هسي أنا لو داير أشتري وصلة كهرباء أحسن لي أشتريها من السعودية بدلا عن السودان. الشيئ السمعت وبناءا على جودة البضائع الموجودة في السودان بأن الصينين بصنعوا على حسب القروش, يعني ممكن يصنعوا ليك نفس البضاعة أي الشكل نفس الشكل, لكن واحدة جودة عالية وبسعر أعلى وتاني جودة منخفضة وبسعر منخفض.
بالنسبة لما ذكرته عن شركة المرسيدس, ما مشكلة حتى لو صنعوا عربية بي لستك واحد,أنا بقصد الجودة, هل ممكن يصنعوا ليك عربيتين بشبهوا بعض شديد في الشكل وكل شيئ بي سعرين واحدة جودتها عالية جدا وبي سعر عالى وواحدة تاني بي سعر منخفض وجودتها منخفضة جدا.
وأنا ما بدافع عن الدول الفاسدة, لكن أي نظام بساعد نظام فاسد بي أي طريقة فهو أيضا مشارك في الفساد. يعني أي دولة بتسمح بدخول بضائع جودتها تعبانة جدا تكون هي المسؤولة الأولى لكن أيضا تقع مسؤولية أخلاقية على الدول التي تسمح بتصنيعها وبيعها.
|
|
 
|
|
|
|
aosman
فيس بوك
تويتر
انستقرام
يوتيوب
بنتيريست