|
|
 Re: بهدوء ---- أفراح عصام (Re: حمد عبد الغفار عمر)
|
كيفك يا مستنير
قبل مدة حضرت ليها حفلة فرح بمدني، ناس مدني الشماشة فضحونا بالسلفي معاها والعريس والعروس رقصوا من غير زحمة
السلفي مع أفراح الشعب دي بشغلك شهرين في الفيسبوك
تعرف حكاية العريس والعروس رقصوا بدون زحمة مرة كمال ترباس قال لازم الفنان يكون لابس ووجيه أكتر من العريس عشان ما يفقد شعبيتو
لعّاب ترباس دا
بس افراح دي فيها حماس للغناء أكثر من فاطمة عمر بتغني بي هوشة
| |
 
|
|
|
|
|
|
|
 Re: بهدوء ---- أفراح عصام (Re: حمد عبد الغفار عمر)
|
هلا عمر الفاروق عبدالله
السقط جننكم بالذات مع الفلاش باك غنا شنو ياخ في السقط ده
يا عمر انا متأكد لو جاتك افراح دي زمنك الفي التلفزيون كان احتضنتها بكل رفق وقدمتها للمستمعين
صدق عايزة تأني ومساعدة من زول متمكن صوت سوف تكتسح البلد
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
هلا بيك يا درديري
أفراح عصام من بداية مسيرتها مع نجوم الغد في عمر ستاشر سنة أو أكثر جاءت موهوبة جدا بصوت فريد وكانت تنال تشجيع المحكمين والجمهور حتى وصلت النجومية وبعدها خضعت على ما يبدو لمدربين غير جيدين.
مقاربتك دي ممتازة جدا وتصلح ديباجة للتعامل مع المواهب في كل المجالات
انا دائما مع ترك الموهوب ينطلق بدون وضعو في قوالب أو تحديد مسارو فقط قليل من التوجيهات في مسائل الصوت والاختيار (للفنانين)
ودي كانت واضحة عند الملحنين زمان ناس بشير عباس وودالحاوي وجمعة جابر والمنصوري وكسلاوي وعمر الشاعر
كانوا بشوفوا الفنان شنو وطموحوا وامكانياتو شنو وبألفوا ليهو الألحان البتناسبو موش الفي رأسهم هم وبيتدرجوا معاه مستوى إثر مستوى
ودي ممكن تلاحظها عند بشير عباس مع البلابل بدأ باغاني خفيفة وارتقى بهن لحدي رجعنالك
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
غايتو يا حمد اتلملموا وجوك ..
تعيش وتاخد غيرا..
كلو من ابو حسين دا ..
لكين جيب اضانك كلهم مرضرضين..
ما شايف الجاك يتمتم اللحو ..
واللندفن واتمرمغ في اللون السابع ..
والقعد يقابض في روحو ..
والقال ليك ما فارز بين المكارم والأفراح ..
بس بيني وبنك البنية منجضه الخمسين في المية الباقي توفيق ..
اشهد ليك انت حريف ولعاب.
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
مرحبا يحيى قباني
غايتو صورتك دي عملت أوفر لود في فيوزات الجماعة وكهربتهم لطشت
(حي أنا)
في فترة ارتباطهم كأسرة ... انا بفتكر ليهو الدور الأكبر في فرض افراح على الساحة الفنية ...
حسب اعتقادي إنو المرحلة دي كانت سبب تراجع أفراح لأنها اعتمدت على أحمد المك كملحن أوحد ليها وبسبب الانفصال المؤسف لقت نفسها في مفترق طرق وعليها البدء من أول معتمدة على نفسها
وصعوبة ذلك لفنانة ناشئة
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
Quote: غايتو يا حمد اتلملموا وجوك ..
تعيش وتاخد غيرا..
كلو من ابو حسين دا ..
لكين جيب اضانك كلهم مرضرضين..
ما شايف الجاك يتمتم اللحو ..
واللندفن واتمرمغ في اللون السابع ..
والقعد يقابض في روحو ..
والقال ليك ما فارز بين المكارم والأفراح ..
بس بيني وبنك البنية منجضه الخمسين في المية الباقي توفيق ..
اشهد ليك انت حريف ولعاب. |
و انت جيت حكم و ل شنو ...؟؟؟
و ل جابك البنفسجي ...😂😂😂😂
نحن مشكلتنا ناس واضحين و دغريين كعبين البجو باللفة و ديل خطرين ... 😂😂😂
غايتو صاحبكم حفيظ الحقوه قبل ما تفقدوه على قول الكنزي ....
شايفو يتمردغ في التراب و شغال حي وب حي وب ....
😂😂😂😂😂😂😂
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
غايتو ياحمد بوستاتك بقت غالباً تنجرف من موضوعها ..
نرجع للموضوع .. فى رأيى أن هذه الشابة بتعانى معاناة الولادة حينما تغنى .. هى وعاصم البنا عندهم صرة وجه أثناء الأغنية تكرهك الغنا زاتو .. انت كمستمع ومشاهد تحس بالعنت من شدة صرة الوجه ــ رغم أن عاصم البنا صرته معاها ابتسامة ــ .. ربما هى بتؤدى المقاطع بميلودية سليمة ومتقنة لكن إنشراح الوجه وإنبساطه مهم لراحة المشاهد .. قارن ذلك بمنار صديق ذات الوجه الريلاكس ..
بعدين أنا شفتها زمان فى برنامج أيام تحرير هجليج وفى اليوتيوب إسمه أفراح هجليج وكانت مشاركة فيهومع زمرة من الفنانين اللابسين عسكرى ــ يكون البرنامج زاتو مسمينه عليها حيث لفت نظرى الآن إسم أفراح هجليج ..
المهم أنها فى الحلقة ديك غنت الفينا مشهودة .. ولكنها ظلت تردد بدون تركيز: بنخون الأمانة السيدها أمننا وو.....
لكين من ناحية سمحة؟ سمحة، بس تخلى الحاجبين على طبيعتها وتسيب التنميص المبالغ فيهو🙄..
| |
|
|
|
|
|
|
|
|
Re: بهدوء ---- أفراح عصام (Re: ABUHUSSEIN)
|
ابوحسين ناقر طاري مالك
البت دي انا شايفها غنايا مع اني وحات شيخي اب لبدة ما سمعتها
واضيف غناية ومؤهلة فنيا للنظر
اها دة رأي مزاجي كمان داير تغالت في مزاجي
الفاضلابي شن عرفتك كمان يا داوودي
| |
|
|
|
|
|
|
|
|
|
Re: بهدوء ---- أفراح عصام (Re: Haytham Ghaly)
|
مش قالوا يا هيثم النظر يصلح للدفاع عن الوطن
ولا نحن حقنا شين يعني
نحن ناس الفن ديل عندنا مصطلحاتنا برانا
امشي اترزع مع فاضلابي في الكنبة الاخيرة وما تقعدو علي الشباك عشان تزوغو
خليكم قاعدين نعلمكم الفنيات
| |
|
|
|
|
|
|
|
|
|
Re: بهدوء ---- أفراح عصام (Re: Haytham Ghaly)
|
Quote: ابوحسين ناقر طاري مالك
البت دي انا شايفها غنايا مع اني وحات شيخي اب لبدة ما سمعتها
واضيف غناية ومؤهلة فنيا للنظر
اها دة رأي مزاجي كمان داير تغالت في مزاجي
الفاضلابي شن عرفتك كمان يا داوودي |
كتيرين شايفنها غناية ما براك خاصةً بالبنفسجي .....
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
هلا الحاج حمد
الفرصة التي أتيحت لها كان يجب أن تتاح لشاب صوتو مميز و هناك شباب صوتهم مميز جدا ما لقو 10% من الفرص التي اتيحت لها خلال سنوات.
لقوا يا الحاج وآخرهم مامون سوار الدهب لما سمعناه قلنا دا ياهو مجدد الغناء أهو في النهاية بقى بتاع عدادات
كدي أصبروا ليها شوية
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
الحنين حيدر
شايف في وغد طلب لها عضوية وبكري وافق
يسمع منك ربنا
وبعدين هي ذاتا اعتقد من نواحي الحلفايا بلد الكمرد بكري أبوبكر
يعني مفروض بكري يرسل ليها العضوية مع أي واحد نازل يسلمها باليد
كدي حاول يا بكري
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
مولانا الملك كيفك
بس بيني وبنك البنية منجضه الخمسين في المية الباقي توفيق ..
الفنان/ة الجماهيري لابد من وجود هبه من الله مجسدة فيهو جمال شكل ، جمال صوت، مقدرة على خلق تواصل جيد بينو وبين الجمهور
جمال أفراح كان حجر الزاوية في ظهورها جماهيريا ، كان ممكن تحلق بجناحين كفنانة شباب لكن السودان النجاح المطلق عايز حظ كبير
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
مولانا الملك كيفك
بس بيني وبنك البنية منجضه الخمسين في المية الباقي توفيق ..
الفنان/ة الجماهيري لابد من وجود هبه من الله مجسدة فيهو جمال شكل ، جمال صوت، مقدرة على خلق تواصل جيد بينو وبين الجمهور
جمال أفراح كان حجر الزاوية في ظهورها جماهيريا ، كان ممكن تحلق بجناحين كفنانة شباب لكن السودان النجاح المطلق عايز حظ كبير
| |
|
|
|
|
|
|
|
|
|
Re: بهدوء ---- أفراح عصام (Re: حمد عبد الغفار عمر)
|
هلا منير
غايتو ياحمد بوستاتك بقت غالباً تنجرف من موضوعها .. نرجع للموضوع .. فى رأيى أن هذه الشابة بتعانى معاناة الولادة حينما تغنى .. هى وعاصم البنا عندهم صرة وجه أثناء الأغنية تكرهك الغنا زاتو .. انت كمستمع ومشاهد تحس بالعنت من شدة صرة الوجه ــ رغم أن عاصم البنا صرته معاها ابتسامة ــ ..
كنت متوقع البوست يمشي في اتجاه الجمال بدلا عن الغناء خصوصا انا كتبتو يوم الخميس
وهو ظاهرو أفراح وباطنو كنت عايز أعرف معايير مختلف الناس لتقييم أداء فنان ما
المهم كويس إنك أمنت على الأداء السليم ليها، أما صرة الوش دي بسبب صغر السن والتعبير التلقائي عن الحزن في الأغاني بدون ما يتم تصنيفوا لمراحل يتم التعبير عنها بشكل مختلف لكن بالخبرة حتتخلص منو
مثلا تلقى ناس بغمضوا اثناء الغناء شوية شوية بتلقى المسألة اتلاشت عندهم
| |
|
|
|
|
|
|
|
|
|
Re: بهدوء ---- أفراح عصام (Re: حيدر حسن ميرغني)
|
كيفك يا حنين
طيب لو مسكتو مثال الدويتو الجابو عمر الفاروق فوق
طبعا أفضل تقييم لصوت غنائي بتم لما يكون سماع بدون ما تشوف لغة الجسد اثناء الغناء
الغناء المصور سلاح ذو حدين لما تتركه لغة الجسد من انطباع قد يكون في صالح/ ضرر المغني
انا اعتقد صوت أفراح في الدويتو جيد (برغم وجود مؤثرات)
| |
|
|
|
|
|
|
| |
حمد عبد الغفار عمر
محمد على طه الملك
ABUHUSSEIN
Munir
عبدالعزيز الفاضلابى
عبدالحفيظ ابوسن
يحي قباني
عمر الفاروق عبد الله الشيخ
حيدر حسن ميرغني
فيس بوك
تويتر
انستقرام
يوتيوب
بنتيريست