تقول ( اعيدو ليك مع استبدال الصوت العالي بالـ وضوح و الابانة و الاعلان عن الموقف ما ذا كانت ستكون مساهمتك في موضوع البوست ؟ )
يا أخي سيبك من ديل !! إنت زاتو ماقلنا كلامك- غلط وقلنا الكلام (والسلوكيات القبيحة والمنفرة تلك )دا غلط ومدان من جانبي والأغلبية المعارضة ترفضه ! وقبل كدة - وفي بوستات قديمة أدنا هذا - وقفنا ضده حتي قبل نيلك لعضوية المنبر! ونقف ضده الآن وفي المستقبل- إها ومن حيث المبدأ نقف ضد - إنتهاك الأعراض والشرف والكذب والتلفيق- ونقف مع الإتساق والمبدئية ونسعي لها علي الأقل في الحد الأدني والضروري - ! بس موقفي دا ليس تميز أو تفرد وإنما هو موقف المجري العام والأغلبية وبعض هذه الأغلبية تعرض للشتم والإساءات الشخصية بسبب موقفه وبعضهم تم تخوينه وتجريمه !
10-29-2017, 04:23 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الأخ محمد البشري أعود لسؤالك المكرر لي عن موضوع بوستك أفراد لم تسميهم قاموا - بالخوض سلبا في سيرة الترابي وحاج نور ثم هاجموا تراجي لقيامه بذات الشئ تجاه عبد الرحيم محمد حسين! أولا - الخوض في سيرة هذا الثلاثي وغيره بهذه الطريقة مرفوض ومدان مبديئا ثانيا هل أخل هولاء بالإتساق والمبدئية ووحدة المعيار في خوض في الأعراض هنا ورفضهم له هناك ؟ أعلم أن هناك مئيات والالاف خاضوا في سيرة الترابي وحاج نور حتي قبل النت ومنصات التواصل الإجتماعي وقد كتب في هذا في هذا المنبر ولكن لا علم لي - بأسماء من بالخوض سلبا في سيرة الترابي وحاج نور ثم هاجموا تراجي لقيامه بذات الشئ تجاه عبد الرحيم محمد حسين - أنت لم تتكرم بذكر إسماء ! ومع هذا ومن باب "إختلاف الرؤية" وزاوية النظر: في إحتمال أن يكون من قام بهتك سيرة الترابي وحاج نور وأدان المساس بعبد الرحيم محمد حسين يتوهم بأن ماورد في حق المرحوميين الترابي وحاج نور صحيح فقط لتواتره وكثرة مضغه وأن تراجي تحنت علي - عبد الرحيم محمد حسين ورمته بما ليس فيه ! وذلك طعنا في مصداقيتها لا رفضا لمبدأ الخوض في الأعراض ! وقد تكون أغلبية دخلت للدفاع عن عبد الرحيم - لأن الأمر تعداه لجهويته وعرقه وقبيلته ! *وقد يكون الأمر نكاية فقط في تراجي وإستهداف وفي هذا الإتجاه رفعت ورقة الدفاع عن سيرة عبد الرحيم كقميص عثمان وكوسيلة للنيل من تراجي وهز مصداقيتها وتصفية الحسابات معها ! في الإحتمال الأول تسقط تهمة الإخلال بالمبدئية والإتساق ووحدة الكيل عنهم وتبقي في الإحتمال الأخير ! .. الأخ صلاح زبير Salah Zubeir إقتبست ( Quote: محمد البشرى الخضر تاريخ التسجيل:2006-11-14 عدد المشاركات:28193 ) تاريخي تسجيل أقدم من هذا في سنوات عديدة ! يعني 2009 فكرت في الإعتزال إسمي كان بالإنجليزي kamalabas ,,
10-29-2017, 03:23 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
موضوع البوست !موضوع البوست !! في الحوارات الفكرية. مافي. مجال للشغل المدرسي الإجابة. النموذجية ،، ضع دايرة. حول الإجابة. الصحيحة ؟؟؟ اجب بلا او نعم !! أطروحة. البوست تعد مجرد مدخل. للحوار !! يعني اذا ( الاتساق والمبدئية. ووحدة المعيار) نقطة جوهرية. في الاطروحة من المنطقي والعقلاني ان تكون مدخلا للحديث عنها من زوايا مختلفة وحينما. يكون الافتقار لهذه. القيم سمة ضارة تسمم الحياة السياسية وبكون المتهم والمستهدف بالنقد قلة تحسب علي المعارضة. فهذا يعد مدخل موضوعي. للحديث. عن عن نفس الخلل. حينما يصدر عن قمة الدولة !! ويكون مدخل أيضا للحديث عن ان تناول الاتساق والمبدئية يجب الا يكون انتقائيا !! ** اعتبار الاطروحة مدخلا والتوسع في التناول وتوسيع زوايا التعاطي حول جوهر الاطروحة. من بديهيات الحوار الفكري وبحديلت النقاش !! ** فالمستهدف هنا هو المتلقي والمعني بالرسالة هو القاري !! ولحسن الحظ فقد آمنت. باقة من المتداخلين. علي ضرورة تناول ما يحدث من قمة. الدولة باعتباره الأعظم تأثيرا وضررا ولَم. يقال. لهم اصمتو ركزو بس علي. موضوع البوست !؟ ••**. انت صاحب نعم ،،هل تتحكم في مساره وفِي زوايا التلقي والتفاعل. الآخري ؟ طبعا لا ** انت ملزم بالرد علي ما لا تري تماشيه مع موضوع البوست والمسار الذي ترغب في الحديث فيه ؟. برضو لا من. حقك ان تتجاهل كل ما لاترغب. في نقاشه. او تري انه لايرتبط لموضوعك ،،وهذا لابعد عدم احترام. للاخر المحاور وانما فقط ممارسة لحق الرد وعدمه ! ** نعم تجاهله ان شئت. ولكن لا تصادر حق الناس في تعدد زوايا الروية وتوسيع نقاش المفاهيم. ولا تضيق بِه !! ** لو في إساءة شخصية سب نبه لذلك واقتص لنفسك ان أردت. —وان كان في عنف قانوني ونفس حار فدا من طبائع الأشياء .. *. عن نفسي لا استهدف شخصك. وانما العقلية. وطريقة التناول - يعني. لا اقحم. هذه النقطة الخلافية. في كتاباتك الآخري المختلفة -بل اتداخل بعبدا عن حمولة. الاختلاف دي وأحيانا. اتفق معك في أشياء. معينة ** يعني مافي احكام قطعية او كلية وانما جزئية تتعلق بمحورها. فقط ،، واعتقد. انه من الأفيد. التعامل علي هذا الأساس -لان غير ذلك يولد غبن ومرارات لا داعي لها
10-29-2017, 05:05 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الجاية دي برة موضوع. البوست - بشاشا قبل عدة سنوات. قام احدهم بمعايرة. الأخ. بشاشة. بالمثلية علي سبيل الشتم والاساءة والغريبة. انو الراجل ذكر في روايتو انو بشاشة تعرض لاغتصاب ومواقعة قسرية في صغره / يعني مجرد ضحبة ومع هذا عايرهو بها وروج لها ( ٢)
اها وبعد فترة أعلن نفس الشخص. انه تجني علي بشاشة واختلق القصة اختلاقا تماما لأنو كان غضبان وزعلان من بشاشا ثم اعتذر ( 3) اها بعدها وعلي الرغم من نفي الفرية والافك بصورة واضحة قام كثر باستخدام. ذلت الفرية كسلاح صدي ء وقذر ضد بشاشا. حدث هذا من اتجاهات مختلفة من دعاة ليبرالية ودعاة حربة شخصية وصيانة حقوق مثليين. !! كثيرا ما يتساقط مسوح اللبرلة والحريّة والخيارات الفردية في مثل هذه المواقف. وينكشف. الوجه التقليدي الذي يستخدم كل وسيلة لإساءة معارضه. وقمعه وينسي ورقة احترام الخيارات. وحقوق المختلف !! ** وحدث هذا ممن ينطلقون من خلفية دينية. !!نسو مخاطر القذف وانتهاك الاعراض والتعدي علي الحرمات !! ونسو انو الضحية يجب ان يعامل. كضحية ًًولا يعاير او يدان بما وقع عليه قسرا وانو حتي من كان يزني مثليا او غيره. وهجر هذا الدرب لايعاير بماضيه ! ** وحدث هذا من بعض رفعة راية الانسانية. - نسو عندها خيارات الانسان وحقوقه ومشاعره وعدم انتهاك انسانيته. والاساءة. اليه بسبب ممارسة تخصه ولا تضر غيره ونسو شعار التسامح والروح الانسانية. الذي كأنو يرفعونه ووقعو. في الرجل إساءة وتجريح !! ** هذه الواقعة تعد بالون اختبار. حقيقي في هذا المنبر. رسب فيه كثر. ونجح فيه بشاشة وبامتياز وتعامل مع هذه المِحنة بحنكة وقوة إرادة
11-02-2017, 08:20 PM
Munir Munir
تاريخ التسجيل: 02-11-2002
مجموع المشاركات: 10496
Quote: والله قدر ما حاولت اتابع البوست دا وأشوف العوة الفيهو شنو غلبني كلو كلو .. مداخلات من أول الصفحة لآخر الصفحة دي عايزا اجازة أسبوع .. خخخخخخخخخ
هههه .. ياطلحة كيفك .. غريمك مدور بنمرة ٦ .. جيت داخل لقيت البوست ده مطفح لكينه مقالات طويلة تبدأ من حيث تنتهى .. وبما أنو زمن مافى والمخ زاتو خلاياه ذاتها اتملت ومحتاجة كلين اب فالواحد يفط برقراف ويقرأ برقراف يفط منها سطر ويقرأ سطر .. وذلك لأبحث مايكون زول جاب سيرتى أو عمل لى منشن .. باقى أنا دخلت البوست ورميت لى سطر .. 😊😊 أها الحمدلله إسمى مامكتوب ــ اللهم إلاّ يكون فى البرقرافات الفطيتها 😁
11-02-2017, 08:33 PM
Munir Munir
تاريخ التسجيل: 02-11-2002
مجموع المشاركات: 10496
عايز أقول كلام : أعتقد أن البشر عموماً عندهم الطاقة العالية لإنتقاد الآخرين وملاحظة عدم إتساق الآخرين وعدم مبدئية الآخرين وووأىى حاجة الآخرين.. لكن الزول لو وجّه هذه الطاقة لإنتقاد نفسه ومراقبة نفسه ووو أى حاجة نفسه، أكيد ما بيلقى زمن لحاجات الآخرين ..وبما إنو مراكز وجهات النظرمتعددة بعدد الأنفس وكل نفس شايفة إنها مركز الكون فأكيد سيظهرمثل هذا التضارب والخلط والفوضى والإعتراك فى غير معترك لأن الهدف من النفس التى لاتنظرفى المرآة لرؤية نفسها ستدور حول مركزها من أجل الإنتصارلذاتها ..
والله أعلم ..
11-02-2017, 10:14 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
وين يافردة .. طبعاً الواحد مشغول اليومين دول قايلنى زيك ؟🤓
بعدين أنا لو اتداخلت فى بوست برجع أقص الدرب أشوف يمكن فى زول رد على مداخلتى ويبقى من عدم الذوق عدم الرجعة .. إنت قايلنى زيك ؟😊 للأسف هنا الواحد إلاّ يفتش ويقرأ مانيوالى بوست بوست.. ودى ماعندى ليها زمن ، إنت قايلنى فاضى زيك ؟😊
11-02-2017, 11:10 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
هههه سلامات أستاذنا الملك ود الملوك .. الفردة ده الفراغ كاتله .. هو الممكن يساسق بالبوستات .. مو همه فاضى عاد .. 😊😊 أنا الليلة دى تفرغت شوية قلت أدى الحلة وصا والنقارة عصا .. شغال باللابتوب فى سودانيز ويوتيب وفيس فى الموبايل وعين مع الأسرة وأضان مع التلفزيون والذهن مشغول بمهام بكرة .. زمن مافى ومشغولية شديدة 😊😀😉 أبوحسين كمان لعله ماجاب سيرتى ؟؟ شاور لى ياتو بوست وأقعدوا فراجة..🙄🤔
11-03-2017, 10:16 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
كيفك يا أمير ربنا يديك العافية .. بقيت تزور خبا .. افتح الصفحة 3 في بوست أبو حسين .. اسهلك لو مشيتلها باقرأ بتسلسل .. خش على أخر مداخلات البروف حافظ بشير شوفو مهبب شنو.ـ ههه .
11-03-2017, 10:54 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7215
أيواااا ياملك ، شكرا ليك على الإرشاد والتوجيه.. أتارى الأخو مشى عمل شمطة مع ودالبشرى عشان قلنا ليهو وازن المنبر من قرونه .. أنا كنت أعنى ماأقول .. فعلاً محمد البشرى دائماً بيعمل شنكل لأى واحد جاى مطرف ومتطرف ومستغل طبيعة المنبر المنحازة ويقعد يكضب ويشرع ويهتف على كيفه .. ولأن أراءه تتسم فى غالبها بالحياد فإن المتطرفين بيتغاظوا منه ويعتبروه رمادى .. دى القصة .. وللأمانة فى كثير من الأحيان أجى أكتب رأى فى بوست أقوم ألقاه كتب رأيه وكفانى شر القتال ههههه .. بس ده ما معناه متفق معاه فى أى حاجة.. لكين شايف فى البوست ده لاعب شوط طويل مع كمال عباس ذو النفس الطويل .. طبعاً محمد البشرى قاصد مواقف تخصيصة بالمنبر لكن كمال بيقوم يجيب الكلام العام ويرص ليك مساوئ الإنقاذ منذ ماقبل الإنقلاب وبالتأكيد موضوع المساوئ ده is very rich يعنى ممكن تكتب فيهو لامن الله يغفر ليك ومافى زول يقدر يغالطك .. ولو ما جاب سيرة التفريط فى الفشقة وحلايب وشلاتين ما بيرتاح .. فى حد يقدر يغالط؟؟ ورأيى القلته فوق يصب فى معنى أن أى زول ممكن يضع نفسه قاضى يشوف عيوب وعدم إتساق الآخرين وما بيشوف نفسه ؛ لكين تفوت عليهو إنو برضو للناس أعين وبرضو بتشوف عيوب وعدم إتساق الآخرين وماشايفة نفوسها .. وعموماً أى واحد قادر على التنظير وإدعاء البطولة والوعى والشرف طالما إيده فى الموية .. لكن عند المحكات والإغراءات تبين المواقف .. المحكات هى عندما تصلك فى رويحتك وتولا وتبقى قدام موقف يا أبيض ياأسود .. موت أو سجن .. هسه شوف مثال تراجى دى .. فهى فى سبيل إنتصارها لنفسها ظلت تنطط زى كرة البنق بونق مابين جانبى الشبكة ، وتكون شايفة نفسها دائماً صاح ومتسقة وشجاعة وصاحبة مواقف ثابتة .. ولو غالطتها وقلت ليها بتنططى فى المواقف زى كرة البنق بونق إحتمال تقول ليك إن موقفها ثابت وإنو التربيزة والشبكة هم البنططوا.. !!
11-03-2017, 05:32 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18038
زعلانين ليها مامنها لانها فقدت المصداقية هل يعقل لعبدالرحيم ان يكون مثلي ويزوجت بتو لواحد عشان يمارس معاه ثم ثانيا ياسر عرمان ماعندو اخت اسمها تيسير ده جزء ورد في تسجيلاتها
11-07-2017, 08:14 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: عايز أقول كلام : أعتقد أن البشر عموماً عندهم الطاقة العالية لإنتقاد الآخرين وملاحظة عدم إتساق الآخرين وعدم مبدئية الآخرين وووأىى حاجة الآخرين.. لكن الزول لو وجّه هذه الطاقة لإنتقاد نفسه ومراقبة نفسه ووو أى حاجة نفسه، أكيد ما بيلقى زمن لحاجات الآخرين ..وبما إنو مراكز وجهات النظرمتعددة بعدد الأنفس وكل نفس شايفة إنها مركز الكون فأكيد سيظهرمثل هذا التضارب والخلط والفوضى والإعتراك فى غير معترك لأن الهدف من النفس التى لاتنظرفى المرآة لرؤية نفسها ستدور حول مركزها من أجل الإنتصارلذاتها ..
والله أعلم ..
طبعا كلامك سليم مائة بالمائة في عموميّاته, وفي الحياة الحقيقية وفي حالة التناول الشخصي الأولى الانتباه لعيوبك و نقدها وتقويمها بدلا عن الانشغال بعيوب الناس. لكن في الشان العام وفي زي موضوع البوست دا مثلا الأمر مختلف قليلا, لابد من تبادل النقد و الاشارة لمواطن الخلل و طبعا من يقف على الجهة المقابلة اقدر على رؤية الصورة عندك بشكل أشمل وأعم هذه نقطة و الثانية هي عند الإشارة لخلل ما أو تناقض في سلوك أو نهج وهذا النقد حقيقي و النقاط المثارة ذات قيمة اصبحت احد اهم تكتيكات الرد و تشتيت الكورة هو اعادة الكرة للكاتب و انت زااااتك طيب فعلت كذا وتركت كذا, أو تكتيك آخر طيب ليه ما انتقدت فلان أو علان بنفس الطريقة حتى لو سلّمنا جدلا بصحة هذه الحجج ما علاقتها بالنقاط المثارة وقيمتها ولم تجاهلها و عدم تناولها كأن القدح في من اثارها يكفي لنسفها ودا منطق عقيم بالطيع بالإضافة للسذاجة الفيه
أمّا موضوع تنظير و حافظ أب صلعة فأثارته اشارتك لـ "مسك" التور من قرونه, وانا تعمّدت تبديل وازن لـ ماسك عشان أخفف على تنظير ! لكن شكله الحالة متأخّرة ولا يحتمل اي اشارة ايجابية في حقّي ودي مشكلته هو عليه العمل عليها
مرحبا عادل خياري يعني انت تأخذ عليها عدم المصداقية في ادعاءاتها, ممتاز هذها موقف جدير بالإحترام بالطبع
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
كمال عباس
محمد البشرى الخضر
Salah Zubeir
Munir
Hafiz Bashir
محمد على طه الملك
طلحة عبدالله
عادل خياري
فيس بوك
تويتر
انستقرام
يوتيوب
بنتيريست