أحمد محمد عمر.......... بوست ............

Quote: ما عندي مانع وبقدر اطلعك عيل إذا واجهتك بس شرطي الوحيد تعرض بروفايلك هنا زيك وزي الرجال .... وما داير معلومات اكتر من البتعرفا عني سوي اكان هنا او في البروفايل ... كلام زياده ما عندي ليهو رد ... خت اسمك وطبيعة شغلك وشغال وين ما دام الموضوع عن الشغل .... كفايه جدا" +++ دا بس عشان ما احس انك عايز تديني وظيفه لأني مستوظف وعلي الأقل الواحد يدفا من القعدة الفي جيب صلبك البارد دا. كلام زياده للمره التانيه ما عايز .. قول المفيد ولا (pass) برضها مفيده

Quote: مسألة وقت لا غير وسيختفي إلي الأبد. +++ حا تلقي إنو إنطرد من كم موقع أو أجبر علي المغادره بفضل سلوكه ...

بقيت داير (معلومات) زي أخينا المسيلمي الضرب لمحسن 60 دقيقة يسأل مني وأنا في وشو ههههه
بيكون (حصل) عليها طبعاً (من الكمبيوتر).

أمسك
اسمك: حاتم إبراهيم
طبيعة شغلك: كهربجي سيارات ومرات بتاع لغات ويوم كباع إضينات
شغال وين: على باب الله، المحل البحتاح (إصلاح وترميم).
تقوم تفتح بوست وتختار موضوعه انت دا بقرعوبتك الفارغة دي
قصرنا معاك؟

وحنشوف حدك وين، بس أوعك تقعد (تعدد) لي في (مآثرك)،
فقبلك أنا في واحد هنا (عرض) علي بجدية أنازله في (سماحتو) واتحداهو بكم صيدلية نواصي عندي، هزمني، غلبني أقول شنو.
ما ميداني، ما الاستايل بتاعي، أسوي شنو يعني مثلاً لو قررت (أفوز) بدوري السماحة؟
بعدين
who cares how he looks؟

هههههه، لكن انت لحقت الكيك وبقيت مباري مفتي الديار الفسيولوجية، عمنا أوساموس القادم من بلدة أفسوس.
سوء الخاتمة.

+++

أديك (وظيفة) يا دمك!
إذا (بتتذمر) وبتشتكي هنا إنو مخدمك ما مديك فرصة تدخل مواقع التواصل إلا (مسارقة) أرباع أرباع بطول النهار، دايرني أوظفك
والله بدماكتك دي طابونة في الريف ما تقبلك
زعلان (ما مدنو وكت لمواقع التواصل بالنهار) ههههههه

أمسح (خبوبك) الفوق دا، أنا لو وظفتك عندي بوجه ليك إنذار مش لمخالفتك اللوائح ومش لأنك بتضيع وقت العمل في الفارغة، لا، بنذرك بسبب الدماكة.


وليه كلامي ما عندك ليهو رد يا عريض القفا؟
مشاتر؟ حامض؟ برة الموضوع؟
ما ياهو مرقناهو من قولك الفارغ، وكان درتا الزيادة بنديك من الطازج
طززززززز في ود عينك، عامل فيها بذيء ومقرم وشفت!
قلت لي (ربع ساعة عدة مرات) هههههه
والله يا أخوانا السوداني دا غشيم غشامة ههههه
ديلك جماعتك فتحوا بوست يسألوني التخفيف

ولسان حالهم يلهث:
بنانا الجفا ** ارحم كفى
عريض القفا ** حضوره انتفى
كبك كبّك
كبك كبّك


مرق الرمة أب عمة
باقي المزعمط و(المجرمط) و(المفرمط).
البخيت بشوف في غيرو

============

أها يا أحمد
زولك قبل ينزل معاي (المنطقة)
لكن بشروط.
____
One man down.


===========

أها، نجي نجي للهبالة والغباوة، في تقنياً

---- (2) تقنياً ---

Quote: الشركة علي مدار العام لا تخلو من اتيام ال ISO و TUV

ودا علاقتو شنو بالمصادر المفتوحة يا أسطى؟
مؤسسات الجودة دي تتدخل حتى في الطوب وعلب السردين ومصاصات العصير
ونفس الموجهات بتاعت الجودة دي معمول بيها في برامج المصادر المفتوحة
وإلا لما سعت الشركات لامتلاكها بالجملة (نموذج MySQL) على سبيل المثال.
غالباً داير تدخل المصطلحين نظام الود شغال مع أتيام الآيزو والتوف.

إيه العلاقة؟

Quote: كلامك ممكن مفيد لي جهات نشاط ال IT بالنسبة ليها لا يمثل العمود الفقري لي نشاطها او شركات ربحية زي شركات الاتصالات البتحاول تقلل من ال اوبراتينق بدجت علي حساب جودة خدماتها (الشبكه كعبه) او (الشبكه طاشا) ودي كلها طبعا" نتيجة لضعف نوعية IT infrastructure او لعدم وجود الدعم الفني من المصنعين مفتوحي الهوية.

دا برضو كلام فارغ!
ومين قال ليك الدعم الفني غير موجود لمنتجي البرامج المفتوحة؟
دي عوارة دي!
نظام التشغيل ديبيان وهو نسخة من لينكس بيتم علاج الثغرات فيهو على مدار (ساعات) لو تعلم وتفهم.
ولينكس الآن هو عماد سيرفرات الإنترنت في كل الكرة الأرضية، لو تفهم يا (عريض القفا).
بما فيها سيرفرات الشركة الانت شغال فيها (غالبا).


يلا تعال نحدثك عن (العوارة) والهبالة
لما تقرر مؤسسة ربحية الاستثمار أي نعم بتعتمد على منتجات مضمونة
أو علي الأقل يمكن صيانتها بطريقة احترافية، أو نادرة العطب
طبعاً دا لو في المؤسسة (مهندسين) حقيقيين مش مجرد كمندات بمفكات
المسألة هنا لا ترتبط بالموثوقية أو ما سميتها انت بالإنجليزي (safe reliable resources)
بل بحساب الخسارة وزمن التوقف عن الانتاج (down time)
مجالات زي صناعات النفط والطيران مرتبطة أصلاً بعقودات فيها العاجل والآجل وجداول تسليم
وشروط وجزاءات فمافي هامش للتريث وإصلاح الخلل، ياهو بجيبو التيكنشن الزيك كدة،
أرح ها ها ها شيل دق فك البايظ وركب الجديد ودور الشغل واحرق الجزلين.
that's it, simply

لذلك تهتبل الفرص لإيجاد البدائل بدون المرور على كل خطوات إصلاح الأعطاب واستعادة حالتها الوظيفية، والدافع هنا تقليل (الوقت المستقطع).

كذلك، على أي أساس تفترض عدم وجود دعم فني للبرامج مفتوحة المصدر؟
هل تعلم أن معظمها يربح في الأصل من تقديم الدعم الفني!
يعني النسخ المجانية من البرامج دي مقدمة على سبيل التجريب والاستخدام المحدود
قد يكون تجاري ربحي أو لأغراض محدودة، ودي غالباً تحكمها الاتفاقيات المرفقة معاها
بس لو الشركة قررت تستخدم برنامج مفتوح المصدر فبتستعين بمهندس (حقيقي)
عشان يتواصل مع الجهة صاحبة الإصدار، وبس في الحالة دي حتحصل على نسخة قد تكون مختلفة لحد ما وبالتأكيد مصحوبة بالدعم الفني.


أديك مثال تالت، في الجزء التقني دا،
(QT)
دا فريمويرك، يعني منصة تطوير مفتوحة المصدر، ممكن تستخدمها (لو كنت مهندس)
وتطور بيها برامج للديسكتوب والويب والموبايلات، والكبانيات وأجهزة اللاسلكي، وكل (العدة) بتاعتك لو كنت مهندس!
ومافي دعم إلا عبر المنتديات المتوفرة مجاناً للدخول، منابر حقيقية مش بيوت صبحية
لكن لو رغبت في (safe reliable resources) زي ما بتسميها، فعندهم نسخة مدفوعة القيمة (أظنها 3000 دولار) على ما أذكر، وبالتأكيد دعم 24 ساعة.

آآآآآي ممكن كتيكنشن تشتري (الجاهز) ولكن كمهندس وظيفتك بالضبط هي تطوير الأدوات البرمجية دي والتعامل معاها.

حتسألني أها و (QT) شراب ولا كبسولات!
حأقول لا دي المنصة الصمموا بيها برنامج إسكايب ومايا وبعض تطبيقات أدوبي فوتوشوب.

+++

أديك مثال رابع، قاعدة بيانات (MySQL)، أها دي مفتوحة المصدر، مبوشة كلو كلو، زي (رؤيتك) دي
حتفتح قدومك وتسأل الشغال بيها (عمود فقري) وما مهتم بالربحية دا منو، مش؟ هاك:
Verizon (Total assets‎ ‎US$244.18 billion)
Oracle (Revenue‎: ‎US$37.73 billion (2017))
Facebook: (Total assets‎: ‎US$64.961 billion (2016)
Uber
NASA
Youtube
Paypal
Alibaba
Twitter

to name just a few

فهل الشركات الكحيانة الفقرانة الفوق دي ما سمعت بتوصياتك الأخيرة؟

____
تعال اتمنقح تاني.


=============

Quote: الزول دا بيعلف من حتات كتيره انا ما فاضي افتشا واقولا ليك ..

هههههه
الحتات دي (ما أدوكم ليها)؟
قايلا بيتم تحصيلها في القاعات؟
مفتكرها بتجي براها؟
إطلاع مافي؟
مخ مافي؟

____
ياخي ينعل أبو المكبوس البتخن المخ.


باقي لينا شنو تاني، ما أفردنا ليهو جانب؟
آآآآآي، مهنيا يا عريض القفا

____
تعالوا لينا بكرة يا أخوانا، خلوهوا ياخد ليهو (ربع) جوة المكتب.