|
|
|
 Re: بورداب الرياض يحتفون بالزميلة د. داليا الكباشي (Re: الصادق خليفة)
|
| Quote: بس تمبس و معتصم طالبكم حق حنة بمتين ريال هههه |
يا الصادق خليفة ..  معليش امسحة لينا في وش طارق نقـد ..
واقطع دراع ود الصايم .. انا ما سمعت التلفون كنت بهدي من روع شلة وراء الكانو برقصو ديل  .. ومعتصم كان منهمك في التصوير
اعتذراتنا لي أم محمد .. شديد .. تم تحويل الطلب لي خالد سعيد في وزارة المالية وكدا .. انا برضو عايز ميتيني كان كدا وكمان يدفعو لي الميتين بتاعت جــده تحت اي بند
انا غايتو يا الصادق محتفظ بالفاتورتين لانو دفعتها بالماستر كارد 
| |
 
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: داليا الكباشى)
|
| Quote: والدكتورة قالت: غايتو جنس غايتو!! |
بالنسبة للدكتورة دي ..
ما شايف انها عصرت علي انا تحديدا شديد .. عليك الله دا الشهر الكم حسع وعامله نايمه .. ؟ أول ما هية جات .. تاني ما هية جات .. خامس ماهية جات ولا ضقنا اي حاجة والله لقيمات ما جاتنا من (الما هي) دي
انا اخشى انها تكون طلعت لينا حقنا من اقتسام الثروة .. وإنت عملت فيها رايح ..
يا دكتورة .. غايتو الشهر الجاي دا .. إلا ترحلي . ترحلي عديل كدا من الرياض دي
الصباح الصباح وانا في طريقي للمكتب بجي بدق ليكم كاروشة جمب الباب .. ادق ليكم جرس كدا لمن تعرفو حاجة
ياخ اقوليك حاجة :
حقي جيبيهو لي حبوب .. شوفي ليك اي كبسولات بتلقى ليها حاجة تعالجة
اخشى انك بقيتي مستنكحة زي اخوك
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: tmbis)
|
Quote: تليشة:
يا تمبس شايفك اي شايقي في الحفلة قلت عليه نسيبك |
.. ااي والله يا ابو الطــا
النسبة كانت عالية جدا .. كلما اتلفت اللقى ليك سنجك جمبي ..
واحد قالي .. احتمال كبير نشلخك لا وراء بعد كدي ..
غايتو بناء على النكتة اياهـا .. عندي ود عمي هنا كان جا كان فرتق الحفلة حسادة ساااي كدا
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: ياسر السر)
|
أحبتى .. وأعزائى .. بورداب الرياض
تحية وأحترام وتقدير
أكن لكم كل التقدير والحب والاحترام الذى يزداد كلما نظرت فى وجه
كل منكم .. وجدت تعابير وجوهكم النيره تنطق قبل أن تنطق أفواهكم
شعرت بالاخوة والزمالة .. والترابط الذى ينم عن حبكم لبعضكم البعض ،
يالها من لحظات .. ويالها من سويعات رائعة كروعة نفوسكم الوضاءة لكم
منى ألف تحية وتقدير وأدام المحبة والتواصل بين الجميع ..
ولكم مودتى ،،
أخوكم / تاج السر
0508730423
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: تاج السر محمد حامد)
|
Quote: غايتو أنا صدّقت لدرجة هسي إتحسّست عيوني لحدّي ما هبشت النضّارة
ــــــــــــ
تمبس نظرك كم على كم |
يا صبري ..
انا نظري 6 / صفر .. ومرات مرات كدا بيكون درون تلاتة اتنين غايتو اشكرك علي نضارتك دي ريحتني في القراية
..
| Quote: يا عمّك ما تجيب لي هوا ... هسّي يجيني عمّك هشام هبّاني طائر ويشبكني كلاب الأمن |
هههههه .. والله انا مما شفتك كدا كاتم صوت .. عرفتك امنجي ..
ارجو ان يدرج اسمك في أول كشف مرتبات طالع اليومين دي .. شحدته الله عليك ..
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: abdulhalim altilib)
|
Quote: يا صبري ..
انا نظري 6 / صفر .. |
يا عمّك دة نظرك ولاّ مباراة برشلونة وريال مدريد الأخيرة ...
Quote: هههههه .. والله انا مما شفتك كدا كاتم صوت .. عرفتك امنجي ..
ارجو ان يدرج اسمك في أول كشف مرتبات طالع اليومين دي .. شحدته الله عليك .. |
عليك أمان الله الأمنجية فيك خايلة بالنضّارة تقول بس خلّوني لي تمبس
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صبري طه)
|
Quote: وشكر خاص جداً للحبيب صديق الموج وهو يدخل
الوجدان (خارج مضمار السياسة)، |
الاخ العزيز عبد اللطيف بكرى .....سلام
كثيرون التقيتهم فى دروب هذه الحياة يحملون نفس فكرتك عنى وانا اضحك واستغرب من
اين ياتيهم هذا التفكير واكتشفت ان كثيرا من الناس ان لم يكونو كلهم يضعون صورة
خاصه للانسان الثورى او المتمرد ويصورونه كانه نجم من نجوم هوليود وانا امقت كثيرا
هذا التنميط وكان المعارض اوالسياسى لابد ان يبدو بوجه عابس القسمات ومكفهر لايضحك ولا يبتسم حتى.
ولكنى أعتقد أن ( أنسنة) فكرة السياسى لا تؤذي القضية ، بل على العكس من ذلك، تساعد كل شخص
على اكتشاف الانسان العادى الذي يقطنه مهما بدا لنفسه أو للذين من حوله على انه عملاق
او سوبرمان او انسان جاد فى كل الظروف بالمفاهيم التقليدية. فانا ومهما ابدو هنا اظل عاشقا
مهزوما كسرنى الحب حيناً وملأنى بالزهو والاعتداد أحيانا،ابكى لدمعة طفل واضحك للنكته واستمتع
بالغناء واطرب للكلمه العذبة وارقص للموسيقى واكل الطعام وامشى فى الاسواق، ولا ارى فى كل هذا
حرجا او ما يجبرنى للتخلى عنه و لا استطيع باى حال من الاحوال ان اكون ثوريا فصاميا.
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صديق الموج)
|
Quote: اين ياتيهم هذا التفكير واكتشفت ان كثيرا من الناس ان لم يكونو كلهم يضعون صورة
خاصه للانسان الثورى او المتمرد ويصورونه كانه نجم من نجوم هوليود وانا امقت كثيرا
هذا التنميط وكان المعارض اوالسياسى لابد ان يبدو بوجه عابس القسمات ومكفهر لايضحك ولا يبتسم حتى. [/fQUOTE]
بل العكس ياصديق ، فكرتي غير ماذهبت إليه
كيف إنسانوبهذاوالذوق والمرح واللطف المتناهي مع أسرته ومع الآخرين تأتيه لحظات يمكن أن يرد عليك
بكل قسوة ولا يراعي لمشاعرك مطلقاً مهما كان جرمك،،
دهذا هو إعتراضي ياحبيب ، أملي أن يكون إختلافك بذات الروعة كما الإتفاق ، راجياً ألا أكون أمليت عليك ماتكره
ودا كلو من العشم والله،،،
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: عبدالمجيد الكونت)
|
Quote: كيف إنسانوبهذاوالذوق والمرح واللطف المتناهي مع أسرته ومع الآخرين تأتيه لحظات يمكن أن يرد عليك
بكل قسوة ولا يراعي لمشاعرك مطلقاً مهما كان جرمك،، |
عبد اللطيف .....سلام
اشكر من يهدينى عيوبى بس ارجو مخلصا ان تورينى انا رديت على زول
بعنف وين،والله لا اذكر ذلك مطلقا لا اطلب منك ان تاتينى بى كوت
اوبوست يمكن ان تحكى عادى يعنى تقول لى قلت لفلان كده واعاهدك
ابوس جزمته لو حصل منى ذلك،،،
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صديق الموج)
|
بورداب جــــده
Quote: الوالد ابوحسين : بعد السلام والاحترام والتقدير اعفوا لي عليك الله
وسامحني في اى كلمة قلتها ليك لاتليق بسنك ولا بشعرك المااسود ..
تحياتي واحترامي وتقديري ..
ولدك ومحبك فايز
|
Quote: يا ابوحسين
بالاضافة لكلام ابنك ود القاضى
خت الصورة دى زاتها فى البروفايل ويمين تانى بكرى ما يوقفك |
دائماً في الفارغة...... المدة القضيتوها في سودانيز أون لاين دي ما أضافت ليكم أي شئ.
.
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: ABUHUSSEIN)
|
| Quote: دائماً في الفارغة...... المدة القضيتوها في سودانيز أون لاين دي ما أضافت ليكم أي شئ. |
العم ابوحسين
عذرا ان هيجنا عليك المصران او رفعنا الضغط
تقبل اعتذارات ابنكم ود القاضى
بعدين انت جاى متاخر كدة اكيد كنت فى الاستوديو منتظر تحميض الفيلم
الصور اتحمضت شديد ياخ ولا تكون لونتهم بيدك
دة ما شغل ديجتال
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: tmbis)
|
| Quote: ياخ خلي اخلاقك رياضية .. |
والله يا تمبس نجم البروفايلات الجديد دة زمان كل ما يغيب نختها فى المسكين بكرى
لكن بالله يا تمبس الزول دة بعد كدة امانة فى رقابكم لازم تتفقدوه باستمرار وبعدين لو
لقيتو ليه سواق اكون احسن عشان السواقة فى الرياض صعبة لزول فى عمره
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: صلاح هاشم السعيد)
|
ليلة دافئه بمحبة الحضور رغم البرد القارص خارج قاعة الاحاسيس التي احتضنت المحتفي بهم باريحية بورداب الرياض .
التحية للزميلة داليا في زواية الرياض الانسانية المحجوزة من حوش اخونا بكري ابوبكر . التحية للاخ عوض المسلمي وزوجتة بتشريفهم ليلتنا .
تحية للاخ عبداللطيف بكري الذي خصني في مداخلتة .
Quote: شكر خاص للأخ يوسف السماني على اريحيته وتقبله
لملامتي وتبيانه لوجهة نظره، مايربط بيننا ياحبيب
أكبر من دهاليز السياسة وفروقاتها،، |
اخي عبدالطيف جمعنا هذا الوطن الاسفيري وتعارفنا عبر الكلمة تضاداً او توافقاً فانبثقت علاقات اجتماعية حميمة وطدت حبل التواصل الانساني الي حياة اسرية كما حال المحتفي بهم , واخري عدائية تلبست روح الضد الفكري نتيجة لغبن في كوامن النفس بيد اننا في بورداب الرياض تجاوزنا الاخرين في فهمنا واحترامنا لاختلافاتنا الفكرية وتعايشنا الانساني ورتق فتق الغاء الاخر او التشفي منة لذا نحن متحابون متعاونون ليبقي جسم بورداب الرياض نموذجا لوطن يسع الكل بمختلف مكوناتهم واثنياتهم .
لك الود
| |
|
|
|
|
|
|
|
|
 Re: بورداب الرياض يحتفون بالزميلة د. داليا الكباشي (Re: يوسف السماني يوسف)
|
يا جماعه مسئولين من الخير ... وين باقي الصوّر ....
وبالمناسيه يا دكتوره داليا الولد اسمه (معاذ) ... زول شقاوة الدنيا كلها فيه .. لكن الحمد الله ماشي كويس خالص في الدراسه .. تخيلي هو يادوب في الصف الرابع ..لكن المدرسه كلها بتعرفو .. ياخ ده موقفهم على رجل واحده ... أنا ما عارف لكن كبارنا بيقول لي إنت ذاتك كنت شقي .. ومن شابه أباه فما ظلم ....
مع خالص التحية والتقدير ؛؛؛
| |
|
|
|
|
|
|
|
|
|
Re: بورداب الرياض يحتفون بالزميلة د. داليا الكباشي (Re: سيف بخيت موسي)
|
أخي العزيز / ياسر
تحياتي وتقديري ،
Quote: الأخ الشفيف عبد الحليم التلب كاميرتك دي ما شافتنا في الحفلة دي ولا شنو شايفك ما فضلت زول ما صورتو،،،
قلنا نمر نسلم ونسجل ليك صوت شكر ...
تحياتي : ياسر العيلفون |
الظاهر إنو النضارة المتنازع عليها بين تمبس وصبري تخصك إنت يا فنان يا رائع ؟!
ولأنك فقدتها لم تعد ترى جيداً ، وعملت طناش منها؟! .. بس برضو البركة في سلامة حبالك الصوتية ، وأداءك
التطريبي العالي .. حيث مازال صوتك ندياً وطرياً وعذبا حين تشدو . (أظن في الثلاث صفحات صورك موجودة) .
دحين الصور دي ما الليلتك واللا أنا كمان برضو لازماني نضارة ؟! لووووووووووووووول ؟؟!!
والله بصراحة تستاهل صور أكثر ، وكمان أكثر وضوحاً ورونقاً من دي ،
بس نسوي شنو آدي الكاميرا المسيكينة وآدي قدرتا؟! ومؤكد الجايات أكتر .
مودتي ،
( ليمو )
| |
|
|
|
|
|
|
|
| |
ياسر السر
داليا الكباشى
tmbis
محمد عبد الماجد الصايم
الامين موسى البشاري
abdulhalim altilib
طارق جبريل
تاج السر محمد حامد
alsngaq
Maawya Hussein
د.محمد حسن
ABUHUSSEIN
صديق الموج
ismeil abbas
احمد التجانى احمد
Habib_bldo
صلاح هاشم السعيد
يوسف السماني يوسف
إدريس محمد إبراهيم
سيف بخيت موسي
فيس بوك
تويتر
انستقرام
يوتيوب
بنتيريست