إنت خفيف يا معلم .. لسانك خفيف .. كان مشيت هناك ما بتنفع .. بتفتنا ساااي . الواحد يجي خاشي يوم السبت الصباح يلقى ليهو بوست بعنوان: يا بتاعين الرياض .. أمبارح بالليل كنتو بتعملو في شنـو ..؟ يعني لاحظ كنتو بتعملو في شنو دي ميتافيزيغية كيف .. بتفتح ليك مجال تخيلات كتيرة خلاص .. المهم يازول اكان الخير محمد عوض جاب ليك (الشيكــة) كرامة المرقه حقتك علي .. ليك علي اعمل ليك كرامـة وسلامة إنك تتخارج لينا من هنا دا وتفضي لينـا المنطقة دي .. انا قاعد هنا دا ..
09-29-2010, 11:37 AM
عطية المحسي عطية المحسي
تاريخ التسجيل: 04-29-2010
مجموع المشاركات: 324
Quote: المهم يازول اكان الخير محمد عوض جاب ليك (الشيكــة) كرامة المرقه حقتك علي ..
يا تامبا .. أخوكـ كان بقى لوترابي يمين تتعب معاي تعب! عاد تلفونات أبو كرت مفتوح، خمسة دولار يديكـ تلاتة يوم كمان لو لميت في الإسكايب .. إلا تقوم جاري عديل!!
يا زول كان ضربت كرامة شنو وبتاع شنو يمين خمخمة أبو السريع .. قبل الكرامة بتخارج! خليكـ قاعد ياخ .. إن شاء الله يدوكـ الدورية البتقيف جمبكم دي!!
09-29-2010, 12:15 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
يا زولي كان صعب الدرب لا تغترب من تاني لي بلد الغرب خايفك تقَلْبَ الشيشة لي عزّ الطلب على ناس خيال واسع تهِبْ وتقعد تهبهب في التلج فاكرو ناراً تلتهب ما كفاية كسّير التلج الكان هنا؟ ما شيله ما يديك درب أوه شياً صعب أشششششششش كرب -- يا زولي بالجد من جديد ماش تغترب حذف القديم من اغتراب شيتاً صعب -- هي الأستاذة تاني رجعت الغرب؟ - والله دا الفراق المر صعب سفر الجفا الما بنشرب ولا ماش تلاقي فيه حُب زي ناس هنا أهل وصحب غيّر وبدّل هوي يا العجب
09-29-2010, 01:20 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: عاد تلفونات أبو كرت مفتوح، خمسة دولار يديكـ تلاتة يوم
كويس إنو الواحد الفترة دي تلفونـو رايح .. يعني تفتكر لو عملت لي رقم جديد .. ح اديك ليهو كدا ساااي .. عشان تصحيني الساعة خمسة صباحا بي توقيت هنـا .. تجي تقولي والله أمبارح كنت في مركز واشنطن بحضر في حفلة بي سلمى العسل ..؟ يا كمان تشبكني والله امبارح مشينا كلورادوو
يازول عليك الله امش بي وشك .. الله يعدله عليك محل ما تقبل .. الدورية الجمبي فردتهم ليك .. حسع باقي الأرض الفاضية القدامي دي .. والله الواحد عندو امكانيات يبقى مستثمر اجنبي .
09-29-2010, 01:21 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: يا عمكـ نحن مشكلتنا، أو مشكلتي أنا بالذات، مع حصلت سألت إجراءات الهجرة المطلوبة شنو، بشوف إعلانات الهجرة لكندا دي كتير لكن أغلبها تتصل يقولوا ليكـ أهم حاجة يكون عندكـ رأسمال! ياخ أنا لو عندي رأسمال ما أمش ابني بيت الحاج يوسف دا وانتهينا!!
معليش مع إنه البورد مخصص للوتري لكن ندخل هجرة كندا شوية. نصيحتي لأي زول داير يقدم كندا ألا يلجأ لمكتب. الخطوات واضحة جدا يمكن أن تتابع الأمر لوحدك و حتى وزارة الهجرة الكندية تنبه بصورة رسمية إنه من حقك تقدم من خلال محامي أو مكتب لكن دا ما بدي طلبك أي ميزة و لا يساهم في تسريع إجراءاتك بأي شكل.
09-29-2010, 06:05 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
ود الصايم بالتوفيق يا اخى. انا يا اخى بقدم لللوترى دى (كل سنة) من حوالى ١٦ سنة. و لحدى هسي ما جاتنى. قبل ٣ سنوات وقفت تقديم. قلت الناس ديل قاصدنى عدييل كده. و احنا ما بنمشي لناس ما بجونا (او كما قال ترباس) بمناسبة المخدرات....امشي على كلفورنيا ...عدل. ناس الولاية دى قالوا ناويين فى شهر حداشر يعملوا الحشيش قانونى. يعنى تمشي الدكان تشترى حشيشك و ترجع البيت ...فى امن و امان. ده غير الجو السمح و سودانيين البى ايريا اللى كل يوم عندهم حفلة. شى ياسر تمتام و شى ميكائل. مره مشيت حفلة فى بلدهم دي....لقيت كابلى بيغنى و الموصلى (شخصيا) و واحد من البلابل بيتونسوا. هسي انت عليك الله اخر مره مشيت حفلة لكابلى متين??? معليش على البرى.... حاجه اخيرة....ما تقدم اكتر من مره واحده باسمك. يعنى مره باسمك و مرة باسم ام روان (انا بكره كلمة "مدام" اكتر من كلمة "مرة"). الجماعة ديل عندهم برامح كومبيوتر تخليهم يقفشوك طوالى.
09-29-2010, 06:11 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
Quote: معليش مع إنه البورد مخصص للوتري لكن ندخل هجرة كندا شوية. نصيحتي لأي زول داير يقدم كندا ألا يلجأ لمكتب. الخطوات واضحة جدا يمكن أن تتابع الأمر لوحدك و حتى وزارة الهجرة الكندية تنبه بصورة رسمية إنه من حقك تقدم من خلال محامي أو مكتب لكن دا ما بدي طلبك أي ميزة و لا يساهم في تسريع إجراءاتك بأي شكل.
العوض يا عمكـ تسلم يا حبيب على النصائح الجميلة دي! يلا كمان ما تنسى حاجة مهمة إنو حاجز اللغة مرات بقيف قدام الواحد في الحتات المهمة دي .. حبة الإنجليزي العندنا دا زي ما قالوا إنجليزي جركانات .. والباقي مصطلحات مالية!! عشان كـدا الواحد بكون محتاج واحد يقول ليهو خت أصبعكـ هنا!!
10-02-2010, 08:52 AM
مهيرة مهيرة
تاريخ التسجيل: 04-28-2002
مجموع المشاركات: 948
وكيّة ليك بعيد القول وما بتحمّل فراقك دا ما ليه محمل وإن بقيت لمال قارون تحمّل وتبيّض لونك تبقى أجمل
مستحيل لي فراقك ضُمّة أحمل
Quote: ولسان بنيّاتك هناك بفوت من درب ويباري ناس عوج الدرب
القاعدين هناك نسوا إنو كان في زول زمان سمّوه كان عوج الدرب وكان هنا بعوج درب من الكرم يحنو ويحب لكنه فات في الزمن الصعب ما لاقي زول يعوج ليه الدرب ولا لاقي شيتاً اسمه حب مسكين دا قاعد ينتحب ولو حتى راقد ينتحب لأنه فات درب الضهب وفاتن عليه نغمات طرب
غيّر وبدّل يا صعب
ما تخلّيني أبكي وأنتحب
10-02-2010, 09:54 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: يجب ان اوضح انى ضد تعاطى المخدرات والمكيفات بكل انواعها. انا شخصيا شاى ما قاعده اشربوا.
سمارت إنتي .. غايتو لقيتكـ جنس تحسس!! الكلام دا ما عندنا ياخ! عارفين النوايا والله!! بعدين قايلانا نحن الخلاس بالحيل يعني
تعرفي أنا عندي نية ـ بعد ما نتلونتر ونتستزن كمان ـ داير أمش حتة كـدا جمب القطب المتجمد، معانا واحد هنا في البورض قاعد في الحتة ديكـ فيها برد كـدا أنسي بس .. وأخوكـ بموت عديل كـدا في البرد .. سخانة ما حبابا أها هناكـ كمان قالوا الليل ما عارف ستة شهور والنهار شهرين والباقي بكونوا ما عارفين الدنيا ليل ولّ نهار .. بكـدا بتكون مخدر بدون مخدرات زاتو
10-02-2010, 09:01 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: داير أمش حتة كـدا جمب القطب المتجمد، معانا واحد هنا في البورض قاعد في الحتة ديكـ فيها برد كـدا أنسي بس .. وأخوكـ بموت عديل كـدا في البرد .. سخانة ما حبابا أها هناكـ كمان قالوا الليل ما عارف ستة شهور والنهار شهرين والباقي بكونوا ما عارفين الدنيا ليل ولّ نهار .
بدور أتلوتر
وابقى فلوتر
والتلفون كمان اتفوتر
وجايب لي بس خنقة سلوتر
جننتونا يا راكبين الموتر
وهوووووي ها
10-02-2010, 03:22 PM
عماد الشبلي عماد الشبلي
تاريخ التسجيل: 06-08-2008
مجموع المشاركات: 8645
ياربي تجبر خاطرييي**وترمي لي لوت كدا اللوتري يااا.. ياربي تجبر خاطرييي**وترمي لي اللوتري.. هي ياربي مابين يوم وليله**نمشي هوليوود الجميله.. ياالله مابين يوم وليله**نمشي هوليوود الجميله.. هناك نتكل في النجيله**والميلاريا نقول حليلا يااا.. ياربي تجبر خاطرييي**وترمي لي اللوتري.. هي ياامريكا الشوفتك في الخرايط**افري مورننق وافري نايت.. امريكا الشوفتك في الخرايط**افري مورننق وافري نايت.. ياربي باكر فيكي بايت**اللاقي مادين والبرايط يااا.. ياربي تجبر خاطرييي**وترمي لي اللوتري.. هي ضاع عليّ درب البنكا**والبلد تجي راحي تلكا.. فات عليّ درب البنكا**والبلد تجي راحي تلكا.. نفوت هناك نسوي شركه**وفي الريسيبشن قاعده مونيكه يااا.. ياربي تجبر خاطرييي**وترمي لي اللوتري.. هي هناك لافي فول لافي فتى**ولا بيتعمل فوقو شطه.. (هييأ استغفر الله العظيم يااخوانا) هناك لافي فول لافي فتى**ولا بيتعمل فوقو شطه.. (هييأ اح) نفوت هناك نحتو حته**في شيكاغو محطه سته يااا.. ياربي تجبر خاطرييي**وترمي لي اللوتري.. هي اسوي قروش اروق دمي**عشان اعرس بت عمي.. اسوي قروش اروق دمي**عشان اعرس بت عمي.. افوت هناك اشوف فيولا**وبت عمي معاها الله يااا.. ياربي تجبر خاطرييي**وترمي لي اللوتري.. هي ياربي تجبر خاطري**وترمي لي اللوتري..
اللهم نسألك السفر الى امريكا في الخميس.. آآمين.. ونسألك في كل جلسه جليس.. آآمين.. ونسألك السفر منها فوق لي باريس.. آآمين.. ونسألك للبائرات عريس.. آآمين.. ونسألك بما سألك منه عبيدك هيثم مصطفى وصلاح ادريس.. يارب العالمين.. آآمين..
10-03-2010, 08:34 AM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
أنا ما بدور أتلوتر , خلاص سيب اللوتري يا عمك و أنساهوا وشوف ليك شغلة تانية.
بلاد الحجاز دي زيها ماف , يااااخ تطلع الشارع تعاين يمين تلقي سوداني , لكين تعال شوف هنا تعاين شمال يا تشوف ليك كوم تلج ولا لو يومك باسطة تشوف ليك خواجي راكب ليهو في عربية ولا سايق ليهوا ###### في يدوا.
10-03-2010, 11:30 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
لوتري يا لوتري ما تحمد الله يا مفتري مالك كدا مقلّقاً متوتّري زي التقول ضارب ش... من طمعك إنت هوي بري ماشي تباري ناس عري ما سووا شيتاً فنجري والحرب ديمة مدوِّري هلكوا العوالم بالهري ارجع بلادك عمِّري ما كنت زولاً فنجري مالك قلبتها مسخري
ونواصل هجوم التواصل
لين نعرف الحاصل
10-05-2010, 01:05 AM
محمد النيل محمد النيل
تاريخ التسجيل: 10-08-2009
مجموع المشاركات: 5899
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
عطية المحسي
عوض الصديق
محمد عبد الماجد الصايم
omer osman
omar arbab
عبدالفتاح أبوشيمة
علاء الدين صالح
Elawad
smart_ana2001
عمر صديق
Hadeer Alzain
معاوية المدير
مهيرة
النذير حجازي
عماد الشبلي
عبدالله كع
Mutwali Malik
احمد محمد بشير
ابو جهينة
الفاتح ميرغني
محمد النيل
فيس بوك
تويتر
انستقرام
يوتيوب
بنتيريست