|
|
|
 Re: نفــــــســــي .. فـــــي ..! (Re: محمد عبد الماجد الصايم)
|
| Quote: وأعيش في السودان مع الناس .. بالحلوة والمرّة! |
والله يا ود الصايم جيت أكتب ليك
نفــــــســــي نرجع السودان كلللنا نهائي!
لقيتك سبقتني عليها!!
غايتو يا شغيغ الجابك يوم خميس وكمان مساء دا شديييييد وقوي !
نسميها غزوة ذات الأشواق؟! 
| |
 
|
|
|
|
|
|
|
 Re: نفــــــســــي .. فـــــي ..! (Re: محمد عبد الماجد الصايم)
|
| Quote: حسي دي نفسي في فانيلا ميلكـ شيكـ! |
إنت نفسك تفتح دكان ازبيرات وإلا شنو ياعمك؟!
قال ملك شيك هههه
يآخ جارنا بتاع البقالة في كنور وقت قلت ليهو جبنة لبشكري وسفن اب و ليييز شيبس
قال الاسبيرات دي تلقاها عند ولاد المطبعجي في المنطقة الصناعية ...
تقول لي فانيلا شيك !!
نموت نحن يعني والا نموت 
| |
|
|
|
|
|
|
|
|
|
Re: نفــــــســــي .. فـــــي ..! (Re: HAIDER ALZAIN)
|
Quote: يآخ جارنا بتاع البقالة في كنور وقت قلت ليهو جبنة لبشكري وسفن اب و ليييز شيبس
قال الاسبيرات دي تلقاها عند ولاد المطبعجي في المنطقة الصناعية ... |
خلعت الزول يا عمكـ!
عشان كــدا قلنا حاليا!
حاليا يعني هسسسسسي ناو!
سيم سيم نوامة
| |
|
|
|
|
|
|
|
|
 Re: نفــــــســــي .. فـــــي ..! (Re: HAIDER ALZAIN)
|
ود الصايم
ياخي ابوحسين ريحيني راحة وصلح نفسياتي
ياسلام يالزان جمالك == الكساك اسباب كمالك
خدك البنريدو مالك == خاتو في كفك شمالك
ديمة في فكرك سهودي == ديمة غارق من رهودي
انتي اظن عاجبك سهودي== مسلمة وقلبك يهودي
ديسك للمشاطه قلك == يسترك لو كان مكلك
ريدي لغيرك مغلك == مالي والخط المعلك
---------
ودالصايم نفس في قراصة بالتركين (ملوحه)
| |
|
|
|
|
|
|
|
|
|
Re: نفــــــســــي .. فـــــي ..! (Re: Sidgi mattar)
|
| Quote: نفسى والله سرير فى حوشنا واعد النجوم..... ومعاها صحن بوش كارب وبزيانوس |
صدقي يا عمكـ
كلام والله!
لا يسعنا إلا أن نشارككم هذه النفيسة!
البزيانوس دا جبت معاي كرتونة منو!
خلّصت في تلاتة يوم!
المرة سقتا للضيوف!
| |
|
|
|
|
|
|
|
|
|
Re: نفــــــســــي .. فـــــي ..! (Re: د.يوسف محمد طاهر)
|
| Quote: نفــــــســــي .. فـــــي ..! |
نفسي في داخلك أعاين
أروي روحي واشوف منابعك
الصحراء في عيني تتواثب جناين
ماخدة صوتك من جداول
وشايلة صورتك من كهارب
مولداً ميدانه حافل
كل ما يصبح تجيهو الناس جحافل
يا سلام
لما تعبري في الشوارع
شوفي كيف الناس تصارع
ناس تطفر وناس تدفر
في البشابي على نجومك
وفى البخب كايس تخومك
وكل زول من عند سلافك
لا لا قال دايرلو كاس
مره طربان شلت صوتك شان اغني
قلت آه ياليل وأه
انت أول.. انت تاني..انت تالت.. انت رابع
نافره زي صيد الخلا
وصافية زي نبع المنابع
وقلتلي غناي خلاص
حلوه عينيك زي صحابي
عنيدة كيف تشبه شريحتين من شبابي
زي عنب طول معتق في الخوابئ
وسمحة زي ما تقول ضيوفا دقو بابي
فرحي بيهم سال ملا حتى الكبابي
ود الصايم
الله يديك الفي مرادك (على رأي مزمز)
وتحياتي لشاعر القصيدة المرهف بشري الفاضل
| |
|
|
|
|
|
|
|
|
|
Re: نفــــــســــي .. فـــــي ..! (Re: محمد عبد الماجد الصايم)
|
Quote: بالنسبة لـ ما راجع أبدا دي
غير رايكـ ياخ!
صدقني .. السودان مكسب! |
كدى قول عمر البشير غسل او اتربط كلبش كرج رج الجاى دة بديكم قروش للشفع بديكم بدل عطاله بكون مافى طاخ تل فى الوش يا زول اعمل ميت ساى
--------
والله الزول دة ادوه ست طلقات قدهم واحد ((على راى الصديق حسن ابودية )) مافى فائدة
احضر برنامج منقوا ماعرف كم واعمل ميت
| |
|
|
|
|
|
|
|
|
|
Re: نفــــــســــي .. فـــــي ..! (Re: amir jabir)
|
حبيبنا ود الصايم
سلامات وكفارة من الحصل ليك بهرشة الحريم
كل العالم دى مدبرسة لكين ما قادرة تفضفض
فى اللحظة دى دبرستنا فكت مع شاب من نجوم الغد
اطربنا باغنية لعندليب الابداع = المرحوم / مصطفى سيد احمد
====================
ربنا يحقق الامانى ويكمل المراد للجميع
| |
|
|
|
|
|
|
|
|
|
Re: نفــــــســــي .. فـــــي ..! (Re: Abd Alla Elhabib)
|
نفسى فى مطرة تصب نص الليل
نشيييل فرشاتنا وندخل.... بعد شوية تسكت
نشيل فرشاتنا ونطلع ..تاااااااااااانى..
نمرق وندخل زى عشرة مرات وبعدها نوووووووووم و يضربنا الهمبريب والسقط
ونشم ريحة القش ,,
الصباح نصحى على ريحة بخور التيمان والشاى بالقيمات وكل زول متلصق جنب التانى
وكووولنا متلصقين فى امى باابوى معانا...
ونتشاور فى موضوع الفطور
ناس دايرين عصيدة بتقلية وناس دايرين قراصة بدمعة وناس دايرين فسيخ
قبل مانتفق امى تكون عملتهم كووولهم ....
اها ...
| |
|
|
|
|
|
|
|
|
|
Re: نفــــــســــي .. فـــــي ..! (Re: عبدالله ود البوش)
|
العباسية ، يالتلك المدينة
ليل خاص لا ينقطع فيه سيل الحفلات أو ما كان جدى يسميه "اللعبات "
منذ وقت باكر تسمع من ينفخ الماكيرفونات ايذانا ببدء حفل ما ،
لم تكن الحفلات تنتهى عند ساعة محددة من الليل ، مرهونة كانت لليل بطوله ،
ويا له من ليل ، تستمع فيه الى عشرات الاصوات الغنائية من فنانين لهم سطوتهم وقوتهم الفنية فيصيبك الطرب وانت مستو على سريرك او ان تكون الحفلة "فى بيتنا " وهذه قصة احكيها لكم
كنت حينها ما ازال طالبة فى معهد الموسيقى والمسرح اوائل الثمانينات ، كان خالى ماضى حفيا بالحفلات والطرب يسعى اليه ولا يألوا جهدا فى بعثه كائنا بيننا ، يجئ الى الحوش عندنا
ـ اسمعى اصحابكم اولاد المعهد ديل ما بجوا الليلة ؟
ولا يستمر الجدل طويلا ، ياخذنى فى سيارته باتجاه داخلية بانت حيث كان يقيم الطلاب من ابناء المعهد ، ونعود رفقتنا من كان موجودا "بدر الدين الشين ، عثمان سنط ، قاسم نصر ، عوض الله بشير ، شمت محمد نور ، انور عبد الرحمن ، مجاهد عبدالله وعثمان سافر " ويمتلئ البيت فجأة بعدد من افراد اسرتنا واصدقاءنا الذين جابتهم الريح الطيبة للغناء الجميل التى كان يمنحنا اياها اولئك الشباب فى تلك الايام ، فجأة ، ثمة غناء ، وثمة فرح ، وطعام يمتد سماطه مطهو بفرح ، كراسى ترقص بهجة ، وساوند سيستم تم توصيله بذات السرعة التى حل بها ذاكم الجمال ...
انت قايل روحك براك ؟
| |
|
|
|
|
|
|
|
|
|
Re: نفــــــســــي .. فـــــي ..! (Re: سلمى الشيخ سلامة)
|
الحبيب ود الصائم
ان شاء الله خميساتك كلها تكون مخستكة عشان تقصر غربتك
ياخي واحد جاء من القرى يقضى شهر عسل عند جيرانا اها لقيتو ليك قاعد تحت الشجرة ومولع سجارة
قلت ليهو ياعريس اخبارك قال لي ياخي هي حلتكم دي حلة عرس قلت ليهو كيف قال لي جاركم ده كل يوم الساعة سته صباحا لازم واحد من بيتو يطلع راس البيت ههههههههه
انا برضو عندي ذكريات حلوة في العباسية ياخي العباسية دي جميلة جمال كدي انت دردق سلمى بت الشيخ دي بتحكي ليك عنها العجب العجاب
كل خميس وبيتك مليان حريم ان شاء الله وبعد العشاء ان شاء الله يولعوا ( الشيشة طبعا)
تحياتي
زاتوووو
| |
|
|
|
|
|
|
|
|
|
Re: نفــــــســــي .. فـــــي ..! (Re: ALZOLZATOO)
|
اها يوم الجمعة دا انا بالنسبة لى يوم نفسيات عديييييييل كدا
عندنا تلفون الجمعة مع ناس بيتنا برفعو لى فيهو تقرير شامل كامل
صحو الساعة الساعة كم وحينومو الساعة
ابوى جاب ام فتفت وامير مشى جاب السمك وامى سوت العصيدة
والبنات نضفو البيت وبورقو فى الخدرة
ناس خالتى كلتوم لملمو حاجتهم وجو يسوها فى بيتنا
جارتنا نادية سمعت صوت ناس خالتى قالت جاية تشرب معاهم الجبنة
اخلاص جارتنا رسلت حلة محشى شان شافت معانا ضيوف
اها دا تقرير قبل شوووووووووووية
| |
|
|
|
|
|
|
|
|
|
Re: نفــــــســــي .. فـــــي ..! (Re: waleed dawash)
|
| Quote: البيت كم طابق؟ ووين؟ |
جنّي وجن الأسئلة التعسفية دي!
حاليا في الطابق تحت الزيرو!
كم طابق دي حسب التساهيل!
أما بالنسبة لوين دي .. إنت قايلو وين يعني؟
الرياض؟ المنشية؟ كافــوري؟
الحاج يوسف الفيحاء يا عمكـ
الفيحااااااااء
| |
|
|
|
|
|
|
|
|
|
Re: نفــــــســــي .. فـــــي ..! (Re: معتصم مصطفي الجبلابي)
|
Quote: لكن شوف شهية البشري الفاضل وشوف نفسو
في شنو و لو صام ولم يكتب غيرها لكفته |
الجبلابي يا عمكـ .. تسلم ياخ!ّ
زي شهية دكتور بشرى دي نحن ما ناسا ياخ!
دي بيوت شعر .. ما بنقدر نسكن فيها
تحياتي ليكـ وللدكتور بشرى .. وأبو السيد برضو
| |
|
|
|
|
|
|
|
|
|
Re: نفــــــســــي .. فـــــي ..! (Re: ياسر عبدالكريم محمد)
|
Quote: ود الصايم ربنا إديك الفى نفسك
لكن تمامة البيت دى قاسية اسالنى انا
والتشطيب إسم على مسمى |
أبو عمّار يا عمكـ
وإنت قايل المطلّع روحنا شنو!
طيب كويس إنت وصلت مرحلة التشطيب الفوق
نحن لسع في مرحلة التشطيب التحت ياخ!
عالم جنّها كسير المقاديف!
| |
|
|
|
|
|
|
|
|
|
Re: نفــــــســــي .. فـــــي ..! (Re: Amira Elsheikh)
|
Quote: اها يوم الجمعة دا انا بالنسبة لى يوم نفسيات عديييييييل كدا
عندنا تلفون الجمعة مع ناس بيتنا برفعو لى فيهو تقرير شامل كامل |
تعرفي يا بت الشيخ
يوم الجمعة دا .. في إجازتي الفاتت دي
اسمو اليوم المفتوح .. أي والله مفتوح على مصراعيه
(دي مفروض يدوني فيها عضوية الفور شنو داكـ)
من يوم الخميس، وقولي ما شاء الله، عندي سبعة (خيلان وخالات)، كلهم
بحمد الله بأولادهم، من يوم الخميس دي الركشات تتطاقش في البيت
بالليل تتصرف تشوف ليكـ حتة تنوم فيها، مرات بنقوم نرجع لبيت أي واحدة
من خالاتي عشان ننوم .. أها الجمعة دي قصة كـدا ما تخلص
البيت بكون فيهو من عمر ستين سنة إلى ستين يوم كل الأعمار متوفرة
لمن اليوم ينتهي بتكون زي الجاري ليكـ تلاتة شهور .. لكن البسمة
بتكون مالية خشمكـ من الضرس للضرس .. زي ما الجيب بكون مادي خشمو برضو
| |
|
|
|
|
|
|
|
|
|
Re: نفــــــســــي .. فـــــي ..! (Re: ALZOLZATOO)
|
| Quote: قلت ليهو ياعريس اخبارك قال لي ياخي هي حلتكم دي حلة عرس قلت ليهو كيف قال لي جاركم ده كل يوم الساعة سته صباحا لازم واحد من بيتو يطلع راس البيت ههههههههه |
هسي الزول دا بكون نفسوا ما يجي حلّتكم دي تاني كلو كلو!
شفت الليلة الجو كيف؟
نفسي في رحلة جمب البحر!
| |
|
|
|
|
|
|
| |
محمد عبد الماجد الصايم
خالد عبد الله محمود
بكري عباس علي
د.محمد حسن
أبو عبيدة البصاص
الشاذلى خيرى عبد الله
محمد كابيلا
Hadeer Alzain
ABUHUSSEIN
طارق جبريل
عمران حسن صالح
سيف الدولة كامل
احلام وهبي
HAIDER ALZAIN
Balla Musa
عبدالعزيز الفاضلابى
وليد عبد اللطيف
د.يوسف محمد طاهر
Sidgi mattar
ALGARADABI
جلال جبريل
Hassan Makkawi
عبداللطيف خليل محمد على
Abd Alla Elhabib
amir jabir
داليا الكباشى
القلب النابض
عماد الشبلي
طلحة عبدالله
عبدالله ود البوش
سلمى الشيخ سلامة
ALZOLZATOO
ياسر عبدالكريم محمد
معتصم مصطفي الجبلابي
waleed dawash
فيس بوك
تويتر
انستقرام
يوتيوب
بنتيريست