|
Re: كبســور البــورد! (Re: محمد عبد الماجد الصايم)
|
Quote: ذكرتني قصة الرباطة اللمو في الجماعة في الخور .. وأهو عايشين |
كاااااااااااااااااااااااااااااااااااااااااااااااك يا عمك صدقني البوست ده قدر ما فتشته مالقيته
ــــــــــــــــــــــــــــــــــــــــــــــــــــــــــــــــــــــــــــــــــ اخبار شيشتك مع العيد ده كيف ؟؟ طبعا الناس فطرت ويجوز تداولها بعد كده لوووووووووووووووووووول
| |
|
|
|
|
|
|
Re: كبســور البــورد! (Re: Faisal Elrasheed)
|
فيصل يا رشيد .. مستحق اللقب عن جــدارة
فتش كويس يا عمكـ قبل ما تجي تفتي لينا ساي هسي لو لمة فيكـ عمر عثمان يجي ينفي ليكـ البوست بتاعكـ داكـ!
الشيشة يا عمكـ ظابطة مليون عديل! ماشة طحنية بس!
تجي تجرب؟
| |
|
|
|
|
|
|
Re: كبســور البــورد! (Re: عبدالوهاب علي الحاج)
|
Quote: يا عمك شيري دي ما قالت اي حاجة عن مشكلتنا انا ودكين |
وردنا الايميل التالي من الخ كركبه والذي بدوره ارسله لنا
Quote: عزيزي كركبه شايفه اليومين ديل العوض قايم وقاعد علي النشالين وحرامية العربات وناس النفايات ودي كلها مواضيع مهمة ومثمره وبتفيد الناس لكن الليله جاب ليهو موضوع تفوح منه رائحة الشامبيون قال داير يصالح دكين ووهبه وطبعا زي ما قلته ليك في التلفون انه دكين ده ما بتبلع لي نوهائي وانت عارف وشايف براك كلامه المسيخ وردوده الاستعلائية نسي ايام المساككه في السعودية ونسي ايام الضنك والعزاب والحافلة والركاب وعامل فيها قال بختار اصدقائة كما الطماطم في السوبر ماركت غايتو الله يخلي الشيخ حمد بتاع قطر الركب الناس في القطر ووراهم لبس الكرفتات وصابون الحمام
وعندي كلام كتيييير بتمو معاك في التلفون المهم قول لي وهبه
الداسك دوسو ما تبقي زي رجال الزمن ده
ودعتك الله لغاية ما اتصل بيك بعدين
شيري |
| |
|
|
|
|
|
|
Re: كبســور البــورد! (Re: Faisal Elrasheed)
|
ارشح محمد فرح اذا تكهرب عاصم الحاج اذا تجزرن (قناة الجزيرة) محمد عادل (اذا جات سيرة سيدي مبارك) رغيم عثمان (بس جيب سيرة مولانا) هارون دياب (اذا المريخ انهزم) صديق الموج (كان زعلتوا افراح) حبيب نورة (كان زعلتوا الموج) فرانكلي (بس تحصل حاجة في الجنوب) ميادة كمال (لما تجي سيرة لبنى) عمر عثمان (بس يلقى كلمة بوليس) جني (لما يقرا الشرق الاوسط) معتصم (لما يجيب خبر برا صور) صبري الشريف (اكان ما تطلع فتوى) محمد عمر الفكي (كان ما تجي سيرة نصر الله) صفحة البورد الاولى (لما هباني يكون فاضي)
الغريب العجيب في الموضوع انه اكبر كبسورين ما جبتوا سيرتهم ود الباوقة وغريبة. بمناسبة ود الباوقة دا انت ذاتك مرشح معاه مش انتوا الاتنين (اعلاميين)؟
| |
|
|
|
|
|
|
Re: كبســور البــورد! (Re: محمد عمر الفكي)
|
ياعمك العيد مبارك عليك وكل الربع في رياض الخير الشيخ،،
الظاهر لقيت الحجز ومجدع هنا،،
ترشيحي: بالله في كبسور أكبر من الزول العزمنا إفطار الرياض داك ، ومسك الميكرفون وقال أعمامنا الليهم أكتر من 15 سنة يجوا قدام،، جينا قدام ،، أها قام قال : شايفين أعمامنا ديل؟ هم سبب الأزية ، ومفروض يتخارجوا طوالي ويرجعوا السودان، عيب عليكم ياخ!!!!! لاعرفنا نضحك لا عرفنا نبكي !!! دا كبسور الأصلي لأنو حقاني وكلامو مر،،
كان عرفتو : رشو بتثنية ياعمك،،
عملنا بكلامو وخلينا البلد ، ومن البعد : (أهدي ليك أغنية : كنت فاكرك (((لي))) هههههه، ،، سلام يارايق وتحياتي ،،
| |
|
|
|
|
|
|
Re: كبســور البــورد! (Re: شول اشوانق دينق)
|
شول يا حبيب كل سنة وإنت طيب ياخ!
دي الحالة لسع ما فكينا اللعب! شفت يوم الأرشفة من الصباح بدري أقوم أفت ليكـ اللعب دا فت شديد خلاس وقبل ما الناس تجي تشوف الحاصل شنو عمكـ كبسور الكبير يكون قرّش البوست في الأرشيف
فيا عمكـ خليكـ صاحي يوم الأرشفة! واحتياطا ألبس بامبرز
| |
|
|
|
|
|
|
Re: كبســور البــورد! (Re: هند محمد)
|
هند بنت محمد كل سنة وإنتي طيبة ياخ! رفعتي لينا معنوياتنا في العيد دا يعلم الله! تسلمي ياخ وكل سنة وإنتي طيبة!
مفروض بعد دا الواحد يلغي البوست زاتو!
| |
|
|
|
|
|
|
Re: كبســور البــورد! (Re: اسعد صلاح البدري)
|
ود الفكي كل سنة وانت طيب بالغت في دي Quote: محمد عمر الفكي (كان ما تجي سيرة نصر الله) |
يعني معقول تنسى حماس و قناة الجزيرة كمان
حموودي اؤيد وبشدة ترشيح بندر بس كمان ما تنسى الحبشي ومحمد نجيب و أبو شيمة
| |
|
|
|
|
|
|
Re: كبســور البــورد! (Re: محمد البشرى الخضر)
|
يا عمك ... بوست (ذا) النون بتاع بطبطة الأرض و رمضان المجلي دا كان يكفيه للفوز باللقب لولا مداخلة كمال يا زين الجا شال ابريقو فيها عليه ... أرشح كمال يازين للقب و (ذا) النون وصيف ليه
| |
|
|
|
|
|
|
Re: كبســور البــورد! (Re: محمد البشرى الخضر)
|
يا عربي الحبشي وعمكـ أبو شيمة ديل خارج الترشيحات حاليا لأنو الاتنين شكلهم كـدا بقو زاهدين في البورد دا! لو كانو قاعدين قطع شكـ كان تلقاهم فووووق قبل اسمي نجيب دا قصتو جايطة!
بالمناسبة ما تساعد عمكـ شوية وتجيب لينا لنكـ! للبوست القلتو دا الله يرضى عليكـ الظاهر فاتتني القصة بتاعتو وكــدا!
| |
|
|
|
|
|
|
Re: كبســور البــورد! (Re: محمد عمر الفكي)
|
Quote: رغيم عثمان (بس جيب سيرة مولانا) |
محمد عمر كل سنة وانت طيب ما قلنا سياسة ما معانا ياخ
ود الصايم
Quote: وترشيحاتكـ كووولها في السكـ يا عمكـ |
انا كدا ربعت الترشيح وانا زميلى اتناول ليك فردة لانو السيك فى قبولك ما بحلك منى الليله
| |
|
|
|
|
|
|
Re: كبســور البــورد! (Re: محمد عبد الماجد الصايم)
|
Quote: ليه كدا بس يا ناس سودنيز ما صاح شككتوا في مصداقيه ود الصايم جد زعلت لي اشارات فيصل يا ريت لو عندك كلام تكتبو بي اسمك يا اخ فيصل شكرا ليك يا ود الصايم سعدت بي البوست بس لحد هنا وكفايه ودعتكم الله ............ وااااي انا من صلاح غريبه وصلاح بندر ديل اغرب بشر بس ما عرفت لي بهاء دا زعلن ليه؟
|
عاجبتكـ كــدا يا فيصل؟
شيري .. ما تضايقي فيصل الرشيد دا أكبر كبسور في البورد دا!
| |
|
|
|
|
|
|
Re: كبســور البــورد! (Re: عبدالكريم الامين احمد)
|
كيكي يا عمكـ شيري دي ورتنا مثال حي للتفاني وعدم حبس الكلام في الحلق والانكشاح مباشرة في وش الزول .. أها فيصل الكبسور الفوق دا قايل الموضوع دا هظار وقام كبسر ليهو مداخلة كـدا باسم أختنا في الله دي! باللاي ما يستحق منكـ تثنية للقب كبسور؟
___ شيري .. أبقي مارقة ياخ!
| |
|
|
|
|
|
|
Re: كبســور البــورد! (Re: محمد عبد الماجد الصايم)
|
دى أكتر واحده ضحكتنى..
Quote: ترشيحي: بالله في كبسور أكبر من الزول العزمنا إفطار الرياض داك ، ومسك الميكرفون وقال أعمامنا الليهم أكتر من 15 سنة يجوا قدام،، جينا قدام ،، أها قام قال : شايفين أعمامنا ديل؟ هم سبب الأزية ، ومفروض يتخارجوا طوالي ويرجعوا السودان، عيب عليكم ياخ!!!!! لاعرفنا نضحك لا عرفنا نبكي !!! دا كبسور الأصلي لأنو حقاني وكلامو مر،،
كان عرفتو : رشو بتثنية ياعمك،،
عملنا بكلامو وخلينا البلد ، ومن البعد : (أهدي ليك أغنية : كنت فاكرك (((لي))) هههههه، ،، سلام يارايق وتحياتي ،، |
يا ود الصايم إزيك
بوست ظريف شديد..لكن... أنا طبعاً قاعده أخاف من البوستات الملغمه الزى دى...هههههه وبمشى جنب الحيطه..لكن فى ترشيح حارقنى وما قدرت أسكت عليه... ومستغربه ليه مافى زول رشحو؟
بريمه
| |
|
|
|
|
|
|
Re: كبســور البــورد! (Re: Egbal Elmardi)
|
إقبال .. كل سنة وإنتي طيبة ياخ! شرفتينا شديد والله في الباص بتاعنا دا!
النجيضة: بريمة دا كبسور أصلي بس في البداية كنا موقفين الترشيحات البتجيب الهوا بتاعت ناس السياسة وما شابه .. لكن فكينا الحظر خلاس!
أها .. وعشان جيتكـ دي أصلوا ما بتمرقي ساي نثني ليكـ بريمة ونرشح ليكـ معاو عبد الرازق الطالب .. بتعرفيهو؟
حرامي القوقل ياخ!
كل سنة وإنتي طيبة ياخ!
| |
|
|
|
|
|
|
Re: كبســور البــورد! (Re: omer osman)
|
جنابو يا عمكـ وووووووين الناس ياخ! كل سنة وإنت طيب مشتاقين يعلم الله! كنت منفي ولا شنو؟
زولكـ الجاي طابقو لينا في طرف جلابيتكـ دا رشحناهو قبيييل كأول شخصية ترشح من خارج البورد!
أها بنعتبر كلامكـ دا تثنية لترشيحو وبعد دا نبقى مارقين في حساب الأصوات
| |
|
|
|
|
|
|
Re: كبســور البــورد! (Re: عبدالكريم الامين احمد)
|
ود الصايم يا عمك
بوست طريف ومبتكر، تسلم
----
اثني ترشيحات ود البشري وازيد عليهو تروتسكي صاحبي علي الايمان معتز تروتسكي دا دش كلام ساي يفقع مرارة تور
انتو الوشوش الضاحكة دي بتجيبوها من وين؟
| |
|
|
|
|
|
|
Re: كبســور البــورد! (Re: Shihab Karrar)
|
شهاب كرار يا عمكـ تسلم يا حبيب
ونعتبرا تثنية منكـ لترشيحات ود البشرى وكمان ترشيح جديد
معتز تروتسكي! تصدق يا عمكـ .. ترشيح مقبول وبالمناسبة دي وما دام الموضوع جاب ليهو مثقفاتية وحاجات زي دي .. نديكـ مرشح من عندي برضو: هشام آدم!
تعال راجع يا عمكـ وجيب معاكـ المفيد!
| |
|
|
|
|
|
|
Re: كبســور البــورد! (Re: Shihab Karrar)
|
Quote: جنابو يا عمكـ وووووووين الناس ياخ! كل سنة وإنت طيب مشتاقين يعلم الله! كنت منفي ولا شنو؟
|
ودالصايم والله الشوق بحور ماليها حد ، بعدين منفي دي شنو انت قايلني بعيد مع مراعاة فروق الوقت والا شنو ؟ يا اخي نحن اولاد قلبا
الاصلي مش قلبا الوراني بتاع وليد الشفت
| |
|
|
|
|
|
|
Re: كبســور البــورد! (Re: ياسر بيناوي)
|
أوووووو .. بيناوي كبسور!أخباركـ ياخ وكل سنة وإنت طيب! ياخ زولكـ دا الحمد لله الشتت لو كان قاعد كان ختيت اسمو في العنوان طوالي!
قاتل الله الكبسرة!
| |
|
|
|
|
|
|
Re: كبســور البــورد! (Re: محمد عبد الماجد الصايم)
|
Quote: هسي صديق الموج دا ما بالغ؟ |
بالغ الهينة دي يمين دي عملية محمد عادل ما يعملها
ساهر بينا ساكت البوست الكنت ح اشيل بيه حال نوبي اهنداك جاهز في الوورد يسمع في كلامي دا , أسي اتصرف كيف ؟
| |
|
|
|
|
|
|
Re: كبســور البــورد! (Re: abdalla osman)
|
هي (الكبسرة) دي باعتبار شنو ياجماعة!!
غايتو أنا خشيت أعيّد على صاحب البوست وضيوفه،
وبالمرة،
عمر الفاروق:
وين ليك مدة ما بنتّ..
ماتقوموا تعبروه لي ترشيح لا سمح الله..
| |
|
|
|
|
|
|
Re: كبســور البــورد! (Re: سعد مدني)
|
سعد مدني يا عمكـ شرفتنا ياخ!
زولنا دا ما داير تثنية يا حبيب عامل زي الانتخابات العربية حيفوز بنسبة 99.9.9.9
تسلم يا حبيب وما تمش بعيد!
| |
|
|
|
|
|
|
Re: كبســور البــورد! (Re: osman righeem)
|
صايمنا انت لسه مكبسر
لكن ما نجضت الناس دى نجاض
اديك النجيضة: ياااخ انت والله اكبر كبسور
انا عندى واحد كده عايزة ارشحه بس اسمه رايح على
مين كده ... بتاع القطار داك ياااخ
| |
|
|
|
|
|
|
Re: كبســور البــورد! (Re: فادية اليمني)
|
فاااادية يا! كل سنة وإنتي طيبة ياخ! عارفكـ هسي بتكوني في الجبل وواقعة في السمكـ دا من طرف! بعدين بالنسبة للكبسرة دي .. ما جبتي حاجة من عندكـ .. سجلت اسمي برااي أول واحد وكــدا!
القطار ياتو ياخ؟ غايتو عشان أوريكـ الكبسرة الجد برشح (على لسانكـ) حامد برقو!
| |
|
|
|
|
|
|
Re: كبســور البــورد! (Re: Dalal Ezzaldin)
|
(*)Quote: ود الصايم في زول فهمك غلط في البوست بتاع الاعتذار داك
بس قلت اكلمك عشان تمشي تعتذر ليهو
|
دلاااااال مالك ياخي خليهو نايم على أضانو أنا عاجبني ليهو جا تاخ تاخ رشا لي (حمودي) ده أصلو ما أداهو مهلة ..
والله ريحني راحة ..
)::
______________________
أنا غايتو ما بجامل برشح صاحبي (عمر سعد) زاتو أوسكار في الكبسرة خشا ليك في ودالصايم لفت ريحني راحة ):
أديهو يا(عمر سعد) ولا نامت أعين الجبناء ..
):
| |
|
|
|
|
|
|
Re: كبســور البــورد! (Re: Dalal Ezzaldin)
|
(*)Quote: ود الصايم في زول فهمك غلط في البوست بتاع الاعتذار داك
بس قلت اكلمك عشان تمشي تعتذر ليهو
|
دلاااااال مالك ياخي خليهو نايم على أضانو أنا عاجبني ليهو جا تاخ تاخ رشا لي (حمودي) ده أصلو ما أداهو مهلة ..
والله ريحني راحة ..
)::
______________________
أنا غايتو ما بجامل برشح صاحبي (عمر سعد) زاتو أوسكار في الكبسرة خشا ليك في ودالصايم لفت ريحني راحة ):
أديهو يا(عمر سعد) ولا نامت أعين الجبناء ..
):
| |
|
|
|
|
|
|
|