Quote: لذا ما حتلقى أجوبه لآي سؤال منطقي غرضك بيه أن تحاوره...
زي ما انا بسأل فيك من الصباح ليه شلتي عبارتي الضاحكة واعتبرتيها وعيد ولصقتيها لي حاتم ولحدي هسة ما عندك اجابة مجرد لولوة في لولوة مرعوبة حد الموت من فكرة الناس تسألك لأنك شايفة إنك انتي المفروض تسألي والناس تربع يدينها وتجاوبك شايفة إنه اعتذارك معناها هزيمة ليك عشان كدة نهائي ما مفكرة تقولي إنك غلطانة أنتي رميتي في حقي كلام كتير وكل ما أزرك في حاجة تقولي لي لا لا ما كنت بتكلم معاك أها أنا الليلة بحددها معاك .. أنا طبعاً ما من ناس رفقاً بالقوارير وما بخوفني الانجليزي البتسليهو للناس عشان يقتنعوا بي ثقافتك يعني بتقولي لي سايتيشن بقول ليك سايتيشن انتي دي
10-16-2017, 07:03 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
التعليق التالي من دكتورة فردوس للاخ أحمد محمد عمر لنفاذ كوتتها لليوم
Quote: يا محمد أحمد عمر... في إحدى مداخلاتي قلت ليك
آسفة يا محمد...العفو الكلام موجه لحاتم...
وتاني قلت ليك
الكلام ال بيحاول حاتم ينفذ خطة البيلياردو بتاعته ال بيقول عنها بالحق و الباطل دي تكاتيكه هو الإستحمار بيجي في حتة علاقة حاتم و رده ليك في ذلك البوست و فهمي ليه. يبقى كلامي كله هنا لحاتم... إنت نعم قلت الكلام هناك وخلاص. آسفة ما عندي إضافة لكلامي الفوق ده...
10-16-2017, 08:06 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
غايتو جنس ملاواة هههههه هوي، الكلام دا واضح، انتي اتهمتيني بالنص التحت دا
Quote: الشيء الآخر ... حاتم تَوَعّدْ إنه حيلاحقني و يسطر لي جداول و و و إلخ في بوست قوقل بعد ما كتبت آخر مداخلة لي بهناك ظناً منه أن الأسلوب ده بيمشي علي...
وين إثباتك عليهو في المنبر دا؟ ما عندك إثبات.
إذن تعملي بنفس النصيحة الوجهتيها للناس مع رشوشة إنجليزي غير مبررة. crystal clear
ولو دايرة نفتح ليكي نافذة فيسبوك عشان تواصلي.
10-16-2017, 09:40 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
لو قلت ليكم البوست دا كلو كلو ما دخلتو، بتصدقو؟ طبعاً صاحبة البوست طردتني في بوست تاني ب: خير يا أبوبكر خير طبعاً أنا زول حساس فهمت المطلوب وحردت الدخول هنا أها الليلة القبل آخر يوم لي بالمنتدى قلت كدي النشوف الحاصل شنو؟ لقيت أول مرّة في سودانيز أونلاين دي سيدة تطقطق بلعب نضيف من غير أي تعدي طقطقة محترفين عفيت منكم يا أولادي أضربوا الفلول باللعب النضيف عليكم الله، ما تدوها حجة تشرد بيها حافظوا على العنف القانوني دون رحمة ولو قالت ليكم سايتيشن قولوا ليها سايتيشن إنتي دي
10-16-2017, 09:45 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
عبد الصمد لسة شايل إبريق السرة واللا رخيت .. ؟؟ شنو شابكني اتا غير ذي علم واتا ما عارف شنو متين أنا جيت هنا قلتا ليك أنا أحمد زويل واللا العقاد ؟؟؟؟؟ واتا يعني عشان طارح نفسك علامة قايل كدا بتيح ليك تتعولق فيني وأخليك أطلق سراحك ساي كدا .. أبدا والله لو نزلت في أدبخانة بنزل معاك .. شيل إبريقك دا زي ما عايز ان شاء الله تربطو في ضهيرك لكن أنا ما سألتك ما تحاول تستعرض ضكرنتك على حسابي . عبيط .
10-16-2017, 10:53 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
غاب دهراً ثم نطق كفراً الناس الغابت جابت انت الجيب قايلو كلام مجاني وشتيمة الناس جاوب على السؤال الحشرك في البوست وخليك تسيئ وتذري دكتورة فردوس بدون ما تكون فاهم هي كتبت شنو
Quote: انت بتفهم شنو في السي بي تي وThe anti-social conduct عشان على الأقل نقول إنك بتتكلم عن فهم ما عن جهالة وعليها تنطع كمان
أنا عارفك مشيت قوقلت وجيت بشوية معلومات بس عارف برضو سيتمخض الجبل ليلد فأراً أها هات ما عندك
10-16-2017, 10:59 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
طيب كويس خليها الشتيمة ما في شتيمة وما في كفر انا بجاوبك ما عندي مانع والله وبجاوبك كمان باقتباساتي وعدتي لغاية ما تقنتع ............ بس اتا كمان خليك جدع وجاوبني على سؤالي االسألتو قبلك اتا الحشر مناخيرك شنو في موضوعي مع اللخت دي ؟؟؟؟؟ دا سؤالي القبل سؤالك .. علما بانو تحشرك ما كان ساي معاهو قلة أدب وصفاقة .. يلا نمشي واحدة واحدة جاوب أول وأنا أجاوب والخائن الله يخونو أها قصرت معاك ؟
10-16-2017, 11:16 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
انت وعدت وأنا بمسكك من لسانك وكمان حإتقاضي عن إسلوبك الذي ينم عن... سألتني : اتا الحشر مناخيرك شنو في موضوعي مع اللخت دي ؟؟؟؟؟ وإجابتي: قوانين المنبر تتيح لي ذلك يلا جاوب على السؤال بدون إاللجوء لحصيلتك من المفردات الآسنة على حين زنقة:
Quote: انت بتفهم شنو في السي بي تي وThe anti-social conduct عشان على الأقل نقول إنك بتتكلم عن فهم ما عن جهالة وعليها تنطع كمان
لا يا كضاب قوانين المنبر لا تتيح ليك أبدا أن تشيل ابريقك وتصف ليك عضو بعدم الاحترام والتنطع رغم انو ما وجه كلامو ليك واللا أصلا جاب سيرتك .. واذا كان تتيح ليك دا فبالضرورة تتيح لي أنا كمان واللا اتا قايل الاتاحة دي مخيطة على مقاس طاقيتك بس . اتا شن نفرك يا الضكران عشان تستجوبني وتقول لي دا عيب ودا تنطع وتطالبني باجابه .. ؟ قلتا ليك فوق ما بفهم أية حاجة في أية حاجة .. وكل العارفو انو انت بالنسبة لي مجرد حامل لابريق السرة ولا تسوى قشرة بصلة قديمة عفصتها عشرات السفنجات الطالعة للتو من حظيرة خنازير مريضة .. أوع تجي تشكبني لغة آسنة ولغة رطبة .. عشان أنا ما بفهم ليك الكلام الدراب دا .
10-16-2017, 11:45 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
خخخخخخ أبدا والله دي بصاق عفن قلب في وش سيدو .. الواحد فيكم يجىء ناطي بى كرشو حقارة ساااااااااي كدا أو ما ينفسو يقلب حركة وراء . اتا يا الضكران وكت بتتقاضى شنو شبكتني ما محترم ومتنطع وقلة أدب .
10-17-2017, 00:09 AM
فردوس جامع
فردوس جامع
تاريخ التسجيل: 09-28-2011
مجموع المشاركات: 1179
ما تفرح ساي و تفتكر إني حآخد و أدي معاك ...لا ... و زي ما قلت أنت لم تأتِ لحوار!
كلامي الفوق للأخ الفاضل أحمد محمد عمر لإزالة اللبس...
أما أنت يا أخي... ما شايفة ليك حل غير إنك تعمل CBT زي ما شرحت ليك فوق أمشي اتريض, آخد ليك فسحة, ....إلخ كما موضح أعلاه لأنه أنا ما حأقدر أساعدك بالإستجابة لخططك دي عشان تنفس ال Anxiety الكامنة جواك.
و ثم كما قدمت النُصح لمن تُسميهم ضحايا هنا
Quote: هو شخص غير معروف و got nothing to loose... غير كده الشخص السوي بيخجل من نفسه قبل الآخرين... he doesn't have that quality either!
أقدمها لنفسي... لذا لن تجد عندي مُبتغاك...
و عليك الله لما عاوز ترد على زول رد مؤذي زي ما بتقول بفخر و دون خجل " لسعت" و حأعمل فلان ضحية بشوف عينكم لما تجيك الحالة دي حاول ال CBT عشان تقي الناس شرورك و تقى نفسك هذه الشرور بزيادة عدد الناقمين عليك... لأنه مافي زول سوي و سليم نفسياً يفخر بأذى الآخر... و يقول
Quote: كل الخطط هنا تشترط أن المهاجم على حق والمهجوم مخطيء، إذا عايز تهاجم وانت على باطل اكتب لي في الخاص.
Quote: ولو صبرت هسع عندي خطة بلياردو شغالة وحأجيب سيرتها وحأنفذها للنهاية وأنا موجود وانت قاعد والضحايا تشوفهم قدامك شوف العين.
كما نصحك عدد مُقدر من حُكماء البورد... أنت تبرع في خلق عداوات بصورة لم تحدث من قبل, لكن يبدو إنك ما عندك Insight للأسف... ثم ما ملاحظ إنه 3/4 من الناس الفي البوست ده و ال في البورد " ملسوعين منك" زي ما بتقول و ضحاياك عشان كده لما تجي بخُططك الفوق دي من غير خجلة ... هم يعلمون تماماً ما تنتوي بشأني... و يعلمون خطط البلياردو إياك :)
عزيز بشاشا القارئ يعلم تماماً إنك في حالة هجوم زي ما ذكرت و عاوز تنتهي من عدوك و تجعل منه ضحية ... لذا محاولاتك لجعلي ضحية مكشوفة تماماً و لا تفوت فطنة القارئ " الملسوع " و ناقم. ثم قلت زي عُشرُمية مرة إنك ما شغال بالبوست و ما عايز تضيع زمنك ... ما طيب! على العموم كما ذكرت ... لن تجد عندي ما يشفي غليلك...لو طاب ليك المقام ... ردودي ليك حتكون معظمها مكررة من كلام سابق... في الغالب حأركز ليك على حتة ال CBT يمكن يصادف مزاجك و تنفذها ( أدعي لو ده حصل). و مرات معاها إبتسامات لو فترت من تكرار نفسي :) و أدعو لك صادقة إنه ربنا يديك سلام داخلي يقيك شرورك و يقي الناس شرك... تحياتي...
10-16-2017, 11:49 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
قيل من هؤلاء الذين يسفهون النساء قالوا هؤلاء كما قالت الكاهنة أُفٍّ وتُفٍّ وجوربٍ وخُفٍّ قيل وما جوربٍ وخُفٍّ قالت الكاهنة : واديان في جهنم. من رسالة الغفران
10-17-2017, 00:03 AM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
مخارجة منو ومن شنو يا رمة اتا ؟؟؟؟ جاوبتك فوق وتاني بجاوبك أنا ما بفهم أية حاجة في أية حاجة .. كل العارفو الزيك دا عندى لا يساوي بعرة خنزير .. ما حصل جيت هنا قلت أنا عالم وجهبوذ .. لكن بعرف أرد الصاع متين وكيف ..... جيب الكلام اللي بعدو ... وعشان أسهل ليك ز أديك مخارجة اتا لى رقبتك اللخت دي سبق أنها هنا في بوست يخصني لمجت إلى انو عندي عقدة من النسوان .. وطلعتني صاحب شتيمة مقززة هههههههههه وأضطريت قلتا ليها ما عندي حاجة مع النسوان بدليل انو أنا بحب الأميرة نانسي عجاج كفنانة عظيمة الخ الخ .. أها رأيك شنو في دكتورتك ؟ بالمناسبة اتا وهي شنو حكاية التقزز والبذاءة الماسكين بيها الناس دي ؟ كان اتا كان هي تنطوا فجأة من مافي عشان تقولوا للزول مقزز أو بذىء .. شنو الحركة دي يعني .. اوع تكون حاجة كويسة .
10-17-2017, 00:12 AM
فردوس جامع
فردوس جامع
تاريخ التسجيل: 09-28-2011
مجموع المشاركات: 1179
Quote: جاوبتك فوق وتاني بجاوبك أنا ما بفهم أية حاجة في أية حاجة
أنا كنت متأكد من كدا إذن لماذا تدخل مفتياً فيما لا تعرفه كالسالخ (وهو أضرُّ أنواع الحيات) تمشي بفحيح الألفاظ الغتيتة يسمع لجلدك فيها حفيف ولآنيابك جرش ويخالط لفظك فحيح ثم ضباح ثم صفير وفشيش ثم نباح وكلها من أصوات الأفاعي والأخير صوت كلب
10-17-2017, 00:17 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
ما في زول هنا سفه النساء يا قاسم أمين لكن ممكن تقول في سفه للرأي واستحمارو من باب وجهات النظر .. منابر النقاش ما فيها نساء ورجال دا كان زمن العصور الوسطي أيام النتاية والضكر والولية والفحل .. اتا كضاب ورجعي كمان ؟؟ خخخخخخخخ
تذعن لجهلك وتعترف بجهالتك والمرة الجاية ركب جنحين قبل ما تطير وإذا انت جاهل ليه داخل جاي تتعبد للعجل طيب مش كان أفضل تحش وتديله ما أفدح أن تتسلط هوام الأرض على الفيلة طمعاً في موتها حتى تقام وليمة الذباب الكبرى
10-17-2017, 00:32 AM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
أسوأ الرجال هم أولئك الذين تجذبهم الخساسات كما يجذب النور الوهاج فضول الفراش ترى الواحد منهم كالهر المنتفخ يحاكي كذباً صولة الأسد وعندما تسأله عن معاني الخبال الذي يدس أنفه فيه يقول لك أنا قبيل قلت ما فاهم حاجة مسكوس الرأي مهلوس الروح
10-17-2017, 00:28 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
Quote: لمحت إلى انو عندي عقدة من النسوان .. وطلعتني صاحب شتيمة مقززة هههههههههه
ودا كلو عشان بس برنامج فيهو نسوان ههههههههه بدل تدخل تناقش الموضوع وتخت أصبعا على الخطل الفيهو قبقبتني أنا حقارة ساي واللا شنو ما عارف ؟ شنو حكاية التقبقب الحايمين بيها دي يا قاسم أمين .. آآآقصد يا شايل الإبريق المتنطع العايز تستجوبني ..؟ اتا تقبقب من طرف وهي تقبقب .. اتوا قايلين الشغلانية طلق ساي ؟؟ خخخخخخ خخخخخخخ
10-17-2017, 00:30 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
Quote: أنا كنت متأكد من كدا إذن لماذا تدخل مفتياً فيما لا تعرفه كالسالخ (وهو أضرُّ أنواع الحيات) تمشي بفحيح الألفاظ الغتيتة يسمع لجلدك فيها حفيف ولآنيابك جرش ويخالط لفظك فحيح ثم ضباح ثم صفير وفشيش ثم نباح وكلها من أصوات الأفاعي والأخير صوت كلب
يعني كدا كويس واللا كعب يا عزيزي البذىء المقزز ؟؟ خخخخخ أوع تكون بتشتم فيني ؟؟؟؟؟؟
10-17-2017, 00:30 AM
فردوس جامع
فردوس جامع
تاريخ التسجيل: 09-28-2011
مجموع المشاركات: 1179
والله آسفة على الإنطباع ده لكن قصدي إنه كل زول عنده و جهة نظر مختلفة و في العادة من الصعب في نظري تغيير و جهة نظر الآخر... تاني شيء ما عندي إضافة! و لو ملاحظ صعوبة حتة إقناع الآخر دي تجعل من النقاش غلاط ! ثم مفارق كيف تخلينا ... من الأشياء الأُخر لمعادلة الجو بالبوست...
Quote: ما تدوها حجة تشرد بيها
في طرفك بس. أها المخارجة دي كيف بالله :)
تحياتي لك و تقديري.
10-17-2017, 00:34 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
Quote: تذعن لجهلك وتعترف بجهالتك والمرة الجاية ركب جنحين قبل ما تطير وإذا انت جاهل ليه داخل [/QUOTE حاضرين علي الطلاق ما عندي مانع ساذعن حتى تنطط من الفرح والسرور . بس اتا تذعن لكونك بالنسبة لي مجرد بعراية خنزير أو أقلاها قشرة بصلة قديمة داست عليها عشرات السفنجات الطالعة من بيت الأدب هههههههههه
10-17-2017, 00:44 AM
فردوس جامع
فردوس جامع
تاريخ التسجيل: 09-28-2011
مجموع المشاركات: 1179
ثم الشكر للأخ الفاضل محمد الأمين موسى لجلبه مادة من الأشياء الاُخر... شُفتها قبل كم شهر ... حضرتها مرتين في المرة التانية بدت لي تمثيل غاتو لكن موتني من الضحك ...
تحياتي لك و تقديري.
10-17-2017, 00:36 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
Quote: تذعن لجهلك وتعترف بجهالتك والمرة الجاية ركب جنحين قبل ما تطير وإذا انت جاهل ليه داخل
حاضرين علي الطلاق ما عندي مانع ساذعن حتى تنطط من الفرح وتتشقلب غبظة وسرور . بس اتا تذعن لكونك بالنسبة لي مجرد بعراية خنزير أو أقلاها قشرة بصلة قديمة داست عليها عشرات السفنجات الطالعة من بيت الأدب هههههههههه
10-17-2017, 00:38 AM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
لالا قاعد أشكّر فيك ولسان حالي كما الأخطل النصراني: تنق بلا شيءٍ شيوخُ محاربٍ وما خلتها كانت تريش ولا تبري ضفادع في ظُلماءِ ليلٍ تجاوبت فدل عليها صوتها حية البحر
10-17-2017, 00:43 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
هههههههههه بتاعت الضفدع دي عجبتني يا صاحبي هاك دي من أمير الشعراء
.قالو استوى الليث على عرشه فجيء في المجلس بالضفدع وقيل للسلطان هذي التي بالأمس آذت عالي المسمع تنقنق الدهر بلا علّة وتدّعي في الماء ما تدّعي فانظر إليك الأمر في حكمها ومر نعلقها من الأربع فنهض الفيل وزير العلا وقال يا ذا الشرف الأرفع لا خير في الملك وعزّه إن ضاق جاه الليث بالضفدع فكتب الليث أمانا لها وزاد أن جاد بمستنقع:
أما طرفة بن العبد فقد وصف قبرة توهمت أن الجو يخلو من الصياد والنقاد مثل صاحبنا الذي يعتقد أن من حقه أن يكتب بجهالة متطاول على من يعلم لكن يمسكه الحلم عن فضح جهل المتعدين عليها ولكن لا مأمن فقد يحل الصياد في أي لحظة
يا لكِ مِنْ قُبّرَة بمعمرِ خلا لكِ الجوّ فبيضي واصفِري قد رُفِعَ الفَخُّ، فماذا تَحْذَري؟ ونقّري ما شِئتِ أن تُنقّري قد ذَهَبَ الصّيّادُ عنكِ، فابشِري، لا بدّ يوماً أن تُصادي فاصبري
10-17-2017, 00:50 AM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
فرجل يدري ويدري انه يدري *** فذلك عالم فاعرفوه ورجل يدري ولا يدري انه يدري *** فذلك غافل فأيقظوه ورجل لا يدري ويدري انه لا يدري *** فذلك جاهل فعلموه ورجل لا يدري ولا يدري انه لا يدري *** فذلك أحمق فاجتنبوه
10-17-2017, 00:52 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
وهل يحلك أن تخلط الجد بالهزل وكنت كغراب البين حين نعقت أول الصباح تصب الدنس والإساءات الساقطة في حق الدكتورة التي لم تترصد يوماً دربك ولا توكأت إلي بوست لك تريد نصيبك في كعكة الأذيّة والإصطياد في الماء العكر مقلباً ظهر المجن لشخص لا تفهم حتى فيم يتحدث وهي التي لم تنبس ببنت شفة تجاهك دون أن تهتز خافقة في ضميرك وانت تشتم شتماً يبعث على الغثاتة والغثيان وتمضي فرحاً جزلاً بما سودت يدك منتفخاً كمن يلقي بالزق على كتفيه بعد أداء فعل نبيل ثم يمضي مختالاً يمط قامته ويصعر خده ويشنق عنقه (يرميها إلى الوراء) ويخرج صدره ماضياً على نفخة من الزهو المغشوش نافخاً شدقيه مرسلاً هواء جوفه إلى جوف قربته ليسمع الناس شاءوا أو أبوْا موسيقى القرب
10-17-2017, 01:24 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
أهااااااااااااا مش قبل شوية قلتا لي بتشكر فيني ما لك سمعت واللا جابوا ليك الكلام الفوق دا شامي لي فيهو ريحة شتيمة .. أنا ما قلبتها والله اتا برررررراك أشعرت .. خخخخخ بعدين مش اتفقنا تخلي الكضب والدهنسة البتعمل فيها دي ..
Quote: تصب الدنس والإساءات الساقطة في حق الدكتورة التي لم تترصد يوماً دربك ولا توكأت إلي بوست لك
كضاب يا هناي ما حصل شتمتها لا هنا ولا في البوست الهجمتني فيهو ذات مرة داك .. عاملتها باللين والاحترام برغم تمليحاتا الما محترما بتاعت عقدة النسوان الرمتني بيها دي .. أنا مش قلتا ليك فوق ياخ ؟؟ قلتا ليك لكن اظنك يا عزيزي بعد عمى البصيرة جاك عمى بصر أها تاني بقول ليك عشان أوريك كضبك المدفق سرا وجهرا دا سرا كونك تقول أنا شتمتها والحقيقة أنا استحمرت رأيا وقلت ما عندها شىء لكن هي أصلا ما هبشتها لا من قريب ولا من بعيد.. وجهرا كونك تقول لي ما حصل دخلت ليك في بوست ودا كذب بواح يتابعه من في الأرص ويعلمه من في السماء لأنو حصل جاءت هاجمة فيني قبل كدا وقالت لي اتا بتاع شتيمة مقززة ولمحت انو عندي عقدة من النسوان .. دا كلو عشان بس انتقدت برنامج فيهو نسوان وقلتا هرجلة .. والغريبة دي كانت أول مرة أعرف فيها انو اللخت دي معانا هنا في البورد دا. أها هي موجود خليها تجىء تنكر الكلام القاعد تنكر فيهو اتا دا يا شايل الإبريق .... أمشي نوم واحلم وتعال تاني قول لي ما حصل قالت ليك حاجة .
10-17-2017, 01:36 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
شوف أنا ما كنت عايز أجيب كلاما المقزز القالتو في حقي قبل كدا بدون سابق معرفة بقدر ما هي حقارة وشلاقة ومقابضة ساي اتا بشيلان الابريق بتاعك دا واصرارك على الكذب والنكران ومحاولتك الصفيقة لاستنصارها أجبرتني أفرش ليك متاع
Quote: لأخوات الجميلات رشا, ست البنات, أميرة و بسمات الأخوان الأعزاء و سيد البوست السلام عليكم
أسمحوا لي أحلل ليكم شخصية طلحة بعد إذنه :)
- طلحة ناحي منحي ناس جوّاطين و متخذين اللئامة و اللسان المُر عنوانهم , تركوا البورد غير مأسوف على نقتهم و عندو طاقة سالبة يزفرها زفراً في بوستاتة النقدية و بي هَرَج غير مُنقطع النظير آي فنان ما عاجبو هو بالضرورة المفروض ما يعجب الآخرين و يقع فيه تقريع و تجريح - آي زول يخالفو الرأي ياخدها معاهُ حساسية و يتلذذ بالسكسك من بوست لي بوست (إستايل مزعج جداً) أصحاب الإستايل ده لسه موجودين عقبال ما يتبعوا الناس العاملين فيها شفوت و لسانهم مُرْ و حردوا الكتابة هنا - نظرته للمرأة فيها شيء من الدونية , لذا كان فاتح بوست كان بينقد فيه سيدتين بطريقة مقززة ( وهو مُتكيف من نفسه جداً جداً) و جوهو ناس بيشبهوهُ في الإستايل صفقوا معاهُ يعني لو كان نقدُه موضوعي و مُحترم كان قلنا معليش و شاركنا معاهُ... و لكن!!! غايتو حمدت الله إنه ما طلق لي كيبوردي يوم شُفت البوست داك
و عليك الله يا طلحة نو هارد فيلينقس باللاهي مُش المؤمن مرآة أخيه , ما طيب... قُلنا نرفع ليك المرآة
ولو إتحسست من كلامي ده عليك الله ما تلعب معاي سكسك فأنا لا أحبها و لا أجيدها اللهم قد بلغتكم فأشهدوا لو اترصد لي لا سمح الله
غايتو حأشيل ختم التجاهُل داك إذا حدث ما أخشى
و أخيراً ... زي طلحة ده لا يُعتد برأية لانه يُغالِي في آي شيء عشان كده يا أخوانا الأعزاء تداخلوا ما جادت به قريحتكم في بوستاتنا ولا حرج نحن أخواتكم و ده بورد عام ... فشنو طلحة و من لف لفه ما يتداخلوا معانا أصلو ما بيلزمونا ناس مُعقدين و بيحسبوها بي منو الدخل في بوست " بنات" فكر بائس جداً دون النظر لفحوى البوستات
انا هنا برضو رفعت ليها المرايا عشان تشوف روحا واللا ليها غفور رحيم يا خطير اتا .. أوع تفتكر أنا ببرر ليك يا غبي .. أنا بس بفضح في كذبك الحاولت تبرر بيهو قلة أدبك وصفاقتك على دفاعا عنها ضد وجهة نظري في طريقتا وأسلوبا يا بذىء . أمشي ياخ ما تملاني فقر وقرف .
10-17-2017, 01:51 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
يا معاوية العولاق دا أنا أصلا ما جيت جنبو إلا اذا كان ست البوست من أهل بيتو .. وفي دي ما عندو أي حق يدخل يقل أدبو علي وينعتني بالما محترم والمتنطع والجاهل والما عارف شنو من مفردات جبناء الكيبورد دي .. اللخت دي انا شايف طريقتا دي تهريج ساي في الكتابة زي ما هي قبل كدا شافتني جواط ولئيم وعندي عقدة وزفر الخ الخ الإساءات اللي سكبتا في حقي بدعوى وجهة النظر والمرايا الخ الخ الشعارات الكذوبة اللي وراها تشفي دي .. ومع ذلك رديت ليها في اطار ما ادعته انه وجهة نظر حينذاك بدون ما اتناولها شخصيا كما تناولتني هي في نفسي ووصفتني بالمتعقد واعتبرتا ما قالته وجهة نظر .. هسة لما جيت قلتا وجهة نظري فيها وهي لأنها عارفا الحاصل سكتت وما قدرت ترد لي .. جاء الأخطل دا نافش ريشو قايل بفحمني بكلمتينو المعقدات ديل .. ومعاها كمان صفاقة وقلة أدب .
10-17-2017, 01:58 AM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
حاضر يا معاوية إنشاءلله يحصل خير بعدين أنا بعتذر لأني إعتماداً بس على سماحة روح الدكتورة وناصرما إتوقعت إنه ممكن يسيئوا لزول لكن يبدوا أن هنالك مناوشات قديمة لا أدري حيثياتها ولا أستطيع الحكم فيها وبرضو معناها إنك يا طلحة ما كنت منطلق من نقطة موضوعية بل من نقطة يشوبها الكثير من الذاتي ودي بتحسب ضدك والعدل مع النفس وتحييد إسقاطاتها عندما نتعامل مع موضوع يخص شخص نحمل ضغينة له أمر عسير بس مهم عموماً اللغة الإستعملتها هنا كانت قاسية قاسية يا طلحة
العفو يا سيد أصلا أنا ما عندي معاك حاجة لا قديمة ولا جديدة بس تاني تريث وخليك حويط ولو فتشت البورد دا حرف حرف ما بتلقاني بادرت لي زول بشتيمة لكن بصراحة حقي ما بخلي لو بالعو حوت ازرق .. والكبير عندي الله . وبصراحة أكتر أنا ما شايف أي سماحة روح في طريقة اللخت دي .. شايف عكس كدا خالص والله وعندي أسبابي .
10-17-2017, 02:20 AM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
دي و جهة نظري يا طلحة ... و كما ذكرت في بوست قريب إنه ما بحجم عن الكتابة في آي حاجة عشان " حتتحسب ضدي"! أو عشان حيسكوني بيها...أو يبتزوني بيها!
و آمل إنه عزيزي القارئ يرجع يشوف البوست و مجرياته...
لك كامل الحق في أن تواصل المساككة إذا إردت... لكني إعتذرت ليك حينها عن الضيق و الأذى ال سببته ليك بعد قريت ردودك ... و بعتذر ليك الآن عن الضيق السببته ليك منذ ذلك البوست و للآن.
تحياتي لك و تقديري.
10-17-2017, 02:12 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
العفو انا هنا برضو دي وجهة نظري ارجو انك ما تفسريها حاجة تانية لانو هي ما حاجة تانية حتي وان شفتيها أو شافا البعض غير كدا . لكن حركة تأذي وتعتذري دي أظنها ما كريمة حاولي خففي منها .
10-17-2017, 02:23 AM
فردوس جامع
فردوس جامع
تاريخ التسجيل: 09-28-2011
مجموع المشاركات: 1179
آسفة على ما حدث لك بهذا البوست بسببي... و زي ما قلت عن نفسي قبل كده ... إني إنسانة بصيب و بخطيء و عندي عيوبي ال بحاول أحسنها كل صباح جديد! ربنا يعيني على ذلك. و فعلاً في ترسبات من متابعتي لطلحة و ده رأيي فيه و اليوم داك زي ما قلت الله طلق كيبوردي... و إضافة لمتابعتي ليه ردوده لإحدى الأخوات هو ما دعاني لكتابة ذلك الرد.
عميق أسفي يا عبدالصمد. و لك تحياتي و إحترامي.
10-17-2017, 02:25 AM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
أبداً ولله يا دكتورة ..الجواب يكفيك عنوانه والمتلك يستحيل يكون مؤذي التراشقات دي من سنة البوردات والأنشطة الاجتماعية وبدونها ما بنكون بشر أنا متأكد إنه كلامك في البوست الجابو طلحة ليه ظروفه ودواعيه بس ألمتني اللغة القاسية الخاطبك بيها طلحة وغيره هنا المهم إحتراماً لمعاوية وحكمته إقتنعت إنه أحسن الواحد يخفف الجو المشحون دا وبيني وبينك طلحة دا رغم لغته العدوانية إلا إنه عندي إحساس بأنه جواه طيبة على عكس إنطباعي عن حاتم
10-17-2017, 02:40 AM
فردوس جامع
فردوس جامع
تاريخ التسجيل: 09-28-2011
مجموع المشاركات: 1179
Quote: الجواب يكفيك عنوانه والمتلك يستحيل يكون مؤذي التراشقات دي من سنة البوردات والأنشطة الاجتماعية وبدونها ما بنكون بشر أنا متأكد إنه كلامك في البوست الجابو طلحة ليه ظروفه ودواعيه بس ألمتني اللغة القاسية الخاطبك بيها طلحة وغيره هنا
كتر خيرك يا عبدالصمد على إحساسك بفظاعة اللغة الموجهة تجاهي.. حتى من غير إعتذار على إنها أذى! و أصدقك القول بحاول أتجنب العداوات ما استطعت إلى ذلك سبيلا... و أعلم تماماً إنه إبداء الرأي مُكلف و كما ذكر لي أحد الأخوة بُيستخدم ضدي ... لكن في بعض الأحيان أخلاقي تحتم على بقول الحق و تحمل الأذى فيه. غير كده البعض يريد أن يكمم أفواهنا و إلا سيلاحقنا إلى أبد الآبدين... يعني نكون فراجة بس. دور الفرجة ده زي ما قلت فوق إني بوصي بناتي إنهم ما يكونوا passive في المجتمع حولهم... ودي حاجة أنا عارفاها مُكلفة. لكن في نفس الوقت بوريهم يضبطوا أعصابهم و يوصلوا رأيهم حتى لو كان في سيف على رقبتهم كيف. و أنا بعمل نفس الشيء... رأيي بقوله مهما كان مكلف. إذا حسيت إني أذيت زول بعتذر...
ثم يعلم الله السباب و الشتم تجاهي بخضعه لأقرب CBT و بلقى الكلام كله ما عنده معنى و فش زعله ساي و بخليه زاته ما برد عليه. تكون ملاحظ في البوست ده و حتى ال tips ال ذكرتها ... و الحمدلله على هذه النعمة...
تحياتي و إحترامي لك و ربنا يديم حسن الظن.
10-17-2017, 02:42 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
عبد الصمد أنا اتفهمت وجهة نظرك رغم كل حاجة فما في داعي تعيد تاني لغتو المتني وطلحة جواهو طيب وما عارف شنو والله أنا طيب زي ما قلت لكن ما باذل كينونتي للسابل والنابل والبسوى وما بسوى يجىء يتعلم فيها التنشين يتشقلب ويمشي ينوم . هسة اتا مخاطبتك الما كريمة لي في البداية هي سبب الحصل دا كلو كان ليك كان لللخت دي ذاتا . ثم ياخ اتا ليي مصر تصف وجهة نظر وان كانت قاسية بأنها اساءة وشتيمة ؟؟ دا كلام غلط وما بشبه بورد فيهو عتاولة أركان النقاش والمنابر . وجهة النظر هي وجهة النظر سواء كانت قاسية أو لينة كالحرير ، ضد إمرأة أو رجل سيان لا فرق ما لم تنحو للشخصنة واقحام الخصوصيات والأسر والأهل . غايتو لو حريض على انو الكلام القلتا عنيف دا يقيف لغاية هنا فحقو اتا تخفف من أسلوبك المؤطر بالوصايا والأستاذية دا .
10-17-2017, 02:46 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18035
يا جماعة والله و الله ندمت على البوست ده... غير زاد السموم و العداوات ما أضاف حاجة. زي ما قلت السلام غاية بعمل جاهدة أنها تتحقق في آي ظروف. في بعض الأحيان بعتقد إنه عشان تتحقق الغلطان يوروه إنه غلطان و ده أمر مكلف و أنا عارفة كده لأنه ال " بُني" و ال " شلالايت" بتجي فوقك... لكن جزء لا يتجزء من إحلال السلام. غير كده بيكون شايف إنه هو صاح و يواصل إيذاء الآخر ... المهم ده منطلقي و ما أراه أخلاقي بدافع عنه. لكن الحصل هنا علمني درس ... إنه النتيجة ما دايماً زي ما عاوزين.
يا طلحة العفو و العافية... يا عبد الصمد آسفة للحصل و إتمنى أنه زي ما قال معاوية كُلنا نقيف هنا.... درءاً لمزيد من الآلام.
دي آخر مداخلة لي هنا... و آسفة لكل من تأذى من مداخلاتي أو قرايتها.
10-17-2017, 04:40 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
تحياتي للجميع, بعيدا عن موضوع البوست عجبني الإقتباس التالي لعبد الصمد عايز اولا اشيد بيه و ثانيا استأذنه لنقله لبوست يتناول موضوع عام يخص شخص يحمل له الكثيرين ضغينة
Quote: والعدل مع النفس وتحييد إسقاطاتها عندما نتعامل مع موضوع يخص شخص نحمل ضغينة له أمر عسير بس مهم
10-17-2017, 04:53 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: ولو فتشت البورد دا حرف حرف ما بتلقاني بادرت لي زول بشتيمة لكن بصراحة حقي ما بخلي لو بالعو حوت ازرق .. والكبير عندي الله
هذا عهدنا بك من اول يوم جيت للمنبر ياطلحة الإشكال الناس هنا بتشوت ضفاري بسبب التكتلات الإصطفاف الأعمى دون معرفة اي شيء عن من يختلفون معه شكرا عبد الصمد لتفهَمك الأمر .
10-17-2017, 06:12 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
+ غايتو دا من أمتع ألبوستات ينفع سيناريو لي فلم، فيهو كل حاجة 😂 سايكولجي ورفيرس سايكولجي وبرا سايكولجي وقبقبة وطقطقة ولخ أجمل شيء مافي دم 😂 أروع أتنين طلحة وعبدالصمد، ياخ ماتتصوروا ضحكت قدر شنو. صراحة يا ع الصمد إنت وفردوس بطلو قبقبة من طرف 😂😂😂😂😂 لما خلصت قراية ألبوست، مشهد كلاريس وهنبل لكتر كان شاخصا. وعوير ألفلم تجلي إبداع. يا دكتورة فردوس، عنوان منشورك عزومة ألي حاتم والشلة ألمطارده له. يبقي ما جميل إيحآتك لحاتم أن يبتعد عن ألبوست. أنا شايف وجود حاتم طبيعي في هذا البوست.
شكرا دكتورة للمتعة
دنقس
10-17-2017, 11:09 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: ( الغريبة مسح مداخلته ال رد فيها بجلافة و لئامة على عزيز) أو أنا ما شايفاها +++ أقلاها كنت حتعرف تبدأ بنمهجية كيف و ما تقع في الخطأ البسييييط ده ... ذكره ليك الأكاديمي عزيز خطاب! و أقلاها ما كنت حتتعلم الحلاقة في رؤوس ناس مُعبقرنك ههههه Re: قوقـــل ... قُلْ هَلْ يَسْتَوِي الَّذِينَ �Re: قوقـــل ... قُلْ هَلْ يَسْتَوِي الَّذِينَ �
ودي مداخلة عزيز الأولى
Quote: فهرست البرنامج الموضح أدناه من صاحب المفترع يدلل على أن الأخ حاتم له برنامج ممنهج وحتى لا تشوف على المتابعين مداخلتي التي كانت هنا .. ازلتها ليبدأ المتابع لهذا البوست حسب رؤية صاحبه Re: الموسيقىRe: الموسيقى
ودي الثانية والثالثة
Quote: لقد تشعبت كثيراً في تعريف الصوت وكان ممكن إختصار ذلك فيما يخص خصائص الصوت بالموسيقى وذلك بالتطرق لأنواع تقسيمات الأصوات البشرية بين الأطفال والنساء والرجال وخصائصها.. وخصائص الصوت الآلي. وعندما تتقدم لباب الآلات الموسيقية يمكن ذكر خصائص كل آلة ومداها الصوتي وأي المفاتيح ينوت لها .. التشعب الكثير يفقد المتابع التركيز كما يشعره بعدم المقدرة على المتابعة.. كما أرجو تبسيط الشرح قدر الإمكان للمصطلحات الموسيقية وعدم رفع مستوى اللغة لأن معظم المتابعين ما زالوا يتحسسون بدايات المعرفة بلغة الموسيقى.. Re: الموسيقىRe: الموسيقى +++
حتى هذه اللحظة لم أستوعب إن كان بحثك في الموسيقى أم في الفيزياء.. كل ما أتيت به من معلومات لا تفيد طالب أبجديات الصوت الموسيقي أو النغم أو التون. بشي. بل هذا أبعد ما يكون عن صلته بالموسيقي لبادي في تخصص دراسة الموسيقي ناهيك عن من يبحث عن ثقافة موسيقية تمكنه من إدراك ما يسمعه من موسيقي.. Re: الموسيقىRe: الموسيقى
(المنهجية) البتقصدها (الناقدة) دي هي البدء بالحروف الموسيقية أو أ ب الموسيقى كما تفهمها.
المشكلة شنو؟ 1- المشكلة في الإصرار على البدء بالحروف الموسيقية وهذا أمر خاطيء يمكن التطرق للأحرف الموسيقية والبدء بها عملياً نعم لكن ليس نظرياً إذن منهجية عزيز خاطئة تماماً ولم يفرق بين النظري والعملي ولهذا لم يستمر البوست
2- التفرغ للرد والمجاملات، وهذا واضح، فجملة المكتوب عن الموسيقى لا يملأ ورقتين
شاهدت البوست قبل أن أبدأ بوست الموسيقى وأعرف تماماً المنهجية المناسبة ويبقى دا ردي لعزيز في استنكاره للبدء بالخصائص الفيزيائية واسأله لماذا فشلت طريقتك مع احترامي.
نجي للقالت (ناقدة) موسيقية: للأسف مع وجود كم كبير من بوستات الموسيقى فلم تجرؤ هذه المدعية بمعرفة النقد الموسيقي على التداخل ومجرد إبداء الرأي، ولا مرة. وهذا طبعاً يكفي للتثبت مما ادعته بخصوص إلمامها بالموسيقى ومقدرتها على التمييز بين (الغث والسمين).
وبالطبع هي ليست في مقام أو كفاية تؤهلها للحديث عن المناهج الموسيقية إن كانت تفشل في التقيد بمنهج تنصح الناس به في مجالها.
10-17-2017, 11:14 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: الفكرة هنا إنه قريت الموسيقى كمبتدئة بمنهجة مكنتني إني بعديها أقدرcritically أن أميز الغث من الثمين في الموسيقى +++ أها لما شفت البوست و بخلفيتي المتواضعة في الموسيقى قلت في سري خرمجة مؤصلة في شكل وهمة للظِماء... حيث البدايات لا تكون هكذا... منهجياً! خصوصاً الطرح كان عشان يعلم الناس أ , ب الموسيقى!!! Re: قوقـــل ... قُلْ هَلْ يَسْتَوِي الَّذِينَ �Re: قوقـــل ... قُلْ هَلْ يَسْتَوِي الَّذِينَ �
واسألها هنا بصفتها (متمكنة) أن تعطينا نموذجين فقط للغث والسمين في الموسيقى حسب قدرتها. وأن تبين لنا ماهية (البدايات المنهجية) بأي وسيلة تظنها معبرة وفي أي بوست يتناول الموسيقى حالياً.
10-17-2017, 11:21 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة