كتب الكاتب الفاتح جبرا المتوفرة بمعرض الدوحة
|
Re: ► حاتم ابراهيم ... موضوع تعريفى ..◄ (Re: محمد حيدر المشرف)
|
امجد الجميعابي سلام
Quote: تبنا لله و الرسول بالله الناس الكتبوا هنا ديل كلهم حمير
مع احتفاظي بحق الرد متى ما عن لي |
كما أوضحت للأخ معاوية الزبير في المداخلة السابقة بالتأكيد لا يمكن ان آصف زملاء المنبر بالحمير و لم يكن ذلك مضمون مداخلتي ! كنت و ما زلت اعتقد ان استخدامي للمثل المعروف و المتداول و دلالاته واضحة و لم أكن أتوقع ان يذهب البعض الي أي معني أبعد من ذلك ! عموماً ، القصد من عبارة دا سبق حمير و بالشقلوب كمان التي استخدمتها هو الاشارة لإنصرافية الحدث في أشارة للمثل المتداول ، بجامع الإنصرافية في كلٍ ، يعني ترك ما هو مهم و الإنشغال بسفاسف الامور حسب ما اعتقد ! و بالتأكيد لم اقصد وصف المتداخلين في البوست بالحمير كما تخيّلت !! ... هذا ما لزم توضيحه للجميع !
تحياتي
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: معاوية الزبير)
|
Quote: لو اعتمدنا منطقك دا يا وهبّة، كان المفروض يعاديني أنا |
ومنو القاليك ما عاداك ؟؟؟
اكاد اجزم انو خاتك اول واحد في البلاك لست .
لكن ما لقي فيك فرقة بس ، واكيد اكيد هو لابد ليك .
مالقاك في موضوع هو مختلف معاك فيهو ويستحق ،
حتي مؤخرا لما حاولته انت تدافع عنه بلطف في احد البوستات رد عليك بعنف انو شكرا وماداير زول يدافع عني !
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
شكرا د. أمير على الرد وازالة اللبس حول توجيه الاية الكريمة كرد مخصص لي .. اللبس الناتج عن استخدامك لايقونة الرد على مداخلتي بدلا عن ايقونة الرد على البوست ..
أما كون الاية للجميع او لجزء من الناس هنا .. فانا والله اصلا ما فهمتها ذائقتي اللغوية تقول انها (تهديد) من نوع ما .. أو عاقبة سيئة او حاجة بالشكل ده
دقيقة خليني اقوقلها ..
ايواااا
Quote: أما تفسير الآية الكريمة فإن فيها قراءتين سبعيتين الأولى منهما: لتركبن بفتح الباء، أي الخطاب فيها للواحد، وبها قرأ من السبعة ابن كثير وحمزة والكسائي، وهي على هذه القراءة خطاب للنبي صلى الله عليه وسلم، أو لكل من يصلح له.
والقراءة الثانية: لتركبن بضم الباء خطاب للجميع وهم الناس، وبها قرأ نافع وابن عامر وأبو عمرو وعاصم، ومعنى الآية على القراءة الثانية لتركبن أيها الناس حالا بعد حال فتنتقلون في دار الدنيا من طور إلى طور وفي الآخرة من هول إلى هول |
اتتوعدنا بالهول يا ابن بوب
ما فهمتها والله لكن للضمان كده موعدنا بدر من العام المقبل !
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
تعرف يا دكتور بوب !!
مسألة انو البوست ده كلام فارغ ساي .. او انو اشتغال الناس بيهو تماما وكأنهم تركوا الوراهم والقدامهم وانصرفو, فقط, لسباق الحمير ..
الكلام ده معقول جدا كوجهة نظر ولكن .. بعد ما الواحد يجي ينبه زمايلو واخوانو في الامر .. بكون عمل العليهو .. ويكون من الاجدى الانصراف لما يفيد حقا ..
اثق جدا في انك متفهم لانو انا ما بفرض عليك حاجه ولكن .. كل البقولو انو دي الوضعية الصحيحة .. اي ناس يخلو القدامهم والوراهم عشان سباق حمير .. الواحد ينبهم والموضوع انتهى .. تنبهم ومن ثم تقعد معاهم وتكون مشجع ل (حمار) بعينه .. فذلك ما بجي والله
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد حيدر المشرف)
|
يا ود المشرف فرق بين ما ينافح لأجل أن تسود الحقيقة ومن ينافح لأجل أن يسود الزيف والتزوير وياتو مفكر أو عالم أو حتى زول بحترم نفسو ممكن إتنازل عن الحقيقة ويتنازل عن حقو او حق الآخرين في التوصل للحقيقة الجالية لأي شبهات سرقة أوغش المثقف والعالم الحقيقي زول بحب الصدق وبلبسو تاج في راسو ويكره الفهلوة والخداع دي مباديء أنا شخصياً لا أحترم من يتنازل عن معشارها
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالمنعم الطيب حسن)
|
Quote: سيد البكاء ما جاء يعني نشيل الفاتحة مع عبد العظيم و نبقى مارقين و لا كيفن |
يا جميعابي انا هنا ضابط إيقاع لتنفيس المؤامرات
اذا كايس لي سيد البكاء ياهو داااك , شايف البرميل الظهري المربط فوقة كوز بلاسيك , جمبة الزول أب كرش داك خاتي ليه سفة ويبزغ وكل شوي يجيبو ليه الموبايل , أمشي عليه وأدقشه بي فاتحة بي صوت عالي أضانه تقيله
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالعظيم عثمان)
|
(( والله يا اخت زينب لو زولكم ده ما فتش نقاط ضعف في شخصيات الناس البحاورهم وتصور انو لقاها وقام يتناولها بمنتهى السخرية والاستخفاف والتناول المسيء .. ما كان في زول شعر بالاساءة والمطاردة وما كان جاء زول او زولة زيك كده كتبت دلقت كلامها هنا بمنتهى الحكمة ))
الاخ ود المشرف تحيات زاكيات طيبات اولا اتمنى منك الا تستعمل عبارة " زولكم " فى الرد على المختلفين معك لانو زولنا هو " الحق " اينما وكيفما وجد الحق -- ومن وجهة نظرى -- انو الاخ حاتم ومن خلال متابعتى لة انسان واضح وdirect لا يخرج من الموضوع المطروح الا فى حالة الرد على خروج الطرف الاخر ( المحاور ) عن الموضوع يعنى السن بالسن مرفوعة للقوة عشره
ثانيا تمتاز كتابات الاخ حاتم بالاستفزاز المحفز والمثير والكوميدى وليس الاستفزاز القبيح وهو انسان Sarcastic من الدرجة الاولى اذكر انا اول تداخل لى مع الاخ حاتم فى موضوع اثار جدلا فى سودانيزاونلاين وهى ردت فعل السودانيين عندما اساء مغرد سعودى للسود ( لا اذكر التفاصيل بالتحديد ) فكان ان تداخل الاخ حاتم مهدئا فقال لهم ( انه -- اى المغرد السعودى -- يقصد فى كلامة الافارقة وليس السودانيين ) طبعا كلام الاخ حاتم هنا فية رسالة ضمنية للناس البتفتكر انهم عرب
ثالثا فى مجموعة قليلة من الاعضاء -- وانا منهم -- تعتبر وجود حاتم مهم جدا فى هذا المنبر لان الاخ حاتم يعتبر اضافة نوعية وليس عددية لهذا المنبر ... لماذا؟ لان الاخ حاتم خرج عن المألوف وما تعارف علية الاعضاء من المواضيع الروتينية ذات الطابع الذى يتسم بالمجاملات والونسةوالشكير الكتير والنكات السمجة وطابع الشللية خوف الخروج عن القطيع والمواجهة وحيدا لان الذى يخرج عن القطيع موضوعوا مهم (( ( إن هذا أخي له تسع وتسعون نعجة ولي نعجة واحدة فقال أكفلنيها وعزني في الخطاب ( 23 ) ) يقول العارفون بالله ان هذه النعجة كانت من الاهمية بى مكان ان صاحب 99 نعجة يطلبها وهى الوحيدة عند صاحبها ويعزهو فى الخطاب وذلك لانها تفردت وخرجت عن القطيع ترعى لى وحدها لذا تميزت عنة ومن هنا جاءت اهميتها بالنسبة لمن يمتلك ال99 نعجة الانسان لابد ان يستمد قوتة بما يؤمن بة وليس من راى المجموعة حتى وان كثرت وتكالبت واعدت من قوة لى ترهب بها الافراد ما يميزنا هو تفردنا وتفكيرنا الحر كلمة اخيرة يا ود المشرف انا قد اتفق مع احد الاعضاء فى اشياء واختلف معة فى اشياء اخرى فهل هذا يجعلة " زولى " ملحوظة عامة : انا قد لا استطيع الرد على الاخوان فى كل الاوقات وذلك نسبة لى انشغالى وهذا اعتبرة تقصير منى اتمنى من الله الاعانة والصحة لى ولكم
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: زينب محمد عبدالله)
|
نتذكر موضوع البوست ....
Quote: كل ما اطلبه من الزميل حاتم توضيخ للاتى هل اخذ الموضوع من معروف ابو الجسن و لم يشير الى المصدر فى هذه الحالة ماذا يسمّى الزميل حاتم هذه العملية أو حاتم ابراهيم هو نفسه معروف ابو الحسن هنا سؤال يطرح نفسه هل كان حاتم ابراهيم سنة 2010 طالب ماجستير بجامعة الخرطوم ؟ فى انتظار توضيحاتك و شكراً |
أنا ما عارف ليه جاكبلنس مكبر اللفه ... اكسب زمنك وتعال حتو هنا .... طفيش الكورة خلوهو يا ناس حلة ورا ... ننتظر ونشوف .....
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Abdulgadir Dongos)
|
جاء في كتاب الجمهورية لأفلاطون عن صفات العارف والعالم
Quote: ومن صفات العالم والفيلسوف تعلقه الشديد بأية معرفة تكشف له عن شيء من تلك الماهية التي تظل باقية أبداَ، والتي لا تنال منها تقلبات الكون والفساد .. ولنضف إلي ذلك أن رغبته تتجه إلي معرفة هذه الحقيقة بأسرها، وأنه لا يتنازل بمحض أختياره عن أي جزء منها، كبيراً كان أو صغيراً ، ثميناً أو تافهاً .. وهناك صفة أخرى من الضروري أن تتوافر فيه هي الصدق ومحبة الحق وكراهية الزيف وعدم قبول الكذب في أيه صورة من صوره .. ومن الضروري أن تتجه رغباتهكلها نحو العلم وما يرتبط به لا يسعى إلا إلي اللذة التي تستمتع بها الروح وحدها ، ويدع جانباً لِذّات البدن، وذلك إن كان مخلصاً للمعرفة بحق، لا مدعياَ لها، فعلينا إذن أن نطلق إسم العارف ، لا محب الظن ، علي ذلك الذي يتعلق في كل الاحوال بحقائق الاشياء. وعلي ذلك فإن من كان بطبيعته جباناَ وضيعاَ لا يستطيع في المعرفة الحقة بنصيب .. فإن شئت أن تحدد الصفات المميزة للروح المعرفية ، فلتحرص علي أن يكون من بينها أتصاف المرء منذ حداثته بصفات النزاهة والرقة وحسن المعاملة... وتجمع إلي الصفات السابقة الاعتدال والرقة وتتجه من تلقاء إلي التعملق في ماهية كل شيء". " وإن من يعشق المعرفة حقاَ شخص ينزع بطبيعته إلي الحقيقة، ولا يقف عند تلك الكثرة من الأشياء التي يتوهم الناس إنها حقيقة، بل يظل يسعى وراء الحقيقة بلا كلل، ولا يفتر عشقه حتي يصل إلي ماهية كل شئ في ذاته، عن طريق ذلك الجزء من نفسه الذي هو قادر علي إدراك الماهيات، لأن له نفس طبيعتها. وأخيراَ فإنه إذا ما توصل بواسطة هذا الجزء من نفسه إلي الوجود الحقيقي واتحد به، تولد من ذلك الإتحاد العقل والحقيقة، بحيث أنه بعد أن يتمتع بالمعرفة وبالحياة الحقة وبالغذاء الصالح، يكون عندئذ فقط قد أستراح من عنائه وبلغ هدفه. وهذه الطبيعة تستتبع الشجاعة وكرم النفس وسرعة التعلم وقوة الذاكرة |
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالغني محمد الحاج)
|
Quote: وعلي ذلك فإن من كان بطبيعته جباناَ وضيعاَ لا يستطيع في المعرفة الحقة بنصيب .. فإن شئت أن تحدد الصفات المميزة للروح المعرفية ، فلتحرص علي أن يكون من بينها أتصاف المرء منذ حداثته بصفات النزاهة والرقة وحسن المعاملة... وتجمع إلي الصفات السابقة الاعتدال والرقة وتتجه من تلقاء إلي التعملق في ماهية كل شيء". |
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Yassir Ahmed)
|
شبح بيشكر في شبح قال كان بتابع المنبر دا من التسعينات طاااااااااااااااااااااااااااااااااااااااااااااااااااااااااااااااااااااااااااااااااخ
Quote: والله يا زينت ريحتيني راحة ، كلامك دهب والله ، وهذا هو نفس إنطباعي عن الحاصل ، حاتم زول مختلف تماما ، نحن بنتاوق في المنبر ده من التسعينات ، ما شفنا زي إسلوب حاتم ، مشكورة ياخ وما عدمناك. |
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Maawya Hussein)
|
Quote: عبد العظيم عثمان نتمني انك تحترم صاحب البوست وما تحاول تخرب البوست بانزال مواد لا علاقه لها بموضوع البوست ،، |
وينه موضوع البوست يا معاوية؟ (مطاردة حاتم وحشد رأي عام ضده؟) الموضوع ما عنده علاقة بالإحترام أو عدم الإحترام جلال زميل له الإحترام والتقدير " في مكان الإحترام والتقدير" هنا الموضوع إمتداد لمطاردتكم للزميل حاتم بعد ما تفتروا من المطاردة دي أديني خبــر يا معاوية
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Yassir Ahmed)
|
غايتو عبد الغني و معاوية حسين دا شخصيات كوميدية جداً الاول عندو جن اسمو اشباح !! أي زول ما بعرفو معرفة شخصية بلصّق ليه تهمة شبح !! و آخرهم الأخت زينب محمد عبد الله ! يا ربي الزول دا بشوف بالبلّورة و لّا شنو !! و اما معاوية حسين او المفتش كرومبو فقد قاده دهاؤه الي انو انا و حاتم زول واحد !! فما عارفو بسألني تاني ليه طالما هو جاب الديب من ديلو و أتي بما لم تستطعه الأوائل !! كلامو الخارم بارم دا بندق بحر ساي و مجرد خربشات في ضهر ابو القدح !!
....
و ... طااااخ !! او كما قال
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: امير بوب)
|
Quote: أي زول ما بعرفو معرفة شخصية بلصّق ليه تهمة شبح !! و آخرهم الأخت زينب محمد عبد الله ! يا ربي الزول دا بشوف بالبلّورة و لّا شنو !! و اما معاوية حسين او المفتش كرومبو فقد قاده دهاؤه الي انو انا و حاتم زول واحد !! فما عارفو بسألني تاني ليه طالما هو جاب الديب من ديلو و أتي بما لم تستطعه الأوائل !! كلامو الخارم بارم دا بندق بحر ساي و مجرد خربشات في ضهر ابو القدح !!
....
و ... طااااخ !! او كما قال |
يا أمير ياخ حرام الحتة الخاتي فيها نفسك دي ...وحتعرف إنه عبدالغني أذكي من أن يشبح الناس ساي فليس كل ما يعرف يقال.. مثلاً لماذا لم أقول أمير شبح لأنه عبدالغني إتحرى وعرف أمير درس في الدفعة 15 في جامعة الجزيرة وكان جبهة ديمقراطية وساكن الكلاكلة القبة لكن الأخ الجمهوري البكتب تحت اسم زينب وهو مالم نعهده عند الجمهوريين شبح وياسر شبح وعبدالعظيم شبح وحاتم شبح لو كان واحد فيهم شخص ما داسي هويته الحقيقية وحاتك ما كان إنتظر دقيقة قبل ما يرد الصاع صاعين
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Yassir Ahmed)
|
Quote: معاوية داير يقول ليكم: بوب شخصية حقيقية نسيبي بعرفو |
ناصر أيام عوة الهويات ديك كان معاي في المستشفى قال لي أمير دا مالو بقى كده! كان زول كويس والله بعدين ياخ بوب دا مناضل كبير، هسّ يوم شفت حاتم دا جاب سيرة الحكومة؟ ------------ ثم تحياتي يا عبد المنعم الطيب وشكرا على حمديل السلامة
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: معاوية الزبير)
|
كتب الاخ حمد عبدالغفار حمد (( حواريا مردود البوست اقل من المتوقع افتكرناه حيكون مولع جدا ممكن بسبب عدم دخول حاتم لكن تظل الاسئلة معلقة في رقبة حاتم لازم يجي يوضح الاشياء))
سلام الاخ حمد لا.. اطمئن انو مردود البوست حيكون عالى لان كلمة السر هى " حاتم " بالنسبة لى دخول حاتم فى هذا البوست من عدمة فانا لا اعتقد بان الاخ حاتم سوف يدخل هنا لانه اذكى من ذلك بى كتير
شكرا الاخ Yassir Ahmed يا عزيزى الاعضاء المتفردين الذى مروا على هذا المنبر يتعدوا على اصابع اليد الواحده
رودا مردا ...محسن خالد... دينا خالد ...حاتم ابراهيم ...تبارك شيخ الدين اتفقنا او اختلفنا مع طرحهم لكنهم متميزون عن البقية لانهم يهزون الثوابت وهذا ما وجدنا علية اباؤونا لذا تجدهم محاربون من اصحاب status quo والامتيازات بكل انواع الاسلحة والضرب تحت الحزام رحم الله جون قرنق قال (inorder for sudan to be reform need to be deform ) والانسان بطبعة لا يحب هدم الجدار الذى يستند علية لى جهلة بى ما هو احسن وخوفة من المجهول زى الناس البتقول اذا حكومة الانقاذ ذهبت البديل حيكون اسوأ
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالعظيم عثمان)
|
لاحظت في البوست ده انه اغلب النيس المؤيدين لحاتم تمت الاشارة اليهم في نفس البوست بانهم اشباح ولكأنهم خايفين اذا ثبتت شبوحية حاتم ان ياتيهم الدور والبوست ده كذلك بثبت لي نظرية مهمه ان الناس تبحث دائما وتتجادل حول من يتخفون وراء الاقنعة حتى اذا انكشفوا اصبحوا مجرد معارف
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: زينب محمد عبدالله)
|
Quote: ولنضف إلي ذلك أن رغبته تتجه إلي معرفة هذه الحقيقة بأسرها، وأنه لا يتنازل بمحض أختياره عن أي جزء منها، كبيراً كان أو صغيراً ، ثميناً أو تافهاً .. وهناك صفة أخرى من الضروري أن تتوافر فيه هي الصدق ومحبة الحق وكراهية الزيف وعدم قبول الكذب في أيه صورة من صوره |
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: منتصر عبد الباسط)
|
Quote: لاحظت في البوست ده انه اغلب النيس المؤيدين لحاتم تمت الاشارة اليهم في نفس البوست بانهم اشباح |
إنها المؤامرة وإنه العجز يا عمر التاج يعني لازم أعرفك وأتكلم معاك وأشرب معاك قهوة عشان أبقي ما شبـح؟ الكلام دا غريب وعجيب جدا الناس بتختلف في ناس إجتاعيين جدا يعني يصاحبك يكرهك الدنيا والأصحاب وكل شوي حردان وزعلان تقول (حبيبتك) وفي نوع تاني عنده وسواس ( أي زوول ما بعرفه طوالي شبح) وأي زوول ما بتفق معاه برضه شبح وأي زول يقول ما يقيف معاه في موقفه برضه شبح
يعني القصة هنا الجماعه ديل رايكنها روكة جد
هنالك المواقف والأفكار بتجمع الناس ومن وجهة نظري هي الأهم بعكس العلاقات الإجتماعية أو الروباط القبليه أو المناطقية والجهوية
بعدين في تقطة رايحة للناس في حاجة إسمها "الخصوصية " يعني معقول الناس تقعد تبحبحت ورا حاتم عاوزة تعرف الزوول دا منو وبيفطر بي شنو وأصحابه منو ودرس وين وبحب منو وشغال شنو وكان بكتب في ياتو منبـر قبل كدا وشاكل منو وهسي هو صاحب منو ( ياخي دا إستغراق في الخصوصية ونبشها بصورة غريبه) معقول الكلام ....
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: زينب محمد عبدالله)
|
كتبت الاخت زينب : (اتفقنا او اختلفنا مع طرحهم لكنهم متميزون عن البقية لانهم يهزون الثوابت وهذا ما وجدنا علية اباؤونا)
الاخت زينب محمد عبد الله تحية طيبة . . لفت نظري المقتبس اعلاه . . واقول والله يا زينب يا اختي يا ريتنا نقدر نبقى زي اباؤونا . .
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: عمر سعيد علي)
|
سلام يا زينب انا لما قلتا المردود دون المتوقع لانو موضوع البوست مختلف ونقطتو بتدور حول كتابة حاتم نفسو لذلك دخول حاتم حيفتح الباب لحوار سخن حول تساؤل صاحب البوست لانو موضوع ذو شقين وبسبب انو حاتم دخل في حوار حاد جدا حول كتابة ناس غيرو فليس من الذكاء ابدا ان يرفض الحوار حول كتابتو هو لما يقولوا ليهو فيها ريحة كاونتر بوينت لانو المسالة حتظل تطاردو في المنبر اما ذكاء حاتم واجتهادو بشكل عام في الولوج للب الاشياء دي ناس كتيرين ما مختلفين حولها اختلاف الناس معاه في اسلوب ادارة الحوار انا حاتم دا تاكدت من ذكاءه في موضوع اشقر طيبة كان متحاشي جدا يكتب الاسم بالعربي رغم انو في ناس كتبوها اشجار طيبة وناس اشقر طيبة لانو لو دخل وغالط في الاسم بالعربي كان قالو ليهو كييييييف عرفتو ههههههه.
يا عبد العظيم الموضوع هنا مختلف انا عارف الخلاف بين حاتم وجلالدونا بس تساؤل جلالدونا مشروع حتى ولو كان مطاردة الكتابة هنا بتخص حاتم في عضمو.
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: عمر سعيد علي)
|
سلام يا زينب ..
Quote: ومن وجهة نظرى -- انو الاخ حاتم ومن خلال متابعتى لة انسان واضح وdirect لا يخرج من الموضوع المطروح الا فى حالة الرد على خروج الطرف الاخر ( المحاور ) عن الموضوع |
صحيح. منحى حاتم موضوعي في أغلب حواراته و لكن هذه الموضوعية يقابلها ميل لعدد من محاوريه نحو إطار الذاتية و الآراء الشخصية بعيدا عن نقاط الاختلاف/الحوار المحددة.
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
يا أخت زينب ازيك ..
انا شخصيا لم أسألك رأيك في (الحق) .. ولم أسألك عن اي مغرد سعودي .. ولا عن الاستفزاز المثير .. ولا عن عبقرية الاشارة المواربة للسودانيين كأفارقة .. ولا اعتباراتك الشخصية عن منو المهم ومنو الما مهم .. ولا عن رأيك حول المواضيع الروتينية ذات الطابع الذى يتسم بالمجاملات والونسة والشكير الكتير والنكات السمجة ولا عن المجاملات في المنبر .. ولا عن روح القطيع .. ولا الحكمة البالغة والعميقة جدا بتاعت استمداد الانسان قوته من ايمانو الشخصي ولا عن ال 99 نعجة مقابل النعجات ال G8
انا يا اخت زينب .. وخليني اكرر ذات الكلام اقتباسا .. قلت ليك ردا على اشارة محددة .. مع التشديد على ايمانك او اعجابك انو الناس تكون Direct
Quote: والله يا اخت زينب لو زولكم ده ما فتش نقاط ضعف في شخصيات الناس البحاورهم وتصور انو لقاها وقام يتناولها بمنتهى السخرية والاستخفاف والتناول المسيء .. ما كان في زول شعر بالاساءة والمطاردة وما كان جاء زول او زولة زيك كده كتبت دلقت كلامها هنا بمنتهى الحكمة |
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد حيدر المشرف)
|
سلامات معاوية وعبد العظيم وجلال.
Quote: يا التاج عبد العظيم عثمان ما شبح ،، اظن كتب قبل كدا انو خريج جامعه الجزيره وهو من ابناء المناقل الاخت زينب محمد عبد الله شخصيه معروفه امير بوب عندو لقاء في صفحه في النت وفيها صورتو الشخصيه
|
وحاتم كتب قبل كدا انو طالب ماجستير بجامعة الخرطوم أميز وزينب ما بعرفهم ، لكن ما مرت علي حاجة في المنبر بتثبت أنهم أسماء حقيقية ولهم عناوين معروفة . ورغم كده أنا أشرت فقط لملاحظتي بأن الأشخاص المؤيدين لاختفاء حاتم تمت الإشارة اليهم في البوست بأنهم أشباح وبالطبع لم تأتي الإشارة مني ولا علم لي بخلفيات هذه الإشارات .
Quote: إنها المؤامرة وإنه العجز يا عمر التاج يعني لازم أعرفك وأتكلم معاك وأشرب معاك قهوة عشان أبقي ما شبـح؟
|
عن نفسي، مافي مؤامرة ضد أحد ولا حاجتين عادي ممكن أتكلم وأقرأ لاشباح وأسماء مستعارة ، لكن مابحمل آراءهم محمل الجد وفي منبر كسودانييز ، وطالما أنا كاشف عن وجهي ، وعلى استعداد للظهور والاعلان لأي جهة أتمنى أن يعاملني الأعضاء بنفس المسئولية بحيث أتعامل مع أشخاص حقيقية و بأسماء حقيقية ذات مواقف حقيقية ، عدم تحقق هذا الشرط - بموافقة مالك المنبر- لا يبث ثقة التعامل الجاد مع المنبر بين كثير من الأعضاء القاعدين والمبتعدين. حتى الآن شخصي الضعيف لا يعرفك ياعبد العظيم ، ولم أتهمك بأنك شبح ، لكن أتمنى أذا جاء اليوم الذي يشك فيه أنك شبح أو متخفي أن تبادر لاثبات أنك اسم حقيقي وهذا ما دفعني لأحبذ أن يكشف الأخ حاتم عنه حجب الغموض ويخاطب الناس بمسئولية وشفافية وعزز أعتقادي بأن الفئة الضالة التي ترعى اختفاء حاتم لديها أجندتها الخاصة ومصالحها الخفية
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد حيدر المشرف)
|
يا اخ المشرف انا عملت اقتباس لى مداخلتك التى وجهتها لى بالاسم ووضعتها بين قوسين ورديت عليها......انتهى باقى مداخلتى فى عمومها غير موجة لك فلا تنزعج ولا تزعل واترك ( الانا ) جانبا لانك ليس الوحيد فى هذا العراك الفكرى هنالك من اختلف معى ومن اتفق معى فى نفس المداخلة
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
عبدالغني سلامات وكيف ا
الفهلوة والخداع !!! نعم يا عزيزي اضف اليها القدرة على الايذاء ..
راجع, فقط, مستهل بوست (التكاتيك)
Quote: حأعرض الأساليب والخطط بتاعة المداخلات وكيف تستلم البوست وكيف تنتهي من عدوك. |
Quote: كل الخطط هنا تشترط أن المهاجم على حق والمهجوم مخطيء، إذا عايز تهاجم وانت على باطل اكتب لي في الخاص. |
Quote: ولو صبرت هسع عندي خطة بلياردو شغالة وحأجيب سيرتها وحأنفذها للنهاية وأنا موجود وانت قاعد والضحايا تشوفهم قدامك شوف العين. |
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد حيدر المشرف)
|
يا معاوية حسين معليش رجعت لمداخلاتك فعلاً انت ما قلت انو انا و حاتم شخصية واحدة بس كمان قلت اننا بنتآمر مع بعض ضد بعض الشخصيات في المنبر و ضربت مثل بالخواض و الموصلي و كمان قلت انك بتشك في انو انا و حاتم لعبنا لعبة توقيفه المرة الفاتت لإحراج الموصلي !!
ياخ والله اتهاماتك دي اخير منها تطلعني شبح !
عموماً انا بعد شوية ح ارفع صورتي في البروفايل ساي كدا بس !
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: امير بوب)
|
Quote: هل هناك ما يميز معاركه وطريقته عن الآخرين و هذه الميزة ترجع لكونه متخفي |
ود البشرى هنالك الكثير الذي يميز اطروحات حاتم عن غيره من المتحاورين، ومن ذلك علمه بكل شي فهو خبير حاسب ولغات وترجمة وهندسة وموسيقى، ولا اظن ان عمره العلمي يؤهله لذلك. ثانيا، ميله الى الاستخفاف بالاخر مع ان القضايا من اولها الى اخرها هي مجرد عرض لاراء لا اكثر ولا اقل. وكان بامكانه ان يعبر عن رايه ويخالف باحترام. ثالثا، لا يقبل الراي الاخر حتى اذا جاءه من اهل الاختصاص، وكلما تجيب عن سؤال يطرحه، تجده يترك الموضوع كلية ويحاول نقل المعركة الى غيره، وكاني به في الموقع للتدريب على الجدال. من اهم مخرجات هذا البوست انه ولاول مرة يتم تحييد حاتم في موضوع يخصه. وكما ترى فان البوست وصل صفحته الثالثة ولا يستطيع المساهمة بحرف. شكرا جلال
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: الصادق يحيى عبدالله)
|
يا دكتور الصادق تحياتي اتفق و اختلف مع بعض النقاط التي اثرتها, لكن المسالة الأساسية انها لم تحمل جوابا على السؤال الذي اقتبسته, ربما لم تقصد الإجابة عليه لكن هذا ما قادني اقتباسك اياه لفهمه. لا احد كامل بالطبع, وكل منّا يحمل مميزات إيجابية جنبا إلى جنب مع سلبيات قد تزيد هذه عن تلك, المشكلة في تقييم الآخرين لأي الكفتين أرجح فكل منّا يرى إمّا بعين الرضا أو عين السخط وكلتاهما تفتقدان للعدالة نفس نقاطك التي اخذتها عليه قد يراها غيرك في صالحه و تميزه عن السائد فا الحكمة في رأيي تقييم الافعال كل على حدة دون انطباعية إن احسن يقال له احسنت هنا و إن اساء يشار لإساءته هناك لكن الإكتفاء بالنظر لنصف واحد من الكوب سواء كان المليان أم الفارغ يحرم المرء من رؤية الصورة كاملة
Quote: هذا البوست انه ولاول مرة يتم تحييد حاتم في موضوع يخصه وكما ترى فان البوست وصل صفحته الثالثة ولا يستطيع المساهمة بحرف. شكرا جلال |
متأكد يا دكتور انه لا يستطيع ؟ مش ممكن لا يريد - بعد !!
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد البشرى الخضر)
|
حاتم دا من لقيتو منزل دروس في الموسيقى وكان معنى سؤالي ليهو لماذا لا يشير الى المصادر ؟ ، وساعتها لم اهتم ان كان قام بالرد أو لا .... لكن انطباعي الأول والأخير هو انسان بيعتمد على الانترنت في الوصول لمعلومات جدليه ،،، وانطباع آخر عنه في موضوعه مع القامه والقيمه ( الموصلي ) ، بيتعمد الاستهتار بناس محترفين في مجالات معينه وليهم سنين فيها وانتاج لا يستهان به !!! وجدته بيستهدف شخص الموصلي والاستماته في نسفه بأسلوب يمكن أن اسميه ( حرب الظلام الانتقاميه ) . وشايفه حايم في بوست محسن خالد ما عارف بمارس معاه كدا برضو ولا الموضوع تاني " ما دخلت البوست " لكن لابد من توصيات من البوست دا أهمها برأيي الموصــــــــــــــــــــــتلي لاااااااااااااازم يرجع . ملحوظه:-
البوست دا شايفه ليهو كم يوم في الأب ماشاء الله ....واتساءلت عن فحواه بس عنوانو ما شجعني ادخلو الليله دخلت فيهو لدواعي تحديث المنبر لانو اللابتوب عامل ريست من الصباح =D ملحوظه أخيره الكتمه وين لاني تابعت تعليقات الصفحه الأولى وفطيت التانيه جيت لتعليقات التالته ... وروني لو الزيت كان في الصفحة التانيه.
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: ايمن الصادق)
|
Quote: نقاطك التي اخذتها عليه قد يراها غيرك في صالحه و تميزه عن السائد |
يا باشمهندس محمد البشرى ما كان الاستخفاف بعقول الاخرين اداة لنقل المعرفة، واشك في وجود شخص معنى بانتاج المعرفة او التاثير في انتاجها يؤيد توظيف التعالي على الاخرين وسيلة لنقلها او مشاركتها. يا باشمهندس حتى رسولنا عليه الصلاة والسلام تم مخاطبته بكلام واضح لا لبس فيه: "لو كنت فظا غليظ القلب لانفضوا من حولك" اما فيما يختص بتحييد حاتم من قبل صاحب البوست، فقد دللت على كلامي بشكل واضح مالم يكن بعض مؤيديه هم حاتم نفسه باسم جديد.
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد البشرى الخضر)
|
للتخفّي و الغموض سحر خاص .. أعتقد أهمية هذا البوست ، إنو إحساس حاتم بأقتراب كشف شخصيتو الحقيقية ، سيجعلو في مرمى نيران كل من لديه أحساس بتضررو من شخصية حاتم ، والخوف من روح الإنتقام و التشفّي التي قد تقود البعض للبحث وراء الشخصي . في بالي، محمد E ، والحملة القديمة للكشف عن شخصيتو أيام معركة المعيار ، و خفوت صيتو تدريجياً في المنبر ، رغم إمكانياتو و الإضافات الكان في إمكانو إثراء المنبر بيها لولا أسلوب التعالي و المطاردة التي مارسها على البعض.
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: عبدالغني محمد الحاج)
|
الاخ عبد العظيك البوست معروضاتو واضحة و المطلوب توضيح حتى البوست ن المطاردة لم اشر للمصادر حتى الان او حتى اوجّه اى اتهام للاخ حاتم فحكاية تصفو من بوستات المطاردات دى ما تعوّل عليها كتبر لانو لو داير اطارد كان اسلوب طرح البوست اختلف تماما ثم انو الاخ حافظ بشير خاطبك بالمداخلة دى
Quote: سلام يا عبد العظيم ما متتلحك والله لكن ياخي ما ممكن قبل اسبوعين بالضبط تكتب: === Quote: يا أميـــر اذا ثبتت السرقة الأدبية (أسلخه بدون نفخ ) === و تجي الليلة تكتب: === Quote: الكلام دا عنده محاكم ونيابات متخصصه بقضايا الملكية الفكرية يعني المتضرر يمشي يفتح بلاغ يتهم فيها حاتم بإنتهاك حقوق النشر والملكية الفكرية |
ما عارف ليه تجتوزتها بعدم الرد انى وى رايك شنو فى عضم البوست ___ اما حكاية تشتيت الكورة و حرف البوستات الشغلة دى ماب تقدر عليها و لو عايز تعملا هنا شوف ود المدير .. بيعرف كيف يخلى الزول يحرد بوستيهو و يتحاوم فى بوستات الناس التانين و بلا هوادة كمان اكرر هذا البوست ما عندو علاقة بى شبحية حاتم او خصوصيته او مطاردته
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
أخت زينب سلامات وكيف الحال ..
أترك (الأنا) إشارة محفزة ومثيرة ولكن ,, مداخلتك هاهي ..وتحتوي على اقتباس مداخلتي .. ثم تحيتي باسم ثم اولا وثانيا وثالثا وثم كلمة اخيرة نحوي
ولذلك مافي طريقة للاشارة المثيرة والمحفزة بتاعت الانا .. لان كل المداخة موجهة لي .. وتوجيه مداخلة لي مسالة عادية لا تعزز (الانا) ولا تؤثر فيها على الاطلاق .. الا اذا كان رأيك مختلف في الحتة ده فلك مطلق الحرية !!!
Quote: خ ود المشرف تحيات زاكيات طيبات اولا اتمنى منك الا تستعمل عبارة " زولكم " فى الرد على المختلفين معك لانو زولنا هو " الحق " اينما وكيفما وجد الحق -- ومن وجهة نظرى -- انو الاخ حاتم ومن خلال متابعتى لة انسان واضح وdirect لا يخرج من الموضوع المطروح الا فى حالة الرد على خروج الطرف الاخر ( المحاور ) عن الموضوع يعنى السن بالسن مرفوعة للقوة عشره
ثانيا تمتاز كتابات الاخ حاتم بالاستفزاز المحفز والمثير والكوميدى وليس الاستفزاز القبيح وهو انسان Sarcastic من الدرجة الاولى اذكر انا اول تداخل لى مع الاخ حاتم فى موضوع اثار جدلا فى سودانيزاونلاين وهى ردت فعل السودانيين عندما اساء مغرد سعودى للسود ( لا اذكر التفاصيل بالتحديد ) فكان ان تداخل الاخ حاتم مهدئا فقال لهم ( انه -- اى المغرد السعودى -- يقصد فى كلامة الافارقة وليس السودانيين ) طبعا كلام الاخ حاتم هنا فية رسالة ضمنية للناس البتفتكر انهم عرب
ثالثا فى مجموعة قليلة من الاعضاء -- وانا منهم -- تعتبر وجود حاتم مهم جدا فى هذا المنبر لان الاخ حاتم يعتبر اضافة نوعية وليس عددية لهذا المنبر ... لماذا؟ لان الاخ حاتم خرج عن المألوف وما تعارف علية الاعضاء من المواضيع الروتينية ذات الطابع الذى يتسم بالمجاملات والونسةوالشكير الكتير والنكات السمجة وطابع الشللية خوف الخروج عن القطيع والمواجهة وحيدا لان الذى يخرج عن القطيع موضوعوا مهم (( ( إن هذا أخي له تسع وتسعون نعجة ولي نعجة واحدة فقال أكفلنيها وعزني في الخطاب ( 23 ) ) يقول العارفون بالله ان هذه النعجة كانت من الاهمية بى مكان ان صاحب 99 نعجة يطلبها وهى الوحيدة عند صاحبها ويعزهو فى الخطاب وذلك لانها تفردت وخرجت عن القطيع ترعى لى وحدها لذا تميزت عنة ومن هنا جاءت اهميتها بالنسبة لمن يمتلك ال99 نعجة الانسان لابد ان يستمد قوتة بما يؤمن بة وليس من راى المجموعة حتى وان كثرت وتكالبت واعدت من قوة لى ترهب بها الافراد ما يميزنا هو تفردنا وتفكيرنا الحر كلمة اخيرة يا ود المشرف انا قد اتفق مع احد الاعضاء فى اشياء واختلف معة فى اشياء اخرى فهل هذا يجعلة " زولى " ملحوظة عامة : انا قد لا استطيع الرد على الاخوان فى كل الاوقات وذلك نسبة لى انشغالى وهذا اعتبرة تقصير منى اتمنى من الله الاعانة والصحة لى ولكم |
*لا أعلم ماذا كنت ستكتبين لو كان رأيك ايجابي في الذي اسميته بالمداخلات الروتينية ذات الطابع الذي يتسم ب (الشكير) الكتير .. على العموم لا ارى مشكلة في (الشكير الكتير) .. وبالعكس انا شديد الاعجاب بأدب (الشكير) في الغنا السوداني وأكاد لا اتمالك نفسي من ايقاع الدلوكة.
(اليس في ذلك استفزاز مثير؟!) ..
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد حيدر المشرف)
|
كرر هذا البوست ما عندو علاقة بى شبحية حاتم او خصوصيته او مطاردته
==============================================
ايوة كدا يا ابو الجل
كدا البوست معني باثبات السرقة الادبية ودا هو بيت القصيد كما اسلفت
يللا بعد دا الناس تحاول تثبت انو المقال مسروق يعني تفترض انو حاتم هو معروف شخصان مختلفان
لأنو طلع حاتم هو معروف فدا معناه الموضوع كلو نفس.
Go Ahead
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد حيدر المشرف)
|
Quote: يا باشمهندس محمد البشرى ما كان الاستخفاف بعقول الاخرين اداة لنقل المعرفة، واشك في وجود شخص معنى بانتاج المعرفة او التاثير في انتاجها يؤيد توظيف التعالي على الاخرين وسيلة لنقلها او مشاركتها. يا باشمهندس حتى رسولنا عليه الصلاة والسلام تم مخاطبته بكلام واضح لا لبس فيه: "لو كنت فظا غليظ القلب لانفضوا من حولك" اما فيما يختص بتحييد حاتم من قبل صاحب البوست، فقد دللت على كلامي بشكل واضح مالم يكن بعض مؤيديه هم حاتم نفسه باسم جديد. |
يا دكتور الصادق المثل بقول كل فولة ولها كيّال و التاني يقول لولا اختلاف الآراء لبارت السلع و انا أقرأه اختلاف زوايا النظر و طريقة القراءة ما تراه انت تعالي على الآخرين و استخفاف بعقولهم قد يراه غيرك تقعيد بعض المتنطعين و المتقعرين و الاساسا متعالين في علبهم. ارجع لبوست ناسا - ودائم ما اقول ذلك - الاستخفاف و الاستهزاء الذي قابل به بعض الزملاء طرح حاتم هو في رايي ما فتح صندوق باندورا. الشي التاني انا لو طرحت فكرة واتى من ينتقدني و يبين عيوبها باستخفاف و تعالي الدنيا كلها, اي نعم لن اتقبل نقده وهذا امر طبيعي, لكن ستيل يبقى النقد في محله ورفضي لصاحبه لن يخفي العيوب. واحد من اكثر البوستات فائدة كان في المساجلات التي دارت بخصوص موضوع الدرونز مع الباشمهندس محمد مختار, لو تغاضيت عن المخاشنات و الروح العنيفة يبقى جوهر البوست مفيد جدا و خاصة لمجموعة المشروع حيث قدم نقدا حقيقيا ابرز العيوب ونقاط الضعف التي يقيني انهم سيعملون عليها لتلافيها و تجويد ادائهم في المستقبل وفي ثنايا النقاش قدمت معلومات قيمة للقراء و غير المتخصصين. الفكرة شنو يا دكتور أن المسالة نسبية, حاتم ليس ملاكا بالطبع لكنه كذلك ليس شيطانا و شرا خالصا, وزي ما اسلفت المحصلة تعتمد على اي عين يرى بها الناظر.
مسالة تحييده من دخول البوست وتدليلك على ذلك, انا اضفت عليه تساؤل هل هي عدم مقدرة و عجز ام عدم رغبة yet! و yet دي ممكن تتقري بقليل من الخبث مع نظرية الحبشي الشهيرة عن صيد القراميط
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: محمد البشرى الخضر)
|
يا هيثم غالى البوست ده بنى على فرضيتين الاولى ان معروف ليس حاتم التانية انو معروف هو حاتم طيّب لو ثبت انو معروف هو حاتم فى سؤال اتولد تلقائياً من هذه الفرضية صفة معروف القدم بيها نفسو لذلك الموقع موقعا من الاعراب شنو عشان تنفّس لينا البوست بى حق و حقيق .. عن نفسى اتمنى انو يكون حاتم فعلا طالب ماجستير كلية العلوم جامعة الخرطوم فى 2010 و اكون سعيد بذلك
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: أبوبكر عباس)
|
صفة معروف القدم بيها نفسو لذلك الموقع موقعا من الاعراب شنو
==========================
يا جلال دي ما بتهمنا في شيء .. ليه
لانها في مكان تاني خالص .. لو كانت داخل حوشنا دا كان ممكن نتساءل عن موقعها من الاعراب
اسع كمثال عندك زي ناس وائل حمزة الزبير كان اسمو الحامد في احد منافذ السايبر
وهناك الكثيرين يغيرون النك نيم حقهم حسب المزاج فموضوع تعدد الاسماء والحسابات يهمنا اذا كان هنا
في حوش بكري دا
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Haytham Ghaly)
|
سبحان الله
الاحتيال وانتحال الشخصيات بقي امر طبيعي عند الناس ! قبل كدا في عضو اسمو محمد فرح الناس هنا طاردتو وضغطت علي بكري لخدي ما وقفو من الموقع ،، رغم انو ما اساء لي زول او شتم زول او خالف لوائح المنبر ،، بس مشكلتو انو كان كوز
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Maawya Hussein)
|
Quote: رغم انو ما اساء لي زول او شتم زول او خالف لوائح المنبر |
يا معاوية لو ما خانتني الذاكرة .. المشكلة ما كانت في كوزنته .. فقد أساء محمد فرح .. لاخت ووصفها بوصف غير مقبول ..
المنبر ملان كيزان .. وأسماء مستعارة .. لو كان زول ( معروف ) برضو كان وقفوهو .. ما أظن ده سبب يوقفوا بيهو زول من المنبر ..
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Haytham Ghaly)
|
Quote: للتخفّي و الغموض سحر خاص |
تحياتي يا ابوحميد والجميع بالبوست
هو طبعا التخفي والكتابة تحت اسم مستعار فيه مساحة حرية كبيرة للكاتب تحرره من قيود "الخاص" و "والاجتماعي" والمجاملات
وبترفع سقف الحريات والجدال الى مداه...وبالمناسبة دا شئ ايجابي جدا في منابر الحوار
ولكن مافي حاجة مجاني طبعا...اكيد في "ثمن"
وهذا قد يعيدنا الى الى الجدل الذي دار بخصوص نافذة "الفيسبوك" شخصيا كنت من انصار فتحها...ولكن لا استطيع ايضا ان اتجاوز وجهة نظر المعترضين ومعهم حق مالم تحل المشكلة "الفنية" لسوء الاستخدام
من اجمل مواقع الحوار السودانية التي مررت عليها كانت..."سودان دوت نت" لصاحبها معاذ عطا السيد...له التحية اين ما كان لا يزال يصر على فكرته...حرية مطلقة نيك نيم...وتبقى داخل تكتب ما تريد
الوضع هنا في حوش بكري يختلف...طالما تراضى الناس على الشفافية وتزويد الادمن ببيانتهم الشخصية ببقى خلاص الناس اخلاقيا تلتزم كلها...او
تغادر بهدوء
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: Hatim Alhwary)
|
Quote: اما حكاية تشتيت الكورة و حرف البوستات الشغلة دى ماب تقدر عليها و لو عايز تعملا هنا شوف ود المدير .. بيعرف كيف يخلى الزول يحرد بوستيهو و يتحاوم فى بوستات الناس التانين و بلا هوادة كمان اكرر هذا البوست ما عندو علاقة بى شبحية حاتم او خصوصيته او مطاردته |
يا جلال روق بالله ما تقعد تسمع كلام "معاوية " لا تشتيت كورة ولا شيء البوست عضمه الإيقاع بالزميل حاتم وصنفته واحد من بوستات المطاردة عشان لاعنده عضم ولا فيه لحم وحيتقيد ضد مجهول ويتقفل إتعاملت معاه بالفهم دا ...
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: جلالدونا)
|
Quote: بنى على فرضيتين الاولى ان معروف ليس حاتم التانية انو معروف هو حاتم
|
دي تعتبر فرضية واحدة وليس فرضيتين يا جلي !!! . . . طبعا جلال فتح البوست وفي باله انه حاتم "لطش" الموضوع من "معروف" ... لما لقى الامور ما ماشة في هذا الاتجاه ، قال لو "حاتم" طلع هو "معروف" في سوال بتولّد تلقائيا : ما هي الصفة القدم بيها "معروف" نفسه لذلك الموقع ؟؟؟ . . . يعني حاتم في الحالتين ضائع ... . . .
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: قسم الفضيل مضوي محمد)
|
Quote: سلام يا عبد العظيم ما متتلحك والله لكن ياخي ما ممكن قبل اسبوعين بالضبط تكتب: === Quote: يا أميـــر اذا ثبتت السرقة الأدبية (أسلخه بدون نفخ ) === و تجي الليلة تكتب: === Quote: الكلام دا عنده محاكم ونيابات متخصصه بقضايا الملكية الفكرية يعني المتضرر يمشي يفتح بلاغ يتهم فيها حاتم بإنتهاك حقوق النشر والملكية الفكرية |
حافظ بشير سلامات
موضوع البوست هنا لا علاقة له بالسرقه الأدبيه واذا كان صحيح إنما هو (عدم ذكر المصدر) ودي بسيطة حتي اذا حاتم نقل الموضوع من معروف (كما يدعي البعض) يكون الخطأ هنا فقط (عدم ذكر المصدر)
يعني ممكن حاتم يدخل هنا هسي ويفرتق ليكم بيت البكاء ويقول فات علي أن أذكر المصدر ( قوموا الي مطاردتكم يرحمكم الله)
ودا الخلاف بين الموضوعين يا حافظ
تحياتي
| |
|
|
|
|
|
|
Re: ► حاتم ابراهيم ... موضوع تعريفى ..◄ (Re: قسم الفضيل مضوي محمد)
|
Quote: للتخفّي و الغموض سحر خاص .. أعتقد أهمية هذا البوست ، إنو إحساس حاتم بأقتراب كشف شخصيتو الحقيقية ، سيجعلو في مرمى نيران كل من لديه أحساس بتضررو من شخصية حاتم ، والخوف من روح الإنتقام و التشفّي التي قد تقود البعض للبحث وراء الشخصي . في بالي، محمد E ، والحملة القديمة للكشف عن شخصيتو أيام معركة المعيار ، و خفوت صيتو تدريجياً في المنبر ، رغم إمكانياتو و الإضافات الكان في إمكانو إثراء المنبر بيها لولا أسلوب التعالي و المطاردة التي مارسها على البعض. |
| |
|
|
|
|
|
|
|