جميلــــة و مستحيلـــــة ...

مرحبا Guest
اخر زيارك لك: 03-19-2024, 11:15 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-01-2017, 04:08 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: أيمن محمود)

    تحياتي أيمـــن الفاضل ...

    معليش وسط الكلام لم ارد التحية ...

    و صحي و الله الزول داير يحتفي بي جامعته القرا فوقها ...

    تعرف ...

    اولادي قرو هنا من الروضة لغاية ما اتخرجو من الجامعات ... و منهم ما زال هناك ...

    من مرحة الى مرحلة لازم المدرسة تحتفل و اهم شيء كل واحد محتفظ بي لبس فيهو اسم مدرسته او جامعته ...

    و كلهم عندهم روابط خريجين و ليها مميزات عالية جدا ...

    فقصة انو نمسح حكاية قرينا جامعة او معهد و نبخسها ...

    كلام فاقد للمنطق ...
                  

09-30-2017, 02:04 PM

Abuzar Omer
<aAbuzar Omer
تاريخ التسجيل: 07-26-2008
مجموع المشاركات: 2109

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: عبدالحفيظ ابوسن)

    تحياتي كبر،
    Quote: خيطك ده ، ودخول صديقنا ابوذر عمر (ابوذر والله فكرتك بتاعة الفيديو المصور دي سمحة خلاص..ياخي لمن قلت يا ريت ناس سودانيز اونلاين يوافقوا عليها)..

    و الله حتكون إضافة عظيمة لوسائط الإعلام السودانية، بما فيها القنوات التلفزيونية و بالطبع الحوار هنا.
    تحياتي لود قباني، و أعتقد البوست لغرض الونسة، الضحك و التدوير، لكن في ناس ما بتستحمل 😁😁😁. و على العموم ده ما زمن تفاخر، و ليس لدينا ما نفخر به فنحن في ذيل الأمم.

    صادق الود
                  

09-30-2017, 02:54 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: Abuzar Omer)

    يا الصادق مزرورني مالك ياخ هههه
    لو كنت متابع ظهور نتيجة الشهادة السودانية للقبول بتلقا المصدر . كتبت بوست عن القبول الخاص
    او اسال اي جامعة ولي اصدقاء يدرسون فيها وعمداء
    الحكومة رفعت يدها من التعليم الجامعي . ونسبة القبول الخاص بتزيد كل مرة علي حساب القبول العام . كانت 1/3 وبدأت في الزيادة
    المعلومة مبذولة مجانا
    أسأل ناس جامعة الخرطوم كم سعر القبول الخاص وكم نسبة القبول الخاص للعام
                  

09-30-2017, 03:09 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: عبدالحفيظ ابوسن)

    Quote: اخواننا محمد الامين و دنقس ...

    طلعتوا خارج موضوع البوست تماما ...

    موضوع البوست ليس الاحتفاء بالجامعات و المفاضلة بين الجامعات
    و الموضوع ليس في كيفية الاحتفاء و تسميات الجامعات و المعاهد ...

    الموضوع ( لماذا ) نحتفي بذلك الإنجاز أو ال bench mark في حياة كل شاب و شابة
    الا و هو التجربة الجامعية و التخرج و ماذا اضافت تلك التجربة لشخصياتنا
    و الموضوع رفض من بريد ان يبخس الناس حقها في ذلك الاحتفاء ...

    شكرًا لمدخلاتكم ... و لكنها خارج سياق البوست ...


    اخونا محمد الأمين سلامات مرة تاني ...

    بعد ما انا كتبت الكلام الفوق ده انت رديت و قلت

    موضوع الاحتفاء بالجامعات كان في بوستات تانية ...

    اما البوست ده ( اللي هو حقي ) قلت انو موضوعه كيفية الاحتفاء و تصنيفها للاحتفاء ( او شي من هذا القبيل )

    ثم ( قمت بحذف مداخلتك ) بعد قراءتك لردي التالي :

    Quote: يعني يا محمد الامين
    انا .. سيد البوست... ما عارف البوست حقي عن شنو ؟

    معليش ياخ ... تاني انت اوف بوينت ...

    و يا ريت ترجع للفكرة إلانا داير أناقشها ...

    غبر كده ... كتر خيرك على المشاركة ...


    فهل حذفك لردك استدراك ام غضب ...
                  

09-30-2017, 03:21 PM

الصادق يحيى عبدالله
<aالصادق يحيى عبدالله
تاريخ التسجيل: 10-02-2009
مجموع المشاركات: 926

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    Quote: أسأل ناس جامعة الخرطوم كم سعر القبول الخاص وكم نسبة القبول الخاص للعام

    الاخ عبدالحفيظ
    انا لم انكر الزيادة في اعداد القبول الخاص. حجتي تتعلق بالاثر المباشر للقبول الخاص على الاداء العام للطلاب كما جاء في مساهمتك.
                  

09-30-2017, 03:24 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: الصادق يحيى عبدالله)

    قام اخونا محمد الأمين بمسح مداخلاته ...

    له التحية ...
    ______________________


    Quote: شفت مداخلتك يا قبة، وحاتم ما قاعد يشتت، بل مركز جداً.
    عندي أولويات.

    و كمان كان ما عندك إجابة عفيناك ...
                  

09-30-2017, 05:24 PM

Abdulgadir Dongos
<aAbdulgadir Dongos
تاريخ التسجيل: 02-09-2005
مجموع المشاركات: 2609

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)


    +
    إنت يا قباني وقت بقيت "مرشد"
    كبر دا فطيت هرجلتو وهجومو لي
    عشان هو خريج "ألجميلة ومستحيلة"؟
    كلام محمد ألأمين دقيق ومليان حكم
    وفي نفس السياق عكس كبر.
    بعد كدا بهمك بي شنو زعل محمد ألامين
    أسلوبك ما كريم.



    دنقس
                  

09-30-2017, 06:07 PM

محمد الأمين موسى
<aمحمد الأمين موسى
تاريخ التسجيل: 10-30-2005
مجموع المشاركات: 3470

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    Quote:

    اخونا محمد الأمين سلامات مرة تاني ...

    بعد ما انا كتبت الكلام الفوق ده انت رديت و قلت

    موضوع الاحتفاء بالجامعات كان في بوستات تانية ...

    اما البوست ده ( اللي هو حقي ) قلت انو موضوعه كيفية الاحتفاء و تصنيفها للاحتفاء ( او شي من هذا القبيل )

    ثم ( قمت بحذف مداخلتك ) بعد قراءتك لردي التالي :

    Quote: يعني يا محمد الامين
    انا .. سيد البوست... ما عارف البوست حقي عن شنو ؟

    معليش ياخ ... تاني انت اوف بوينت ...

    و يا ريت ترجع للفكرة إلانا داير أناقشها ...

    غبر كده ... كتر خيرك على المشاركة ...


    فهل حذفك لردك استدراك ام غضب ...


    أخي العزيز ود قباني، لا هو استدراك ولا غضب، بل هو تفاعل إيجابي مع مداخلتك الأخيرة. فقد ذكرت فيها أمرين: الأول تأكيد لفكرة أن مداخلاتي أوف بوينت، وهذا في رأيي يجعلها تستحق الحذف حتى لا تشوش على محتوى البوست؛ والثاني إنك أبديت عدم ترحيبك بأي مداخلات جديدة لا تنطلق من الفكرة التي تريد مناقشتها، فما علي إلا أن أبادلك الشكر بمثله وانسحب من البوست التزاما بآداب الضيافة، وأنا ضيف في هذا البوست. أسأل الله لك التوفيق والسداد وفتّك بعافية.
                  

10-01-2017, 04:04 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: محمد الأمين موسى)

    Quote: إنت يا قباني وقت بقيت "مرشد"
    كبر دا فطيت هرجلتو وهجومو لي
    عشان هو خريج "ألجميلة ومستحيلة"؟
    كلام محمد ألأمين دقيق ومليان حكم
    وفي نفس السياق عكس كبر.
    بعد كدا بهمك بي شنو زعل محمد ألامين
    أسلوبك ما كريم.

    دنقس

    أولا نترحم هلى روح اخونا احمد الجنرال ...

    في دي معاك حق يا دنقس ...

    رغم عن انو السجال بيناتكم الاثنين انت و اخونا كبر
    كان لازم انتبه و اسألكم من ضبط النظام عشان نقدر نصل لي حاجة لو الناس جادة في النقاش ...

    اما عن الأخ محمد الأمين ... فكلامه كان كلام موجه لي انا و إصرار مافي محلو انو البوست يعني شي في تخيل محمد ما حاصل في الحقيقة ...

    و اهو جا قال وجهة نظرو ليه مسح مداخلاته ...

    فيا دنقس ما قصة كريمة و لا ما كريمة ...

    الزول ما يحوم من بوست لي بوست بنفس الكلام و النظام و بالقوة يوجه البوست لمجرد توصيل وجهة نظر لم تتم في بوست آخر ...
                  

10-01-2017, 04:12 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    يا حاتم ... وينك ؟
    انت كتبت :
    Quote: طبعا ربط (توسع المدارك) بالمؤسساتدا في ذاتو خلل مؤسسي يا قباني
    واقصد إنو تطوير الإدراك هو دور الأسرة والمجتمعالجامعات دورها أكاديمي محض
    ممكن نقول المدارس ليها دور كبير في تطويرمدارك التلاميذ وربطهم بالمجتمع وفتح آفاق أرحبلكن الجامعات دورها مختلف



    و انا طلبت منك الاتي :

    Quote: حاتم ... عشان نقاشنا يكون ذو نفع ...

    كيف تطوير الإدراك هو دور الاسرة و المجتمع ؟

    و وريني هل ده ممكن ينطبق علي كل طفل في اَي بقعة من بقاع السودان

    و كل شاب يمر بمراحل التعليم حتى دخول الجامعة ؟

    و كمان دايرك و انت بتفكر ... تخت في بالك السودان منذ بداية ثورة التعليم فوقه ...


    و لم اجد منك إجابة حتى تاريخه ...

    (عدل بواسطة يحي قباني on 10-01-2017, 05:17 PM)

                  

10-01-2017, 04:30 PM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    الاقتباسين حقاتي يا قبة
    مرتبك مالك؟
                  

10-01-2017, 05:29 PM

Abdulgadir Dongos
<aAbdulgadir Dongos
تاريخ التسجيل: 02-09-2005
مجموع المشاركات: 2609

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)



    +

    كتب قباني:

    Quote: رغم عن انو السجال بيناتكم الاثنين انت و اخونا كبر
    كان لازم انتبه و اسألكم من ضبط النظام عشان نقدر نصل لي
    حاجة لو الناس جادة في النقاش ...


    محمد الامين أكثر جدية وأنا واحد من الناس
    متابع جيد لي فكرتو بس للأسف ماراق ليك
    لأنو بينقد "جميلة ومستحيلة"
    الما كريم إنك ميزانك عدالتك خرب، بل غرضي.
    وبعدين يا أخي دا منبر عام ما صالون بيتك.
    يعلم الله الوحيد الخارج الموضوع هو هذا الكبر،
    هاجمني شخصيا بلغة منحطة مع أني لا اتداخلت معاهو
    لا وجهت ليهو حديث.




    دنقس.
                  

10-01-2017, 05:14 PM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    طيب يا قباني
    ربط (توسعة الإدراك) بالمؤسسات الأكاديمية تحديدا دا خطأ وسوء فهم
    الجامعة غير مسؤولة من تنشئة شخص تخطى سن المراهقة
    المدركات الأنت بتتحدث عنها لو كانت آداب مجتمع أو معلومات أساسية
    لمواجهة الحياة أو مصادر معرفية توسع أفق نظرتك للحياة من حولك
    داخل بيئتك أو خارجها فدي كلها مش مسؤولية المؤسسات الأكاديمية.


    دي مسؤولية المراحل الدراسية الإعدادية والمجتمع الصغير حولك
    ومسؤوليتك انت من يوم تعلمت القراءة والكتابة.

    فأي شخص يعول في الحصول على ما فاته في المدرسة في الجامعة دا يكون متأخر جدا.
    ودي الفئة البتصيبها الدهشة أول سنة وتاني سنة وجايز تستمر الدهشة حتى بعد التخرج.

    الطفل الهندي العمره 15 سنة وفي غيره كتير طبعا ياقباني
    ما بيتكلم بصفته خريج جامعي بل مجرد طالب في الصف التامن حسب نظامنا.
    ودا مكتفي من نفس المهارات والمدركات الانت بتفتخر إنو الجامعة وسعتها ليك
    يعني ثقة في النفس طلاقة في اللسان قدرة على إيصال المعلومة جرأة في الطرح
    إمكانية عالية في النقاش ووضوح الفكرة والمقاصد إضافة للمعلومات طبعا.
    دا ما شغل جامعة يا قباني.

    وبتسألني هل الفرص واحدة لكل شخص في الدولة؟
    لا طبعا، الناشيء في الريف يختلف عن ابن المدينة
    لكن لكل واحد فرصته في تطوير مهاراته المناسبه لوضعه ولدوره اللهو اختاره لنفسه وتحصيل المدارك حسب سعة اطلاعه.
                  

10-01-2017, 05:27 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: حاتم إبراهيم)

    Quote: وبتسألني هل الفرص واحدة لكل شخص في الدولة؟
    لا طبعا، الناشيء في الريف يختلف عن ابن المدينة
    لكن لكل واحد فرصته في تطوير مهاراته المناسبه لوضعه ولدوره اللهو اختاره لنفسه وتحصيل المدارك حسب سعة اطلاعه.

    هنا بيت القصيد يا شيخنا ...
    اذا ما الكل بينطبق عليه كلامك ... اذاً المعيار مختل ...


    Quote: ربط (توسعة الإدراك) بالمؤسسات الأكاديمية تحديدا دا خطأ وسوء فهم
    الجامعة غير مسؤولة من تنشئة شخص تخطى سن المراهقة
    المدركات الأنت بتتحدث عنها لو كانت آداب مجتمع أو معلومات أساسية
    لمواجهة الحياة أو مصادر معرفية توسع أفق نظرتك للحياة من حولك
    داخل بيئتك أو خارجها فدي كلها مش مسؤولية المؤسسات الأكاديمية.

    و نرجع لبداية كلامك ...
    منو القال تنشئة ؟
    انا كلامي في اول البوست واضح ... و قلت ما يلي:

    Quote: فيها توسعت مداركنا ...
    و فيها تبلورت اتجاهاتنا السياسية ...
    و فيها نضجت و استقلت افكارنا ...
    هي البداية التي انطلقنا منها ( مسلحين ) ... بالعلم و المعرفة ...
    هي التي فتحت امامنا أبواب البحث و التنقيب المكتسب من الكتب و المراجع و المكتبات ... قُبيل ثورة الانترنت و الخال قوقل ...


    و الشئ الانت مفتقده ... انا ما بتكلم عن انو الجامعة مسئولة من ذلك ... و لكنها الوعاء الصحي الجمع الناس و اداهم السلاح في ايدهم ...
    استيعاب الشاب الجامعي لاشياء كثيرة في الحياة كما الأشياء الانا ذكرتها فوق ...
    ليست كطالب الثانوي و الوسطى و خلافه ...

                  

10-01-2017, 05:47 PM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    طيب كويس يا قباني
    أي مدارك وسعتها ليك الجامعة؟

    وياتو سلاح زودتك بيهو الجامعة؟
                  

10-01-2017, 05:50 PM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    فعلا يا دنقس
    قباني بيتعامل مع المنبر بطريقة الصوالين.

    كتيرين أعضاء قدام هنا ما فاهمين منبر يعني شنو.
                  

10-01-2017, 06:01 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: حاتم إبراهيم)

    كعادتك يا حاتم

    لما يغلبك تجاوب ... تهاجم و ترد بي سؤال

    و تمشي تكوس للناس عشان يحزموك و يلزموك ...

    انت حالة ميؤوس منها و من النقاش معاها ...

    مضيعة وقت يعني بالبلدي ...

                  

10-01-2017, 07:02 PM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    يحزموني شنو يا قباني؟

    أنت أصلا ما عندك فهم لدور الجامعات كمؤسسات أكاديمية!
    ذكرت بأن مداركك اتوسعت في جامعة الخرطوم قلنا كويس
    وضحنا ليك شنو دور الجامعة ووين المدارك دي مفروض تكتسب
    وعددناها ليك وبالمثال.

    قعدت تاخد كلامي وتقول لي بيئة وريف وبيت قصيد.

    انت دا قباني شنو رؤيتك للمدارك الاتوسعت دي؟ علوم؟ سلوك؟ سياسة؟
    فلو أكاديميات دا بقى دور الجامعة الانت قبلت تدخلها بأرادتك كمتلقي
    وحتى الأكاديميات دي غير محصورة عليها.

    ولو سياسة دا ما دور لمؤسسة أكاديمية إلا بفهمنا نحنا العطل البلد بفهم جميلة ومستحيلة.
    ولو أي حاجة غير الاتنين ديل يبقى انت كنت مخلوع ساكت.

    أدينا نموذج للأدركته في الجامعة وخلينا نوريك دا كان شنو.

    وما داير يسألوك يعني، ومال الصالون كيفنو!
                  

10-01-2017, 07:15 PM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    ونضج الأفكار واستقلالها دا برضو ما شغل الجامعات.
    انت ليه ما قادر تفرق بين أدوار المؤسسات؟

    كونك لحد سن 18 سنة غير ناضج ومستقل فكريا دا ما معيار
    تطبقو على الكل وتقول شكرا لو ما الجامعة ما كان وعينا واتوسعت مداركنا
    وعليه تفترض أنو دا الواقع المفروض يتكرر في كل الدنيا على مر الدهور.
    ضربنا ليك مثل بطفل عمره 13 سنة بيتكلم كأنو راجل بعمر 35 هل دي معجزة؟

    أبدا، ببساطة فشل في المراحل التكوينية السابقة عندنا الأنا سميتها تنشئة.
    يبقى تعليق الاستنارة في شماعة الجامعة دا نوع من التخلف المجتمعي المستمر.
    وتنصيب الجامعات كعجول مقدسة نتيجة حتمية للواقع دا.
    واتخاذ خريجيها أصنام وضع مؤسف ومزري هوى بكل الدولة.
                  

10-01-2017, 07:17 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: حاتم إبراهيم)

    يا حاتم بتعرف معروف ابو الحسن
                  

10-01-2017, 07:29 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: جلالدونا)

    و للتوضيح اكتر معروف ابو الخسن ده
    سنة 2010 كان طالب ماجستير بجامعة الخرطوم
                  

10-01-2017, 08:11 PM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: جلالدونا)

    يا حاتم

    بلا بلا بلا بلا


    ياخ ما زهجت من استخدام نفس ( التكتيك )

    ورقك .. و وشك ذاتو بقى مكشوف ...
    ———————————-

    جلالدونا

    ازيك يا حبيب ...

    مين معروف ابو الحسن ده ؟
                  

10-01-2017, 08:19 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    ده واحد صاحبى
                  

10-01-2017, 09:10 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: جلالدونا)

    اها دى صورتو يا قبانى
    اها ان شالله ما يكون قصّرنا معاك
                  

10-02-2017, 04:02 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: جلالدونا)

    بى حساب الزمن مرّت اكتر من 8 ساعات و لم يرد حاتم على السؤال
    انتشار حاتم الكثيف و تواجده فى مجموعة كبيرة من البوستات
    على مدار اليوم يبختنى فى حتة استفسار عن الغياب
    نتمناهو طيب و فى احسن حال
    كمان نحن و الحمد الله
    اما بعد
    السؤال ما زال قائما
    بتعرف معروف ابو الحسن
    الكان طالب ماجستير
    جامعة الخرطوم سنة 2010 يا حاتم ابراهيم
                  

10-02-2017, 04:14 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    Quote: يا حاتم
    بلا بلا بلا بلا

    دا البوست بتاعك وأنا ضيفك يا قباني
    بتوقع منك معاملة كريمة لضيوفك مش كدة؟
    فليه كل ما تحس بعجز تقعد تكورك (تكاتيك)؟
    يعني إلا تكون انت صاح عشان تسمي دا نقاش؟

    من البداية نبهوك إلى أنو موضوعك دا فيهو غلط، ليه تكابر؟
    ما في زول عنه مانع تفتخر بأي مؤسسة انتميت ليها بس ما لدرجة تصبح في نظرك عقدة.
                  

10-02-2017, 04:43 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: حاتم إبراهيم)

    يا حاتم ...

    سألتك سؤال ...

    و جيت داير تساككني بي سؤال ...

    و الطريقة دي بقت ممجوجة و الله ...

    انا جاوبتك و انت زغت ... و داير تستعمل نفس اسلوبك البقى محفوظ خلاص ...

    موضوعي بسيط ...

    داير تبخس الناس حق احتفاؤهم بي جامعاتهم ... و وريناك كلامك ليه غلط ...

    جيت تقول توسيع المدارك بيتم في الاسرة ... و فشلت تخلي مثالك شامل لكل السودان ...

    اما قصة كريمة و ما كريمة ... فحقوا تبدا بي رقبتك ولا شنو يا حبيب ؟

    امشي راجع ردودك للناس و استفزازاتك ليهم قبل تلومني ...

    بعدين كريمة دي ذاتك استلفتها من دنقس ...

    انت اصلو لازم ( تستلف ) ؟ ... ما في اصلو حاجة من بنات افكارك !!!
                  

10-02-2017, 04:50 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    السيد حاتم ابراهيم
    فى سؤال فوق يا ريت تتكرّم بالرد عليهو
    بتعرف معروف ابو الحسن طالب الماجستير جامعة الخرطوم سنة2010

    (عدل بواسطة جلالدونا on 10-02-2017, 05:46 AM)

                  

10-02-2017, 10:26 AM

Abdulgadir Dongos
<aAbdulgadir Dongos
تاريخ التسجيل: 02-09-2005
مجموع المشاركات: 2609

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)


    +

    أول مداخلة لي معاك يا قباني أكدت ليك حقك في
    ألحتفاء "بالجميلة ومستحيلة" وذكرت ليك عيب أحتفالك.
    للأسف إحتفالك جاء ردة فعل لنقد حاتم و عبدالعظيم ومحمد الأمين "للجميلة و مستحيلة" ، وهنا تكمن ألعلة. جيتنا إنت
    وفرزتنا أنا و محمد ألامين بأننا "خارج ألموضوع". وضح
    جليا أن حكمك ألجائر هذا غرضي يؤكد ما ذهبنا أليه بدأ.
    جاءت مداخلات ألزملاء بأفكار مختلفة وأخص هنا مداخلات
    ألاخ محمد ألامين، لأني بكل صدق وأمانة من ألمتابعين
    لفكرته ألتي حاول جاهدا إيصالها للمصلحة ألعامة حسب
    تجربته. صنفتها أنت وآخرين بأنها "إصطفاف أعمي لحاتم".
    حاتم يا قباني ما نزل لينا من كوكب ألمشتري، حاتم رجل
    سوداني مر بمراحل "ألنشوء والارتقاء" في مجتمعنا ألسوداني.
    قناعات ألرجل أضحت كما تقرأه وإيانا في رؤاه ألواضحة ألجريئة. أقول قولي هذا وليس لي علاقة بحاتم أو عبدالعظيم أو محمد ألامين. إلتقيتهم وأفكارهم في هذا المكان كما إلتقيت
    آخرين. إنت يا قباني بوعي أو دونه أقحمت نفسك مع
    حزب "العطالة" ألساعين يعرفوا "حاتم إبراهيم" دا منوا؟
    ووين مقيم؟ والبعرفوا منو؟

    كتبت:
    "بعدين كريمة دي ذاتك استلفتها من دنقس ..."
    كلمة واحدة يا قباني ؟ أنا تعلمت كتير من حاتم في ألفترة
    ألماضية،كلامك دا أنا بعتبروا تصيد مع سبق الإصرار والترصد.
    نجي لي فكرتك عن "توسيع ألمدارك"، في أمريكا وأوروبا
    كثير من الناس قاطعوا ألتعليم ألرسمي حكومي أو قطاع
    خاص لفلسفتهم ألخاصة. حجبوا أطفالهم في منازلهم وعلموهم
    أرقي تعليم، بل نافسوا بيهم في أرقي مجالات ضروب
    ألمعرفة، حاتم محق في حديثه. إنت كمان محق بعض ألشيئ إذا أخذنا في ألإعتبار ألنموزج ألسوداني في ألتعليم، في السودان ما سمعت بي زول وتجرأوحجب أطفالو في ألبيت وعلمهم بنفسه. رغما عن ذلك هناك بعض ألناس يهتمون
    بتعليم أطفالهم منذ نعومة ألاظافر، هذا الإهتمام يتمايز
    بالحرية ألاقتصادية للأسر.








    دنقس

                  

10-02-2017, 05:26 AM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    Quote: انا جاوبتك و انت زغت ... و داير تستعمل نفس اسلوبك البقى محفوظ خلاص ...

    موضوعي بسيط ...

    داير تبخس الناس حق احتفاؤهم بي جامعاتهم ... و وريناك كلامك ليه غلط ...

    جيت تقول توسيع المدارك بيتم في الاسرة ... و فشلت تخلي مثالك شامل لكل السودان ...

    مش داك ياهو الرد فوق يا قباني؟
    ولا بتتوهم إنو حاتم زاغ زندية ساكت هههه

    بعدين فشل شنو لا سمح الله؟
    انت ليه بتعمم نموذجك على كل البلد؟
    ياخي ما أي شخص لازم يكون عنده نفس التوجهات والأحلام و(العقد)
    البلد دي كلها أداروها شيوخ إدارة أهلية ما بيفكوا الخط أيام الإنجليز
    وكانت أفكارهم ناضجة ومستقلين فكرياً بدون (جميلة ومستحيلة)
    فهل بمنطقك الناقص دا معناها كانوا غير ناضجين؟

    أي بيئة وليها مستلزماتها وتبعاتها، ودا ببساطة يثبت أن المؤسسات الأكاديمية غير
    مسؤولة من (انضاج الأفكار) أو (استقلالها) إلا لمن كان غير ذلك وقت دخولها.

    ومافي تبخيس إلا في ذهنك، في أي مؤسسة يوجد الناجح والفاشل، وكل فتاة بأبيها معجبة
    والقياس يكون لمؤسسة بمثلها مش بمعطيات وأفهام أفراد فيها، شايفنها (جميلة ومستحيلة)!

    كل الحاصل وضعنا اصبعكم على الحقيقة بدون رتوش
    احتفل ونطط وصفر، لكن لا (تفترض) العقد
    أو تتوهم أن الجامعات أندية اجتماعية.

    وشكراً للبوست الفاشل
    أشوفك مرة تانية.
                  

10-02-2017, 05:31 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: حاتم إبراهيم)

    هههههه

    سمح ...
                  

10-02-2017, 06:03 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    هسى تجاهلك لى سؤالى نحسبو شنو
    معروف ابو الحسن طالب ماجستير جامعة الخرطوم
    الزول ده بتعرفو يا حاتم
    ____
    تكتيك خليهو يكرر السؤال ده لامن تلقى فرقة تخنق بيها السائل
    كوسو بعيد
    سمح
                  

10-02-2017, 07:07 AM

Yassir Ahmed
<aYassir Ahmed
تاريخ التسجيل: 07-27-2017
مجموع المشاركات: 356

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    عزيزي جلال مع إحترامي الشديد ليك ، إسلوبك مع حاتم في وجهة نظري ما صحيح ، شخص بتحاور معاك ولو إنه أساء ليك فخليك في حدود الإساءة ، والنقاش أصلا فيه إستفزاز ، فكونك تقعد بالأيام تبحث عن تاريخ حاتم الشخصي ، أمر ما مقبول لا منك ولا من أي عضو هنا ، ده إذا كان قصدك النيل من حاتم شخصيا .

    ونسأل الله لنا ولكم المغفرة والهداية .
                  

10-02-2017, 07:29 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: Yassir Ahmed)

    ياسر احمد كيفيك ياخ
    ياتو حوار و وين انا اتجاوزت حدود الاساءة
    و منو القال ليك انا بحثت فى تاريخ حاتم
    سألت سؤال واضح
    حاتم بتعرف زول اسمو معروف ابو الحسن
    الاجابة يا نعم يا لا
    مع احترامى لى وجهة نظرك ارجو ان تحتفظ بيها لى نفسك
    من وين جبتا قعادى بالايام
    و منو القال ليك السؤال شخصى
    معروف ابو الحسن اسم مطروح فى الاسافير
    لو عارف اجابة حاتم تعال برنا بيها
    غير كده انطم و احشالك قبضة فى خشمك
    سمح
                  

10-02-2017, 08:00 AM

Yassir Ahmed
<aYassir Ahmed
تاريخ التسجيل: 07-27-2017
مجموع المشاركات: 356

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    عزيزي جلال و الله ما المقصود إلا الخير

    المهم حاتم ما خرج عن أشكال الرد المعتاد في المنبر أنه يحاول يستفز وده حاصل وهسه كلامك الأخير ده ما بزعلني عادي الناس كلها بترد زي الرد ده ، لكن شنو يعني تجيب حاجة خارج الموضوع ؟ إذا كان سؤالك عن الشخص ده من ضمن الموضوع ، هاك إعتذار مني ، وإذا كان ما ليه علاقة بالموضوع يبقى كلامي في محله .
                  

10-02-2017, 08:20 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 9385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: Yassir Ahmed)

    سؤالى جوّه الموضوع يا عزيزى احمد ياسين
    المطلوب الرد عليهو
    و طرحتو بى كل ادب و اخترام
    لو شايف انو انا تجاوزت حدود الادب فى طرحى للسؤال ده
    قول لى وين وانا حاضر للاعتذار
                  

10-02-2017, 08:51 AM

Zakaria Fadel
<aZakaria Fadel
تاريخ التسجيل: 01-24-2013
مجموع المشاركات: 1998

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: Yassir Ahmed)


    الجامعات ليست مؤسسات اكاديمية (فقط)
    وهذا نقاش يدور الان بين اكاديميي كليات التربية و بقية الاكاديميين و كذلك الفرق بين ال Teaching وال Learning

    ولكن الجامعات نفسها في البرامج الاكاديمية المتخصصة تحاول توسيع (مدارك الطلاب) بتدريسهم مختلف العلوم
    عندما بدأت الدراسة بجامعة الجزيرة في كلية كان اسمها (وقتها) العلوم و التكنولوجيا ...وتخرجت منها بشهادة في الالكترونيات و الاجهزة ...كان البرنامج الاكاديمي يحتوي على الاتي:
    كل المواد العلمية التي يحتاجها التخصص من رياضيات و فيزياء و كيمياء و حاسوب..الكترونيات.... كهرباء و اجهزة.
    ايضا احتوى البرنامج على مقرر في البيئة..ومقرر في الاحياء..ومقرر اسمه (الكيمياء في المجتمع) درسنا فيه التلوث في الماء و الهواء و اليابسة....
    درسنا مقرر عن الصخور و الترسبات الجيولوجية (لم يكن هناك معمل بالجامعة للجولوجيا ..فكنا نذهب لجامعة الخرطوم كلية العلوم لاداء الجانب العملي في المقرر...)
    كانت هناك ثلاث تدريبات صناعية اثنتان منها في التخصص...وواحد منها خارج التخصص....
    بمقاييس اليوم كان البرنامج مزدحما (فاق ال 190 ساعة معتمدة)

    الان لي أكثر من 12 سنة ادرس بجامعة .....هندسة الكهرباء و الالكترونيات....البرنامج الاكاديمي اقل من 140 ساعة معتمدة
    ولكن الوزارة تشترط على كل البرامج ان تحوي مواد عامة فيها الدراسات الانسانية و اللغات و العلوم الاساسية و التفكير النقدي (كل هذا من اجل توسيع المدارك...).
    ليس هذا فقط بل ان البرنامج (اجباريا) يطلب من الطلاب اخذ مقرر ( Elective) من خارج كلية الهندسة بعض الطلاب يختارون مقررا من قسم التصميم الداخلي ...بعضهم يختار مقررا في المحاسبة او الاقتصاد....الخ


    في جامعة الجزيرة (وقت ان كنا طلابا بها)
    كانت الجامعة تمول نشاطا اكاديميا يسمى ب (المتكاملة)....يشارك فيه طلاب الزراعة و الطب و الاقتصاد
    يتكون فريق من طالب واحد في الزراعة و طالبين من الاقتصاد و طالبين من الطب....
    يقض هؤلاء الطلاب الخمس فترة (ليست بالقصيرة) في احدى قرى مشروع الجزيرة يدرسون كل الظروف التي تعيشعها القرية (صحية ...اجتماعية...انسانية....الخ)
    يعودون بعد الفترة ليقدموا تقريرا + سمنارا ...عن الفترة التي قضوها
    كانت العروض التقديمية للطلاب مفتوحة للجميع ...وقد حضرت أكثر من 20 Presentation لاكثر من 20 قرية.....

    الجامعة كانت تمول نشاطات مختلفة للروابط الاكاديمية و الجغرافية يقوم بها الطلاب
    معارض الكليات العلمية كانت فرصة سانحة لكي يشارك الطلاب بعضهم البعض ذخيرتهم العلمية و يتبارى الجميع في إظهار مهارتهم في نقل المعرفة لمن يطلبها....

    بالتأكيد الجامعة ليست مؤسسة اكاديمية (فقط)

                  

10-02-2017, 11:24 AM

Abdulgadir Dongos
<aAbdulgadir Dongos
تاريخ التسجيل: 02-09-2005
مجموع المشاركات: 2609

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: Zakaria Fadel)




    +
    تحيةطيبة زكريا،
    تجربتك محل إحترام وتقدير
    دون شك أنها محاولة جيدة لمجاراة ألتحصيل
    ألمعرفي للطالب في السودان. "ألتحصيل ألمعرفي"
    كما أبنت لنا من كورسات يتحكم في جرعاتها "إجباريا"
    وزارة ألتربية والتعليم، لا تصنع طالبا "واسع ألإدراك"
    ألدليل حديثك هذا:
    Quote: وهذا نقاش يدور الان بين اكاديميي كليات التربية و بقية الاكاديميين و كذلك الفرق بين ال Teaching وال Learning[/QUOTE

    ألنقاش ألأكاديمي في السودان لم ولن يتوقف، لأن ألمناقشين
    بيطعنوا في ألظل.
    فيدو ألولد ألهندي ألعمرو 13 ما نتجاهلها أو نحسبها طفرة
    لا تتكرر.






    دنقس
                      

10-02-2017, 08:47 AM

Yassir Ahmed
<aYassir Ahmed
تاريخ التسجيل: 07-27-2017
مجموع المشاركات: 356

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: يحي قباني)

    أوكي تمام يا جلال
    أنا معاك طالما إنت قلت أنه في صلب الموضوع أطالب حاتم بالرد على السؤال أو إثبات العكس .
    وجزاك الله خير
                  

10-02-2017, 09:12 AM

طلحة عبدالله
<aطلحة عبدالله
تاريخ التسجيل: 09-14-2007
مجموع المشاركات: 17993

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: Yassir Ahmed)

    يا قباني يا صفوة
    اتا في البوست دا زي الحكام الهلالاب البحكموا مباريات
    الهلال ضد الفرق الأخري .. يعملوا ما شايفين من فاولات
    وضربات جزاء صحيحة ويحتسبوا أي انفراد للفريق التاني
    تسلل وفي النهاية يطردوا أهم وأخطر لاعب عامل ازعاج
    للهلال .. دا طبعا غير ضربة الجزاء الأكيدة الح يدوها للهلال
    في حال كونو ما سجل لغاية الدقيقة الأخيرة من المباراة ..
    خخخخخخخخ
                  

10-02-2017, 09:40 AM

Basamat Alsheikh

تاريخ التسجيل: 08-15-2015
مجموع المشاركات: 2664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: طلحة عبدالله)

    الاستاذ زكريا فضل
    وانا اقرك على ان الجامعة ليست مؤسسة اكاديمية فقط ولكنها بالتاكيد
    مؤسسة توسع مدارك الطالب الجامعي وتحثه على البحث والتنقيب والغوص
    في المراجع والخروج بالدرر النفيسة من المعارف والعلوم والثقافات المتنوعة.
    اما حديثك عن جامعة الجزيرة وهذه لبرامج الثرة المتضمنة في مناهجها ، فان
    هذه المناهج التي تحدثت عنها تضع تلك الجامعة في مصاف الجامعات العالمية
    الشهيرة مثل هارفارد وييل وكولومبيا(وده كسير تلج لكولومبيا)وش ضاحك)،
    واكسفورد،،،واكيد مثل هذه المناهج تؤكد ان الجامعات ليست مؤسسات اكاديمية
    فقط وانما مؤسسات تعيد تشكيل عقلية الطالب وتوسع مداركه وفهمه في مختلف
    دروب المعارف التثقيفية والتطبيقية العملية،،،
    ودمت بالف خير وصحة وعافية ،


                  

10-02-2017, 10:36 AM

Zakaria Fadel
<aZakaria Fadel
تاريخ التسجيل: 01-24-2013
مجموع المشاركات: 1998

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: جميلــــة و مستحيلـــــة ... (Re: Basamat Alsheikh)

    الابنة الفاضلة بسمات
    لقد كان التعليم في السودان جيدا قبل ما سمي ب(ثورة التعليم العالي)....رغم كثير هنات
                  


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de