|
|
|
 Re: ميكانيكية المنبر والبوستات الأوتماتيك (Re: حمد عبد الغفار عمر)
|
مع إني على سفر،لكن استفزتني* الجزئية دي
وبرضو احتمال يكون فهمي غلط
ـــــــــــــــــــــــــــــ
غالبا فهمك ليهو غلط...بناء على ماتعارف عليه الناس من أحكام القياس، الدكتورة لخت ليها زول معانا في البورد ..وبعدّاك شتت في (هدوء)..
شفت كيف الفرق بين هدوء وهدوء...
يعلم الله ليكم وحشة ههههه
حمد، النصيحة لله إنت لعاب ،لكن مابتحب الآكشن هههه
*قريت كم بوست كدا على الطاير،الاستفزاز راقد بالكوم
تحياتي لدكورة نعمات لأنو ما حأقدر ارد عليها في بوست تلاقيط...
وبرضو طبعا ليك وأبسن ود. إخلاص
إلىىىىىى لقاء
| |
 
|
|
|
|
|
|
|
|
Re: ميكانيكية المنبر والبوستات الأوتماتيك (Re: قسم الفضيل مضوي محمد)
|
هلا عليش وتصل بالسلامة
شنو كل ما افتح لي بوست تجيك سفرة انا كدا حأبطل
| Quote: الدكتورة لخت ليها زول معانا في البورد |
انت كدة عايزني أرجع أقرأ البوست من أول وجديد
ثم ثانيا انا مرات كورتي بتكون مجهجهة حسب المزاج بس بقرأ الملعب كويس
هسه أقول ليك حاجة بوست عبدالصمد بتاع حاتم فكرتو بعيدا عن الاسماء جيدة جدا ومشروع نقاش جيد بس عايز ليهو مهندس كويس يختو في التراك الصاح محمد البشرى عندو محاولات لكن مع كهربة أبوبكر عباس الزائدة دي ما لاقي طريقة
لأنو البوست دا شكلو بعد شوية حيكون فيهو نبذ لكل من يرد أسمه أنا ما عارف حاتم عمرو كم لكن وضع حاتم مع بولا فيها ظلم لحاتم قبل بولا - حاتم لما يستهدف الكتابة في عضمها زول بكتب كويس وبتنوع مافي شك لكن تجربة ناس زي بولا والخاتم عدلان الخ دي ما بتتنطا بالسهولة
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: حمد عبد الغفار عمر)
|
يا قسم الفضيل للاسف ما عندي ذلك الامتياز في التنسيق والاعداد
بكون داير اوصل فكرة .. الفكرة بتكون ضبابية وغائمة في ذهني . بحاول اجرجرها
طبيعة عملي بتيح لي لحظات كتابة متقطعة ودة البخليني قبل اصل نمرة خمسة افرمل في اتنين بكون في ميكانيكي جهجه الفكرة زاتا
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: حمد عبد الغفار عمر)
|
.
..
...
معليش الاخوين حمد وابو سن وضيوفهم ...
فقد فاتني تحيتكم ...
.
.
.
| Quote: للاسف ما عندي ذلك الامتياز في التنسيق والاعداد |
يا حفيظ التداخل من الجوال برضو بيكون مكَتِّف الواحد ...
ابدا ما زي المداخلة من الكمبيوتر أو اللاب توب ...
.
.
.
.
.............................................
Quote:
شكلك ابتعدت عن الكركبة زمان كنت مكركباتي درجة أولى
|
الكركبة خفت مع وفاة الاخ صلاح جادات ربنا يجعل الجنة مثواه ...
بس بنحاول مرة مرة نكركب مع المستنير لدين الله الفاطمي ودينق ...
الكركبة برضو يا حمد مرتبطة بشكل كبير بالمزاج ...
.
.
.
.
.........................................
عليش الريدة يا "ابن بطوطة" ... 
...
..
.
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: قسم الفضيل مضوي محمد)
|
نركب الكركابة وندلاّ
في ام روابة...
الأغنية مهداة لقسم كركبة..
ياحمد
في أديبة قبل كدا كانت بتدي نصائح للأدباء الشباب قالت ليهم :لما الواحد يكتب قصة مفروض يسأل نفسو،ليه ناسو الفي القصة ديل بتصرفوا كدا؟
وفسرت :مفروض يكون قصاد كل تصرف في حافز شخصي مناسب ...وإلاّ القصة تبقى ماعندهاش معنى...
الكلام دا ماعندوش علاقة بمتن البوست ،لكن عندو علاقة بالعنوان..فتش الحوافز بتبقا ميكانيكي ماهر..
ياقسم
السفر مهنتي في هذه المواسم...لكن إن شاء الله حدو قريب
أكر تحياتي
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: عليش الريدة)
|
صباح الخير يا عليش (عندنا)
Quote: لما الواحد يكتب قصة مفروض يسأل نفسو،ليه ناسو الفي القصة ديل بتصرفوا كدا؟
وفسرت :مفروض يكون قصاد كل تصرف في حافز شخصي مناسب |
لأنو الكاتب بشحن ابطال القصة بمقدرات هائلة في بداية القصة وفي ختام القصة بغلبو القى تصاريف للمقدرات دي
يكون خيارو الوحيد تكون نهاية القصة شكلة عشان البطل يقتل الخائن
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: حمد عبد الغفار عمر)
|
كلامك عجيب لكن فيهو نظر من اتجاه تاني..
(النهاية) هي عقدة كل قصة،تقريبا كدا مافي نهاية مشتهاة ،ليه؟
لانو الدنيا أصلا مانهاية ولا غاية ولاتمام ولا انتهاء ...إلخ
اجمل قصة ممكن تقراها في حياتك ــــ حسب وجهة نظري ــــ هي قصة سورة يوسف ،شوفا انتهت كيف؟
الملك ؟لا ...الهجرة من البادية للمدينة؟لا..
انتهت ب (ربني توفني مسلما) ...وكالعادة هناك تفاسير مختلفة لهذه الجزئية...
النهاية باب كبير من أبواب القصة او الرواية،لكنو اكتر باب عبثي ،لأنو إطلاقا مافي نهاية..
نحن محصورون في شبكة أحياز ،مجازا رابطين بدايتا بتاريخ الميلاد ـــ ودا ماصحيح على الأقل بايلوجيا لأنك بتولد وشايل جينات من الناس القبلك ـــ لكن نهايتا مافي الذهن ولا الخيال...
عشان كدا مابنعرف نظبط النهايات
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: عليش الريدة)
|
هلا عليش
البوست دا بقى عايز ليهو قعدة رغم إني ما ليش في النقد وكتابة الرواية لكن بجادع فيهوانشاء الله من قوقل
اتمنى إنو يجب أهل النقد والرواية رغم أني شايف في سحابة داكنة تمر على عر صات المنبر تشيء بهطول أمطار وأعاصير مدمرة
بخصوص بوست اخلاص لقد فهمتكم
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: حمد عبد الغفار عمر)
|
عليش المبدع
عليك السلام
لما الواحد يكتب قصة مفروض يسأل نفسو،ليه ناسو الفي القصة ديل بتصرفوا كدا
عجبتني الحتة دي شديد
عندي احساس مرات الشخصيات دي "ممكن "تحرن" عديييل وترفض انها تكون مثل الألعاب الصغيرة اللي يسهل التلاعب بها حسب مزاج الكاتب
تنمو على امتداد القصة ...
يعني زي الاب البعلم عيالو كل ما يحتاجون لمعرفته وبعدين يديهم حرية إتخاذ قراراتهم
-
عجبني الكاتب الكتل بطل روايته وخلى الناس تطلع مظاهرات في الشارع .. وقام احياهو تاني
-
تحياتي حمدنا
| |
|
|
|
|
|
|
|
|
Re: ميكانيكية المنبر والبوستات الأوتماتيك (Re: حيدر حسن ميرغني)
|
البناء الموضوعي للشخصيات اظنها معقولة في الروايات الكلاسيكية
لكن تعال شوف الروايات الحديثة
زمن اللارواية
زمن ينتفي الزمن الصاعد
وتتداخل الاحداث مع التداعيات
ويتداخل الزمن
امسك علي سبيل المثال شخصية مصطفي سعيد هل هي تتبع منطق الاحداث ورغما عن ذلك لازالت تثير الافكار
مصطفي سعيد لأننا كلنا قريناها
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: عليش الريدة)
|
سلام يا ابسن
في بوست (مامر زول) شايف في احتفاء بالموسوعية،وحسب وجهة نظري دا خطأ كبير...الموسوعية دي تركة المثقف في زمن الإنقليز ومابعدو..
يعني لو قسنا بالإسلام الصحابة والتابعين بإحسان...مصطفي سعيد كان موسوعي،لكن ماهي صنعتو المات عليها؟تربالي..
الراوي ـــ ولاشك عندي في أنه الطيب صالح نفسه ـــ من التابعين،موسوعي أقل درجة،هنالك مأساة خفية في قصتو،ويتصور أنه يسير في نفس الدرب...
مصطفى سعيد عندي وكذلك الراوي ليسا محل احتفاء...
الرواية بطريقة أخرى توضح البناء الذي قام عليه المثقف السوداني...قامت القصة على ساقين :الموسوعية والاهتمام المبالغ فيه باللغة الأنجليزية...
ومازال الساقان يسيران حتى يومنا هذا،اقرا البوست بتاع (مامر زول ) من جديد...
الموسوعية عندي،زي المرة اللابسة دستين دهب في جسما وحايمة في الشارع...
غير المباهاة الخرقاء ماشايف ليها فايدة أبدا...
الفايدة الحقيقية بتجي بعد تبيع دهبا،او جزوء منو...
شالوم (نستعد للتطبيع ههه)
| |
|
|
|
|
|
|
|
|
|
Re: ميكانيكية المنبر والبوستات الأوتماتيك (Re: عليش الريدة)
|
الكاتب ارثر كونان دويل مؤلف شخصية " شرلوك هولمز"
شعر بالغيرة من شخصية شرلوك دي لانها اشتهرت اكثر منه .. فقام قتله .
القراء اعترضوا على ذلك .. لكن الجميل في الامر انه قام بإحياء الشخصية دي بمنتهى البراعة
-
على ذكر سريلانكا دي
عندهم كاتب اسمه (مارتن ويكرامسينغا ) مات سنة 1976 - لحدي الليلة يعتبر افخم كتابهم - الطيب صالح بتاعهم
مجنون في رسم شخوص رواياته .. مرة اشتريت احد قصصه القصيرة قرأتها ووضعتها بجانب السرير
بتي عمرها كان 12 سنة ... قرتها وقعدت تبكي تعاطفا مع بطل الرواية
ممتع جدا في الوصف خاصة الطبيعة كأنه شايل كاميرا حايم بيها
| |
|
|
|
|
|
|
| |
حمد عبد الغفار عمر
عبدالحفيظ ابوسن
عليش الريدة
قسم الفضيل مضوي محمد
حيدر حسن ميرغني
فيس بوك
تويتر
انستقرام
يوتيوب
بنتيريست