كل عام وانتي بالف خير لك ولي اسرتك الكريمة معقولة بورد خالي من الزميلات دا يبقى سلفتوت اون لاين 😃😃😃 انا مع وجود الزميلات بس ما اي واحدة تخش في نقاش تحرد . تناقش تجادل تخاصم تحد ما تنكسر وما تستجدي اخوان فاطنة ومقنع الكاشفات براها تاخد حقها لاني مقتنع تماما انو المراءة قوية ولابد ان تكون كذلك .. التحية لنساء بلادي والزميلات في المنبر اهديهم اجمل وانبل وارق التحايا وكل سنة وهن بالف خير . مودتي يا صديقة ..
08-31-2017, 08:55 AM
الشامي الحبر عبدالوهاب الشامي الحبر عبدالوهاب
تاريخ التسجيل: 09-24-2008
مجموع المشاركات: 17541
كل عام وانت بخير وعيد مبارك طبعا الحقوق متساوية مثلما للزميل الحق للزميلة الحق في العضوية ولكن الزميلات تراجعن كثيرا في المشاركة في سودانيز. وربما تكون قسوة الردود من بعض الزملاء وراء هذا التراجع ولكن حتى الزملاء بينهم احيانا بل احايين صراعات مريرة. وجود الزميلات مع الزملاء اعتقد عنصر تفاعل للمضى قدما بروح نشطة للمنتدى
08-31-2017, 09:15 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يا نعومي ياخي خلينا كدا مع احبتنا ديل يعني حتت التحسس ديل نشيلها ههههه لانه لو اتعاملوا معانا تعامل بي حذر بكون القعاد معاهم ما عنده طعم . بعدين ما تنسي التصادم معاهم هو اجمل مافي الوجود معاهم تصدق انا بجي بعض مرات مخصوص لي شكلة وتصادم ؟ ههههههههه عشان كدا لو سمحتي ما تحرمينا من اللحظات دي . بنفس هادئ قولو رأيكم عشان نزيل سوء التفاهم لو موجود. بعدين سوء شنو البيناتنا يا حلوة ؟ونصيحة ليك البفكك بي قلمو فكيهو بي الكيبورد يعني دي مشكلة ؟ ههههههههه غايتو انا برا من البوست دا وحا افرز .. عيشتي منكن في البوست دا لاني انا جاية لي جنس دا هههههههههه . خلاص انا في صف الرجال .
السلام عليكم وعيد سعيد ملحوظة المشكلة فى هذا المنبر ليس الجنس اللطيف للأسف اخوان فاطمة الذين يعملوا من الحبة قبة مثلا انا صديق مهدى على قبل يومين ثلاثة كتبت بوست عنوانه باسم أحد الزميلات فى المنبر وداخل البوست كتبت مثل متداول فى السودان منذ القدم وهو ( الجمل ما بشوف عوجة رقبتو ) طوالى واحد من الزملاء حرف المثل وأساء الى اساءة بالغة وإخوان فاطمة بتاعين الفتن ما قصروا ، اذن وجود الجنسين مهم فى اى مكان بس بعيدا عن ناس المديدة حرقتنى وكل سنة وانتم طيبين والعفو فى العافية صديق مهدى على
08-31-2017, 12:10 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
التحيه لكل الزميلات *فى الواقع وجود اكثر من مطلوب لان وجودهن اقل كما وكيفا فى المنبر رغم وجود ومشاركه زميلات يعبرن عن بنات جنسهم سواء فى شان المراه او شان الوطن قلل من الاحساس بهذا الغياب . *مازلنا نحتاج وجود نصف المجتمع من خلفيات ثقافيه متعدده سواء فكريه او حسب تعدد ثقافات اهل السودان .اضافه الى تنوع الخبرات فى معارف ومهن الدنيا. * باستصحاب ما سبق فان لمسه نون النسوه تختلف عن خشونه الزملاء واحيانا الجلافه فى التعبير .مما يحدث حاله من التوازن فى الطرح والنقاش. لهن منا كل التقدير والاحترام. . كل عام وانتم بخير يعود العيد علينا بالعزه والكرامه واعياد النصر
08-31-2017, 01:03 PM
Ali Abdalla Hassan Ali Abdalla Hassan
تاريخ التسجيل: 01-08-2013
مجموع المشاركات: 1983
الإتنين .. تلاتة .. ديل؟ من جملة حوالي 16 مليون إمرأة في السودان ؟
أعداد الزميلات ضئيلة جداً .. في هذا المنبر ..
ولا ندري ما هو السبب وراء عزوف الجنس اللطيف من المشاركة في هذا المنبر ..
وطبعاً نحن نرحب بوجود الزميلات هنا في المنبر .. خاصة وأن المرأة السودانية في هذا العصر خريجة جامعة .. بل يقولون أن أعداد الطالبات في الجامعات السودانية أكبر بكثير من أعداد الطلاب في معظم الكليات .. يعني الحكاية مش قلة التعليم والمعرفة ..
08-31-2017, 02:08 PM
Abureesh Abureesh
تاريخ التسجيل: 09-22-2003
مجموع المشاركات: 30182
يعنى الرجال هم أسياد المنبر والان يسالوهم لو عاوزين مشاركة المرأة.. زى ناس المؤتمر الوطنى الحزب الحاكم لكن يريد الاحزاب تشارك برضو.. شوية مناصب زى وزارة اللعب. ولماذا لم توجهى السؤال للنساء هل يرحبن بوجود زملاء فى المنبر. وطبعا الزملاء هنا يعجبوك.. الجينات الوراثية اشتغلت.. وهاك يا.. وجودهن مهم.. ونرحب بيهن وما عارف شنو تانى.. يعنى السادة الزملاء ما صدقوا طوالى اتجعصوا فى كرسى السيادة يطالبون (من فوق) بمشاركة المرأة.
اعتقد يا نعمات بوستك هذا ملغم.. وشرك لحد الآن قبض كتيرين
عزيزتي الفاضلة نعمات كل سنة وانت طيبة اسمحي لي ارد على الاستاذ علي عبد الله حسن
عزيزي الفاضل علي عبد الله سؤالك في محله ...لكن وين الزميلات في المنبر؟ولا ندري ماهو السبب وراء عزوف الجنس اللطيف من المشاركة في المنبر؟ اظنك يا علي عارف السبب لكن ما عاوز تصرح وما عاوز تبوح.. المثل الصيني بيقول لا تضرب المراة ولو بزهرة..ولكن هنا في المنبر العام في اعضاء ، ولحسن الحظ قلة، بيضربوا المراة بالحتة الفيها الحديدة كي تتالم اكثر واكثر... نحن لا نحتاج لمعاملة خاصة في النقاش والمجادلة ولكن نلتمس ان يكون ذلك في حدود الادب واللياقة وبدون جرح المشاعر وعندئذ سنشارك بقوة ونساهم ونفيد ونستفيد... لا نريد المعاملة الخاصة لان المراة السودانية في الدوحة شاركت في منافسات رفع الاثقال حيث شاركت محاسن محمد وعلياء عدلان في تلك المنافسات التي كانت محصورة على الرجال، وايضا كتب د. محمد حين بوست بعنوان عقرت النساء ان يلدن مثل فاطنة، واقراوا نضال فاطمة احمد ابراهيم، واقراوا ما كتبته زينب كباشي، وهي عضوة هنا في المنبر العام في مقال بعنوان تحية اجلال للمراة السودانية والتضحيات التي قدمتها نساء السودان.. ومع ذلك هنا اعضاء يعاملون المراة على انها ناقصة عقل ودين وفكر وثقافة... وكل سنة وانتو طيبين..اليوم وقفة عرفات ... ازيك يا منى بت عمسيب ، فانت نموذج لنضال المراة السودانية في التغيير الذي ينشده المجتمع السوداني... ودمتم بالف خير وصحة وعافية،،،
هوى يا نعمات انت لم تعرفى شيا عن صديق مهدى على لذا خليك واضحة ومن تقصدين بهذه البوست ملحوظة انا رجل بحترم الذى يحترمنى لذا عليك أن تكون واضحة ولا تحكمى على الناس بالسماع تحياتى تخريمة انت دخلك ايه فى اننى أرد على منتصر وغيره من حثالة الانقاذ ( الامنجية )
08-31-2017, 04:29 PM
Haytham Mansour Haytham Mansour
تاريخ التسجيل: 09-25-2009
مجموع المشاركات: 1760
كل سنة و انت طيب يا قباني و شكرا على رأيك الواضح و الذي يبدو نموذجيا لكثير من المتداخلين و من الطبيعي ان يكون هناك أراء مناقضة لأسباب مختلفة . لكن للأسف لم نسمع من اصحابها و اؤكد انني شخصيا أحترم و أتفهم كل الأراء و لست في موضع الحكم على الناس أو إنتقادهم و لكن آمل في تقريب وجهات النظر بمساعدة كل اهل المنبر لاني لا استطيع القيام بذلك لوحدي . ولي عودة الأسوة الحسنة فاطمة احمد ابراهيم .
يا دكتورة اديك رد قالو أكبر أبنائي أنا أعيش في دولة غربية منذ ١٩٧٩ وجئت مع زوجتي التي تزوجتها قبل اغترابي بشهر وعندما كبر الاولاد والبنات وهم كثر والحمدلله قلتُ لهم أني ساطلب طلباً منهم واسأل الله ان يلقى قبولكم قالوا لي طلبك شنو يا ابوي؟ (قالو لي ابوي مش بابا) قلتا ليهم الولد يتزوج سودانية من السودان والبنت سوداني من السودان اجابني ابني الاكبر بسرعة خاطفة من غير ما تقلينا كنا ح نعمل كداً قلتا ليهو ليه يا ابني قال لي شايف الزوجة في امي وفعلاً تزوج بسودانية من السودان وبنتي بسوداني من السودان وليس لنا معهم قرابة أو نسب فما اعظمكن يا نساء بلادي انتن في العين والرأس وأنا لا اتفق مع قباني فالمرأة مرأة والرجل رجل ولكن نساء بلادي في حدقات عيوننا حفظكن الله ورعاكن يا فوارس منجبات الفرسان
08-31-2017, 09:33 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10204
شيخ على سلام وكل سنة وانتم طيبين وانشاء الله ربنا يحفظك ويحفظ اسرتك من كل شر وما عملته شئ جميل وربنا يوفقهم اولاد وبنات امين بس انت مجامل أكثر من اللازم ودا الضيع السودان مع خالص التحايا لكن للاسف لم تستفيد من الغرب شئ صديق مهدى على
08-31-2017, 09:02 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
الأخت نعمات لك الود والتحايا الطيبات المرأة السودانية يجب أن تكون موجودة في كل مكان كما هو الواقع فهي موجودة طبيبة في المستشفى وهي قاضية في المحكمة وهي سيدة في بيتها وهي.. وهي..إلخ ذلك وغير مستغرب أن تكون موجودة في أي منبر كان دون الخضوع لتفضيل أحد .. وأرى البعض من إخوتي يعتبرون (مقنع الكاشفات .. وأخو فاطنة) تقليل من مكانة المرأة بالعكس فالرجل السوداني منذ أن وجد ووجدت معه المرأة يضعها في مكانة عالية تجعل منها مخلوقاً عزيزاً فمفهوم مقنع الكاشفات هو تنفيذ ماتطلبه المرأة حتى ولو كان إغماد السيف .. فهل توجد مكانة أعلى من ذلك وهل توجد معزة أكبر من ذلك وهل يوجد إجلال أكبر من ذلك؟ وعلى هذا النهج تسير المفاهيم للمرأة السودانية .. ولكن مايحدث خلال هذه الأيام من كتابات غاية في البذاءة وقلة الحياء تخدش المرأة السودانية في خاصية تميزت بها دون سائر نساء العالم ألا وهي الحياء وكنت أقول لبعض الأصدقاء حين ناقشنا العبارات البذيئة التي بدأت تظهر في هذا المنتدى أن هذا المنبر يحتاج أن تكون (مريم الناقة) تشكل حضوراً فيه حتى يرعوي كل فالت .. المرأة السودانية لها تاريخ طويل ضارب في القدم ملئ بالعظمة مروراً بفاطمة أحمد إبراهيم تقبلها الله مع عباده الصالحين في أعلى الجنان وقد أضافت عظمة وشكلت حلقة عظيمة من حلقات عظمة المرأة السودانية .. تسلمي أخيتي نعمات.
08-31-2017, 09:47 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10204
المثل بقول ( المرة كان فاس ما بتكسر الرأس ) انا لا أوافق هذا المثل لان هناك مثل بقول ( وراء كل رجل عظيم امرأة) اها رايكم شنو المرأة مش حديد تحياتى لكل نساء العالم صديق مهدى على
08-31-2017, 10:35 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
بفضل زميلات عمرن فوق التلاتين،استايلن زي آمنة ودينا،عشان معاهن نضحك على الذكور ــ ولا أقول الرجال ــ العوراء، الذكور المفتكرين إنهم بذلوا مجهود في صدفة كونهم ذكور،والهم تائهين أصلا من أهداف صدفة كونهم ذكور.. بالنسبة للأقل من التلاتين لو بقن في،بفضل مايشاركن نهائي،لا بوست لا مداخلة..يدوهن فقط حق (اللايك)... وبعدّا كان سلمن يكون المنبر ماقصر معاهن..
09-01-2017, 07:46 PM
الفاتح ميرغني الفاتح ميرغني
تاريخ التسجيل: 03-01-2007
مجموع المشاركات: 7488
نعمات..حبابك يا صديقة كل سنة وانت طيبة.. وحباب الصديقات والأصدقاء هنا.. وكل سنة والجميع بخير.. ليس فقط تفضيل ، وانما ضرورة ان تكون الصديقات مشاركات في هذا المنبر.. ونتمنى عودة الغائبات ، وحضور عضوات اكثر..
كبر
09-02-2017, 09:49 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
السلام عليكم ورحمة الله .. العيد مبارك عليك يااستاذة نعمات وكل المتداخلين .. وجود زميل او زميله لا ضير فيه طالما يوجد احترام متبادل وتبادل افكار وتجارب .
09-05-2017, 09:45 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10204
عزيزتي نعمات كل سنة وأنت بخير يعود عليك بالصحة والعافية وعلى الجميع عزيزتي لن ننتظر من أحد أن يتفضل علينا بشيء، بل سناخذ ما هو حق لنا. ولن يوقفنا ما يمارسه البعض من اساليب الضرب تحت الحزام، ولكننا سنتجاهله ، سنتفاعل مع اي طرح راقي نظيف الفكر واللسان ذكي الإشارة ولن يهمنا طرح ناس قريعتي راحت ولكن عليهم أن يكتبوا علي أبواب بوستاتهم ممنوع دخول النساء حتي لا يصيبونا بنوبة إحباط . ويا أخونا علي دفع الله فلسفة أخوان فاطنة فلسفة جميلة نابعة من شوارع الحلة ليس سببها ضعف المراءة وإنماء قوتها، فأخو فاطنة يسارع إلي إعلان وجوده في الجوار، وهذا نوع من أنواع التواصل الجميل.
ودحين يا نعمات يختي الناس ديل ما بقدرو يستغنوا عن نون النسوة في المنبر والبتلقى فينا فرغة من مشاغل الحياة تدخل تتدافر في المنبر دا وبالتأكيد خارجين بفايدة.
09-03-2017, 10:06 AM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
بدون وجود الزميلات في المنبر يبقي كانه دافوري ..."الكل يشلت الكل" ...ذلك لانعدام الbuffer - او الوسادة -التي تخلق الانضباط... ومشاركة الزميلات في اي موضوع يخلق بعد ثالث- اي perspective مختلف- لجوهر الفكرة او الحدث ..وكمان الزميلات بتكلمو بكثير من ال passion والموضوعية ..
اوؤيد وجود الزميلات بالمنبر
09-03-2017, 02:29 PM
Deng Deng
تاريخ التسجيل: 11-28-2002
مجموع المشاركات: 52559
أتفهم موقفك جيدا، ولكن مثل هذا الموضوع يجب ألا يكون حتى موضوع صالح للنقاش.
رأي هو وجود النساء في أي مكان تتم فيه مناقشات مواضيع عامة مختلفة، الرأي النسائي فيه مهم جدا، ومن غير وجود العناصر النسائية في مثل هذه الأماكن، يكون أي نقاش وأراء تطرح ناقصة بنسبة تعادل أكثر من نصف المجتمع، وهذه هو الخلل الأساسي في الدول التي تقمع النساء ولا تستشيرهم، حتى في الشئون المتعلقة بالمرأة.
من اقوالي التي اتاح لي السايبر نشرها منذ دخولي له أنا أنحاز دوما للمرأة تعرفي عنف اللغة دلالة علي هشاشة الموقف وسطحيته من يمتلك ادواته لا يميل لعلو الصوت لكن الهشاشة البقصدها انا هي اي بت تخش السايبر تخت في بالها انه يشبه الواقع في تعامله مع المرأة . وبدخولها تكون قد خرجت من خدرها . خرجت لتحدث فرقا ويجب ان تكون واعية بذلك الوعي الذي يجعلها تتوقع كل شئ .. ستواجه جميع انماط البشر ان عجزت عن التعامل معهم تكون هشة ليس ان تكون مثلهم بل لتكشف صلابة معدنها وتعري من يحاول ان يعاملها كالحريم . يمكنك ان تحول الهجوم الغادر عليك لمعركة توعية وتنوير ليس امتثال من واجهت الهجوم وحدها بل كثيرات وليس المرأة فقط بل كثيرون من الرجال لا تمثلي دور الضحية بل خذي موقف المقاتلة او لا تكتبي هذه هي الهشاشة التي اقصدها لا تنكفئ علي ذاتك لا تبكي عليها لا تتخذي موقف الضحية بل قاتلي وفق مبادئك وان لزم الامر فقولي لمن يحاورك لن ارد عليك ثانية وذلك بعد ان تبيني موقفك وتأكدي انك حين تكتبين ستختلفين مع بعضهم فما هي قدراتك في التعامل مع من يختلفون معك ان تردي مساءة بمساءة ام انك تلتزمين منهجك وتحاربين بأدواتك واسلحتك لا بأسلحته وادواته ارفعي رأسك لست ضحية إلا إن شئت ذلك
09-04-2017, 02:40 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
الأخت نعمات و ضيوفك الاكارم عيد سعيد و كل عام و أنتم بخير أما بعد بخصوص سؤالك لدي تعليق قد يكون تعليق او سؤال موازي لسؤالك حقيقة نفتقد العنصر النسائي من حيث العدد و اعتقد أن المشاركة النسائية خجولة حسب وجهة نظري إلا من قلة كذلك لاحظت هناك حساسيات تطفو أحيانا في السطح هند تناول بعض الموضوعات ... حتى العامة منها. و من ناحية أخرى أحيانا ( في احيان قليلة على وجه الدقة) يستخدم بعض الاعضاء من الرجال كلمات أو تعبيرات قد تفتقرللكياسة واللياقة و مراعاة الآخر و مراعاة الذوق العام و مثل تلك التعبيرات أو الكلمات احيانا تكون صادمة و بالطبع تتأثر بها العضوات بشكل أكبر..
أما اجابتي على سؤالك بالتحديد أقول: النساء هم ملح المنبر كما هن زينة الحياة... فلا نستغنى عنهن إلا أن يستغنن هن عنا
هذه مجرد ملاحظات عابرة اثارتها تساؤلاتك الكريمة مع خالص احترامي لك و لجميع ضيوفك وللمتابعين
عبد الحفيظ ازيك ياخي ،،وكل سنة وانت طيب واسرتك بخير.. قد اختارت امتثال ان تعود لخدرها واختارت ان لا تكتب وان لا تقرا في السايبر ، ولا الومها، فقد طردوها قبل ان تبدا،، واذا كانت قد بدات كانت فعلا ستكون منارة مشعة للمنبر العام ،،،واستمعت لنصائح غالية تقدرها وتحترمها... ودمت بالف صحة وعافية
09-04-2017, 03:25 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
مرحبا بسمات والقابلة عروس ونفرح بيك هذا قرارها بلاشك وهي تعرف قدراتها المنارات تعلو ولا تنهار ابدا ولا تنهزم من يحسب انه سيقابله الجميع بالتصفيق فهو مخطئ فليس هذا من طبيعة البشرية لا املك ان اجعلك تعاملني كما احب ولكنني قادر ان اعاملك كما اشاء الفعل ملكك ولكن رد الفعل ملكي ستحاول ان تنال مني ولكن لن تهزمني إلا إن اردت انا لن ينال احد مني ابدا . لي من الصلابة ما يجعلني عصيا علي الهزيمة . الصلابة التي تجعلني أقوم بعمل إلا إن كنت واعيا بقدرتي عليه بعض القضايا خاسرة فأعلمها واتجنبها . بعض القضايا من طريقة تناولها تحذرك بعض اللغة تقول لك احترس ماهي قدرتك في معرفة القضايا التي ستأكل جزءا من دواخلك امتثال هزيمة لي بشكل خاص كمرأة . كنت اتمني ان تؤكد لمن يروون ان المرأة عاجزة عن القتال هي لا تحتاج ان يدافع عنها الرجال بهذا الشكل فهي ليست ضعيفة السلاح هو اللغة والمنطق ونصاعة الحجة والقدرة علي تقبل الآخر وهو سلاح السايبر ذات السلاح الذي يملكه الرجال
09-04-2017, 04:21 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
. . . ود ابو سن امنياتك طيبة انا رجعت امريكا لكن فتش لينا او رشح لينا عريس من ناس كوستي بيحب عطبرة اكثر من كوستي...ومن الناس الطيبين زي ناس اتبرا ودمت بالف خير وصحة وعافية يا ملك..
09-04-2017, 04:56 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
اخت دكتورة نعمات شكراً لهذا الثناء علي اسرتي الذي حاولت الاستشهاد بمواقفهم تجاه المراة الذي ارضعتهم قيمها وقالو لي خير دليل للارتباط بالمرأة السودنية لنجاحها ووفائها الذي رؤه كالشمس في رابعة النهار عند امهم لهذ المراة السودانية عظمية أينا حلت ، وقد كشفت عظمتها وقدرتها على البقاء هذه الايام الكالح التي نعيشها للسنين عدداً مودتي
09-05-2017, 07:54 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
Quote: بفضل زميلات عمرن فوق التلاتين،استايلن زي آمنة ودينا،عشان معاهن نضحك على الذكور ــ ولا أقول الرجال ــ العوراء، الذكور المفتكرين إنهم بذلوا مجهود في صدفة كونهم ذكور،والهم تائهين أصلا من أهداف صدفة كونهم ذكور.. بالنسبة للأقل من التلاتين لو بقن في،بفضل مايشاركن نهائي،لا بوست لا مداخلة..يدوهن فقط حق (اللايك)... وبعدّا كان سلمن يكون المنبر ماقصر معاهن..
بالله آمنه و دينا فوق التلاتين ؟
09-05-2017, 09:52 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
عزيزتي فاطمة الحاج كل سنة و انتي طيبة و ربنا يحقق الاماني
مداخلة مكتوبة بماء الذهب و مرصعة بالالماس , تنفع مانفستو.
يسلم اليراع و العقل.
خالص مودتي و احترامي.
Quote: عزيزتي نعمات كل سنة وأنت بخير يعود عليك بالصحة والعافية وعلى الجميع عزيزتي لن ننتظر من أحد أن يتفضل علينا بشيء، بل سناخذ ما هو حق لنا. ولن يوقفنا ما يمارسه البعض من اساليب الضرب تحت الحزام، ولكننا سنتجاهله ، سنتفاعل مع اي طرح راقي نظيف الفكر واللسان ذكي الإشارة ولن يهمنا طرح ناس قريعتي راحت ولكن عليهم أن يكتبوا علي أبواب بوستاتهم ممنوع دخول النساء حتي لا يصيبونا بنوبة إحباط . ويا أخونا علي دفع الله فلسفة أخوان فاطنة فلسفة جميلة نابعة من شوارع الحلة ليس سببها ضعف المراءة وإنماء قوتها، فأخو فاطنة يسارع إلي إعلان وجوده في الجوار، وهذا نوع من أنواع التواصل الجميل.
ودحين يا نعمات يختي الناس ديل ما بقدرو يستغنوا عن نون النسوة في المنبر والبتلقى فينا فرغة من مشاغل الحياة تدخل تتدافر في المنبر دا وبالتأكيد خارجين بفايدة.
09-06-2017, 12:49 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
ال biochemistry و ال geopolitics لتشخيص ، علاج ثم الوقاية
من مضاعفات سوء الفهم و التوتر الإسفيري...اذا جاز القول .
اشكرك كثيرا على الفكرة الملهمة ، المحفزة لمتابعة كل مداخلاتكم
في البوستات الأخري في المنبر .
Quote: الزميلة الاستاذة.. نعمات
بدون وجود الزميلات في المنبر يبقي كانه دافوري ..."الكل يشلت الكل" ...ذلك لانعدام الbuffer - او الوسادة -التي تخلق الانضباط... ومشاركة الزميلات في اي موضوع يخلق بعد ثالث- اي perspective مختلف- لجوهر الفكرة او الحدث ..وكمان الزميلات بتكلمو بكثير من ال passion والموضوعية ..
عمنا يحى ود قباني ما ضروري العريس يكون من عطبرة، ممكن يكون من الخرطوم او كسلا او بورتسودان او كوستي او امريكا بس يكون بيحب عطبرة واهل عطبرة واخلاقه زي ناس عطبرة.. وبعدين يا يحى عدم التوافق مشكلة كبيرة والسبب الرئيسي في تعاسة الازواج والزوجات ...لكن بالنسبة لي ممكن احل المشكلة دي بصورة مبسطة جدا.... ولمن ارجع بشرح اكتر... ودمت بالف خير وصحة وعافية
09-07-2017, 05:44 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
يا دكتورة أنأ داير اديك موقف افتراضي طبعاً الرجال يلتقون ويتجمعون في بيوتهم في مناسبات مخلتفة خاصة إذا وقع حوار سياسي او في الكورة تجدين الاصوات ارتفعت والشفاه ازبدت والعيون تجمرت فجأة تدخل ارأة بزونك إلى المجلس لأمر ما التقول المطرة =صبط وهاك يا سكوت وهاك يا تغيير موضوعات وهاك يا ادب اي خدمة يا أستاذة هيبة يا نساء بلادي
أجمل بوست خلال الخمسة سنوات الاخيرة كان بوست بن لادن ترجمة جميلة ورائعة من الاميرات ( أميرة وبسمات وإمتثال ) وتم طبع مئات النسخ منه عن طريق الاخوة الحضارم واليمنيين وكذلك السعوديين .. وأنا من فتحت لهم هذه النافذة من سودانيز أون لاين .. عن طريق زملائي في العمل من اليمن وحضرموت .. وبحق كان السرد والانسياب اللغوي في غاية الجمال والدقة والمقدرة العالية لمئات الصفحات .. ومازالت لدي نسخة ورقية محتفظ بها .. شكراً لبناتي الاميرات .. بس خايف الاخوة اليمنيين ديل عندهم شوية فوضى ممكن يقوموا بطبع كتاب في أي وقت ..
عزيزتي بسمات أشكرك كتير على مداخلاتك اللماحة و الطريفة معا ان شاء الله في فرحك و نجاحك. كما أرحب بالمتداخلين و القراء.
Quote: من اقوالي التي اتاح لي السايبر نشرها منذ دخولي له أنا أنحاز دوما للمرأة
سلامات ابسن اعتقد ان امتثال و الزميلات الغائبات سيعدن بعد انتهاء إستراحة المحارب. تبدو مداخلتك يا ابسن مثل وصية أب لابنته أو أخ لأخته و هي تخوض معركة إثبات ذاتها في عالم ما بعد الحادي عشر من سبتمبر بتغييراته الجبارة التي زلزلت إستقرار معظم الدول و هزت يقين الشعوب .
09-08-2017, 03:00 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
سلام دكتورة نعمات والمتداخلين لا نحتاج الا الباسوورد اما الترحيب فقد وجدناه عند المداخلات الاولي نختلف عن كثر بانا لا ندعي الزعل ،نحن الاصدق واظن عبارة قطر عجيب يودي ما يجيب قد تكون حاضرة لدي البعض عند الغياب . وكذلك تنفس الصعداء ف شنو لنكتب ما يفيد وننسي ما يفعل البعض
09-08-2017, 08:16 PM
نعمات عماد نعمات عماد
تاريخ التسجيل: 03-08-2014
مجموع المشاركات: 11404
رجاء حضوركم لإستلام وصية بسمات ( في الإقتباس)، لأنها ح تشرح
لينا بطريقة مبسطة كيفية التوافق . و لك الشكر و الإحترام.
Quote: عمنا يحى ود قباني ما ضروري العريس يكون من عطبرة، ممكن يكون من الخرطوم او كسلا او بورتسودان او كوستي او امريكا بس يكون بيحب عطبرة واهل عطبرة واخلاقه زي ناس عطبرة.. وبعدين يا يحى عدم التوافق مشكلة كبيرة والسبب الرئيسي في تعاسة الازواج والزوجات ...لكن بالنسبة لي ممكن احل المشكلة دي بصورة مبسطة جدا.... ولمن ارجع بشرح اكتر... ودمت بالف خير وصحة وعافية
09-09-2017, 02:07 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
نعمات عماد
يحي قباني
عبدالحفيظ ابوسن
محمد أبوالعزائم أبوالريش
Hafiz Bashir
جمال ود القوز
علي دفع الله
الشامي الحبر عبدالوهاب
مني عمسيب
عبدالله عثمان
صديق مهدى على
Asim Ali
Ali Abdalla Hassan
Abureesh
جلالدونا
Haytham Mansour
معاوية الزبير
Ali Alkanzi
بابكر قدور
عليش الريدة
الفاتح ميرغني
Kabar
Fatima Alhaj
Awad Omer
Deng
محمد عبد الله الحسين
علي عبدالوهاب عثمان
فيس بوك
تويتر
انستقرام
يوتيوب
بنتيريست