لعناية القراء والقارئات هنا.. الحوار جميل ، وكل زول/ة بيستمتع بيهو من الزاوية البتريحو..!!
جغرافية اليسار ، عندنا فيما تسميه الجنوب ، يا السنوسي ، متطورة شديد يا صديقي..الشيوعية كانت ماشة مع خط السكة حديد لغاية بابنوسة ، وعندها تعريجات في الدلنج وكادقلي..!!
وجهة اليسار الأخرى ، الأكثر تغلغل فينا ..كانت هي وجهة البعث العربي الأشتراكي..سادت في كادقلي والدلنج ، وسحبت البساط من تحت اقدام الشيوعية لتكون موجودة في بابنوسة..عاصمة السكة حديد في غرب امسودان..!!
لكن السؤال يا السنوسي: ليه ناس بريمة وكبر مرقوا من كل الهجايص دي وجابوا سكة جديدة..؟..بعضهم يتبني الدفاع عن القبائل العربية في دارفور وكردفان ، وبعضهم يتبنى خط ضرورة وقف الحرب في دارفور وكردفان والنيل الأبيض والنيل الأزرق؟
مع كل احترامي لعيال وبنات البادية في الصحراء ممن تقرب من الحزب الشيوعي او الحزب الأتحادي الديموقراطي السوداني ..الناس ديل يا السنوسي عندنا حاجة واحدة: مجرد حناكيش فاكرين السودان مجرد هرطقات حايمة في الكتب ومجلة السودان في رسائل ومدونات..ما عندهم فكرة عن واقع السودان هو شنو وداير يمشي على وين..!!
عشان كده بريك/استراحة صغنونة..!!
حصل فيكم ، كل الناس البتابع الحوار ده عندها تصور انو السنوسي بدر في ألأرض هناك يبدو كيف؟ ..وناس بريمة يبدو كيف..؟!!!
عشان نربط شغل الصوالين/الصفوة بالأرض..خلونا نعاين ساكت..!!
ناس السنوسي ، شكلهم هكذا..والله صحي يا السنوسي ، والمحاميد كل ما بحثت عن تراثهم لقيبتهم فقرا ساكت ناس جامع (اب مخروقة) ومين كده ما عارف..!! وفي علم اصول الدين ، قالوا لينا: في غياب الماء ، يجوز التيمم..!! فشنو..نحن ناس تيمم ساكت..ان شاء الله نكتب في ام لهيب ام النيران..!! ديل ناس السنوسي..على ارض الواقع..!!
هل تصدق يا السنوسي: انا دفعة محمد حسن هلال..!!..في سنتر الجامعة وصاحبي يدوبي ويغني في شان قصيبة السكر الني..وانا اشيل واعيط..واشيل واعيط ياعمك ارحمنا ياااااااااااااااااااخ..دي الخرتوم ، وسنتر جامعة الخرتوم..وماها صحراء ابراهيم الكوني..!!..ولينا حكايات يا السنوسي..لمن عيال الريف تواجه جرأة بنات البندر..ويقوموا يتعفرتوا ويرجعوا عيال ريف زي الترتيب..وانا ما بجيب سيرة جرستنا لمن الخلوقة ناهد حامد عزمتنا نزورها في بيتهم يا محمد..!!
علي بالحلال يا السنوسي ، وقتها ، لا عرفنا نبقي عيال شوايقة ولا عرفنا نبقى عيال بقارة ولا عرفنا نبقي عيال ابالة ولا عرفنا نبقى ناس الخرتوم ساكت..!! ويا بريمة دي قصص حقيقية يا قريبي..قصص امسودان بخيرها وشرها..!!
المهم..
الشئ ده ما دستورولا زار.. يا ناس البندر..!!
كن علي انا شخصيا..ااااااااااااااااااااااااااااااخ من ناس التوب البي بي بلو.. Top baby blue لو جابت ليها غرامة بقر...يدفعها بريمة..ولو جابت ليها غرامة ابل..يدفعها مني اركو مناوي وعزت الماهري و السنوسي بدر القدامكم ده..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة