من أحد تلاميذ مركز الرشاد # أمير بوب # قوم على حيلك وما أظُنك أن تقوم #

Quote: يعني يا برنس غايب ليك كم يوم و مشيت تبحت في النت عشان تجيني بالكلام الخارم بارم دا ؟ با زول انت الظاهر لسّه ما فاهم كلامي معناه شنو ! و قاعد تأكد فيه من حيث لا تدري !! غايتو انا ما لاقتني عطالة و دروشة زي دي نهائي !! .... ياخي ارجو انك تراجع الكلام القيل بي رواقة و اهم شيء تقهم معناه و المقصود شنو و بعد داك تجي ناطي ! .... بالمناسبة قالوا اسم هدهد سيدنا سليمان إسمو ( عنبر) و دا الاسم المتداول في الكتب يا ريت بالله برضو تورد لينا اسم السورة و رقم الآية التي تؤكد ذلك !! المطلوب بإختصار ورود الأسماء الآتية في القران كما تدّعي انت و الأسماء هي : الخضر ، آصف بن برخيا، قطمير ، هملاج ، راحيل و عنبر انت قلت وردت في القران و هذا هو موضع الجدل ، و عليك ان تثبت إدعاءك فياخي ما تقعد تجقلب ساي و تتلولو ! عكّرتا أمزجتنا !! ياخي كان ممكن تعتذر بكل بساطة و تقول لايوجد دليل علي هذه الأسماء من القران و لايوجد أي سند لها ، بكل بساطة بدل تلف صينية كدا ليك اكتر من أسبوع ! لآخر مرة بسألك سؤال مباشر و صريح : هل وردت هذه الأسماء في القران ؟. ياريت الإجابة نعم او لا لو قلت لا ، اذن يكون البوست انتهي و بيضتها لي نفسك تاني لو قلت نعم وردت في القران ، فعليك ايراد اسم السورة و رقم الآية و بذلك تكون القمتنا حجر و نعتذر ليك !! والله صحي ! غير كدا ، عليك الله ما تضيع زمن الناس ساي و انا ما فاضي اتجرجر معاك في حكاية قالوا و قلنا دي !! او عليك ان تعتذر علي الملأ و من ثم تسحب البوست !! ارجو ان لا تكابر في الحق يا عاطل !!