|
|
 Re: القانونيين : المسئولية التقصيرية (Re: Kabar)
|
التحية للأصدقاء..استاذنا الملك ، استاذنا الفاتح ميرغني ، صديقنا احمد سيد احمد عثمان ، ويا احمد هل متذكر انو قانون المعاملات المدنية لسنة 1984 هو اطول قانون سوداني من ناحية المواد (819 مادة بالتمام والكمال ، وانا بكتب المعلومة بسمع ناس البي بي سي بيتكلموا عن استاذنا محمد طه القدال ، وسيرة الأبنودي ، واستاذنا الكبير الطيب صالح..!!..يعني نظام السياق وكده..!!..ويا ريت لو نعمل اسبوع:كل زول بيكتب في المنبر جنبو شنو ، بيسمع شنو..الخ)..التحية لصديقنا الجميل حيدر حسن ميرغني..ولسه بسأل: ليه يا حيدر الثقة في عمنا كبر؟..ياخي يا ريت الاقيك قبال سيد الأمانة يشيل امانتو..!!..لو سيدنا شالها بقول ليهو: دقيقة..داير ابرى عم حيدر ياااااخ..!!
عارف يا احمد سيد احمد عثمان ، لمن درسنا المسئولية التقصيرية بكلية القانون بجامعة الخرطوم ، درسنا ليها استاذنا العظيم الجميل دكتور عمر سيد احمد الشيخ ، كانوا زميلاتنا وزملاؤنا في الدفعة بيتضايقوا منها..وناس كتار بتقول ليك : دي المادة الوحيدة المافيش زول فاهم فكرتها شنو..!!..وكنا قلة قليلة للغاية (يعني اربعة انفار: ثلاثة من جنوب كردفان/شخصي وصديقنا الأستاذ جلال الشايب المحامي ، وصديقنا دكتور موسى ابو عنجة، وزول تالت من شمال كردفان صديقي العزيز الأستاذ حامد ابراهيم شطة المحامي ، من ناس النهود..)..كنا بنضحك على صديقاتنا واصدقاءنا..لأن مبادئ المسئولية التقصيرية وقانونها الموجود ضمن قانون المعاملات المدنية لسنة 1984 هي مبادئ كنا بنشوفها في حياة اهلنا اليومية في مجتمعات كردفان ، ودارفور ، واقصى الشمال ، والشرق ، والنيل الأزق..!!
صديقنا واستاذنا الفاتح ميرغني جاب نموذج ذكي وحي..نموذج (مسئولية صاحب الحيوان/الكــــــلــب)..!
عارف يا الفاتح ، سنة 1996 قضيت الخدمة الإلزامية (اسمها المهذب الخدمة الوطنية)..في مدينة ابي زبد كمعلم في المدارس الثانوية هناك..واهلنا كانت فرقانهم حوالي مدينة ابي زبد..وقاموا جابوا لي عجلة(بيسكليت) ، وتور ، وحمار..عشان امشي الفريق..واخترت المشي كداري..انا والنجم يا صاحب..لمن اولاد اعمامي احتاروا ذاتو..بنجمة وديتهم ليك من ابي زبد لغاية فرقانهم في شمال غرب ابي زبد..!
في الفريق ، حصلت حادثة عجيبة ومدهشة..تورين..من مراحين مختلفين..اتداوسوا..وتور واحد تمكن من الآخر..وطعنو..وسبب ليهو اذى جسيم..بعد تلاتة ايام التور المطعون مات متأثرا بجراحه..!!
التور الطاعن (المتهم) مملوك لعمي ، والتور المطعون (الضحية) مملوك لخالي..!
صاحب التور المطعون (خالي) طالب بتعويض..!!
واهلك البقارة يشيلوا ويتغالطوا..!!
قلت لعمي: مفروض تدفع تعويض لخالي..!!
عمي عمل نايم..وقال لي فيما معناهو : انت حنكوش وليد مدينة ساكت..!!
اجتمع كبار الفريق للفصل في النزاع..والخال..اعتمد على حيلة اتهام غريبة للغاية.. فقال: ان التور الطاعن قرونو مطرقة (مبرية) بفعل فاعل ، يعني مهئ لإحداث الأذى..!!
والله يا الفاتح..اهلك البقارة ناس الفريق..في مجلسهم بتاع فض النزاع ، قاموا ارسلوا اربعة رجال عدول..والرجال ديل كتفوا التور الطاعن..رموهو في الأرض التقول دايرين يضبحوهو..عشان يتأكدوا من واقعة القرون المطرّقة (المبرية)..وتوصلوا الى واقعة ان الإنسان تدخل في طبيعة القرون دي وجعلها سنينة..ولولا هذا التدخل لما حدث الأذى الجسيم...!!!!!!!!!!!!
حكم ،يا الفاتح ، مجلس الشيوخ من اهلك البقارة ، في ذاك الفريق ، بان يدفع صاحب التور الطاعن تعويض لصاحب التور المطعون ، يعني عمي يدفع تعويض لخالي..!!
عمي قبل بحكم التعويض ، لكن ملاني فقر ما انزل الله به من سلطان..اقلاه اتهامي بان تعليمي في كلية القانون بجامعة الخرطوم ، ما هو الإ شغلات شيوعيين ولاد لذينا..!!
هل تصدق يا حمد..فكرة :
البيلد المحن ، لابد يلولي صغارهن..
(بعد تصحيح اخونا عبد المنعم حسن الطيب)..
ده مبدأ مسئولية تقصيرية يا حمد..!!..والله صحي..!!
والأهم يا صاحب..فكرة بسيطة ، وناس كتيرة ما عارفه قيمتها الحقيقية..!
طبعا انت يا حمد ، وغيرك ناس كتار ، بتتذكر فكرة اهلنا ..اعمامنا والسواقين العجايز من امثالنا..الواحد يوقف العربية (السيارة) خصوصا لو كانت كبيرة شوية وراخية كهربا ولا شنو كده ما عارف..اها الزول ده اول ما ينزل من العربية بينادي المساعد: يا ولد دقر للعربية..!!
او
يا ولد خت الدقار للعربية..!!
الدقار حجرين ، يوضعان تحت عجلات السيارة الخلفية..!!
ليه؟
عشان العربية (السيارة) ما تدحرج وتسقط ليها حجر ناس واحدين..!!
يعني نظام الحيلة لتجنب المسئولية التقصيرية..!!!..والله صحي..!!
اها فكرة الدقار يا حمد..ياها اللافتات الأنيقة..البنشوفها قدامنا في مدائن ناطحات السحاب..بتاعة (احترز قدامك سطح يسبب الإنزلالق..!) او (احترز قدامك ناس شغالة في السطوح)...! وعي بمسئولية تقصيرية للطيش يا حمد..والمحير اعمامنا السواقين في امسودان..شغالين بيها فطرة ساكت..,,!!!!..والله صحي..!!
عبرك يا حمد..وعبر الأصدقاء هنا..تحية لأستاذنا وصديقنا الجميل دكتور صديق عبد الباقي حسين..وهو الرجل الذي درسني مادتين في كلية القانون بجامعة الخرطوم: مادة قانون الإثبات ومادة قانون التأمين..وواحدة من صفاتو المهنية الجميلة العديدة ، ان كان مستشار قانوني للبنك السوداني الفرنسي..!!
مبادئ المسئولية التقصيرية يا اصدقائي ، الملك والفاتح ميرغني..هي الأساس لقوانين التأمين..على ألأقل في حقل امسودان..!!
يعني ياحمد..وانت مغترب او مهاجر أو لاجئ..لمن ترسل قروش لناس بيتكم ويبنوا بيهم بيت ..وتكون حيطة مايلة وتقع في راس زول ماري بشارعكم..فهنا بتحصل مسئولية تقصيرية..!!
وعلى حسب قفشات صديقنا واستاذنا دكتور صديق عبد الباقي..لو عيالك الصغار يا حمد ضحكوا على زول ماري بالشارع..والزول ده قام اتخجا ووقع وكسر ليهو ساق ولا ضلعة..فانت المسئول ومفروض تدفع تعويض..!!
لو لقينا فرقة ، نرجع تاني نبسط للناس فكرة المسئولية التقصيرية..!!
كبر
|
|
  
|
|
|
|
|
| العنوان |
الكاتب |
Date |
| القانونيين : المسئولية التقصيرية | حمد عبد الغفار عمر | 07-12-17, 08:30 AM |
| Re: القانونيين : المسئولية التقصيرية | الفاتح ميرغني | 07-12-17, 04:38 PM |
| Re: القانونيين : المسئولية التقصيرية | حمد عبد الغفار عمر | 07-12-17, 06:39 PM |
| Re: القانونيين : المسئولية التقصيرية | محمد على طه الملك | 07-12-17, 10:22 PM |
| Re: القانونيين : المسئولية التقصيرية | عبدالمنعم الطيب حسن | 07-12-17, 10:52 PM |
| Re: القانونيين : المسئولية التقصيرية | الفاتح ميرغني | 07-13-17, 02:27 PM |
| Re: القانونيين : المسئولية التقصيرية | محمد على طه الملك | 07-13-17, 04:45 PM |
| Re: القانونيين : المسئولية التقصيرية | عبدالمنعم الطيب حسن | 07-13-17, 04:56 PM |
| Re: القانونيين : المسئولية التقصيرية | حيدر حسن ميرغني | 07-14-17, 09:51 AM |
| Re: القانونيين : المسئولية التقصيرية | محمد على طه الملك | 07-14-17, 10:15 AM |
| Re: القانونيين : المسئولية التقصيرية | حمد عبد الغفار عمر | 07-14-17, 10:38 AM |
| Re: القانونيين : المسئولية التقصيرية | حيدر حسن ميرغني | 07-14-17, 10:49 AM |
| Re: القانونيين : المسئولية التقصيرية | أحمد سيداحمد عثمان | 07-14-17, 12:30 PM |
| Re: القانونيين : المسئولية التقصيرية | الفاتح ميرغني | 07-14-17, 05:52 PM |
| Re: القانونيين : المسئولية التقصيرية | محمد على طه الملك | 07-15-17, 01:06 AM |
 Re: القانونيين : المسئولية التقصيرية | حمد عبد الغفار عمر | 07-15-17, 09:45 AM |
| Re: القانونيين : المسئولية التقصيرية | حمد عبد الغفار عمر | 07-15-17, 04:06 PM |
| Re: القانونيين : المسئولية التقصيرية | د.محمد حسن | 07-15-17, 09:37 AM |
| Re: القانونيين : المسئولية التقصيرية | حمد عبد الغفار عمر | 07-15-17, 10:18 AM |
| Re: القانونيين : المسئولية التقصيرية | حمد عبد الغفار عمر | 07-15-17, 10:42 AM |
| Re: القانونيين : المسئولية التقصيرية | حمد عبد الغفار عمر | 07-15-17, 11:09 AM |
| Re: القانونيين : المسئولية التقصيرية | مني عمسيب | 07-15-17, 11:47 AM |
| Re: القانونيين : المسئولية التقصيرية | Kabar | 07-15-17, 12:58 PM |
| Re: القانونيين : المسئولية التقصيرية | Kabar | 07-15-17, 01:06 PM |
| Re: القانونيين : المسئولية التقصيرية | محمد على طه الملك | 07-15-17, 02:33 PM |
| Re: القانونيين : المسئولية التقصيرية | حمد عبد الغفار عمر | 07-15-17, 04:10 PM |
| Re: القانونيين : المسئولية التقصيرية | الفاتح ميرغني | 07-16-17, 04:00 AM |
| Re: القانونيين : المسئولية التقصيرية | محمد على طه الملك | 07-16-17, 12:09 PM |
| Re: القانونيين : المسئولية التقصيرية | حيدر حسن ميرغني | 07-16-17, 12:58 PM |
| Re: القانونيين : المسئولية التقصيرية | محمد على طه الملك | 07-16-17, 02:19 PM |
| Re: القانونيين : المسئولية التقصيرية | عبدالعظيم عثمان | 07-16-17, 01:05 PM |
| Re: القانونيين : المسئولية التقصيرية | حيدر حسن ميرغني | 07-16-17, 01:12 PM |
| Re: القانونيين : المسئولية التقصيرية | حيدر حسن ميرغني | 07-16-17, 01:33 PM |
| Re: القانونيين : المسئولية التقصيرية | علي محمد الفكي | 07-16-17, 02:18 PM |
| Re: القانونيين : المسئولية التقصيرية | عبدالعظيم عثمان | 07-16-17, 02:28 PM |
| Re: القانونيين : المسئولية التقصيرية | حمد عبد الغفار عمر | 07-16-17, 02:46 PM |
| Re: القانونيين : المسئولية التقصيرية | حيدر حسن ميرغني | 07-16-17, 03:19 PM |
| Re: القانونيين : المسئولية التقصيرية | محمد على طه الملك | 07-16-17, 05:53 PM |
| Re: القانونيين : المسئولية التقصيرية | حمد عبد الغفار عمر | 07-17-17, 02:48 PM |
| Re: القانونيين : المسئولية التقصيرية | الفاتح ميرغني | 07-18-17, 04:57 PM |
| Re: القانونيين : المسئولية التقصيرية | حمد عبد الغفار عمر | 07-18-17, 06:06 PM |
| Re: القانونيين : المسئولية التقصيرية | حمد عبد الغفار عمر | 07-18-17, 06:16 PM |
| Re: القانونيين : المسئولية التقصيرية | حمد عبد الغفار عمر | 07-18-17, 06:21 PM |
|
| |
Kabar
فيس بوك
تويتر
انستقرام
يوتيوب
بنتيريست