|
|
|
 Re: باركوا لي حصولي على التخصص الثاني في الاو� (Re: محمد حيدر المشرف)
|
جزيل الشكر والامتنان لكم جميها اخوة واخوات .. شكرا لابوبكر عباس بصفة خاصة.. وللحقيقة وبرغم كل شيء فالمودة نحوه ظلت وكما كانت ظاهرة
سأحاول بي كلام بسيط توضيح مهنة الصيدلة من واقع التطور الكبير الذي حدث في هذه المهنة .. وحأتكلم بي كلماتي الخاصة ومفهومي الشخصي
الصيدلة تجسير للعلاقة بين الطبيب والمريض والخطط العلاجية .. صرف الادوية والمدعوة لاسباب كتيرة وصحيحة ببيع الادوية وبالتالي يكون الصيدلي بياع دواء .. صرف الادوية ده واحد من اهم واجبات الصيدلي .. فكرة صرف الادوية دي فكرة متجاوزة بكثير مناولة الدواء او بيعه .. لانو لو المسألة مناولة علبة الدواء الصحيح ما كانت المسألة محتاجة لدراسة مرهقة تمتد ل 5 سنوات تعقبها سنة للامتياز.
وكما قلنا فصرف الادوية واحدة من مهام الصيدلي .. وهي ذاتها ما ساهلة .. وببساطة شديدة الصيدلي لمن يناولك الدواء بتكون مهمتو الاساسية انو الدواء البناولك ليهو دواء صحيح لي حالتك .. وانو قرار الطبيب صحيح .. وانو الدكتور هو الدكتور الصاح الممكن يقرر انو يديك الدواء ده .. وانو كتب الجرعة الصحيحة ليك انت شخصيا وبحسب طولك ووزنك ووظائف الكلى والكبد وامراضك الاخرى وحاجات كتيرة ..
يلا هناك مجالات صيدلانية اخرى وتتضمن مشاركة أوسع مع الاطباء في العملية العلاجية .. ومن واقع تجربتي الشخصية وجد الاطباء في الصيادلة السريريين Clinical Pharmacists و دكاترة الصيدلة الحاصلين على درجة علمية بتخرجوا بيها من كليات الصيدلة اسمها دكتور صيدلة Pharm D مكملا هاما لقدرتهم على محاربة المرض وعلاجو .. ..
ربما وجد بعض الاطباء (اول الامر) في انفسهم شيء من الرفض لأن يكون للصيدلي دورا في العملية العلاجية .. ولكن لم تمر بضعة شهور في مركزنا وحتى كان وجود الصيدلي في التيم الطبي مسألة طبيعية ومرغوبة جدا من الاطباء .. والسبب في اعتقادي هو تجسير فراغات كانت موجودة في العملية العلاجية لا يمكن أن تملأ الا بالوجود الوظيفي للصيدلاني ..
اخيرا ظهرت -بدافع الحوجة لها - مسألة التخصصات الصيدلانية دي .. أن يكون هناك صيدلي اختصاصي في امراض القلب .. فإن لذلك قيمة كبيرة بالنسبة للعملية العلاجية . هو اكثر تخصصا في مسألة العلاج بالتاكيد كمكمل لدور الطبيب من ناحية .. ومعزز لدور الطبيب من ناحية اخرى .. وهكذا يكون المستفيد الأول من كل ذلك هو المريض.
ده باختصار شرح مبسط لمهنة الصيدلة .. وهذا هو الاختصاص الذي تؤهل له دراسة الصيدلة .. وكما يكون قد وضح للناس ان المسألة ليست "بيع دواء" فحسب..
اتمنى ازدهار هذه المهنة في الوطن كما هي مزدهرة في دول العالم المتقدم .. فالى جانب اعلاه كلو هناك قيمة بحثية وعلمية كبيرة للصيدلي .. وقيمة كبيرة جدا في مجال تصنيع الادوية ..
مودتي للجميع واتمنى ان يكون فيما كتبت شرح بسيط ومباشر جدا لمهنة الصيدلة ..
| |
  
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
المشرف تحياتي مرة تانية ..
ما عاوز الخبط عليك رصة البوست لكن لاحظت إنك مرة تكلمت عن
مخاطر إستخدام الصمغ وعملت لي نفسيات :) لاني بستخدمه لي
فترة كدا!! فلو لقيت طريقة تعمل بوست خاص بيهو او تشوف كيف
ممكن تشرح لينا القصة دي عشان يستفيد الجميع ونقدر نحدد انو
نواصل ولا نخليهو :)
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: بكرى ابوبكر)
|
الف الف مبروك للاخ العزيز محمد المشرف
يعتبر نيل شهادة التخصصية من مجلس التخصصات الصيدلية انجاز معرفي كبير ويدل علي معرفة عظيمة بالتخصص السريري ودراية كافية لعلوم الصيدلة المتعلقة بحياة وعلاج المرضي
كما ان التخصص في Oncology Pharmacy او ما يعرف بصيدلة الاورام هو تخصص نادر وصعب جدا, واعتقد ان حملة شهادات تخصصة قليلون علي مستوي العالم
لان معظم ادوية الاورام والسرطانات هي ادوية في بداية التجريب او عمرها العلاجي لا يتعدي بضع سنين او انها جزء من علاج يعرف بالبرتوكول مما يضفي عليها نوع من الصعوبة في اختيارها وحساب جرعاتها
وبالتالي صعوبة التكهن بنتائجها السلبية او الايجابية مما يجعل مسار عملية علاج المريض في غاية الصعوبة .
وهنا برزت الحاجة الي وجود تيم معرفي وذوي خبرة ودراية عالية من طبيب وصيدلي الي اخر العنقود من التيم الصحي لان يكونوا مؤهلين تمام التأهيل لمحاربة هذا المرض اللعين الذي يحصد الارواح دون رحمة
وبالتالي حصول الاخ العزيز محمد المشرف علي شهادة هذا التخصص هو فعلا اضافة نوعية ومميزة لينضم الي كوكبة العلماء الذين يحاربون هذا المراض دون وجل او كلل ...
فمعركتنا مع مرض السرطان لن تتوقف حتي تتم هزيمته ودحره كما تم دحر الجدري والسل وقريبا تم دحر من فيروس الكبد الوبائي سي وغيرها من الافات والامراض .
فمرحي بك اخي المشرف والي الامام
ومن هنا ادعوا جميع الابناء في كليات الصيدلة والطب وكل برامج التعليم الصحي ان يشمروا السواعد لهزيمة الامراض
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: وهبه الشبلي احمد)
|
ألف مبروك يا اخ محمد الحصول على التخصص ومزيدا من النجاحات ...
.
.
.
بمناسبة "تجسير العلاقة" دي ...
بتذكر احد الاخوة من خريجي كلية الاشعة جامعة السودان حكى لي انه عندهم واحد خريج اشعة وعمل خبرات لسنوات طويلة في مجاله لدرجة بقى ما بكتفي باخد صورة الاشعة ولكنه بقى يشخص الحالات كمان ...
الاطباء احتجوا احتجاج شديد ومشوا اشتكوه لجهة معينة وتم منعه من تشخيص الحالات باعتباره تغول على مجالهم ...
اها الراجل من الزعلة مشى قراء طب من اول جديد وفعلا اتخرج طبيب
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: قسم الفضيل مضوي محمد)
|
الاطباء احتجوا احتجاج شديد ومشوا اشتكوه لجهة معينة وتم منعه من تشخيص الحالات باعتباره تغول على مجالهم
ههههههه والله يا عبدالفضيل ضحكت لمن جاني وجع نوايط
قلت لي اشتكوهو !!!
اقدر استوعب انو ممكن الجهة التي سلمتو الترخيص تعاقبو اذا كان بيكتب ورشتة علاج مثلا
لكن الموضوع كلو هو غياب بعض الكورسات في المنهج التعليمي لدي غالبية البرامج الصحية في البلاد بالخصوص في مدارس الصيدلة والطب
المنهج التعليمي هو ما يعرف اصطلاحا بالCurriculum
فمثلا هناك كورس اسمو inter-professional education ويرمز له بالرمز IPE والكورس ده هو تجميع الطلاب من برامج او كليات مختلفة -زي طلاب الطب والصيدلة والتمريض- في فصل واحد ويعطوهم case studies ويشرحوا ليهم كيف يتعاملوا مع بعض فيحل معضلة المريض والهدف من الكورس ده او بمعني ادق المخرجات التعليمية بتاعتو زيادة التفاعل بين الطلاب من اجل مساعدة المريض اي بمعني ادق ان يكون المريض محور اهتمام التخصصات المختلفة ودمج المعرفة والمهارات والقدرات والخبرات من المهن الأخرى لمصلحة المريض كما ان اهم مخرج تعليمي هو احترام القيم والأدوار / المسؤوليات المختلفة، والخبرة الخاصة بالمهن الصحية .
والكورس ده ايضا يردف في فترة الامتياز ويسمي (Interprofessional Practice (IPP وده يفعل بصورة اكثر صرامة في فترة التدريب لقتل (ego)
وغياب الكورس ده نتايجو بتكون ظاهرة زي الواحد مشيتو بتتغير وبتلقي الدكتور(ة) او الصيدلي (لانية) متريح(ة ) في المستشفي وبتتعامل مع الممرضات وناس الاشعة وبنك الدم بصورة فيها نوع من التكبر وتلقي الواحد زهجان(ة) عشان الممرضة قالت ليهو ممكن نعمل كده
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
| Quote: لكل مقام مقال أخ حاتم وما يقال لمن يجتاز أي بورد مبروك أو الصمت، لأنها مرحلة البداية في الطريق |
هل لا نزال في (بداية) الطريق! وأي طريق؟
و(الاجتياز) هنا مجرد بوابة لممارسة المجال في فرع آخر.
لكني (أسأله)، أي إضافة تستحق ( طلب المباركة)؟
وأي إنجاز يلزم بالغبطة والسرور والحبور!
فهنا مقام السؤال، لا الصمت
فلو كانت شهادة تكريم عن اكتشاف أو اختراع لوجب الاحتفاء
ولكن!
مدخلي هنا لنقد السلوك العام وليس التصرف الخاص
الذي اعتدناه في السودان.
وليتك تدع (الفرحان) يعبر عن نفسه.
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
Quote: إجتياز أي بورد أو الحصول على أي لايسنص هو بداية السماح بالممارسة يا أخ حاتم في المجال المعني ولا يمكن لمن لم يبدأ بعد أن ينجز
والتقاليد البشرية إعتمدت المباركة (أي مشاركة الفرح) حتى يقبل في أولى إبتدائي |
قصدك التقاليد السودانية القديمة، ففي أي دولة محترمة
ومجتمع متحضر هذا مجرد حدث عادي لا يتطلب إيقاد الشموع والزغاريد.
يابوي الخريجين بقوا يحننوهم في الجامعات، تقول لي (تقاليد بشرية معتمدة)؟
ودا حالتو (لم يبدأ بعد) 
و (دا) كان (بدأ) حيقول شنو أكتر من كدة
إنا للاهي وإنا إليهي راجعين.
سؤالي: أضفت شنو للمجال يا محمد يستحق الزغاريد؟
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: حاتم إبراهيم)
|
أبداً يا أخ حاتم ما التقاليد القديمة ولا حتى التقاليد السيئة في متن الخطاب الاجتماعي العم فلا زال الناس يقتنصون الفرص للفرح والأمل والحياة وسط التعاسات المحيطة بهم من كل جنب
لا زالت تقاليد المباركة راسخة في ثقافتنا الاجتماعية ومن ينجح هو أو قريب له في إمتحانات الشهادة الإبتدائية أو الثانوية أو يحصل على ترخيص ممارسة مهنة تتطلب ترخيصاً مسبقاً يبارك له الأهل والأصدقاء والأقربون وقيل يقيمون له بارتيات ويبعثون بكل وسائل التهنئة من الكارد للورد
وبغض النظر عن مفاهيم التحضر والمدنية فأنا أعيش وأعمل في الولايات المتحدة وقد أقمنا منذ أسابيع إحتفاءً بزميلة نالت شهادة من شاكلة تلك التي نالها دكتور محمد حيدر
تقاليد المباركة هي يا أخ حااتم تقاليد تكون مشتركة بين كل الشعوب وما فعله محمد حيدر هو إنجاز يستحق المباركة
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
شكرا جزيلا وجميلا يا أحباب ..
وشكرا بروف السنوسي على الاضافات المميزة ..
في الحقيقة تحصلت غلى دبلوم عالي من كلية الطب بجامعة كارديف في ويلز في الثيرابيوتك (الغلاجيات او الغملية العلاجية لو جازت التسمية) في العام 2011 .. والبرنامج كان معد للاطباء والصيادلة والممرضات المتخصصات Specialised nurses كما وصفت أنت تماما .. ما نقوله ان هناك آفاق جيدة وغير مطروقه في السودان لمهنة الصيدلة .. بموجب هذه الكورسات انفتحت مجالات محتملة للصيادلة منها ادارة عيادات متابعة الامراض المزمنة كالضغط والسكري وعيادات السيولة بالاضافة لمشاركة واسعة في برامج كاستيواردشيب لوصف المضادات الحيوية .. ونعم التجربة في بداياتها الا انها مبشرة وواعدة جدا وهناك حوجة لها من وجهة نظر صحية
الطبيب هو عماد العملية العلاجية .. واي مشاركة له تدخل في باب تعزيز واكمال دوره من خلال مفهوم الاتيام الطبية المتكاملة متعددة الاختصاصات .. وهذه الفكرة عادت الملمح الابرز لاي منظومة طبية في العالم
مودتي للجميع..
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
حاتم
انت في دي بالغت....بالجد...
ياخي في امريكا، والناس بقولوا عليها اكثر دولة متحضرة في العالم، ما انا،
الطالب لمن يتخرج من الثانوي العالي، بيعملوا ليه احتفالات وحفلات
وكانه اتخرج من جامعة اكسفورد،،، وما بقول هارفارد، لاننا في السودان سمعنا
باكسفورد قبل هارفارد(كيتن في امريكا) ...
ودمت
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: ابراهيم ناصر)
|
مجال التخصصات الصيدلانية لا يوجد الا في الولايات المتحدة الأمريكية ومن خلال البورد الامريكي بحسب معلوماتي .. بدأ الاهتمام متأخرا بهذه التخصصات في الدول العربية ويمثل الصيادلة المصريين اغلبية الذين تخصصوا في واحد من المجالات الصيلانية مع قلة قليلة جدا من السودانيين ولقد آن الأوان لان يولي الصيادلة في السودان هذه التخصصات اهتماماهم والتي سيكون لأثرها في الحياة العملية مردودا ايجابيا كبيرا على مهنة الصيدلة وآفاقها المستقبلية .
قبل ما نبارك ليك يا مشرف بنبارك لروحنا و للسودان....... نجاحك اضافة كبيرة لمهنة الصيدلة في بلادي
تمنياتنا بمزيد من النجاحات
| |
|
|
|
|
|
|
|
|
 Re: باركوا لي حصولي على التخصص الثاني في الاو� (Re: محمد جبره)
|
مليون مبروك د. محمد المشرف على هذا الانجاز الكبير...
واي نجاح لاي سوداني او سودانية في بلاد المهجر بيفرحنا كتير
وتخصصك تخصص مهم جدا جدا ونرجو ان يكون فيه الخير الكثير
لمهنة الصيدلة في السودان...
ومزيدا من النجاحات والانجازات...
مع وافر الاحترام والتقدير
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
Quote: يا حاتم إنت ما تبارك ؤ تتخارج،
شايفلك زول هنا دفعلو في كشِف !... |
يعني أنفذ (الأمر) بتاعو دا وأعمل خلف دور وأرجع لا ألوي على شيء؟
بس أنا وضعي يختلف من حيث التحري عن المبروك
لأنو لازم أشوف الإنجاز شنو أول بعدين أبارك (accordingly)
لأنو (أوعز) لي بأنو زول (ما ساهل) يعني ما أي شخص ممكن يخاطبه
وبعدين (بطنو نضييييييييفة) من الحلقوم للحلقوم
أها، أنا قلت في سري، تعرف يا بنانا الزول دا يا إمتن كونت يا دوق يا أرشيدوق
أصلو ما مارق منهن، لكن أخير النتأكد عشان الواحد يحرص على الألغاب والمغامات وكدة
أصلو المنبر دا تراهو طبقات ومغامات وأهلو ما بدورو لخبطة الحاجات والمستحجات
وتراني بسأل فيهو وهو بيتزاوغ، لكن موضوع نضافة بطنو أظن فندناهو ليهو
مرق أبريش وباقي المزعمط
هسع داك ياهو قال عندو (مخرجات) وحيكلمنا عن السمغ العربي واحتمال يعرج على القرض والمحريب
ما أخير (ليكم) من قعاد ساكت وممارسة سلوكيات ال (self-centered) دي؟
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
شكرا جزيلا وشكرا جميلا يا صديقات ويا أصدقاء ..
ويظل المنحى الاجتماعي هو المنحى الأجمل في هذا المنبر .. تقاطر البورداب مهنئين ومعزيين ومشاركين الناس في افراحهم وأتراحهم ظاهرة حميدة جدا .. وسودانية جدا .. وايه الدنيا غير .. لمة ناس في خير .. او ساعة حزن
هذه المقاسمة الوجدانية ملمح من الملامح العبقرية عند السودانيين .. ادعوها باشتراكية الحزن و اشتراكية الفرح .. نقاسم نبقة الفرح كأجمل الفقراء .. ونبق الاحزان كشعب جميل جدا.
شكرا وافرا لكم.
لكل سهمه من الشكر .. وللمسلمي 3 اسهم بالتأكيد :)
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
حاتم،
سلامات .. يا حاتم، أسأل نفسك كم مننا نحن السودانين الذين أتينا إلي أمريكا منذ سنين قدر يحقق زمالة في بورد أمريكي .. قليلون .. المسألة تحتاج سنتين، قفلة تامة عن العالم من حولك .. والبحث والنكيش في وسط الكتب والمراجع وهضمها مثل دودة السوسة للخشب.
والله هذا إنجاز .. ونبارك لود المشرف بأسمى أيات المباركة .. بيد أنه فيه طرف علمانية .. لو كان بقي من أنصار الدولة الدينية المدنية يكون تم الخياط بالحرير .. وهذا محل نقد ولكن ليس مكانه الأن.
أقول قولي هذا وأنا متخازق ..
بريمة
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: الصادق عز الدين)
|
مليار مبروك يا دكتور .
كلام استاذ / حاتم وان كان يحمل فى طياته فاول داخل منطقة الجزاء , لكنه هام فى عدم الركون فقط للحصول على الشهادات ولكن فيما بعد ذلك من اسهام بحثى فى المجال , وانشاء الله تكون قدرها ونفرح ونفتخر بيك .
مبروك .. مبروك .. والى الامام , فالتأهيل الاكاديمى العالى فى المجالات العلمية , مسارب ضوء فى غرف الوطن المظلمة .
بالتوفيق والسداد دايماً .
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
شكرا لجميع الصديقات والاصدقاء ..
وليسمحوا بتخصيص الاستاذ شاهين ..
وأعلم في نفسي علم اليقين احتراما كبيرا له ولقد حز اختلافي واياه كثيرا في نفسي ..
وليس في الامر ركون والله .. على قدر لحافنا القليل نحاول مد الرجلين يا أستاذ بالمشاركة في عدد من الابحاث المنشورة في دوريات علمية مهمة في مجال الاورام .. تحديدا اللوكيميا ... لا اميل كثيرا للحديث عن ذلك .. وايرادي لهذا البوست كان فرحتي الشخصية بالنجاح ليس الا .. والتي ضاعفها من دون شك صعوبة قراية الكبر والتزامات البيت والعيال بالاضافة للعمل.
ظللت بحالة سعي حثيث جدا للتأهيل المهني ومنذ العام 2010 وحتى الآن .. وكانت الحصيلة جيدة نوعا ما .. زمالة البورد الامريكي في الفارماكوثيرابي 2012.. زمالة البورد الامريكي في الاورام 2017 .. دبلوم عالي من كلية الطب بكارديف 2011 في ويلز .. عدد من الابحاث المنشورة .. وهناك بحث علمي بقيد النشر .. وهناك مخططات قادمة لو مد الله في الآجال لدراسة متخصصة في العلاجات المناعية Immunotherapy ..
اكثر من ذلك فالامر يحتاج لمؤسسات علمية مختلفة .. ولتأهيل أكاديمي لا امتلكه .. وأعني درجات أكاديمية لا مهنية (كالدكتوراه مثلا) مؤهلة للعمل في المؤسسات العلمية .. وهو طريق لم اختاره اختيارا واعيا جدا
هناك اذن طريق مهني تم اختياره سلفا .. هذا الطريق يفضي لمآلات محددة سلفا بحثية كانت أو مهنية .. وكلها مهمة جدا ومفيدة للانسانية ولكن ليس من بينها مثلا اختراع دواء جديد .. بعدت الشقة والتاهيل وغابت المؤسسات العملاقة والمال الوفير جدا جدا (تتراوح ميزانية اخترع علاج جديد ال 3 مليار دولار) .. المهم هذه مسألة لا تتوافر ظروفها الموضوعية ولا حتى الذاتية ولا اجد في نفسي الكفاءة اللازمة لذلك.
أعتذر كتير عن الحديث عن نفسي .. ليس ذلك بهام ولا يهم الناس في شيء ولا يضيف لي ولا يخصم مني .. فقط انتهزت السانحة لشرح اتجاهات المسار المهني ومآلاته
كل ما أردته هو "بيريك النجاح القليل" وفي البال مقالة عم عبدالرحيم لزوجه
شان يا ام الرحوم
ما تنكسفي يوم ..
لو جاراتنا جن
ماشات لي صفاح
او بيريك نجاح
ده الواجب اذن
وايه الدنيا غير
لمة ناس في خير
او ساعة حزن.
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: بكري عباس علي)
|
التخصصات المهنية انفع وأجدى وأقرب لحاجة الناس من الشهادات الاكاديمية العليا ..
هنا في الغرب ـ وانت الأدرى ـ يولون مثل هذه التخصصات المهنية أولوية وأسبقية في التوظيف ..
فضلا عن أن صاحب هذه التخصصات يمكنه الولوج لعالم الشهادات الأكاديمية ..
وعندها يكون مميزا على سواه من حملة الشهادات الأكاديمية العليا ..
بحكم ما تراكم لديه من خبرات مهنية ..
أمنياتي لك بالمزيد من التوفقيق في حياتك العملية .
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
| Quote: يا زول اعرف انت بتخاطب منو واعرف حدودك كويس .. |
Quote: اكثر من ذلك فالامر يحتاج لمؤسسات علمية مختلفة .. ولتأهيل أكاديمي لا امتلكه .. وأعني درجات أكاديمية لا مهنية (كالدكتوراه مثلا) مؤهلة للعمل في المؤسسات العلمية .. وهو طريق لم اختاره اختيارا واعيا جدا
هناك اذن طريق مهني تم اختياره سلفا .. هذا الطريق يفضي لمآلات محددة سلفا بحثية كانت أو مهنية .. وكلها مهمة جدا ومفيدة للانسانية ولكن ليس من بينها مثلا اختراع دواء جديد |
سمح الفلقصة فوق أم كم؟
قبال ما (تبدأ) داير تورينا حدودنا وداير تحدد لينا نخاطبك كيف؟
أها يلا، أدينا موقع البحوث الشاركت فيها دي وخلي الباقي علينا.
أمش كمان أبقى زي دكتور الكيك داك
الفرحان إنو مافي زول شاف رسالة الدكتوراة بتاعتو
وقال ممكن يحظر نشرها تلاتة سنوات قابلة للتجديد.
مشكلتنا إنو (أولادنا) تهمهم الشهادة وليس التعلم والبحث.
ويجوا يأمروك (تبارك) ليهم.
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: حاتم إبراهيم)
|
غايتو جنس لياقة
تنتظر ليه ما تمشى تعمل بحثك براك
صمغ و نبق و دوم
و كان داير موز .. قنقليس و محريب
اقول ليك حاجة .. شوف لينا صفق النيم ال بقى معجون
و الكركجى ال بعالج الحصبة
و الجاز ال بكتل المرقوت
جال الابحاث قدامك واسع زى سروال جدى الحسن
سروالو سته متر مكعّب من قماش الكستور
ثم تعال
الناس تجتهد و تتعب و تعمل حاجاتا ... و تجى انتا عشان توريهم الغلت فى اجتهادم
عشان مجتهد مع عمّك قوقل داير تعرف فيها عارف كل شى
قوم لف ياخ لفّاك تيس قرنو ماكن ... سمج
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: جلالدونا)
|
أطالب بالسماح لدكتور المشرف بإستعمال اللستيكه.
وترفيع اللستيكه لدرجة كوريك لقلع العبط دا من جذورو.
ما ممكن يكون دا رأي آخر ... دا شغل بتاع تالته ابتدائي.
البباري الطمباره بودوهو كوشة كيلو عشرة في بحري.
كنتا ماشي كويس بس براك مشيت تهابش لامن استاذنا
الموصلي قنطرك وجا دكتور المشرف ركنك في التمانيات.
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: Osman Musa)
|
تحياتي دكتور محمد المشرف، و شكراً على التشريف و المعلومات القيمة. إجازة البورد إنجاز عظيم، يستدعي و يستحق الفرح. و الرسالة فيه: أنت الآن قادر على الإضافة، و لن يكون التغيير سوى مسألة وقت، حتى تضع بصمة ناصعة في سفر المجال. دم بخير فأنت أهل كل نجاح.
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
Quote: اها مترين قدام و مترين بالجنبة و مترين ورا
بتعمل 6 متر مرفوع للقوة كم ؟ |
أخير الناموسية
انت متأكد جدك دا كان محتاج لفراغ مترين وراء؟
وجوة السروال.
يؤسفني ذلك واتعاطف معه.
انطلقوا له بمسحوق الصمغ والمحريب فلهما من الفعل شيء عجيب.
سفوفة في الشلوفة وذرور يقيه من الشرور ويجلب له السرور.
| |
|
|
|
|
|
|
|
|
|
Re: باركوا لي حصولي على التخصص الثاني في الاو� (Re: محمد حيدر المشرف)
|
| Quote: حاتم ياخ ما تستهدى بي الله وتنسى الفات |
أنا نسيتو والله، لكن ناقصاني معلومة.
والله أنا داير أفهم يعني إلا أفتح صيدلية وأبقى (سمح) عشان أخاطبه ولا كيف؟ وهو ذاتو منو (البتسامح) قدام الرجال دا؟
برضو داير أعرف دي ياتو (نفسية مأزومة) البتتباهي (بسماحتها) علناً دي؟
هسع في ذمتك لاقاك (واحد) بيستنكر يخاطبوهوا لأنه شايف نفسه (سمح)؟
يمين دي في (عرب آيدول) ما شفناها.
Re: قراءة ثانية في ملخص مولانا الملك حول مسأل�Re: قراءة ثانية في ملخص مولانا الملك حول مسأل�
Quote: يا زول انا بطني انضف منك انت ده من بره .. واسمع الكلام ده كويس ..
+++
قرينا الجامعة مع بعض ولا فتحت صيدلية قصاد صيدلي ولا انت اسمح مني ولا اسم حاتم أكبر من اسم محمد ..
+++
يا زول اعرف انت بتخاطب منو واعرف حدودك كويس .. |
قال ليك (أنا بطني نضيفة وقريت جامعة وعندي صيدلية وعلاوة على ذلك "سمح")
هي أنا (خجلان) من المناظرة دي وما عارف أقول شنو ذاتو، وكان قلت
يقولوا علي شنو؟
قال ليك واحدة من الريف سكنت المدينة، وشبعت
بقت لما تتأخر في فتح الباب للضيوف بتقول ليهم:
هي معليش عتر لي سلك التلفون
وكان ما مسكت في التلاجة
كان وقعت في التلفزيون.
| |
|
|
|
|
|
|
| |
Mahjob Abdalla
الباقر ابوبكر ابراهيم
زهير عثمان حمد
هشام المجمر
عبدالله الشقليني
نادر الفضلى
Mohammed Haroun
Aamer Hussin
محجوب البيلي
Ahmed Alim
elsawi
Sinnary
محمد حيدر المشرف
بكرى ابوبكر
Gaafar Ismail
Elsanosi Badr
منتصر عبد الباسط
قسم الفضيل مضوي محمد
Hafiz Bashir
Abureesh
حاتم إبراهيم
مني عمسيب
جلالدونا
معاوية المدير
أيمن الفاضل
محمد المسلمي
ابراهيم ناصر
محمد جبره
Biraima M Adam
حسين أحمد حسين
shaheen shaheen
عبداللطيف خليل محمد على
بشير أحمد
Ahmed Himoudi
على محمد على بشير
صلاح أبو زيد
بكري عباس علي
محمد على طه الملك
Sudany Agouz
Osama Mohammed
Salah Zubeir
Osman Musa
Abuzar Omer
talha alsayed
Mannan
احمد التجانى احمد
فيس بوك
تويتر
انستقرام
يوتيوب
بنتيريست