|
كتب الكاتب الفاتح جبرا المتوفرة بمعرض الدوحة
|
|
 Re: كل عام وأنتم بألف خير .. عدنا (Re: احمد حمودى)
|
الأخوة الأعزاء
حامد عبد الله
ود المشرف،
الأخ أبوبكر
الأخ علاء،
ول أبا سماعين
الأخ نصر
العبار دينق
الأخ حيدر
الأخ ود القوز
الأخ قيقراوي
كل سنة وكل أحبابكم طيبين .. إن شاء الله لامين وسالمين وغانمين .. أعاده الله علينا جميعاً باليمن والبركات ..
بريمة
| |
  
|
|
|
|
|
|
|
|
Re: كل عام وأنتم بألف خير .. عدنا (Re: Biraima M Adam)
|
الأخ حيدر
Quote: الف مرحبا بك
عودا حميدا يابريمة |
الباشمهندس بكري لما ركب لينا وش كديس .. قلت ليهو أنت عايز تعملي إنسان مثالي مثل الحبيب حيدر .. نحن ناس فوضة خلاقة ..
الله يسترنا مع الباشمهندس هذه المرة ..
بريمة
| |
|
|
|
|
|
|
|
|
|
Re: كل عام وأنتم بألف خير .. عدنا (Re: ABDALLAH ABDALLAH)
|
اووووووو اخونا بريمة
مرحبابك وبركة بالشوفة وعيدك مبارك
الزول لمن يجي داخل البيت بالنهار وتكون الشمس ساطعة
في البداية ما بشوف كويس وما بميّز الاشياء وحتى الناس
اسع يا بريمة قيقراوي دا وينو؟؟؟
هو زاتو نحنا مشتاقين لي طلتو
والعيد الجابك يجيبو
ثم مشتاقون والله
| |
|
|
|
|
|
|
|
|
|
Re: كل عام وأنتم بألف خير .. عدنا (Re: Biraima M Adam)
|
الأخ هيثم غالي،
كل سنة وأنت طيب ..
| Quote: اسع يا بريمة قيقراوي دا وينو؟؟؟ |
عفووا .. أنا طشيت شبكة خلاص ولا شنو؟ والله دي عوجة ..
هيثم، الأخ أحمد حمودي .. من يكن؟ .. أنت ما شايفنى أنا فطيتو في العيدية .. ووضعت بدلاً عنه القيقراوي ..؟ دا فهمي .. الأخ أحمد حمودي بالله أعمل لينا ذي ما يقول ناس الويكيبيديا disambiguation للأسم.
تحية ليك وللأخ أحمد حمودي
بريمة
| |
|
|
|
|
|
|
|
|
|
Re: كل عام وأنتم بألف خير .. عدنا (Re: علي دفع الله)
|
ول أبا علي،
كل عام وأنتم بألف خير ..
نعم قرأت البوست مشكور .. ورديت عليك بإيميل .. ولكن يبدو الأيميل ما مفعل .. هنا كان ردي بتأريخ 19 فبراير 2017
Quote: ول أبا علي دفع الله
سلامات
يا أخى، أخوك موقوف ليه زمن وحمدت الله لقيت لي وقت نتونس مع أولادي والمدام وأصحابي، يا أخى مالك علي عايز ترجعنى للعك تانى
دعنى أشكرك والحزب الشيوعي عموماً .. ناس الحزب الشيوعي ناس نضيفين من ناحية الأمانة وحفظ حقوق الناس وأعراضهم ودماءهم .. لكن ما تفرح كتير، دا ممكن يكون سببه أنكم أصلاً ما أستلم السلطة ولو أستلمتوها ممكن تمعطوا الشعب السودانى زي ما يفعل الكيزان .. وكلمة المعط بلغة البقارة تعنى نتف الريش أو الشعر بصورة حادة ومألمة بغرض التشفي .. مثلاً الجدادة لو زعلتك ممكن تمسكها و تمعط ريشها ريشه ريشة.. حتى بعد داك تفكها خالي ريش كيتاً فيها وباقي الجداد يبدأ ينقرها زيادة في عذابها
أنظر يا علي، أنت تقول علينا قبليين، لاحظ الحركة الشعبية في خلال شهر من أعلان الجنوب قفل الحدود ماذا فعلت في ديار الحوازمة .. نهبت حوالي 1600 رأس من البقر وقتلت 7 رعاة من أبناء الحوازمة، طبعاً الهدف واضح، الحركة فقدت المؤون الغذائية وعادت لقديمها هو تشوين وتغذية جنودها علي حساب ثروة المواطنين العزل .. طبعاً الشيوعيين لن تفقوا معنا لأنكم واقعين في مغالطة أن الدفاع عن القبائل يعنى الوقوف في صف الحكومة أو ضد الحركة الشعبية
وبعدين قول للأخ قسم الفضيل، حرام عليك تضع صورة أبراهيم بقال وتضع عليها وشي .. يا أخى أنا زول ضخم مثل العبار دينق .. طوالي ست أقدام وثلاثة بوصات .. وحجمى 190 باوند يعنى أنا أطول من الفارس حميدتى وول أبا الشيخ موسي هلال .. و أنتم لو عارفين أنا متحدي العبار دينق سنتين .. ومرة قابلت العبار دينق قدام ول أبا الناظر هشام هبانى .. ودينق خاف منى .. طبعاً دا بعدما أنا عملت حبة بروفات ودراما قدام العبار .. صاحبكم حرش وولي الدبر .. والكلام دا كان فندق "دبل تري هوتيل" ودينق عارف محله وين
بالله يا ول أبا علي أنشر الكلام في البوست ..
تحية ليكم جيمعا
بريمة
|
أنا ما عارف الكلام دا مناسب الأن، لكن ما جعلنى أضعه هنا .. أنا قلت أنا متحدي العبار دينق في المصارعة .. وهو حرش .. وهذه حقيقة أنا عايز نثبتها!
بريمة
| |
|
|
|
|
|
|
|
|
|
Re: كل عام وأنتم بألف خير .. عدنا (Re: Biraima M Adam)
|
اووووو حبيبنا بريمة
الكرورابى الاصيل
جلالدينك يرحب بمقدمك الكريم
و عيدك مبارك و ينعاد عليك بالخير و اليمن و البركات
و الاسرة الكريمة وكل الاهل و المعارف و خاصة اخونا كبر
و اخونا سمعة
.. و ذلك ..
نيابة عن نفسى و اصالة عن بقية الكروراب
و عساهم بالف خير
| |
|
|
|
|
|
|
|
|
|
Re: كل عام وأنتم بألف خير .. عدنا (Re: مني عمسيب)
|
جلالدونا
كل سنة وأنت طيب ..
Quote: اووووو حبيبنا بريمة
الكرورابى الاصيل
جلالدينك يرحب بمقدمك الكريم
و عيدك مبارك و ينعاد عليك بالخير و اليمن و البركات
و الاسرة الكريمة وكل الاهل و المعارف و خاصة اخونا كبر
و اخونا سمعة
.. و ذلك ..
نيابة عن نفسى و اصالة عن بقية الكروراب
و عساهم بالف خير |
يا أخى عفي الله عما سلف .. والله ما ماسك علي أي زول .. ونسأل الله للكروراب عيد سعيد ..
بريمة
| |
|
|
|
|
|
|
|
|
 Re: كل عام وأنتم بألف خير .. عدنا (Re: Biraima M Adam)
|
ول أبا المسلمي،
كل سنة وأنت بخير ..
Quote: بس الحكاية جايطة والموية تكضب الغطاس
ورحم الله اخونا ول ابا كباشي الصافي
----
وعبرك نبارك العيد للأخ قيقراوي |
رحم الله ول أبا كباشي .. وأسكنه فسيح جناته ببركة ليالي العيد ..
ول أبا .. نحن جايين بالخطة ب .. أنا تب متنازل عن حاجات كتيرة وماسك في عرقوب حبوبتى الأفريقية الخالصة .. وعلي هذا الوتر أخوك ح يعزف حاجات كتيرة. 
تحياتى
بريمة
| |
|
|
|
|
|
|
|
|
|
Re: كل عام وأنتم بألف خير .. عدنا (Re: Fatima Alhaj)
|
الأخت الأستاذة فاطمة الحاج
كل سنة وأنت والأسرة بألف خير ..
Quote: هلا بأخونا بريمة كل سنة وأنت والاسرة بألف خير.
ياهلا بالعودة، ولا حالاً بلاك. |
والله يا فاطمة جانا العيد لكن نحن هنا في منطقة رستون في فرجينيا في حزن شديد .. البنت النوبية الشابة التي قتلت في أواخر رمضان هي من الكميونتى بتاعنا .. 17 طفل من أطفالنا كانوا معها .. داخلين في حالة نفسية سيئة.
دعواتكم لينا ..
بريمة
| |
|
|
|
|
|
|
|
|
|
Re: كل عام وأنتم بألف خير .. عدنا (Re: Fatima Alhaj)
|
| Quote: دي نفس الفتاة المصرية القُتلت وهي طالعة من المسجد ؟ |
نعم هي نفس الفتاة .. ناس couseling .. والخبراء النفسانين .. وال social workers .. والبوليس ووحدات التراما .. شغالين مع الأطفال منذ يوم الحادث ومازال الرعب في أعينهم حينما تتحدث لأحدهم.
ما عارف أبناءنا في الكراكير في جنوب كردفان .. كيف يكون حالهم وكم سنة يحتاجون للعلاج النفسي .. هل يجدون علاج نفسي أصلاً؟
بريمة
| |
|
|
|
|
|
|
|
|
|
Re: كل عام وأنتم بألف خير .. عدنا (Re: Salah Zubeir)
|
الكريم الفارس ولدأبّأ بريمة
ياخي شوقنا قرّب يغرّق القنطور
وقرمنا ليك قرم المجضم لمسكة كباية الشاي
وعشمنا في جيتك قرّب يبقى زي عشم الكلب في موية الابريق
وبقينا ننطط مزرورين زرة الفار في البخسة
وكان العيد بس البجيبك
ندعو الله كل يوم يكون عيد
| |
|
|
|
|
|
|
|
|
|
Re: كل عام وأنتم بألف خير .. عدنا (Re: محمد مجيدو)
|
الهبيب محجوب .. دور شيد
كل سنة وأنت طيب ..
| Quote: بس علي عبدالله هو ليس علي عبدالله حسن VIP |
كن كده يالهبيب .. أخر لقب هو دورشيد .. لقبك أنت .. عفووا نحن دخلنا الزون بتاع الزهايمر ولا شنو!
بريمة
| |
|
|
|
|
|
|
|
|
|
Re: كل عام وأنتم بألف خير .. عدنا (Re: Biraima M Adam)
|
وأبا إسماعيل،
كل سنة وأنت طيب ..
Quote: الكريم الفارس ولدأبّأ بريمة
ياخي شوقنا قرّب يغرّق القنطور
وقرمنا ليك قرم المجضم لمسكة كباية الشاي
وعشمنا في جيتك قرّب يبقى زي عشم الكلب في موية الابريق
وبقينا ننطط مزرورين زرة الفار في البخسة
وكان العيد بس البجيبك
ندعو الله كل يوم يكون عيد |
أنت نحن الفاقدنك .. وين أختفيت .. ؟ حمد الله علي عودتك ..
بريمة
| |
|
|
|
|
|
|
|
|
 Re: كل عام وأنتم بألف خير .. عدنا (Re: Ridhaa)
|
وّل أّبا بريمة...
كل عام وأنت وأسرتك بألف خير وعافية..
و حمد الله على السلامة..
نشوفك ان شاء الله بعد نرجع من الاجازة الصيفية.
شايفة الجماعة عصرتنا ليهم جابت نتيجة..
و السودانيين عرفوا الراجيهم !
| |
|
|
|
|
|
|
|
|
|
Re: كل عام وأنتم بألف خير .. عدنا (Re: عمر دهب)
|
ول أبا مجيدو
كل سنة وأنت طيب ..
Quote: حبيبنا بريمة بلل ...
كل سنة انت واسرتك الجميلة بخير وصحة وسعادة ..
ومرحب بعودتك الميمونة ...
وفعلا المنبر بلاك كان خلاء...
اها الجديد شنو ؟؟؟ وش ضاحك مدردق
تحياتي ....
عااالم بطااالة ... |
كتر خيرك .. ثلاثة من أرض النوبة يحملون لقب ول أبا عندي .. هذا اللقب خاص بالبقارة .. الأستاذ مجيدو واحد منهم .. وأنعم به من رجل.
بريمة
| |
|
|
|
|
|
|
| |
Biraima M Adam
حامد عبدالله
محمد حيدر المشرف
Abu Baker Ahmed Abdel Rahman
علاء سيداحمد
اسماعيل عبد الله محمد
Nasr
Deng
حيدر حسن ميرغني
جمال ود القوز
احمد حمودى
ABDALLAH ABDALLAH
Ali Abdalla
علي دفع الله
عزالدين عباس الفحل
جلالدونا
عبدالحفيظ ابوسن
محمد المسلمي
مني عمسيب
سيف اليزل سعد عمر
Fatima Alhaj
Kabar
Mahjob Abdalla
مامون المعتصم أحمد
Salah Zubeir
محمد مجيدو
nour tawir
فيس بوك
تويتر
انستقرام
يوتيوب
بنتيريست