|
|
 Re: اعتذار عن خطأ في موضوع موصللي /حاتم (Re: Osama Mohammed)
|
أستاذنا وأخونا أسامه ..
أثمن إعتذارك لكن لا تحمل نفسك فوق طاقتها الخلاف ده قديم ..
وحتى من قبل ظهورك ومشاركاتك في الآونة الأخيرة ..
أو حتى تداخلك في النقاش الدار بين الموصلي وحاتم ..
عموما اعتذار جميل ومقبول ..
بالنسبة لمداخلتي المشار إليها والموجهة لي أخونا أمير بوب ..
كما يعلم الجميع تم تواصل بالايميلات بين أخونا أمير بوب ..
والأستاذ موصلي وأطراف أخرى .. الكلام ده ما عجبني ..
عشان كده صرحت بعدم قبولي للاحساس الوصلني وقتها ..
كان رأيي وقتئذ إنه زي ما نحن اتغالطنا هنا نتم الغلات هنا ..
وعلى المكشوف وامام الجميع يعني مافي حاجة تتم بي ورانا ..
أو تحدث تسويات أو جبر خواطر وكلام من النوع ده ..
وفعلا جاء أخونا امير وقال مافي أي تراجع في موقفه ..
وحيواصل عادي ..
لكن ملاحظتي إنه بعد الرسائل والتواصل التم كتل حيلو شويه .. هههههه ..
وهسه شايفه مافي شكلو شتت وكبر اللفة من موضوع الكاونتربوينت ..
عشان كده قلنا ما دايرين أي معارف ولا صحوبيات ولا شلليات ..
ولا عايزين أثناء نقاش مهم يكون في تنسيق ونظام تواصل تحت تحت ..
شغل تلفونات وكلمني وأكلمك وراسلني وأراسلك ودق لي وادق ليك ..
بالذات في المواضيع المهمة والماسة زي الحصلت في الفترة الاخيرة دي ..
العنده الحقيقة يقولها لينا قدامنا هنا ده .. عشان نستفيد كلنا من النقاش ..
والا ده ما يكون منتدى حوار ونقاش عام أحسن يسموهو منتدى خاص ..
فما تشيل هم يا أسامه دي نقاشات بتخلص وما أظن في زول سوي وطبيعي ..
حيظل شايل في نفسه من زول ناقشه أو حدث خلاف معاه هنا في السايبر ..
لانه ببساطة ده زول ما بيعرفك ومافي علاقة تربطك بيهو أصلا ..
فكلنا أخوان وأحبة ووالله كان علي انا بعمل (شت داون) للكمبيوتر ..
وبمشي بشوف الوراي شنو وبنسى كل الدار في المنتدى من خلافات ..
وبرميها وراء ظهري لانه ده عالم موازي وافتراضي ومختلف جدا ..
عن عالمنا العايشنو ده فليس من الحصافة إنه الزول يحمل المنتدى ..
اكثر مما يحتمل بالذات في مسائل العلاقات الاجتماعية وردود الأفعال ..
فقط ما يبقى هو المعلومة والمعرفة التي جناها أحدنا من السايبر..
دمت يأباز ياخ زي ما بيقول ليك أمير بوب ..
وشاكر جدا ياسيدي على حسن ظنك بي وده من أصلك الطيب ..
حكمة شنو ياخ ..
عارف انا بعتمد على إني أقول الكلام الأنا شايفه صاح وبس ..
غض النظر عن الطرف الأنا وقفت معاهو أو ضده ده منو ..
كلهم أخوان لكن ما بعرفهم .. فمافي تحيز لي زول ..
ده الجايب الحكمة دي لو أصلا في حكمة ..
ارتن حسبر ...
|
|
 
|
|
|
|
|
| العنوان |
الكاتب |
Date |
| اعتذار عن خطأ في موضوع موصللي /حاتم | Osama Mohammed | 06-24-17, 02:51 PM |
| Re: اعتذار عن خطأ في موضوع موصللي /حاتم | Osama Mohammed | 06-24-17, 03:13 PM |
| Re: اعتذار عن خطأ في موضوع موصللي /حاتم | أبوبكر عباس | 06-24-17, 03:53 PM |
| Re: اعتذار عن خطأ في موضوع موصللي /حاتم | Osama Mohammed | 06-24-17, 04:20 PM |
| Re: اعتذار عن خطأ في موضوع موصللي /حاتم | جمال ود القوز | 06-24-17, 03:54 PM |
| Re: اعتذار عن خطأ في موضوع موصللي /حاتم | امير بوب | 06-24-17, 05:09 PM |
| Re: اعتذار عن خطأ في موضوع موصللي /حاتم | امير بوب | 06-24-17, 05:14 PM |
| Re: اعتذار عن خطأ في موضوع موصللي /حاتم | امير بوب | 06-24-17, 05:28 PM |
| Re: اعتذار عن خطأ في موضوع موصللي /حاتم | جمال ود القوز | 06-24-17, 05:40 PM |
| Re: اعتذار عن خطأ في موضوع موصللي /حاتم | Osama Mohammed | 06-24-17, 08:00 PM |
| Re: اعتذار عن خطأ في موضوع موصللي /حاتم | Osama Mohammed | 06-24-17, 07:38 PM |
| Re: اعتذار عن خطأ في موضوع موصللي /حاتم | امير بوب | 06-24-17, 08:50 PM |
| Re: اعتذار عن خطأ في موضوع موصللي /حاتم | Nasser Amin | 06-24-17, 09:33 PM |
| Re: اعتذار عن خطأ في موضوع موصللي /حاتم | جمال ود القوز | 06-24-17, 09:34 PM |
| Re: اعتذار عن خطأ في موضوع موصللي /حاتم | على محمد على بشير | 06-24-17, 10:14 PM |
| Re: اعتذار عن خطأ في موضوع موصللي /حاتم | امير بوب | 06-24-17, 11:32 PM |
| Re: اعتذار عن خطأ في موضوع موصللي /حاتم | Osama Mohammed | 06-24-17, 11:44 PM |
| Re: اعتذار عن خطأ في موضوع موصللي /حاتم | يحي قباني | 06-25-17, 00:29 AM |
| Re: اعتذار عن خطأ في موضوع موصللي /حاتم | Osama Mohammed | 06-25-17, 01:52 AM |
| Re: اعتذار عن خطأ في موضوع موصللي /حاتم | Osama Mohammed | 06-25-17, 01:39 AM |
| Re: اعتذار عن خطأ في موضوع موصللي /حاتم | Osama Mohammed | 06-25-17, 01:33 AM |
| Re: اعتذار عن خطأ في موضوع موصللي /حاتم | حاتم إبراهيم | 06-30-17, 12:15 PM |
| Re: اعتذار عن خطأ في موضوع موصللي /حاتم | Osama Mohammed | 06-30-17, 02:44 PM |
|
| |
جمال ود القوز
فيس بوك
تويتر
انستقرام
يوتيوب
بنتيريست