|
|
 Re: عيدية لبريمة والهلباوي وحماد: بت ابا صفاء (Re: Kabar)
|
ول ابا بريمة..
حبابك يا ولضمي..جيتا جيت..
عيد الحول ما يغضب زول..والله يخلي ليك الطويرات تملى العش لمن يدفق وتطير بالعافية والسلامة..!!
سعيد بي شوفتك يا قريبي..وكتر خيرك على الهدية السمحة..الجهجهتني في حناني ذاتو..!!
طبعا لأني مارق من حلقات ناس ارض السمر في الدلنج وكادقلي..وفيها رقراق درملي حنون.فقمت طوالي افتكرت الموضوع درملي..لكن الصفقة عدلت راسي ..وجابتني في القالب..!!
كتر خيرك كتير يا ول ابا..واسمح لينا نشيل النقة بتاعة الرقصة ..عشان نجعلها مدخل لنقة تانية خالص..قد تعجبك او لا تعجبك..ومش مهم ..لأنك انتا زول مضمون..لكن الكلام في عيال وبنات البقارة..الرايح ليهم الدرب في الموية..!!
كتر خيرك يا بريمة..!!..خلي بالك الصراع مداهو كبير شديد..فقط كن هنا يا حبيب..والباقي هين..!!
انا حارس الطملة يا ول ابا..متل بولي طير البحر..وبكرة ح تعرف..الغبينة ما بتبني..ولكن المباصرة ياها البتبني..!!
كبر
|
|
  
|
|
|
|
|
| |
Kabar
فيس بوك
تويتر
انستقرام
يوتيوب
بنتيريست