شهور عديدة ، في مصاقرة المنبر ، ما قريت لي بوست من طقطق لغاية احم..ياخي لمن عملت لي مخطط خريطة طريق عديل لمسار البوست ده..!
بعد السلام على معاوية الزبير (صاحب الغار) الذي جمع هذا الجمع الجميل ، وعثمان صاحب النص الشعري المستفز للغاية..هنا هبشات على الماشي..والنقة حول تفاكير النص..جاية ورا..!
عبد الحفيظ..من علالي صلاح عبد الصبور وعاطف خيري..وعشا البايتات ومقنع الكاشفات القام عمل زوق مع (القطاعيات)..قام ، وبدون مبرر عمل (لكنة)عجيبة..!!..عاهرة شنو يا عبد الحفيظ ، النص جخنون انساني للغاية بتكلم عن الوحدة والغربة والإستيحاش..يعني نظام (مافيش عاهرة) يا قريبي..وده بيقودني لمدخل معاوية المدير المختلف للغاية (ياخي انا ذاتي لمن استغربت وقلت في بت ام روحي ول ابا ده عندو شطحات نبيلة شديدة خلاس..!!)..معاوية اتكلم عن (مهنة الإستربتيز) يا ريت يواصل فيها شوية..لغاية الجماعة البفكو ورقة امخمسين دولار فكة حديد..ويشيلوا و يجدعوا..يجدعوا وين وفي شنو..خليها في سرك يا عبد الحفيظ لأنو لو شرحنا..مش تهدر دمهم..ياخي انا وقريبي معاوية المدير ..ناس الله ساكت ..على بالحلال تهدر دمنا مع الجوقة..!!
الكونسرتيف فيمنست يا عبد الحفيظ عندهم متل رأيك وراديكال عديل..لكن في ناس تانية بتعتبر القصة مهنة..وسلف اكسبريشن وعرض للجمال وخلقة الله ..البتقول عليها الكوزات (واما بنعمة ربك فحدث..!!)..بس معاوية المدير عمل (لكنة) لمن قام هاجم صاحب النص واعتبر ضمير المتكلم في النص بيسخر من (الإستربتيز)..وين يا عمك ياااااااااخ..!!..ضمير المتكلم في النص بيتحدث عن وحدة الإنسان والوحشة..والغربة.. ومظنة الغريب للغريب قريب..ولا تغرنك حكاية (وجه بلا قسمات)..!!
الباقر عثمان ، يا معاوية الزبير ، وليس صديقنا عبد العظيم عثمان..قال كلام دقيق للغاية (موضوع جديد وتناول جديد)..كلام ما بيمرق بالهين من زول فنان زي الباقر..ودي الحتة الخلتني اقوم اعيد قراية النص وامرق بالنقة الجاية..!!
عبد الحفيظ ، الملك ، قباني ، ابكر الطويل..دخلوا بحر المعاني..ومرقوا باصداف جميلة وانيقة..شغالين في المعاني..وما قصروا تب..
جلال وابراهيم وقفوا في الشكلاني..نظام جبهة مستقلة..ونقطة جلال عندها مشروعية اجبرتنا نكتب كلامنا الجاي البيشكل رد مباشر لنقة جلال..!!
بالجد بوست شكل لي عيدية خاصة..ولو ربنا مد في الأيام في الفطر.نجيب شواهد تدعم كلام اخونا معاوية المدير..واعمق من ذلك فكرة الرقص..وياعثمان ليه الإنسان الأفريقي (امرأة ورجل) بيمارسوا الرقص بدون مقابل؟..رقيص في السهلة..لكل موسم ، لكل مناسبة ، لكل تفصيلة رقصة؟.. وين فكرة التعبير عن الذات والرؤية تجاه الكون من النقة دي؟..
هسع يا معاوية المدير لوقلت لعبد الحفيظ اب سن ..الإستربتيز ..واحد من وجوهو اشغال ناس نجوى فؤاد وفيفي عبده..تفتكر ح يصدق؟..ماياهو نفس الشغل..لكن لمن وصل اوربا ونورث اميركا عملوا ليهو شوية بهارات كاشفة..!!!! بعد العيد يا معاوية المدير..لو ربنا مد في ايامنا..ذكرني..نجيب بعض الحاجات من شرق افريقيا وغرب افريقيا ووسط افريقيا (ناس امسودان وكده)..لأنو الإستربتيز..زي ما قلت مهنة..وفي بعض الثقافات..مجرد.. Fun ساكت..!!
سعيد..ان تجتمع الناس النيرة دي..وبكل تلقائية حول نص شعري ليهو قدرة على الإستفزاز بصورة مبالغ فيها..!!
ولصديقنا عثمان..لمن كنت بقرأ في نص (عينان)..وجاتني الرغبة اعمل شوية خربشات..كنت بتفرج على حاجات فنان من مالي اسمو (بابا صلاح)..عندو اشغال جيتار جميلة..والحفلة دي اخترتها مخصوص..لأنها في بيت ..وشكلها حفلة تلقائية للغاية..!!..شوف الخواجية والخواجي النزلو ساحة الرقص..مافاقدين الإ (العمود المعدني البراق)..!!..وهذا ليس بمثابة حكم اخلاقي على النص وضمير المتكلم فيهو وصاحب النص..وانما هي مقاربة..فقط..!!
ونستأذنك يا عثمان في التلاعب الشكلاني بنص (عينان)..نو اوفنيس يا صديقي..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
فيس بوك
تويتر
انستقرام
يوتيوب
بنتيريست