اربعه سنه انتظار وفي الآخر يعرس بت عمه قال أهله غصبو!سبحااان الله الزمن دا في ولد والا بنت بتغصب علي شي ما دايرو؟الحكايه بدت ونحن داخلين الجامعه اتعرفت عليه والا اتعرف علي مابتذكر بتذكر كنا الاتنين ظروفنا زي بعض أهلنا برسلولينا تقريبا مصاريف قدر بعض هو في الجمعه والسبت بشتغل طلبه بنا وماشاءالله كسيب بسد فرقة قريشات اهلووبسلفني لو احتجت المظهر دا ما عارفه كيف بس سترتني حكاية اللبس الموحد دي هو كان ماشاء الله عنده غيارات ماليهن حد قال عمو اخو أبو رسل ليه اول مانجحووعدو لو جاب نتيجة سمحه يسوقو معاه قطر القروش مطر.
عدت الأيام وسبحان الله كان مهذب تهذيب شديد مره واحده قال لي انتي زولتي اشان كدي ماداير أشوفك مع زول وكان دايره شرح كلميني..تاني ما عاد الكلام وبقي زي الشاي والقهوة لازم يوميات نقعد نحكي ونقص ونتكلم في شنو م بتذكر بس الكلام بجيب بعض مبسوطين وحتي بقي مره مره يقسم لي من صرفيتوالمهن لي وقال عاوز لمن يرجع أهله يشتري الهدايا اشان أبو م يرسل ليو مصاريف طبعا عجبني زياده وقلت المافيه خير لاهلو مافيهو خير للناس والكليه كلها عرفت امنه ومحمد وانا في كل صلاة أدعي الله يكون لي نصيب والبنات ناس غاده وتغريديقولن لي اصلا ماتصدقي ولد والله الولاد ديل كذابين تكوني ضيعتي احلي سنوات لا مرقتي لا دخلتي لا عملت علاقات النصيحه بيني وبين نفسي كنت بقول حاسدات عينن في محمد.
انا زي بت الثانوي من الداخليه الكليه المكتبه والعكس مسكت أولي دفعتي في مختبرات بمزاج شديد ومعدل عالي م نزل من اربعه إلا في السنه الاخيره وكان هو السبب مرض شديد لمن الناس قنعومنو ورسلو لاخوه جا قعد معاه لمن الامتحانات انتهت في الونسه مع اصحابو قال محمد خاطب بت عمه والكلام بدأ يتنقل من خشم للتاني لمن وصل غرفتنا والبنات بدن يحكن بهبالتي بشطارته يغشوها!
صحي كيف آمنت انه يستحيل يكذب فيني جزء ما صدق سهي لمن جات كلمتني اصلا نفسها تجي الأولي وانا م اديته فرصه اول م عرفت وكنا نازلين امتحان تاني يوم جات تتقدل وتتهاظر غاده حاولت م تخليها تتكلم معاي لكن كانت مصره تقول الفي نفسها اصلا عملت الحجه أنها عاوزه تسخن مويه تعمل شاي وبعد خلصت قالت لي بلا مبالاة انتي عارفه محمد عثمان خاطب بت عمه الكلام جاني من بعيد اول او م ركزت معاها شديد تاني سمعتنيالسؤال قلت ليها محمد عثمان منو
قالت لي محمد عثمان زول هندسه طبيه ضحكت قلت ليها يازوله عارفه نيتك السودا اطمني ما في ليك ح اخد أعلي معدل واتعين مساعد تدريس الغريبه م ردت علي وبنات الغرفه عملو ماسمعوها..انا راسي اظن جاط شويه لأني نمت حتي م صحيت الصبح ذاكرت مشيت الامتحان وفي النفس شي من حتي .
امتحنت كيف ماعارفه اتحولت لزوله إليه كتبت الاجابات مرقت اول واحده المراقب تلاته مرات اقول لي عاوزه أسلم يقول لي الزمن لس في النهايه زهج استلم كراستي..مرقت زي الاله هندسه انتظرت تماما تحت القاعه اول ما شافني جا علي سلم كأنه ما في شي امتحنتي كيف؟
أنت يا محمد صحي خاطب قريبتك؟ م اتغيرت ملامح وجه زي م اتخيلت رد بكل ثبات أيوه خاطبين لي م خطبتها فرقي بين الاتنين.
وانا؟؟؟
ليه الغلب والدموع انتي ياك زولتي وأن شاءالله نصيبي
وبت عمك؟
عزيزه وغاليه لكن ماليها عندي غير الخوه
امتحنت كيف
الحمد لله حل اتخرج غايتو الجيد محمدنا وانتي اكيد امتياز
أن شاءالله يلا انا ماشه معاك سلامه
وانا راجعه كورك لي يابانيه
أتلفت عليه قال لي النظره الفي وجهك دي ماعجبتني قلبك بقول ليك شنو؟ابتسمت ابتسامه بلهاء لا معني لها ورجعت الكليه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مها عبدالمنعم
فيس بوك
تويتر
انستقرام
يوتيوب
بنتيريست