|
|
 Re: الإعلان عن مقتل (214) من قوات الحكومة ومليشي (Re: azhary taha)
|
الكذب ... ما قلتوا دارفور آمنة!!
05-21-2017 11:41 PM
الرأى اليوم
الكذب
🔹الرأى اليوم بالدارجى الفصيح علشان كل الطبجية يفهموا
🔹 أمس الحكومة مش قالت التمرد فى دارفور إنتهى خالص
🔹الحاصل دا معناة شنو ؟
بياناتهم قالت غنمنا سبعين عربية وأسرنا ٣٤ وقتلنا كم كدا واحد
🔹دا مش المهم
المهم إنتوا بتكذبوا علي منو ؟
🔹المثل بيقول الكذب حبلوا قصير
وصلنا للحقيقة والمركب دقت القيف
🔹دارفور غير آمنه والحرب مستمرة
وما زلنا فى حاجة للسلام
والحركات القالوا إنتهت ما زالت موجودة وقادرة تحارب
🔹أحرجتوا ناس مجلس الأمن الأفريقى الزاروكم من يومين وقلتوا قالوا دارفور آمنه هسي بعد تصريحاتكم دى
يودوا وشهم وين من الكذبة البلقاء دى
🔹وجيش تحرير السودان مناوى وراكم الطفا النور منو
🔹سمعنا قالوا جماعة حميدتى خلو العربات قالوا الجرى بالكرعين أسرع
جزء قُتل وجزء مصاب بالمستشفيات نيالا والفاشر والسلاح الطبى
والباقى طاشين فى الخلا اللهم لا شماته
🔹البلاد ما زالت فى حاجة لمشروع سلام عادل وشامل ينهى الحرب ويخاطب جذور الأزمة
🔹الجماعة الجبتوهم باسم الحركات طلعوا صناعة تايوان إستوزرو والحرب مستمره طلعوا مقلب
أقصر مسافة بين نقطتين الخط المستقيم
🔹مناوى +عبدالواحد +د.جبريل
ختاماً العوج رأى والعديل رأى
والكذب حرام
صلاح جلال
|
|
 
|
|
|
|
azhary taha
فيس بوك
تويتر
انستقرام
يوتيوب
بنتيريست