|
Re: الهلال ظاهر شكلو تعبان!!! مالو؟ في شنو؟ الح (Re: محمد البشرى الخضر)
|
الاخ محمد البشرى تحية طيبة
في اكعب من كدة؟ كان كدة مسخرة عديييييييييل
ياخ تلاتة باصات زي الناس ما شفتها وتضييع فرص مبالغة والله بتي الصغيرة تدخلها الشبكة
جارين وراء الكورة زي الشفع. ياخ شفت الصاوي دة بقيف وين ؟ والله المريخاب بختهم بيهو غايتو ... لكن زي ما قلت فوق اديهو شهرين تلاتة مع اللت والعجن بتاع الكورة السودانية دي ي يخرب ي كمان الهلال يشوف ليهو صرفة.
ودي،،،،،،،
| |
|
|
|
|
|
|
Re: الهلال ظاهر شكلو تعبان!!! مالو؟ في شنو؟ الح (Re: طارق ابراهيم ابوالفضل)
|
يا سيف كيفك وكيف اخبارك
كاريكا دة مثال حي للسوداني المزاجي مرة مرة كدة يلعب باص بي كعب يقوم يتكيف يجيب قون وهكذا..
الكورة دايمما مرتبطة بي احوالالبلد والبلد ما شاء الله.
زمان ف عهد الديمقراطية الهلال وصل نهائي الابطال والمريخ فاز بالكاس . هزيمة البرازيل سبعة من المانيا ناس كتار قالو السبب عدم الاستقرار السياسي البرازيلي.
م داير اقدكم بالسياسة لكن الهرج والمرج دة من فووووق بس كاريكا كعب والله ...
| |
|
|
|
|
|
|
Re: الهلال ظاهر شكلو تعبان!!! مالو؟ في شنو؟ الح (Re: Osama Mohammed)
|
حال الكوره من حال البلد وكانت هى الحاجه الوحيده المصبره الناس
المريخ لديه فرصه للتحسن بعد اضافة محترفين ومحليين جدد ولديه اربعه خانات افريقيه فارغه ويمكن يتحسن للامام فى مقبل الاستحقاقات الافريقيه والمحليه بعد الاضافات هذا ان جاءت نوعيه
اما ابناء عمومتنا ففرصتهم ضيقه وعليهم تجهيز الموجودين فقط لان الهلال لديه خانه واحده فقط خاليه افريقيا
| |
|
|
|
|
|
|
Re: الهلال ظاهر شكلو تعبان!!! مالو؟ في شنو؟ الح (Re: الهادي الشغيل)
|
الاخ علي تحية طيبة طبعا انا مشجع هلالابي بس مامتعصب شديد لكن مثلا هلال 1988 حضرت كل مبارياتو المحلية والافريقة حتى كورة النهائي ذهاب حضرتها. ومتذكر مرة كنت ف السودان ايام التسجيلات وكنت حارس ود حلتنا اللاعب والصديق العزيز هيثم كمال عشان ما يجو يشيلوهو ناس المريخ ومتذكر جو اقطاب كتار خامين شنط ملانة قروش لكن عم كمال رحمه الله رغم انو كان مريخابي لكن نصح ولدو يسجل للهلال ومتذكر مرة كنت جبت معاي الصحفي مصطفى مختار وشهد حضور احد الاقطاب بشنطة ملانة قروش ،،، المهم داير اوريك انو رغم حبي الشديد للهلال لكن دايما بقدر الاعبين الممتازين ف المريخ ودة يمكن لانو باعتبر الكورة فن راقي وطبعا اي (فنان) كان ف الهلال ولا المريخ بنقول راينا طوالي . لك الشكر واتمنا التوفيق للهلال والمريخ سوا
Quote: حال الكوره من حال البلد وكانت هى الحاجه الوحيده المصبره الناس المريخ لديه فرصه للتحسن بعد اضافة محترفين ومحليين جدد ولديه اربعه خانات افريقيه فارغه ويمكن يتحسن للامام فى مقبل الاستحقاقات الافريقيه والمحليه بعد الاضافات هذا ان جاءت نوعيه اما ابناء عمومتنا ففرصتهم ضيقه وعليهم تجهيز الموجودين فقط لان الهلال لديه خانه واحده فقط خاليه افريقيا |
| |
|
|
|
|
|
|
Re: الهلال ظاهر شكلو تعبان!!! مالو؟ في شنو؟ الح (Re: Osama Mohammed)
|
الاخ الهادي تحية طيبة المباراة كانت اسوأ من الددافوري كلام صحيح اما السماني الصاوي دة والله حسدت المريخ عليهو .
الله يستر عليهو ما يخرب
لك الشكر
Quote: مباراة مملة التقول لاعبين كرة طائرة كلها في الهواء فوق وفي كل دقيقة لاعب واقع مصاب يعني لا يمكن ان تستمر الكورة 5 دقائق متواصلة .. كورة مرض .. لفت انتباهي لاعب المريخ السماني الصاوي لمساته حلوة وتحكمه في الكرة ممتاز ومهاراته عالية واحرز هدف خرافي . ا |
| |
|
|
|
|
|
|
Re: الهلال ظاهر شكلو تعبان!!! مالو؟ في شنو؟ الح (Re: الحاج حمد الحاج)
|
الأخ أسامة تحياتي
هاك دي قفشات من بابكر السلك كتبها في موقع الكورة
Quote: * فرطنا فى نقطتين من خارج الأرض من فريق الحظ وحده هو ما صعد به للمجموعات * وكان السبب الأساسى فى التفريط هو عدم إحترام ناسنا للمواسير * مع إصرار المواسير على تقديم عطاء وافر لتغطية شح المهارات لديهم * غايتو أمس مافى زول بلع خرشه * ولا فى زول إتعاطى المكروه * لأن من يدفع للناس للخرشه ولتناول المكروه هو الشيطان * وأمس الشواطين ما كانوا فاضين * كانوا مشعولين * شيطان فاضى مافى * شمهروش وبلبوش مع بكرى * يجى يستلم يتزلق * باهو بيهى مع محمد عبدالرحمن * جننا جن * لكن أكتر شياطين تعبوا بلهوش وتلوش * ديل السمانى تعبهم تعب شديد * حاور أب سته لمن قعد * فبرك * فإنبطح * الناس الكبار ديل لما يقعدوا قومتهم صعبة * خاص صفحة الأحمر الوهاج * بعد داك حاور بلهوش وتلوش * حير ليك الشواطين * لف من بلهوش وتلوش وأبوعاقلة بى لفة واحدة * وتكلها ليك لى مكسيم محل برك الطير * ختاها ليهو برة الكاميرون * مكسيم إتلفت لقاها فى ياوندى * والحقيقة مكسيم طار معاها * أول يوم أعرف إنو مكسيم عندو لصقه فى ضهرو نص متر فى نص متر * مكسيم لما طار ورا كورة السمانى ملص الفنية * الحمد لله ما كانت أرضية * كان ملص الشرابات * والغريبة لو كانت على إرتفاع متر * المهم بعد القون مارد كبير زجر بلهوش وتلوش * قال ليهم بلغة الشواطين والأناطين * ليوشى سموشى ماشوشى خاوورى ساتوتى عاقولى بلهوشى تلوشى وعلوقى لى مكسيمو ماحولى طايورى راكوكى ؟ آنوتى ساووشى شنوشى ؟ * يعنى ليه السمانى يمشى ويحاور اب سته وأب عاقلة وبلهوش وتلوش ويعلقها لى مكسيم محل برك الطير؟إنتو بتسووا فى شنووووو؟ * خاص صفحة الأحمر الوهاج * وخط هيثرو العند النائب العام أخبارو شنووووووو * الشواطين قالوا لى المارد بى صوت واحد * آنوتى قاوولى مسوكى سمونى صاووووى ماقاوولى ماسوكى مارسيلو * أول مره شيطان يقول الحق * ده مارسيلو الصاوى ما السمانى الصاوى * تتجازى يا الصاوى * خليت الشواطين إعترفوا * الكورة الجايه إحتمال كبير يقولوها عديييييييييييييل * عفارم عليك يا مارسيلو الصاوى * أيها الناس * إن تنصروا الله ينصركم * أها * نجى لى شمارات والى الخرتوم * عاد يا والينا * بعد التشكيل وقبل إيقاف سهير * تانى مافى شمار عاد يا والينا * خاص صفحة الأحمر الوهاج سلك كهرباء ✯✯ ﻧﻨﺴﺎﻙ ﻛﻴﻒ والكلب قال ناس الريال لو شافوا السمانى مارسيلو ما بدقها معاهم تان |
| |
|
|
|
|
|
|
Re: الهلال ظاهر شكلو تعبان!!! مالو؟ في شنو؟ الح (Re: عبد الصمد محمد)
|
قد اخالف الكثيرين عن موهبة السماني
واعتقد اداءه كان يغلب عليه الحماس وهذا ردة فعل لما كتبه الاعلام الهلالي عنه في اوقات سابقة
كان يحرث الملعب حماسا هنا و هناك ولولا الهدف لكانت تمريرة بكري لمحمد عبدالرحمن الذي
وجد نفسه في مواجهة مكسيم اجمل ما قدم المريخ
اما نزار هذا من كوكب اخر
| |
|
|
|
|
|
|
|