05:20 AM April, 28 2017 سودانيز اون لاين يحي قباني-فى الدنيا العجيبة مكتبتى رابط مختصر الشارع رُمال و مسافته جبدة و لفة و الردف الثقيل للتوب يجابد و لفّ يا شبه الجدي البي النتايلَ قَــفة خوك شال الردف مين اليشيل القُفة
بالله لو في زول قادر يتخيل لي انا الذكرني ليها شنو ... يساعدنا بالكتابة ... ...
قال ابوي؛( في محبوبته السابقة؛ وقد تزوجت والماذون كتبها رسمي واخد عليها رسوم... يصف في حاله وماله؛) قال: بي ام صعيب* تراني احوم ومتحزم علي بطني وبقيت موهوم بخيت السجلك واخد عليك رسوم وبعد الحالة دي لي ريدة مافي لزوم يستشير ابي مجلسه العامر في لزوم يا جماعة؟ يردون بصوت واحد: مافي لزوم... ؛؛؛؛ هلا قباني وتسلم يا امير .......................................... * ام صعيب اسم قديم لحلتنا وبالمناسبة الرباعية اعلاها لا تحبها امي ابدا!!!
أشك يا ود قباني إنك تكون اتفرجت في لقاء محمد محمد خير مع تراجي (ولاحظ إنه تلاتتكم كنديين) بعنوان: "تراجي مصطفي -حديث عن خلافات الحركة الشعبية شمال"، لأن اللقاء دا كان فيه توب هيمن على الحلقة ولكن طبعا ما كان في قفة أو لفة!
05-03-2017, 03:21 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: أشك يا ود قباني إنك تكون اتفرجت في لقاء محمد محمد خير مع تراجي (ولاحظ إنه تلاتتكم كنديين) بعنوان: "تراجي مصطفي -حديث عن خلافات الحركة الشعبية شمال"، لأن اللقاء دا كان فيه توب هيمن على الحلقة ولكن طبعا ما كان في قفة أو لفة!
و الله تلاتتنا كنديين ...
مع اختلاف الاهواء ... يا محمد الأمين ...
05-03-2017, 03:25 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
يحي أمدرمان دي لازماك ليها رجعة و طواف في سوق أمدرمان و سعي بين سوق الشجرة و سوق أم سويقا أرمي الجمرات هنا في كندا و اتوكل. و ألف سلام ليك يا أمدر و ناس امدر ..... بوست هيج المشاعر
05-05-2017, 06:10 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يحي أمدرمان دي لازماك ليها رجعة و طواف في سوق أمدرمان و سعي بين سوق الشجرة و سوق أم سويقا أرمي الجمرات هنا في كندا و اتوكل. و ألف سلام ليك يا أمدر و ناس امدر ..... بوست هيج المشاعر
غيرك يا صاوي يا ود امدر ما بقول لازماك ( رجعة ) غيرك بقول لازماك ( مشية ) ... انحنا ليه نقول ( رجعة) ؟ لأننا اتعلمنا من عمنا عمر البنا وكت اتجرس ليهو كرومة في القاهرة و هو مشتاق لي ( نعيمه ) ... لما قال : إمتى ( ارجع ) لامدر و اعودها ...
بالله هاك اسمع المهندس ده .. هندسها كيفن :
05-06-2017, 07:51 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
شواق كتيرة و دموع شهودا .. وابواب الوصال لام خدود موصودا رمية العبادي او امير الشعراء دا بعد ما حسناء حي السماسرة امدرمان فتت قلبو ونما الى علمنا زي ما بقول (حدباي) وقال فيما قال اتناعس مايس قدل في الأرداف رمي الجدل في القامة الزاينة البدل شفنا الجور والعدل يا المايح هب واجل فيك اذلال قدري الاجل قلبي المابعرف الوجل هابك خاف سيف النجل وفي(فروع الحنة ) قال انت ديسك خدرك ماكِ صيدة غاب مـن فوارس حيِّك ليك غابة رماح اختصر افكاري خصرك المعقود مابيُمس بي كفة لاقميص لاعقود جاربو ردفاً جاير حلمه ليه مفقود عذرو واضح صدرك مالبو جوز تفاح خلّي امعن شوفو قول لي ايه يا النور هل رأيت لك دمية ام دا جام بَنّور جلّ من انشاها وصاغا شعلة نور هل دا جيد وقلادة ام نجوم وصباح المعاصم جدلة والكفيفات غوف والكتيف الهادل بالكفل مشغوف نايمة او كان صاحية حال جلوس ووقوف شوفو لاحم ديما ومِنّو مالو براح
05-06-2017, 09:51 PM
وضاحة وضاحة
تاريخ التسجيل: 01-16-2005
مجموع المشاركات: 9116
يحي .... الأغنية دي بتخليني هايم في دنيا تانية بتخلي أحاسيسي دايبه في الخيال
نعيمة عمتي هي ال ربتني و تحملت طيش شبابي و طول أيام غربتي في داخلي يتردد صدي إمتي أرجع
إختطف الموت العمة نعيمة ... و الموت حق لها الرحمة و النِعمة في الدار الآخرة
ود عمتي نعيمة رسل لي قبل كم يوم أغنية بصوت عشة أُم رِشيرش صوت مليان شجن و كلمات عندها ألف معني هي مزيج من العرضة و الحماسة و الحزن و الوطنية محتاجة متحصص يضعها في زمنها الصاح و يطلع منها بشيء مفيد ... أغنية عاوزة سمع بي الحاسة السابعة ح ارسلها ليك
لك و لضيوق البوست الود
05-09-2017, 10:42 AM
محمد فضل الله المكى محمد فضل الله المكى
تاريخ التسجيل: 03-29-2008
مجموع المشاركات: 4846
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
حيدر حسن ميرغني
عبدالمنعم الطيب حسن
أحمد الشايقي
د.محمد حسن
محمد الأمين موسى
Hamid Elsawi
Ahmed Yassin
وضاحة
محمد فضل الله المكى
ادريس خليفة علم الهدي
فيس بوك
تويتر
انستقرام
يوتيوب
بنتيريست