متحصل بولاية النيل الأبيض يأخذ إبنة أحد الرعاة مقابل ضريبة القطعان

Quote: تحياتي امجد القصة بالطريقة دي صعب تصديقها جدا بتأكد منها ..

Quote: عارف يا أخ أمجد سمعتًَ نكتة المساطيل الاثنين وبعد أن حلق بهم الخيال لسماوات بعيدة واحد سأل التاني قال ليهو : يا فردة والله في حاجة محيراني شديد، عندك ليها اجابة؟ التاني قال ليهو : قول لو قدرت بجوابك. قال ليهو : والله يا فردة أنا محتار شديد أنت الثعلب دا ببيض ولا بلدي؟ فاجابه: يا اخي دا ما مضمون ممكن يعمل الاثنين. فنحن نعيش في عهد اختفت فيه سلطة الدولة وسلطانها وهيبتها وحضورها يا اخي الحكومة دي ما مضمونة ممكن تعمل الاثنين

Quote: حبيبنا أمجد مع التحية ،، الرعاة ديل كان شالوا منهم سلخة تقوم حرب ليس لسبب القيمة المادية للحيوان ولكنهم يعتبروها إهانة تصل إلى درجة أنتهاك العرض .. لماذا يسكتون على أخذ ( بنت ) .. طيب معليش لو كان ( ولد ) شوية كده معقولة إستغرابي بأن الحيوان له كرامة عند الراعي فما بالك في بنت الظاهر الراعي ده شوية متحضر أو حداثي ما قبيلي (ههه ) أول مرة أشوف راعي مهادن .. وما عايز أقول جبان .. لأن ثقافة الرعاة مختلفة .. كل بلدان العالم .. ولا تتخوف الحكومات إلا من الرعاة مودتي أمجد ..

Quote: تحية طيبة لك ولضيوفك الكرام في خلل كبير اكيد في الكلام ده ...في حاجة بتجبر الواحد انو الكلام ده مايقع ليهو ........................... ........................... أخد الخروف ....ماشي ... أخد بتو رهينة !!!!!!!!!!!! يا اخي مامعقول ....... ابوها بقى اتجارى بين الجيران للدين عشان يفك بتو !!!!!!!!!!!!! ماااااااواقع لي الكلام ده عنداللفة بس : ------------ دي بتو ياجماعة بتو !!!!!!!!!!!!!

Quote: يا امجد.. طبعا من المستحيل اصدق قصة زي دي... اي نعم النظام الحاكم ده نظام سئ ووحشي ونظام فاسد...لكن ما للدرجة دي...لدرجة اخذ بنت رهينة بسبب عدم الاستطاعة لدفع الضريبة... وود ابو سن وعدنا بتقصي الحقيقة ....ونرجو منه ان يفعل ذلك.. وانا اقسم بالله الان اذا كانت القصة دي حقيقية،،والمسؤولين على علم بذلك ولم يتخذوا قرار بسجن ذلك الضابط الاداري، فسوف انضم اليوم قبل الغد للمعارضة المسلحة ضد هذا النظام الحاكم الفاسد الذي يذكرنا بمحاكم التفتيش في اوروبا في القرون الوسطى،،، لان المعارضة عن طريق الكيبورد والنضال الورقي لا يجدي مع هذا النظام الوحشي الباطل...واذا لم تكن هناك معارضة مسلحة في البلاد ، فيا للعار ويا للفضيحة.... ودمت بالف خير

Quote: بل فلنقم سرادق العزاء على كافة الشعب السوداني اذا كانوا سمعوا بهذه القصة ولم ينتفضوا ولم يهبوا لاقتلاع هذا السرطان الخبيث الذي يسمى بنظام الانقاذ، لانهم جاءوا ليس من اجل انقاذنا ولكن من اجل هواننا وذلتنا....اهناك ذل وهوان اكثر من ذلك!!!!!!!!!!!!!!!!!!!!!!!!!!؟؟؟؟؟؟؟؟

Quote: خيره بين دفع الرسوم وقيمتها (1200) جنيه في الحال أو أنه سوف يأخذ البنت كرهينة مقابل الرسوم فأضطر الرجل للإستندانة من جيرانه لتجنب بنته السبي.

Quote: البت كانت راعية وواجهت ناس التحصيل بالعنف وبتحصل كتير . الرواعية غالبا بكونو عنيفين جدا وبفتقروا للتعليم . المساومة بتبقا يا يدفع القروش او اعتقال البت بتهمة اعتراض موظف حكومي اثناء تأدية عملو

Quote: أنا من القصة دي فهمت إنو الضابط ما شال البنت كرهينة* و لكن كان حيشيلها لو ما الراعي إستدان و دفع القروش. القصة قد تكون حدثت فعلاً و قد تكون منجورة بكاملها و بين هذا و ذاك كثير من السيناريوهات المحتملة. __________ * رهينة هي الكلمة التي إستخدمها الراوي ربما الضابط إستخدم كلمة الحبس مثلاً

Quote: والله يا عبدالحفيظ ريحتني راحة .. الله يريحك دنيا وآخرة ياخ والله شفقت وخفته من الحالة الوصلنا ليها لو كانت القصة دي حقيقية .. وفي ذهني أيام الهوس في بداية التسعينات والراجل الملتحي ولابس عسكري وشايل سوط وبضرب في البنات في الشارع .. ولم يجد من يتصدى له من ديك عرفت إنو الإنقاذ دايرة تحولنا لي نعاج والله لامن قريت العنوان جاتني رجفة .. خوف ولا زعل ما عرفتها .. لكن إن حدثت مثل هذه القصة .. لا نستغرب أن يجوكم في بيوتكم ويسوقوا نسوانكم ووليداتكم وعيونكم تعاين البلد دي ما فيها بوعزيزي يمسكلو واحد من المتحصلين ديل يموتلو في خرزتو ؟؟

Quote: اخونا امجد سلام ممكن جداً الواحد يصدق القصة في السودان الكيزان ممكن يعملوا أي شيء لتحصيل الأموال لكن ... كون ... ان يسكت الراعي و هو ينظر بام عينيه للمتحصل و و ياخد ابنته ... اكاد لا اصدق ... ما أتوقع ان يسكت الراعي و يستسلم بهذه السهولة ...