بخصوص أن الخواجا لا يدري شئ عن ثقافاتنا دي أتفق معاك فيها كثيرا . هذا رغم أنه ليس بوسعي أن أنفي جهد الخواجا دا في التنقيب عن كثير من تاريخنا ، حتى لو أنه حرص على هذا الأمر من منطلق إستعماري .
فانظر مثلا كيف تحولت مفردة نوباي ونوبي ، والتي تعني العبد ..في كثير من الثقافات واللغات السودانية الحية حتى اليوم..تحولت إلى مسمى للحضارة الكوشية برمتها ، هذه الحضارة التي تعتبر هي وأختها الكمتية أقدم حضارات القارة .
فمعلوم تاريخيا بداية ظهور هذا المصطلح لوصف القطر مع الغزو العربي لمصر ، وثم تبنته المركزية الأوربية في علم المصريات ..ولم يتم تبنيه عبثا .. لماذا أتهمهم هذا الإتهام ؟ لأنهم بالوثائق بين أيديهم من نقوش وخلافه ..لا شك أنهم عرفوا الكثير عن مسمى كوش . فلماذا تجاهلوا مسمى كوش الذي أطلقه ملوك كوش على أنفسهم ..إضافة إلى ملوك كمت الذين أطلقوا على السودان إسم كوش ، إضافة إلى الكتاب المقدس ، وكذلك الإغريق والرومان الذين استخدموا مسمى أثيوبيا ؟
ليييه بالذات تم إختيار مسمى نوبة .. بدلا عن كوش ؟
Quote: كلنا نوبة
لا يا عزيزي بشاشا ، لا أتفق معك في حكاية كوننا نوبة التي تستخدم بصيغة باركوها يا جماعة .. لماذا لا أتفق ؟ أولا : كثير من المجموعات السودانية ..وعلى سبيل المثال المجموعتين التي إنتمي إليهن ..شرقا وغربا ، يفسرون هذا اللقب بمعنى عبد ، وهم لا يقصدون به إثنية أو إثنيات محددة ولن يفعلوا .. وبصراحة ، أنا أصدقهم في هذا التفسير ولا أصدق العرب أو الخواجا .
ثانيا : مصطلح نوبة كمصطلح تم صكه من قبل علماء المصريات لوصف الإقليم جنوب مصر ..ولوصف حضارته . هذا المصطلح كنا نقبله (على علاته ) .. كونه مصطلحا علميا فقط . ولكن الأخوة في أقصى الشمال ..ومعهم الأخوة في جنوب كردفان ، صاروا مؤخرا يحتكرونه لمجموعاتهم فقط ، وصاروا يقصون المجموعات السودانية الأخرى ..وطلعونا كلنا أجانب وافدين . وأنه هم فقط أصل الخضارة وأصحاب الحضارة . بل ظهرت مؤخرا مشاريع إنفصالية تهدف إلى ضم مناطق الآثار في شمال السودان وجنوب مصر تحت كيان يسمى نوبيا !! وصار هنالك نوع من الإرهاب لإخراس الآخرين الذين يتبنون مسمى كوش ، إلى درجة وصفهم ب( الكواشة ) وإتهامهم بالعمالة للماسونية العالمية وللموساد !!
ثالثا : كوني نشأت على معرفة معنى مصطلح نوبة بالسليقة كما يقال ، وكذلك مصطلح كوش . دهشت كثيرا عندما عثر كلود رايلي على المعنى الحقيقي للقب في دراسته للغة المروية التي تعتبر هي لغة السودانيين الرسمية القديمة ..على حسب رأي بروفيسور عبد القادر محمود . فشوووف وتأمل ..كيف تحفظ لغاتنا القديمة معانيها عبر العصور !!
لكل هذه الأسباب .. وأسباب أخرى . من المستحيل أن أقبل بهذا اللقب كوصف للحضارة السودانية وللشعب بعد اليوم . زعل من زعل ..وغضب من غضب . وبيننا النقوش والوثائق والشواهد والبينات الأثرية والتاريخية ، وفي النهاية لا يصح إلا الصحيح .. وحقائق التاريخ لا يتم تناولها بالأماني والعواطف . إنظر مثلا كيف حاول البعض في هذا البوست التشكيك في منهجية العالم الراحل بروف أسامة النور ، والبعض الآخر قرأ ولم يفهم .
ولا يعنيني مطلقا غضب من يسمون نفسهم ومجموعاتهم بهذا اللقب وهم يجهلون جذوره التاريخية ..و كونهم يتبنون ألقاب أطلقها عليهم الغزاة العرب والأوربيين هذا شأنهم .
لذلك شوفوا لينا حل ..طالما نحنا لقب نوبة ما قابلنه ..وكذلك ما بتقدروا تطلعونا من الحضارة . شوفوا ليكم حل وسط . نحنا قبلنا بمسمى كوش لأنه الأصح تاريخيا . لكن معظمكم رافضنه لأنه لقب نوبة بيخدم مجموعاتكم دعائيا أمام العالم . لكن كما تعلمون لهذه الحضارة ورثة آخرين لا يمكن أن يصمتوا إلى الأبد . خاصة أن حالة الإستقطاب الحاد التي أزكى شارل بونيي أوارها ..تسببت بإستفزاز المجموعات الأخرى فنهضت تطالب بحقوقها التاريخية .
خاصة عندما تطلع على مواقع أجنبية وتفاجأ بأن بعض النوبيين يروجون عن مجموعتك الإثنية بأنها مجموعة وافدة ..ويكيلون لها الشتائم ..مغالطين في ذلك الحقائق التاريخية !!
تحياتي .
03-29-2017, 10:41 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
الأخ محمد القاضي . إشمعنى يعني ما وجهت نفس إتهاماتك دي لبشاشا وهو كتب نفس المعنى الكتبته : ( كطفل في دنقلا مفردة "نوبي" طرشت اضاني كصيغة للشتيمة، ولهذا مافي زول في الشمال من اجيال اباءنا واماتنا بيقبل او يستخدم مصطلح "نوبي" اطلاقا الاصلا غير معروف او متداول لديهم لهذا السبب! )
لذلك عندما أحيل الناس للمصادر دا ما عبطا ..لأني عندي خبرة في مثل هذه النقاشات العاطفية وغير المجدية . والغلط الأكبر من العلماء والأكاديميين السودانيين الذين تركوا الناس على عماهم . وتأخروا كثيرا في تبسيط المعلومة التاريخية للجميع . وفي هذا المقام ، أحي العالم الكبير أحمد الياس حسين الذي ملأت مقالاته العلمية منابر السايبر السوداني . وكذلك أحيي الراحل بروف أسامة النور وكذلك بروف حاكم . _________
وثم ليه ما سألتو أنفسكم أنه ليه الأحباش إختاروا لبلدهم مسمى أثيوبيا بالذات ...وزهدوا في مسمى نوبيا مثلا ؟ لأنهم عارفين كوييييس الإرث التاريخي الضخم لمسمى أثيوبيا ...وكذلك عارفين كوييبيس المعنى الحقيقي لمسمى نوبيا ...وطبعا بيكونا بيضحكوا فينا الزمن دا كله .
لأن يمكن نحنا البلد الوحيد في العالم القبل يسمي حضارته ب(حضارة العبيد ) .
فمسميات مثل كوش وكمت وأثيوبيا والسودان كلها لها نفس المعنى تقريبا ..ألا وهو بلاد السود . اللي هم نحن بطبيعة الحال . وحضارتنا ممكن تكون حضارة السود ..الكوشيون والأثيوبيون الرائعون ..وليس العبيد .
لذلك حتى لو أسمانا الإغريق والعرب كتنميط لوني وشكلي بحت بالأثيوبيين والسودان ، فلا غضاضة في ذلك . لكن الغضاضة الكبرى هي عندما يتم تنميطك كعبد وتنميط حضارتك ..وأنت حر في بلادك .
...........
مسمى حضارة النوبة دا بس بيذكرني بفستق العبيد - الفول السوداني عند الشوام . وببلح العبيد - اللالوب عند الخلايجة . لما فيهم من تنميط فج .
لذلك دائما أقول أن أخوتنا الأحباش أذكى مننا بكثيييير فيما يتعلق بالتاريخ . بل ربما بيفهموا دقائق تاريخنا أكتر منا ..
03-29-2017, 11:27 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
الحمد لله يا شباب كده طلعنا براءة من الإساءة التاريخية ... بصراحة أنا كنت قايل جدودنا ديل يكونو هببو ليهم حاجة ما كويسة لكن طلعو مجرد عبيد وفروخ ونوباي ونوبة ...
المهم يا بشاشا تاني ما تقول للآخرين من طرف كده إنتو نوبة (عيب في حقهم) وهم بالسليقة وبكل لغات العالم عارفين يعني إيه نوبي بس الغربية بي لغة أهل النوبة نفسهم هم ما عارفين ولا عايزين يعرفو ولا يبحثو معني نوبي ولا نوبة ولا نوبرا ولا نوباتيا ... آها يا تسمونا كوش يا شوفو لينا أي إسم تاني وبلاش نوبي ده شوفت كيف؟؟؟ الظاهر يا بشاشا يا أخوي كتيريييييين الجارين من المراية عشان ما يشوفو نفسهم ... جارين جري من ضلهم ..... ضلهم الأسود... بسم الله الرحمن الرحيم.
عليكم الله واحد ينزل لينا أغنية نوبرا بي صوت الفنان يوسف خيري يمكن نسمع زغرودة يوه هجرا في دنقلا ولا ناخد لينا شبال من سافورا في حلفا ... نحنا كده نسوي شنو ناس عاطفتنا جياشة أومال ح تعرفوني كيف نوبي.
03-29-2017, 11:32 AM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
صاحب البوست .. تحياتي .. كانت لدي كتابات عن تواصل اللغة النوبية بين الماضي والحاضر .. لأننا نجد بعض الاسماء للبشر والاماكن مطابقة تماماً بدون أي إجتهاد حاولت أن أستحضر بعض ما كتبته زمان ( ليت الذاكرة تساعدني ) مودتي .. ============
أولاً يجب ألا نسقط الحدود الحالية ( على الاحداث التاريخية ) لا بد من قراءة التاريخ بغض النظر عن الحدود السياسية الحالية .. بل بإيجاد الروابط ما بين ذلك الماضي البعيد وما موجود منه حتى اليوم .. وأنا أزعم أن المعرفة باللغة النوبية عموماً هي الاساس في التأويل التقريب : لنأخذ مثال إسم ( موسى ) إلى يومنا هذا وربما يومياً ينطق النوبيون ( موسا) ليس كإسم ولكن كوصف .. لأن ( موسا Mousa ) بالنوبية عموماً ( الذي تم رفضه ) او الشيء ( المكروه ) .. إلخ ، وإذا رجعنا إلى طفولة سيدنا موسى نجد أن هذه الصفة تنطبق عليه تماماً كما ورد في القرآن وأصبح إسماً له ( الشخص المرفوض) وتنطق الكلمة في إطار الجملة أو العبارة الكاملة ( موسن ) وكإسم وصفي (موسا) .. ومن وصف سيدنا موسى عليه السلام في السنة النوبية ( بأن لونه كان يميل للسمرة ) وفي حديث إبن عمر : ( كأنه من رجال الزط ) .. وبما أن حرف ( السين ) في اليهودية تنطق (شين) كما لدينا في النوبية وخاصة لدى أهلنا في (السكوت) فقد ورد في التوارة (موشييه) وأيضاً لفظ ( اورشليم ) القدس ..ولفظ ( أور ) نوبية مستخدمة إلى اليوم بل كثير من الاسماء والألقاب تعني ( الملك أو الزعيم أو شيخ القبيلة ) أورسليم هو الملك سليم واصبح المسمى ( أور شليم ) لاضافة شنشنة اللغة العبرية .. ومازال إلى اليوم هناك قرية أورسليم في السكوت .. أما والدة سيدنا موسى (يوكابد) كما ورد في التوراة .. فهي مركبة من (يو) و (كابد) وإلى يومنا هذا تستخدم (عبارة) يومياً بمعنى الأم .. لفظ كابد .. هي قراصة القمح بالعربي ( كابيدا) والقمح موجود في الجداريات النوبية .. أما وضع سيدنا موسى في الصندوق .. ورسو الصندوق في قصر فرعون.. في الاقصر تقريباً .. فمسار النيل من الجنوب إلى الشمال فتأمل من أين تم وضع الصندوق حتى وصل إلى قصر فرعون في الأقصر جنوب مصر الحالي والدليل الرباني أن الصندوق سافر لفترة ليست بالقصيرة إثباتاً للمعجزة الالهية .. وهنالك بحوث أثبتت أن سيف يهوذا إنتقل من جزيرة ( فنتين النوبية ) إلى مرتفعات الحبشة للعزلة والبعد الناس هرباً من الغزو المسيحي وهي اليوم قبائل الفلاشا ..( هذا بحث آخر ) .. إتضح أن البحث في تاريخ النوبة يحتاج إلى معرفة باللغة النوبية والتعمق فيها تجد فيها كنوز .. وأذكر ذلك الالماني الذي جاء وجلس في قريتنا وهو يتنقل القرى والجزر لأكثر ثلاثة أشهر .. يلتقط المفردات النوبية ومصطلحات ..
03-29-2017, 05:52 PM
Bashasha Bashasha
تاريخ التسجيل: 10-08-2003
مجموع المشاركات: 25803
الشقيقة امونه يا عزيزه خليكي زي امانه بت الشيخ حمد الكان ابوها مزواج خلاس او ناسب جميع اهل البلد!
اسم نوبيا الان حول العالم هو الالمع بما لا يقارن باي اسم بالذات في اوساط اهلنا الأفارقة عامه وافارقه أمريكا خاصه.
لهذا سأبدأ قريب حمله تدعو الي تغيير اسم جمهوريه السودان الي جمهوريه النوبة كرد اعتبار لاهلنا في الجبال وبالتالي لارثنا الحضاري البصقنا في وجهو العمر ده كلو منظور اليه بعيون مستعبدينا اللي انتي ويا للهول يا شقيقه بتتبنيهو دون قصد او أدراك منك لما ترد دي تنميط مستعبدينا بكل براه وانتي من أمير اننا المرويات في هذا الفصل.
سنفصل ليه جمهوريه النوبة وليس كوش.
كوش اضخم بما لايقاس من مول يا ولذا داخرنو لي مشروع الولايات الكوشيه المتحدة القادم بطول وعرض القارة!
03-29-2017, 06:02 PM
Bashasha Bashasha
تاريخ التسجيل: 10-08-2003
مجموع المشاركات: 25803
...............النبي موسي تاريخيا في الكتب غير الدينية لايوجد أثر أو تحقق لشخصية النبي موسي فلا الحضارة الفرعونية التي وثقت بالنقوش والرسوم والكتابات الحجريةوالبردية لصغار الأحداث لم توثق لخوارق موسي والأحداث والمعجزات التي حدثت ولالمصير فرعون وموسي وقومه *كذلك لم يذكره الأشوريين والمؤرخيين الأغاريق والرومان * ويزعم البعض إنها شخصية إسطورية إختلقتها الميثلوجيا اليهودية إنه المخلص والمنقذ الخارق الذي تتوق له الشعوب لحظات الإضطهاد والضعف والذل !! *وللأسف فإن الصورة المرسومة للنبي موسي في العهد القديم والأديان الأخري سلبية -وفقا لتلك المصادر الدينيةفهو قاتل هارب ومطلوب للعدالة والقصاص وأنه محرض عي السرقةوالنهب
****** سفر الخروج (( ثم قال الرب لموسى: ضربة واحدة أيضا أجلب على فرعون وعلى مصر. بعد ذلك يطلقكم من هنا . وعندما يطلقكم يطردكم طردا من هنا بالتمام
2 تكلم في مسامع الشعب أن يطلب كل رجل من صاحبه، وكل امرأة من صاحبتها أمتعة فضة وأمتعة ذهب))) ******************* .................(( وحدث في تلك الأيام لما كبر موسى أنه خرج إلى إخوته لينظر في أثقالهم، فرأى رجلا مصريا يضرب رجلا عبرانيا من إخوته
12 فالتفت إلى هنا وهناك ورأى أن ليس أحد، فقتل المصري وطمره في الرمل
13 ثم خرج في اليوم الثاني وإذا رجلان عبرانيان يتخاصمان، فقال للمذنب: لماذا تضرب صاحبك))
14 فقال: من جعلك رئيسا وقاضيا علينا ؟ أمفتكر أنت بقتلي كما قتلت المصري ؟. فخاف موسى وقال: حقا قد عرف الأمر
15 فسمع فرعون هذا الأمر، فطلب أن يقتل موسى. فهرب موسى من وجه فرعون وسكن في أرض مديان، وجلس عند البئر
03-29-2017, 07:09 PM
كمال عباس كمال عباس
تاريخ التسجيل: 03-06-2009
مجموع المشاركات: 17155
سلام بشاشا كدي بداية ورينا فهمك وتعريفك لكوش التاريخية ماذا تشمل وتحوي من أفريقيا الحالية والأجناس والأعراق الحالية ؟ *وكذلك فهمك وتعريفك لأرض النوبة وحدودها وسكانها وثقافتها وحضارتها ؟ * ماهو الإختلاف والاتفاق بين (النوبة وكوش) أم هي علاقة جزء من كل ؟
03-29-2017, 07:33 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات للجميع.. من زمان بدور في ذهني سؤال يحتاج قطعا لتحقيق علمي .. مفاده ما إذا كانت اللغات السودانية خالطت في زمان ما اللغة العبرية القديمة .. بما في ذلك اللغة المروية .. بل ربما كان وراء غزو عيزانا لمملكة مروي دافع ديني لكونه كان يعتنق المسيحية عكس المرويين الذين ربما كانوا يدينون باليهودية .. وأقول ربما لأنني لا أملك مصادر صارمة تؤكد ذلك كما أسلفت .. ولكن هنالك شواهد أظنها كافية لتدفع المختصين للتحقيق في هذه الجانب المسكوت عنه .. منها على سبيل المثال ما ورد من ذكر كوش في الأسفار .. وحرب تهاركا للأشوريين .. ووجود مسميات كتلك التي أشار لها الأخ علي عبد الوهاب .. فضلا عن كثرة تسمي قطاع كبير من السودانيين باسماء انبياء اليهود.
03-29-2017, 07:39 PM
Bashasha Bashasha
تاريخ التسجيل: 10-08-2003
مجموع المشاركات: 25803
لا يا عزيزي بشاشا ، لا أتفق معك في حكاية كوننا نوبة التي تستخدم بصيغة باركوها يا جماعة
العزيزة امنه.
اولا جا الوكت اللي فيهو نحن نصر ان نري انفسنا وحاجاتنا بي عيونا احنا، مش عيون مستعبدينا.
نعم السبب الاساسي لهذا التنميط للنوبي ك"عبد" فيما بينا كسودانيين حتي في اقصي الشمال، ناتج عن مشكلة النظر لانفسنا بعيون مستعبدينا، عربا كانو ام اوربيين!
عشان نتخارج من المشكلة دي، احنا قمنا فللي عاضين العراقين، او قطعنا البحر الاحمر عوم، نسوي دثروني، زملوني، عوووووك انا عباسي جدي الرسول، يا شيخة موزا وماشابه!
ختي في بالك مصطلح سوداني زاتو كان يعني لدينا "فرخ" وانا عايشت الحقيقة دي بين اهلنا في حلفا وانا شافع!!
بعضهم كان يتافف من ذكر السودان وينكر اي صلة له ب"السودانيين" وهذا بعد اخر مدغوم او محشور داخل مصطلح "نوبي" الحالي المفخخ برعاية ذاك السويسري اياهو، وهذا مثبت في اضابير هذا الفضاء حيث كان قادة "النوابة" علي وزن "الكواشة" من اوباش قبليي المحس بيكتبو علنا في المنبر ده، كيف حدهم دنقلا جنوبا!!
اذن الكل في هذا السودان المازال مصري، وهو ينظر "للاخر" بعدسات مستعبديه، اللاصقة، كدون، لانو يري في مراتو اي الاخر المتوهم، ذات شخصية الزويل الفي المرايا، اللي هو اصلا شغل جك او رعب منو، ادعي كمخرج هوية النخاس العربي!
جا الوكت اللي مفروض نري فيه انفسنا بعيونا نحن اي بعيون مرجعية ثقافتنا نحن، مش عيون جنود الاحتلال الثنائي!
اذن عيب يا امنه انك تعملي Validation او تبصمي بالعشرة لي شخصية "النوبي" منظور اليه بعيون مستعبدينا!
كلامك ياعزيزة اصابني بالدوار!
اذا متفقه معاي فكيف نسقط مصطلح نوبي او نوبيا، انطلاقا من معايير مستعبدينا؟
من الجانب الاخر نوبيا او النوبة فعلا لاقول هو الوريث التاريخي الشرعي لي ارث كوش، اذا اخدنا الموضوع من منظور مسميات متعددة لي شعب واحد، ثقافة واحدة، وجنس واحد.
اذن كوش مجرد اسم ساد علي مستوي الدولة لي مرحلة تاريخية محددة لذات المجموعة البشرية ولذات الثقافه اي الحضارة، ليستلم ذات الراية مسمي نوبيا علي مستوي الدولة لذات المجموعة البشرية ولذات الثقافة اي الحضارة.
الدول كائنات حية تسود وتبيد بعد ما تكمل دورتا.
الفرق بين كوش او نوبيا بخلاف تأريخ الظهور ثم الذبول، يتمثل في حجم النفوذ!
كوش كمثال كثقافة ودولة انتشر علي نطاق المعمورة كلها تقريبا مقارنة بي نوبيا كدولة الانحصرت في السودان الحالي كقاعدة من حيث النفوذ الثقافي والسياسي!
ده كل ماهناك من فرق بين الاسمين.
اكرر اختلاف مسميات والسلام.
لاحظي لم اشير الي اي اثنية هنا، والجميع نوبيين وكوشيين علي قدم المساواة اذا بنتكلم عن الثقافة الواحدة والمجموعة البشرية الواحدة كمعيار هنا.
انا فاهم تماما ومتفهم كيف كلامك ده رد فعل لغلو وشطحي اوباش قبليي المحس تحديدا، في المنبر ده، اللي اهانو وبصقو في وجه بقية السودانيين انطلاقا من انهم حصريا ك"قبيلة" هم رواد وورثة الحضارة بالالف واللام!
انا عارف بقول في شنو كرئيس سابق للجنة الثقافية لجمعية الدراسات النوبية الكانت مسؤولة من تنظيم اضخم تظاهرة ثقافية في السودان في الثمانينات باسم "اسبوع التراث النوبي"!
انا الكنت بنظم الندوات واديرا في دار الاتحاد في البركس في الثمانينات، وبالتالي اسهمت في ولادة هذا التيار من دون ما اعرف بحكم اللقنوني ليهو كطالب في مجال تاريخ السودان "اي النوبة" القديم!
كقاعدة حينها ماكان ولافرد واحد ما محسي ما حلفاوي ما دنقلاوي، بيفكر مجرد تفكير يهوي في كل ما اتصل بهذا النشاط الخاص حصريا بالقبايل التلاتة ديل!
اغرب من الخيال الان، ولكن حينها ده ما كان عايز كلام، والوضع اساس ده كلو اكاديميا وبخبث استعماري هم حصين طروادة الغزاة من امثال شارل بوني وماشابه بواسطة مجندي لواء مكدونالد الجديد من حملة الالقاب العلمية، اي شراح جورج رايزنر وشارل بوني، من السودانيين!
03-29-2017, 08:18 PM
Bashasha Bashasha
تاريخ التسجيل: 10-08-2003
مجموع المشاركات: 25803
كدي بداية ورينا فهمك وتعريفك لكوش التاريخية ماذا تشمل وتحوي من أفريقيا الحالية والأجناس والأعراق الحالية ؟
ابو الكيم تحياتي،
كمدخل الاجناس تلاتة والربع خليط من الاول والثاني كاني:
1) سود او سودانيي، اصل الاجناس جميعها.
2) بيض او قوقاذيين.
3) اسيويين.
4) ساميين.
كوش اسم ثقافة بعينها اي حضارة بعينها والعالم حضاريا ينقسم الي اتنين لاثالث لهما:
A) حضارة اي ثقافة سودانية اي سوداء اي افريقية.
B) حضارة غير سودانية باختصار، تشمل المذكورين اعلاه من (2) لي (4).
بناءا عليه كوش هو اصل الحضارات.
بالفهم ده اي فرد اسود اللون اين ما كان فهو كوشي من حيث الثقافة.
واي فرد ما اسود هناك مكون كوشي لي شخصيتو الثقافية وبالذات الساميين تحديد اما حدود كوش من حيث النفوذ الثقافي، فلا حدود باختصار لتاثير ونفوذ الحضارة الكوشية.
لاحظ اسم كوش ظهر في مرحلة لاحقة، حيث الاسم الاقدم هو تاسيتي اي ارض القوس اي رماة الحدق في مرحلة لاحقة.
حدود دولة كوش حقيقة لاتعني بالنسبة لي شئ، لانو الاساس عندنا هو الثقافة اي اسلوب الحياة بدون حدود.
مفهوم حدود بالصيغة الحالية ماكان موجود لدرجة ممكن نقول لم تكن هناك حدود اصلا في الزمن داك بالفهم الحالي وهذه واحدة من البلاوي. نعم باعتبارنا من صاغ ذاك العالم، فما كان عندنا وعي قومي، او وطني او عنصري.
نحن من اخترع مفهوم الدولة الكانت اممية حينها بي مصطلحات اليوم وهذا مهم للغاية!
بناءا عليه كوش استلم الراية من تاستي وتمددت كدولة من حيث النفوذ علي نطاق واسع جدا بلغ شمالا اوربا ذاتا، كل غرب اسيا.
داخل افريقيا الاشارة وردت الي جنوب افريقيا الحالي كموقع نفوذ ولكني لم اتحقق من هذا.
الاهما من ده كلو انو الفضل لاكتشاف امريكا زاتا لو صحا استخدام مصطلح اكتشاف الاستعلائي، يعود الي كوش وعصر ترهاقا تحديدا.
واضح يا عزيزي مدخلنا مختلف تماما عن المتداول اليوم لدينا، اللي بيسقط حدود، مفاهيم، وطريقة تفكيرنا الحالي علي واقع برئي من كل هذا الخبوب الحايميين بيهو كمستعبدين علي مستوي الوعي!
اذن كوش كنفوذ كان بحجم ذاك الكون كلو، ولهذا مؤلم جدا محاولات اخونا ود البوش حصر كوش في اصغر نطاق ممكن عشان يطرد "النوبيين" وهذا عجيب بحق!
03-29-2017, 08:35 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
Quote: ( كطفل في دنقلا مفردة "نوبي" طرشت اضاني كصيغة للشتيمة، ولهذا مافي زول في الشمال من اجيال اباءنا واماتنا بيقبل او يستخدم مصطلح "نوبي" اطلاقا الاصلا غير معروف او متداول لديهم لهذا السبب! )
دي انتكاسة ما بعدها لو بشاشا بيقصد انه مفردة نوبي كشتيمة بتعني ( عب ) .. أصلا منو الجاب التنميط المفجع ده .. ومين الاخترعه وأسس ليهو .. منو .. كده جابونا ؟ .. عشان نعرف إنتو ثقافة قبايلكم دي مستلفنها من وين .. بعدين العب ده إلا يكون أسود اللون ؟ .. مافي عب أبيض مثلاً !! .. الآن عرفتو ليه كل أفارقة وزنوج السودان مابعترفوا بي زول أصيل في السودان ده .. غير النوبة في الشمال .. ده السبب ياسادة يا كرام .. دي الثقافة الدخيلة والجايانا من بره .. النفرت افريقيا الزنجية من الشمال وانتو بي كده بتاكدوا انه نحن كنوبة في الشمال .. أقرب ما نكون لزنوج السودان الانتو بتستعروا منهم وبتخجلوا من سواد لونهم .. الاصلا ما عنده علاقة بي العبودية اللي ممكن تكون صفة لي زول أبيض فاقع البياض .. الآن انا صدقت المقولة المنسوبة لي جون قرنق القال .. انه مابعترف في الشمال ده كلو بي أي جنس إلا النوبة الفي الشمال .. واتحدى بشاشا يجي يقول إنه هو قاصد كلامك ده يا آمنة مختار .. عشان نمرقوا هو ذاتو معاك سلاق بيض وماعنده في السودان الواسع ده التكتح .. نحن نفخر بأننا نوبة ونفخر باننا ننتمي للسودان الزنجي الأسود الشايفنه انتو عبيد .. والشايفنا عبيد اليخم ويصر ويجي يورينا من وين استلف تنميط فاضي زي ده .. ومن انه أي زول أسود هو بالضرورة لازم يكون (عب ) ..
كلمة نوبة .. ونب .. ونوبري .. هي الذهب .. وأرض النوبة هي أرض الذهب .. كما في (نبرتود ) .. المستخدمة حتى تاريخه عندنا ..
وخلي بشاشا يجي يترجم ليك يا آمنة مختار .. نوبة نوبري دي بتعني شنو بالعربي .. الاتعلموهو أبواتنا وأمهاتنا في الخرطوم .. ومنه عرفوا انه ( نوبة ) دي بتعني عبيد بمفهوم ناس ما عندنا بيهم ولا بي ثقافتهم شغله .. والشايفنا عبيد اليجي يقد نخرتنا ويربط لينا زمام .. ورقصني يا جدع ..
ويا بشاشا حقو تلحق نفسك من ضو .. قبل من الشغلة دي ما تبقى حالكة السواد .. والله صحي ..
03-29-2017, 09:35 PM
كمال عباس كمال عباس
تاريخ التسجيل: 03-06-2009
مجموع المشاركات: 17155
.....بالمناسبة إحتكر البعض مسمي نوبة وكوش ونسبوا حضارة نبتة لأنفسهم دون غيرهم وهذا زعم وإدعاء غير تاريخي - هذا الإدعاء يفترض أن مناطق الشائقية التي ترقد نبتة في عمقها لاعلاقة لهم بالنوبة أو تحديدا أنهم ليسوا بأحفاد بناة حضارة نبتة ! ويفترض أن المناطق جنوب الدبة وشمال "قري" مثلا كانت خالية من السكان حتي جاء العرب وإستوطنوا فيها(شائقية/مناصير ورباطاب وميرفاب وجعليين ) وكأنما سكان تلك المناطق قد إنقرضوا وجاءت بحار من الهجرات العربية لتملأ الفراغ السكاني ! ** نعم قد هناك يكون دماء ومؤثرات عربية ولكني لا إعتقد أنها مؤثرة عرقيا والدليل أن ملامح والوان وشعر وأنوف ماتسمي بالقبائل العربية تماثل المحس والبجا والأثيوبيين أكثر من مشابهتها للسعوديين والمصريين وعرب الشام والخليج ! * موجة الإستعراب والإنقطاع عن الجذور الزنجية والأفريقية والكوشية والحامية تثير الإستغراب -حضارة نبتة ومروي -أفريقية وزنجية فمن يعتز بها و ويدعيها عليه أن يأخذها بزنجيتها وأفريقيتها هذه ! والغريبة أن هناك إتجاه ينسب المحس والدناقلة للعرب والأوس والخزرج وبالتالي يقطعهم عن جذورهم النوبية والأفريقية - الكل عرب إذا أين مضي سكان السودان ونوبته وكوشييه وحامييه وزنوجه ! * أتمني أن تكون موجة وموضة الإعتزاز بحضارتنا الوثنية والمسيحية والأفريقية عميقة بحيث تجعلنا نعتز بجذورنا وأصولنا العريقة لا مجرد الإعتزاز الموسمي والوقتي بأثارنا ومعابدناوإهراماتنا والتنكر لعرق ودم بناتها ! ...... :
03-29-2017, 09:58 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم انا سمعتها اي مفردة "نوبي" وانا طفل كشتيمة بي صيغة:
"يانوبيي" نعم "نوبيي" مش نوبية!
اتنين مافي زول في اقصي الشمال من الاجيال السابقة بقول علي روحي نوبي، والقتها ليهم شخصيا ما قبلو عديل كده، او صرو لي الوش!
نعم وهذه حقيقة، المفردة ارتبطت لديهم بي اهلنا في الجبال وهذه حقيقة وقفتا عليها وانا يافع من فرط اسئلتي المملة والكثيرة لمن حولي وانا طفل !
اكثر من دفع ثمن الوفاء لهذا الارث، هم اهلنا في الجبال العمر ده كلو او في جلال لا املك غير اديهم تعظيم سلام، عشان الان او بعد ما اضحي مصطلح نوبي فجاة عظيم ويا للنكتة مستجدي "النوبية" بحاولو يملصو جلباب هذا الارث من علي ظهر اهلنا النوبة في الجبال ، شغل ناكل باردة او ما نطوق حارة، ماك داريني؟
نعم "العب" هو ابن السوداء طبقا لمستعبدينا اللي بنري الوجود وانفسنا من خلال عيونم وكنتيجة تلقي الواحد فينا يسوي جعلي "حر" من دون اي مناسبة او من دون مازول يسالو، او بعد داك يروح ناجر ليهو شدرة نسب تنتهي به الي الاصل "العربي" الشريف!
في غرب السودان حكو لي، عن واحد تونسي فطن لمركب النقص هذا او حولو لي بزنس كان واري!
كيف؟
بروح جايب ليهو جلد تيس او يرص فيهو اسماء عربية كشدرة نسب للشاري من اهلنا هناك الجاكين من اهلهم، من شاكلة الجنجويدي الفاتح بوست عن التشاديين داك!!
قالو كانو بقيفو صف او يشترو ذات قطعة الجلد الكان حايم بيها طيب الذكر عبدالرازق الطالب في المنبر، لانو الشهادة جات من عربي اي التونسي وان كان اصلا كبربري ماعربي زاتو!
لآن عرفتو ليه كل أفارقة وزنوج السودان مابعترفوا بي زول أصيل في السودان ده .. غير النوبة في الشمال
عييييييييييييييك!
ولكن من يسمون بالنوبة في الشمال حصريا، رايم شنو كان ولايزال عن روحم هم، وعن افارقة وزنوج الهامش علي قولك؟
هو لو اصلا كلامك ده حاصل، النار مولعة ليه في بلدنا من اصلو؟
من هو هذا "النوبي الاصيل" مؤسس حزب البعث العربي الاشتراكي كمثال في السودان؟
الاوس والخذرج ديل نوبيين برضو؟
ام الاشراف؟
محي الدين صبر ده، كمثال ياربي من وين؟
جمال يا حبيب، خليها مستورة علي قول صديق الاسرة د. علي الحاج له التحايا!
اذن مافي مجموعة بعينها هي الاصيلة في السودان!
ده وعي قبلي وجهوي!
كل سوداني اصيل علي قدم المساواة!
03-29-2017, 10:39 PM
عبدالعظيم عثمان عبدالعظيم عثمان
تاريخ التسجيل: 06-29-2006
مجموع المشاركات: 8399
* موجة الإستعراب والإنقطاع عن الجذور الزنجية والأفريقية والكوشية والحامية تثير الإستغراب -حضارة نبتة ومروي -أفريقية وزنجية فمن يعتز بها و ويدعيها عليه أن يأخذها بزنجيتها وأفريقيتها هذه ! والغريبة أن هناك إتجاه ينسب المحس والدناقلة للعرب والأوس والخزرج وبالتالي يقطعهم عن جذورهم النوبية والأفريقية - الكل عرب إذا أين مضي سكان السودان ونوبته وكوشييه وحامييه وزنوجه ! المصدر : أي واحد يقول أن فرعون موسى وكذلك موسى عليه السلام سودانيين وليسوا مصريين مخطىءأي واحد يقول أن فرعون موسى وكذلك موسى عليه السلام سودانيين وليسوا مصريين مخطىء -------------------------------------------------------------------------------------------------------------------------------------------------- سلامات كمال عباس
زمان قلنا الكلام دا في المنبــر المستعربين العايشين في غيبوبة طلعونا عنصرين ومعقديـن وأن السودان " أمة أصلها للعرب" وللعلا والحنك البيش بعد خروج الإنجليز والسودان الحالي وبي مكوناته الحاليه أفريقي متمسح في العرب , حتي فليب غبوش قال من كثـر الترويج للثقافة العربيه ( توهم أنه قد يكون عربي) في وقت من الأوقات ....
ياخي وقفه قدام المرايا والسوداني حيشوف فطسة الأنف وسماكة سبيبة الشعر " قرقدي كما قال إسماعيل عبد المعين" والشلاليف الكبار اذا صاق مع نفسه حيعرف أنه أفريقي ومفروض يبدأ في التخلص من وهمة العروبه وأن الإنتماء الي هذه الأرض مهما كان إسمها هو الأصل وما عدا ذلك إستلاب وحتفك السكره دي ويفوق من الغيبوبة وحيتصالح مع نفسه ويتوازن
03-29-2017, 11:24 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
نعم انا سمعتها اي مفردة "نوبي" وانا طفل كشتيمة بي صيغة: "يانوبيي" نعم "نوبيي" مش نوبية! اتنين مافي زول في اقصي الشمال من الاجيال السابقة بقول علي روحي نوبي، والقتها ليهم شخصيا ما قبلو عديل كده، او صرو لي الوش! نعم وهذه حقيقة، المفردة ارتبطت لديهم بي اهلنا في الجبال
ما حصل مرّ علي إنه كلمة نوبي دي شتيمة وبتعني يا عب .. والله ما حصل .. ولا شفت ناسنا وكبارنا بيتحسسوا منها .. وحتى لمن قال البعض (نوبيين) كان قصدهم أكثر التمييز بيننا وبين أهلنا نوبة الجبال .. أها طيب مسمى (نوبيين) ده حيعملوا معاهو شنو ؟؟ .. برضو المسمى ده بيعني في فهمكم القاصرعبيد !!! .. ههههههه .. ثم من متين نحن قاعد يهمنا رأي الناس فينا ؟!! .. ثم يا بشاشا دي حاجات فردية لايمكن جرها وتعميمها كده بي جرة قلم .. ولا انت بتقدر تعمم كلامك ده على المنطقة النوبية الشاسعة والمترامية الاطراف .. الانا بزعم إني بعرفها كويس من كوم أمبو وأغلب مناطق التهجير .. لحدي مناطقكم أقصى جنوب دنقلا وأهلي دناقلة ومحس في آن .. وجزء مقدر منهم بيتكلموا اللغتين الدنقلاوية والمحسية .. فجيل خيلاني أخر جيل بيتكلم اللغتين وجيلنا الجديد ما قدر يشيل منهم ثقافتهم المزدوجة دي .. لأننا مرقنا نكوس ليهم اكل العيش ففارقناهم مكرهين لكن ملحوقة لسه هم قاعدين وبي شدتهم .. ثم ليه ماتكونوا انتو مستلفين تنميط فاضي زي ده من العرب جيرانكم .. مع إنه العرب ديل كانوا عادي حين يطلق أحدهم العنان لأحلامه .. يقول ليك عايز اعرس بت من بنات النوبة يعني مافي فهمهم النوبة عبيد ولا حاجتين .. نجي للكلام المهم , هل انت عارف السر شنو من وراء محاولة تنفير الناس من كلمة نوبة .. عارف ليه يا بشاشا .. عارف ولا ما عارف !!؟ .. السر بسيط ياسيدي الناس ديل همهم الوحيد ابعاد النوبة من حضارة وادي النيل .. ودي وسيلة من الوسائل في الأول لازم يشيلوا مسمى نوبة ده خالص .. ويكرهوا الناس فيهو بالاساءة ليهوعشان بعد كده .. نفس حركات الهكسوس .. ده كلو عشان يقدروا يمرروا ليك مسمى كوش كبديل للنوبة زي الما حصل حاجة .. وعشان هم ما لاقين طريقة يخشوا في حيز النوبة لأن الحيز ده عصي وقاسي .. وبتحكموا لغة نوبية هم ما بعرفوها فمافي طريقة لحشر كوش غير الاساءة للنوبة .. يأخ حتى اللغة الكوشية قالوا إنها لغة أغلبها لغة عربية .. يأخ تخ .. العربي ده جاها من وين !!؟ .. حصل شفت ليك سلفكة واستهبال أكتر من ده !!! .. المفروض يتقال دي لغة نوبية والوافد الجديد كان مجبور إنه يسايرها .. بحكم المجتمع الهو جاء دخيل ووافد عليهو .. ماكنا عايزين نفتح جراح زي دي لكن ما خلوا لينا طريقة تانية .. فديل ما دايرين أصلاً زول يجيب سيرة نوبة دي في خشمو .. نعم النوبة جزء من كوش لكن الجزء ده كان ليهو القدح المعلي في الحضارة دي .. شاء من شاء وأبى من أبى وأي محاولة للاساءة للنوبة أو النوبيين .. حنقيف ألف أحمر وطوالي حنقول ليكم كوش كانت (كل) لحضارة تشمل السودان كله .. بل وامتدت خارجه بفضل منو ؟ .. بفضل ملوك النوبة ديل اللي انتو عايزين تمرقوهم هسه عبيد .. وتدوا الناس إيحاء بأنه المقصود نوبة جبال النوبة .. وديل أصلاً مافي نوبي فاهم وعارف لغة نوبية .. بيقدر يتنصل منهم .. وحتى لمن الناس قالوا اللغة النوبية لا تشكل دليل ربط اعترضنا .. وقلنا بل هي تشكل دليل ربط وترابط ونص وخمسة بل هي تعبرعن اثنية واحدة.. ( طبعا ما كل قبائل الجبال بل جزء مقدر منها ) .. فما حصل ولو للحظة اتملصنا من اهلنا نوبة الجبال .. وحضرت شخصياً جلسة شبابية قبل سنين استخدمت فيها اللغة النوبية .. وعرفنا بل وصلنا ليقين تام إنه الناس ديل أهلنا وناسنا .. فالجماعة ديل يبقوا عبيد نبقى معاهم نحن كمان عبيد مافي زول متنصل منهم .. ويابشاشا ما تبقى أداة في يد ناس لا هدف لهم سواء الاساءة لاهلنا النوبة .. وسحب البساط منهم ومن ارثهم وحضارتهم فيا بشاشا أرجع لخطك القديم العارفنك ما بتحيد عنه .. السودان ده بلد السود والزنوج والماعايزنا وشايفنا عبيد اليمرق ويشوف ليهو بلد ناسها ما عبيد .. فتاني مافي زول يدور لينا اسطوانة نوبة وكوش دي .. والا حنرجع ليكم بي اسطوانة إنكم عرب ساي وما ليكم في السودان ده التكتح .. فخلوا الطابق مستور أحسن ..
03-30-2017, 01:30 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: Quote: الاخ علاء الدين اكرر بونيه لم يقل ذلك وليست باستطاعته ان يقول ذلك لانه ليست علمي ويتنافى حتى منع منشورات بوينه حول كرمة فكرمة اؤرخ لها ب2500 ق.م بشهادة بونية نفسه وهذا تاريخ متاخر جدا مقارنة بمدن اخرى
سلام يا عبدالله شم
بداية انا اريد ان اقرر هنا اننى لست عنصريا ولا جهويا حتى لا اتهم اننى ادافع فقط عن تاريخ منطقتي .. لان تاريخ منطقتي كرمة البلد تاريخ كوشى اصيل وعظيم حيث ان المملكة الكوشية في البداية كانت في كرمة البلد ثم انتقلت الى نـبـتـه ( بالقرب من جبل البركل ) ثم الى مـــروى ( البجراوية ) .
وانا اتيت بدليل ان شارلى بونيه تحدث لقناة سويسرية حسب ماقرآت لكننى لم اشاهد تلك المقابلة في الفيديو ( ولكننى حتما سأبحث عن اللقاء المذكور لاثبات او نفى هذه المعلومة لان المعلومة المذكورة مهمة جدا لجميع شعوب السودان . وهنا أيضا مقتطفات من محاضرة سابقة لشارلى بونيه في السفارة الفرنسية بالخرطوم بخصوص حضارة كرمة :
Quote: الــبـــيــــــــان الإماراتية
آثار :
عالم سويسري: حضارة السودان من أعرق حضارات العالم
المصدر:
الخرطوم - طارق عثمان
التاريخ: 20 فبراير 2016
قال عالم الآثار السويسري شارلي بونيه إن السودان لديه حضارة متنوعة تعد من أعرق وأهم الحضارات في العالم، كما لديه تاريخ مهم وعريق جدير بالدراسة والبحث والتحليل.
ووصف بونيه، وهو أيضا نائب لرئيس البعثة السويسرية الفرنسية السودانية المشتركة، خلال محاضرة احتضنها المركز الثقافي الفرنسي في الخرطوم حول اكتشافات البعثة في السودان، بأنها استثنائية ورائعة. واستعرض العديد من الآثار التي تم اكتشافها بواسطة البعثة..
مشيرا إلى أن الحضارة السودانية حضارة عريقة إذا اهتم السودانيون بها ستصبح حضارة تدرس في المناهج السودانية بصورة موسعة حتى يعرف السوداني حضارته وقيمتها ويقوم بنشرها للآخرين وكذلك اهتمام المعنيين بأمر الآثار والحضارة...
وأضاف شارلي: »ما شجعني على التنقيب والبحث عن الفرعون النوبي في السودان هو يقيني التام أنأصل الحضارة الفرعونية بدأ في مملكة النوبة شمال السودان
« وقال إنّ »تاريخ الفراعنة قد أشار إلى مملكة النوبة في شمال السودان وكنت دائماً أبحث عن اكتشاف جديد فقررت الذهاب إلى السودانوأضاف إنه اكتشف أن كلمة نوبة تعني بلغة الفراعنة »الذهب« .
وهذا يؤكد أن الفراعنة هم ملوك مملكة النوبة عندما كانت في أوج مجدها ولم تخرج مصر إلى الوجود،
معبرا عن فخره باكتشاف هوية الحضارة السودانية، مضيفا إن حضارة النوبة ليست امتدادا للفراعنة وإنما الممـــلكة النوبية مملكة قائمة بذاتها.
وأيضا : انصاف الكاتب المصرى الكبير الراحل انيس منصور للحضارة النوبية وانها اصل الحضارة المصرية في جريدة الشرق الأوسط بتاريخ 22 أكتوبر 2005م
النوبة: أصل الحضارة المصرية!
لأنني كتبت كثيراً عن أهل النوبة وعن تاريخهم العظيم، وأنهم أصل الحضارة الفرعونية، وأن ملوكنا وملكاتنا الجميلات المحندقات نوبيات ـ فيما عدا نفرتيتي فتبدو انها من أصول غير مصرية، أما حتشبسوت ونفرتاري وتيتي حماة اخناتون وغيرهن فمن النوبة. وأنا أرى أن حماة اخناتون هي صاحبة أجمل شفتين في تاريخ مصر الفرعونية وأجمل أنف أيضاً، أما الوجنات فهي بارزة وهذا يدل على أصلها الأفريقي، وكتبت أيضاً أن بلاد النوبة كانت على صلة مباشرة بأوروبا، دون أن تتوقف عند مدن الوجه البحري والعاصمة منف، وفي الوثائق الاغريقية أن أهل النوبة ونبلاءها وملوكها هم أيضاً الذين علموا مصر والاغريق نظام الملك ونظام الترقي بين الوظائف. ولم يكن ذلك مجاملة لأهل النوبة على حساب التاريخ، وانما هي الحقيقة، وما كتبه البروفسور وليام ادامز في كتابه (النوبة طريق إلى أفريقيا) ليس جديداً علينا، وأهل النوبة يشكون في مثل هذه الكتب التي تحاول أن تخلق انفصالاً أو صدعاً بين مصر والنوبة، فالنوبة مصرية وأهلها مصريون ما في ذلك شك، واذا كان بعض السياسيين الأميركان أو بعض رجال الكنيسة الكاثوليكية يشيدون بأهل النوبة وحاجتهم إلى العدل والانصاف، فليس حباً لهم، وانما تشجيعاً لهم على كراهية مصر والانفصال عنها، حتى الدراسات الأميركية عن الحضارة النوبية تلقى حذراً وخوفاً شديداً، والذي قاله البروفسور أدامز من أنه ذهب إلى النوبة بحثاً عن الانسان البدائي فوجد حضارة مستقرة، ليس جديداً.
03-30-2017, 04:23 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
الراجل كلامه واضح أرجو من الاخوة البيغالطو .. يسمعوا المحاضرة هذه المحاضرة القيمة لأنها فيها اجابة لكل تساؤلاتهم .. ما أعجبني إنه الرجل مرح جدا ولا تعوزه روح الدعابة والمزاح الذكي .. بالذات حكاية الـ little sister .. فدي والله أضحكتني جداً .. أها تعالوا قولوا شارلس بونيه كمان نوبي .. ومعلوماته فيها تحيز للنوبة ...
03-30-2017, 05:55 PM
Bashasha Bashasha
تاريخ التسجيل: 10-08-2003
مجموع المشاركات: 25803
ياخي اي إنسان اسود في الكون ده نوبي دعكم من بقيه اهلكم في السودان.
بقول كده لانو البدو النزعة القلبليه الجهوية دي هم نحن الدناقله المحس الحلفاويين وليس امثال امنه او كمال عباس او ود ال بوش.
اي كلام من الأعزاء ديل رد فعل فقط.
اما الاجنبي المستنكح بوني البفرق بينا بي خبث كالعهد بي امثالو من عز اننا يسوي ديل نوبه او ديل أفارقة فكفايه النار المولعه في بلدنا من نصف قرن وكصدي الحرب الدائرة في البوست ده البنفخ في كيرا هذا الامبريالي!
04-01-2017, 07:21 PM
عبد الله شم عبد الله شم
تاريخ التسجيل: 05-03-2013
مجموع المشاركات: 2212
الاخ علاء مشكور الامر ليس عنصرية فكرمة هي كوش وهي نبتة ومروي جزء من الحضارة السودانية الامر فقط يتعلق بتصحيح معلومة علمية ليس الا يمكن كرمة فعلا اقدم مدينة في العالم لان وفقا لما اخرجه بونية كرمة فقد قامت 2500 ق.م وهو تاريخ حديث مقارنة بمدن كثيرة في وادي النيل او في بلاد الرافدين
04-01-2017, 07:18 PM
عبد الله شم عبد الله شم
تاريخ التسجيل: 05-03-2013
مجموع المشاركات: 2212
السر بسيط ياسيدي الناس ديل همهم الوحيد ابعاد النوبة من حضارة وادي النيل .. ودي وسيلة من الوسائل في الأول لازم يشيلوا مسمى نوبة ده خالص .. ويكرهوا الناس فيهو بالاساءة ليهوعشان بعد كده .. نفس حركات الهكسوس .. ده كلو عشان يقدروا يمرروا ليك مسمى كوش كبديل للنوبة زي الما حصل حاجة .. وعشان هم ما لاقين طريقة يخشوا في حيز النوبة لأن الحيز ده عصي وقاسي .. وبتحكموا لغة نوبية هم ما بعرفوها فمافي طريقة لحشر كوش غير الاساءة للنوبة .. يأخ حتى اللغة الكوشية قالوا إنها لغة أغلبها لغة عربية .. يأخ تخ .. العربي ده جاها من وين !!؟ .. حصل شفت ليك سلفكة واستهبال أكتر من ده !!! .. المفروض يتقال دي لغة نوبية والوافد الجديد كان مجبور إنه يسايرها .. بحكم المجتمع الهو جاء دخيل ووافد عليهو ..
اللغة النوبية لم تكن لغة الحضارة في وادي النيل لا في كيمت ولا في كوش ولم تظهر الا في الفترة المسيحية وبالتحديد اول نقش بالنوبية القديمة كان في سنة 795م ودا بعد مروي ماتت وشبعت موت وبنفس الوقت انتشرت هي نفسها مع لغات تانية زي الاغريقية والقبطية وحتى العربية صحيح كما قلت مسمى نوبة يخص متحدثي النوبية في وادي النيل اذا دققنا في الاسم لكن كمصطلح علمي يعني الجغرافيا جنوب مصر اي بلد السودان القديم ولم يظهر هذا الاسم الا عند العرب نسبة لقبيلة النوباديين الذي قابلوا العرب في البداية ملوك هذا الحضارة لم يكونو نوبة ولا نوبيين كوشيين اي سودانيين كتبوا في نقوشهم ومسلاتهم انهم كوشيين ولم يذكروا كلمة نوبة ولا اي كلمة مقاربة لها بالمناسبة كلمة نوبة لا تعني ذهب اطلاقاً
تحياتي
04-01-2017, 10:51 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
ده كلام اجتهادي ليس إلا يا عبد الله .. ولا يمكن الاعتماد عليه كحجة قاطعة .. ولا يستطيع أحد أن يجزم بصحة هذه الفرضية ..
وأنا بقول ليكـ يا عبد الله كل ملوك نبته وكرمة ومروي كانوا نوبيين .. والسبب وراء وقوف الباحثين عاجزين عن فك اسرار اللغة الكوشية - المروية .. أنه اللغة الكوشية - المروية كانت لغة ملوك وبلاط حاكم ولم تكن لغة العامة .. أي لم تكن لغة محلية يستخدمها السكان وعموم الناس لهذا بقيت هذه اللغة مجهولة .. فلا يعقل إنه كل المجموعات السكانية الحالية لا تعلم عنها أي شيء .. واللغة المحلية الكانت متداولة عند العامة والشعب هي اللغة النوبية القديمة .. لهذا لم تظهر في نقوش وكتابات الملوك لانه كان ممنوع تداولها في البلاط الملكي .. فلا تركن كثيراً على تأخر ظهور اللغة النوبية في كتابات ملوك كوش ومروي .. فهؤلاء الملوك كانوا نوبيين لكن ارادوا الانعتاق من الكتابة باللغات .. التي كانت سائدة وقتئذ كالهيروغلوفية والقبطية القديمة واليونانية .. ثم انه ملوك النوبة كانوا يحكموا الكثير من المناطق خارج .. نطاق واطار منطقة النوبة فلا يعقل أن يكتبوا ويؤرخوا لحضارتهم الممتدة .. بلغة محلية نوبية فيكونوا ملوك النوبة فقط ويتركوا كامل مملكتهم .. وملكهم الأشمل والأعم في كوش لهذا تسموا باسم ملوك كوش .. وليس ملوك النوبة فكوش ( كل ) لحضارة أشمل وأعم .. فلايمكن اختزالها وحوصلتها في (جزء) الا وهو المنطقة النوبية والنوبة .. واعتقد شارلي بونية أشار للنقطة دي تحديداً فققال بأنه كوش ( general ) .. أي حضارة جامعة وعامة وهؤلاء ملوك كوش وليس ملوك النوبة ..
لا فرق ما بين كوش ونوبيا علي الاطلاق الا من حيث تاريخ الظهور وحجم المساحة من حيث النفوذ.
انتو بتسقطو مفاهيم قيم و تصورات وعينا الحالي القيبلي الجهوي علي واقع لم يعرف هذه الامراض اطلاقا .
كونو لهجة الدنقلاوي تختلف عن المحسي هذا لا يعني انو الاتنين ما كوشيين اي نوبيين وانما لهجات مختلفه لذات اللغه الواحده. بتقولو كلام غايه في الغرابة محبط جدا وخطير.
كده حتنقلو ذات العالينا الان الي ما يفترض انو المخرج والعلاج.
04-02-2017, 06:31 AM
عبد الله شم عبد الله شم
تاريخ التسجيل: 05-03-2013
مجموع المشاركات: 2212
يا جمال علي قول بشاشا امرق من وعيك القبلي دا لشنو مثلا ملوك كرمة ونبتة لازم يكونوا نوبيين يعني ؟؟؟ ليه مثلاً ما يكونوا بجا او اي قبيلة تانية ؟؟؟ علي شنو استنت في (تنويب) ملوك كوش ؟؟؟ والغريبة انت بتقول اللغة المروية لغة الطبقة الحاكمة او البلاط الملكي يعني ملوك وامراء وكهنة وحكام اقاليم اي بنفس منطقك يعني هؤلاء الملوك لم يكونوا نوبيين لانهم يتحدثون لغة والنوبيين يتحدثون لغة اخرى؟؟ مع ان اللغة المروية هي لغة انتشرت علي طول النيل والى اسوان شمالاً ووجدت لها برديات ونقوش ومسلات ولم تكن لغة طبقة حاكمة فقط بدلالة ان شواهد قبور لطبقات بسيطة من شالعب كتبت بالمروية وما اكثرها بعدين القاليك المروية مجهولة منو ؟؟ المروية معلومة القيمة الصوتية ووجدت (بعض) كلماتها في النوبية والبجاوية والدارجية السودانية حتى محاولة انكارها امر غير مجدي يا صديقي تبريرك لعدم كتابة النقوش بالنوبية اي لغة الملوك امر مضحك جدا يا عزيزي يعني مثلا في الفترة المسيحية لمن كتبوا باللغة النوبية جوا ناس تاني حكموا ولا كيف ؟؟؟ يا صديقي ملوك كرمة ونبتة ومروي سودانيين اي كوشيين اذا سميتهم نوبة او نوبيين عليك ان تضع المصطلح في سياقة اي مصطلح علمي فقط ولا يختزل في متحدثي النوبية على النيل محس حلفاويين دناقلة ومرة مرة بدخلوا نوبة الجبال يا صديقي ملوك كوش سودانيين كوشيين اي كانوا قبل ان تخرج لنا هذه القبائل بالمسميات الحالية فلا يمكن مثلا نسبهم لقبائل كسميمات نشأت بعدهم بمئات السنوات
04-06-2017, 10:55 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
بالمناسبة أعز كائنات عندي في الدنيا الجميلة دي هم عيال أختي . وديل ضناقلة يا رسول الله ..يعني دناكلة يعني أسياد معززين في بلدهم ووسط أهلهم كما ينبغي أن يكون الإنسان الحر .
فلا يمكن أن أصف تاج راسي بوصف سلبي أو أسئ إليهم . بل سأنتفض مدافعة عنهم ضد أوصاف الغزاة و المستعمر ..الجاهلة والغبية . هذا الغازي الذي أتى إلى بلادنا سعيا وراء ( الذهب والعبيد ) بزعمهم . وكلمة العبيد ترجمت إلى الرجال ..في مناهجنا التعليمية ..تقية وخجلا ..مع إننا مالناش ذنب في أوصافهم !
غضبتك النبيلة مبررة ، وأتفهم دوافعها تماما . فهذا ما تعلمته في المدرسة ومن الإعلام .
فليت الأمر لم يكن متعلقا بمعطيات تاريخية ، ولكن أي إنكار للتفسيرات التاريخية سيكون تزويرا مشوشا لقراءتنا المحايدة للتاريخ . لذلك يجب أن لا نتغاضى عن أي معطيات تاريخية .
مشكلتنا دأبنا على السخرية من المصريين في تعاطيهم العاطفي والهستيري مع التاريخ .. فاتضح إننا نفوقهم في هذا الأمر ! غايتو مافي حاجة بتضحكني زي حكاية الأنبياء البقو كلهم من السودان بين يوم وليلة دي !! فهل نحن كفرة إلى هذه الدرجة ؟ ! وكم لعنة لعنا حتى الآن .. :)
04-06-2017, 12:45 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
يا آمنة واحد من بلدياتنا الإمام خطب فيهم نوع خطب الوعيد والويل والثبور ديك .. قال للإمام يا شيخنا نحن لو ما كنا ناس كويسين .. كان ربونا قال لسيدنا مهمد أمشي للناس دول زي ما رسل ايسى لفرعون .. قالو ليهو موسى ما عيسي ! قال ليهم كلهم ذرية واهدة.
04-06-2017, 02:51 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
AMNA MUKHTAR
محمد محمد قاضي
علي عبدالوهاب عثمان
Bashasha
كمال عباس
محمد على طه الملك
جمال ود القوز
عبدالعظيم عثمان
عبدالعزيز الفاضلابى
علاء سيداحمد
عبد الله شم
فيس بوك
تويتر
انستقرام
يوتيوب
بنتيريست