|
|
 Re: بالرغم من فك الحصار الاقتصادي إلا أن التح� (Re: ombadda)
|
التحية لك اخي امبدة ولضيوفك الاكارم .
هذا ما حصل لي لما جيت اسافر وطني الحبيب .
الكرم دا قبال ثلاثة شهور ..
لقيت البنك مرسل لي اكتر من رسالة في الايميل والموبايل !
حقيقة ما اشتغلت بالرسائل كتير بما انه كانت شديدة الحرص
علي الحضور ! كنت مشغولة وما مشيت في نفس المواعيد لاني
عليس سفر وقايلة الموضوع بخص التأمين قلت لما افضي بعد كم
يوم وامشي ليهم وزي ما تقولوا كدا عملت رايحة ههههههه . وفي
نفس الايام ضربت لي موظفة البنك وهي بتسالني ليه ما جيت بالرغم
من الرسائل قلت ليها انا علي سفر وما فاضية عندي مشوار السفارة
وكم مشوار لازمن اقضيهم . الموظفة بطريقة منفعلة شوية قالت لي :
اسسسسسسسسسسسه دي تخلي الفي يدك وتجي !!! حقيقة اندهشت
وحسيت بانه الموضوع ما تامين الموضوع اكبر واخطر من كدا بكتيير !
علي طول مشيت البنك .
دارة هذه المحادثة بين وبينها :
التأكد من اسمي وكوبي للجواز !
قالت لي : انتي ماشة السودان لشنو ؟
قلت ليها : اجازة عادية ومن حقي .
قالت لي : قلتي ماشة السفارة علاقتك شنو بالسفارة وماشة ليه ؟
قلت ليها : ما عندي اي علاقة خاصة بالسفارة غير اطلب تأشيرة دخول
لبلدي الاصل لانه ما بخلوني ادخل من غير تأشيرة لانه ما عندي جواز سوداني .
قالت لي : وهي مندهشة بشيلو كم منكم ؟
قلت ليها : 60 ايرو للفرد .
قالت لي : المبلغ دا ما كبير لمجرد تأشيرة وانتي داخلة بلدك الاصل .
قلت ليها : لو ما الظلم دا مافي شئ بجيبنا هنا .
قال لي : قالت لي عمومآ عشان انتي ما عارفة النظام الجديد الفرضتو علينا
امريكا بعدم تحويل اي عملة صعبة للسودان فنرجو منك ان تلتزمي بالنظام الجديد
ولو دايرة اي مبلغ تكليمنا نحن بنسلمه ليك في السودان لكن اياك تشيل معاك عملة
صعبة تاني ! وهددتني في عدم الالتزام حا تعمل لي بلوك للحساب !
لما جيت راجعة تاني ضربت لي لاني كنت من مكنة البنك الفي المطار سحبت قروش
قالت لي ليه سحبتي موش حذرتك ؟
قلت ليها : موش انتي قلت لي الالتزام بعد ما اجي من الاجازة ؟ وانا لسه ما مشيت !
عمومآ حاسه بيها متشددة معاي .
اها ما انسي قالت لي : بتفكي العملة الصعبة وين ؟
قلت ليها : بديها لاخوي تاجر وبسافر كتير وبفكها لي .
اها في النهاية ومن عاداتهم لو استدعوك لي اي شئ بقولوا ليك عندك سؤال ؟
سالتني وقلت ليها ممكن اعرف ليه امريكا فرضت كدا ؟
قالت لي : لانه عاملة عقاب علي الحكومة السودانية وقالت حا تزيده .
يشهد الله دا الحصل لي .
وفي النهاية اها عندكم اي سؤال قول الهولندين ؟ ههههههههههه
|
|
 
|
|
|
|
|
| العنوان |
الكاتب |
Date |
| بالرغم من فك الحصار الاقتصادي إلا أن التحويلات البنكية من وإلى البنوك السودانية لا زالت محظورة | ombadda | 03-23-17, 09:41 AM |
| Re: بالرغم من فك الحصار الاقتصادي إلا أن التح� | احمد حمودى | 03-23-17, 10:17 AM |
| Re: بالرغم من فك الحصار الاقتصادي إلا أن التح� | ombadda | 03-24-17, 08:30 AM |
| Re: بالرغم من فك الحصار الاقتصادي إلا أن التح� | أيمن محمود | 03-24-17, 06:51 PM |
| Re: بالرغم من فك الحصار الاقتصادي إلا أن التح� | ناذر محمد الخليفة | 03-24-17, 08:40 PM |
| Re: بالرغم من فك الحصار الاقتصادي إلا أن التح� | خالد حاكم | 03-24-17, 09:59 PM |
| Re: بالرغم من فك الحصار الاقتصادي إلا أن التح� | ناذر محمد الخليفة | 03-25-17, 08:59 AM |
| Re: بالرغم من فك الحصار الاقتصادي إلا أن التح� | احمد حمودى | 03-25-17, 11:01 AM |
| Re: بالرغم من فك الحصار الاقتصادي إلا أن التح� | ombadda | 03-25-17, 12:01 PM |
| Re: بالرغم من فك الحصار الاقتصادي إلا أن التح� | ombadda | 03-25-17, 12:05 PM |
| Re: بالرغم من فك الحصار الاقتصادي إلا أن التح� | مني عمسيب | 03-25-17, 12:29 PM |
| Re: بالرغم من فك الحصار الاقتصادي إلا أن التح� | احمد حمودى | 03-25-17, 05:17 PM |
| Re: بالرغم من فك الحصار الاقتصادي إلا أن التح� | Maawya Hussein | 03-25-17, 06:39 PM |
| Re: بالرغم من فك الحصار الاقتصادي إلا أن التح� | ombadda | 03-25-17, 07:35 PM |
| Re: بالرغم من فك الحصار الاقتصادي إلا أن التح� | ombadda | 03-25-17, 07:38 PM |
| Re: بالرغم من فك الحصار الاقتصادي إلا أن التح� | ombadda | 03-25-17, 07:43 PM |
| Re: بالرغم من فك الحصار الاقتصادي إلا أن التح� | ombadda | 03-25-17, 07:46 PM |
| Re: بالرغم من فك الحصار الاقتصادي إلا أن التح� | احمد حمودى | 03-25-17, 08:08 PM |
| Re: بالرغم من فك الحصار الاقتصادي إلا أن التح� | Maawya Hussein | 03-25-17, 08:07 PM |
| Re: بالرغم من فك الحصار الاقتصادي إلا أن التح� | Maawya Hussein | 03-25-17, 08:19 PM |
 Re: بالرغم من فك الحصار الاقتصادي إلا أن التح� | ombadda | 03-26-17, 01:40 PM |
| Re: بالرغم من فك الحصار الاقتصادي إلا أن التح� | Maawya Hussein | 03-26-17, 02:07 PM |
 Re: بالرغم من فك الحصار الاقتصادي إلا أن التح� | ombadda | 03-26-17, 10:30 PM |
|
| |
مني عمسيب
فيس بوك
تويتر
انستقرام
يوتيوب
بنتيريست