|
Re: ** صاحبة السمو الشيخة موزا بنت ناصر المسند (Re: وضاحة)
|
بسمات يا حب مشتاااقين الشيخة موزا نموذج يجب ان تقتدي به النساء وهي مفخره تهتم بالمستقبل ومن خلال منظمة التعليم فوق الجميع وفرت التعليم لاكثر من 70 مليون طفل حول العالم وشوفي الفرق بين اهتمام الانسان بي مظهرو وخاصه لما يكون يمثل بلد شوفيهو في مظهر الشيخه موزا ومظهر وزيرة الدولة بوزارة الصحة وتكشيرته والذي لا يهتم بنفسه اكيد لن يهتم بالاخرين ومعروف انها فطره اهتمام المرأه بمظهرها غايتو صاحبتى ام سفنجات دي لو ما اتعلمت من زيارة الشيخة موزا عمرها ما ح تتعلم ووواى يا بسمات لابسة نفس البسة غيرت الشيلة بث
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: عمر التاج)
|
Quote: ازيك يا وضاحة انها.. نخلة وسط الاعشاب .. وبالطبع لا نتحدث عن طول المادة والاناقة فقط ، فطول اليد والقلب أبعد . |
عمر التاج ازيك يا مك صاحبة السمو دي ست الهيبه والمعاني الطيبة جمال قوام ومعاني راقية نخلة شامخه وارض طيبة تفيض خير وعطاء وفهم وبعد نظر بلا من ولا اذى تحياتى يا جميل
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
الشيخة موزه إنسانة جميلة في كل شئ لها التحية والتقدير والإحترام إنها كنداكة أكتر من نساء الإنقاذ... والله صحي سلام وتحية دكتورة وضاحة وضيوف البوست الكرام
(((مرة البر والاحسان))) طيب حاشاها من نقصان العقل في شنو؟؟؟ فعلا يا أبو بكر غلبك تب كامل التضامن مع ود الزبير
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: عبدالحفيظ ابوسن)
|
تحياتي وضاحة الشيخة موزة انيقة وفنانة واي شي لكن كمان حركتها بتاعة السودان أم الدنيا دي ما جميلة صراحة عملتها واضحة عايزة تضرب المصريين باستخدام السودان, معروف شعار ام الدنيا يطبق على مصر من زمان, الاهتمام بأهراماتنا و سياحتنا كان يكون أبرك لو لم تكن الفكرة استخدامه مخلب قط ضد مصر ثم السودان عندنا ضكر ما مؤنث زي قطر و مصر! أبو الدنيا عمّها أخوها أو حتى "خال" الدنيا ما عندنا مشكلة :)
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: Zakaria Fadel)
|
Quote: اخونا قباني... الموضوع كان عليه الا ينحو تجاه ( السيد كوهين ينعي ولده...ويصلًح ساعات) |
سلامات زكريا ...
وضاحة حرة فيما تكتب ...
انا لم اثني على مدحها لموزة و لا على قدحها للمسئولة السودانية ...
انا في ( الراجل ) الجاها ونعتها بي ( مرة ) البر و الاحسان ... الود بيستفزها يعي ههههه
ده كله عشان هي وصفته بي وصف ما عجبه قبال ده ...
ياخوانا ... ابوبكر ده زولي ... هو فاهمني تماماً ... :)
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: محمد محمد قاضي)
|
العزيز محمد محمد قاضي تحيه يا جميل سيرة موزا ومسيرته حافله بالعطاء وهي امرأة رمز وهي رائدة التغيير الايجابي في قطر والوطن العربي نعم يجمع بينها وبين الكنداكات قوة الشخصيه ووضوح الرؤى والاهداف ورجاحة العقل والريادة وحب الناس
Quote: (((مرة البر والاحسان))) طيب حاشاها من نقصان العقل في شنو؟؟؟ فعلا يا أبو بكر غلبك تب |
كسرة بالريال القطري : ما تعمل للحنابر قنابر
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: sadig mirghani)
|
كلام الست وضاحة في الشيخة موزة مية في المية .. زولة راقية المظهر والأحاسيس والفكرة وتستحق تعظيم سلام وربما تمثال في أتخن شوارع الخرطوم .. ربنا يحفظها ويطول عمرها ويخليها كما هي حتي لو قالت السودان أم الدنيا .. لكن بالمقابل كلام الست وضاحة في نسوان السودان غلط وفيهو تشفي وفوقية غريبة جدا .. خصوصا في حتة السفنجة دي مع انو الواضح الست اللابسة سفنجة كانت مضطرة لأنها رابطة أصبعها الكبير . وعليه أعتقد جازما انو الست وضاحة زودتها شويتين وكان أفضل لو ركزت على مآثر الشيخة موزه بعيدا عن المقارنات المستفزة والمستكبرة . ملحوظة أخيرة : واضح انو المستجير داخل البوست شايل بقجة ضغائن شخصية مع الست وضاحة ودا ظهر على مداخلتو الخاوية . أما جرجير فكعادتو دخل للتنظير والمط والجر والتذاكي .
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: طلحة عبدالله)
|
Quote: كلام الست وضاحة في الشيخة موزة مية في المية .. زولة راقية المظهر والأحاسيس والفكرة وتستحق تعظيم سلام وربما تمثال في أتخن شوارع الخرطوم .. ربنا يحفظها ويطول عمرها ويخليها كما هي حتي لو قالت السودان أم الدنيا .. |
تشكرات عزيزى طلحة انا وين اتشفيت في نساء السودان حد يتشفى في نفسو انا اتكلمت عن حاله محدده ولانها وزيرة مفترض تهتم بي مظهره لانها بتمثل منصبه ما بتمثل نفسها عشان كده اتعرضت ليها ودا لاني عاوزه بنت بلدي تكون قدوه في كل حاجه خاصه البظهرو في الاعلام عشان يدو فكره وانطباع جيد عن المرأة السودانيه وكونها مجروحه في اصبعه في بدائل غير السفنجه سفنجتها زاتها شينة ههههههه
وبعدين ما تشاكلنى انا بريدك علشان بتعرف تادب لى حمبرة
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: Hassan Makkawi)
|
Quote: يا ود البشرى اعتقد كتابة السودان ام الدنيا دي مغرزة لانو الخط المكتوب يختلف عن خط الشيخة موزة في كاتبة كلمة في دفتر المتحف .... اختلاف تااام وتحية وتقدير للشيخة موزة وبا سلام على تواضعها واناقتها |
إنشا الله يكون مفبرك يا ود الأمين لأنه إن صح ففيه استخفاف بالسودان
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: محمد البشرى الخضر)
|
Quote: الشيخة موزة انيقة وفنانة واي شي لكن كمان حركتها بتاعة السودان أم الدنيا دي ما جميلة صراحة عملتها واضحة عايزة تضرب المصريين باستخدام السودان, معروف شعار ام الدنيا يطبق على مصر من زمان, الاهتمام بأهراماتنا و سياحتنا كان يكون أبرك لو لم تكن الفكرة استخدامه مخلب قط ضد مصر ثم السودان عندنا ضكر ما مؤنث زي قطر و مصر! أبو الدنيا عمّها أخوها أو حتى "خال" الدنيا ما عندنا مشكلة :) |
يديك العافية يا ود البشرى و يحفظ ليك فهمك و عقلك
و إتمنى إنو الكلام يكون مفبرك زي ما قال محمد عبد الله الأمين
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: سيف النصر محي الدين)
|
وزيرة الصحة الولائية سمية الكد رغم إختلافنا معها لكن لا مقارنة بينها وبين الأميرة موزا !!
عندما ولدت عام 1976 بكسلا بعدها بسنة تزوجت موزا امير قطر!!
درست مراحلها بكسلا وتخرجت من جامعة الخرطوم كلية الصحة العامة بمرتبة الشرف دبلوم الملاريا , وماجستير الصحة العامة , ودبلوم الأوبيئة والزمالة في الأدارة الصحية من جامعة واشنطن !!
مرحب بالاميرة موزا في السودان لكنها لاتفوق سمية في شئ غير انها أميرة أم أمير فقط والسخرية منها ومن ملابسها شئ مخجل أن يصدر من إمرأة وسودلنية كمان!!
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: عثمان الأمام)
|
اوووووو منعم ناس تورنتو تحايا كتار واشواقات مشكور عبد المنعم على جلب الفيديو ونتمنى انو يكون نظام الانقاذ فير ويوظف الاتفاقات مع مؤسسة صلتك والاموال المدفوعه منها التوظيف الذي من اجله وقعت ومنحت ليستفيد منها الشباب بايجاد فرص عمل ويستفيد منها البلد زيادة في الانتاج تحياتى
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: عبد الله شم)
|
Quote: تحياتي وضاحة وضيوفها عجبتني موزة هي كاتبة اسمها موزة عجبتني انيقة ورشيقة رغم الترف خطاطة ياخ خطها حلو |
ود اب سن مشتاقيين تشكرات يا عزيز اسمها موزا وليس موزه وموزا نوع من اللألئ الطبيعية الثمينه والتي تتوهج بالضؤ الابيض وهو اسم على مسمى فالشيخه موزا تتوهج عطاء ومحبه واناقه وسماحة وفهم تحياتى
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
Quote: تحياتي وضاحة الشيخة موزة انيقة وفنانة واي شي لكن كمان حركتها بتاعة السودان أم الدنيا دي ما جميلة صراحة عملتها واضحة تضرب المصريين باستخدام السودان, معروف شعار ام الدنيا يطبق على مصر من زمان, الاهتمام بأهراماتنا و سياحتنا كان يكون أبرك لو لم تكن الفكرة استخدامه مخلب قط ضد مصر ثم السودان عندنا ضكر ما مؤنث زي قطر و مصر! أبو الدنيا عمّها أخوها أو حتى "خال" الدنيا ما عندنا مشكلة :) |
ود البشري سلامات دي وجهة نظره هي شايفه السودان ام الدنيا وما طلبت من الناس تعممه وتأنيث وتذكير المدن والدول مجازي ولا تحكمه قاعده وكثير من اسماء الاعلام كذلك مثال اقبال عندنا مؤنث وعند غيرنا اسم مذكر وهل هناك علامة تأنيث في قطر مثلاً وعلامة مذكر في السودان وهل تذكير السودان او تأنيثو بنقص منو او يزيدو
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
إن كانت فعلا كتبتها يا وضاحة فزي ما قلتي هي وجهة نظرها و رأيي أعلاه هو وجهة نظري في وجهة نظرها, نعم لم تطلب التعميم لكن الأمر متعلق ببلادي فشي طبيعي أن استنكر وجهة نظرها أمّا إن كانت مفبركة - واتمنّى ذلك - فمن فبركها يعي الأثر السلبي لمثل هذه العبارة لذا زوّرها و نشرها
كلم التذكير و التأنيث كان تعليق جانبي وليس بتلك الأهمية لذا لا داع للوقوف عليه وإن كنت أصر على ان السودان مذكّر :)
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: محمد مجيدو)
|
Quote: وموزا نوع من اللألئ الطبيعية الثمينه والتي تتوهج بالضؤ الابيض |
شكرا يا وضاحة على المعلومة...لاول مرة ادرك معنى الكلمة عند اهل الخليج العربي ...كنت اظن المقصود بها الفاكهة المعروفة
.....
حليل السودان البقى يحسدوهو المصريين على زيارة شيخة قطر وبستكتروها عليهو
بلد في يوم من الايام كانت زيارة ملكة بريطانيا له خبر عادي
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: Nasser Amin)
|
Quote: :ابونظارة دي مدح ولاذم عشان الواحد ينداح |
دا مدح يا بيبي انداح ولا يهمك ومحل الرهيفة تنقد
يا حليل شيقا المسنوح كان اجمل زول واجمل قلب في المنتدى والله اشتقت ليه كتير للاسف كل الناس الجميلة فارقت المنتدى كانوا ناس قلوبن نقيا ضحك وهظار كانت ايام جميلة
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
وضاحة يا قلب والله كلامك صحي... فعلا ناس جميلة فارقت المنبر..ومنهن بت السيد وعطوفي بت ادريس بت دبي البتطل علينا مرتين بس في السنة.. \وانتي السعيدة العايشة في اللؤلؤة البتتوسط الدوحة الغناء وبالمناسبة مرات بنشوف الشيخة موزا هنا في نيويورك في الشارع الشهير Park Avenue في منهاتن ، شارع البليونيرات، وحنحكي ليك قصة انسانية رائعة من اعمال البر والاحسان قامت بها الشيخة موزا وهنا في نيويورك.. ودمتي بالف خير وصحة وعافية
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
محمد عبد الله الامين ازيك يا مك خليها تمغرزن اولاد بميه هم المغارز العملوها فينا شويه ديل سرقو تاريخنا ونيلنا بالله شفت كيف قاعده وسط الاطفال ديل وحاضناهم المنظر دا ح يفضل مسجل في وجدان الاطفال ديل العمر كلو وح يكون ليهم دافع للابداع والتميز والعطاء ودا دور القيادات الهام الاجيال
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
عبد العزيز محمد عمر تحيات كتاار فعلا الخوف من ان تذهب الاموال الى جيوب ناس المؤتمر الوطني وحساباتهم وحقيقه كثير من المؤسسات العالميه احجمت عن تقديم المساعدات والعون للسودان بسبب فساد المؤتمر الوطني ديل لا بخافوا من الله لا بستحوا
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
عبد العزيز محمد عمر تحيات كتاار فعلا الخوف من ان تذهب الاموال الى جيوب ناس المؤتمر الوطني وحساباتهم وحقيقه كثير من المؤسسات العالميه احجمت عن تقديم المساعدات والعون للسودان بسبب فساد المؤتمر الوطني ديل لا بخافوا من الله لا بستحوا
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
الفاضلابي حبابك يا مك وووووينك ودي واحده من بركات زيارة الشيخه موزا لفتت نظرنا وجعلتنا ننتبه لما نملكه من ثروة تأريخيه ونبهتنا الى وجوب الاهتمام بها وتابعت بفرح الحراك الذي عملته هذه الزيارة والتي جعلت كتاباتنا في مواقع التواصل تضج بتاريخنا فعرفنا وعرف العالم الكثير
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: وضاحة)
|
مجييدو يا حرف ال J المصريين لسه عايشين في جلباب سيطرتهم الاعلاميه ونسوا ان العالم اصبح قريه صغيره وصدقوا اكاذيبهم للعالم عشان كده ردة فعلهم جات كونهم خافوا العالم يعرف الحقيقه وان يسحب البساط من تحت ارجلهم مساكين معذورين محاسن كبي ليهم قنقليس
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: سيف الدين محجوب)
|
مع كل إحترامنا للشيخه موزه وبلا ادني شك، هي ووضاحه محل تقديرنا....
لو صح لي القول ساقول الآتي:
العلاقات الدوليه في طبيعتها مبنيه علي المصالح، ومافيش دوله في هذا الكون ممكن تعمل لدوله اخري شيء بدون مقابل، حتي الدول التي تزعم انها تحكم بامر الله(في الماضي اوفي الحاضر محكومه بفرعون او محكومه بموسي...)!!!!!!.
العلاقات الدوليه مافيها اي أخلاق ولابتعرف قيّم والمانع يأكل الضعيف وبأي إسلوب(قوه خشنه او ناعمه) ودا مسموح به ضمنيٱ وبمباركة الدول نفسها بل الظلم يعتبر نجاح وفلاح من قبل النظام العالمي مثلٱ: ممكن الفاعل/الفاعلين في العلاقاقات الدوليه يحضر للسودان(كموزا) ومن اجل مصلحته ممكن يجلس مع الفقراء والمحتاجين او مع المشردين - بحضور الكمرا - يضمهم إليه وياكل بجانبهم وتلتقط له صور او كلبات هنا وهناك وذلك بغرض الإعلام وليعكس قدراته للمتابعين له من داخل دولته او المنظمه المرسلاهو وليثبت لهم مدي ال Outcome من زيارته!
زيارة موزا للسودان ناجحه ووحققت الاهداف المرجوه منها بالنسبه لدولتها هي(قالت للمصرين انا هنا، وغيرها من اهداف اخري) ولكن السؤال الآخر، هل السودان حقق مصالحه من زيارتها!!!
هل فتحت فرص لهؤلاء الغلابه التي تصورت بجانبهم كمنح تعليميه بدولتها، هل خصصت لهم اي تنميه مستدامه ممكن يعول عليها!!
هل مجرد انها تصورت بجانبهم ووزعت بعض الأحضان والقبل عليهم هل هذه الشكليات كافيه لتغير احوالهم او ممكن يقدروا يعيشوا وضع جديد احسن مما هم عليه عندما تعطيهم عرض اكتافها!!
ماهي مصلحة السودان من زيارة موزا غير المكيده لنظام عبدالفتاح السيسي ولمصلحة افراد راس المال الطفيلي بنظام عمر البشير!.
في حالتنا(زيارة موزا وصورها) ومدحنا لها الشكلي لايعمينا عن ترديد سؤالنا المشروع وهو ما مصلحة السودان في كل هذا الزخم!! دع عنك كل هيلمانة زيارتها جانبٱ، حتي الرسل والأنبياء والحكماء لايمكن يزوروا دولة ما وإلا يكونوا واضعين مصلحة دولهم فوق كل شيء(حتي لو يدعوا الناس لله برضو يعتبر مصلحه)!!
موزا كممثله لدولتها لديها مصلحه في السودان ممكن تكون عايزه تخنق مصر من بوابته الجنوبيه او لاي مصالح اخري المهم هي ما اتت لسواد عيونا كما تصورت مع اطفالنا وتصورت بصحراء البجراويه!
ودا امر مفرغ منو، موزا ولا اي جهه دوليه اخري ما ممكن تزور وطنك سمبله ساي ! لتحصل علي ماتريده تجدها تدخل من مدخل إنساني(تحضن او تبوس او توزع بسماتها علي المستضعفين منك) وفي نفس الوقت يدوسوا علي نفس هؤلاء المستضعفين بآلتهم الحربيه في اماكن اخري، سوريا، ليبيا، اليمن!
نحن بني الإنسان في مشكله اخلاقيه عميقه، وحلها يجب ان يكون مسئولية الجميع... وهذا الحل يبدا بنظافة فرديات هذه الدول ليخرج من رحمها قاده اخلاقيون! لان جزور مشاكل نظامنا العالمي التعيس تكمن في الآتي: ١/ مفاهيمنا للأوطان(إهراماتنا كبيره وإهرامتهم زي المكعبات، مصر ام الدنيا، والسودان "أم" الدنيا، حلايب سودانيه، حلايب مصريه، إمريكا للإمريكان وروسيا للروس) وعلي كدا لنا جيوشنا ولكم جيوشكم والحروب تدور بسبب اصنام الاوطان!
٢/ مفاهيمنا للأديان (الجنوب مسيحي والشمال مسلم، فلسطين مسلمه إسرائيل يهوديه، الفاتيكان كاثيلوكيه ومكه سنيه وقم شيعيه...)
٣/مفاهيمنا للأسره، القبيله والمجتمع(اسرة وقبيلة فلان وعلان، المجتمع الآري، المجتمع العربي.. !
بغض النظر عن إيجابية او سلبية زيارة موزا للسودان فإنها ضحيه لنظام عالمي خربان يستخدم اللا اخلاق في معاملاته! وفي النهاية تفاعلات الدول لاتخلوا من ربح وخساره: هنالك دائمٱ جانب ربحان من التفاعل وجانب آخر خسران!
لما كان السودان بمروتو ومؤثر في محيطو، الإفريقي، العربي، الإسلامي زارتو ملكة بريطانيا لتضمن العسكري عبود كمخلب قط لتنفيذ سياسات بريطانيا في تلك المنطقه اي إستخدمته "كعبدالمأمور"!
كذلك جمال عبدالناصر استخدم. سلاح الفن وحضر مع ام كلثوم للخرطوم لمؤتمر اللآت الثلاث و(برضها لبست الثوب السوداني، ورسمت الحناء وشربت الجبنه)!!
رايس برضها زارت السودان ووزعت القبل والأحضان وزرفت الدموع بسخاء مع مستضعفين دارفور ثم تصورت معهم ولكن ليس لسواد اعينهم او لخدمة قضيتهم العادله ولكن في المقام الاول هي خدمت مصلحة دولتها من خلال قضية دارفور !!
بودي ديبكان الكنديه برضها زارت السودان وزارت دارفور وبكت مع الاطفال، والنساء ولكن ما هي المحصله النهايئه من زيارة، بودي، رايس، ام كلثوم، ليلي علوي واخيرٱ زيارة الشيخه موز للسودان!!!!.
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: Mohamed Adam)
|
العزيز Mohamed Adam لك التحية والشكر على الاضافة الثرة والتساؤلات المنطقية التي اثرتها العلاقات الدوليه قائمه على المصالح هذه حقيقة ودول العالم المتحضر الراسخة المدنيه تتضمن دساتيرها رساله نحو المجتمع العالمي وهذه حقيقه ثانيه والنظريه الذكيه في لعبة المصالح هي التي تقول ان الكل المستفيد او على الاقل انا وانت مستفيدان هل استفاد السودان من زيارة موزا ؟ اقول لك كما حملت الاخبار ان مؤسسة صلتك التي ترأس مجلس ادارتها الشيخه التزمت بتوفير مشاريع لتوظيف 800 الف شاب سوداني اما في في مجال التعليم فقد تكفلت بانشاء ورعاية مدارس و600 الف طالب وهذه المدارس اكيد ستوفر لاطفالنا بيئه تعليمية سليمه ان سلم التمويل من ايدي الكيزان اما عن هدف قطر خنق مصر والتي تحتل جزء عزيز من ارضنا وكانت سبقته باغراق جزء اخر عزيز حوى كنوز من حضارتنا اليس كل هذا يجعل لنا مصلحة في حنق مصر على الاقل كاداة ضغط من اجل مصالحنا ومن اجل استعادة ارضنا المحتله اما عن تسويق الزيارة لاثارنا وحضارتنا ونفض الغبار عنها وتوجيه اهتمامنا واهتمام العالم لها فقد لاحظناه جميعاً بدرجة تجعلني اقول ان هذه الزيارة ستعيد كتابة تأريخ الحضارات من جديد بالدرجة التي تجعل لحضارتنا المنسية القدح المعلا بين حضارات العالم تحياتى
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: أحمد الطيب بدرالدين)
|
دكتور احمد الطيب البردان مشتاقيين الف مرحب بيك وشرفت البوست ونورتنا الكيزان لا دين ولا مبداء لهم وكل همهم تحقيق مصالحهم هذه لا نختلف فيها ولكن في النهايه هم زائلون والوطن باقي وهذه الاثار والحضاره ملك لهذا الوطن ويجب ان نشجع كل ما يروج لها لاننا سنسنفيد من هذا الترويج عاجلاً او اجلاً وطالما اننا غير قادرين على نزعهم يجب ان نتعايش لنحقق اكبر ما يمكن تحقيقه للوطن رغم وجودهم بدل ان ننتظر ان نبداء بعد زوالهم والذي نتمنى ان يكون قريباً تحياتى
| |
|
|
|
|
|
|
Re: ** صاحبة السمو الشيخة موزا بنت ناصر المسند (Re: الوليد محمد)
|
العزيز الوليد محمد اسمها الشيخه موزا ويمكنك البحث في قوقل في الصحف والمواقع القطرية وفي موقع الشيخه موزا الشخصي على الانترنت لتتأكد وموزا اسم سائد في الخليج وهو نوع من اللؤلؤ الثمين يتميز باشعاعه الابيض القوي اما جزيرة ومنتجع البنانا الذي تديره شركة انانتارا فجاء اسمه من شكل الجزيرة المقام عليها وهي في شكل قوس يشبه ثمرة الموز
| |
|
|
|
|
|
|
|