منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 07-22-2017, 02:44 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

اللغة النوبية في أرض الرباطاب.. وأشياء تندثر

03-01-2017, 09:48 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


اللغة النوبية في أرض الرباطاب.. وأشياء تندثر

    09:48 AM March, 01 2017

    سودانيز اون لاين
    معاوية الزبير-الدوحة
    مكتبتى
    رابط مختصر

    مقدمة
    يحكي عمنا الأستاذ محمد عثمان محمد أحمد بشير خطيب
    (اقتباس بتصرف):

    (في عام 1963 زار الفنان محمد وردي الجزيرة مقرات/ريفي أبوحمد
    لحضور زواج صديقه طبيب الأطفال الدكتور حافظ الشاذلي عثمان وأحيا بالمناسبة أربع حفلات
    وأثناء الأحاديث والونسات التي تخللت تلكم الأيام شرح لنا وردي معاني الأسماء النوبية
    التي تتسمى بها بعض جزر وقرى الرباطاب، على سبيل المثال:
    مُقْـرات: الكلب الرابض أو الجالس على رجليه الخلفيتين وباقي جسمه منتصب على رجليه الأماميتين
    أما القول إن اسم مقرات جاء من كونها مَقرّات (للصالحين) فهو غير صحيح
    لأن مقرات مأهولة بالسكان منذ ثلاثين ألف عام
    وأقدم (الصالحين/الفقرا) من سكانها لا يصل تاريخهم إلى أربعمائة سنة إلى الوراء

    كُدُرْمَه: الحجر الأسود .. (كد: حجر، ارم: أسود)
    كاجنقيلي: الحمار الأحمر.. (كاجن حمار، قيلي: أحمر)
    كِجِّي: البوغة (الأرض المُجَهزة للزراعة)
    بِرتكول: رمز القوة
    ومن أسماء مناطق الرباطاب الأخرى:
    كورتا
    ككي
    كندي
    كِدِسنات
    كَديته
    كَلَسيكَل
    الكرمل
    بِرتِـكول (كول كما في الكلمة الإنجليزية CALL )
    فِلِّكـول
    سالِّـكول
    مَقَل
    بِربات
    أرجات
    شِتيرنات
    الكُرو
    الزويرة
    شوتك
    العشكوت
    كُرقُس

    ومحلية أبوحمد كلها كانت تقع ضمن المنطقة النوبية التي كانت تحد شمالا بشمال أسوان وجنوبا بسوبا
    وكانت مملكة النوبة تتكون من مملكتين: المقرة في الشمال وعاصمتها دنقلا العجوز وعلوة في الجنوب وعاصمتها سوبا

    نواصل للتعريف بالمصدر في المداخلة التالية:
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 09:51 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    الموسوعي والنسّاب الأستاذ محمد عثمان محمد أحمد بشير خطيب
    من مواليد الجزيرة مقرات عام 1938
    درس الأولية في مقرات، ثم انتقل إلى مدرسة شندي الوسطى 1954
    ثم معهد المعلمين في شندي 1956
    عمل بالتدريس في منطقة البحر الأحمر لمدة 14 عاما حيث أتقن اللغة البجاوية
    ثم انتقل إلى القولد (جنوب دنقلا) وعمل لمدة سنتين
    وأخيرا استقر به المقام في مسقط رأسه مقرات حيث عمل مدرسا
    ثم مشرفا تربويا (1985) ثم موجها تربويا (1988) حتى المعاش 1998
    يعمل متعاونا بإذاعة أبو حمد المحلية ويقدم برنامجين أسبوعيا منذ عام 2008 حتى الآن
    البرنامج الأول تاريخي بعنوان (ذاكرة وطـن)
    والآخر توثيقي بعنوان (من أدب الرباطاب الشعبي)
    وبلغ عدد الحلقات من البرنامجين نحو 700 حلقة
    يعكف الأستاذ خطيب على تجميع كتاباته المنثورة لطباعتها ضمن مجموعة كتب
    لتضاف للمكتبة السودانية التي تعنى بتاريخ وثقافة القبائل في السودان
    ينشر الآن قصاصات من علمه الموسوعي بالتراث على صفحته بالفيسبوك
    وقد استأذنته لنشر أجزاء منها هنا بمنبر سودانيز أونلاين
    نرجو له التوفيق والسداد
    أطال الله في عمره بأتم الصحة والعافية

    ونواصل كلما تيسر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 10:13 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13902

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    تحياتي معاوية
    متابعة وحضور
    تعرف في اشكالية في قراءة التراث ونشرو
    نحن محاصرين بي تابوهات العيب
    نحن قاعدين نخرج التراث من سياقه التاريخي ونحاكمو بالحاضر
    وبعض التراث بننكرو ونعتبر مجرد الاشارة ليه عيب
    مثلا مقرات الرغبة الذاتية خلتها مقر الصالحين .. واكيد الناس بتقبلها . فيها طهرانية كدة
    شكلي مرقت برة
    متابعة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 10:30 AM

Dr. Ahmed Amin
<aDr. Ahmed Amin
تاريخ التسجيل: 02-20-2007
مجموع المشاركات: 6587

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: عبدالحفيظ ابوسن)


    سلام وتحية أستاذ معاوية ...

    كلامكـ صحيح وسليم .. حدثني الوالد كثيراً في الماضي عن أن كل اسماء القرى والمدن
    عندنا أصلها نوبي ..

    يا ريت تمر أيضاً على (السنجراب) مسقط رأس د. حافظ الشاذلي وعبدالرحمن عبدالله رحمه الله وبروف عبدالله احمد عبدالله
    وصلاح كرار .. ونشوف ماذ يعني الإسم ؟ هل أيضا (نوبي)

    أنا منطقتي وأهلي مقسمين بين (كجي) و (مقل)

    بوست جميل ومهم ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 10:38 AM

محمد عبد الله الحسين

تاريخ التسجيل: 01-02-2013
مجموع المشاركات: 2585

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: Dr. Ahmed Amin)

    الأخ معاوية ‏
    تحياتي
    و اللهده حيكون اختراق كبير زي ما بيقولوا ناس السياسة.‏
    سمعت بانه هذه المنطقة معظم اسماءها نوبية و اظن بعض مناطق ‏الشايقية. يعني الموضوع عايز دراسة و تحليل لغوي و كمان تسجيل ‏لبعض الكلمات
    المتداولة التي ب]ا بعضها يندثر بسبب التحضر و بسب ‏الهجرة من المنطقة و بسبب التلاقح الثقافي و الاجتماعي.‏
    أنا لاحظت إنه في منطقتنا في الدامر كان في كثير من الكلمات المتداولة ‏على المستوى الشعبي برضه بدت تختفي. و كذلك بعض الناس بيشوفوا ‏الكلمات العامية
    دي كأنها نوع من التخلف و قد أورد د. عبدالله الطيب ‏كثير من تلك الكلمات و أوضح بأنها عربية فصيحة.‏
    و اعتقد كل مناطالسودان تحتاج لتسجيل الكلمات و العبارات المتداولة لأنه ‏بعد جيل أو جيلين سوف تختفي.‏
    نسيت أن أقول إن هذه الذخيرة اللغوية ستكون باب ينفذ منه المؤرخون أو ‏بمعنى آخر قد يساعدهم في تفسير بعض الوقائع أو الظروف التاريخية ‏من
    المدخل اللغوي و العكس أيضا صحيح.‏
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 10:42 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: Dr. Ahmed Amin)

    أنا منطقتي وأهلي مقسمين بين (كجي) و (مقل)
    --------------------------------------------------------
    ههههههه حتى انت يا دكتور من هناك؟ تشرفنا ...أخوك من غرب الشريك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 10:38 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    شكرا لك الاخ معاوية الزبير على اهتمامك باستاذنا المجتهد فى توثيق التراث محمد عثمان محمد أحمد بشير خطيب مد الله فى ايامه
    لا ادرى ان كنت من نفس المنطقة ام لا
    لكن يمكن لك ان تتابع منشوراته فى منتديات واحة الرباطاب بالفيسبوك فله نشاط راتب هناك
    صفحته تحمل اسمه مختصرا:محمد عثمان خطيب
    مثلا عن من اين جاء اسم مقرات كتب الآتى:
    الابناء بالبسيقة ردا على تساؤلكم عن من اين جاء اسم مقرات لجزيرتنا الحبيبة ؟
    في البدء كل اسماء القرى والجزر داخل جزيرة مقرات وحولها نوبية الا القليل منها مثل السنجراب، جرف الدومة، ام قويز، الجريف، ابوعلاليق.
    اما الاسماء النوبية فهي مثل كاجنقيلي، كدرمة، كجي، كورتا، ككي، كندي، كدسنات، كديته، كلسيكل، الكرمل، برتكول، فلكول، سالكول، بربات، ارجات، شتيرنات ...الخ
    ومحلية ابوحمد كلها كانت ضمن المنطقة النوبية بدءا من شمال اسوان وحتى سوبا وكانت تتكون من مملكتين المقرة في الشمال وعاصمتها دنقلا العجوز شمال مدينة الدبة وعلوة عاصمتها سوبا.
    عندما زار الفنان محمد وردي السنجراب في عام 1963 لحضور زواج صديقه الدكتور حافظ الشاذلي عثمان وقضى يومين الحنة والعرس في النباري في حوش محمد المصطفى واليوم التالت (الصبحية) في بيت استاذ الاساتذة الشيخ ابراهيم احمد والد العروس بام عجيجة واحيا الحفلات الثلاث والرابعة في مركب اللنش من السنجراب الى ام عجيجة.
    وفي اثناء الونسة ولعب الكتشينة شرح لنا معظم الاسماء النوبية في المنطقة على سبيل المثال:
    مقرات: الكلب الرابض او الجالس على رجليه الخلفيتين وباق جسمه منتصب واقف على رجليه الاماميتين ومن يقف على عقبة مقل غرب مدرسة الفريق محمد عطا وينظر لانحناءة كجي حيث يتجه النيل غربا لمسافة 28 كلم يعرف تماما سبب التسمية.
    كدرمة: الحجر الاسود .. كد حجر، ارم اسود
    كاجنقيلي: الحمار الاحمر.. كاجن حمار، قيلي احمر
    كجي: البوغة
    برتكول: رمز القوة
    ومقرات ماهولة بالسكان منذ ثلاثين الف عام كما قالت لي الاستاذة فالري بالجامعات الالمانية والمرافقة لبعثة تنقيب المانية كانت بمقرات قبل عامين. وذكرت لي ان الحفريات وصلت حتى الآن الى خمسة الاف سنة فقط من البعثات النرويجية والسويدية والالمانية.
    اما موضوع مقرات الصالحين فهذا غير صحيح واقدم الصالحين من ود صالح الوراق براس الجزيرة وود دود الله في دبر وود فريعة في كلسيكل بحري والفكي نوح في راس الجزيرة الشمالي الغربي كلهم تاريخهم لا يصل الى اربعمائة سنة الى الوراء.
    محمد عثمان خطيب
    اما عن جزر المنطقة فكلها تحمل اسماء نوبية مثل أنجرى وارتل وأتبة الصغيرة والكبيرة وكشوى وامبكول وغيرها... وأظن كل الجزر النيلية تحمل اسماء نوبية بما فيها توتى..... ويا ليت اخوتنا اهل الشمال الذين لا زالوا يجيدون النوبية يساعدوننا بالترجمة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 10:54 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: Hassan Farah)

    حباب اب سن
    حفظ التراث كتابة هو حفظ لتاريخ الأمة
    نحن قومٌ اُبتلينا بداء المشافهة وصعُبت علينا الكتابة وإن كتَبْنا فغالبا في السياسة
    عمنا الأستاذ محمد عثمان خطيب رجل موسوعة تمشي على قدمين
    لا تقتصر موسوعيته على تاريخ الرباطاب ولا تاريخ السودان فحسب
    إنما تشمل أنحاء كثيرة من شعوب العالَم
    حكى لي قبل يومين إنهم في آخر يوم دراسي في معهد المعلمين جمعهم عميد المعهد آنذاك (مطلع الخمسينيات)
    وهو المربي الجليل الأستاذ أحمد حامد الفكي (وهو من العيلفون) قاليهم:
    كونكم اتخرجتوا مدرسين، احرصوا على مواصلة التعلُّم الشامل
    كل صباح جديد ولا تكتفوا بالتعليم المدرسي فسيسألكم الناس في كل شيء
    كون المدرس آنذاك كان الكل في الكل
    عمنا محمد عثمان الذي جلّ من دخول وادي سيدنا بدرجة واحدة
    بالغ في تثقيف نفسه حتى بلغت معرفته تاريخ أقاصي الدنيا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 11:01 AM

محمد ادريس زمراوي
<aمحمد ادريس زمراوي
تاريخ التسجيل: 01-04-2015
مجموع المشاركات: 208

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: Hassan Farah)

    الاخ / معاوية الزبير

    لك التحية

    ونتابع

    وندعو الاستاذ / على عبد الوهاب وله باع كبير فى هذا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 11:40 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد ادريس زمراوي)

    Quote: كلامكـ صحيح وسليم .. حدثني الوالد كثيراً في الماضي عن أن كل اسماء القرى والمدن
    عندنا أصلها نوبي ..
    يا ريت تمر أيضاً على (السنجراب) مسقط رأس د. حافظ الشاذلي وعبدالرحمن عبدالله رحمه الله وبروف عبدالله احمد عبدالله
    وصلاح كرار .. ونشوف ماذ يعني الإسم ؟ هل أيضا (نوبي)
    أنا منطقتي وأهلي مقسمين بين (كجي) و (مقل)
    سلام دكتور احمد أمين
    لاقيناك في نادي العين من سنوات وتاني لم نحظ بلقاك
    السنجراب طبعا نسبة لجدهم سَـنْجَـر أحد أبناء رباط السبعة وهو اسم لا علاقة له باللغة النوبية
    ومنطقة السنجراب داخل الجزيرة مقرات تمتد من كاجنقيلي جنوبا حتى النبيري شمالا يعني قبُل مقل بشوية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 11:55 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    Quote: و الله ده حيكون اختراق كبير زي ما بيقولوا ناس السياسة.‏
    سمعت بانه هذه المنطقة معظم اسماءها نوبية و اظن بعض مناطق ‏الشايقية.
    يعني الموضوع عايز دراسة و تحليل لغوي و كمان تسجيل ‏لبعض الكلمات..
    محمد ع الحسين ازيك يا حبيب
    مداخلتك ثرية اقتطفت بعضها للتذكير بما هو معروف تاريخيا أن المنطقة من صعيد مصر حتى جنوب الخرطوم
    كانت تمثل مملكة النوبة فلا عجب أن تتسمى المناطق والأشياء في هذه المساحة الشاسعة باللغة النوبية
    عندك في الشايقية مثلا: كورتي، قنتي، تنقسي ..الخ
    Quote: و اعتقد كل مناطق السودان تحتاج لتسجيل الكلمات و العبارات المتداولة لأنه ‏بعد جيل أو جيلين سوف تختفي.

    ولهذا السبب شرع أستاذنا خطيب في كتابة وطباعة ما يليه (ما بتاعت الكيزان)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 12:11 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    Quote: شكرا لك الاخ معاوية الزبير على اهتمامك باستاذنا المجتهد فى توثيق التراث
    محمد عثمان محمد أحمد بشير خطيب مد الله فى ايامه
    لا ادرى ان كنت من نفس المنطقة ام لا
    لكن يمكن لك ان تتابع منشوراته فى منتديات واحة الرباطاب بالفيسبوك فله نشاط راتب هناك
    أهلا حسن فرح
    طبعا أتابعه منذ وقت طويل وقد استأذنته بنقل بعض منشوراته إلى هذا المنبر لتوسيع مجال المعرفة وقد وافق مشكورا
    كذلك قريبنا وزميل المنبر الحاج حمد الحاج من المتابعين للأستاذ الخطيب وأنتظر مشاركته هنا (وهو من ناس الغِريب - grape)
    وكذلك أخونا ياسر بيناوي عُمَد ناس عتمور وأمَكِي
    كما ننتظر فطاحلة اللغة النوبية قبيل المولانات الملك وعبد الاله وغير المولانات أيضا (هههه)
    Quote: أخوك من غرب الشريك
    وفي الشريك جدي لأبي ود لبيني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 12:35 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    Quote: لك التحية
    ونتابع
    وندعو الاستاذ / على عبد الوهاب وله باع كبير فى هذا
    أهلين محمد زمراوي
    شكرا للمتابعة وبالتأكيد الأستاذ ع ع عبد الوهاب في البال والله
    وكلما توغلنا اكثر في إيراد التسميات ستتحفز ذاكرته
    لك كل التقدير
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 01:25 PM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    وفي الشريك جدي لأبي ود لبيني
    ما شاء الله تشرفت بالتعارف... اهو طلعنا أهل.... الشكاكيك ما عندكم بيهم علاقة؟؟؟ الاستاذ ابوالقاسم هاشم والد الشهيد سعود ما عندكم به علاقة؟؟
    ... طبعا هو من اقاربنا فى مقرات بالحساب ابن عمى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 02:10 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: Hassan Farah)

    كيف يا حسن، عمك هاشم القاضي خالنا وعمنا، اتصل بالتلفون عشان نوقّع ليك البِقاية
    ---

    سنواصل في نقل ما خطّه الأستاذ خطيب عن أجزاء الساقية وما جاورها في الزرع باللغة النوبية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 04:05 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    يقول الأستاذ خطيب إن أول من صنع الساقية (آلة ري بدائية) هم الفراعنة في مصر
    ومنهم انتقلت إلى بلاد النوبة (السودان الشمالي) وترجم النوبة أجزاءها بلغتهم.
    وعندما اشتدت هجرة العرب إلى السودان بعد الإسلام وغلبت الثقافة العربية على اللهجة النوبية
    قام العرب بتعريب معظم المصطلحات النوبية إلا الساقية لأنها غير موجودة في شبه الجزيرة العربية
    لانعدام الأنهار فيها، وفي العادة تربط السواقي على ضفاف الأنهار.
    تاليًا أسماء بعض أجزاء الساقية:
    الكوديق :
    هو سطح الساقية الذي يسير عليه الثور.
    التكن :
    عود سنط متوسط الحجم له فرقتان يثبت عليهما عود قصير فيشكل مع الفرقتين شكل مثلث ينسج بالحبال
    ويجلس عليه الصبي الذي يسوق الثور.
    الارقوية :
    عود حراز متوسط الحجم بطول ثلاثة أمتار تقريبا ويخرم أحد طرفيه ويدخل فيه عود أقل حجما يسمى البرمدي
    ويربط به حبل ويوضع طرف الارقوية الذي عليه البرمدي والحبل على رقبة الثور ويربط الحبل من طرفه الآخر بأعلى البرمدي
    ويوضع طرف الارقوية الآخر على الحلقة من جهة الأمام.
    الاسناق :
    هو بديل للارقوية في حالة وجود ثورين معا وبه عدد اثنين برمدي واثنين مخناق
    والمخناق هو الحبل الذي تربط به رقبة الثور على الارقوية أو الاسناق.
    الأرص :
    حبل قوي يربط في التكن المثبت في الحلقة وطرفه الآخر في الارقوية التي على رقبة الثور وهو بمثابة السير للماكينات.
    التوريق : هو عود طويل مربع الأطراف له رأسان طرفه من جهة البر مثبتة فيه الحلقة الصغيرة
    وطرفه من جهة النهر مثبتة فيه العطفة التي تحمل الماء وهو العمود المحرك للساقية مثل عمود الكرنك في الماكينات
    ومن طرفه المقاصد للماء يطلع صوت الساقية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 04:18 PM

علي عبدالوهاب عثمان

تاريخ التسجيل: 01-17-2013
مجموع المشاركات: 5352

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)


    الكوديق : هو سطح الساقية الذي يسير عليه الثور.
    ====================
    حبيبنا معاوية .. مودتي .. ما هذا الجمال . الله الله .. يا سلام ..
    فقط شوية تعديل :
    ربما جاء بعض السهو في الكوديق : ليس سطح الساقية أنما الكوديق هو ( الجدول الذي يوصل الماء من النيل إلى الساقية لملء الحفرة التي تغرف منه القواديس )
    حتى في الغناء الشايقي تجد ( حفرنا الكوديك .. يا حليلك يا تنقسي )

    سطح الساقية تسمى بالنوبية ( سوي soy ) وهي المنطقة التي تدور فيها البقرة

    واصل هذا الاثراء والتحية للاستاذنا خطيب ..
    ولدي كتاب من اكثر مائة وخمسين صفحة سوف يصدر قريبا إن شاء الله
    بعنوان ( قراءة نوبية في شعر الشايقية )

    مودتي معاوية .. عندي بوست بهناك ولكن هذا أهم ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 05:04 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي عبدالوهاب عثمان)

    ملاحظة جيدة يا أستاذ علي، وسيتم الأخذ بكل الملاحظات من أصحاب اللغة الأصليين
    لتسجيلها في مسودة الكتاب الخاص بمسميات أجزاء الساقية وحقل الزراعة قبل إيداعه المطبعة،
    سآتيك لاحقا بتبرير أستاذنا الخطيب لهذا الاستخدام
    سعيد جدا بمشاركتك وأتوقع المزيد منها كلما تقدمنا في العرض

    ما شفت البوست المعني، سأبحث عنه الآن
    أشكرك يا حبيب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 05:47 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    سلامات يا معاوية وزواره الأفاضل ..
    عساك استرديت عافيتك بالكامل ..
    بوست في العضم ..
    التحية والتجلة للأستاذ محمد عثمان الخطيب أمد الله في عمره وجزاه خيرا ..
    مؤكد ما يقوم به من عمل توثيقي وتعريفي مهم للغاية ..
    واحدة من أسباب إخفاقات كتابة التاريخ السوداني وربط ماضيه بحاضره ..
    هو غياب التوثيق للتراث وعدم الإهتمام باللغات المحلية ..
    لعل الموضوع أوسع وأعمق من مجرد الأسماء ..
    بل قد يحتاج الأمر لدارسة تراكيب اللغة العامية وبعض ألفاظها ..
    مثال ذلك الإمالة التي تنتهي بالياء في جل كلمات اللغة الشايقية .
    بحكم معرفتي بلسان الدناقلة وهم الأقرب للمنطقة ..
    ومعرفة الأخ الأستاذ علي عبد الوهاب باللسانين الدنقلاوي والمحسي ..
    يمكننا المشاركة بما يثري معلومات البوست ..
    دون أن نغفل أن هنالك عدد من الإخوة لهم إسهامات مقدرة ..
    منهم الأستاذ سيف الدين عبسي والخير محمد حسين وغيرهم .
    يتبع.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 05:49 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    في البداية دعنى أأمن على المعاني التي أوردها الأستاذ لبعض المفردات ..
    فقط أشير أن هنالك اختلاف في معنى بعض المسميات بين اللسانين الدنقلاوي والمحسي ..
    مثل :
    كاجنقيلي: الحمار الأحمر
    كلمة (كج ) بالمحسية حمار وبالدنقلاوية حصان ( كجبار)..
    كلمة ( كاجنقيلي ) ياريت لو كتبت مشكلة أو باللغة الإنجليزية لتأكيد صحة النطق حسب ما هو متداول ..
    على كل حال هي مفردة مركبة من كلمتين كاجن | قيلى ..
    تفسير كلمة ( كاجن ) بالحمار أو الحصان فيها شك ..
    لإن كلمة حمار أو حصان هي ( كج) والمفردة ( كاجن ) تحتوى على زيادة حرفين هما الألف بعد الكاف و النون بعد الجيم ..
    مما يعنى أن كلمة (كاجن) قد يكون لها معنى مخالف ..
    ماهو يا ترى ؟
    دعني أحاول :
    كلمة (كا) بالدنقلاوية تعني البيت ..
    عند جمعها تصبج ( كانجي) ..
    ولكن ما هو سر (النون) المضافة ـلـ ( كانجن)؟
    في اللغة العربية النون الزائدة على أصل الكلمة ضمير المتكلمين ( ذهب نا) ..
    مثل ذلك حرف النون في ( كانجن ) حرف زائد يستخدم لنسبة ما بعده إليه..
    على ذلك لما نقول ( كاجن قيلي ) ..
    نكون نسبنا كلمة ( قيلي ) لـ (كاجن) ..
    كلنا متفقين أن كلمة ( قيلي ) في اللغة النوبية تعنى اللون الأحمر ..
    على ذلك ممكن يكون معنى ( كاجنقيلي ) البيوت ذات اللون الأحمر ..
    أو ..
    وهذا هو الأقرب عندي ..
    الموقع الذي يستخرج منه الجير الأحمر لطلاء البيوت ..
    هذه الفرضية الأخيرة تؤكدها أو تنفيها طبقرافية الأرض في المنطقة وما إذا يوجد بها أماكن جيرية .
    يتبع.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 06:03 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)


    في الغالب مسميات الاماكن بتاتي إما منسوبة لمن سكنوها ذي مثلا ( حسين نارتي ) جزيرة حسين ..
    أو منسوبة لطبيعة ارضها أو نوع الاشجار الفيها ذي ( امبكول ) المنطقة المعمورة باشجار الدوم..
    على ضوء ذلك نشوف الكلمات دي ..
    مقرات :
    مع اخترامي للتفسير السابق لدي تفسير آخر بسيط وواقعي وربما له مايبرره في طبقرافية أرض الجزيرة مقرات ..
    مقرات في تقديري مكونة من مقطعين : مقر | وتعنى الشي المتروك ..
    ات | وربما اختصار لـ (ارتي) أي جزيرة ..
    مقرات بهذا المعنى تعني الجزيرة التي تكونت بفضل أحاطة النيل بها ..
    مما يعني أنها كانت ضمن اليابسة واحاطها النيل من كل الجوانب فصارت جزيرة ..
    ككي :
    إذا كانت الكاف بالفتح بتدى معنى الشيء المنتفخ أو منطقة مكرشة ..
    كندي :
    محتاجة تشكيل عشان اعرف المنطوق الصحيح ..
    سالِّكول / سالى :
    شجر الطلح سالكول المنطقة المعمورة باشجار الطلح ..
    شريك :
    أصل الكلمة( شرى) وتعنى شجر السنط ..
    البسيقة | أو | الباسيقة :
    أصل الكلمة باسى وتعنى المضيق ..
    هنالك كلمات نوبية أخرى عربت بنفس ألفاظها مثل :
    تُكمد | تنطق بالعربية تقند
    أنقا | الانقاية
    واسو | الواسوق الجرافة
    كَدّب | يعزق : كديب
    بقر | وهي مستخمة إلى الآن في منطقة سوبا والجريف : وتعنى القسم أو المربوع.
    :
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 06:01 PM

أيمن نواى على
<aأيمن نواى على
تاريخ التسجيل: 05-02-2015
مجموع المشاركات: 1923

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    معاوية الزبير
    اهلنا فى جبال النوبة ...... يتحدثون مع الكنوز فى شندى فى عقر الجعلين بنفس اللغة النوبية ومع النوبين فى مصر ....... ويقولوا اهلنا الرباطاب فى نهر النيل و اهلنا الدوليب فى شمال كردفان نسوا اللغة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 06:05 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: أيمن نواى على)

    يا حسن فرح الشكاكيك ديل هل منسوبين للاسم شكشك؟
    لإنو عندنا في دنقلا أسره نوبية كبيرة تحمل اسم شكشك..
    أنجرى وارتل وأتبة الصغيرة والكبيرة وكشوى وامبكول
    بالنسبة لامبكول أنا شرحت المعنى في المداخلة السابقة ..
    بقية المسميات ياريت تشكلها لينا عشان نعرف نطقها الصحيح.

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 06:18 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    معليش طبغرافية بالغين التعديل صعب.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 06:25 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    سلامات يا أيمن ..مدينة بارا تقريبا جل سكانها جاؤا إليها من دنقلا .
    واسم بارا نفسه مشتق من الكلمة ( بار ) أي المقر .

    (عدل بواسطة محمد على طه الملك on 03-01-2017, 06:27 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 06:46 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 6574

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    كيفك يا معاوية

    أنا ما شفت الشمالية
    لكن أهل الوالدة كانوا متمركزين في جزيرة أمن والجزيرة مقرات وأبو حمد (عبابدة مع خلطة رباطاب بسيطة بالامهات )
    وحسب ما بتحكي لينا إنو الجزيرة مقرات وجزيرة أمن معظمها عبابدة
    هسه انت جيت عملتها حقت الرباطاب
    كيف يعني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 07:08 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: حمد عبد الغفار عمر)

    يا ملك ندّمتنا علي مناداتك (ههه)
    كاجنقيلي تنطق: كَجِن قيلي (والتفسير بلسان الراحل وردي، وفق ما أكده الخطيب)

    كَكْكّي تنطق بثلاث كافات (الأولى بالفتحة والتانية بالسكون والثالثة بالشدة (يعني 4 كافات) كدي انطقا إنت

    كندي تنطق كِنْدي

    الشكاكيك ديل ناس شكاك رباطاب أمدرمان

    اسم مقرات دا برضو من تفسير وردي ويتضح ذلك إذا نظرت إلى الجزيرة من موقع جغرافي معين
    ستنظر شكل كلب رابض على رجليه الخلفيتين وباقي الجسم واقف ومعه الرِجلان الأماميتان (انظر: أقعى الكلب)

    ننتظرك تاني وتالت.. الخ
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 07:14 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    نواصل أجزاء الساقية
    (بالله شوف الغلبة دي! هسع كان اكلوا كيك ما احسن من الزراعة ام ساقية دي)

    المِشِّق :
    خشبة تنجر في شكل مربع مثل التوريق ورأساها يشبهان قلم الرصاص المبري وطولها حوالي ثلاثة أمتار
    وبها فتحة أقرب إلى رأسها العلوي يثبت فيها التكن وتدخل الحلقة الكبيرة في المشق وينصب واقفا،
    طرفه الأعلى يدخل في فتحة مستديرة في الديو (المِرِق)، وطرفه الأسفل يدخل في فتحة في خشبة تسمى الكديسة

    اللواوير :
    عود يتدلى أسفل الساقية تحت العُطفة طرفه الأول مربوط بسلك بأحد مروق الساقية والآخر مربوط بسلك في الأسِّ كاق (عود حامل الموية)

    الاشاقير :
    فرعان خفيفان من السنط يربطان في شكل مقص على اللواوير وطرفاهما العلويان مربوطان على الجناح ومهمتهما تثبيت الألَس
    (وهو حبل من جريد النخل مكون من جزءين موصل بخشبتين يربط عليه القادوس)
    الذي يضبط مساره في وسط العُطفة لضمان ان يصب الماء في السبلوقة ومنها إلى الدروة ثم الجدول

    النِعال :
    وسادة في شكل حبل تخين من السعف أو جريد النخل توضع فوق اللِقلوق (الخشبتان المثبتتان على الالس لمنع الاحتكاك بين القادوس والخشبتين)

    الاقنين :
    هو حفرة الماء المتصلة بالنهر بجدول يسمى الضنب وتسمى هذه الحفرة أيضا الحُق بضم القاف وأيضا يسمى الجابية
    (الحُق دا ياهو الاتكسر عندي في الحادث، الله لا عادو)

    الجبَتِّي :
    حبلان تخينان يربط بهما الديو من الجهتين وطرفهما الآخر مربوط في وتدين كبيرين ومهمتهما تثبيت الديو وهو المثبت الأعلى للحلقة

    التَمْشوقة :
    جريدة نخل بسعفها تشق من نصفها ويضفر سعفها ويسحب بها الطين المايع (الرتوت) من الحُق إلى النهر عن طريق الضنب
    وذلك بعد قذف الطين الجامد إلى جنبات الحق والعملية تسمى قلع الحق وهي في الشهرين التاليين للفيضان
    والتمشوقة يستخدمها أيضا الصبيان لصيد السمك

    البكِقّة :
    وهي قطعة صغيرة تثبت بها القطع التي تدخل في بعضها

    التَتِقّة :
    وهي قطعة صغيرة تثبت بها الفأس أو الطورية في عودها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 07:48 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    Quote: كَكْكّي

    إلا أسمع باضاني هههه ..
    فى النهاية هي مقاربات بغية الوصول للمعنى حسب اللغات السائدة ..
    وما تنسى برضو في لغة مروية لم يفك طلسمها بعد.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 07:57 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    تمام يا مولانا، وما تنسى تحريف الكلمات بمرور الوقت أو النطق الخطأ لاختلاف الألسنة
    غدا نواصل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 07:58 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    اهلنا فى جبال النوبة ...... يتحدثون مع الكنوز فى شندى فى عقر الجعلين بنفس اللغة النوبية
    ومع النوبين فى مصر

    معليش فقدت خاصية الاقتباس
    بالتأكيد يا أيمن نواي، وحتى الجعليين وفروعهم الذين لا يتحدثون ولا يفهمون اللغة النوبية
    فإنهم يستخدمون الكلمات النوبية في الزراعة والمطبخ وغيره وربما دون معرفة بأصل الكلمات اللغوي
    ---
    الجزء التاني من مداخلتك ما فهمتو هل هو تقرير حقيقة أم استنكار أو..الخ
    ويقولوا اهلنا الرباطاب فى نهر النيل و اهلنا الدوليب فى شمال كردفان نسوا اللغة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 08:13 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    [أنا ما شفت الشمالية
    لكن أهل الوالدة كانوا متمركزين في جزيرة أمن والجزيرة مقرات وأبو حمد
    (عبابدة مع خلطة رباطاب بسيطة بالامهات )
    وحسب ما بتحكي لينا إنو الجزيرة مقرات وجزيرة أمن معظمها عبابدة
    هسه انت جيت عملتها حقت الرباطاب
    كيف يعني

    حمد لبد، الجزء الشمالي من الجزيرة مقرات به عدة قبائل منها العبابدة والشايقية
    نحن زاتنا عندنا جد من العبابدة
    لكن بالتأكيد جزيرة أَمِنْ رباطاب
    كدي أديني اسمك خماسي، بكرة بأتِّرك لغاية العباس
    بالمناسبة أهلنا بقولوا للناس الجدهم العباس، عبابسة وليس عباسيين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 08:15 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    تعديل:
    بقولوا للناس البقولوا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 08:25 PM

محمد عبد الله الحسين

تاريخ التسجيل: 01-02-2013
مجموع المشاركات: 2585

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    شابف ورد اسم جزيرة بأنه اسمها امن. إذا كان بالفتحة (أمَنْ)( فهي باللغة الهيروغليفية و النوبية معناها ما.
    يعني توت عنخ امون اسمه توت آنك امن. أي إبن ماء السماء
    و الله أعلم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 08:47 PM

علي محمد الفكي
<aعلي محمد الفكي
تاريخ التسجيل: 01-08-2013
مجموع المشاركات: 3064

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد عبد الله الحسين)

    معاوية الزبير وضيوفه
    تحياتي
    بوست مريح ومفيد
    استاذنا محمد طه الملك
    بارا هي عاصمة الجعليين الاولى والتي استقروا فيها قبل هجرتهم نحو النيل مروراً بالترعة الخضراء والعرشكول
    وفي بارا وتحديدا في خرسي والعرشكول مدافن مكوك قبائل الجعليين الموحده قبل الشتات ابتداء من حسن كردم الفوار وانتهاء بجموع
    اي قبل ان ينتشروا على ضفتي النيل من الخرطوم الى مروي ويستقل كل فرع بمكوكيته
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 11:07 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي محمد الفكي)

    Quote: بارا هي عاصمة الجعليين الاولى والتي استقروا فيها قبل هجرتهم نحو النيل مروراً بالترعة الخضراء والعرشكول وفي بارا وتحديدا في خرسي والعرشكول مدافن مكوك قبائل الجعليين الموحده قبل الشتات ابتداء من حسن كردم الفوار وانتهاء بجموع اي قبل ان ينتشروا على ضفتي النيل من الخرطوم الى مروي ويستقل كل فرع بمكوكيته

    سلامات يا علي محمد الفكي ..
    كلامك صحيح وموثق في كتاب شيخ الفحل ..
    بس من الصعوبة افتراض أن منطقة زي بارا ..
    خصبة وتستخدم نفس آليات الري على النيل مثل دولاب الساقية ..
    ما كانت معمورة قبل سقوط بغداد على يد التتار وهجرة بني العباس .

    خرسي :
    حرف الخاء والحاء غير منطوقتين في اللسان النوبي ويستعاض عنهما بحرف الهاء ( خالد : هالد) ..
    على ذلك أصل الكلمة ربما (هرسي ) ..
    والـ (هرّس ) نوع من الشجر كان يصنع منه قداحة الأكل الخشبية ..
    قدح الخرس من أجود أصناف القداحه ..
    لذلك يوصف به كناية عن كرم الناس وجودهم ..
    تجد في قصيدة الجاغريو التى تغنى بها الفنان خلف الله حمد ..
    نحن أولاد أبو فركه *نقعد نقوم على كيفنا
    في لقى في عدم دايما مخرف صيفنا
    نحن الخرس بنملاه وبنكرم ضيفنا

    عرشكول
    فيما أعتقد جبل في مناطق النيل الأبيض ..
    أصل الكلمة نوبية لاقترانها بلفظ النسبة (كول)..
    ولكن حرف العين غير مستخدم في اللغة النوبية ويستعاض عنه بحرف الألف ( عمر : أُمر )..
    على ذلك أصل الكلمة ( أرشكول) ..
    فما هو الـ (أرش ) ؟
    في الغالب نوع نبات مستوطن نسبت إليه هذه البقعة .
    :
    * ابوفكرة : الشيخ إدريس ود الأرباب .
    أعقي لي يا معاوية كرّهتك مش؟

    (عدل بواسطة محمد على طه الملك on 03-01-2017, 11:14 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 00:48 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    يا حسن فرح الشكاكيك ديل هل منسوبين للاسم شكشك؟ لإنو عندنا في دنقلا أسره نوبية كبيرة تحمل اسم شكشك.. أنجرى وارتل وأتبة الصغيرة والكبيرة وكشوى وامبكول بالنسبة لامبكول أنا شرحت المعنى في المداخلة السابقة .. بقية المسميات ياريت تشكلها لينا عشان نعرف نطقها الصحيح.
    .................................................................................................
    الاخ محمد على طه الملك لك التحية
    لا استبعد ان تكون فرعا من نفس القبيلة فقط حرف الاسم
    اللطيف فى الامر وقد تندهش انت شخصيا اذا عرفت ان اصولكم رباطابية!!!!
    هذا ما ذكره ابن عمنا المرحوم محمد الخير البدوى حين قال:
    .الزبير حمد الملك ملوك دنقلا اصولهم رباطابية !!!
    اليك بالرابط:ابوليلى هو انا Hassan Farah
    http://www.wahtalrobatab.com/vb/showthread.php؟t=19259http://www.wahtalrobatab.com/vb/showthread.php؟t=19259
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2017, 11:55 PM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    كيف يا حسن، عمك هاشم القاضي خالنا وعمنا، اتصل بالتلفون عشان نوقّع ليك البِقاية ---
    ---------------------------------------------------------------------------------------------
    الحمد لله سعادة كبيرة عندما تكتشف روابط الارحام
    بالمناسبة بوستك هذا بعثته للاخ ابوالقاسم بالسعودية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 01:11 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    كتب ابن العم العزيز شوقى بدرى وهو ايضا رباطابى دنقلاوى
    بمناسبة الطورية فهي كلمة نوبية مثل الواسوق والتقنت وكديسة وككو وقرنتي وتورييق ...المرق الضخم او محور الساقية والتكم والقادوس والتناقير التي هي طريق البقر في الساقية والاروتي الذي يسوق الساقية ويجلس علي التكم . وتبيدي هو من يتعامل مع المعادن من حدادة صياغة ذهب او ما عرف بنابري وتعني وهو اسم علم . وبيومي هو البحر . وعندما غضب المك نمر امام اسماعيل باشا هدأه ابن عمه المك مساعد بلغة البجا . ومنها احتفظنا بشلوفة وككر وعنقريب وبعشوم ومرفعين وقنقر وقنجر الخ قبل فترة كتب ابن عمي الرباطابي القح الدكتور حسن فرح موضوعا في سودانيات . حسن يسكن مع احفاده في استونيا في دول البلطيق . وهو من قرية القليعة مسقط راٍ ابن عمنا محمد خير البدوي مالك طيب الله ثراه . والموضوع تحت عنوان الشاطر يشرح رباطابي مشي الدكتور .قام الدكتور سألو : الضربة الفي عينك من شنو ؟ قال ليهو : والله يا دكتور انا كنت طالع فوق ضكرا لي ناس عمي فوق عصبة الجدول داير لي سعون اللات قراع وطالع وطالع وطالع لامن وصلت اللبة بلا الحلبوصة تتملص بي اكان العراقي مو نصيح وكرن في الكروقة انا كنت اتجكنت في الخشة . . .
    http://sudaneseonline.com/board/7/msg/1460747336.html
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 03:07 AM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: Hassan Farah)

    ههههههه يا دكتور كايسين نطلعكم دناقلة تقوم تطلعنا رباطاب ؟
    فنجر : تعريب لكلمة قنجي بمعنى زعلان : تخاصم ..
    اتجكن : تعريب لكلمة جكي بمعنى اتعصر و اندفس ..
    بمناسبة ضكرا لي عمي ..
    حكى لينا زميل شكري الله يطراه بالخير ..
    قال لما نقلو محكمة مروي جا واحد شاكيلوا زول ..
    وقالو يا مولانا فلان قطع ضكري بدون ياخد اللذن ..
    مولانا قال نطيت من الكرسي وقلت للراجل يازول اتكلم كوبس دا شنو البتقول فيه دا ما تراكا واقف قدامي ؟
    قال الشاكي قغد يتحلف بانو صادق ..
    إلا كان دق الجرس نده مسجل المحكمة قال ليهو اسمع الزول دا بقول شنو ..
    المسجل ضحك وقال ليهو يا مولانا الشاكي قاصد يقول ساقو حماره الضكر بدون إذنو.

    (عدل بواسطة محمد على طه الملك on 03-02-2017, 03:14 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 04:13 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13902

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    لا افتي يا الملك
    لكن البعرفو القدح ابوخرس هو القدح العندو خرس . الخرس يد مصنوعة في جنباتو عشان يشيلو بيها
    انا شفتو .. هو ضخم يشيل ربع برميل
    الا يشيلو نفرين
    الناس تاكل وتقوم ويقعدو البعدهم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 06:07 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4561

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: عبدالحفيظ ابوسن)

    الأخ معاوية الزبير

    أتابع باهتمام كتابات العم الأستاذ محمد عثمان محمد أحمد بشير خطيب و هو موسوعة و صاحب ذاكرة قوية ( ما شاء الله).

    العم محمد عثمان صاحب ذهن متفتح و قد ذكر انه الان في الثمانين من العمر و رغم ذلك يشارك بنشاط و همة شباب من خلال صفحته في الفيسبوك و قد بدأ في التوثيق لبعض الشخصيات و الاحداث و تناول بعض الكلمات و تناول أجزاء الساقية .

    وجود الكثير من الأسماء و الآثار النوبية في منطقتنا يؤكد علاقة قوية بين منطقة الرباطاب و النوبة.

    بوست جميل و متابع و ان شاء الله لي عودة.



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 06:30 AM

ANWAR SAYED IBRAHIM
<aANWAR SAYED IBRAHIM
تاريخ التسجيل: 12-02-2014
مجموع المشاركات: 430

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: الحاج حمد الحاج)


    معاوية الزبير .... يا اشرينكيل .. يا مسّونكيل

    SIKKIR FE

    مودتى لك وللاسرة الكريمة

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 06:30 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4561

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: الحاج حمد الحاج)

    Quote: أنا منطقتي وأهلي مقسمين بين (كجي) و (مقل)

    بالله يا دكتور انت من عندنا!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 10:24 AM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: الحاج حمد الحاج)

    سلامات ود أب سن ..
    سلمت كلامك صحيح دا المعنى الشائع في أواسط السودان ..
    تصحيح لاسم الشجرة : هرج وليس هرس. وخشبو بتميز بخفة الوزن مع المتانة ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 10:46 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13902

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    اشكرك الملك
    لكن لاحظت لفظ ابو فهي تعني انه له
    يعني نجمة ام ضنب او ود ابوسن
    ففي تقديري كدة ولا كان سموهو القدح الخرز
    استحملني عليك الله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 11:13 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 4338

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: عبدالحفيظ ابوسن)

    بوست مريح
    يا ريت لو ربطّو المشترك اللغوى مع التقليد و العادة
    عشان تتكامل الحاجات ...
    مثال الشلوخ .. دق الشلوفة ... الطهور الفرعونى
    الكركجّى و الاشميق و المندرة .. برضهن كلمات مشتركة
    لكن عندى شك انو المندرة .. المرايا ... كلمة نوبية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 11:40 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4561

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: جلالدونا)

    من كتابات أستاذنا محمد عثمان خطيب:
    Quote: من أخوات البسيقة في لهجتنا المحلية التي اندثرت او كادت : التبيقة ، الكاويقة ، السندقيقة ، التنتريقة ، البسديقة ، ام تربيقة ، القاريقة ، الدفيقة ، السريقة ، الكانديقة ، البديقة.ومن اخوانها البدقوق ، الكالوق ، الفانوق ، اللقلوق ، الفاشوق ، الواسوق ، الطايوق ، السبروق ، الدشكوق ، الحنقوق ، المعيوق.ومن اخوانها ايضا التوريق ، النوريق ، الكوديق ، الجربقيق ، الجابيق ، المتيق ، الكشرنقيق ، البشنتيق ، المريق ، الكبديق.

    (عدل بواسطة الحاج حمد الحاج on 03-02-2017, 12:53 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 12:01 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: عبدالحفيظ ابوسن)

    نعم كلمة ابو بتفيد التبعية ..
    لكن لفظ خرس بمعنى اضان أو حامل لا وجود له لا في العربية ولا في النوبية ..
    ولكن لا ينفي ذلك أن يكون له وجود في لغة محلية أخرى ترجمت منها ..
    كلمة خرس في العربية هو الدن الوعاء حسب معجم المعاني الجامع ..
    ولكن مستخدم اللفظ في عامية الوسط كما تفضلت هو (أبو خرس ) ودا بصرف المعنى للحامل أي الاضان وليس للقدح بذاتو كما في العربية ..
    طبعا القدح ذاتو لفظ عربي مما يعنى ان التسمية تعريبية مقابلها بالنوبية هو ( كوس ) ..
    ما عارف إذا لفظ كوز (البشربو بيهو) بالعامية جاي من كوس أم لا ؟
    لأننا بنطلق على كوز الشرب اسم ( اسّن كوس) ..
    اما قدح الشرب الذي كان يستخدم في الماضي من القرع نسمية ( كبى ) الكاف تخرج بصوت حرف K والباء ساكنة ..
    برضوا لفظ ( كبي ) فيه تشابة باللفظ الانجليزى cup ..
    في النهاية زي ما قلت لمعاوية هي مجرد مقاربات مع السائد من اللغات المحلية تحتمل الخطأ والصواب .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 12:18 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    Quote: من أخوات البسيقة في لهجتنا المحلية التي اندثرت او كادت : التبيقة ، الكاويقة ، السندقيقة ، التنتريقة ، البسديقة ، ام تربيقة ، القاريقة ، الدفيقة ، السريقة ، الكانديقة ، البديقة. ومن اخوانها البدقوق ، الكالوق ، الفانوق ، اللقلوق ، الفاشوق ، الواسوق ، الطايوق ، السبروق ، الدشكوق ، الحنقوق ، المعيوق. ومن اخوانها ايضا التوريق ، النوريق ، الكوديق ، الجربقيق ، الجابيق ، المتيق ، الكشرنقيق ، البشنتيق ، المريق ، الكبديق.

    لالالاحولا يا ود حمد الحاج ..
    معنى كدا لغتكم القديمة كانت نوبية بالكامل ..
    دي كلها الفاظ نوبية عربت فقط بإضافة الألف والقاف في نهاية الكلمة ..
    باستثناء كلمة ( الدفيق ) فهي عربية مشتقه من دفق الشيء .
    واصلوا .
    :
    يا معاوية تبيع؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 12:35 PM

علي عبدالوهاب عثمان

تاريخ التسجيل: 01-17-2013
مجموع المشاركات: 5352

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    ( الدفيق ) فهي عربية مشتقه من دفق الشيء .
    ا
    =======================
    الملك أمبس .. ( دفيق ) أنديمني .. أنداندي ..
    بعد تلقيح النخلة بداية الثمار ( دفيه ) ثم المرحلة الثانية ( كرون دفييه ) ثم ( قلو ) وبالعربية ( قلوك) ..الخ
    بعدين يا ملك أهلنا الشايقية ديل أجمل ناس .. مثال ذلك :
    شوف بيقولوا شنو :
    الدفيفيق الدابو ني
    بسيمتو تكويني كي
    صدقني يا ملك ما في بني آدم يقدر يخلق هذا النوع من الجمال إلا أهلنا الشايقية
    صغر التصغير ( دفيق ) إلى ( دفيفيق ) وأضاف إليه إمالة مموسقة ..
    وكمان (دفيه بالنوبية) أو الدفيق بالعربية من أجمل المراحل في تكوين التمر ( صغيرة خضراء مستديرة )
    يصف الحبيبة بالدفيق .. حتماً عندما تستوى عودها سوف تكون تمرة طاعمة ..

    زي ما قالوا كلنا أصل واحد :
    عرب مستنوبين
    ونوبة مستعربين
    شوف جمال المنطقة مع إتجاه النيل تبدأ بإسماعيل وتنتهي بوردي
    كمان تبدأ بحميد ( نوره ) ... وتنتهي بخليل ( عزة )

    بين قوسين من الذهب

    مودتي .. معاوية ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 01:01 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4561

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي عبدالوهاب عثمان)

    Quote: لالالاحولا يا ود حمد الحاج ..معنى كدا لغتكم القديمة كانت نوبية بالكامل ..دي كلها الفاظ نوبية عربت فقط بإضافة الألف والقاف في نهاية الكلمة ..باستثناء كلمة ( الدفيق ) فهي عربية مشتقه من دفق الشيء .واصلوا .:يا معاوية تبيع؟
    محمد علي طه الملك تحياتي ، كما ذكر العم الأستاذ محمد عثمان خطيب ان كثير من هذه الكلمات اندثرت و لكن بعض من هذه الكلمات اذا لم يكن مستخدم فهو مفهوم خاصة بين اهلنا الكبار و بعضها موجود و متداول الى الآن.
    Quote: يا معاوية تبيع؟
    معاوية ما تبيع لي قدام بتجيب اكتر.

    (عدل بواسطة الحاج حمد الحاج on 03-02-2017, 01:28 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 01:15 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي عبدالوهاب عثمان)

    سلامات أستاذ علي عبد الوهاب ..
    إن حال مندى : لغير الناطقين بها كيف حالكم ..
    لا حظ نحن برضو عندنا كلمات عربية مخلوطة في لغتنا مثل لفظ ( حال ) الواردة في تحيتي ..
    نعم لفظ (دفيق ) موجود عندنا ( دفى ) كما أشرت وشرحت مشكور ..
    بس انا اعتبرتها عربية وربطها بكلمة دفق ..
    لإنو التمر في المرحلة الجنينية دي بدفق كتير من ثماره الضعيفة ..
    عشان يفتح فراغات في السبيطة تسمح بنمو و تضخم بقية الثمار..
    من هنا جاء تفسيري للفظ ..
    مودتي.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2017, 04:34 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    تحية لكل المتداخلين وسأعود للتعليق بعد نقل مقتطفات من مفردات التراث النوبي بمنطقة الرباطاب،
    والتي جمعها الأستاذ الخطيب

    مواضع حول الساقية أو مجاورة لها:

    الكِيِر : مياه عميقة جوار شاطئ النهر

    الجُكْنَه: بتشديد الجيم وضمها ، الحفرة العميقة في المياه الضحلة

    الجَخَرون : جحر عميق غالبا يكون في طرف القيف

    القيف : حافة النهر
    (أحمد عمر الرباطابي قال متغزلا:
    الزارعنو فوق قيفو
    والناس جمبو ما بقيفو
    حَرّاسو سال سيفو
    يتحجّز على ضيفو

    السار: طرف القيف القريب من الماء وهو عرضة للهدام

    القُرير : أرض الجرف الخصبة التي تصلح لزراعة الخضر والفاكهة والبقوليات

    الكَرَو : ما علا من أرض الساقية الذي يترك لزراعة المحاصيل ويقع بين التمر والبيوت

    الكرْكْجِّية : بالـch تراب لونه داكن إلى سواد وهو طمي من مخلفات الفيضان، يستعمل لتخصيب التربة ولبلط سقوف المنازل مع الزبالة

    التِنقير : الشارع وسط المزارع الذي يوصل إلى الساقية أو الوابور أو مشرع المركب
    (ما بتحش قش التناقير ما بتشيل جردل على الزير، إسماعيل حسن)

    التَقْنَت (أحيانا التقنق): الفاصل بين الأحواض في المزرعة

    اللّبَقَة: فتحة الحوض على الجدول التي يعاد قفلها بعد امتلاء الحوض

    مسميات لها علاقة بالزراعة في الساقية

    التربال : هو الذي يقوم بالعملية الزراعية أجيرا كان أو صاحب أرض

    الوَرَثِّق : الشخص الذي يجلس على التُكُن ويسوق الثور

    الكَرِج : نسبة 1\16 تعطى لملاك الساقية من جملة المحصول

    التَدّان : نسبة من المحصول يتفق عليها بين ملاك الساقية وبين المستثمر من غير الملاك

    التَدِّق : عملية تقسيم اليوم إلى أربعة أوقات (حصص) لري أرض المُلاك بالعدل والمساواة،
    ويطلق على الأوقات (حسب الترتيب من الشروق حتى المغيب):
    الشرقاوي، الضحاوي، الضهراوي، العصراوي
    ومن لم يكمل الري هناك فترتان حرتان لمن أراد هما العشاوي والدغشاوي
    -----
    نواصل لاحقا ولا زلنا ندور حول الساقية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2017, 04:05 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    Quote: لالالاحولا يا ود حمد الحاج ..
    معنى كدا لغتكم القديمة كانت نوبية بالكامل ..
    دي كلها الفاظ نوبية عربت فقط بإضافة الألف والقاف في نهاية الكلمة ..
    باستثناء كلمة ( الدفيق ) فهي عربية مشتقه من دفق الشيء .
    واصلوا .
    :
    يا معاوية تبيع؟
    نواصل يا ملك، لكن ما بنبيع هسع
    الحاج حمد الحاج (اسم جميل ياخ) قالي:
    Quote: معاوية ما تبيع لي قدام بتجيب اكتر.

    الحقيقة صاحب الحق، هذا الرجل الذي يناهز الثمانين (له طول العمر والصحة) متابع وسعيد بالتفاعل والملاحظات
    سأشرح تاليا معاني بعض الكلمات التي أوردها الحاج حمد
    مع مراعاة أسباب الاختلافات في النطق والمعاني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2017, 04:16 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    الكليقة : حزمة القصب الجافة
    الكاويقة : ورق اللوبيا الجاف المتناثر في مكان الحش أو في حوش القش
    السندقيقة : سنة من أسنان الحلقتين الكبيرة والصغيرة في الساقية والحلقتان هما التروس التي تحرك الساقية.
    التنتريقة : خشبة مخرومة في وسطها وتوضع على رأس خشبة أخرى اسمها الحربة في عطفة الساقية
    والعطفة هي الجهاز الذي يحمل الألس
    والألس حبلان متدليان من العطفة حتى الماء تربط عليهم القواديس والقادوس إناء من الطين يحمل الماء
    والألس حبل غليط من جريد شتول النخل ومن سبيط النخل ومن سعف الدوم
    وهو في سمكه أشبه بالحبال التي تربط بها السفن الكبيرة عندما ترسو في الموانئ
    والعطفة لمن لم يشاهدها أشبه بالساقية في المنتزهات العامة وفي العطفة أربعة تنتريقات وأربع حراب
    البسديقة : قطعة قماش يمسح به صاج العواسة (الدوكة)
    أم تربيقة : نوع من أنواع أم رقيقة له طعم خاص به. وهو على وزن أم شعيفة
    القاريقة : شيمة (دوامة) في وسط النهر أحيانا تغرق فيها المراكب
    الدفيقة : ثمرة النخل الخضراء أو الصفراء قبل أن تستوي إذا استوى رأسها فهي أم رأس
    وإذا استوى نصفها فهي أم نص وإذا استوت كلها فهي معصودة وإذا جفت فهي تمرة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2017, 04:27 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    السريقة : هي مدماك من الطين فوق الحائط
    الكانديقة : مكان مقوس في الشاطئ مياهه عميقة تدور فيه المياه
    البديقة : سلاح أبيض أشبه بالحربة مربوط بحبل طويل يقذف به التمساح أو السمكة الكبيرة في الماء
    الأرتيقة : هي الشمس الحارة من الناحية الجنوبية لأي حائط في موسم الشتاء
    خاصة عندما تكون الشمس في أقصى الجنوب وتقترب من مدار الجدي.
    وفي الأرتيقة ينشر الناس التمر لحفظه من السوسة وفيها يجلس الإنسان إذا شعر بالبرد خاصة في الصباح الباكر
    وفيها توضع قزازة السمن الجامد لتسيح
    الواسوق : آلة خشبية بها حبل تسوى بها الأرض وترفع بها التقانت
    والواسوق يستعمله شخصان أحدهما يمسك العود والآخر يجر الحبل
    وليس كالأربل الذي يستعمله رجل واحد
    السبروق : ورق البامية الأخضر ويفرك منه ملاح السبروق
    الدشكوق : هو سمك البياض.
    الحنقوق : وهو قلب السعفة الذي يربط جزئيها وتصنع منه المكانس
    وفي أطراف السعفة أيضا حنقوق ولكنه أكثر لينا من الحنقوق الآخر
    ولذلك يستعمل في خياطة البروش والقفاف
    المعيوق : نبات أشبه بالسنمكة
    الجربقيق : هو روث البقر المختلط بالتراب يؤخذ من الساقية ومن مراح التور
    وتبلط به التقاة التي توضع فيها حزم القمح للنوريق أو قنقر الذرة للدق
    الجابيق : هو قب اللوبيا أو القش بدون انتظام
    المتيق : هو حش الورتاب ( ورق الذرة) الغزير قبل أن تخرج القنقر
    والمتيق يساعد في كبر حجم القنقرة وهي لغة الدناقلة النوبية تعني الحلاقة
    الكشرنقيق : بليلة اللوبيا العفن
    النوريق : درس القمح بواسطة الحمير
    البشنتيق : البرش القديم
    المريق : نوع جيد من أنواع الذرة
    الكبديق : طبق تخين يغطى به طبق الكسرة أو الصينية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2017, 04:44 AM

يحي قباني
<aيحي قباني
تاريخ التسجيل: 08-20-2012
مجموع المشاركات: 10534

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    توفيق عيسى مكي ما خاتي و الله ...

    هسي ده شنو يعني ...!! نجيب مترجم ؟ :)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2017, 06:07 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: يحي قباني)

    هههه نجيب محمد علي
    إنتو يا ناس امدرمان خليكم مع يا ليلى هوووي هوي هوي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 02:59 AM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 4202

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    سلام اخ معاوية الزبير

    كدرمة وكورتا قرى موجودة بنفس الاسماء والمعانى فى قلب المحس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 04:59 AM

bamseka
<abamseka
تاريخ التسجيل: 04-07-2002
مجموع المشاركات: 2446

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: خالد حاكم)

    بوست توثيقي رائع


    التحية للجميع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 08:23 AM

جمال ود القوز
<aجمال ود القوز
تاريخ التسجيل: 01-25-2013
مجموع المشاركات: 3042

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: bamseka)


    والله انا كنت قايل تاثير لغتنا الدنقلاوية ..
    بيقيف عند مناطق البديرية المتاخمة لنا جنوباً ..
    لكونها امتداد للبديرية الدناقلة الناطقين باللغة النوبية ..
    في مختلف مناطق جنوب دنقلا ..
    لكن ما قمت بسرده أخ معاوية وما جاء بهذا الكتاب ..
    شيء مدهش ..
    وبيعني إنه مناطق الرباطاب كلها بها ارث وتأثير نوبي قوي ..
    يشمل أسماء المناطق وأدوات الزراعة وكل النشاط البشري ..
    فأجده ذاخر ويمتليء باللغة الدنقلاوية على وجه الخصوص ..
    بل أظنه لا يقل تأثراً عن مناطق البديرية والشايقية التي لينا ..
    أعتقد منطقتكم أتاها التأثير العربي متأخراً ..
    لذا كانت مناطقكم أكثر احتفاظاً بأثر اللغة النوبية ..
    مثلاً المناطق جنوبكم قد يقتصر الأثر النوبي فيها ..
    على الآثار النوبية من اهرامات وجبانات..
    دون النشاط البشري وأسماء المناطق ..


    دراسة جميلة وليتها تتوسع أكثر ..






                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 08:37 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13902

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: جمال ود القوز)

    قبل فترة قريت مقال حول ان اللغة النوبية لها تأثير في كل انحاء السودان
    وانا متابع لقيت كلمات بنستعملها بشكل دارج دون ان نفطن الي انها نوبية . بالذات فيما يخص ادوات المنزل والزراعة والبناء
    متابعة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 09:35 AM

الامين عباس احمد

تاريخ التسجيل: 09-10-2009
مجموع المشاركات: 340

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: عبدالحفيظ ابوسن)

    سلام يا صاحب البوست ومروره الكرام ...
    ورد ضمن الموضوع المعلومة التالية :
    ( يقول الأستاذ خطيب إن أول من صنع الساقية (آلة ري بدائية) هم الفراعنة في مصر ومنهم انتقلت إلى بلاد النوبة (السودان الشمالي) وترجم النوبة أجزاءها بلغتهم. )
    هذا غير صحيح .. الساقية ابتكار سوداني اصيل وليس كما يشاع انها أتت الينا من شمال الوادي علي عهد الفراعنة والدليل ما اورده الدكتور الراحل عبد الله الطيب من كتاب مسترإريفن وهو امريكي كان قائدا لمدفعية اسماعيل باشا عند غزو السودان في 1820م حيث اورد وصفا لرحلة الغزو بكامل تفاصيلها ومن ضمن ما اورده ان ( اسماعيل ود الباشا سهر ليلا كاملا في شمال السودان لأنه سمع صوت الساقية لأول مرة .. وازعجه لدرجة لم يتمكن من النوم .. ووصف صوت الساقية بأنه صوت مضطرب )... اما ألة الري التي عند فراعنة شمال الوادي فإنها مختلفة وتسمي الناعورة ...
    كامل تقديري وشكري

    (عدل بواسطة الامين عباس احمد on 03-04-2017, 09:37 AM)
    (عدل بواسطة الامين عباس احمد on 03-04-2017, 09:53 AM)
    (عدل بواسطة الامين عباس احمد on 03-04-2017, 09:56 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 09:43 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    الأخ خالد حاكم الكرو اسم لقرية توجد فى ديار الرباطاب وهناك قرية بنفس الاسم توجد فى ديار الشايقية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 09:56 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    الاخ معاوية الزبير لك التحية
    وصلتنى رسالة من قريبك وقريبى الاستاذ ابوالقاسم هاشم بعد ان ارسلت له رابط منشورك
    يقول:
    الف الف خير عليك والاسرة ابن عمى الغالى حسن
    والله جميل جدا ان اتابع معكم بسوادنيز اون لاين...
    بالنسبه لمعاوية الزبير فجدته لوالدته شقيقة جدتى لوالدى يعنى والدى ابن خالة والدته .. غير علاقة الاباء القريبة جدا بالسنوساب واولاد لبينى

    بالنسبة لاسم جزيرة مقرات .لعلك تذكر انى عملت بحث في تاريخ مقرات بواحة الرباطاب القديمة
    ووجدت ان اسم مقرات ليس له علاقة بالصالحين. ولا بتشببه الكلب الراقد كما اشار استاذنا محمد عثمان خطيب. والمعنى هو ان اسمها جزيرة الكلاب او الكلب وكان يكثر بها الكلام
    وحاليا اقوم بتنقيح البحث وسوف انشره قريبا فى منتديات الواحة بالفيس. ان شاء الله ..مسالة وقت ..
    ووحدت مصادر موثوقة جدا ..


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 02:33 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 4202

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: Hassan Farah)

    ( قبل فترة قريت مقال حول ان اللغة النوبية لها تأثير في كل انحاء السودان
    وانا متابع لقيت كلمات بنستعملها بشكل دارج دون ان نفطن الي انها نوبية . بالذات فيما يخص ادوات المنزل والزراعة والبناء )

    استاذ ابوسن
    لك التحية

    مصداقا لكلامك وبالاضافة اليه غالبية الجمل فى الدارجة السودانية هى جمل نوبية ترجمت ترجمة حرفية الى العربية .. على سبيل المثال لا للحصر
    ( الزول ده بيتكلم ساكت ) ( الزول ده قاعد يتكلم ) طبعا كما تعلم الترجمة الحرفية ترجمة غير دقيقة وغير صحيحة عشان كده من ينتبه على مثل هذه الجمل يرى فيها التناقض .
    فى اللغة النوبية كلمة ( ساكت ) مقابلها ( حوسأ أو اوسأ ) وكلمة ( حوسأ او أوسأ ) فى جملة ( الزول ده بيتكلم ساكت ) لا تعنى ساكت الممتنع عن الكلام لانو الكلمة لها اكثر من معنى واستخدام فى اللغة النوبية لكن جهل المترجم وعدم المامه الكامل بالترجمة هو السبب فى جود جمل متناقضة فى الدارجة السودانية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 02:46 PM

خالد حاكم
<aخالد حاكم
تاريخ التسجيل: 08-25-2007
مجموع المشاركات: 4202

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: خالد حاكم)

    ( ووجدت ان اسم مقرات ليس له علاقة بالصالحين. ولا بتشببه الكلب الراقد كما اشار استاذنا محمد عثمان خطيب. والمعنى هو ان اسمها جزيرة الكلاب او الكلب وكان يكثر بها الكلام )

    استاذ حسن فرح
    لك التحية
    مقرات كلمة مركبة من جزئين ( مق ) بضم الميم ومعناها ( الكلب )
    ( أوراد ) بضم الالف الاولى ومعناها ( القصير )

    ( مق اوراد ) معناها ( الكلب القصير ) وتم تحريفها الى ( مقرات )
    لكن سبب تسمية الجزيرة بهذا الاسم اهلها ادرى به
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 03:24 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 4338

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: خالد حاكم)

    ]
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 07:17 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: جلالدونا)

    Quote: الساقية ابتكار سوداني اصيل وليس كما يشاع انها أتت الينا من شمال الوادي علي عهد الفراعنة والدليل ما اورده الدكتور الراحل عبد الله الطيب من كتاب مسترإريفن وهو امريكي كان قائدا لمدفعية اسماعيل باشا عند غزو السودان في 1820م حيث اورد وصفا لرحلة الغزو بكامل تفاصيلها ومن ضمن ما اورده ان ( اسماعيل ود الباشا سهر ليلا كاملا في شمال السودان لأنه سمع صوت الساقية لأول مرة

    شكرا الأمين عباس على المعلومة ..
    وكتين جلجل جابلكم الساقية هاكم الناعورة ..
    243471-2sudansudansudansudansudansudansudan.jpg Hosting at Sudaneseonline.com

    وهي وإن مشابهة لدولاب الساقية لكنها تعمل بقوة دفع الماء لا بفكرة التروس كما الساقية ..
    بالمناسبة لو لاحظتو فكرة التروس دي هي النهضت بالهندسة الميكانيكية في العالم ..
    مافي زول يجي يقول لي كضاب ..
    حد فيكم شاف شكل دولاب الدفع في البواخر النيلية القديمة ؟
    الغريبة يا عباس معلومتك دي ذكرتني حكاية سمعتها من كبارنا ؤ ما كنت مقتنع بها..
    قالو لما خلصو من بناء القلعة الشهيرة في القاهرة ..
    كانت المعضلة في كيفية توصيل الماء من النهر إليها..
    فاستعانوا بحاكم أرقو الذي أرسل لهم ثلاثة من خبراء صناعة السواقي ..
    نجحوا في مهمتهم برفع الماء للجدول المقام فوق سور موصول بالقلعة ..
    ثم استبدلت الساقية فيما بعد بالناعورة بعد أن تم رضف الضفاف .
    :
    معاوية بقت عندي مهمتين في البوست ح تدفع ولّ ما ح تدفع؟ .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 07:21 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13902

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: جلالدونا)

    تشكر خالد
    كتر خيرك والله
    متابعة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-04-2017, 08:36 PM

جلالدونا
<aجلالدونا
تاريخ التسجيل: 04-26-2014
مجموع المشاركات: 4338

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: عبدالحفيظ ابوسن)

    تعرف يا مولانا
    مرّة حكمتى الظروف عشان اعرف تفاصيل الترانزميشن بتاع العربية من جوّه
    ياخى التروس دى عاملة جنس عمايل فى حكاية تحويل الحركة
    لى درجة فكرّت افتح بيها بوست لكن ربنا ما اراد
    نرجع لى ساقيتنا
    كل العملو الخواجة تلاتة حاجات
    بدل الخشب استعمل فلز
    مصدر الحركة من حيوان لى كهربا
    زاد من سرعة دوران القواديس
    لتتحول العملية من غرف الى شطف
    ادناه مقطع لمضخة مياه و السهم يشير الى القواديس او الريش .. جمع ريشة ..

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 02:54 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: جلالدونا)

    البوست الغرض منو أولا لفت الانتباه لهذا المشروع وإن لم يكن الأول من نوعه
    تانيا، اخد الملاحظات لوضعها في الحسبان قبل الطباعة
    هسع شوف فكرة الصور الجابه جلالدونا، جميل جدا أن يُزَوَّد الكتاب بالصور

    لاحظ كيف شكل الساقية بسيط، مقارنة مع كترت الأسامي بتاعت أجزائها
    وهذا ثراء فاحش للغة النوبية

    ببيع يا ملك أنا زول نفسي قصير وما بقدر على المجابدة دي

    اليومين دي عندي اتصالات مع عثمان عووضة قال لي انت الساقية بتعرف ليها شنو كمان
    صاحبنا قاعد في دنقلا وشغال زراعة ساكت، وفاقد باسووردو، ومحاولاتو مع بكري ما نجحت
    بالله يا جلال لو لاقيت سيد المنبر في الصلاة بعدين (الأحد) ذكّرو بموضوع صاحبك عووضة دا

    أشكر كل المتداخلين ولا أهمل مداخلاتهم
    سأواصل لاحقا لإيراد المزيد من القاموس النوبي في أرض الرباطاب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 05:24 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4561

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    حسن فرح
    Quote: الاخ معاوية الزبير لك التحية
    وصلتنى رسالة من قريبك وقريبى الاستاذ ابوالقاسم هاشم بعد ان ارسلت له رابط منشورك
    يقول:


    يا معاوية من فوائد البوست الجانبية أهو تااني واحد من عندنا

    حسن فرح تحياتي لك و للأخ ابو القاسم هاشم و هو صاحب قلم متميز و اتابع ما يكتب في الفيس بوك.
    أستاذنا العم محمد عثمان خطيب تناول مواضيع توثيقية جميلة من خلال صفحته و التفاعل في هذا البوست يعكس ذلك ، الشكر للأخ معاوية الذي انتبه بحسه الاعلامي ضرورة نقل مجهودات العم محمد عثمان التي تستحق أن تنشر حتى لا تكون مختصرة على صفحة العم محمد عثمان بالفيس بوك.





                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 09:57 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: الحاج حمد الحاج)

    حسن فرح تحياتي لك و للأخ ابو القاسم هاشم و هو صاحب قلم متميز و اتابع ما يكتب في الفيس بوك.
    -----------------------------------------------------------------
    ولك التحية اخى الحاج حمد الحاج حصل لى الشرف بالتعرف عليك والشكر لأخينا معاوية الزبير الذى جمعنا فى هذا البوست المميز وعبره لاستاذنا محمد عثمان خطيب على ما بذله ويبذله من مجهود فى توثيق حقائق الجذور النوبية لسكان المنطقة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 06:12 AM

محمد محمد قاضي
<aمحمد محمد قاضي
تاريخ التسجيل: 12-23-2014
مجموع المشاركات: 233

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    كعادة بوستاتك المفيدة يا معاوية بوست في السلك مع التحية والتقدير لعمن الأستاذ محمد عثمان خطيب
    متعه الله بالصحة والعافية ونتمني نشوف كتاباته مطبوعة ومنشورة بإذن الله

    في وجود فطاحلة النوبية مولانا والأستاذ علي وكذلك خالد حاكم نحنا بنقيف بعيد ونسمع بي أدب وإحترام,
    ديل طبعا أهل الجزر (آرتاوي) وهم المحافظين حقا علي اللغة النوبية الأصلية فعشان كده إنسان الجزيرة عندنا
    ليه مكانة مرموقة وبنعتبره ثروة قومية وهم إمتداد لتراث وثقافة النوبة خاصة في ظل مناهضة قيام السدود في
    المنطقة النوبية لأنها ستقضي علي كامل جزر الشمال وإن شاء الله لا يتكرر مأساة وادي حلفا في أي مكان أخر.
    اللغة النوبية (بشقيها) من اللغات العميقة والمعبرة جدا يعني ممكن كلمة واحدة تترجم لي جملة كاملة في العربية
    أو حتي الإنجليزية وكذلك كلمة واحدة ممكن تحمل أكثر من ثلاثة معاني مختلفة مثال كلمة بُكي الدنقلاوية
    آيَن بُكي تعني إمرأة أجهضت – كَتَري بُكي تعني الحيطة إتقشرت – أرمَن بُكي تعني ليه إنت بتدسي أو تخفي نفسك والأمثلة كثيرة.
    الملاحظ في الكلمات النوبية المستعربة إضافة حرف أو حرفين في نهاية الكلمة خاصة في أسماء الأدوات
    مثال نُوري بقت نوريق – دِفيَ بقت دفيق أو دفيقيق – قُسي بقت قسيق – أشَمي بقت عشميق – وَاسُو بقت واسوق
    وهكذا بإضافة حرف الواو والقاف أو الياء والقاف أو ربما حروف أخري.
    أحيانا نطق الكلمة لغير الناطقين بالنوبية بتكون غير سليمة وممكن تغيير بسيط في تبديل حرف واحد يغير المعني
    المقصود تماما – مثال كاجن قيلي فهل هو كانجن قيلي أم كاجن قيلي؟؟ أما حرف النون في نهاية الكلمة ممكن يكون
    للجمع وممكن يكون للتمليك والله أعلم.
    التحية والسلام لمعاوية وضيوف البوست الكرام ولنا عودة إن شاء الله.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 06:50 AM

نعمات حمود
<aنعمات حمود
تاريخ التسجيل: 07-14-2008
مجموع المشاركات: 2469

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد محمد قاضي)

    ياسلام انا بعتبار اني كاسرة ركبة فانا جالسة بين اهلي الرباطاب..
    انا من الشريك لامي والجزيرة ارتل لابي ..ادم حمود مزارع بالجزيرة ارتل وجدي محمد علي مصطفى المبورن من الشريك وجدي الهادي ميرف هو شيخ البلد فترة الشيوخ وابنه عبدالماجد شيخ ابوهشيم ولجدتي من ال ابوحجل وبدري ولابي من الجزيرة ارتل
    اعرف كل الكلام الرباطابي وتفاصيل الحياة رغم النشاة الامدرمانية ولكن درست بعتمور وعرفت الرباطاب ع اصولها ...

    قبيلة العبابابدة ليست رباطاب بل استوطنوا معهم وخاصة بابوحمد القوز ومقرات ولكن ليست رباطاب ولكن الان تزاوجوا واصبحوا جزء اصيل ....

    لي عودة اكيد

    معاوية ..محبتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 06:50 AM

نعمات حمود
<aنعمات حمود
تاريخ التسجيل: 07-14-2008
مجموع المشاركات: 2469

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد محمد قاضي)

    ياسلام انا بعتبار اني كاسرة ركبة فانا جالسة بين اهلي الرباطاب..
    انا من الشريك لامي والجزيرة ارتل لابي ..ادم حمود مزارع بالجزيرة ارتل وجدي محمد علي مصطفى المبورن من الشريك وجدي الهادي ميرف هو شيخ البلد فترة الشيوخ وابنه عبدالماجد شيخ ابوهشيم ولجدتي من ال ابوحجل وبدري ولابي من الجزيرة ارتل
    اعرف كل الكلام الرباطابي وتفاصيل الحياة رغم النشاة الامدرمانية ولكن درست بعتمور وعرفت الرباطاب ع اصولها ...

    قبيلة العبابابدة ليست رباطاب بل استوطنوا معهم وخاصة بابوحمد القوز ومقرات ولكن ليست رباطاب ولكن الان تزاوجوا واصبحوا جزء اصيل ....

    لي عودة اكيد

    معاوية ..محبتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 09:04 AM

Mannan
<aMannan
تاريخ التسجيل: 05-29-2002
مجموع المشاركات: 6366

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد محمد قاضي)

    استاذ صديق هذا بوست كامل الدسم أرجو من علمائنا ومفكرينا "فلفلة " هذا الموضوع لأنه يتعلق بهوية السودان الضائعة وهى الهوية النوبية التى ينتسب اليها شعوب السودان ولا يعترفون بها ناهيك عن يفتخرون بها فمصر تفتخر بهويتها الفرعونية والعربية والاسلامية ونحن يا حسرة لا نفتخر بهويتنا ... يعنى زمان يا اخوى صديق واحد عربى يجي شايل سيفو واحيانا ابريقو ويعمل فيها شريف او فكي ويتزوج من قبيلة افريقية وكل القبيلة تنتسب فيما بعد لذلك العربي ... سبحان الله شخص واحد يعرب القبيلة كلها والقبيلة كلها تقول جدنا العباس او ابو مين الانصارى ولا احد يقول ان جده ابولهب او ابو جهل... حنحصلك بعد شوية يا معاوية وبعدين افحص حمضك النووىي لو ما طلعت نوبي مية المية أحلق شنبي....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 09:29 AM

علي عبدالوهاب عثمان

تاريخ التسجيل: 01-17-2013
مجموع المشاركات: 5352

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: Mannan)

    ولجدتي من ال ابوحجل وبدري ولابي من الجزيرة ارتل

    ============================

    الاستاذة نعمات مع التحية :
    والحبيب معاوية صاحب البوست الرائع

    أي منطقة تبدأ بـ ( آرت ) هي جزيرة وأحياناً تنتهي بـ ( آرت ) ..
    لا أعرف ( آرتل ) هل هي نفس ( آرتولي ) مسقط رأس الشاعر الجميل تاج السر الحسين ..
    المهم مدلول المسمى بالنوبية ( أرت ) جزيرة ( أولي olli ) الظل ( كثرة الاشجار )
    والترجمة بالعربية ( الجزيرة الظليلة ) وهي دلالة على كثرة الاشجار .. والمقصود دائماً أشجار النخيل ..
    أما الشريك .. ( شريه .. shiriah بالنوبية ) ربما هي شجرة الطرفة بالعربية .. وهي شجرة جميلة
    .. ساقها يميل إلى الحمرة وأغصانها خضراء
    وبدون شوك .. وهي تمثل الجمال بين أشجار السنط والطلح ..

    مودتي معاوية .. وهناك المزيد ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 10:23 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4561

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي عبدالوهاب عثمان)

    Quote: أما الشريك .. ( شريه .. shiriah بالنوبية ) ربما هي شجرة الطرفة بالعربية .. وهي شجرة جميلة
    .. ساقها يميل إلى الحمرة وأغصانها خضراء
    وبدون شوك .. وهي تمثل الجمال بين أشجار السنط والطلح ..

    الأخ علي عبد الوهاب
    و في منطقة الشريك هناك منطقة تسمى الطرفاية مما قد يؤكد أن الشريك ربما تعني شجرة الطرفة.

    يا معاوية الأخت نعمات حمود من أحفاد أبو حجل ملك الرباطاب و أهلها من زعماء الادارة الأهلية و هي رغم امدرمانيتها و لكن كما ذكرت هي ( في هذا البوست و في بوست سابق) فانها قد درست الثانوي في عتمور ، عتمور اهل الكرم ناس عمك خضر و ابنه عثمان خضر و عشيرته التي عرفت بالكرم ، خاصة ما يقدم لطالبات مدرسة عتمور الثانوية.



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 10:25 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي عبدالوهاب عثمان)

    الاخ على عبدالوهاب عثمان لك وللاستاذة نعمات حمود أطيب تحية
    أرتولى تقع جنوب أرتل فى منطقة بربر وارتل تتوسط المسافة بين محطتى الشريق (ينطقها الانجليز الشريك) وابوهشيم
    جزيرة آرتل بها كنيسة من العهد المسيحى لا زالت واقفة وقد حولت الى مسجد
    الشريق
    كانت محطة مهمة للسكة حديد يوجد بها الدونكى والفنطاز الذى يمد القاطرات البخارية بالماء بل كان بها مطار فى الزمن السابق
    الشريق تقع على الضفة الشرقية للنيل تقابلها على الضفة الغربية الغريب واظن ان التسمية مرتبطة بشروق الشمس وغروبها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-05-2017, 10:25 AM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي عبدالوهاب عثمان)

    شكرا علي عبد الوهاب فعلا اسم ( الشريك ) يشير لأشجار الطرفة وليس أشجار السنط كما جاء في مداخلتي السابقة ..
    أشجار الطرفة تمتاز بالقصر وكثرة الفروع ذات الصفق الناعم ..
    وهي من الأشجار النيلية ..
    تتكاثر على الضفاف والجزر وجذورها لها قدرة العيش ملتصقة بماء النهر لسنوات تماما مثل نبات الصفصاف ..
    من فوائدها تحمي الضفاف من آفة الهدام كما أن تكاثرها في الجزر يراكم الطمي ويزيد مساحة الأرض ..
    :
    التحية لود عووضة ؤقولو فاتك مولد ؤجلجل استلم البورد ..
    يا هندسة ود عووضة لو ما حصل البوست دا بحرد ..
    فشنو .. انجز.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2017, 01:15 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    التحية والتقدير لكل المتداخلين الذين لم استطع الرد عليهم
    وسأذكر أسماءهم بغرض العودة إلى مداخلاتهم بعد حين
    شكرا:
    - محمد عبد الله الحسين
    - علي محمد الفكي
    - أنور سيد إبراهيم
    - جلالدونا
    - خالد حاكم
    - بامسيكا
    - جمال ود القوز
    - الأمين عباس أحمد
    - محمد محمد قاضي
    - نعمات حمود
    - منان
    وأشكر المتفاعلين بأكثر من مداخلة

    اتصل بي عبر الهاتف عدد من الاخوة طلبوا فتح نافذة الفيسبوك للتداخل

    أرجو ممن يعرفون ويخالفون قرار سيد المنبر والعملية الديمقراطية
    مساعدتي في تلبية طلب المتصلين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2017, 01:21 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 4338

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2017, 06:17 AM

نعمات حمود
<aنعمات حمود
تاريخ التسجيل: 07-14-2008
مجموع المشاركات: 2469

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: جلالدونا)

    شكرا لكل الاهل ....
    ارتل هي جزيرة كبيرة تتوسط الشريك وابوهشيم وبها (المسيد )وهو مبنى حضاري واثري
    هذا المسيد اعتبره الناس مكان مقدس (ضريح البوشاب الاربعة )وهي عبارة عن اعمدة كبيرة وهذا المبنى لم يجرفه الطوفان او الفيضان في كل الاعوام لصلابته
    وعيت على ان امراة اسمها (الصبر قاسي )واخرى صبر ..هم مشرفين على هذا المكان يقمن باعطاء التبريكات للمواليد الجدد وكل مكروب وصاحب حاجه كاعتقادات البسطاء وكانت ذات يوم امي ذهبت ببعض الفلوس وتم حلق شعر راسنا انا وشقيقتي (سمية رحمة الله عليها )واخذت صبر بعض التراب من اعلى المبني وهمهمت بعض الكلمات لا افهمها ولكن احسب انها دعوات لنا بان يبدلنا الله شعر اطول واجمل
    وماتزال تلك الذكريات
    كنا بالعيد الجميع (جميع اهل المنطقة يزورون هذا المبنى صباحا ويتبركون بتلك الاعمدة
    ابي رحمة الله عليه لمن يكن مثل هؤلاء وتعتبره امي (منكر ) حدثني بان هذا المبنى هو لخواجة (بوش اب ) لاغير وحورت الكلمة لبوشاب واعتقدوا ان هذه الاعمدة قد جلبت من الكعبة (واسماءهم صبري وضمري وماعارفة الاتنين التانين ولكن ما اذكره ان احدهم مختلف وضعيف وحكت لنا صبر ان الملك عندما حملهم من الكعبة ع جناحه وقع احدهم وانكسر وتم تعديله فجاء مختلفا

    هذا المسيد فيه شكل هندسي غريب لدية 99 شباك او طاقة كماتقول صبر (يا 99 طاقة المادخلتهم رقراقة )اي الشمس ولانهم بشكل هندسي لايدخل الشمس كان هذا دليل قوي للاعتقاد
    اصدقوني ما زال هذا الضرح موجودا كما هو من تلك السنين التي تفوق 100 عام
    انا شريكية وتجولت في مناطق الرباطاب وكنت كل اجازة جري ع القطر حتى اسماء الكماسرة عرفتهم ..وعرفت امكي وعتمور بلاد الخير جيدا كما زرت مقرات وكلسيكل بحري وقبلي والسنجراب وغيرها ....
    وساعود للشريك

    معاوية شكرا طلعوا ناس من الطرفاية والجلاليع وابوحجار ههههه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2017, 06:31 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13902

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: نعمات حمود)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2017, 12:25 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: عبدالحفيظ ابوسن)

    اب سن يا فزع عند الشدايد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-06-2017, 08:56 PM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 8198

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    أقترح البوست دا بعد تخلص منو تحولو للرئيس يرفعو في ويكييبيدا سودانيز لأهميته التراثية .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 02:49 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد على طه الملك)

    ويكيبيديا سودانيز خلّها يا مولانا، اليعلقو لينا مع العناوين الفوق
    ؤ..
    أهو دا هلال تاني تحت (ههه)

    أماكن وأدوات وأخرى داخل المنزل
    - المرقون : مخزن صغير مفتوح في الغرفة الرئيسية من المنزل وفيه تحفظ بعض الأشياء

    - الدانقة : غرفة متسعة من غرف المنزل وغالبا ما يشرب الناس فيها جبنة الضحى

    - الكفيق : راكوبة أو غرفة من جريد النخل

    - العنقور : غرفة تبنى من فروع أشجار لينة ويوضع فوقها جريد النخل وفوقه برش كبير
    وسقفها في شكل ضهر تور وتأوي إليها الأسرة أيام نزول المطر الشديد

    - التُكل : هو الخُص (المطبخ)

    - الكنتوش : حلة من الفخار تستعمل للطبخ والملاح

    - الكادق : إناء من قرعة بلدية تفتح من أعلى وتنظف من اللب والحب ويروب فيها اللبن

    - الهون : هو (فُنْدُك) من حديد أو نحاس تسحن فيه البهارات
    بينما يصنع الفندك العادي من الخشب

    - الكبوته : ماعون صغير من السعف المقوى

    - الكنبوت : ماعون من السعف شكله مخروطي (حلّت محله الآن الهاند باق)

    - البسديقة : خرقة من قماش تمسح بها الدوكة في بداية وأثناء العواسة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 02:56 AM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6439

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    لطائف
    1/
    السِرْتوية : (في مناطق الشايقية يقال لها السرووية) وهي الحدأة
    وهي عدو لمربي الدجاج البلدي إذ تخطف منهم السوسيو

    يحكى أن عثمان فزاري، (هذا رجل يستحق كتابا بحاله والله)
    خطفت سرتويه عددا من سواسيو جدادو فوضع شملة في الحوش وعليها قطعة لحم كبيرة
    وعندما حاولت السرتويه خطف قطعة اللحم علقت بمخالبها في الشملة
    فقبض عليها عثمان وقطع منقارها ومخالبها وأطلقها لتطير في الهواء وقال لها
    (تاني لحم مافي، بعد دا إلا تشربيلك مديدة)

    2/
    الجخس: الثور الكبير الذي يجر الساقية
    يحكى أن التلميذ بكري حسن من مقرات السنجراب نجح في امتحان الدخول للمدرسة الوسطى ببربر منتصف الأربعينات
    وعند مثوله أمام لجنة القبول قال له رئيسها إنو مقبول بالقسم الخارجي بمصاريف سنوية 12 جنيه
    فرد عليه التلميذ بكري لو عندي 12 جنيه كنت مشيت سوق الدامر واشتريت لي جخس وسقت مع رفاقتي
    3/
    الكبديق : طبق كبير يغطى به طبق الكسرة وأيضا صينية الطعام
    قال محمد خير ود حبيب شاعر العمدة عمر البشير بطران عمدة مقرات
    يمدح العمدة في مناسبة ختان ولده علي في منتصف العشرينات:
    أرباب ود أرباب
    عتمور أب حمد ياللرجال ضهاب
    أيامك مع دينار سمح عديته
    هناك أكرمك في عينه ماقليته
    كبديق دار رباط كبدقتها وغتيته
    الختاها أبوك الليلة طالع ظيته
    النار مولعة فيه ماشي التيته
    ما كربش جرى و أدى القماش نكيته


    4/
    الدانة : إناء من القرع البلدي وتقسم القرعة إلى نصفين ونصفها يعتبر دانة أي كوز يشرب به الماء (أي سوائل أخرى عذبة)
    من الأمثلة التي كان يضربها الخليفة عبد الله التعايشي عندما يرتقي الوضيع لمنصب لا يستحقه
    وينزل الرفيع لمنزل أقل من مكانته: (غطست الدانة وقلعت المسحانة)
    والمسحانة حجر أملس مستدير تدق عليه النساء الريحة الناشفة كالصندل والمحلب الخ

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 04:05 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 1035

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    السِرْتوية : (في مناطق الشايقية يقال لها السرووية) وهي الحدأة وهي عدو لمربي الدجاج البلدي إذ تخطف منهم السوسيو
    --------------------------------------------------------------------------------
    وفى قريتنا القليعة نسميها الحدية....
    الوالدة عليها الرحمة كانت تحضر الطعام فى التكل ...صيحت لى: الحسا..جيب لى بصلة كبيرة من المرقون
    دخلت غرفة البيت الكبيرة.... من كل الجوانب تتدلى من السقف معاليق تحمل اطباقا من الخشب يسمى الواحد منها( قدح) توضع فى تلك الاطباق حاجات صاحبة الدار
    فى ركن من اركان الغرفة توجد السحارة العتيقة
    خلف هذه الغرفة يوجد المرقون...له باب خاص
    فتحت الباب ودخلت وفى ركن من اركانه وجد قفة كبيرة تحتوى على البصل اخترت بصلة كبيرة وخرجت
    وانا فى طريقى الى التكل انقضت على حدية وكف اختطفت البصلة وتركت الدماء تسيل من يدى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 05:51 AM

محمد محمد قاضي
<aمحمد محمد قاضي
تاريخ التسجيل: 12-23-2014
مجموع المشاركات: 233

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: معاوية الزبير)

    سلام معاوية وضيوف البوست الكرام

    (الكادق : إناء من قرعة بلدية تفتح من أعلى وتنظف من اللب والحب ويروب فيها اللبن)
    ودي بنسميها كُدُوكي (ما متأكد منها)

    (البسديقة : خرقة من قماش تمسح بها الدوكة في بداية وأثناء العواسة)
    بالنوبية الدنقلاوية تسمي بُسُدِي

    (السِرْتوية : (في مناطق الشايقية يقال لها السرووية) وهي الحدأة)
    بالنوبية الدنقلاوية تمسي سِرِج

    (الكبديق : طبق كبير يغطى به طبق الكسرة وأيضا صينية الطعام)
    وهذه تسمي كابيدندا ودي كلمتين كابيد وهي القراصة وأدا وهي الغطاء الأكل تحديدا

    (الدانة : إناء من القرع البلدي وتقسم القرعة إلى نصفين ونصفها يعتبر دانة أي كوز يشرب به الماء (أي سوائل أخرى عذبة)
    ونسمي هذه دانَاد

    باقي المسميات بصراحة ما عرفتها يمكن بسبب طريقة الكتابة وزي ما قال مولانا إلا نسمعها منطوقة عشان نلقي ليها تفسير.

    في مدونة الويكييبيدا الكثير من المعلومات الخاطئة بالذات التاريخية والتراثية وعموم ثقافة الشعوب - ما عارف ناس الويكييبيدا
    الظاهر بعتمدو أي وثيقة من أي جهة ويشيلو يلصقو والسلام ولا الحكاية عندهم كيف؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 06:07 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13902

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد محمد قاضي)

    القرع انواع
    في قرعة بتشيل اكتر من صفيحة .. وواحدة ما اكتر من كباية
    تنوع الاحجام جاب تنوع الاستعمالات
    واحدة تقطع نصفين وتستعمل ك كوز
    واحدة بهزو فيها اللبن لاستخراج الروب وفصل السمن
    واحدة لجلب الماء
    وهكذا
    والقرع يستخدم قديما بالضرب عليه وهو مغمور في الماء للحزن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 06:14 AM

علي الكرار هاشم
<aعلي الكرار هاشم
تاريخ التسجيل: 02-10-2007
مجموع المشاركات: 3462

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد محمد قاضي)

    اخونا معاويه
    تحياتي

    هذا الحديث لا يستبعد
    ذلك اننا نفتقد التوثيق العلمي حتى الآن

    اهلنا غرب مقرات في الجزء الشمالي الغربي
    ( طوينة القلوباب)
    ياربي برضو اسم القلوبابي او القلوباوي يكون اسم نوبي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 06:16 AM

جلالدونا
<aجلالدونا
تاريخ التسجيل: 04-26-2014
مجموع المشاركات: 4338

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد محمد قاضي)

    الشلّاله .. و من اساميها السبلوقة
    اللبقة
    المِد :: من المكاييل
    النوريق
    الواسوق
    اللداية
    التبروقة
    الكونية و من معاتيها الكِيم
    الجر
    الكُشر ... باب الشارع
    بروندي
    ككر
    كدى شوف لينا الحاجات دى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 06:29 AM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 13902

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: جلالدونا)

    بمناسبة اسماء القري
    في قرية جمب كوستي اسمها
    الكرو
    ما عارف دلالة الاسم لكن بعرف
    كر البقر
    يعني زريبة البقر وهو اسم دارجي شائع اقلاها في منطقة كوستي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 06:49 AM

علي عبدالوهاب عثمان

تاريخ التسجيل: 01-17-2013
مجموع المشاركات: 5352

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: محمد محمد قاضي)

    الكادق : إناء من قرعة بلدية تفتح من أعلى وتنظف من اللب والحب ويروب فيها اللبن

    =================================
    تحياتي الحبيب معاوية ..
    الكادق : بالنوبية ( كادي) عبارة عن قرعة أكبر من ( بوسكا ) بالعربية تقريباً بوخسه ..
    بوسكا ( اصغر حجماً ) وبدون غطاء
    كادي دائماً ما يكون في منطقة باردة ( جنب الأزيار )
    ثلاثة أشياء مرتبطة ببعضها وهي :
    شكمبيل أو كشمبيل : ( كلاهما صحيح ) ثلاثة اخشاب مربوطة من اعلى مثبته في الأرض يعلق فيها السعن ( بينج )
    بينج : السعن
    كادي : القرع كما ذكرت أعلاه
    منطقة خج اللبن وإستخراج الفرصة ..

    معليش يا معاوية ( الشرح بالعربية صعب جداً ) ناس ضواحي الدنيا

    شكراً معاوية ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 09:27 AM

علي محمد الفكي
<aعلي محمد الفكي
تاريخ التسجيل: 01-08-2013
مجموع المشاركات: 3064

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي عبدالوهاب عثمان)

    لاحظت في شمال السودان ان اغلب الكلمات المستخدمة في الزراعة اصولها نوبية
    لكن ماذا عن المهن الاخرى ؟
    ففي الرعي وتربية البهائم مثلاً لاحظت ان اغلب الكلمات المستخدمة عربية
    صرار
    درار
    عشار
    غباشه
    حليب
    روب
    فهل لم تكن هناك مجموعات نوبية رعوية ؟ وان الحيوان وجوده لم يكن مؤثر في الحياة الاقتصادية النوبية ؟
    ومن وجهة نظري ان هذا يدل على ان المجموعات العربية التي نزحت للسودان كانت مجموعات رعوية
    لذا كانت الزراعة وادواتها غريبة عليها ولم تعرفها الا في السودان فأستخدمت الكلمات السائدة في المنطقة
    اما الرعي فقد استخدموا مفرداتهم الاصلية التي اتوا بها من المنطقة العربية
    وفي انتظار اهل الاختصاص
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-07-2017, 12:16 PM

علي عبدالوهاب عثمان

تاريخ التسجيل: 01-17-2013
مجموع المشاركات: 5352

للتواصل معنا

FaceBook
تويتر Twitter
YouTube


Re: اللغة النوبية في أرض الرباطاب.. وأشياء تند (Re: علي محمد الفكي)

    الشلّاله .. و من اساميها السبلوقة اللبقة المِد :: من المكاييل النوريق الواسوق اللداية التبروقة الكونية و من معاتيها الكِيم الجر
    الكُشر ... باب الشارع بروندي ككر كدى شوف لينا الحاجات دى

    ======================================
    حبيبنا جلالدونا .. لن أنسى النوقنتود ..
    كمان لحبيبنا بريمة .. لن أنسى ( كورور )
    جبيبنا جلال .. معظم هذه الاشياء اعرفها تماماً .. ولكن المشكلة لا استطيع الشرح بالعربية العامية .. وبالعربي الفصحى ( ما تركب ) المهم بحاول
    السبلوقة : مأخوذة من كلمة ( سبلو ) النوبية ( خشبة محفورة لتصريف المياه ) كان يتم تركيبه في الاسقف لتصريف مياه الامطار
    النوريق : بالنوبية ( نوور) وهو إستخدام النورج في إستخلاص حبوب القمح .. كانت تتم العملية بمجموعة من الحمير .. أما النورج فبالابقار .
    اللبق : بالنوبية ( أوبوق ) .. حاجز ترابي للتحكم في الماء .
    الكشر : بالنوبية المفتاح .. مفتاح خشبي يستخدم مع ( دولاق ) أو ( الضوقال ) بالعربية

    نواصل مع الجميع ..
    شكراً معاوية على البوست

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 2:   <<  1 2  >>

· دخول · ابحث · ملفك ·


اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de