كتب الكاتب الفاتح جبرا المتوفرة بمعرض الدوحة
|
Re: ◘يوميات بكّور◘ (Re: محمد البشرى الخضر)
|
إذا كان مصدر شكك يا ملك، مقولة "رفقا بالقوارير" أقول لك: نحن لو أدينا المرأة حقوقها؛ ساويناها في الشكل، وما بعيد نجلدها في حفلات بطانا
اما إذا كان الشك مصدره مراجعتي لشيء أعطيته بخصوص المهنة، واشكلت عليك مقولة جدنا العباس: "إنّا لا نعود في شيء أعطيناهو" فإنني أقول لك مقولة المفكر الدنقلاوي العظيم: "الثورة تراجع ولا تتراجع"
| |
|
|
|
|
|
|
Re: ◘يوميات بكّور◘ (Re: Haytham Ghaly)
|
Quote: كنت متخيل جلادونا في آخر التصنيف، لكن "حوا والدة"
|
جاء شايل ختم الاعلان الجاهز وطاخ اعلن افلاسه بالله فرقك من الجماعة اياهم شنو ؟ لكن شقي الحال يقع في القيد
| |
|
|
|
|
|
|
Re: ◘يوميات بكّور◘ (Re: علي محمد الفكي)
|
جلال لله درك يا اخ البوست عمل تعرية وتصحر كشف كل الغطاء الاخضر والهدام انتهى من الجزيرة اداها البحر الناس قعدت في السهلة والكتاحة ما قصرت تمت الناقصة طفت كل اللمبات خلت الناس في ظلام دامس مدد مدد يا شيخ جلالدونا
| |
|
|
|
|
|
|
Re: ◘يوميات بكّور◘ (Re: جلالدونا)
|
Quote: المشهد الجميل والميلودرامي الاتكيفت منو لحد بعيد وصراحة المشهد دا ملىء بالاخيلة المتتابعة والمتنوعة بتاع خلو العتود ... واربطو بكور |
ياخى المشهد ده انا خففت مستوى الدهشة لى مستواهو الادنى بى سحب بقبقة اللمبة و كركبة الصحن و الموسيقى التصويرية المصاحبة و من التخفيفات الحاصلة نظرة الاستغراب فى عينين العتود لامن كان بعاين لى بكور وذلك حفاظاً على حياة الجمهور
| |
|
|
|
|
|
|
Re: ◘يوميات بكّور◘ (Re: جلالدونا)
|
ود الشيخ حبابك الف
Quote: السلام. يا جلالدونا اكان بقيت صح زميل خلوة ومدارس كتاتيب مع بكور ورينا بالضبط حكاية( بابكر )دي. ماتجي تقول لي عمر نملة وبتاع دي قيلت قبل كدى. انتهى |
بعد ما اصّر يلبس طاقية البوست ده قلت اعمل شوية تعديلات قى اليوميات بكور ح يخلّى التمريض و يرجع المدرسة ويمتحن الشهادة ويخش الجامعة كلية البيطرة وحكاية الملاية الصفرا القانية حكاية بابكر دى إلّا اشوف واحد من اصحابو يأكّدا لى سألتو منّها نكرا حطب
| |
|
|
|
|
|
|
Re: ◘يوميات بكّور◘ (Re: جلالدونا)
|
يوميات بشارة ده عنوان جانبى عشان العدل و المساواه و كده بشارة ده كمان ميكانيكى بتاع عربات اهلو جننوهو بى غرّس عرّس دى قامو عرسوليهو عربية بشارة رقد تحتا ___ نرجع لى موضوعنا
| |
|
|
|
|
|
|
Re: ◘يوميات بكّور◘ (Re: محمد البشرى الخضر)
|
غايتو ياملكة جلادونا اخد ليك حقك تالت ومتلَّت عمل فى بكور عملية نجار فى عود ماعملها. بكور انا كنت متعاطف معاك بس وكت هبشت بت عمى دى انت الجبتو لى رقبتك ,, جلادونا إيدك والبركة ود المدير وود الزبير والملك إن جو حجازين بباصِرُن ليك.
| |
|
|
|
|
|
|
Re: ◘يوميات بكّور◘ (Re: sadig mirghani)
|
يا جلّي أهديك قصّة الزول الشاف الهلال الجماعة شكّروه شالته الهاشمية قال وأهوداك هلال تاني عسى ولعّل تقعلك الحكمة الفيها! يا شيخ اتظارفت مرّة ومشت و الجماعة جاملوك فا ما تسوق فيها وتعيدها تاني أو على الأقل جدّد و غيّر شوية هو أصلا انت ممل بدون تكرار فما بالك مع التكرار, قاتل عديل كدا :)
انت ما ترجع الفيس ابرك لك :)
| |
|
|
|
|
|
|
Re: ◘يوميات بكّور◘ (Re: محمد البشرى الخضر)
|
Quote: والله، يا علي الفكي، وما طالبني حليفة، من معاوية قال ليها: " شكرا على الزيارة الكريمة" بحاول أتذكر الزول السحب حليفتو داك منو، وما قادر اتذكر!!
|
كِدي دا كُووووولو كوووووم واللقاء الدار بين وضاحة ؤ معاوية الزبير كوووووم، يا بكوّر إنت رايك شِنو في كلآم معاوية الزبير دا، هل صحيح واللآ معاوية الزبير كضاب ؟، يعني هل بتصدق إنوا وضاحة دي ما شبح ؤ قابلت معاوية الزبير واللآ ما بتصدق. أكان صدقت معناتا وضاحة ما شبح، وأكان ما صدقت معناتا بتتهم معاوية الزبير صاحبك بالكذب. مع كامل مودتي لمعاوية الزبير.
Quote: الله يسلمك يا لفضلابي .. يا ود المدير ما قلنا بلاش من حذف البوستات .. جلالدونا غلطان يقعد قدامنا هنا فارش جلابيو .. أي زول شليفلو غلط يكبو ليهو في حجرو.. بعد داك يا قام نفض جلابيتو ووقف نضيف .. أو خمموا غلطاتوا ؤ مرق بيهن.. ولّ كيف؟
|
يا ملك كلآمك دا إياهو البيعشر ؤ يلِد، حذف مافي ؤ جلآلدونا دا لآزم يترشا رش الضب فوق الحيطة، فإعتداؤه علي المستنير بائن بينونة قدر الليلة ؤ باكر...
| |
|
|
|
|
|
|
Re: ◘يوميات بكّور◘ (Re: معاوية المدير)
|
معطيات الشوفة العندنا: ١/ حليفة علي الفكي المسحوبة ٢/ شكر معاوية الزبير للزيارة شهادة أبو علوة بعد سحب الحليفة اصبحت مجروحة. شكر معاوية الزبير فيهو دروب مخارجة وغير مباشر مثلا: ممكن يتلولو ويقول لينا: جات لقتني نائم، ختت بوكيه الورد وعلبة شوكولاتة النسمة وكرت كتبت فيهو رسالة رقيقة أو لقت الباب مكتوب فوقو يرجى عدم الازعاج، قامت بكششت الممرضة عشان تاخد بالها منو كويس، ورسلت معاها البوكيه والنسمة
المهم شهادة معاوية، ممكن ناخد منها الشيء الوحيد المأكد؛ صوت انثى عبر التلفون فير كدا ما اضاف هللة
يا ود المدير، شكلتنا في محلها
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
Quote: المهم شهادة معاوية، ممكن ناخد منها الشيء الوحيد المأكد؛ صوت انثى عبر التلفون |
الجمله دى حفزتنى أدخل وسط الفطاحله ديل وربنا يستر ماتجينى عفصه منهم بالنسبه لى وضاحه ماشبح وسمعت صوتها بأضانى دى وبعد الإتصال جات عقبت على الموضوع فى المنبر ده(عشان مايجى واحد يقول لى أمكن ماهى) والله على ما أقول شهيد
| |
|
|
|
|
|
|
Re: ◘يوميات بكّور◘ (Re: أيمن الطيب)
|
سلامات يا جلالدوكم...Quote: في الحالة دي الواحد يكون دخل في ذلك المكان من الوزة .. |
نفسها دى ولا واحدة تانية
أفرز يا زول أفرز,,,
بكور وينو؟
| |
|
|
|
|
|
|
Re: ◘يوميات بكّور◘ (Re: جلالدونا)
|
سبحان في هذا المنبر أزعم اني شاهدتها وجها لوجه دينا ووضاحة.. ولو ابوبكر ولا ابكر بتاع اليوميات اقدر عايز الفيديو ماعليه الا يفتح سطر جديد نقطة. وحسب رغبة بعض الجمهور (ود البشرى وصحبه) نحكي يوميات بكور عن مباراة الهلال الأخيرة قالو ابكر مشي لدكتور عيون قال ليهو عيني فيها وجع الدكتور اداهو قطره وقال ليهو كل أسبوع نقطه قال ليهو أنت دكتور ولا مدرب الهلال . ياجلجل ماترجع البوست لمجراه ياخي
| |
|
|
|
|
|
|
Re: ◘يوميات بكّور◘ (Re: عمر التاج)
|
يا ميتين مرحب حبيبنا ود التاج ارجّعوا كيف و السيد الدكتور لواء اركان منبر حايم فى البوست اكتر منّى المهم عديت لى سنتين ما نزلت البلد وصلتى كده سلمت على ناس البيت و مشيت على بيت صاحبى بكور لا قتنى حبوبتو واقفة جم زريبة البهايم اها مع السلام و حنان الاستقبال بكور جا مارق من اوضتو الساعة الاشوف ليك التيس ناطّى من الزريبة و جرى على بكور و بكور دق خلف و جرى على الاوضة و قفل الباب وراهو و التيس يشيل و ينطح فى الباب و بى غِل كمان قالتلى :عرفت ده ؟ قتلها :ما عرفتو قالتلى :ده ما العتود الكان فاتح خشمو داك اليوم و بعاين لى بكور عين ما ياها عقبت عليها و انا اهز فى راسى :اهاااا ما شاء الله بقى تيس ليهو ضقل طيّب مالو مع بكور قالتلى : من ما الله تيّسو دى حالتو مع بكور .. محرّم عليهو دخول الزريبة قتلها : مالو و قال خبرو شنو قالتلى : شن خبّرنى بيهو ... يمكن قايلو تيس زيّو
| |
|
|
|
|
|
|
Re: ◘يوميات بكّور◘ (Re: جلالدونا)
|
الله يريحك يا بالجل .. اليومية الاخيرة دي اعادت الامور لنصابها ، خاصة بعد يومية الشبح والميكانيكي الرقد تحت الترلة داك .. المهم بكور صاحبي ضاق نطحة تيس السرة اب قرون داك ، ومن يومها بقي يخاف من التيوس ويبعد من دربها .. أها يوم (قرقنا) عليهو وقلنا ليهو ماترجل يا اخي، الراجل البخاف من التيس عشوشة ما بتعرسو ... الراجل انحرق وقام شال سيف جدي الكنقار ، طلع الشارع خمسة دقايق .. وجانا سيفو يقطر دم .. - سويت شنو يابكور ؟ قال قتلت لي تيسا غليد. - قتلتو كيف؟ قال جيتو براااحة (أدبا) ، وكع ضربت ليك في كراعو اليمين .. وطفرت لي ورا؟ - أها وتاني؟ جيتو تاني قريب وضربت كراعو التانية لامن انكسر عضمها - اها وبعدين ؟ رجعت لي ورا وجتيو جاري المرة دي، وكع ضربت ضنبو لامن الدم طار وملا السيف وجيتكم جاري.. - طيب يا بكور مالك ما قطعت رقبتو؟ - والله كنت داير اقطعها لكن لقيتها مقطوعة.
.. بالمناسبة عندي رواية قديمة اسمها يوميات أبكر ، لو بتنفع أكبها ليك في البوست ده قول ما تتحرج
| |
|
|
|
|
|
|
Re: ◘يوميات بكّور◘ (Re: جلالدونا)
|
اوووو حبيبنا احمد ياخى اعذرنى فى الفط فى الرد .. اها دى واحدة من مشاكل الشهرة
Quote: معاوية المدير أها المستنير لخاك وعجبني ليك لكن النحدثك علي الحلال أنا أمشي لجلالدونا دة ويضبح لي وناكل برتكان بكري سواء تاني يحذفوا ليه مداخلة أحلف على سيد البوس حرام إنه يحذفني أنا برضو وكان ما حذفني بحذف روحي براي وهي الخوة شن طعمها وقتين تتفرج على صاحبك بتعامت مع زول تاني وكتاحتهم واصلة السماء وتقول والله انا ما صدقت علاقتي بالبتشاكل معاهو صاحبي دة اتصلحت! ها زول علي الحلف انت خفت املص نعلاتك وجلابيتك ديل وسل سكين الضراع وأبقى داخل مع صاحبك جقدو المستنير دة ومعاهو معاوية الزبير هوادة فوق البيعة
|
يا حليلك يا احمد .... منّو العوض و عليهو العوض تصدّق !!! ود المدير طلع غواصة ... و نووية كمان مرّة بكور سمعا فى نشرة الاخبار بتاعت تلاتة جانى طاير و سعلنى منها قالّى : نووية دى يعنى شنو قتلو سمعتها وين قالّى :فى المدياع ضربت اخماس فى اسداس و غلبنى اللقولو ليهو قمت خشيت ليهو بالغواصة و قتلو : الغواصة دى حاجة بتعوم تحت الموية قالّى خلّها دى عارفا ... انا فى نووية دى قتلو : شفت نوانا الليل التمر ده قالى :كيف ما شفتو قتلو :بس ياهو ذاتو مرقتو من عندى شال خرتايتو بدا يلقّط فى حصا التمر اهل الحلة سألوهو يا زول خبرك شنو قالهم : بدور اسويلى غواصة نووية
| |
|
|
|
|
|
|
Re: ◘يوميات بكّور◘ (Re: جلالدونا)
|
Quote: بالمناسبة عندي رواية قديمة اسمها يوميات أبكر |
أكيد بتكون رواية عنصرية في طفولتي المستمرّة لحدي الآن، كنت زول كاواي، أندادي كانوا بحاولوا ينالوا مني بتسميتي أبكر الفلاتي ولزمن طويل كان لقبي الكزو وبدلعوها كزونا. فشنو يا عمر التاج، يا بجّة، لو نزلت روايتك؛ بسوقها ليك لدرب عنصرية لا وعي الجلابة
المداخلة دي بمثابة بخرة ليك وأتحداك تنزلها يا عنصري
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
حبيبنا أبوبكر ( بالهمزة علي الألف) .. تحية لك يامستنير مالي أراك يا أشعب تحكم علي شئ غائب ؟ وكيف حدثتك نفسك بأن روايتي عنصرية قبل أن انشرها ، أوع تكون لمبة الاستنارة عندك طفت؟
يا اخي أنا اسم ابوبكر وابكر وبابكر عندي سيان لافرق بينهم ، حتي اخوي اسمه ابوبكر بقول ليه يا شيخ بكري ويا خليفة أبكر عادي ملاحظتي التي كتبتها لك من قبل ، أن اسمك اسم صحابة وخلفاء وشيوخ، وبث. وبعدين تتحداني ليه يا أخ؟ البوست حق جلالدونا وهو صاحب الحق في القبول والرفض وأنا روايتي دي مشكلتها فيها سبعمائة يومية ، خايف أكان نزلتها كل الابوبكرات يجرو يخلو المنبر عشان كده استشرت صاحب البوست وصاحب المنبر (عشان اسمه ابوبكر برضه)، الراجل ماعايزين نقفل منبره .. وبعدين زي ما اتحديتني انا بتحداك برضه .. أكيد بتكون رواية عنصرية في طفولتي المستمرّة لحدي الآن، كنت زول كاواي، أندادي كانوا بحاولوا ينالوا مني بتسميتي أبكر الفلاتي ولزمن طويل كان لقبي الكزو وبدلعوها كزونا. فشنو يا عمر التاج، يا بجّة، لو نزلت روايتك؛ بسوقها ليك لدرب عنصرية لا وعي الجلابة المداخلة دي بمثابة بخرة ليك وأتحداك تنزلها يا عنصري المصدر : ◘يوميات بكّور◘◘يوميات بكّور◘] أنك تثبت إني عنصري . والمصدر ده يا (ود أبوبكر) لموا عليك ، لا أنا جبتو ولا بمسحو ولا عايزو زاتو..
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
جلالدونا اسم بكور دا مدعي ولا شنو كل الاسمو بكور بتاع كفاوي وعدو نفسو يا اخ عندنا بكور الخالق الناظر من صاحبك دا يا جلال يوم لقيتو ليك مكتح ويتردق بالواطه و يكورك انا تاني ما بجي انا الوداني شنو الشافه منو وانا شفت الشافه قربته منو لامن اتعوذت من حالتو وخلقتو الفيها وشو يلعن قفاهو والشعر كل واحده واقفه براها تقول راسو مغنطيس المهم بعد اتعوذت وبسملته سالتو يا زول مالك قال لي الكتاحه طفت لمباتي وحرقت انواري قلت ليهو الكتاحة لقيته وين قال لي جابته لي شلاقتي ضحكت وقلت ليهو كويس عرفت نفسك شليق مشيت منو وجيت اليوم التاني لقيتو في ذات الحالة يهضرب ويتردق ويغني في ما شفتوها يا خلاني
| |
|
|
|
|
|
|
Re: ◘يوميات بكّور◘ (Re: علي محمد الفكي)
|
بكور بتاعنا اداري في فريق الجاموس والفريق دا تعبان وملطشة لي كل الفرق يوم لاعب مع فريق النجمه البعيده النتيجة كالعادة انتهت لصالح فريق النجمة البعيدة 6 صفر الحكم كان ابو يزيد الرباطابي وصاحبنا بداء يكورك في الاستاد التحكيم فاشل ابو يزيد بايعه ابو يزيد ما عندو ذمة قلت ليهو يا اخ ابو يزيد دا مش صاحبك قال لي ولا صاحبي ولا بعرفو الصحبه من اليوم فرتقت معاهو يقيف مع فريق النجمه البعيده ويبيع الكورة عشان يهزم الجاموس قلت ليهو بيع شنو النتيجة 6 صفر يعني جاموسك دا مريض ودوهو البيطري عاين كده وقال لي فكرة لازم اقراء بيطرة واتخصص بعارين استغربت ولسه ما عارف علاقة الجاموس بالبعارين شنو لكن شطحات بكور وشلاقتو
| |
|
|
|
|
|
|
Re: ◘يوميات بكّور◘ (Re: طلحة عبدالله)
|
Quote: الست وضاحة أسمحي لي أشكرك بحرارة عالية ياخ سيف الجامعة زول بديع بحق ربنا يخليهو |
طلحة يا جميل مشتاقين ووو وينك من ديك وكيييييك عساك عافية سيف رائع بالجد وصوتوا جميل والاجمل حروف الاغنية البتوصف جمال امنة السودانية بت القبائل الاصيلة جمال طبيعى بدون فاونديش وزيف
كسرة بالريال القطرى : الاغنية فيها رقصة كمان تهبل تهبل
| |
|
|
|
|
|
|
Re: ◘يوميات بكّور◘ (Re: وضاحة)
|
تحيات وتعظيم سلام ليك يامك واسمح لي في البداية أن اجرب الاقتباس بالاحمر في تعليقك السابق هنضبة ذي الهنضبة أمها بت عم أبوها .. كويس انها نجحت لانه المرة الفاتت أكواد أبكر التاني الجديدة لخبطت الاقتباس مع الرد ، والصحيح ان التحدي يقرأ بهذه الطريقة ..
Quote: وبعدين زي ما اتحديتني انا بتحداك برضه:
أكيد بتكون رواية عنصرية في طفولتي المستمرّة لحدي الآن، كنت زول كاواي، أندادي كانوا بحاولوا ينالوا مني بتسميتي أبكر الفلاتي ولزمن طويل كان لقبي الكزو وبدلعوها كزونا. فشنو يا عمر التاج، يا بجّة، لو نزلت روايتك؛ بسوقها ليك لدرب عنصرية لا وعي الجلابة المداخلة دي بمثابة بخرة ليك وأتحداك تنزلها يا عنصري
أنك تثبت إني عنصري المصدر
|
والمايك الان عند الأخ (ابوبكر الاخر ) ليثبت عنصريتي من يومياتي التي سابثها في المستقبل عن أبكر .. اسع يامك في زمتك (أبكر) دي فيها عنصرية ، خليها العنصرية فيها أي تمييز ديني أو عرقي أو مجتمعي ، خليه التمييز ، فيها أي اساءة أو نبز ، يعني كعبة في رأيك كلمة أبكر ولا بجة؟ أسع انا لو قلت لك يا (أمحمد) بضم الألف الفيهو الهمزة فيها حاجة ، أمي الله يحفظها بتنادي خالي محمد بكل ريدة الدنيا بقولها (يا أمحمد أخوي) ، وعادي برد عليها ( لبيك يا خيتي) ما زي ناس كده بتحسسوا من أبطال الروايات وبفضحوا أنفسهم بحكاية ماضيهم وطفولتهم الغير بريئة ويقولوليك فلاتي وعبد الزمار .. يا اخ الفلاتي مالو ؟ وبكور مالها ؟ يعني خلاص الحكومة لغت البكور نقوم نحن نتحسس من اسم بكور ولا دي العنصرية المضادة البقولوا عليها؟
| |
|
|
|
|
|
|
Re: ◘يوميات بكّور◘ (Re: محمد على طه الملك)
|
المداخلة دى ماعارف الختاها فوق شنو؟ انا كنت قايل جلادون ااستكا جيت جارى شايل عكَّازى ,, ربنا مرققك. المداخلة دى تشوين لبت عمى ,, اللاَّمتنى قبل كدى وتحذير لبكُّور. *********** غايتو ياملكة جلادونا اخد ليك حقك تالت ومتلَّت عمل فى بكور عملية نجار فى عود ماعملها. ب كور انا كنت متعاطف معاك بس وكت هبشت بت عمى دى انت الجبتو لى رقبتك ,, جلادونا إيدك والبركة ود المدير وود الزبير والملك إن جو حجازين بباصِرُن ليك.
| |
|
|
|
|
|
|
Re: ◘يوميات بكّور◘ (Re: عبدالعزيز الفاضلابى)
|
يا أخينا، سيبنا من اللولوة البدون خاتم دي اسم أبوبكر وأبكر عندك سيان ما سيان، ما بعرف التحدي معاك تنزل الرواية رواية شنو كمان؟! يتكون حجوة ساكت نزل الحجوة وبعدين نتفاهم
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
إتّا يا طلحة ما لك؟ أهو البوست أداك فرصة تعبر عن شعورك وتهدي
ناس الجزيرة بحبوا ليك برنامج ما يطلبه المستمعون بتاع إذاعة أم درمان حب شديد،
اليوم كلو تلقاهم معلقين ليك مع اسراء زين العابدين ممكن أهدي؟ أهدي يا زول، ما أصلك متصل عشان تهدي من أحببت
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
شنو يا جماعة التكالب دا!!!
شايفكم اصطفيتو ون سايد .. مع انو بكور ادها وادود لكن مهمن كان دا صاحبي
انا كنت متفرج ومستمتع وبضحك لكن الظاهر بعد دا اجيب عكازي المضبب واجيكم .. الله
بس يا بكور وحات خوتنا الاسفيرية الوثيقة دي رجاءً ابعد من وضاحة
ياخ فجر المشارق دي ياها ايقونة هذا المكان وفاكهته بالله عليك مافي داعي تخت علاقتنا في حتة ضيقة
اسع انت براك ما ملاحظ ود الزبير اختفى من البوست
بعدين يا ابكر ياخ لقب الكزو دا لو شافو ود الصايم وحاة طلحتوف دا الا يقولك اصل اللقب الكوز انت قلبت الواو والزاي
يا ابو الجل
شنو ياخ... رشة ود البشرى دي ما عايز تردها
ما تخليهو ياخ الزول دا مدوخكم طواااالي
ثم تحيات لكم واشواقي لود المدير
| |
|
|
|
|
|
|
Re: ◘يوميات بكّور◘ (Re: MOHAMMED ELSHEIKH)
|
يا غالي وفاضلابي، ما عندي مانع أخليها ونضمكم للستة الشرف بتاعت ناس معاوية الزبير، علي الفكي وطلحة بس هي تعتذر لي عن حمبرة
أنا أصلا فاتح ليها ورافع القزاز من زمان
| |
|
|
|
|
|
|
Re: ◘يوميات بكّور◘ (Re: MOHAMMED ELSHEIKH)
|
Quote: ناس الجزيرة بحبوا ليك برنامج ما يطلبه المستمعون بتاع إذاعة أم درمان حب شديد، |
سبحان الله نفس المحاولات المستميتة للتظارف السمج .. بديت أشك انك فعلا اللخت بتاعت المسواك ..
.............. يا جماعة بكور دا شخصية حقيقية واللا محض خيال الكاتب ؟
| |
|
|
|
|
|
|
Re: ◘يوميات بكّور◘ (Re: طلحة عبدالله)
|
في ناس ررءوسها خفيفة وتصدق أي حاجة. وأكيد البعض صدق الصورة الفوق حتى انسكبت ريالته فوق جلابيته ههههه
الصورة ملطوشة من بروفايل واحدة جزائرية في التويتر:
| |
|
|
|
|
|
|
Re: ◘يوميات بكّور◘ (Re: ombadda)
|
البوست دة فيهو معركة شرسة من اقوى المعارك في تاريخ البورد. أتمنى ان تتوقف كافة الأطراف هنا. من خلال خبرتي الطويلة هذا السجال الرائع سيتحول بعد قليل إلى مناوشات وعداوات. وربما ابتعاد اطراف نهائيا من المنبر.
لا شيء يستحق. ويكفي أن كل طرف أبان عن نفسه وقناعاتع وافكاره وليس ملزما بأي حال من الاحوال أن نغير قناعات الناس وافكارهم ونظرتهم للحياة خاصة إذا كانا لا تؤذي الاخرين.
مناشدة اتمني تجد آذان صاغية. والسلام
| |
|
|
|
|
|
|
Re: ◘يوميات بكّور◘ (Re: MOHAMMED ELSHEIKH)
|
بكري مشكلته الأولى هي نفس مشكله المريخ، عنده روح قتالية عالية ولكن تنقصه اللياقة والمهارة بذكرني العوض ود خالتي ، ولد شليق وجنو سكر ، ومستعد يشاكل ناس الحلة كلهم ورغم كده كل يوم بجي البيت مدقوق ودمه سايل .. ومشكلة بكري التانية انه مشتنير ( ثلاثة نقاط علي السين)، يعني بتكلم ساكت وكان طار مابقدر يثبت كلامه عن عنصريتي نعود إل بكور في بعض طرائفه اليومية ( من يوميات) . حكى لي يوم أنه عنده أرق وما بقدر ينوم .. قلت ليهو بسيطة ، تقوم وانت راقد في السرير تعد من واحد لحدي 100وحاتلقى نفسك نمت .. بكره جاني عيونه حمر من السهر ، قلت ليه شكلك ما اشتغلت بي نصيحتي .. قال لي: - كل مرة أبدأ أعد ألقي نفسي نعست قبل احصل مية ، أقوم أغسل وشي وأبدأ من جديد لامن الشمس شرقت مانمت. ويوم سمعته بحنك في عشوشة : -تعرفي يا عشة أنا ناوي أبني ليك عمارة تلاتة أدوار. - يعني بتبني لي بيتي عمدان يا بكور؟ - لا العمدان بعملن في الطابق التالت بس؟ - وليه ماتخليها من تحت عمدان - يعني عايزاني أرمي قروشي في الواطة ؟
أها بعد يومين جاني و قال لي دايرك تمشي معاي تخطب لي نفيسة بت كرار قلت ليهو لكن انت ما كنت بتحب عشوشة اختها ، قال لي : - ماكدة بقدر أشوف عشوشة كل يوم .
وقبل الخطوبة بي يوم بكور كان شادي عربية تعبانة كدة بتاعة واحد صحبه مع المغرب كده قال لي: ارح نسوق العربية نبيتها في قلعة شنان (قلعة قديمة مهجورة) قلت ليه؟ قال لي : -عايز أقوم الصباح ألقاها بقت عربية شبح .. كع انا اخوك يالشبح وحاك اللولوة البي خاتم دي
.. ملحوظة : تلك بعض الأحاجي قلنا نسهم بها في موضوع البوست أما الرواية فهي جاهزة للبث وفي انتظار اذن ابو الجل، ولا أقولك ، أفتح انت بوست سري، وليك علي أنزلها ليك كاملة ، وبدون عنصرية كمان.
| |
|
|
|
|
|
|
Re: ◘يوميات بكّور◘ (Re: عمر التاج)
|
بكري مشكلته الأولى هي نفس مشكله المريخ ياعمر بكرينا الفايت الناس مسافة ده مابحب تضرب ليهو مثل بفرق العاصمة من شدة تعصبه لاندية مدني وناس مدني - ماتضغطوا على صاحبي ده يقوم يفر من البورض الخالي من المستنيرين .
| |
|
|
|
|
|
|
Re: ◘يوميات بكّور◘ (Re: حيدر حسن ميرغني)
|
خخخخخخخ قوية يا عمر التاج ..شكرا لقد صنعت لحظتنا ..
يا حيدر حسن ميرغني شوق عظيم.. غاتس وين انت ؟ ............................
نفسي أعرف بكور دا منو ؟؟
| |
|
|
|
|
|
|
Re: ◘يوميات بكّور◘ (Re: عمر التاج)
|
Quote: البوست دة فيهو معركة شرسة من اقوى المعارك في تاريخ البورد. أتمنى ان تتوقف كافة الأطراف هنا. من خلال خبرتي الطويلة هذا السجال الرائع سيتحول بعد قليل إلى مناوشات وعداوات. وربما ابتعاد اطراف نهائيا من المنبر. لا شيء يستحق. ويكفي أن كل طرف أبان عن نفسه وقناعاتع وافكاره وليس ملزما بأي حال من الاحوال أن نغير قناعات الناس وافكارهم ونظرتهم للحياة خاصة إذا كانا لا تؤذي الاخرين. مناشدة اتمني تجد آذان صاغية. والسلام
|
سلام ياحبيب ياخ بوست رائع جدا وفيهو إبداع غير طبيعى وياليت لو تكون خلافاتنا وارائنا مغلفه بالطريقه دى بدل المهاترات والسب المباشر والجارح معظم الادويه مرة الطعم ولاتستساغ ولكن يتم تغليفها بمواد محلاة حتى يسهل بلعها
| |
|
|
|
|
|
|
Re: ◘يوميات بكّور◘ (Re: عمر التاج)
|
سلام يا جلالدونا وبكوره وصحبه
كل يوم أحوم حول البوست دا من بره أصل الباب أرجع أقول خليه يسخن شوية
ويكفي أنه جمع كل الأخوة الحيويين حاليا بالمنبر
لكنه أصبح يشبه ثمرة اللالوب مرة تجيب طعم حلو ومرة مر
لكن كل ما مرت تحلو
عندي فكرة في شكل نصيحة أكثر من كونها توصية
لأخونا المستنير ابوبكر عباس
خروجه من بوستاته المفتوحة والدخول في بوستات الآخرين كان خصما عليه وعلى المتعة في المنبر
هو كما ذكر عن نفسه يحب المكاواة وإغاظة الآخرين ورفع ضغطتهم
لكن حتى هذه لها ناسها ولهم اسلوبهم
تنمى لو يعود للمنبر عمر الفاروق واساسي وعلاء تمبس وأبو حسين وود الموج
هم ملوك الأكشن مافي شك ..
نتنمى لو يعود المستنير لبوستاته ويضيف أخر
| |
|
|
|
|
|
|
Re: ◘يوميات بكّور◘ (Re: درديري كباشي)
|
يا عمر التاج كان تثبت لينا على (أبكر) وتخوضوا نقاش العنصرية وما أدراك ما العنصرية لكن انت نطيت من ابكر ومسكت في بكور اسم الدلع اللذيذ الما فيه مشكلة
بس عارف المعضلة الكبرى وين! إني ما عارف رد الفعل المفترض على بتاعاتك الفوق ديل شنو ! يعني مفترض بعد ما قريتهم أضحك وكدة ؟
| |
|
|
|
|
|
|
Re: ◘يوميات بكّور◘ (Re: محمد على طه الملك)
|
و تانى حاصية الاقتباس قامت وفقت الشكية لى اب إيدن قوية ده كلّو من الغواصة ود المدير _____ و ين يا فاضلابى .. بصراحة ما شايف شغلك ,, تعال شوف مولانا الملك و عمايلو ماسك فى الحساب و يشيل و يرمى فى حجرى لامن وِصلن اربعة اول ما جات الضربات الفنية القاضية و حياتك جلّى الحساب و مسك فى حاجات تانية هسى شوف الضربة الفنية القاضية بتاعت وضاحة كلاى دى يمين الله شدّة ما قوية لامن ود الزبير ذاتو اتّرتع و غلبو الثبات بتاعت على الطيش ما اشتغل بيها الشغلة و قام سوّاها لينا قوارير و جعلنة اما بتاعت تاجو الماشا عليهو تقدل مولانا قال فيها لؤلؤ ___ بالمناسبة دى يا تاجو ... البوست ده انا فاتحو سبيل فما محتاج لى إذن منّى لُخ و اعجن على كيفيك و مرحب بى بكّورك فى اى بوست و مكان و زمان ____ غايتو يا ود اب سن بالغتا فوكا دى كمان بقيت ماب تعرف تفرز الطربقة من الرش ياخى من قولة تيت شال كورتو و جرى على سيد الاستاد عشان يلغى مبارة هو اصلاّ ما طرف فيها داير يشيل الكورة و يطلع زى بتاعت ريكو الهلالابى قدام المريخ ديك .... هسّى الزول الفى بالى يجى ناطّى , لكن لو جا بأسّتكو ليكم استيكة الجن اصلو بينى و بينو تار بايت .... ما علينا نرجع لى موضوعنا قلت لى غالب كم و غالب منو كدى فى اللّول اسعلو .. هو لاعب ضد منو ؟ ____ طلحتوف .. كيفك يا عريبى عرب الجزيرة ياخى لو سمحت قلل لينا من شغل الانتينوف القاتل ده اشتغل معانا بى شغل الدغدغة داك .. طبّيز فى العيون و تشتشة فى الملاين ____ ود الشيخ حبابك ألِف ياخ يا ريت لو تلحقنا بيها سريع عندى اقتراح ليك ياخ ... بدل سندوك البرنجى خلّيها سندوك بحّارى و يا ريت لو بى كرتونتو كمان ____ شفت حركات مولانا يا فاضلابى قال من بتين جاليلو دقش الاربع تالاف مشاهدة ياخى عايزك ترفع لى عليهو قضية فى محكمة عطبرة الجزئية ايييييوة بس عطبرة ... عشان الجماهير تفلّعو بالبيض يا مولانا شكلك كده لامن فتحت بوست النقنتود برضك كنت كايس الشهرة السطر الاخير ده براهو 7 فى حجرك يلّا ابقى مارق يعنى شنو محكمة جزئية يا مولانا ... الوصف القانونى ...
| |
|
|
|
|
|
|
Re: ◘يوميات بكّور◘ (Re: جلالدونا)
|
كلامك صاح يا درديري بخصوص الفائدة، لكن كمان الكتابة في بوستات الأوباش (تشمل المذكر والمؤنث) والونسة معاهم، فيها متعة فلكلورية كبيرة بتزيد المخزون الخيالي للأدباء.
| |
|
|
|
|
|
|
Re: ◘يوميات بكّور◘ (Re: جلالدونا)
|
Quote: هسى شوف الضربة الفنية القاضية بتاعت وضاحة كلاى دى |
وحاتك ناقشا إلا مبسوط منها .. ياخي ما مكن ود البشرى كمين سنة سارح بينا بدون رفيق.. انت منو القال قراية الإضان ؟ أطنو كوستاوي المطموس.
| |
|
|
|
|
|
|
Re: ◘يوميات بكّور◘ (Re: محمد على طه الملك)
|
عسللّى المنبر وضاحة كلاى كيفك يا زينة الصبايا Quote: جلال سلام واشتياق وكده انت لسة مع حنبرة ما قلنا ما تعملوا للحنابر قنابر كان تسمى البوست يوميات حنبرة ... |
يمين الله الشى دى ما لكمة نصاح دى ام دلدوم عديل كدى يا مولانا الملك يا ريت تجى تحصر اينا الخساير مع شوية من ملاحيظك وياريت كمان تستصحب معاك الطربقة و لفة الراس الحاصلة على اللاعب الكحيان ده
(عدل بواسطة جلالدونا on 02-28-2017, 11:16 PM)
| |
|
|
|
|
|
|
Re: ◘يوميات بكّور◘ (Re: جلالدونا)
|
لماذا تسرق "الست وضاحة" "العسللّي" صورة اصابعين الناس من صفحات وشوشم للإشارة لتحت؟ أرجو من "الست" تصوير أصابعها للمقارنة، لأنو دا انتحال أصابع! بالمناسبة، أنا برضو بحب سيف الجامعة
سبب التعديل: سحب الحليفة بتاعت حقيقة الاصابع الراسما القلب
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
قالت ولّ قال ليهو: "طلحة يا جميل" كدي عليك الله، نزل لينا صورة نشوفك فعلا حلو
بوست تحفة، لمّ لينا عرب الجزيرة مع اشباح، واحد جديد قال عندو رواية اسمها يوميات أبكر كتبها زمان!! أي زول يكتب ليهو مداخلة مداخلتين، يقول ليك عندي رواية!!
| |
|
|
|
|
|
|
Re: ◘يوميات بكّور◘ (Re: ombadda)
|
سلام للجميع يا حليل كيكي, ماتشات زي دي كنّا بنزبط ليها أجدع ستديو تحليلي نتناول فيه اللقطات المميزة ونناقش الاستراتيجيّات المختلفة ونقاط ضعف وقوّة المتنافسين لأجل المحافظة على نظافة و متعة الآكشن فا شنو.. شكلي ح احلّل براي في الاستديو دا.
حبيبنا دكتور أمبدة كيفك ياخي Quote: البوست دة فيهو معركة شرسة من اقوى المعارك في تاريخ البورد. أتمنى ان تتوقف كافة الأطراف هنا. من خلال خبرتي الطويلة هذا السجال الرائع سيتحول بعد قليل إلى مناوشات وعداوات. وربما ابتعاد اطراف نهائيا من المنبر. |
يا دكتور ما للدرجة دي, شكلك ما حضرت المعارك التاريخية هنا على سبيل المثال الدرويشة و بوكرامي و صور أبكرشولا و "المليور" دولار الأكلوها المنظمات و الصداع العملو صلاح بندر و غيرها عشان تصف التيلي ماتش دا بأقوى المعارك!! ياخي دا لعب بلّي عديل كدا بالمقارنة, اي نعم في عفّيص تحت تحت كدا وبعض الضربات توجه تحت الحزام لكن أغلبه مجلّي وبدون يسجّل نقاط. لكن عموما اللعب ودّي ونضيف إلى حد ما, حتى الشايفه تحت الحزام أغلبه شراك خدّاعية ودردقة ما عارف ليه بقع فيها اغلب المتنافسين مع إنّها واضحة زي شمس يونيو. فما تشيل هم لن يحدث ما تخاف منه ولا عداوات هناك ولا ابتعاد نهائي سيحدث
| |
|
|
|
|
|
|
Re: ◘يوميات بكّور◘ (Re: محمد البشرى الخضر)
|
من الاهمية ان يعرف الجميع ان اقل مستنير عارف حركة الاصابع دى شنو بصرف النظر عن كون انها ملطوشة او ما ملطوشة فال تحت قال ____ هسى يا ود الخدر جايى نفسك فاتحة عشان تفتحلك استوديو و تحليلى كمان انتا قايل الملشور ده هامل و ما عندو سيد ح تتأستك يعنى ح تتأستك و لو تأرقنت مداخلاتك أى وساطات و تحنيس و اعتذرات ماب تقسّم معاى يا اخوانّا كفارة الحليفة فى المنبر ده شنو
| |
|
|
|
|
|
|
Re: ◘يوميات بكّور◘ (Re: ombadda)
|
Quote: ود الشيخ حبابك ألِف ياخ يا ريت لو تلحقنا بيها سريع عندى اقتراح ليك ياخ ... بدل سندوك البرنجى خلّيها سندوك بحّارى و يا ريت لو بى كرتونتو كمان
|
حاضر
اهااا
صاحبنا بكور واسمع الدلع "بنيش الفاخوري" اشترى علبة "البحاري" جديدة لنج وكنا ماشين على الحفلة في الحلة القدام . . المواصلات طبعا حمير ( اكرم الله القارئيين). يازول وصلنا الحلة القدام وربطنا حميرنا في دومة بت حاج النافع(ود المدير ماكان معانا للعلم). يازول سالنا من الفنان منو؟ قالوا لينا والله الجماعة ديل ماعندهم حفلة. نط بكور :" طيب في رقيص عروس؟" اجابه احدهم :" والله برضو مافي"
بكور اللهو بنيش الفاخوري كشح "دين"
وقل ليهم :" طيب علبة البحاري دي نشربها ليكن وين"؟
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
الأوباش وطالما المقام مقام روايات ومذكرات أكيد بكورنا قاصد الحرافيش ياريت يضع امثلة لواحد او اثنين منهم بين قوسين عشان الواحد يقدر يعرف نفسو واقف في ياتو زقاق - إزيك ياطلحة
| |
|
|
|
|
|
|
Re: ◘يوميات بكّور◘ (Re: علي محمد الفكي)
|
بكور بتاعنا من النوعية البتطبز عينه بي اصبعه ولو حد تاني خت لي بكور اصبعو جوه عينو بكور بحرك الاصبع جوه عينو ........... الصورة مبذولة في النت وفي اكثر من مكان وتستخدم كصورة تعبيرية برمز الحركة الفيها زي ما استخدمتها وضاحه كلاي على قول جلالدونا هنا وما في اي اشارة لي نسبة الصورة ليها
| |
|
|
|
|
|
|
Re: ◘يوميات بكّور◘ (Re: علي محمد الفكي)
|
سلام يا على,, Quote: بكور بتاعنا من النوعية البتطبز عينه بي اصبعه ولو حد تاني خت لي بكور اصبعو جوه عينو بكور بحرك الاصبع جوه عينو |
إتو المنبر دا فيهم كم بكور؟؟ والبوست دا فيهو كم منهم!!!
الأبكرات اتخلبتو علينا والله,,
تحياتى..
| |
|
|
|
|
|
|
Re: ◘يوميات بكّور◘ (Re: أيمن الطيب)
|
Quote: الأوباش وطالما المقام مقام روايات ومذكرات أكيد بكورنا قاصد الحرافيش ياريت يضع امثلة لواحد او اثنين منهم بين قوسين عشان الواحد يقدر يعرف نفسو واقف في ياتو زقاق - إزيك ياطلحة |
وآقف في زقاق السينما الجمهورية، أها. الزول دا لخبات طلِعُو مِن هنا، طلحة في عينك .
الجبان الوقّف خاسية الإقتباس دا منو ؟
إزيّك يا أيمن الطيّب ...
| |
|
|
|
|
|
|
Re: ◘يوميات بكّور◘ (Re: أيمن الطيب)
|
عذرا عزيزي القارئ للعودة .. اعجبتني ( واحد جديد) دي.. فقلت ازور البوست للمرة الأخيرة نسبة لمشغولياتي التي تعلو عن الصغائر .. وبالمرة اعترف باني لم أقرأ بدايات البوست ولست ملما بحيثيات خلفياته .. فقط جابني درب اليوميات وشدني اسم حبيبي جلال صاحب الكلكات والمواضيع المميزة ففتحت مكان علقت .. وحتى اسم بكور افضله اكثر من بكري وأقل من اسم الصديق .. وليس لاي منهم أو ابكر دلالة عندي خارج اطار الحكاوى .. ثم انتهز الفرصة لاقر باني جديد على المنبر .. سجلت في عام ٢٠٠٠ عندما كنت طالبا .. ثم عدت باسمي الاعتباري اعتبارا من ٢٠٠٨ .. تفرغت بعدها لما هو اهم من المكاواه.. وحتى الحكاوي ابتعدت عنها ولم اسجل الكترونيا غير القديم جدا .. قصة ابكر احتفظت بها رغم إني كتبتها وانا برلوم لانها فازت بجائزة القصة في اكبر مهرجان ثقافي في الجامعة.. تفرغت بعدها لاستنارة حقيقية لا زيف فيها ولا لبط منتديات .. واخيرا ها نحن بكل تواضع نتداخل مع عامة المستنارين ونحكي لهم بعض يومياتهم .. وانا اختم مداخلتي وصلتني للتو يومية جديدة انتهز السانحة لرفد موضوع البوست بها واستبعد بها اسم بكور.. ويمكن لغير المستنيرين أن يبكوا او يبتسموا اذا بريدوا.. حاج ابكر عمره 89 سنة إختفى شهر من صاحبو حاج الطريفي وبعد الشهر شافو حاج الطريفي و سألو: وينك يا راجل ليك شهر لا حس ولا خبر !!!؟؟حاج ابكر قال ليه: كنت في السجن والله ،،!!حاج الطريفي: يا زول في شنو ؟ حاج ابكر: الخدّامة الشغالة معانا قالت إنّي اتحرشت بيها.. ولمّا جابوني للقاضي في المحكمة إعترفت بالتهمة من باب الإفتخار يعنى .. وإنت زى ما عارف عمري 89 سنة والتهمة تشرّف أي واحد في سنّي !!! حاج الطريفي: والقاضي الأهبل دا صدّقك ؟ حاج ابكر : أبداً .. ود الحرام دا حكم علّي بشهر سجن بتهمة الكذب وتضليل العدالة.. . . حبيبنا جلجل بعد ما اداني الاوكي .. انت يا ابكرات حدكم معاي الصفحة العاشرة.. او الأرشفة ايهما اولا.. هههه
| |
|
|
|
|
|
|
Re: ◘يوميات بكّور◘ (Re: عمر التاج)
|
اتا يا مستجير خليك متشعبط وطالع في مسرح التفكه اللزج دا كدا لغاية ما تقع تكسر حوضك .. ياخ لو مصر على الشعبطة في التظارف والتذاكي الما عندك ليهو رأس دا ألجأ لعمك قوقل يمكن تتعلم الطريقة والأسلوب وفكنا من النمط بتاع العصور الوسطي من زمن السحارة والقطيع والمشلعيب . عرب جزيرة يلموا فيك يملصوك اللابسو قول الله أكبر . .................. ينوبكم ثواب ورونا بكور شخصية من الواقع واللا وهم ساي ؟
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
هسى يعنى يا بكور عشان عارفنى ما بمسح مداخلة زميل تقوم تدرع مداخلتك دى هنا خلاص بشوف صبرى يشوتا ليك ولّ اقوليك يا خى نخليها و يقوم كدى صاحبى تاجو يعمل فيها يومية كاربة من يوميات ابكر اهو نحنا كده دايماَ بنحول الفسيخ شربات
| |
|
|
|
|
|
|
Re: ◘يوميات بكّور◘ (Re: جلالدونا)
|
دا بوست بتاع لجوء سياسي للمداخلات المكنوسة
اضحكتني مداخلة معاوية الصائم الجاب فبها سوط العنج لمداخلتي المسحوبة، لحدي ما دمعت.
قلت في سري: المساكين في نعيم
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
بوست من لا بوست له سبيل يعني عندي بوست عن تصريح مامون حميدة بنات عمو ما سمعن بيهو كشف وزير الصحة ولاية الخرطوم بروفيسور مأمون حميدة عن تلوث بكتيري صاحب عملية تحضير عقار (الأفاستين) الذي حقن به مرضى في مستشفى مكة للعيون بأم درمان مما أدى الى أصابتهم بالتهاب بكتيري. واكد عدم وجود أي اختلال مهني في الحادثة. وقال حميده في تقرير قدمه أمس الى مجلس تشريعي ولاية الخرطوم حول حالات العمى التي أصابت (34) شخصاً قبل أسبوعين. قال إن عقار الافاستين (مسجل وجيد يستخدم في علاج بعض حالات السرطان إلى جانب علاج أمراض العين)، مبينا أن الشركة التي تستورده (شركة معتمدة ومضمونة وساري الصلاحية). وأوضح ان الوزارة أصدرت توجيهاً للمستشفى بمتابعة المرضى لفترة ستة أسابيع حتى تستقر حالتهم الصحية، مشددا على ضرورة إعادة النظر في عملية تحضير العقار لضمان خلوه من التلوث البكتري، و إنشاء معمل صيدلاني مرجعي لضبط فعاليات الأدوية وإنشاء غرفة تحضير متخصصة. كتبتو ولا مافي زول شافو يكون بوست شبح
| |
|
|
|
|
|
|
Re: ◘يوميات بكّور◘ (Re: عبدالحفيظ ابوسن)
|
بفتش لي يا أبسن، في مناسبة أشكرك فيها، حاولت اكتب بيتين شعر، جبت عدة الكلمات، لكن غلبني أخيطن: برق عبير سماء ندى قبس بحر رونق في الأخير قلت أهديك عجز أجمل بيت شعر حسيتو: ابرتين من العبير وخيط ماء
| |
|
|
|
|
|
|
Re: ◘يوميات بكّور◘ (Re: جلالدونا)
|
طبعن يا بن عباس عارفني من حبي ليك مرة ضحكت في عسير ود البشرى سمعني في نواحي الخليج الفارسي. طبعا ما اكضب عليك قلت الزول دا حايوجه على صواريخ من نوع كانت هنا مدينة لذا جهزت نفسي بسواريخ عينة كانت هنا..............
ال.....معناها مادة تخويرية لاتصلح الا في الخاس. وعشان كمان مانزيد الطين كدسة
| |
|
|
|
|
|
|
Re: ◘يوميات بكّور◘ (Re: أبوبكر عباس)
|
سؤالي الفوق قايم تعرف يا بكرى رجعتني تانية ثانوي عام . اول مرة اقرأ مصطفي سند ومن ديك علقت فيهو تعرف مصطفي سند كاتب لي ابيات في اهداء الكتاب ما مضمنة في قصيدة البحر القديم عابوا عليك صداقة الاعمي نديم الفقر وال#################### والخلق الكفيف كيف التجاؤك للبصيص وهذه زهر النجوم تهم حولك بالنزول بعدينك وصفه للانتظار مبالغة ولا الحمي ياخ اشكرك
| |
|
|
|
|
|
|
Re: ◘يوميات بكّور◘ (Re: عمر التاج)
|
Quote: في الأخير قلت أهديك عجز أجمل بيت شعر حسيتو: ابرتين من العبير وخيط ماء |
اب سن هيِّن كدي جيب لينا صدر البيت دا قبل ما يجي ود البشرى يقول ليك: إبرتان
| |
|
|
|
|
|
|
Re: ◘يوميات بكّور◘ (Re: معاوية الزبير)
|
ياسلام عليكم ..
Quote: ياصندل الليل المضاء أفرد قميص الشوق حين تطل سيدة النساء
وتناثر الأحد الصبي يهز أعمدة الغناء
لو ذندها إحتمل الندى لكسوت ذندك ماتشاء
ثوبا من العشب العطري وأبرتين من العبير وخيط ماء
بلور ضلعك ياعصير الريح سال على النوافذ والزجاج
مطرا كدمع الشمع يغسل مدخل الكوخ العتيق من السياج إلى السياج |
: فلتستمر الريالات على الرغم من محاولات بكور التخويرية الفاشلة..
| |
|
|
|
|
|
|
Re: ◘يوميات بكّور◘ (Re: معاوية الزبير)
|
Quote: علووووووووووووووووى يا قلب بالله اديه بالحتة الفيها الحديدة جوك جوك تشكرال
|
بالعنجاوي البسوقو بيهو النوق
اطمئني تمام وضاحة يا شمس الشموس و ياسمينة الروح جوك جوك سيفيوروم
| |
|
|
|
|
|
|
Re: ◘يوميات بكّور◘ (Re: علي محمد الفكي)
|
ارضاء لرغبة المستنيرين والمشتنيرين وغيرهم وبعد اذن صاحب البوست نواصل يوميات بكور هنا ، ونحول روايات ابكر واشياء اخرى لبوست آخر.. على ان تكون الكتابة هناك بالحبر السري فقط.. هنا
| |
|
|
|
|
|
|
|