|
Re: إغلاق البوستات وحذف المداخلات (Re: معاوية الزبير)
|
يا فاضلابي يا صاحب أنا ماشي في الرد بالترتيب ما نسيناك ولا انت انت بتتنسي
Quote: كل بدعة ضلالة وكل ضلالة فى الخور. سلام ياصاحب |
أظن بكري ابو بكر ابتدع الميزتين ديل استجابة لمناشدات بعض الأعضاء وإرضاء الكل غاية لا تدرك، لكن مراجعة الخطوات مطلوبة ومتى ما تغلبت السلبيات على الإيجابيات فالتراجع أوجب أشكرك
| |
|
|
|
|
|
|
Re: إغلاق البوستات وحذف المداخلات (Re: معاوية الزبير)
|
Quote: Quote: من ابتداعهما؟ -----
كل بدعة ضلالة وكل ضلالة فى الخور. سلام ياصاحب |
أهلا بالفاضلابي الرضعان فوق الخلال يكون سيد الحوش لجأ لإضافة الميزتين ديل استجابة لمناشدات بعض الأعضاء وإرضاء الكل غاية لا تدرك، لكن المراجعة مطلوبة وإذا تغلبت سلبيات التجربة على إيجابياتها فلا حرج في التراجع دمت صاحبًا
| |
|
|
|
|
|
|
Re: إغلاق البوستات وحذف المداخلات (Re: Haytham Ghaly)
|
واعتذار سونبهار ل الفاضلابي خليك متذكر تعرف الزول الوحيد الما رد ليهو معاوية رد مباشر هو انا انا متفهم غايتو لكن برضو فرصة للوم والما رادك ما لامك وما يلومك الا عشمان فيك برضو التحية ل معاوية في مكاشفته الجريئة والتحية ل منير في تفهمه ان المكاشفة مكاشفة محبة ولا اعزي جلالدونا مع اني ما عارف لكن بكون يستاهل والعقبة ل ودالمدير واطالب بعودة عثمان عووضة انا بهضرب مالي من الصباح
| |
|
|
|
|
|
|
Re: إغلاق البوستات وحذف المداخلات (Re: Haytham Ghaly)
|
Quote: وإذا تغلبت سلبيات التجربة على إيجابياتها فلا حرج في التراجع |
يا معلّم مافي سلبيات ولا حاجة, الأمور تمام و التجربة حلاتها وعال العال
تعليق يا ود الزبير على قصّتك إنت ومنير, وهي قصّة الأغلبية من الأعضاء وربّما القرّاء ايضا الكتابة لوحدها تفتقد لعناصر مهمة في مسألة التواصل, بالإضافة لمسألة القراءة الإنطباعية و التصنيفية كذلك فلان دا كوز شيوعي ملحد ابن لذين أو أيًا كان الطريقة التي أصنّفه بيها ما بقدر اقرأ تعليقاته مجرّدة كما هي, تلقائيا في فلتر بنزل قدّام عيوني بيضفي لونه و صبغته على الكلام المكتوب كمان ليس التصنيف وحده البنزّل المرشّحات اللونية أوتوماتيك, التجارب و الإحتكاك السابق سواء إيجابي او سلبي و الخبرة الخلّفها تفرض لونها كذلك الحاجة دي بتختفي مع أوّل لقاء حقيقي, أو أحيانا حتى لو مجاملة أو عزاء أو تبادل كلمات طيّبة مثلا بغيّر الإنطباع السابق خاصة السلبي. عشان كدا تلقى كتير من الخلافات العظيمة تذوب وتتلاشى مع أوّل لقاء بين الناس وتقرأ أو تسمع كلمات ما كنت قايله كدا وشخصيته تختلف عن الشخصية الإسفيرية و بتاع بل أحيانا حتى مكالمة تلفون و سماع الأصوات الحقيقية يغيّر ايضا في الإنطباعات رحم الله شيخنا العوض المسلّمي كان حريصا على لقاء الناس و جمعهم بشتّى السبل مما ساهم في إذابة الكثير من الجليد وتصحيح المشاعر السالبة.
| |
|
|
|
|
|
|
Re: إغلاق البوستات وحذف المداخلات (Re: محمد البشرى الخضر)
|
تحية عاطرة للأخوين ود أبسن وودالبشرى لذكر إسمى فى مداخلاتهما .. أصلو أنا بتكيف لمن زوول يجيب إسمى بدون شر .. لاحظ ماقلت بالخير :) .. ويا محمدالبشرى ماعايز أكرر كلام قالوه آخرين، لكين وجودك فى المنبر أغنانى عن كثير من الكتابة والتعب .. وبس .. أما فى حكاية الإنطباعية التصنيفية فلا أعتقد أن الإتجاه الآيدلوجى هو الفيصل فى عضمه ده ، بل طبع الشخصية وحسن الخلق الذى ينعكس فى بصمة الكتابة.. هناك كثيرون ربما تختلف معهم جذرياً من حيث المفاهيم والمواقف المضادة ولكن تحترم حسن خلقهم وتهذيب خطابهم ، وعدم الشخصنة .. عن نفسى أنا أعترف بالحماقة والشتارة والحدة فى الخطاب أحياناً ــ ماطوااااالى يعنى :) ــ ولذلك شايف إنو ما عندى شلة ولا صاحب هههههه .. لكين برضو البجيب المشاكل والحنق هو تناول مواضيع حساسة فى السياسة و الدين والرأى الصارم فى هذه الشئون .. لأنو الشئون السياسية والدينية بتجيب الدم للركب وهى سبب الدوامة التى ندور فيها بلا مخرج .. هسه تفتح موضوع عن الفنون والآداب والجكس يجوك الناس بكل الجماليات :) ..
وبالنسبة للحذف طبعاً رأيى زى رأيك .. بكرى ترك الناس تمارس السلطة بنفسها ، وإلاّ حيقعد يساكك البوستات أمسح أكسح أكشح ودى الخور ... واحدين فى طوكيو ونيوزيلندة وواحدين فى أستراليا وواحدين فـى الخليج وواحدين فى جنوب أفريقيا وواحدين فى أمريكا وواحدين ضاربهم الصقط فى كندا واسكندنافيا .. ده ينوم ده يصحى .. عايزين بكرى يصحى ليهم ٢٤ساعة ويقرأ كل البوستات ويقرأ ماوراء السطور وينقش المطاعنات والتلميحات وووووووو ؟؟.. يازول ده سوبرمان زاتو ما بيقدر عليها .. تلقوها عند الغافل .. أذكى حاجة عملها بكرى إنو أى زوول مسكوه قلمه وإستيكة ، يمارس ديكتاتوريته لغاية ما الناس تشعره أنه فظ غليظ القلب فينفضوا من حوله .. يا أرعوى أو مات إسفيرياً .. لكين رغم ذلك شايف الناس تحن لحكم الفرد الآخر وديكتاتورية الآخر (بكرى) :) ، ولا تريد حكم نفسها من نفسها وبنفسها ولنفسها ..
| |
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
ياعبدالحفيظ ديكاتورية الحذّاف مقصورة عليه هو .. يعنى خارج بوستاته ما عنده أى سلطات .. يعنى مقدور عليها .. لكين لو واحد إشتكاك لبكرى ممكن يحذفك إنت ذاتك والعدة شخصياً .. أها أخير الديكتاتورية الذاتية اللازمة أم المتعدية؟؟ إلا كمان لو تم تطبيق إقتراح إبراهيم إنو تكون عندك سلطة حذف بوستات الآخرين يبقى أمانة يا الديكتاتورية ما جاك زوول، وأمانة يا المنططين عيونكم ما جاكم بلاء ..
| |
|
|
|
|
|
|
Re: إغلاق البوستات وحذف المداخلات (Re: Munir)
|
كتب الأخ عبد الحفيظ أبوسن Quote: ههه شنو يا منير ياخ دخلتنا جوة برواز الشخصية المقهورة ولا بكري زاتو ولا بكري كون اني رافض سياسة الحذف والاغلاق اي زول ياكل نارو تكتب تتحمل نتيجة ما تكتب |
كونك ترفض الحذف والإغلاق رفض مطلق وعام فهذا حقك وهو موضوع نقاش وحوار مشروع ! المشكلة ليست في هذا وإنما في توصيف شخص تم الطعن في شرفه وأمانته بأنه غير ديموقراطي و يصادر حق التعبير وحرية الرأي الآخر لمجرد أنه حذف مداخلات عضو تعدي عليه- تعدي تحاسب عليه القوانين - أو طالب الإدارة بالحذف ومحاسبة الجاني! **** فلنترك حق الرد والإسلوب للضحية ليمارس حق الدفاع عن النفس بكل وسيلة أخلاقية وقانونية - ويصبح من المشروع جدا حذفه للتعدي الشخصي ! القول:- أترك التعدي يترسخ ! أترك هذا فهذه حرية تعبير وهذه هي ضريبة الرأي والرأي والآخر والحرية فيه ظلم أو عدم إحساس بالظلم ! ......
| |
|
|
|
|
|
|
Re: إغلاق البوستات وحذف المداخلات (Re: كمال عباس)
|
Quote: أرجو أن أفيدك بأن أولويتي لم تعد مناقشة الفكرة الجمهورية أو الجدال في مقولاتها، خاصة النقاش الدائري الذي لا يصل إلى نتيجة، وقد ناقشتك بما يكفي في تقديري، ووصلت إلى قناعة أن ذلك يهدر وقتي فيما لا يفيد. ولكني أهتم بإعداد الأرضية الضرورية لإقامة منابر حرة بمعنى هذه الكلمة. ولدي خطة في فتح مواضيع مكافحة الأفكار التي تدعو إلى تطبيق الشريعة الإسلامية لأنها، في تقديري، تنتهك الحقوق الأساسية، وتفتح الباب للإرهاب والتكفير، وقد أوضحت ذلك في عديد مداخلاتي معك وحتى في هذا البوست. مرحبا بمشاركاتك في بوستاتي إذا كنت تقر وتعترف بالمادتين 18 و 19 من الإعلان العالمي لحقوق الإنسان:
المادة 18.
لكل شخص الحق في حرية التفكير والضمير والدين، ويشمل هذا الحق حرية تغيير ديانته أو عقيدته، وحرية الإعراب عنهما بالتعليم والممارسة وإقامة الشعائر ومراعاتها سواء أكان ذلك سراً أم مع الجماعة.
المادة 19.
لكل شخص الحق في حرية الرأي والتعبير، ويشمل هذا الحق حرية اعتناق الآراء دون أي تدخل، واستقاء الأنباء والأفكار وتلقيها وإذاعتها بأية وسيلة كانت دون تقيد بالحدود الجغرافية.
|
طيب ما ابقى جمهوري عدييل واريحك !!!
Quote: وقد ناقشتك بما يكفي في تقديري، ووصلت إلى قناعة أن ذلك يهدر وقتي فيما لا يفيد |
كدا قفلتها بالضبة يا ياسر !!
Quote: مرحبا بمشاركاتك في بوستاتي إذا كنت تقر وتعترف بالمادتين 18 و 19 من الإعلان العالمي لحقوق الإنسان:
|
وهل كل الذين تحاورهم في هذا البوست يؤمنون بهذه المواد ، وهل كنت اؤمن انا بها يوم ان كنت تحاورني في بوستاتي وبوستاتك ؟؟ هذا هروب وتولي يوم الزحف !!! لا اعتقد ان المساهمة في بوستاتك مهمة لدرجة ان اؤمن بمبادئ شخص جند نفسه لمحاربة شرع الله ويحتمى بقوانين اليهود والنصارى !! حوارك ليس من الأهمية بمكان حتى أغير قناعاتي واقتنع بحرية التمرد على الله وحرية الردة والمحاورون كثر خاصة وانك شخصيا تفتقر الى المعرفة بالفكرة نفسها .
Quote: ولدي خطة في فتح مواضيع مكافحة الأفكار التي تدعو إلى تطبيق الشريعة الإسلامية |
أعوذ بالله ، يعني كتبت نفسك مع فرعون وهامان وابا جهل وامية بن خلف ، إعلان الحرب على الله !!! كنت اتوقع ان تكون شروطك هي عدم السب والجرح والشتم والإتزام بلوائح المنبر والتي تتشدقون بها دوما ولكنك في طريقك ان تقترح علي الكفر بدين الله حتى اشارك في بوستاتك !!! آسفين يا ود الزبير ودي آخر مداخلة لي هنا . تحياتي
| |
|
|
|
|
|
|
Re: إغلاق البوستات وحذف المداخلات (Re: محمد الزبير محمود)
|
تحياتي كمال حرية التعبير وفقا لتحمل مسؤولية الكلمة تحمل المسؤولية دي وفقا للضوابط والقوانين . تجاوزتها بتحاسب .. الحساب زاتو معروف مش مجهول وفقا للسعار عملت كدة بحصل لي كدة . ف شنو حتي العقوبة لا تمثل غبينة لمعرفتي السابقة لكن حكاية انك ما تكون عارف العقوبة شنو ولا تصنيف الجرم زاتو دي مشكلة الاساءة الشخصية ستكون في اذهان من قرا تنتفي بإثبات عدم صحتها
| |
|
|
|
|
|
|
Re: إغلاق البوستات وحذف المداخلات (Re: عبدالحفيظ ابوسن)
|
تغيبت عن هذا البوست لأسباب عدة، منها ما هو تقني وآخر نفسيات ساكت الخ لكن بالتأكيد ليس من بينها تجاهل أو تقليل من مداخلات الزملاء الأعزاء الذين أرجو أن يتقبلوا اعتذاراتي الأكيدة آسف يا شباب: - ناصر جامع - Kamal Omer - م ع طه الملك - محمد محمد قاضي - علاء سيد أحمد - محمد حيدر المشرف
كذلك أشمل بالاعتذار الذين تداخلوا أكثر من مرة واحدة ولم أتمكن من الرد عليهم، وأي زول سهوت عن ملاحظة اسمه عسى أن نعود إلى موضوع البوست مرة أخرى، وما أكثر مناسباته ---- هسي ممكن نتوقع سيد الحوش يجي يرد علينا .. ولّ نقوم على اللقيمات الحارة دي نجضمها في الصقط دا!
| |
|
|
|
|
|
|
|