تدرس وزارة الاستثمار السودانية، إعداد دراسات فنية تفصيلية لمشاريع استثمارية صغيرة ومتوسطة يتم طرحها على المغتربين، إلى جانب مشاريع للمناطق والأسواق الحرة تمنح أولويتها لهم وكذلك مقترح من الإدارة المختصة بالوزارة لإنشاء نافذة خاصة لهم. وبحث وزير الاستثمار د. مدثر عبدالغني عبدالرحمن، مع الأمين العام لجهاز تنظيم شؤون السودانيين العاملين بالخارج د. كرار التهامي، بمباني الوزارة في العاصمة الخرطوم، يوم الثلاثاء، آفاق التعاون المشترك بين الوزارة والجهاز. وتناول اللقاء كيفية تطوير المبادرات الخاصة لتعزيز وتطوير استثمارات المغتربين والحزم التشجيعية التي تقدمها الوزارة. وأكد اللقاء على ضرورة الاستفادة من المناخ الاقتصادي بالبلاد بالشكل الذي يخدم قطاعات المغتربين، وأمن على عقد اجتماع موسع الأسبوع القادم للنظر في عدد من المقترحات المتعلقة بالأمر. وزير الاستثمار يؤكد على أهمية تفعيل وتطوير دور المغتربين في قضايا الإنتاج والدفع بالاقتصاد الوطني عبر المشاريع الاستثمارية المختلفة “ومن بين المقترحات التي ستتم مناقشتها في الاجتماع المرتقب، إعداد دراسات فنية تفصيلية لمشاريع استثمارية صغيرة ومتوسطة. وستقوم الجهات المختصة بطرحها للمغتربين، إلى جانب مشاريع للمناطق والأسواق الحرة تمنح أولويتها لهم وإنشاء نافذة خاصة لاستثمارات المغتربين تمكنهم من كافة الإجراءات والمعاملات والمعلومات بشكل سريع. وشدد اللقاء على ضرورة بلورة تلك المبادرات بالشكل الذي يخدم أبناء السودان في دول المهجر. وأكد وزير الاستثمار على أهمية تفعيل وتطوير دور المغتربين في قضايا الإنتاج والدفع بالاقتصاد الوطني عبر المشاريع الاستثمارية المختلفة. وقال عبدالغني خلال اللقاء، إن الوزارة حريصة على تقديم التسهيلات كافة التي من شأنها تشجيع المغتربين على الدخول في مشاريع استثمارية. شبكة الشروق
02-07-2017, 08:13 PM
Deng
Deng
تاريخ التسجيل: 11-28-2002
مجموع المشاركات: 52561
دي أكيد مآكلة كيزانية جديدة. أنها أحدا محاولات الكيزان للإحتيال على المغتربين والإستيلاء على أموالهم. ------------------------------------------------- ياخ ما تضلل الناس ساكت يمكن الحكاية دي يكون فيها منفعة للعامة
02-08-2017, 05:40 PM
Munir
Munir
تاريخ التسجيل: 02-11-2002
مجموع المشاركات: 10496
الأخ محمد بشير عبادى .. سلامات .. أعتقد إنو الناس فقدت الثقة فى أى شئ حكومى وأى دقن حايمة فى الخارج بإسم الحكومة .. وكلمة "إستثمار" ذاتها فقدت معناها الأصلى وأصبحت "سمسار" .. ولا يلدغ المؤمن من الجحر مية مرة ..
عندى إقتراح : بدلاً عن إنو الحكومة تعتمد على ثقة المغترب بها وتستحلب أمواله ليدلقها فى الداخل على السراب، خلى الحكومة تثق مرة واحدة فى المغتربين تحوّل أموالها لجمعيات المغتربين يستثمروها ليها فى الخارج !!!..
أها كده كيف؟؟ .. :) ..
02-08-2017, 05:47 PM
محمد بشير عبادى
محمد بشير عبادى
تاريخ التسجيل: 04-12-2016
مجموع المشاركات: 1162
والله فكرة كويسة اخ منير دي زي الهنود في الخليج .. بتجمعوا وبعملوا شيرنق وبستثمروا في البلد المقيمين فيها .. بعملوا مولات ضخمة ومطاعم وهكذا واي واحد شغال بكون عندوا نصيب من الاستثمار لما يرجعوا بلدهم بكون عندهم اموال طايلة بس للاسف السودانيين بره ما بعملوا جمعيات زي دي .. كل واحد بكون في حاله
02-08-2017, 05:47 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
الأخوة عبادى وجمال القوز .. قلنا نعكس اللعبة شوية .. من الخارج للداخل القصة بايظة والثقة أصبحت صفر .. خلينا نشوف من الداخل للخارج .. يمكن تشتغل المافى شنو؟؟..
02-09-2017, 00:15 AM
عبدالعزيز الفاضلابى
عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: خلى الحكومة تثق مرة واحدة فى المغتربين تحوّل أموالها لجمعيات المغتربين يستثمروها ليها فى الخارج !!!.. أها كده كيف؟؟ .. :)
غايتو جنس شِدة الشوايقة ولِضَّتم؟ يامنير الحكومة حا تقول ليك الـ خَلَّا دى رجل ودى كراع شنو ياعبادى كدى خلونا من استثمارات المغتربين الحكومة عملت لينا فى اراضى الوادى اللَّخَدَر شنو؟ باعوا لينا حبل بدون بقر.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة