ول ابا ..استاذي وصديقي فضيلي....حبابك.. ده شنو يا ولد ابا ؟..يعني لازم العصر من الأيد البتوجع يا صديقي؟..
كتر خيرك يا فضيلي على هذه اللفتة الأمينة البارعة..!
العافية في راس الكوكاب .. وفي شان المحبة ، حابسين الدمعة بالصنقاع، يا ول ابا..والباقي باقي يااااااااااااااااخ..!!
منعم رحمه لم التقيه ، وهو في القائمة القصيرة.. الشورت لست.. على قول صحابنا الخواجات..من اهل امسودان ممن نتمنى لقائهم قبل فوات الآوان..!!
وذلك لأمرين: الأولاني.. مساهمة منعم ، في براح دولة نيفاشا (حكومة الوحدة الوطنية والشراكة بين الحركة الشعبية والمؤتمر الوطني..ولا شنو كده ما عارف..!!) وقتها ، ان لم تخني الذاكرة.. منعم كان واحد من المهمومين والمؤسسين لمركز ثقافي في عاصمة بحر ازرق (طيبة الذكر الدمازين)..!!
ولكن الأهم ، منعم هذا ، يا فضيلي ، فعل فعل كبير ونبيل للغاية ، تذكره نبالة ذاكرة القبائل اياها ، وصدقني يا فضيلي ، منعم في ذات نفسه قد نسى ما فعل..ولكن..!! بقدر ما كانت امسودان واسعة شديد ، ولاتزال ، فذاكرة اهلها ، لا زالت قادرة على التقاط التفاصيل الصغيرة النبيلة..!!
رجل اتمنى ان التقيه ، بطريقتي الخاصة ، كف ساموطي ، ثم بعد داك سرد نبل الأشياء والمحبة والليبرالية في ذات نفسها ، يا منعم يا رحمه..!!!!..وما تبقى من وقت ، يظل لسرد اشواق الشعر الجميل ، او كما قال..!!
عارف يا منعم ، لا ح اضيف ليك ابونا الأستاذ عثمان سبت ، ولا صديقنا الليجند عاصم قرشي..!!..ح اضيف ليك استاذنا الجمري حامد..!!..أي والله الجمري ..ومن عجب بيغني المنجل...!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة